ජාතික හෙළ උරුමය 19ට වගකිව යුතුයි

ජාතික හෙළ උරුමය 19ට වගකිව යුතුයි

ජාතික හෙළ උරුමයට පැහැදිලිව ම ප්‍රශ්නයක් ඇත. ඒ 2020 දී චම්පක රණවක ජනාධිපති කිරීම ය. ඔහු ජනාධිපති වන බව එක්තරා ජ්‍යෙතිෂවේදියකු පවසා ඇතැයි කියැවෙයි. එය ඇත්ත වුවත් නැතත් චම්පක ජනාධිපතිවන්නේ කිනම් පක්‍ෂයකින් තරග කර කිනම් පක්‍ෂවල ආධාරය ලබා ද යන ප්‍රශ්නවලට පිළිතුරු සපයාගත යුතුව ඇත. තරග කරන පක්‍ෂය කුමක් ද යන්න එතරම් වැදගත් නැත. වැදගත් වන්නේ කවුරුන් ආධාර කරන්නේ ද යන්න ය. 

ශ්‍රී ල නි ප ගුරු ගෝල කතාව (ඉරිදා දිවයින ලිපියකි)

ශ්‍රී ල නි ප ගුරු ගෝල කතාව

මේ ලිපිය ලියන්නේ රත්නපුර රැස්වීමට පෙර ය. රැස්වීමට සහභාගි වන මන්ත්‍රීවරුනට දඬුවම් කරන බව ශ්‍රී ල නි පක්‍ෂයේ නිලධාරීහු කියති. මෙවැනි ම වූ තර්ජනයක් මහනුවර පැවති රැස්වීමට පෙර ද කෙරිණි. එහෙත් තර්ජනය නොතකා මහජන නියෝජිතයෝ රැස්වීමට සහභාගි වූහ. එසේ සහභාගි වූවනට කළ දඬුවමක් ගැන අසන්නට නැත. යම් මණ්ඩලයකට නීති පැනවීමේ අයිතිය, දඬුවම් පැමිණවීමේ බලය ආදිය ලැබෙන්නේ එම මණ්ඩලයේ තීරණ මණ්ඩලයට යම් ආකාරයකට යටත්වන සාමාජිකයන් පිළිගන්නේ නම් පමණකි. අද ශ්‍රී ල නි පක්‍ෂයේ නායකත්වය පක්‍ෂ සාමාජිකත්වය ය විසින් නො පිළිගැනෙයි. 

විග්නේස්වරන් හා සම්බන්දන්

විග්නේස්වරන් හා සම්බන්දන්

රනිල් සිරිසේන නීති විරොධී ආණ්ඩුව සිංහලයන්ට හැර මුළු ලෝකයට ම බය ය. බටහිරට ගැතිකම් කරන පාලකයෝ ඉන්දියාවට ඕනෑ එකක් කරගැනීමට  ඉඩ දී බලා සිටිති. කරගියා ගැනීමට දෙයක් නොමැතිව සිටි රනිල් හදිසියේ චණ්ඩියකු වීමට සිතා උතුරේ දෙමළ ජනතාවට ඇසෙන්නට ලංකා මුහුදු තීරයට පැමිණෙන ඉන්දීය ධීවරයන්ට වෙඩි තබන බවට ප්‍රකාශ කළේ ය.

විපක්‍ෂ නායකයාට එරෙහිව විනයානුකූල පරීක්‍ෂණයක් (ඉරිදා රිවිර ලිපියකි)

විපක්‍ෂ නායකයාට එරෙහිව විනයානුකූල පරීක්‍ෂණයක්   

අප රටේ උගතුන්ගේ ප්‍රධාන ප්‍රශ්නය වී ඇත්තේ ප්‍රශ්නයක මුලට යෑමට නොහැකි වීම ය. නිරවුල් ව සිතීමට නොහැකි වීම එහි දී බලපාන වැදගත් සාධකයක් වෙයි. උගතුන්ට ඒ ඒ ක්‍ෂෙත්‍රවල යම් දැනුමක් ඇත. එහෙත් කිසිම ප්‍රශ්නයක හරය තේරුම් ගැනීමට ඔවුන්ට නො හැකි ය. උදේ සවස බුදුදහම මෙනෙහි කරන රටක එසේ වී ඇත්තේ ඇයි ද යන්න ද ප්‍රශ්නයකි. බුදුන්වහන්සේ කිසි දිනෙක බටහිර අර්ථයකින් ඊනියා ප්‍රවාද ගොඩ නො නැගූහ. එනම් උන්වහන්සේ තියරි කාරයෙක් නො වූහ. බටහිර විද්‍යාවෙහි මෙන් නොව වියුක්ත ප්‍රවාද බුදුන්වහන්සේගේ දේශනාවල අඩංගු නො වී ය. 

සම්බන්දන් විපක්‍ෂ නායක පදවියට

සම්බන්දන් විපක්‍ෂ නායක පදවියට

දැනට තිබෙන තත්ත්වය  අනුව අප්‍රේල් 7 වැනි දා වන විට කතානායකවරයා විපක්‍ෂ නායක ලෙස කෙනකු පත් කෙරෙනු ඇත. ඒ සම්බන්ධයෙන් ප්‍රධාන වශයෙන් නම් තුනක් කියැවෙයි. ඒ දිනේෂ් ගුණවර්ධන, නිමල් සිරිපාල ද සිල්වා හා ආර් සම්බන්දන් ය. පළපුරුද්ද හා සුදුසුකම් අතින් නම් අනෙක් දෙදෙනාට දිනේෂ් ගුණවර්ධනට තරගයක් දිය නො හැකි ය.

විග්නේස්වරන් එන්නේ මොකාට ද?

විග්නේස්වරන් එන්නේ මොකාට ද?

කොළඹ ඉගෙනගත් වෙල්ලායන් තරම් සිංහලත්වයට එරෙහිව දෙමළ ජාතිවාදය පෝ’ෂනය කරන පිරිසක් තවත් නැත. 1833 දී  මෙරට දෙමළ ජාතිවාදය නිල වශයෙන් බෞතීස්ම කිරීම සඳහා ඉංගිරිසිහු ඉංගිරිසි උගත් දෙමළ වෙල්ලාල ප්‍රභූන් යොදාගත්හ. ඔවුන් අතර ද ප්‍රධාන වූවෝ කොළඹ උසස් යැයි සම්මත පසල්වල ඉගෙන ගත් අය ය. ඉංගිරිසින් බර්ගර්වරුන්ට පසුව රටේ නායකත්වයට පත්කිරීමට බලාපොරොත්තු වූයේ ඉංගිරිසි අධ්‍යාපනයක් ලත් දෙමළ වෙල්ලාලයන් ය. එකී වෙල්ලාලයෝ ද සිංහල නායකයන් පරදවා රටේ ම නායකත්වයට පත්වීමට කටයුතු කළහ.

රනිල් හා උතුරේ ප්‍රශ්නය

රනිල් හා උතුරේ ප්‍රශ්නය

රනිල් සිරිසේන නීත්‍යානුකුල නොවන ආණ්ඩුවේ ඇමතිවරු දැන් නිතර උතුරු පළාතට, විශේෂයෙන් ම යාපනයට යති, එති. එහි වරදක් නැත. ඔවුන් එහි යන්නේ දුම්රියෙන් ද බසයෙන් ද මෝටර් කාරයෙන් ද ගොඩින් ද උඩින් ද මුහුදෙන් ද යන්න නිල ප්‍රවෘත්ති ප්‍රකාශවල සඳහන් නො වෙයි. සමහර විට ඒ ජනතාව දැනගත යුතු තොරතුරක් නො විය හැකි ය. එවිට දහනවවැනි ව්‍යවස්ථා සංශෝධනය සම්මත වුවත් අපට එය දැනගැනීමට නොහැකි වනු ඇත.

සිංහල උරුමය වැනසීම චන්ද්‍රිකාට

සිංහල උරුමය වැනසීම චන්ද්‍රිකාට 

සත්‍යය හා සංහිඳියාව සඳහා වූ කාර්යාලයක් චන්ද්‍රිකා කුමාරතුංගේ නායකත්වයෙන් පිහිටුවීමට යන බව රනිල් වික්‍රමසිංහ ප්‍රකාශ කර ඇත. සත්‍යය යන්නට දෙන සාමාන්‍ය තේරුම අනුව ඒ හා චන්ද්‍රිකා අතර කිසිම සම්බන්ධයක් නැති වුවත් මේ සූදානම් වන්නේ කුමකට ද යන්න පිළිබඳ ව චම්පක රණවකට අමුතුවෙන් කීමට අවශ්‍ය යැයි නො සිතමි. ජාතික හෙළ උරුමය මෛත්‍රිපාලට ආධාර කළේ මේ දේ නොවන බව නොදැන නො වේ. ඒවා නැවැත්වීමට ඔවුන්ට කළ හැකි දෙයක් ද නැත.

