ජී එල් හා මුස්තාෆා

ජී එල් හා මුස්තාෆා

මා ලියන කියන බොහෝ දේට බොහෝ දෙනා (අතිවිශාල බහුතරය -– හතරපස්දෙනකු මගේ ලිපි මුහුණු පොතේ පළ කරනවා. ඒවාට කැමැත්ත පළ කරන්නේ ඉතා සුළු පිරිසක්. – බොහෝ මහින්දවාදීන්ට අනුව මා සිරිජාතිකවාදියෙක්. සිරිසේනවාදීන් මා ගැන දන්නෙවත් නැහැ.) අකමැති බව මා දන්නවා. මේ ලියන දේ කියවන්නන් ඉන්නේ ඉතා ම අඩු පිරිසක් බවත් දන්නවා. මේ ලිපිවලින් සතපහක වැඩක් වන්නේ නැති බවත් දන්නවා. ඒත් මා මෙයට ඇබ්බැහි වෙලා. මේ දවස්වල නීතිය ගැන වැඩිපුර කතා වෙනවා. පාර්ලිමේන්තුව කියන්නෙ නීති හදන තැන. අධිකරණය කියන්නේ පාර්ලිමේන්තුව වෙනුවෙන් නීති විවරණය කරන තැන. අද ප්‍රධාන කතා දෙකක් කියැවෙනවා. එකක් මහින්දට (හා චන්ද්‍රිකාට) නැවතත් ජනාධිපති අපේක්‍ෂකයකු ලෙස ඉදිරිපත් වන්න පුළුවන් ද කියන එක. දෙවැන්න සීමා නීර්ණ වාර්තාවට ෆයිසර් මුස්තාෆාත් විරුද්ධ ව ඡන්දය දීම. මුස්තාෆාත් ජනාධිපති නීතිඥයෙක්. මහින්දට පුළුවන් කියන ජී එල් සම්ම ජාතියේ උසාවි ගිහින් නැහැ. ඔහු නීතිය පිළිබඳ මහාචාර්යවරයෙක්. සේවාර්ජිත (සම්මානිත) මහාචාර්යවරයෙක්. නීතිය පිළිබඳ පොත්පත් ලියල තියෙන කෙනෙක්. නීතියට කිසිම දෙයක් අලුතෙන් එකතු කරලා නැති කෙනෙක්. මෙරට කිසිම නීතිඥයෙක් නීතියට අලුත් දෙයක් එකතු කර නැති නිසා ඒකෙ ගාණක් නැහැ.

සිංහල බෞද්ධ අසමගිය හා බුද්ධිය නැතිවීම

සිංහල බෞද්ධ අසමගිය හා බුද්ධිය නැතිවීම

අද දි අයිලන්ඩ් පුවත්පතේ පිටරට සිටින ශ්‍රී ලාංකික අධ්‍යයනිකයන් යැයි කියා ගන්නා පිරිසක් සිංහල බෞද්ධයන් ප්‍රචණ්ඩ ක්‍රියාවලට වරද කරුවන් කරමින් ලිපියක් පළ කර තිබෙනවා. ඔවුන් දෙමළ ත්‍රස්තවාදීන් අහිංසක මිනිසුන් ඝාතනය කරන විට සිටියේ කොහේ දැයි අප අසන්නේ නැහැ. ඒ දෙමළ ත්‍රස්තවාදීන්ට දෙමළ ජාතික සංධානයේ නොමඳ සහාය ලැබුණු බව ද අපට අමතක කරන්න බැහැ. එකී සංධානයේ මන්ත්‍රීවරුන් හා සාමාජිකයන්  පාර්ලිමේන්තුවේ ද වෙනත් තැන්වල ද දෙමළ ත්‍රස්තවාදීන් වෙනුවෙන් පෙනී සිටියා. අදත් පෙනී ඉන්නවා. සුමන්තිරන් මේ කණ්ඩායමේ නිල නොලත් නායකයා ලෙස කටයුතු කරනවා. ඔහු පැහැදිලි ව ම සිංහල බෞද්ධ විරෝධී දෙමළ මැතෝදිස්ත බැතිමතෙක්.

