ගණනාථ ද නාථ ද?

ගණනාථ ද නාථ ද?

මේ ලිපිය හැඳින්වීමක් පමණයි. අප මේ මාතෘකාවෙන් හෝ තේමාවෙන් හෝ මහනුවර දී හෝ පේරාදෙණිය්දි හෝ සම්මන්ත්‍රණයක් පැවැත්වීමට බලාපොරොත්තු වෙනවා. මෙය දැනුම පිළිබඳ ප්‍රශ්නයක්. දැනුම යනු කුමක් ද කියන එක පිළිබඳ ප්‍රශ්නයක්. ඥානය හා විඥානය පිළිබඳ ප්‍රශ්නයක්. විඥානයේ වි උපසර්ගයෙන් කියැවෙන්නේ උසස් බවක් ද විරුද්ධභාවයක් ද යන්න පිළිබඳ ප්‍රශ්නයක්. මට නම් විඥානය කියන්නේ වැරදි ඥානයක්. තමාගේ හා අවට පැවැත්ම පිළිබඳ වැරදි ඥානය. මෙය ඊනියා යථාර්ථය පිළිබඳ ප්‍රශ්නයක්. ඊනියා වාස්තවිකත්වය පිළිබඳ ප්‍රශ්නයක්. ඊනියා අපක්‍ෂපාතීත්වය පිළිබඳ ප්‍රශ්නයක්. පැවතීම පිළිබඳ ප්‍රශ්නයක්.

රාජපක්‍ෂලාට එරෙහි ව රාජපක්‍ෂලා

රාජපක්‍ෂලාට එරෙහි ව රාජපක්‍ෂලා

ගණනාථ ද නාථ ද ලිපිය ලිවීම දිනෙන් දින කල් යනවා. ඒ අතර ගණනාථලා අනුව යන එච් එල් සෙනෙවිරත්න වැනි සමාජ විද්‍යාඥයන් යැයි කියා ගන්නා අනුකාරක ශාස්ත්‍රීය දුගියන් මේ සියලු ප්‍රශ්නවලට වග කිව යුත්තේ පනස්හයේ පෙරළිය කියා කියනවා. ඔහු  දිනක් මා හමුවීමට පැමිණියා. ඔහු මොන තරම් අනුකාරක ශාස්ත්‍රීය දුගියකු ද යන්න මා එදා මොනවට අවබෝධ කර ගත්තා. ඔහු ලංකාවට පැමිණි දිනෙක නැවත හමුවීමට හැකි නම් හොඳයි. මා හමුවීමට පැමිණෙන බොහෝ දෙනා නැවත මා හමුවීමට එන්නේ නැහැ. ඔවුන් අතර  අනුකාරක ශාස්ත්‍රීය දුගියන් ද කසිකබල් දේශපාලනඥයන් ද සිටිනවා. වරක් එක් පූජකවරයකු මා හමුවීමට ඉබ්බාගමුවෙන් පැමිණියා. ඔහුටත් මහා විශ්ලේෂකයකු ලෙස පෙනී සිටින යුග පෙරළිකාර වත්මන් මන්ත්‍රීවරයකුටත් පමණක් නැවත නොපැමිණෙන ලෙස අණ කරන්න  මට සිදු වුණා.

සිද්ධි දෙකක්

සිද්ධි දෙකක්

ගෙවී යන සතියේ වැදගත් නොවුණත් වැදගත් සිද්ධි දෙකක් ගැන යමක් කිව යුතුයි. මා ඊනියා අපෝහකයක් හෙවත් දයලෙක්තිකයක් කතා කරනවා නො වෙයි. දයලෙක්තියක් ගැන කතා කරන අයට අනෙක් බොහෝ දේ මෙන් ම එය අවබෝධයකින් තොරව තම පඬි බව පෙන්වීමට යොදා ගන්නා වචනයක් පමණයි. මාක්ස්වාදී අපෝහකය තවත් රූපිකයක් පමණයි. අපෝහකයේ රූපිකය පොතෙහි මේ ගැන සඳහන් වෙනවා. කසිකබල් මාක්ස්වාදීන් හා වෙනත් පඬියන් අපෝහකයක් ගැන පාරම්බාන්නේ චතුස්කෝටිකය ගැන දැනීමකින් තොරව. චතුස්කෝටිකය බටහිර අපෝහකයට වඩා බෙහෙවින් පොහොසත්. මෙරට ඊනියා උගතුන්ට ග්‍රීකයන්ගෙන් තොර ලෝකයක් නැහැ. හෙරෙක්ලිටස් අයකුට එක ම ගඟට දෙවරක් බහින්න බැරිය කී කතාව ඔවුන්ට හරි වැදගත්. අප දන්නේ ගඟක් කියා දෙයක්වත් අයකු කියා පුද්ගලයකුවත්, එක වර කියා ක්‍ෂණයක්වත් නැති බව. දෙවරක් ගැන කතා කුමට ද?