ශ්‍රී ල නි ප නායක තර්ජන කුණු කූඩයට

ශ්‍රී ල නි ප නායක තර්ජන කුණු කූඩයට

අද (2015 මාර්තු 26) රත්නපුරේ පැවති සංධානයේ පක්‍ෂ කිහිපයක රැස්වීමට ශී්‍ර ල නි ප පාර්ලිමේන්තු මන්ත්‍රීවරු 28 දෙනෙක් සහභාගි වූහ. ඔවුන් අතර බන්දුල ගුණවර්ධන, ගාමිණී ලොකුගේ, කුමාර වෙල්ගම, සාලින්ද දිසානායක, මහින්දානන්ද අළුත්ගමගේ, ටී බී ඒකානායක ඇමතිවරු ද සිටියහ. එයට අමතරව බස්නාහිර පළාත් සභාවේ මහඇමති ප්‍රසන්න රණතුංග සහ පළාත් සභාපතිවරු පළාත් සභා සභිකයෝ, ප්‍රාදේශීය සභාපතිවරු සහ සභිකයෝ දෙසියයක් පමණ ද රැස්වීමට සහභාගි වූහ.

චන්ද්‍රසිරි ධර්මවර්ධන මහතාගේ සූත්‍රය (විදුසර ලිපියකි)

චන්ද්‍රසිරි ධර්මවර්ධන මහතාගේ සූත්‍රය

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතාගේ සහායට පැමිණි කැනඩාවේ ජීවත්වන පාසල් ගුරුවරයකු වූ බෝධි ධනපාල මහතා පසුගිය මාර්තු 04 වැනි දා ලියූ ලිපියෙන් තම නොදැනුවත්කම ප්‍රදර්ශනය කරයි. දැන් ධනපාල මහතාගේ සහායට ඔහුගේ ගුරුවරයකු වූ ආචාර්ය චන්ද්‍රසිරි ධර්මවර්ධන මහතා පැමිණ සිටියි. ධනපාල මහතාට පිළිතුරු දීම අපට තරමක් ප්‍රමාද කිරීමට සිදුවන්නේ ධර්මවර්ධන මහතාට ප්‍රතිචාර දැක්වීමට සිදුව ඇති බැවිනි. 

විපක්‍ෂ නායක

විපක්‍ෂ නායක 

දැනට පිළිගැනෙන ආකාරයට නිමල් සිරිපාල ද සිල්වා ශ්‍රී ල නි පක්‍ෂයේ නිලධාරියෙකි. ඔහු මෙරට පාර්ලිමේන්තුවේ විරුද්ධ පක්‍ෂයේ නායකයා ද වෙයි. ඒ අතර ශ්‍රී ල නි පක්‍ෂයේ ඇතැම් නිලධාරීහු කැබිනට්, රාජ්‍ය, නියෝජ්‍ය ඇමතිවරු වෙති. ශ්‍රී ල නි ප සභාපති රටේ ජනාධිපති වෙයි.

චමිපකලාට ගැලවෙන්න බැහැ

චමිපකලාට ගැලවෙන්න බැහැ

අද (2015 මාර්තු 25) දිවයින පුවත්පතට අනුව ඇමති චම්පක රණවක පහත සඳහන් ප්‍රකාශය කර ඇත. 

“මහජන ඡන්දයෙන් බලයට පත්වීමට නොහැකි අයට ව්යවස්ථා කුමන්ත්රණයකින් බලය ලබා දෙන ක්රියාවලියක් මෙම සංශෝධනයේ ඇතැයි ද එම පනත් කෙටුම්පත පාර්ලිමේන්තුවේ දී පරාජය කරන බව ද ඇමැතිවරයා පැවසීය.”

සිරස මාධ්‍ය සදාචාරය

සිරස මාධ්‍ය සදාචාරය

මාධ්‍ය ආයතන යම් දේශපාලනයක නිරත වෙයි. මාධ්‍යවේදියෝ ද දේශපාලනයක නිරත වෙති. එහි වරදක් නැත. බටහිර උගතුන් කුමක් කීවත් එක් ක්‍ෂෙත්‍රයක් අනෙක් ක්‍ෂෙත්‍රයකින් සම්පූර්ණයෙන් වෙන්කළ හැකි නො වේ. මාධ්‍යවේදීහු බොහෝ විට විවිධ ආයතන දේශපාලනීකරණයට ලක් වැ ඇතැයි අපට කියති. එහෙත් ඔවුන් නොකියන කරුණ නම් මාධ්‍ය ආයතන හා මාධ්‍යවේදීන් ද දේශපාලනයට ලක්කෙරී ඇති බව ය.

ප්‍රාථමික ප්‍රශ්නය කුමක් ද? (ඉරිදා දිවයින ලිපියකි)

 ප්‍රාථමික ප්‍රශ්නය කුමක් ද?

පදනම් ආයතනයේ පැවති ශ්‍රී ල නි පක්‍ෂ සංවිධායකවරුන්ගේ රැස්වීමේ දී මෛත්‍රිපාල සිරිසේන මහතා වැදගත් කතා කිහිපයක් ම කියා ඇත. එලිසබෙත් වින්ඩ්සර් හෙවත් එංගලන්තයේ හා යටත්විජිතවල රැජින මේස් නැතිව තමන්ට අතට අත දීම, ඩේවිඩ් කැමරන් තම මෝටර් රථය ළඟට ම පැමිණ අතට අත දීම වැදගත් නොවන්නේ යැයි කිව හැක්කේ කාට ද?

ශ්‍රී ල නි ප කොයිබට ද

ශ්‍රී ල නි ප කොයිබට ද

ශ්‍රී ල නි පක්‍ෂයේ කිහිප දෙනකු ඇමති ධුර භාර ගැනීමෙන් පසුව ද නිමල් සිරිපාල විපක්‍ෂ නායක ලෙස කටයුතු කරයි. රාජිත හා එම් කේ ඩී එස් ගුණවර්ධන ඇමතිධුර දරද්දී ද නිමල් සිරිපාල විරුද්ධ පක්‍ෂයේ නායකත්වය දැරී ය. එහෙත් දැන් වෙනසක් සිදු වී ඇත. ඇමතිකම් දරණ ශ්‍රී ල නි ප මන්ත්‍රීන්ගේ සංඛ්‍යාව වැඩි වී ඇත. ඒ සමග ම පර්ලිමේන්තුවේ ගුණාත්මක වෙනසක් සිදු වී ඇත. 

ජාතික ගීය දෙමළෙන් (ඉරිදා රිවිර ලිපියකි)

ජාතික ගීය දෙමළෙන්

ජාතික ගීය දෙමළෙන් ගායනා කිරීම සඳහා අවශ්‍ය චක්‍රලේඛ යවන බව මෛත්‍රිපාල සිරිසේන මහතා ජාතික විධායක සභාව නමින් හැඳින්වෙන පුද්ගලයන් කිහිප දෙනකුට පවසා ඇත. එහි සාමාජිකයන් අතර පාර්ලිමේන්තු මන්ත්‍රීවරු මෙන් ම මන්ත්‍රීවරුන් නොවන්නෝ ද වෙති. ඒ ඇතැමුන්ට සම්ම ජාතියේ පාර්ලිමේන්තු මන්ත්‍රීවරුන් වීමට නො හැකි ය.

නිවටයෝ

නිවටයෝ

ශ්‍රි ල නි පක්‍ෂයේ මන්ත්‍රීවරු කිහිප දෙනෙක් අද (2015 මාර්තු 22) පක්‍ෂ ඉතිහාසයේ විශාලතම පාවාදීම කරමින් රනිල් සිරිසේන ආණ්ඩුවේ ඇමතිකම් (කැබිනට්, රාජ්‍ය, නියෝජ්‍ය) කිහිපයක් ලබාගත්හ. ඔවුන් එමගින් නැවතත් ඇමති වරප්‍රසාද ලබාගන්නට ඇත. එමෙන් ම තම මන්ත්‍රීධුර ද අඩුම තරමින් අවුරුද්දකින් දික් කරගන්නට ඇත. එහෙත් ඔවුන් මහින්ද රාජපක්‍ෂ පක්‍ෂයෙන් ද දේශපාලනයෙන් ද ඉවත්කිරීමේ බලාපොරොත්තුවෙන් කර ඇති පාවාදීම මගින් පක්‍ෂයට කරන වින්නැහිය මෙතෙකැයි කිව නො හැකි ය. මහින්ද දේශපාලනයෙන් ඉවත්කිරීමට මේ නිවටයන්ට නො හැකි ය.

ජාතික ආණ්ඩුව අද හෙට

ජාතික ආණ්ඩුව අද හෙට

එක පුද්ගලයකු වටා මෙරට දේශපාලනය කැරකැවෙන්නේ පළමු වතාවට නොවූව ද 1948න් පසුව එවැනි අවස්ථාවක් ගැන සිහියට නො නැඟෙයි. අද බටහිරයන්ට, විශේෂයෙන් ම එංගලන්තයට හා ඇමරිකාවට, ඉන්දියාවට, ඔවුන්ගේ ඔත්තු සේවාවලට, ඔත්තු සේවාවල මෙරට ඒජන්තයන්ට, ඊනියා රාජ්‍ය නොවන පඬියන්ට, විශ්වවිද්‍යාලවල හා පර්යේෂණ ආයතනවල තුට්ටු දෙකේ පර්යේෂකයන්ට, එ ජා පක්‍ෂයට, මෛත්‍රිපාල සිරිසේන ඇතුළු වෛරයෙන් පෙළෙන නිවට ශ්‍රී ල නි ප නායකයන්ට, සිංහලයන්ට විරුද්ධ එහෙත් සිංහලකම බලයට පැමිණීම සඳහා යොදා ගන්නා ජාතික හෙළ උරුමයේ වෛරී  කුහක නායකයන්ට, දෙමළ ජාතිවාදී පක්‍ෂවලට, එ ජා ප තරූණ සංවිධානය වූ ජ වි පෙරමුණට, ඇත්තේ එකම එක අරමුණකි.

