History
▼
ධනේශ්වරය හා සිංහල බෞද්ධ ආධිපත්‍යය 2
"පසුව අයින්ස්ටයින් නිවිටෝනීය ගුරුත්වාකර්ෂණය මුළුමනින්ම ඉවත දමා වෙනත් ම කතන්දරයක් ගොතා බුධ වස්තුවෙහිද අනෙක් ග්‍රහ වස්තුවල ද චලිතය විස්තර කර දුන්නේ ය. එතෙක් බටහිර භෞතික විද්‍යඥයන් නිවිටෝනීය ප්‍රවාදය අතනින් මෙතනින් සංශෝධනය කළා මිස ගුරුත්වාකර්ෂණය හැරෙන්නට වෙනත් ප්‍රපංචයක් අධිනිර්ණය වී ඇතැයි කීමට ඉදිරිපත් නො වූහ. බටහිර විද්‍යාවෙි ඉහළින් ම සිටින භෞතික විද්‍යාඥයන් ක්‍රියා කරන්නේ එලෙසිනි.
එහෙත් තමන් බටහිර විද්‍යාඥයන් යැයි කියා ගන්නා මාක්ස්වාදීන් තම පංති ප්‍රවාදයෙන් ඉතිහාසයේ විකාශය තේරුමි කරදීමට අසමත්වූවිට ක්‍රියා කරන්නේ වෙනත් ම ආකාරයකට ය. ජාතිය යන සංකල්පය පිළිගැනීමට අකමැති වූ ද ජාතිය යන්න ඊනියා ව්‍යාජ මනසේ නිර්මාණයක් පමණක් යැයි ද කියමින් බටහිර මාක්ස්වාදියෝ ජාතිය අධිනිර්ණය වී ඇත යන විකාරය ගෙතූහ. ඔවුන්ට බංකොළොත් පංති සංකල්පය ඉවත දැමීමට තරමි ධෛර්යයක් නැත. ඒ අතරම ජාතියක් යනුවෙන් ප්‍රපංචයක් ඇතැයි කීමට තරමි අවංකකමක් ද නැත."