රනිල් ද චන්ද්‍රිකා ද ඉවත් කළ යුතුයි

රනිල් ද චන්ද්‍රිකා ද ඉවත් කළ යුතුයි

මා අද ලියන්න සිටියේ ගණනාථ ද නාථ ද කියා. ගණනාථ කියන්නේ අනුකාරකයන්ගේ සේකරට, ඔබේසේකරට මිස මගේසේකරට නො වේ. මගේ සේකර බුදුහාමුදුරුවන්. නාථ කියන්නේ මතු බුදු වන නාථ දෙවියන්. මාතෘකාවෙන් අදහස් කෙරෙන්නේ ගණනාථ නාථ සමග කිසිසේත් ම සම කිරීමක් නො වෙයි. ගණනාථ ප්‍රින්ස්ටන් විශ්වවිද්‍යාලයේ මහාචාර්ය ධුරයක් දැරූ ව්‍යාජ බටහිර බුද්ධිමතෙක්. බටහිර බුද්ධිමතකු වීමට නම් වියුක්ත සංකල්ප, ප්‍රවාද නිර්මාණය කරන්න ඕන. අපි පසුව ඒ ගැන කතා කරමු. ගණනාථත් යෙදී ඉන්නේ වක්‍ර ව වුවත් සිංහල බෞද්ධ විරෝධී දේශපාලනයක නමුත් සෘජු  දේශපාලනයට ඉඩ දී ඔහුට මේ ලිපියෙන් ඉවත් වෙන්න වෙනවා. ඒ වෙනත් දෙදෙනකු ඉවත් කිරීම වඩා වැදගත් නිසා.

හොරා පොලිස්

හොරා පොලිස්

මා නම් ජනමාධ්‍යවේදියෙකු නො වෙයි. කලක් කාලය සඟරාව සංස්කරණය කළත් පසු කලෙක ලක්මිණ පුවත්පතේ කතුකම නිල නොවන අයුරින් කළත් මා ජනමාධ්‍යයකු වන්නේ නැහැ. කාලය සඟරාව 1987 සිට හතරවරක් විටින් විට පවත්වාගෙන යෑමට උත්සාහ කළත් එය කළ නොහැකි වූවා. ජනතාව ආකර්ෂණය වන අයුරකින් ලියන්න කියන්න මට බැහැ. අනූවේ දශකයේ මුල ලක්මිණ පූවත්පත ඇරඹූ විට නිල නොවන වශයෙන් එහි කතෘ වූයේ මා.  එහි විමල් වීරවංශ, ඩලස් අලහප්පෙරුම මෙන් ම චම්පක රණවකත් ලේඛකයන් අතර වුණා. (අද රාවය කතෘ ජනරංජන කාලයටත් ලක්මිණටත් කාටුන් ඇන්දා.) නිල වශයෙන් කතෘ වූයේ සුනිල් මාධවයි. එහෙත් කතුවැකි ලිව්වේත් පුවත්පත සංස්කරණය කෙළේත් මා. ගෙවිඳු ආධාර කළා. එකලත් මා කොටි පරාජය කළ යුතුය කළ හැකි ය යන මතයේ සිට පුවත්පත සංස්කරණය කළා. එයට ව්‍යාජ සමාජවාදීන් විරුද්ධ වුණා. ඔවුන් පුවත්පතේ අයිතිකරු තිලක් කරුණාරත්නට මගේ ප්‍රතිපත්තියට විරුද්ධව කරුණු කියා මා පුවත්පතේ කටයුතුවලින් අයින් කළා. එසේ වුවත් පුවත්පත ගෙන යන්න බැරි වුණා. මේ විස්තර බෙංගමුවේ නාලක හිමියන්ගෙන් ද දැනගත හැකියි. එකල විමල් මෙන් ම චම්පක ද ඊනියා යුද්ධයට විරුද්ධව සිටියා. ඩලස් ගැන කියන්න ඕන නැහැ. විමල් ජ වි පෙ සාමාජීකයෙක්. චම්පක යුද්ධයට විරුද්ධව පෝස්ටර ගැසුවා. ඉන් අවුරුදු කිහිපයකට පසු 1994 දී මංගල සමරවීරට මැතිවරණයේ දී ආධාර කළා. චම්පක එදත් කොටි පරාජය කළ යුතුය කියන මතයේ හිටි බව ඔහුගේ අනුගාමිකයන් කියන විට කරන්නේ කුමක් ද කියා කල්පනා වෙනවා. ඔහු ඉල්ලුමක් ඇතැයි කියමින් ජාතිකත්වයට පැමිණියේ කොටි ඩී එස් සේනානායක විදුහලේ සිසුන් ඝාතනය කිරීමෙන් පසුවයි. කාලය සඟරාව මෙන් ම ලක්මිණ පුවත්පත පවත්වාගෙන යෑමේ දී ද ගෙවිඳු කුමාරතුංගගේ කැප වීම කිසි දිනෙක අමතක කරන්න බැහැ. 