දහනවය හමස් පෙට්ටියට

දහනවය හමස් පෙට්ටියට

දහනවවැනි ව්‍යවස්ථා සංශෝධනයට කණකෙකා හඬළන බව පැහැදිලි ය. එයට තුනෙන් දෙකක බහුතර ඡන්දයක් පාර්ලිමේන්තුවේ දී ලබාගත නො හැකි ය. එබැවින් අද එය අකුළා ගැනීමට රනිල් වික්‍රමසිංහට සිදු වී තිබේ. එහෙත් රනිල් පරාජය වී ඉවත්වන්නකු නොවන බව අපි දනිමු. තිස්වතාවක් පමණ පෑරදුණු නමුත් ඔහු තවමත් එ ජා පක්‍ෂයේ නායකයා වෙයි. ඔහු සමග සංසන්දනය කිරීමේ දී සජිත් ප්‍රේමදාස, කරු ජයසූරිය වැන්නෝ දේශපාලන ළදරුවෝ වෙති. 

මෛත්‍රිපාලට අමතක වූ මෑත ඉතිහාසය

මෛත්‍රිපාලට අමතක වූ මෑත ඉතිහාසය

මෛත්‍රිපාල සිරිසේන ශ්‍රී ල නි ප තරුණ සම්මේලනය හා සම්බන්ධ උත්සවයක දී  අපූරු කතාවක් කියා ඇත. ඒ පාර්ලිමේන්තුවේ දී හර්ෂ ද සිල්වා විසින් රනිල් වික්‍රමසිංහට පමණක් කියා නිවාඩු ගොස් ඇති මහා බැංකු අධිපති අර්ජුන් මහේන්දූන් සිංගප්පුරු පුරවැසියකු බව පිළිගනු ලැබීමට පෙර ය. එහෙත් හර්ෂ ද සිල්වාට ද අමතක වූ කරුණක් ඇත. ඒ ලංකාවේ ද්විත්ව පුරවැසියකු වෙනත් රටක පුරවැසියකු වන අතර ලංකාවේ ද පුරවැසියකු වන බවත් එහෙත් අර්ජුන් මහේන්ද්‍රන් සිංගප්පූරුවේ පමණක් පුරවැසියකු වන බවත් ය. මෛත්‍රිපාල කියා ඇත්තේ බණ්ඩාරනායක මහතා ඝාතනය කෙරුණේ එ ජා ප, කොටින් ආදීන් විසින් නොව ශ්‍රී ල නි ප සාමාජික භික්‍ෂූන් වහන්සේ හා කැබිනට් ඇමතිවරුන් විසින් බව ය. මෙය බුද්ධරක්ඛිත හිමි(?) හා විමලා විජේවර්ධන ගැන කෙරුණු සඳහනක් යැයි සිතමි.

ඩිලාන් වාසු හඳුන්නෙත්ති ගයන අණ්ඩර දෙමළය

ඩිලාන් වාසු හඳුන්නෙත්ති ගයන අණ්ඩර දෙමළය

මෛත්‍රිපාල සිරිසේන ඩිලාන් පෙරේරාගේ පියා වූ මාෂල් පෙරේරා සබරගමුවේ ආණ්ඩුකාරයා ලෙස පත් කළේ ය. එයට රනිල් අනුමැතිය දුන්නාට සැකයක් නැත. අද ඩිලාන් ශ්‍රී ල නි පක්‍ෂයේ මාධ්‍ය ප්‍රකාශක ලෙස පත්වීමක් ලබා ඇත. මෛත්‍රිපාල ශ්‍රී ල නි පක්‍ෂයේ සභාපති ධුරය පික්පොකට් ගසා ඇති බැවින් ඔහු යටතේ කෙරෙන පත්වීම්වලට නීත්‍යානුකූල භාවයක් නැත. එහෙත් ඩිලාන් සිතා සිටින්නේ ඔහුට ශ්‍රී ල නි පක්‍ෂය වෙනුවෙන් කතාකිරීම පිය උරුමයෙන් ලැබුණු දෙයක් ලෙස ය. ඔහු පාර්ලිමේන්තුවේ දී පවසා ඇත්තේ දෙමළෙන් ජාතික ගීය ගැයීමට හැකි ය යන්න ශ්‍රී ල නි පක්‍ෂයේ ප්‍රතිපත්තිය බව ය. ඒ ප්‍රතිපත්තිය පක්‍ෂය විසින් පිලිගැනුණේ කවදා දැයි කලකට පෙර මහජන පක්‍ෂයේ සිටි ඩිලාන් හෝ ඔහුගේ පියා හෝ පවසන්නේ ද? 

අභ්‍යන්තර පරීක්‍ෂණයක් අවශ්‍ය ද?

අභ්‍යන්තර පරීක්‍ෂණයක් අවශ්‍ය ද?

මානුෂික මෙහෙයුම්වල දී සිදුවිණි යැයි කියන ඊනියා මානව අයිතිවාසිකම් කඩවීම් පිළිබඳ අභ්‍යන්තර පරීක්‍ෂණයක් අවශ්‍ය දෙමළ ජාතිවාදීන්ට, ඔවුන් පිටුපස සිටින බටහිරයන්ට හා ඉන්දීයයන්ට, මෙරට පඬියන්ට (රාජ්‍ය නොවන මෙන් ම රාජ්‍ය ආයතනවල ද  සේවය කරන), කසිකබල් ඇතැම් මාක්ස්වාදීන්ට හා කතෝලික හා ඇතැම් ක්‍රිස්තියානි පල්ලිවලට ය. මෙයින් අදහස් කරන්නේ මෙරට සියළු කතෝලිකයන්ට හා ක්‍රිස්තියානින්ට එවැනි පරීක්‍ෂණයක් අවශ්‍ය බවවත් කිසිදු බෞද්ධයකුට පරීක්‍ෂණයක් අනවශ්‍ය බවවත්  නො වේ.

අර්ජුන් මහේන්ද්‍රන් ලාංකිකයෙක් ද?

අර්ජුන් මහේන්ද්‍රන් ලාංකිකයෙක් ද?

මහා බැංකු අධිපති රනිල්ට කියා නිවාඩු ගොස් ඇත. ඔහු අද ඇත්තේ සිංගප්පූරුවෙහි යැයි ද කියැවෙයි. ඒ පිළිබඳ අපට විශාල ප්‍රශ්නයක් වෙයි. ශ්‍රී ලාංකිකයකුට සිංගප්පුරුවට යෑමට විසා අවශ්‍ය නැත. පසුගිය ජනාධිපතිවරණයට පෙරත් පසුත් එ ජ නි සංධානයට අයත් මන්ත්‍රීවරු සිංගප්පූරුවට ගොස් පැමිණියහ. ඒ ගමන් බිමන්වලින් පසු අදාළ මන්ත්‍රීවරුන්ගේ අදහස් වෙනස් වූ බවත් ඔවුන් මෛත්‍රිපාල සිරිසේනට සහාය දීමට තීරණය කළ බවත් කියැවෙයි.

සමාන ශක්ති හා සමාන ස්කන්ධ (විදුසර ලිපියකි)

සමාන ශක්ති හා සමාන ස්කන්ධ

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා කිසි දිනෙක බටහිර විද්‍යාව පට්ටපල් බොරු ය යන්නෙන් මා කියන දෙය බිඳහෙළීමට කිසිදු තර්කයක් කිසිදු සාධකයක් කිසි දිනෙක ගෙන ආවේ නැත. එයට ප්‍රධාන හේතුව මා කියන දෙය ඔහුට අවබෝධ නොවීම යැයි සිතිය හැකි ය.  මා අවුරුදු විසිපහකට අධික කාලයක් තිස්සේ ලියූ ලිපි නොකියවා ලිපි කිහිපයක් පමණක් හරි අවබෝධයකින් තොරව නොකියවීමේ ප්‍රතිඵලයක් ලෙස ඔහු අමාරුවේ වැටුණේ ය.

