කෝ මේ සංහිඳියාව
ජනවාරි එකොළොස්වැනි දා රිවිර පුවත්පතේ පළ වූ ලිපියකින් සියම් මහා
නිකායේ රෝහණ පාර්ශ්වයේ අනුනායක ඕමාරේ කසස්ප හිමිපාණන් වහන්සේ වැදගත් හෙළිරවුවක් කර
තිබුණා. යාපනයේ නාග විහාරාධිපතීන් වහන්සේගේ ආදාහන පූජොත්සවය තහනම් කිරීමට යාපනයේ
මහේස්ත්‍රාත්වරයකු දී ඇති තීන්දුවක් පිළිබඳ උන්වහන්සේ සඳහන් කර තිබුණා. මේ ලිපිය
ජාතික යැයි කියා ගන්නා වෙනත් පුවත්පතකට ද යවා ඇති නමුත් එය එහි පළ වී නැති බව දැන
ගැනීමට තිබෙනවා. ඒ තත්වය යටතේ රිවිර ඒ ලිපිය පළ කිරීම ගැන අප අදාළ පුද්ගලයන්ට කෘතඥ
විය යුතුයි. එමෙන් ම පූජ්‍ය කස්සප හිමිපාණන් වහන්සේටත් අපේ ප්‍රණාමය හිමි විය
යුතුයි.