සමාජයීය විද්‍යාවන් මිය ගොස්

සමාජයීය විද්‍යාවන් මිය ගොස්

නත්තලේ සැබෑ අරුත ගැන ලිපියක් ලියන්න ඕන. ඉතා කෙටියෙන් කියනවා නම් නත්තලේ සැබෑ අරුත අන් කිසිවක් නොව යුදෙව් ක්‍රිස්තියානි සංස්කෘතික ආධිපත්‍යය ලෝකයා මත පැටවීම. දෙරණ කුමක් කිව්වත් අපේ ගෙවල්වල නත්තල් ගසුත් නැහැ, අපේ දෙමව්පියන් මිය ගිය අවස්ථාවල කන්‍යා සොහොයුරියන් පැමිණ මියගිය අයගේ ආත්මය වෙනුවෙන් යාඥා කෙළෙත් නැහැ. මා නාථ දෙවියන් ගැන කතා කරන විට මා වාඩි වී සිටින්නේ මොළය උඩද කියලා අහන අය නිව්ටන්වත් දැක නැති ගුරුත්වාකර්ෂණ බලය විශ්වාස කරනවා. සිංහල වෙදමහතුන්ට කෘෂිරසායනික වකුගඩු රෝගය සුවපත් කළ හැකි බව රෝගීන් ලවා ම පෙන් වූ විට දොස්තරලාගෙන් සහතික ඉල්ලන රටක අප ජීවත් වෙනවා. මා දෙවියන් වහන්සේ ඉන්නව ද කියාවත් නීට්ෂෙ කීවාක් මෙන් දෙවියන් වහන්සේ මිය ගිහින් කියාවත් කියන්නේ නැහැ (නීට්ෂෙට පෙරත් මේ අදහස කිහිප දෙනකු කියා තිබුණා). දෙවියන් වහන්සේ බටහිර විද්‍යාවේ ඉන්නවා. විශ්වවේදයට අනුව විශ්වයට පටන් ගැන්මක් තියෙනවා. ඒ යුදෙව් සංකල්පයක්. දෙවියන් වහන්සේත් යුදෙව් වියුක්ත සංකල්පයක්. මා ප්‍රශ්න කරන්නේ යුදෙව්/කතෝලික/ක්‍රිස්තියානි/ඉස්ලාම් ආගම් නොවෙයි. බටහිර යුදෙව් ක්‍රිස්තියානි සංස්කෘතික ආධිපත්‍යය. පසුව මේ ගැන තවදුරටත් කතා කරමු. මා වැනි අංශු මාත්‍රයක් වූ නොවැදගත් පුද්ගලයකු නැති කිරීමට දෙරණෙහි ප්‍රබුද්ධයන්ට හා  ධන කුවේරයන්ට  විනාඩි පහක් ගත වන්නේ නැහැ. එහෙත් මට නැති වන්න දෙයක් නැහැ. ආත්මයක් නැහැ. මා ත් නැහැ.

රටක නම

රටක නම

මෙරට වත්මන් නිල නාමය ශ්‍රී ලංකාව ය. එහෙත් බොහෝ සිංහලයන් කියන්නේ ලංකාව කියා ය. ශ්‍රී ලංකාව නිල වශයෙන් ම භාෂා තුනකින් හැඳින්වෙනවා. එසේ කිරීමේ දී මට තේරෙන හැටියට, වෙනත් අය කියන පරිදි ද (මා දෙමළ දන්නේ නැහැ. මා ඒ ගැන සමාව යදින්නෙත් නැහැ.) නිල වශයෙන් රටවල් තුනක් කියැවෙනවා. සිංහලෙන් ශ්‍රී ලංකාව, දෙමලෙන් ඉලංකෙයි, ඉංගිරිසියෙන් ස්‍රී ලංකා. ඒ එසේ වන්න බැහැ. මෛත්‍රිපාලගේ නම ඉංගිරිසියෙන් ලියන්නේ කොහොම ද? දෙමළෙන් ලියන විට මෛත්‍රිපාල යන්න දෙමළ උච්චාරණය අනුව වෙනස් කර ලියනවා ද?

විල්පත්තු සංහාරයට සිංහල බෞද්ධයන් වග කිව යුතුයි

විල්පත්තු සංහාරයට සිංහල බෞද්ධයන් වග කිව යුතුයි

විල්පත්තු සංහාරය ගැන නැවතත් කතා කරනවා. ඒ සංහාරය ගැන කතා කරන්නන් ඉතා වැඩි පිරිස සිංහල බෞද්ධයන්. සිංහල කතොාලික/ක්‍රිස්තියානි අය ද කිහිප දෙනෙක් ඉන්නවා. එහෙත් දෙමළ මුස්ලිම් අය ඒ ගැන සාමාන්‍යයෙන් කතා කරනු දකින්නට නැහැ. ඒ බවක් ජනමාධ්‍යයෙහි වාර්තා වන්නේ නැති නිසයි මා එහෙම කියන්නේ. විල්පත්තු සංහාරය ගැන පරිසරය පැත්තෙන් මෙන් ම දේශපාලනය පැත්තෙන් ද කතා කරන්න පුළුවන්.

දොස්තර ඒකාධිකාරය 4

දොස්තර ඒකාධිකාරය 4

බොහෝ දේ ගැන ලියන්න තියෙනවා. මූලාශ්‍ර, ඊනියා සමාජයීය විද්‍යා, න්‍යාය (ලොජික්) ගණිතය හා බටහිර විද්‍යාව විශේෂයෙන් ම භෞතික විද්‍යාව, සයිටම්, මැතිවරණය, බොරු හා පට්ටපල් බොරු, සිංහල බෞද්ධ රාජ්‍යය, අපේ දැනුම හා බටහිර දැනුම් ආධිපත්‍යය, ආදී වශයෙන් මාතෘකා බොහෝමයි. එක් තරුණයකු, මා හිතන විධියට නුවර පදිංචි අයකු, අසා තිබුණා මේ කරුණු, දැනුම් අවශෝෂණය, ඥානවිභාග ආදිය ගැන කතා කරන තැනක් දන්නවා ද කියා.  සමහරු මේ කරුණු ගැන ලියනවා, එහෙත් මේ කරුණු අවුරුදු තිහක් පමණ කතා කළ අය ගැන ලියන්නේ නැහැ.