මෛත්‍රිපාලගේ ප්‍රාථමික ප්‍රශ්නය

මෛත්‍රිපාලගේ ප්‍රාථමික ප්‍රශ්නය

පදනම් ආයතනයේ පැවති ශ්‍රී ල නි පක්‍ෂ සංවිධායකවරුන්ගේ රැස්වීමේ දී මෛත්‍රිපාල සිරිසේන වැදගත් කතා කිහිපයක් ම කියා ඇත. එලිසබෙත් වින්ඩ්සර් මේස් නැතිව තමන්ට අතට අත දීම, ඩේවිඩ් කැමරන් තම මෝටර් රථය ළඟට ම පැමිණ අතට අත දීම වැදගත් නොවන්නේ යැයි කිව හැක්කේ කාට ද? සුද්දකු අතට අත දීමෙන් පසු තම අත සෝදා නොගත් පුද්ගලයකු ගැන අප තරුණ වියේ කතාවක් තිබූ බව මතක ය. මෛත්‍රිපාල එවැනි ප්‍රාථමික තත්ත්වයකට ඇද වැටෙන බවක් මෙකල මුහුණු නැති මුහුණුපොත හෙවත් ෆේස්බුක් පමණක් පරිහරණය කරන තරුණයන්වත්් නො කියනු ඇත. 

මෛත්‍රිපාල ශ්‍රි ල නි පක්‍ෂයට දෙන නායකත්වය

මෛත්‍රිපාල ශ්‍රි ල නි පක්‍ෂයට දෙන නායකත්වය

මෛත්‍රිපාල සිරිසේන පසුගිය දා පදනම් ආයතනයේ පැවති ශ්‍රී ල නි ප රැස්වීමක දී ආයාචනයක් කර ඇත. ඒ ආයාචනය කාහට යන්න පැහැදිලි ව කියා නැතත් අපට සිතන්නට ඇත්තේ ඒ මහින්ද රාජපක්‍ෂට බව ය. ඒ ගැන කතාකිරීමට පළමුව ශ්‍රී ල නි පක්‍ෂයට සම්බන්ධ රැස්වීම් බොහෝමයක් පදනම් ආයතනයේ දී පැවැත්වෙන්නේ ඇයි ද යන ප්‍රශ්නය නොඅසා ම බැරි ය. අද එහි ප්‍රධානියා ඉන්දියාවේ පශ්චාත් උපාධියක් ලබා ඇත්තෙකැයි කියැවෙයි. ඔහු කොටි සංවිධානයට එරෙහි මානුෂික මෙහෙයුම් පිළිබඳ ව ඉන්දීය දෘෂ්ටි කෝණයකින් පොතක් ලියා ඇති බව නම් මම දනිමි. මෛත්‍රිපාල සිරිසේන, චම්පික රණවක, කරුණාරත්න පරනවිතාන, රතන හිමි ආදීන් ඒ පොත කියවා ඇත් දැයි නො දනිමි. 

පඬියන්ගේ සිංහල ජාතිවාදය (ඉරිදා දිවයින ලිපියකි)

පඬියන්ගේ සිංහල ජාතිවාදය

පසුගිය දිනෙක රාජ්‍ය මාධ්‍යයක දිවයින හා රිවිර පුවත්පත් විවේචනය කරමින් එක් පඬියකු ලිපියක් ලියමින් මා සම්බන්ධයෙන් කියා ඇත්තේ මා ජාතීන් අතර සංහිඳියාවට අකුල් හෙළන විසකුරු ම මතවාද පතුරුවන පුද්ගලයා ලෙස ඉතිහාසගත ව සිිටින බව ය. ඔහු මා විදුසර පුවත්පතට ලියන ලිපි ගැන ද සඳහන් කරමින් ව්‍යංගයෙන් කියන්නේ අද වෛද්‍යවරුන් ඉංජිනේරුවන් බවට පත්ව සිටින ඇතැම් අය ඒ ලිපි කියවා  ජාතිවාදයෙන් හා ආගම්වාදයෙන් පෙළෙන බව ය.

19 වැනි සංශෝධනය කුමකට ද? (දෙසරැස ලිපියකි)

19 වැනි සංශෝධනය කුමකට ද?

19 වැනි ව්‍යවස්ථා සංශෝධනය නොයෙකුත් හැලහැප්පීම් මැද කැබිනට් මණ්ඩලයේ සම්මත වී ඇති බව කියැවෙයි. එහෙත් ඒ පිලිබඳ ආණ්ඩුවේ, පූර්ණ එකඟතාවක් ඇතැයි කිව නො හැකි ය. කැබිනට් ප්‍රකාශක රාජිත සේනාරත්න මහතා ප්‍රකාශ කරන අදහස්වලට එ ජා පක්‍ෂයේ ප්‍රබලයෝ ප්‍රසිද්ධියේ ම විරුද්ධ වෙති. ඔහු කැබිනට් ප්‍රකාශක වන්නේ නමට පමණක් ද? එසේත් නැත්නම් ඔහු ජනාධිපති මතය කැබිනට් තීරනය ලෙස ජනමාධ්‍යයට ප්‍රකාශ කරන්නේ ද? සිංහලයන්ට ද්‍රෝහී වූ ජාතික හෙළ උරුමයට හදිසියේ ම මේ ආණ්ඩුව ඊනියා ජාතික ආණ්ඩුවක්වත් සර්ව පාක්‍ෂික ආණ්ඩුවක්වත් නොවන බව මතක් වී ඇත. ඔවුන් දැන් කියන්නේ මේ එ ජා ප ආණ්ඩුවක් බව ය. 

විග්නේස්වරන්ගේ දෙමළ ජාතිවාදය (ඉරිදා රිවිර ලිපියකි)

විග්නේස්වරන්ගේ දෙමළ ජාතිවාදය

ඇතැමුනට අනුව ඉතාම විෂම ජාතිවාදී අදහස් ලියන්නේ මා ය. ඔවුන් මෙහි දී ජාතිවාදය යනුවෙන් අදහස් කරන්නේ ඊනියා සිංහල ජාතිවාදයකි. මේ අයට දෙමළ ජාතිවාදයක් නැත. එහෙත් මේ රටේ කිසි දිනෙක සිංහල ජාතිවාදියක් තිබී නැත.

මෛත්‍රිපාල සංධාන නායක

මෛත්‍රිපාල සංධාන නායක

පසුගිය ඉරිදා (මාර්තු 15 වැනි දා) ැවති එක්සත් ජනතා සංධානයේ සාමාජික පක්‍ෂවල නියෝජිතයන්ගේ රැස්වීමක දී මෛත්‍රිපාල සිරිසේන සංධානයේ නායකයා ලෙස පත්කරගෙන ඇත. එය එක්තරා ආකාරයකින් ගතහොත් නිළ වශයෙන් වූ ඊනියා පත්වීමක් තහවුරු කිරීමක් පමණක් විය. එහෙත් ඒ සමග ජනක බණ්ඩාර තෙන්නකෝන් එක්සත් ජනතා සංධානයේ ජාතික සංවිධායක ලෙස ද පත් කෙරී ඇත. ජනක බණ්ඩාර තෙන්නකෝන් චන්ද්‍රිකාට පක්‍ෂපාතී මහින්ද විරෝධියෙකි. එමෙන් ම ඔහු ජනාධිපතිවරණයේ දී මෛත්‍රිපාලට වක්‍ර ව ආධාර කළේ ය. අද මෛත්‍රිපාල සංධානයේ ද තම බලය තහවුරු කර ගනිමින් සිටියි.

දහතුනට එහා

දහතුනට එහා

යාපනයට ගිය මෝදිට උතුරු පළාතේ මහා ඇමති විග්නේස්වරන් කීවේ දහතුන්වැනි ව්‍යවස්ථා සංශෝධනයට එහා යන විසඳුමක් ලබා දෙන ලෙස ය. මෝදී කොළඹ ජනාධිපති ලේකම් කාර්යාලයේ පැවති උත්සවයක දී ඒ අදහස ම වෙනත් වචනවලින් ප්‍රකාශ කළේ ය. මෝදී ආවේ ලංකාව බලා කියා ගැනීමට නොවන බව පැහැදිලි ය. ඔහු අනුරාධපුරයට ගොස් ශ්‍රී මහා බෝධීන් වහන්සේ වැඳ පුදා ගත්තේ ය. රුවන්වැලි මහා සෑයට ද වැන්දේ ය. ඒ සියල්ල අපි අගය කරමු. ශ්‍රී මහා බෝධිය සිංහල බෞද්ධ සංස්කෘතියෙහි ද රුවන්වැලි මහා සෑය හෙළ බෞද්ධ සංස්කෘතියෙහි ද සකෛ්ත වෙයි. 

අප්‍රියෙල් 23

අප්‍රියෙල් 23

ආණ්ඩුවට පිහිටුවූයේ 2015 ජනවාරි 09 වැනි දා යැයි සැලකුවහොත් අප්‍රියෙල් 23 වැනි දා එහි 105 වැනි දිනය වෙයි. එදාට පාර්ලිමේන්තුව විසුරුවා හරින බව දින සියයේ වැඩ සටහනෙහි වෙයි. දින සියය පසු වී දින කිහිපයකින් පාර්ලිමේන්තුව විසුරුවා හරින බවට තීරණය කර ඇත්තේ නවක මන්ත්‍රීවරුන්ට විශ්‍රාම වැටුප අහිමි නො කිරීමට ය. ඒ පිළිබඳ ව අපේ විරුද්ධත්වයක් නැත. දින හතරක පහක වෙනසක් නිසා මන්ත්‍රීවරුන්ට විශ්‍රාම වැටුප අහිමි කිරීම මානව අයිතීන් කඩකිරීමක් නොවූවත් මානව හිතවාදී නො වේ. මන්ත්‍රීවරු ද මනුෂ්‍යයෝ  ය. 