ගෝඨාභයගේ අනාගතය

ගෝඨාභයගේ අනාගතය

පොදුජන පෙරමුණේ ජනාධිපති අපේක්‍ෂකයා ලෙස ගෝඨාභය රාජපක්‍ෂ තේරී ඇති බව පැහැදිලි ය. අපි ඔහුට සුබ පතමු. ගෝඨාභයගේ ජනාධිපති අපේක්‍ෂකත්වයට තේරීම අන් කාහටත් වඩා දිලිත් ජයවීරගේ ජයග්‍රහණයක්. ගෝඨාභය වටා අද ඉතා ඉහළ ම පෙළේ බුද්ධිමතුන්, ව්‍යාපාරිකයන්, දේශපාලනඥයන්, ජනමාධ්‍යවේදීන්, ජනමාධ්‍ය ප්‍රධානීන් පෙළ ගැසී තියෙනවා. ඔහු ජනාධිපති අපේක්‍ෂකයා ලෙස ජාතික ව්‍යාපාරයේ නියුතු වූවන්ට හඳුන්වාදීමේ සභාවක් පසුගිය දා කොල්ලුපිටියේ හෝටලයක පැවැත්වුණා. එහි දී මා මතු කළ අදහස් කිහිපයක් තවමත් වලංගුයි. එහෙත් මා බුද්ධිමතකුවත් ව්‍යාපාරිකයකුවත්, ජනමාධ්‍යයට සම්බන්ධ අයකුවත් නො වෙයි. මා බුද්ධියෙනුත් ධනයෙනුත් ජනප්‍රසාදයෙනුත් දුගියෙක්.  මහින්දවාදීන්ට අනුව මා සිරිසේනවාදියෙක්, කොන්ත්‍රාත්කාරයෙක්, මුග්ධයෙක්, බකපණ්ඩිතයෙක්, ගේම්කාරයෙක්, විහිළුකරඬෙක්, නිකරුණේ මිනිසුනට බැණ වදින්නෙක්, මගේ කතාව තමන් මෙන් හුදී ජන පහන් සංවේගය සඳහා නොලියා ජනතාවට ඒත්තු ගන්වන්න උත්සාහ කරන්නෙක්,  සහ තවත් එවැනි අයෙක්. ඒ බුද්ධිමතුන්ට අනුව මා කළ වරද කිහිපයක් තියෙනවා. ප්‍රධාන ම එක රනිල් ඉවත් කිරීමට මෛත්‍රිපාලට ශක්තිය ලබා දෙන ලෙස කළ ඉල්ලීම.

ප්‍රශ්නය ඉවර නැහැ ජාතිය අන්තිම පැයේ

ප්‍රශ්නය ඉවර නැහැ ජාතිය අන්තිම පැයේ

දැන් ප්‍රශ්නය ඉවර ද? සමහරවිට කලබල නම් ඉවර ඇති. මේ සියල්ලට ම වරදකරුවා මුහුණු පොත ද? අර තරුණ ගැටවු දෙදෙනා ද මේ ප්‍රශ්න සියල්ල ඇති කෙළේ? ඔවුන් අත් අඩංගුවට ගැනීමත් සමග ප්‍රශ්නය ඉවර වුණා ද? එහෙමත් නැත්නම් මහින්ද ලොහාන් රත්වත්තෙගෙ නුවර ගෙදරට ගිහින් ප්‍රශ්නය විසඳුවා ද? එහෙමත් නැත්නම් තමා ආනන්දෙ ඉගෙන ගත්ත බෞද්ධයකු යැයි කියන හමුදාපති හදිසි නීති යටතේ ප්‍රශ්නය විසඳුවා ද? දැන් අහන්න පුළුවන් ප්‍රශ්නය මොකක් ද කියලා. මාත් දන්නෙ නැහැ ඔය ප්‍රශ්නය මොකක් ද කියලා.

දීර්ඝ ගමනක අවසානය

දීර්ඝ ගමනක අවසානය

අද හැම තැනක ම වගේ ඇහෙන්නෙ සාම කතා. සාමය නැත්තෙ සිංහල බෞද්ධයන් නිසා කියන කතා. සිංහල බෞද්ධ උගතුන් යැයි කියන්නන් ඒවාට වටලප්පන් කතා කියනවා. අප වටලප්පම බෙදා ගන්නවා කියනවා. මෙරට ජාතිවාදයක් නැහැ කියලා හැමෝම වගේ අපට කියනවා. ඒ වුණාට කොත්තුව බෙදා ගන්නෙ නැහැ. කොත්තුවට වඳ පෙති දාලා කියනවා. බැලුව ම ඒක වඳ පෙත්තක් නොවෙයි. ඒක පිටි ගුළියක් කියලා කියනවා.