මියන්මාරය හා ලංකාව

මියන්මාරය හා ලංකාව

කලකට පෙර සැමුවෙල් හන්ටින්ටන් සභ්‍යත්ව ගැටුම නමින් පොතක් ලිව්වා. එය ෆ්‍රැන්සිස් ෆුකුයාමාගේ ඉතිහාසයේ අවසානය නමින් ලියූ පොතට ප්‍රතිචාරයක්. ෆුකුයාමාත් එක්සත් රාජ්‍යවල රටවැසියෙක්. ඉතිහාසයේ අවසානය සෝවියට් දේශයේ කඩාවැටීමත් සමග ලියැවුණු එකක්. එතෙක් පැවති ඊනියා ධනවාදී සමාජවාදී ගැටුමේ අවසානයත් සමග ඉතිහාසය අවසන් වී ය යන අරුතින් ලියූවක්. එහෙත් හන්ටින්ටන් කියා සිටියේ සභ්‍යත්ව අතර ගැටුමක් ඇති වන බවයි. හන්ටින්ටන් තම පොතේ ජාතික චින්තනය ගැනත් සඳහන් කර තිබුණ. ගුණදාස අමරසේකර සිතුවේ හන්ටින්ටන් ජාතික චින්තනය ගැන හොඳක් කියා තිබූ බවයි. එහෙත් හන්ටින්ටන් කීවේ ඊනියා ධනවාදී සමාජවාදී ගැටුම නැති වී ඇතිවන සභ්‍යත්ව අතර ඇති ගැටුමක් ගැනයි.

සිංහල බෞද්ධ උරුමය වැනසීම

සිංහල බෞද්ධ උරුමය වැනසීම

අද දොස්තර ඒකාධිකාරියේ ඊළඟ කොටස ලිවීමට සිටි නමුත් සාම්පූර් චෛත්‍යය කඩා සමතලා (ඩෝසර්) කිරීම ගැන යමක් ලිවීම අවශ්‍ය යැයි සිතෙනවා. සාම්පූර් තියෙන්නේ ත්‍රිකුණාමලය වරායේ (බොක්කේ) දකුණු පැත්තේ. එහි මැතක දී හමු වූ චෛත්‍යයක් මෙසේ එක් රැයකින් කඩා සමතලා කරලා. එසේ කෙළේ කවුරුන්ද කියා දැනට දැනගන්න විධියක් නැහැ. අනාගතයේ දී දැනගන්න පුළුවන් වේද කියා කියන්නත් බැහැ. එහෙත් මෙය පෞද්ගලික කෝන්තරයක් පිරිමසා ගන්න කළ එකක් නම් වෙන්න බැහැ.

දෙවියන් යැදීම

දෙවියන් යැදීම

රණවිරු නාවික හමුදා නිලධාරී දසනායකගේ දියණියට එක්සත් ජාතීන්ගේ සංවිධානයේ බලයෙන් රඳවා ගෙන සිටින අය ගැන සොයා බලන පිරිසක් හමු වී ලිපියක් භාරදීමට අවස්ථාව දීලා නැහැ. ඒ දැරිය තම පියා වෙනුවෙන් ලිපියක් ඉදිරිපත් කිරීමට යෑම ගැන මා ඇයට දොස් කියන්නේ නැහැ. දියණියක් ලෙස ඈ බලාපොරොත්තු වන්නේ තම පියා කෙසේ නමුත් නිදහස් කර ගැනීමටයි. එහෙත් මේ සිද්ධියෙන් අපට බොහෝ දේ නැවත මතක් කර ගැනීමට පුළුවන්. නැවත මතක් කරන්නේ මේ කරුණු බොහොමයක් අප කලින් කියා ඇති නමුත් බොහෝ සිංහලයන් ඒ සත පහකට ගණන් ගත්තේ නැති නිසයි. සිංහලයන් අතර මතවාද ආධිපත්‍යය දරන්නේ ඊනියා ලිබරල් හා මාක්ස්වාදී මත බැවින් මේ අදහස් තවත් බොහෝ කාලයක් නැවත මතක් කරන්න වේවි.

මේ මැතිවරණය ජනමත විචාරණයක් නො වෙයි

මේ මැතිවරණය ජනමත විචාරණයක් නො වෙයි

අද අප මැතිවරණ දේශපාලන මඩ ගොහොරුවේ එරිලා. මෙය අද ඊයේ ඇති වූ දෙයක් නො වෙයි. 1833 සිට ඉංගිරිසින් ක්‍රියාත්මක කළ දෙයක්. අපේ බොහෝ ප්‍රශ්නවලට හේතුව ඉංගිරිසින් අපට හඳුන්වා දුන් නියෝජිත ක්‍රමය. අපට දැන්  මැතිවරණ කොමිසමේ සභාපති ම කියලා දෙනවා ඡන්දෙට බඩු බෙදා දෙන ක්‍රමයක්. මැතිවරණ කොමිසම ස්වාධීන කියලා කියනවා.  එය ස්වාදීන නම් වෙන්න පුළුවන්. එය සිංහලට හරි නැත්නම් සියදීන කියලා කියන්න පුළුවන්.

දොස්තර ඒකාධිකාරය 3

දොස්තර ඒකාධිකාරය 3

දොස්තර ඒකාධිකාරය ගැන තව ලිපි කිහිපයක් ම එක දිගට නැති වුවත් ලියන්න ඕන. මේ ලිපි පෙළේ මාතෘකාව වෛද්‍ය ඒකාධිකාරයෙ නොව  දොස්තර ඒකාධිකාරය ලෙස වෙනස් කරනවා. මෙරට බටහිර දැනුම් ආධිපත්‍යය හා සංස්කෘතික ආධිපත්‍යය වඩාත් ම ක්‍රියාත්මක වන්නේ දොස්තර ඒකාධිකාරය මගිනුයි. අපට මෙය අදවත් හෙටවත් බිඳින්න බැහැ. බටහිර ආධිපත්‍යය එතරම් ම බලවත්. එහෙත් කලක් ගත වූ විට මේ ආධිපත්‍යය බිඳ වැටෙවි. එහි දී දොස්තර ඒකාධිකාරයත් බිඳ වැටේවි. එහෙත් ඒ සඳහා තව කල් තියෙනවා.