ඔත්තු සේවාවල හවුල් කරුවෝ

ඔත්තු සේවාවල හවුල් කරුවෝ

මහින්ද රාජපක්‍ෂ තම පරාජය පිළිබඳ ව ඉන්දියාවේ පළවන හින්දු පුවත්පතට ඉතා පැහැදිලි ව ප්‍රකාශ කර ඇත්තේ පරාජය පිටුපස ඇමරිකාවේ සී අයි ඒ, එංගලන්තයේ එම් අයි 6 හා ඉන්දියාවේ රෝ ඔත්තු සේවා සිටි බව ය. එමෙන් ම මෙරට රෝ ප්‍රධානියාව ආපසු කැඳවන ලෙස ඉන්දියාවෙන් කරන ලද ඉල්ලීම අනුව ඔහු කැඳවා තිබූ බවත් එහෙත් එසේ කළේ ජනාධිපතිවරණ ප්‍රචාරක කටයුතුවල අවසාන අවස්ථාවේ දී බවත් ප්‍රකාශ කර ඇත. මෙය සුළුපටු ප්‍රකාශයක් නො වේ. ඔත්තු සේවා මෙරට ක්‍රියාත්මක වන බව දේශපාලනය ගැන උනන්දුවක් දක්වන අයට පැහැදිලි කරුණක් විය. සැලැස්මකට අනුව සිදු වූ එය කුමන්ත්‍රණයක් නො වේ. 

ජාතික විධායක සභාව

ජාතික විධායක සභාව

ජාතික විධායක සභාව නමින් පෙනී සිටින සංවිධානයක් ගෝඨාභය රාජපක්‍ෂ සිරභාරයට ගැනීමට තීරණය කර ඇතැයි වාර්තා වෙයි. මෙය සිරභාරයට ගැනීමක් ද අත්අඩංගුවට ගැනීමක් ද යන්න පැහැදිලි නැත. ඒ කෙසේ වෙතත් ජාතික විධායක සභාවේ අදාළ තීරණය ඒකමතික යැයි වාර්තා වෙයි. 

රජිව්ට පසු මෝදි පැමිණෙයි

රජිව්ට පසු මෝදි පැමිණෙයි

අද (2015 මාර්තු 13) උදේ ඉන්දීය අගමැති ලංකාවට පැමිණියේ ය. ජනමාධ්‍ය එය වාර්තා කරන්නේ අවුරුදු 28කට පසු ඉන්දීය අගමැතිවරයකු ලංකාවට පැමිණි අවස්ථාව ලෙස ය. එහෙත් මේ ජනමාධ්‍ය අමතක කරන කරුණු දෙකක් වෙයි. පසුගිය අවස්ථාවේ ද ඉන්දිය අගමැතිවරයකු ලංකාවට පැමිණියේ එ ජා පක්‍ෂ (ජේ ආර්) යම් ආකාරයක යටත්විජිත ආණ්ඩුවක් ඇති අවස්ථාවක ය. දෙවැන්න රජිව් ගාන්ධි එදා පැමිණියේ අප මත අපකීර්තිමත් ඉන්දු ලංකා ගිවිසුම පැටවීමට බව ය. දහතුන් වැනි ව්‍යවස්ථා සංශෝධනය, පළාත් සභා ඒ ගමනෙහි ප්‍රතිඵල විය. ඉන්දු ලංකා ගිවිසුමට විරුද්ධව රටේ තදබල විරෝධතාවක් පැන නැගුණු අතර එහි දී ජීවිත කිහිපයක් ද නැති විය. 

වගකිව යුත්තෝ කවරහු ද?

වගකිව යුත්තෝ කවරහු ද?

රනිල් සිරිසේන ආණ්ඩුව බලයට පත් කෙරුණේ මාදුළුවාවේ සෝභිත හිමියන් විසින් හෝ අතුරලියේ රතන හිමියන් විසින් හෝ නො වේ. උන්වහන්සේට එවැන්නක් කිරීමට තරම් ශක්තියක් නැත. උන්වහන්සේ එසේ කළ සේක යැයි ප්‍රකාශ කිරීම ම උන්වහන්සේට නැති ගෞරවයක් ලබා දීමකි. උන්වහන්සේ සහ තවත් අය ආණ්ඩුව බලයට පත්කිරීමේ ව්‍යාපෘතියෙහි ඉත්තෝ පමණක් වූහ. 

ධනපාල මහතාගේ අවුල (විදුසර ලිපියකි)

                                           ධනපාල මහතාගේ අවුල

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතාගේ ඊනියා ජීවිතයේ අරුත, බටහිර විද්‍යාවේ දාර්ශනික පදනම ආදිය ගැන ලියන ලිපි පෙළට ප්‍රතිචාර දැක්වීම සති කිහිපයකට කල් දැමීමට සිදු වී ඇත. එයට හේතුව බෝධි ධනපාල නම් මහතකු පසුගිය හතරවැනි දා ලියා පළකර ඇති ලිපියකට පිළිතුරු දීම අවශ්‍ය නිසා ය. බෝධි ධනපාල මහතා ගැන මා දන්නේ නමින් පමණකි. ඔහු කැනඩාවේ ජීවත්වන බවත් එහි ක්විබෙක් ප්‍රාන්තයේ පාසලක රසායන විද්‍යාව උගන්වන බවත් එකල විද්‍යොදය විශ්වවිද්‍යාලය නමින් හඳුන්වනු ලැබූ ජයවර්ධනපුර විශ්වවිද්‍යාලයෙහි උපාධිධාරියකු බවත් වාර්තාවන කරුණු ඇසුරෙන් නිගමනය කළ හැකි ය. 

ජෝන් බය කිරීම

ජෝන් බය කිරීම

ජෝන් අමරතුංගට විරුද්ධව විශ්වාසභංග යෝජනාවක් ගෙනා දිනවල ම අප කියා සිටියේ එය ඡන්ද විමසීමකට ලක් නොකරන බව ය. අද එම යෝජනාව පාර්ලිමේන්තුවේ න්‍යාය පුස්තයෙහි හිර වී ඇත. ඒ අතර විපක්‍ෂය තවදුරටත් කියා සිටින්නේ ජෝන් අමරතුංග තවමත් ඇමති ධුරයට නොවටිනා වැඩ කරන බව ය.

ඩිලාන්ගේ තර්කය

ඩිලාන්ගේ තර්කය

ඩිලාන් පෙරේරා යනු බදුල්ල දිස්ත්‍රික්කයේ මන්ත්‍රීවරයෙකි. ඔහුගේ පියා මාෂල් පෙරේරා වෙයි. ඔහු, එනම් පියා, සබරගමුව පළාත් සභාවේ ආණ්ඩුකාරයා ය. මාෂල් පෙරේරා ආණ්ඩුකාරයා ලෙස පත්කරනු ලැබුයේ මෛත්‍රීපාල සිරිසේන විසිනි. මාෂල් පෙරේරාලා බදුල්ලට ගියේ අවුරුදු කීයකට පෙර දැයි නො දනිමි. බදුල්ලට මුලින් ගියේ ඩිලාන් පෙරේරාලාගේ පරම්පරාව ද නැත්නම් නිමල් සිරිපාල සිල්වාලාගේ පරම්පරාව ද යන්න ද නො දනිමි. ඒ කෙසේ වෙතත් ඩිලාන්ලා වාමාංශිකයෝ ය. ඔවුන්ට මහජන පක්‍ෂය සමග ද චන්ද්‍රිකා කුමාරතුංග සමග ද සම්බන්ධකම් වෙයි. 

රනිල් අස්වෙයි ද?

රනිල් අස්වෙයි ද?

අප්‍රියෙල් 23 වැනි දින පාර්ලිමේන්තුව විසුරුවා නොහැරියොත් රනිල් වික්‍රමසිංහ අස්විය යුතු යැයි අනුර කුමාර දිසානායක හෙවත් එ ජා පක්‍ෂයේ තරුණ සංවිධානය වූ ජනතා විමුක්ති පෙරමුණේ තරුණ විය ඉක්මවූ නායකයා කියයි. එමෙන් ම කබීර් හෂීම් පාරට බැසීමට කතා කරයි. ඒ සියල්ල පසුපස රනිල් වික්‍රමසිංහ ද තමා අස්වන බව කියන්නේ යැයි කටකතා පැතිර යයි. ඒ කටකතා ඇත්ත වුවත් නැතත් රනිල් අස්වෙයි ද යන ප්‍රශ්නය මෛත්‍රීට (මෛත්‍රීපාලට) වැදගත් ය. 