නැවතත් තෙල්දෙණියට

නැවතත් තෙල්දෙණියට

තෙල්දෙණිය ගැන කතන්දර රාශියක් කියලා තියෙනවා. ජනතාවගෙන් සන්සුන් වන්න කියලා බොහෝ දෙනා ඉල්ලීම් කරලත් තියෙනවා. ඒ ඉල්ලීම හොඳයි. ඒත් මිනිසුන් ඉල්ලීම් පිළිගන්නෙ නැහැ. මිනිසුන් වැඩ කරන්නෙ සිතැඟි උඩ. අද වෙන විට  හදිසි නීතිය පනවලා. ඒ නිසා මිනිසුන් ටිකක් කලබල නොකර සිටීවි. එයින් මා කියන්නේ හදිසි නීතිය හොඳයි කියන එක නො වෙයි. අද ඇමරිකන් එක්සත් ජනපද රාජ්‍යයත් කියනවා හදිසි නීතිය ඉවත් කරන්න කියලා. ආණ්ඩුව ඒකට නම් ඇහුන්කන් දේවි. බොහෝ විට සතියකින් හදිසි නීතිය ඉවත් කරන්න ඉඩ තියෙනවා.

තෙල්දෙණියෙන් පාර්ලිමේන්තුවට

තෙල්දෙණියෙන් පාර්ලිමේන්තුවට

තෙල්දෙණිය සිද්ධිය ගැන තොරතුරු වාර්තා වන්නේ අසම්පූර්ණ ව.  ලැබී ඇති තොරතුරුවලින් පෙනී යන්නේ මෙය රථයක් පසු කර යෑමට ඉඩ නො දීම හෝ ඉඩ ලබා ගැනීමට නොහැකි වීම නිසා හෝ එක් පාර්ශ්වයක් අනෙක් පාර්ශ්වයට පහර දීමක් බවයි.  මෙහි දී මා වැරදි වන්න පුළුවන් බවත් අවධාරණය කළ යුතුයි. අවාසනාවකට පහර දුන් අය මුස්ලිම් වූ බවක් පෙනී  යනවා. මරණයට පත් වූ තැනැත්තා නම් සිංහල බව පැහැදිලියි. පහර දුන් අයත් සිංහල වී නම් හෝ දෙපැත්ත ම මුස්ලිම් වී නම් හෝ ප්‍රශ්නය මෙතරම් දුරදිග යන්නේ නැහැ.

විල්පත්තු සංහාරයට සිංහල බෞද්ධයන් වග කිව යුතුයි

විල්පත්තු සංහාරයට සිංහල බෞද්ධයන් වග කිව යුතුයි

විල්පත්තු සංහාරය ගැන නැවතත් කතා කරනවා. ඒ සංහාරය ගැන කතා කරන්නන් ඉතා වැඩි පිරිස සිංහල බෞද්ධයන්. සිංහල කතොාලික/ක්‍රිස්තියානි අය ද කිහිප දෙනෙක් ඉන්නවා. එහෙත් දෙමළ මුස්ලිම් අය ඒ ගැන සාමාන්‍යයෙන් කතා කරනු දකින්නට නැහැ. ඒ බවක් ජනමාධ්‍යයෙහි වාර්තා වන්නේ නැති නිසයි මා එහෙම කියන්නේ. විල්පත්තු සංහාරය ගැන පරිසරය පැත්තෙන් මෙන් ම දේශපාලනය පැත්තෙන් ද කතා කරන්න පුළුවන්.

ජාතිවාදීන් කවු ද?

ජාතිවාදීන් කවු ද?

මෙරට බොහෝ සිංහල බෞද්ධයන් හා පොදුවේ සිංහලයන් බොහොමයක් හැරෙන්න අනෙක් සියලු දෙනා ම පාහේ ජාතිවාදීන් හෝ ආගම්වාදීන් හෝ බව පැහැදිලියි. සිංහල බෞද්ධයන්ට මෙරට හිමි විශේෂිත තත්වයක් තිබෙනවා. ඒ විශේෂත්වය අවුරුදු දහස් ගණනක් තිස්සේ පැවතෙනවා. ඉංගිරිසින් වුවත් ඒ විශේෂත්වයට ගරු කළා. 1815 ගිවිසුමෙන් පමණක් නොව 1892 ආඥා පනතෙන් ද ඉංගිරිසින් මේ විශේෂත්වයට ගරු කළා. ඕල්කට් බෞද්ධයන් ඊනියා ජාත්‍යන්තර බෞද්ධයන් ලෙස සිංහල බෞද්ධයන්ගෙන් වෙන් වූ පසු සිංහල බෞද්ධයන්ට හිමි ව තිබූ විශේෂත්වය නැති වීමට පටන් ගත්තා.