ජ වි පෙ හා පෙරටුගාමීන්

ජ වි පෙ හා පෙරටුගාමීන්

විජේවීරගෙන් හා ප්‍රභාකරන්ගෙන් පසුව ලංකාවේ ප්‍රජාතන්ත්‍රවාදයට මරු පහරක් එල්ල වෙලා. එක අතකින් ගත් විට ප්‍රභාකරන් ලංකාවට ම පහරක් එල්ල කළා. ඔහුට ප්‍රජාතන්ත්‍රවාදයවත් මාක්ස්වාදයවත් ප්‍රශ්නයක් වුණේ නැහැ. ඔහුගේ වාදය ත්‍රස්තවාදය. විජේවීරගෙත් වාදය ත්‍රස්තවාදය. පෙරටුගාමින් එහෙම නො වෙයි. ඔවුන් විප්ලවවාදීන්. ලෙනින්, ස්ටැලින්, මාඕ, කස්ත්‍රෝ, චේ ගෙවාරා, විජේවීර ආදීන් ගිය පාරේ හා වැඩියෙන් හයිලෙවල් පාරේ ගිය අය. ගාලු පාරෙත් නුවර පාරෙත් යන්න ඇති.

වෛද්‍ය ඒකාධිකාරය 2

වෛද්‍ය ඒකාධිකාරය 2

වෛද්‍ය ඒකාධිකාරය මැයෙන් මා ලියූ ලිපිය කෙසේ නමුත් දැක ඇති බටහිර වෛද්‍යවරුන් කිහිප දෙනකුට ම කේන්ති ගිහිල්ලා. ඒ අයට තරමක දීර්ඝ පිළිතුරක් දිය යුතුයි. ඒ ඔවුන්ට පමණක් නොව වෙනත් අයටත් දැන ගැනීම සඳහායි. අපි ඔවුන්ට දොස්තරලා කියමු. වෛද්‍යවරයා යනු ගෞරවනීය පුද්ගලයෙක්. ඔවුන් මුදල් හඹා ගියේ නැහැ. එහෙත් දොස්තරලා පොදුවේ ගත්තොත් මුදල් හඹා යනවා. නිදහස් වෛද්‍ය අධ්‍යාපනයක් ගැන කතා කරන දොස්තරලාත් පෞද්ගලික රෝහල්වල රෝගින්ගෙන් දහසින් මුදල් අය කරනවා. අද නිදහස් වෛද්‍ය අධ්‍යාපනයේ ප්‍රධාන ආරක්‍ෂකයා ලෙස පෙනී සිටින්නාත් කුඩා ළමුන්ට බෙහෙත් නියම කර මුදල් ගන්නවා. ඒ අතර තම දරුවන්ට දෙවියන්ගෙන් ප්‍රතිකාර ලබා ගන්නවා. 

වෛද්‍ය ඒකාධිකාරය

වෛද්‍ය ඒකාධිකාරය

වෛද්‍ය අධ්‍යාපනය සඳහා අවම සුදුසුකම් වෙනස් කිරීමට තීරණයක් ගෙන තිබෙනවා. එහෙත් එය තවමත් අමාත්‍ය මණ්ඩලයෙන් අනුමත වී නැහැ. රාජිත සේනාරත්න ඒ පිළිබඳ කැබිනට් පත්‍රිකාවක් ඉදිරිපත් කිරීමට යන බවක් කියැවෙනවා. සුපුරුදු පරිදි ප්‍රශ්නය කුමක් ද යන්න නිරවුල් ව පැහැදිලි කර දී නොමැති නිසා වෛද්‍ය නිලධාරීන්ගේ සංගමය, ජනමාධ්‍ය නිවේදකයන් හා ඊනියා විශ්ලේෂකයන් තම තමන්ට අවශ්‍ය දේ තම තම දේශපාලන න්‍යාය පත්‍ර අනුව ජනතාවට කියනවා. මෙහි දී ඉතා පැහැදිලිව දොස්තර ඒකාධිකාරයක් පවත්වා ගෙන යෑමට ඇති වුවමනාවත් පැහැදිලි වෙනවා.

ප්‍රකාශ තුනක්

ප්‍රකාශ තුනක්

වත්මන් දේශපාලනය ගැන මගේ කිසිම පැහැදීමක් නැහැ. ඒ ඒ අය කරන ප්‍රකාශවලින් තමන්ට අවශ්‍ය කොටස්  ප්‍රචාරය කිරීමට ජනමාධ්‍ය සෑදී පෑදී ඉන්නවා.  අප ප්‍රවෘත්ති හැටියට දකින්නේ කියවන්නේ ප්‍රවෘත්ති සංස්කාරකවරුන්ට අවශ්‍ය දේ මිස අපට අවශ්‍ය දේ නො වෙයි. එබැවින් ඒ ඒ අයගේ ප්‍රකාශ ගැන මත පළ කිරීම ප්‍රවේසමෙන් කළ යුතුයි. අද ජාතිකවාදීන් අතරමං වෙලා. ඒ ජාතික ව්‍යාපාරය දේශපාලනිකරණය වීමේ ප්‍රතිඵලයක්. ජ වි පෙ ජාතිකවාදය හා කසිකබල් සමාජවාදය අතර දෝලනය වුණු පක්‍ෂයක්. අද නම් කිසිම ජාතිකත්වයක් නැහැ. ඇත්තේ අවස්ථාවාදය පමණයි.