ජාතික ආණ්ඩුව පරාජය කරමු

ජාතික ආණ්ඩුව පරාජය කරමු

අප කලින් කියා ඇති පරිදි අප්‍රියෙල් 23 වැනි දාට පෙර ඊනියා ජාතික ආණ්ඩුවක් පිහිටුවීමේ අවශ්‍යතාව ඇත්තේ ශ්‍රී ල නි පක්‍ෂය නමින් තවමත් හැඳින්වෙන එහෙත් මූලික වශයෙන් ඉන්දියාව විසින් නැටවෙන ඉන්දීය (හා බටහිර) ගැති පක්‍ෂයට ය. එක්සත් ජාතික පක්‍ෂයට අවශ්‍ය අප්‍රියෙල් 23 වෑනි දාට පාර්ලිමේන්තුව විසුරුවා හැර ඉන් පසු පාර්ලිමේන්තු මැතිවරණයක් පවත්වා ඒ අලුත් පාර්ලිමේන්තුව මත පදනම් වෙමින් ඊනියා ජාතික ආණ්ඩුවක් පිහීිටුවීමට ය.

සිංහල ජාතිකත්වය වෙනුවෙන් (ඉරිදා දිවයින ලිපියකි)

සිංහල ජාතිකත්වය වෙනුවෙන්

පසුගිය ජනාධිපතිවරණයේ දී ද මතුවීමට තිබුණේ සිංහල ජාතිකත්වය ය. අපි ඒ බව සංධානයට කීවෙමු. එහෙත් එහි ජනාධිපතිවරණ ප්‍රචාරක කටයුතු මෙහෙයවූවෝ අවසන් සතිය දක්වා ම ජාතිකත්වය අමතක කළහ. ඒ අතර සිදුවූයේ ජාතිකත්වය අමතක කර ඊනියා දුෂණය ගැන කතාකිරීමට එ ජා ප ප්‍රචාරකයන් ඉදිරිපත් වීම ය. අවුරුදු තුනකට වැඩි කලක් තිස්සේ එ ජා ප මේ ප්‍රචාරය ගෙන ගොස් තිබිණි. එහි දී ඔවුන්ට ඇමරිකාව ප්‍රමුඛ  (සිංහල ජාතිකත්වයට එරෙහිව දෙමළ ජාතිවාදය ඇති කළේ එංගලන්තය වුවත් අද එය මෙහෙයවන්නේ ඇමරිකාව ය) බටහිරයන්ගේ හා ඉන්දියානුවන්ගේ සහාය නොමඳ ව ලැබිණි. ඉන්දියාවේ උගත් රෝ ඔත්තු සේවයට වැඩ කරන සිංහලයෝ මෙහි දී විශේෂයෙන් යොදාගනු ලැබුණහ. මේ එකකු මා හමුවීමට ද පැමිණියේ කොටින්ට විරුද්ධව රණවිරුවන් කළ මෙහෙයුම් ඔහු ඉන්දීය දෘෂ්ටි කෝණයකින් විස්තර කර ලියූ පොතක් ද රැගෙන ය. කළ යුතු පරිද්දෙන්ම මම ඔහු ගෙදරින් එළවා ගත්තෙමි.  

මෙරට ඇත්තේ දෙමළ ජාතිවාදයකි (ඉරිදා රිවිර ලිපියකි)

මෙරට ඇත්තේ දෙමළ ජාතිවාදයකි

පඬියන්ට මෙන් ම බොහෝ දේශපාලනඥයන්ට ද හිතේ හැටියට හා බොහෝ අවස්ථාවල ලැබෙන දීමනාව අනුව ඊනියා සිංහල ජාතිවාදයකට තැළිය හැකි ය. රාජ්‍ය නොවන ආයතන යැයි කියාගන්නා ගුබ්බෑයම්වල මෙන් ම ඊනියා සමාජ විද්‍යා පර්යේෂණ ආයතනවල ද සේවය කරන්නෝ අඩු වැඩි වශයෙන් සෘජුව හෝ වක්‍රව හෝ විදේශීය රාජ්‍යවලින් යැපෙති. මේ රාජ්‍ය ඉතා වැඩි වශයෙන් ගත්කල බටහිර රාජ්‍ය වෙයි. ඉන්දියාව ද මේ ව්‍යාපාරයෙහි කොටස් කරුවෙකි.

අස්කළ යුත්තේ කාවද?

අස්කළ යුත්තේ කාවද?

පසුගිය 6 වැනි සිකුරාදා නුවර පවත්වන ලද රැස්වීමට සහභාගි වූ ශ්‍රී ල නි ප මහජන නියෝජිතයන්ට නිසි දඬුවම් දිය යුතු බව රාජිත සේනාරත්න පවසයි. ඔහුට අනුව අදාළ මන්ත්‍රීන් පක්‍ෂයෙන් අස්කළ හැකි ය. එහෙත් බේරුවල ශ්‍රී ල නි ප මහජන නියෝජිතයකු පවසා ඇත්තේ අස්කළ යුත්තේ රාජිත බව ය. 

විග්නේස්වරන්ගේ දෙමළ ජාතිය

විග්නේස්වරන්ගේ දෙමළ ජාතිය

ජනාධිපති මෛත්‍රිපාල සිරිසේන උතුරු පළාතට ගිය අවස්ථාවේ දී එහි මහා ඇමති විග්නේස්වරන් ජනාධිපති හා වෙනත් අය අමතා කළ කතාවක කියා ඇත්තේ මෙරට දෙමළ ජනයා වෙන ම ජාතියක් බව ය. මෙය අලුත් කතාවක් නො වේ. චෙල්වනායගම් නාගනාදන් ආදීහු අවුරුදු හැත්තෑවකට පමණ පෙර ද මේ කතාව කීවෝ ය.

රනිල් මෛත්‍රි ගැටුමක්

රනිල් මෛත්‍රි ගැටුමක්

අප්‍රියෙල් 23 වැනි දිනට පෙර (හැකි නම් මෛත්‍රිපාල සිරිසේන එංගලන්තයෙන් ආපසු පැමිණි වහාම) ජාතික ආණ්ඩුවක් පිහිටුවීමේ සැලැස්ම මූලික වශයෙන් ඉන්දියාවේ ය. එයට බටහිරයන්ගේ ද සහාය ලැබෙන බව පෙනෙයි. ඔවුන්ට අවශ්‍ය වන්නේ මහින්ද රාජපක්‍ෂ දේශපාලනයෙන් සදහට ම ඉවත්කිරීම, ඔහුට දඬුවම් කිරීම, ඊනියා ජාත්‍යන්තර අධිකරණයකින් හැකි නම් මහින්ද දංගෙඩියට යැවීම ආදිය ය. මෛත්‍රිපාලට අවශ්‍ය ශ්‍රී ල නි පක්‍ෂය තම යටතට ගෙන පක්‍ෂයෙහි තම ආධිපත්‍යය පිහිටුවීම ය. ඔහුගේ තර්ජන ගර්ජන ඒ සඳහා ය. 

නුවර රැස්විම

නුවර රැස්විම

හයවැනි දා (ඊයේ) මහින්ද අගමැති අපේක්‍ෂක ලෙස ඉදිරිපත් කිරීම සඳහා වූ මහනුවර පවත්වන ලද රැස්වීම අතිශයින් සාරථක ය. ශ්‍රි ල නි පක්‍ෂ පික් පොකට් නායකත්වයට ඉන් අත්වූයේ පරාජයකි. පක්‍ෂයේ මහජන නියෝජිතයන්ට රැස්වීමට සහභාගි තහනම් කිරීමට එහි මධ්‍යම කාරක සභාව තීරණය කර තිබියදීත් පාර්ලිමේන්තු මන්ත්‍රී  දිලුම් අමුණුගම වේදිකාවේ ම පෙනී සිටියේ ය. ඒ අතර හිටපු ඇමති (නීත්‍යානුකූල ව නම් තවමත් ඇමති) සාලින්ද දිසානායක ඇතුළු මන්ත්‍රීවරු අට දෙනෙක් පමණ රැස්වීමට සහභාගි වූහ.

දින සියය ඉවරයි

දින සියය ඉවරයි

මෛත්‍රිපාල සිරිසේනගේ ජනාධිපතිවරණ වේදිකාවෙන් ජනතාවට ඉදිරිපත් කළ ප්‍රධාන කරුණක් වූයේ දින සියයේ වැඩ පිළිවෙළ ය. එ සඳහා දින වකවානු සහිත ව දින පොතක් ඉදිරිපත් කෙරිණි. අහවල් දින අහවල් කරුණ ඉටු කරන්නේ යැයි කියැවිණි. එහෙත් ඒ එසේ ඉටු නො විණි. වැඩ පිලිවෙළක් ඉදිරිපත් කර ඡන්දය ලබා ගැනීම එකකි. ඒ ඉටු කිරීම තවත් එකකි.

විභීෂණ කවු ද?

විභීෂණ කවු ද? 

අප විභීෂණ ගැන දැනගන්නේ රාමායණයෙනි. ලෝකයේ වෙනත් විභීෂණලාත් සමහර විට සිටින්නට ඇත. එහෙත් රාමායනයේ විභීෂණ රාවණගේ සොයොහුරකු ලෙස දැක්වෙයි. එමෙන් ම රාවණ ලංකාවේ සිටි බව ද රාම, සීතා, ලක්‍ෂමණ හනුමන්ත් ආදීන් වත්මන්  ඉන්දියාවේ සිටි බව ද කියැවෙයි. මේ කතාව පිළිබඳ විවිධ අර්ථකථන වෙයි. ඇතැමුනට අනුව රාවණගේ ලංකාව මේ අපේ ලංකාව ය.

ඊනියා විශ්ව සේවකයා (විදුසර ලිපියකි)

ඊනියා විශ්ව සේවකයා

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා තමාගේ යැයි කියන ප්‍රවාදයක් ඉදිරිපත් කරන බවක් කියයි. සැකෙවින් ප්‍රකාශ කළහොත් ඔහුගේ යැයි කියන ප්‍රවාදයෙන් කියැවෙන්නේ මිනිස් ජීවිතයේ අරුත වන්නේ ජාන වර්ධනය සඳහා වාහකයක් සැපයීම බව ය. ජාන වර්ධනය සිදුවන්නේ ජාන විකෘති වීමෙන් බවත් ස්වාභාවික වරණය එහි දී වැදගත් වන බවත් ඔහු කියයි. අමරතුංග මහතාගේ පෙබරවාරි 18 වැනි දා ලිපියෙහි ඒ බව සඳහන් වෙයි. ඔහු එහි දී බුදු දහම සමග ද තම ප්‍රවාදය සංසන්දනය කරයි. එබැවින් ඒ ප්‍රකාශය මා අතින් විකෘති නොවීමට දිර්ඝ වශයෙන් උපුටා දැක්වීමට සිදුවෙයි. එහෙත් එයට පෙර ඔහුගේ පෙබරවාරි 4 වැනි දා ලිපියෙන් ඡෙදයක් උපුටා දක්වන්නේ ස්වාභාවික වරණය ගැන දන්නා අයට ඔහුගේ දැනුමේ තරම වටහා ගැනීම සඳහා ය.

ආණ්ඩුවේ ප්‍රෝඩාවක්

ආණ්ඩුවේ ප්‍රෝඩාවක්

පසුගිය ජනාධිපතිවරණයේ දී මෛත්‍රිපාල සිරිසේනගේ වේදිකාවෙන් කියැවුණේ අවුරුදු හැට ඉක්මවූ පුරවැසියන්ට ස්ථිර තැන්පතු සඳහා 15%ක පොලියක් ගෙවීමට කටයුතු කරන බව ය. එහි දී කිසිම කොන්දේසියක් ගැන නොකියැවුණු අතර බොහෝ දෙනා සිතන්නට ඇත්තේ යම්කිසි දිනකට පසුව සියළු ස්ථාවර තැන්පත් ගිණුම් සඳහා 15% පොලිය ලැබෙන බව ය. එ වන විට පසුගිය ආණ්ඩුවෙන් ජ්‍යෙෂ්ඨ පුරවැසියන් සඳහා ක්‍රියාත්මක වුණු විශේෂ පොලී ක්‍රමයක් ද විය.

විග්නේස්වරන්ට අවශ්‍ය කුමක් ද?

විග්නේස්වරන්ට අවශ්‍ය කුමක් ද?

උතුරු පළාතේ මහ ඇමති විග්නේස්වරන් දැන් දැන් දිගින් දිගට ම කියා සිටින්නේ ඊනියා ජාත්‍යන්තරය 1948 සිට මෙරට දෙමළ ජනයා සංහාරය කිරීම පිළිබඳ සොයා බැලිය යුතු බව ය. බටහිරින් ලංකාවට එන නියෝජිතයන්ට ඔහු ඒ බව කියයි.  උතුරු පළාත් සභාව යෝජනාවක් සම්මත කර ගනිමින් ද මේ ඉල්ලීම කර තිබුණේ ය. මේ ඉල්ලීම විසුරුණු දෙමළ ජනයාගෙන් ද ඉදිරිපත් වෙයි. පළාත් සභා මන්ත්‍රිනියක වූ ආනන්දී ද ඒ ඉල්ලයි. ඉතා පැහැදිලිව දෙමළ ජාතිවාදීහු මේ ඉල්ලීම වටා එකතු වී සිටිති. එය විග්නේස්වරන්ගේ ඉල්ලීමක් පමණක් නො වේ.

ශ්‍රී ල නි ප මන්ත්‍රීවරුන්ට වාරණයක්

ශ්‍රී ල නි ප මන්ත්‍රීවරුන්ට වාරණයක්

ශ්‍රී ල නි පක්‍ෂයේ මධ්‍යම කාරක සභාව රැස්වී එම පක්‍ෂයේ මන්ත්‍රීවරුන්ට වෙනත් පක්‍ෂ සංවිධානය කරන රැස්වීම්වලට සහභාගි නොවන ලෙසටත් තම පෞද්ගලික මත ප්‍රචාරය සඳහා මාධ්‍ය සාකච්ඡා නොපවත්වන ලෙසටත් වාරණයක් පණචා ඇත. මෙයින් කියැවෙන්නේ ශ්‍රී ල නි ප මන්ත්‍රීවරයකුට වෙනත් පක්‍ෂයක් සංවිධානය කරන රැස්වීමක් නැරඹීමට, එහි පැවැත්වෙන කතා ඇසීමට යෑමට තහනම් බව යැයි සිතිය නො හැකි ය. එවැනි ක්‍රියාවක් තහනම් කිරීමට පක්‍ෂයේ මධ්‍යම කාරක සභාවට අයිතියක් නැත.

අනාවැකි පළ කිරීම (ඉරිදා දිවයින ලිපියකි )

අනාවැකි පළ කිරීම

අනාවැකි පළකරන්නේ යම් දැනුමක් මත පදනම් වී ය. ඒ දැනුම වැරදි ද නිවැරදි ද යන්න පිළිබඳ ව විවිධ මතවාද, එනම් දැනුම් තිබිය හැකි ය. ඇතැමුනට අනුව දැනුම වන්නේ බටහිර විද්‍යාව පමණ ය. අනෙක් දැනුම් යැයි කියනු ලැබෙන දේ දැනුම් නො වේ යැයි ඔවුහු කියති. ඔවුන්ට අනුව ඒ ඊනියා දැනුම් මිථ්‍යා වෙයි. අනාවැකිය නමින් පළවන මේ තීරු ලිපිය කෙතෙක් කල් පළවන්නේ දැයි අනාවැකියක් පළකිරීමට හැකි ද? මා මිය යන තෙක් , මට ලිපි ලිවීමට හැකි තාක්, දින සියය පනින තෙක්, මීළඟ මැතිවරණයෙන් ආණ්ඩුවක් පත්වන තෙක් ආදී වශයෙන් ඒ අනාවැකි විවිධ විය හැකි ය. එහෙත් ඒ සෑම අනාවැකියක් ම වැරදීමට හෝ නිවැරදිවීමට හෝ සමිභාවිතාවක් ඇත. සියයට සියයක සම්භාවිතා සහිත නිවැරදි අනාවැකි තිබිය නොහැකි ය. සිදුහත් කුමරු නිසැකයෙන් ම බුදුවන බව අසිත තවුසා ප්‍රකාශ කළේ සමහර විට අංග ලක්‍ෂණ විද්‍යාව අනුව විය හැකි ය.

රාජිතට අනුව මෛත්‍රිපාල අගමැති අපේක්‍ෂක

රාජිතට අනුව මෛත්‍රිපාල අගමැති අපේක්‍ෂක 

අද මෙරට දේශපාලනය ක්‍රියාත්මක වන්නේ එක කරුණක් මත ය. මහින්ද රාජපක්‍ෂ දේශපාලනයෙන් ඉවත් කරන්නේ ද නැද්ද යන්න ඒ කරුණ වෙයි. 2009 නන්දිකඩාල් ජයග්‍රහණයෙන් පසුව මේ කරුණ කරළියට පැමිණියේ ය. ඊනියා රාජපක්‍ෂ රෙජිමය පැන්නීම බටහිරයන්ගේ ඉන්දියානුවන්ගේ හා ඔවුන්ගේ මෙරට ඉත්තන්ගේ හා ඒජන්තයන්ගේ ව්‍යාපෘතිය බවට පත්විය.

මංගලගේ ඉල්ලීම හා නැටීම

මංගලගේ ඉල්ලීම හා නැටීම

මේ දිනවල ජෙනීවාහි පැවැත්වෙන එක්සත් ජාතීන්ගේ මානව අයිතිවාසිකම් කොමිසමේ සමුළුවේ දී විදේශ කටයුතු පිළිබඳ ඇමති මංගල සමරවීර කොමිසමෙන් ඉල්ලා ඇත්තේ ආණ්ඩුව ගැන විශ්වාසය තබන ලෙස ය. ඒ අතර මෛත්‍රිපාල සිරිසේන වාරියපොළ සුමංගල හිමියන් සැමරීමේ රැස්වීමක දී කියා ඇත්තේ ආණ්ඩුව කිසිම විදේශීය රටක් සමග රටට අහිතකර ගිවිසුම් අත්සන් නොකරන බව ය. මේ කතා දෙක අතර ඇති සම්බන්ධය කුමක් ද?