විග්නේස්වරන්ගේ නිරුක්තිය

විග්නේස්වරන්ගේ නිරුක්තිය

උතුරු පළාත් මහා ඇමති විග්නේස්වරන් ලංකාවේ නියම නම ඊළාම් කියා තිබෙනවා. දේවානම්පිය තිස්ස දෙමළ රජකු කියාත් තිබෙනවා. මුටසීව රජුගේ සිව කෑල්ලත් ඇදගෙන. නන්දිකඩාල් ජාතිකවාදීන් (නන්දිකඩාල් ජයග්‍රහණයෙන් පසු ජාතිකවාදීන් වූ අය) කලබල වෙලා. ඔවුන් එයට විරුද්ධව කරුණු ඉදිරිපත් කරනවා. ඉතිහාසය ලිවීම ගැන මාක්ස්වාදී ස්ථාවරවල ඉඳන් කතා කරනවා. ඊනියා උපරිව්‍යුහ ගැන කියවනවා. අද ඉන්න පුරාවිද්‍යාඥයන් පුරාවිද්‍යාඥයන් ඉතිහාසඥයන් ක්‍රියා කරන්නේ කම්කරු පංතිය මත හා සමාජවාදය මත පදනම් වූ ආර්ථික පදනම් වූ උපරිව්‍යුහයක ද? ජාතිකත්වය ගැනත් කතා කරන්නේ පංති පදනමක ඉඳන් ද?

විග්නේස්වරන් කියන්නේ නන්දිකඩාල් කතාවෙන් පසු දෙමළ ජාතිවාදියකු වූ අයෙක්. නන්දිකඩාල් ජාතිකවාදීන් මෙන් ම නන්දිකඩාල් දෙමළ ජාතිවාදීන් ද ඉන්නවා. ඊළාම් ගැන විවිධ අය විවිධ කතා කියනවා. මේ අය ලිපි ලියනවා. මාධ්‍ය සාකච්ඡා පවත්වනවා. පුවත්පත් කතුවරුන් වෙබ් අඩවි සංස්කාරකවරුන් ඒ කතාවලට විවිධ මාතෘකා ලබා දෙනවා. ඇතැමුනට මේ මාතෘකා නිසා ගූගල්ගෙන් මුදල් ද ලැබෙනවා.

අවාසියට හැරී ඇති නන්දිකඩාල්

අවාසියට හැරී ඇති නන්දිකඩාල්

ඒකාබද්ධ විපක්‍ෂය (පොහොට්ටුව) හා මෛත්‍රිපාල කල්ලිය අතර සාකච්ඡා අවසන් වී ඇති බවක් පෙනෙනවා. මේ සාකච්ඡා කෙරුණේ රට ජාතිය ආගම ගැන හිතාගෙන නොව බලය හා හුදෙක් බලය  පමණක් ගැන සිතාගෙන. සාකච්ඡා  ජාතිකත්වයක් මත කළ යුතු යැයි අප කිහිප දෙනකු කියා සිටි නමුත් එය සාර්ථක වූයේ නැහැ. මා එසේ කියා ඇත්තේ කොහේ ද කියා ජනමාධ්‍ය පරිහරණය කරන පඬියකු අහන්න පුළුවන්. මේ ලිපි කියවන කිහිප දෙනා නම් එසේ කියා ඇත්තේ කොතැන ද කියා දන්නවා ඇති. අප මුල සිට ම, රනිල් අගමැති වූ කාලයේ සිට ම, කීවේ රනිල් අගමැති කමෙන් ඉවත් කර මහින්ද අගමැති ලෙස පත්කරන ලෙස. ඒ මේ පළාත් පාලන ආයතන මැතිවරණවලට බොහෝ කලින්.

ඒකි ගැන තවදුරටත්

ඒකි ගැන තවදුරටත්

බුදුදහමට ඇති ප්‍රධාන ප්‍රශ්නය බුදුදහම විශ්වාස නොකරන අය බුදුදහම කීියා දීමට ඉදිරිපත් වීම. බුදුදහම ප්‍රත්‍යක්‍ෂය මත පදනම් වෙනවා. එහෙත් හැම විට ම හැම අයකුට ම ප්‍රත්‍යක්‍ෂය මත පමණක් පදනම් වෙන්න බැහැ. අපට බුදුහාමුදුරුවන් දේශනා කර ඇති දේ (අඩු තරමෙන් දේශනා කර ඇතැයිි කියන දේ) මත පදනම් වෙන්න වෙනවා. මට තේරෙන විධියට නම් ප්‍රත්‍යක්‍ෂය පමණක් වැදගත් වන්නේ නිවන් අවබෝධයේ දී. එහෙත් ඒ ප්‍රත්‍යක්‍ෂය  ලෞකික ප්‍රත්‍යක්‍ෂයක් නම් නො වෙයි.