දුෂ්ට මහේන්ද්‍ර හා මිස්ට ප්‍රභා - 3 (ඉරිදා රිවිර ලිපියකි )

දුෂ්ට මහේන්ද්‍ර හා මිස්ට ප්‍රභා -3

යක්‍ෂ සංස්කෘතිය යටපත්කර බලයට පත් මෞර්ය සංස්කෘතිය ගැමුණු කුමරුට රජකම නො දුන්නේ ය.මහාවංශය ඒ බව යම්තාක් දුරකට සඟවයි. අප දන්නේ ගැමුණු තිස්ස සමග සටන්කළ බව පමණ ය. එහෙත් එසේ සටන් කළේ ඇයි දැයි අපට කිසිවකු කියන්නේ නැත. අපට තේරෙන පරිිදි නම් තිස්සට දුන් රජකම ආපසු ගැනීම සඳහා ගැමුණුට සටන් කිරීමට සිදුවිය. එහි දී විහාර මහා දේවිය පමණක් නොව දශමහා යෝධයන් ද හිත යටින් ගැමුණුගේ පැත්ත ගන්නට ඇත. සටනින් ගැමුණු ජයග්‍රහණය කළේ ය. තිස්සයා ඇඳ නැතැයි කී හාමුදුරුවෝ ඔහු තමන්වහන්සේගේ කරමත ඇති බව ගැමුණුට නිහඬ ව දැන්වූහ. විහාර මහා දේවිය භික්‍ෂූන් වහන්සේ කරමතින් මාළිගාවට පැමිණි තිස්සයා වැළඳගත්තේ උතුරා යන මව් සෙනෙහසිනි.

පහළොවේ දුර්භාග්‍ය (දෙස රැස ලිපියකි )

පහළොවේ දුර්භාග්‍යය

1815 මාර්තු දෙවැනි දා අපට නිදහස අහිමි විය. මේ ලිපිය 1815, 1915 හා 2015 ගැන ය. මේ වසර තුන ම සිංහලයන්ගේ, විශේෂයෙන් ම සිංහල බෞද්ධයන්ගේ දුර්භාග්‍යය සනිටුහන් කළේ ය. ඒ සියල්ල පිටුපස සිටියෝ ඉංගිරිසිහු ය. ඉදිරියටත් මෙවැනි සිද්ධිවලට අපට මුහුණ පෑමට ඇති බැවින් ඉංගිරිසින් ක්‍රියා කරන ආකාරය ගැන යම් දැනුමක් ලබාගෙන තිබිය යුතු ය. 

අභ්‍යන්තර පරීක්‍ෂණය

අභ්‍යන්තර පරීක්‍ෂණය

ආණ්ඩුව එක්සත් ජාතීන්ගේ මානව අයිතිවාසිකම් කොමිසම මාර්තුවේ දී ඉදිරිපත් කිරීමට තිබූ වාර්තාව සැප්තැම්බර් දක්වා කල්දමා ගත්තේ අප්‍රියෙල් මාසයෙන් පසුව පැවැත්වීමට නියමිත මැතිවරණයේ දී ජනතාව ඉදිරියේ බොරු පම්පොරි කතාවක් කීමට ය. තම විදේශ ප්‍රතිපත්තියේ නිවැරදි බව නිසා මානව අයිතිවාසිකම් කොමිසම වාර්තාව ඉදිරිපත් කිරීම කල්දැමී යැයි කීම ආණ්ඩුවේ අවශ්‍යතාව විය. එහෙත් ආණ්ඩුව ජනතාවට නොකියන කරුණු ද වෙයි. නියෝජ්‍ය විදේශ ඇමති අජිත් පෙරේරා ඒ කරුණු සැඟවීමට අසාර්ථක උත්සාහයක් දරයි. විදේශ ඇමති මංගල සමරවීර බොහෝ විට විදේශගත ව සිටීම නිසා නියෝජ්‍ය ඇමතිට වැඩ වැඩි වී ඇත. 

ආණ්ඩුව මානව අයිතිවාසිකම් කොමිසමට පොරොන්දු වී ඇත්තේ ඊනියා මානව අයිතිවාසිකම් කැඩීම් පිළිබඳ අභ්‍යන්තර පරීක්‍ෂණයක් පවත්වන බව ය. එය හුදු අභ්‍යන්තර පරීක්‍ෂණයක් නො වේ. එයට ඊනියා ජාත්‍යන්තරයේ සහාය ද ලබාගනු ඇත. දෙමළ ජාතික සංධානය තාවකාලික ව වුවත් ඊනියා අභ්‍යන්තර පරීක්‍ෂණයට කැමතිවන්නේ ඒ ජාත්‍යන්තර සාධකය හේතුවෙනි. මේ ජාත්‍යන්තර නියෝජිතයන් යනු බටහිර නියෝජිතයන් මිස වෙනත් අය නොවන බව පැහැදිලි ය. බටහිරයන් ජාත්‍යන්තරය යනුවෙන් හඳුන්වන්නේ තමන් ම ය. එසේ වුවත් විසුරුණු දෙමළ ජනයා ඒ කොන්දේසිය මත කරන ඊනියා අභ්‍යන්තර පරීක්‍ෂණයකටවත් කැමති නැත. ඔවුන්ට අවභ්‍ය පූර්ණ ජාත්‍යන්තර පරීක්‍ෂණයක් ය. 

බටහිරයෝ් ද විසුරුණු දෙමළ ජනයාගේ ඉල්ලීම ඔවුන්ට අවශ්‍ය අන්දමට යොදා ගනිති. මේ ඊනියා අභ්‍යන්තර පරීක්‍ෂණය පරණගම කොමිසම සමග පටලවා ගත යුතු නො වේ. ආණ්ඩුවේ ඇතැම්හු තමන්ට සුපුරුදු ආකාරයට ඊනියා අභ්‍යන්තර පරීක්‍ෂණය පරණගම කොමිසම වෑනි එකක් යැයි කියති. එහෙත් ඒ සම්පුර්ණයෙන් ම ජනතාව නොමග යැවීමකි. පරණගම කොමිසම බලහත්කාරයෙන් අතුරුදහන් වූ අය ගැන සෙවීමට පත්කරන ලද්දකි. එය ඊනියා මානව අයිතිවාසිකම් කඩවීම් ගැන පරීක්‍ෂණ කිරීමට පත්කළ කොමිසමක් නො වේ.

පරණගම කොමිසම ඉදිරියට පැමිණ ඇති පෙත්සම්වලින් අතිවිශාල බහුතරය කොටි සංවිධානයට විරුද්ධව ඉදිරිපත් වී ඇත. පුද්ගලයන් අතුරුදහන් කෙරුණේ කොටි සංවිධානය විසිනි. පරණගම කොමිසමට විදේශීකයෝ පත් නො කෙරුණහ. විදේශිකයෝ හුදෙක් නීති උපදෙස් ගැනීම සඳහා පමණක් වූහ. එබැවින් අතුරුදහන් වුවන් ගැන සෙවීමට පත්කළ කොමිසම ඊනියා මානව අයිතිවාසිකම් ගැන පරීක්‍ෂණ කරන විනිශ්චය මණ්ඩලයකට සමාන කළ නො හැකි ය. අභ්‍යන්තර පරීක්‍ෂණයෙන් පසු විනිශ්චයක් ලැබෙනු ඇත. ඉන්පසු ඊනියා ජාත්‍යන්තර කොමිසමකට යෑම කාලය පිළිබඳ ප්‍රශ්නයක් පමණකි.  

ආණ්ඩුව වාර්තාව ඉදිරිපත් කිරීම කල්දමා ගැනීමට දකුණු අප්‍රිකානු ක්‍රමයට සත්‍යය හා සංක්‍රමණීය යුක්තිය පසිඳලීම සඳහා විශේෂ කාර්ය සාධක මණ්ඩලයක් පිහිටුවීමට ද  එකඟ වී ඇත. ජාතින් අතර සංහිඳියාව ඇතිකරන අප්‍රිකානු සත්‍ය කොමිසම් මගින් සිදු වී ඇත්තේ බහුතරය නොසලකා සුළුතරයට ආර්ථික ආධිපත්‍යයක් ලබා දීම ය. දෙමළ ජාතිවාදීන් ඉංගිරිසින්ගේ අනුග්‍රහයෙන් 1833 සිට ඉල්ලා ඇත්තේ මේ සුළුතර ආධිපත්‍ය ය. 

මහින්ද රාජපක්‍ෂ මහතා දකුණු අප්‍රිකාවෙන් එවැනි සත්‍ය කොමිසමක් පිහිටුවීමට උපදෙස් දීමට පැමිණි රැම්පෝසා ගෙදර යැවූ බව   සිහියේ තබා ගත යුතු ය. මහින්ද රාජපක්‍ෂ මහතාට එසේ කළ හැකි වූයේ පසුගිය ආණ්ඩුවේ බටහිර ගැති නොවන විදේශ ප්‍රතිපත්තිය හේතුකොට ගෙන ය. එහෙත් අද ඇත්තේ නොබැඳි විදේශ ප්‍රතිපත්තියක් යැයි කියමින් බටහිර ගැති විදේශ ප්‍රතිපත්තියක් අනුගමනය කරන ආණ්ඩුවකි. ආණ්ඩුව බටහිරයන්ගේ අවශ්‍යතාව පරිදි දෙමළ ජාතිවාදයට කප්පන් දෙයි.

නලින් ද සිල්වා

2015 මාර්තු 01