කෝ අර අවපාතය

කෝ අර අවපාතය

පසුගිය දිනවල ප්‍රදේශ කිහිපයකට මහත් හානියක් කළ ඔකීගෙන් පසු තවත් කරදරයක් පැමිණෙන බව කාලගුණ විද්‍යා දෙපාර්තමේන්තුව අනාවරණය කළා. සමහරුන් කීවේ ඕකි ගියාට පසු ඒකි එනවා කියලා. ඒ කොහොම වුණත් කාලගුණ දෙපාර්තමේන්තුව ඒ ගැන විස්තර පළ කළා. බෙංගාල බොක්කේ ගිණිකොණ දෙසින් ඇරඹී  ලංකාව හා ඉන්දියාව පැත්තට ගමන් කර වායු අවපාත තත්වයකට පත්වන බවක් සඳහන් වුණා. පසුගිය අටවැනි දා තෙක් එහි බලපෑම තිබිය හැකි බවත් ධීවර ජනතාවට මුහුදු යෑමෙන් වැළකී සිටින ලෙසත් කියැවුණා. මේ අනාවැකි අප දෙස බලා සිටින ජාත්‍යන්තරයෙන් ද කියැවුණා.

ඒකාබද්ධ විපක්‍ෂයේ නත්තල්

ඒකාබද්ධ විපක්‍ෂයේ නත්තල්

ඒකාබද්ධ විපක්‍ෂයේ ඇතැමුන් අමන කතා කියන්න පටන් අරන්. පළාත් පාලන මැතිවරණ වැදගත් බව ඇත්ත. එහෙත් එහි අරමුණ කෙසේ නමුත් අදාළ ආයතනයේ සභාපති ධුරය හෝ නගරාධිපති ධුරය හෝ ලබා ගැනීම නො වෙයි. එහෙත් ඒකාබද්ධ විපක්‍ෂයේ ඇතැම් අය කටයුතු කරන්නේ බෞද්ධයන් නත්තල සැමරිය යුතු ය යන අදහස දරුවන්ට ලබා දෙන රූපවාහිනි නිවේදක නිවේදිකාවන් මෙන්. මේ නිවේදිකාවක් අහනවා කුඩා බෞද්ධ දරුවකුගෙන් නත්තලට නත්තල් ගහක් සරසන්නේ නැත් ද කියා. කුඩා බෞද්ධ දරුවන් නත්තල් ගීතවලින් මත් කරනවා.

අපට රෙසිඩන්ට්ලා එපා

අපට රෙසිඩන්ට්ලා එපා

ඇමරිකාව නමින් හැඳින්වෙන ඇමරිකාවේ එක්සත් රාජ්‍ය (United States of America) ලෝකයේ අනෙක් රටවල දූෂණ ගැන උනන්දුවක් දක්වනවා. ඇමරිකාව කියන්නේ මහාද්වීපයක නමක්. එය දකුණු ඇමරිකාව හා උතුරු අමෙරිකාව යනුවෙන් කොටස් දෙකකටත් බෙදෙනවා. මිනිසුන් කැපූ පැනමා ඇලෙන් අද වෙන් වෙලා තිබුණත් මේ එකම භූමියක්. කැනඩාව හා මෙක්සිකොව පමණක් නොව චිලී බ්‍රසීලය ආජන්ටිනාව වෙනිස්‍යුලාව වගේ රටවලුත් ඇමරිකාවේ. එහෙත් ඒ එක රටක්වත් ඇමරිකාවේ ආජන්ටිනාව වගේ නම් දාගෙන නැහැ.

මැතිවරණයට පෙර ජාතිකත්වය නොවීම

මැතිවරණයට පෙර ජාතිකත්වය නොවීම

මෙකල දේශපාලනය හරිම අවුල්. දේශපාලනඥයන් කටුස්සන්ටත් වඩා ඉක්මනට වෙනස් වෙනවා. උදේ කියපු දේ හවසට කියන්නේ නැහැ. හවසට කියන්නේ වෙන ම දෙයක්. රූපවාහිනි නාලිකාවලට නම් වඩා වැදගත් නත්තල. ඔවුන් නත්තල ගැන කතා කරන්නේ නොවැම්බර් අග සිට. නත්තල් ගීත නිතර ප්‍රචාරය වෙනවා. වෙළෙඳ සමාගම් නත්තලට භාණ්ඩ විකුණනවා. එක් නිවේදිකාවක් කියනවා අප නත්තල වෙනුවෙන් කාර්ය බහුල වෙලා කියලා. එහෙම කාර්ය බහුල වෙන අයත් ඇති. මේ රූපවාහිනියේ වැඩ. එහෙත් ඔවුන් හිතන තරම් අනෙක් බොහෝ අයට නත්තලට  වැඩක් නැහැ. නත්තල අද බටහිරයන්ගේ උත්සවයක්. ක්‍රිස්තුස් වහන්සේ උපන්නේ හිම නොවැටෙන බටහිර ආසියාවේ වුවත් නත්තල් පින්තුර හිමෙන් වැහිලා. ක්‍රිස්තුස් වහන්සේ උපන්නේ අයිස්ලන්තයේ ද කියා වෙලාවකට හිතෙනවා. බටහිරයන්ගෙ උත්සවයක් හැටියට නත්තල අප මත පටවනවා. මේ බටහිර සංස්කෘතික ආධිපත්‍යය.

සම්මුති හා එකඟතා

සම්මුති හා එකඟතා

ඊයේ (හතරවැනි දා) බදුල්ලේ පැවැත් වූ පොදු ජන පෙරමුණේ රැස්වීමට විමල්, ගම්මන්පිල, ඩලස්, දිනේෂ් සහභාගි වෙලා නැහැ. ඒ අහම්බයක් වීමට ඇති ඉඩකඩ ඉතා අඩුයි. සමහරවිට එක් අයකුට දෙදෙනකුට පෞද්ගලික හේතු, මගුල් ගෙවල්, මළ ගෙවල් ආදී වෙනත් කටයුතු, තියෙන්න ඇති. ඒත් ඒ සියලු දෙනාට ම එක විට පෞද්ගලික හේතු ඇති වුණයි කියලා හිතන්න බැහැ.

සරවනමුත්තුලාගේ ප්‍රශ්නය

සරවනමුත්තුලාගේ ප්‍රශ්නය

පාකියසෝති සරවනමුත්තු ගැන බොහෝ දෙනා දන්නව වෙන්න පුළුවන්. විකල්ප ප්‍රතිපත්ති ගැන කියවන පාකියසෝති සුනේත්‍රාගේ මිතුරෙක්. චන්ද්‍රිකාගේත් මිතුරෙක්. මේ සිංහල හා දෙමළ ප්‍රභූන් වැඩ කරන්නේ එකට. මොවුන්ට ප්‍රශ්නයක් වී ඇත්තේ සර්වජන ඡන්දය. හෙට අනිද්දා, හැරිසන් හා රනිල් කියන විධියට පෙබරවාරි දහවැනි දා පළාත් පාලන ආයතන මැතිවරණ පැවැත්වෙනවා. මැතිවරණ කොමිසම තවමත් ඒ ගැන නිශ්චිත යමක් කියලා නැහැ. පෙබරවාරි 10 ගැන මැකො රනිල්ට කිව්ව ද නැත්නම් රනිල් මැකොට කිව්ව ද කියන එක පැහැදිලි නැහැ. සමහර විට හැරිසන් මේ දෙන්නට ම කියන්න ඇති. හැරිසන් වගේ අය නැත්නම් ජනමාධ්‍යත් නැහැ.

දෙමළ ජාතිවාදයට ආවඩන ඊනියා ස්මාට් ජාතිකවාදය හෙවත් මොට ජාත්‍යන්තරවාදය

දෙමළ ජාතිවාදයට ආවඩන ඊනියා ස්මාට් ජාතිකවාදය  හෙවත් මොට ජාත්‍යන්තරවාදය

ඊනියා ස්මාට් ජාතිකවාදීන්ට අනුව ඔවුන් විකල්ප දකුණ ලෙස හඳුන්වන ජාතිකවාදීන්ට මෙලෝ දෙයක් තේරෙන්නේ නැත. ඔවුන් සිතන්නේ දේශපාලනය ඊනියා දේශපාලන විද්‍යාව හැදෑරුවන්ට පමණක් තේරෙන මහා විද්‍යාවක් ලෙස ය. රෝගීන් වෙදකම සඳහා ඊනියා ගොඩ වෙදුන්, ශාන්තිකර්ම කරන්නන් වෙතට යන විට වෛද්‍යවරයකුට හැඟෙන ආකාරයේ කම්පාවක් ජනයා දේශපාලන ප්‍රශ්න සාකච්ඡා කිරීමට ජාතිකවාදීන් වෙතට යන විට තමන්ට හැඟේ යැයි පසුගිය දා ඊනියා පශ්චාත් උපාධි ද ඇති මහා දේශපාලන විද්‍යාඥයකු ප්‍රකාශ කර තිබුණා. ඡන්ද බලය දේශපාලන විද්‍යාව හැදෑරුවන්ට  පමණක් සීමා කරමු ද?

ඉංගිරිසි කතා කරන ජාතිකවාදීන්

ඉංගිරිසි කතා කරන ජාතිකවාදීන්

ජාතිකවාදීන් අතර විවිධ අය ඉන්නවා. එමෙන් ම දෙමළ ජාතිවාදය ගැනත් ඔවුන් අතර විවිධ මත තියෙනවා. ජාතිකවාදීන් ලෙස මා නම් කරන්නේ ඊනියා ස්මාට් ජාතිකවාදීන් නො වෙයි. ඔවුන් ජාතිකවාදීන් නො වෙයි. ඔවුන් ස්මාට් නොවන ජාත්‍යන්තරවාදීන්. අද අප ඉන්න කණගාටුදායක තත්වයට ඔවුනුත් වග කියන්න ඕන. මුලින් ම ජෙනීවාහි අප බටහිර ගැටවලට හසු කෙළේ ඒ ඊනියා ස්මාට් ජාතිකවාදීන්. මෙහි දී මා සඳහන් කරන්නේ ඔවුන් ගැන නො වෙයි. ඔවුන් ව්‍යාජ පඬියන් පමණයි.

විග්නේෂ්වරන් හා මැතිවරණ

විග්නේෂ්වරන් හා මැතිවරණ

ප්‍රභාකරන්ගේ උපන් දිනය නිමිත්තෙන් පැවැත්වූ උත්සවයක දී උතුරු පළාතේ අධ්‍යාපන ඇමති ජාතික කොඩිය එසවීම ප්‍රතික්‍ෂෙප කිරීම ගැන කතා කෙරුණා. රුවන් විජේවර්ධන ඇමතිවරයා කියා තිබුණා ඒ පිළිබඳ සොයා බලන බවත් ජාතික කොඩිය එසවීම ප්‍රතික්‍ෂෙප කිරීම ගැන දඬුවම් කළ යුතු බවත්. ඒ ගැන දැන් කෙරෙන්නේ කුමක් ද කියා රුවන් විජේවර්ධන අපට කියනවා ද?