හීනමානය පදනම් වන තවත් කුල ක්‍රම

 හීනමානය පදනම් වන තවත් කුල ක්‍රම

 

අපට බෙහෙවින් ඇත්තේ ඉංගිරිසින් විසින් ඇති කරන ලද හීනමාන. ඒ බොහොමයක් අධ්‍යාපනය හා සම්බන්ධයි. ඉංගිරිසින් මෙරට ඇති කළ අධ්‍යාපනය ලබා ගැනීමට ඇති අවශ්‍යතාව එහි දී  ප්‍රධාන ම කාරණය වෙනවා. කොහොමටත් "ගොඩ එන්න" ඒ අධ්‍යාපනය අවශ්‍ය වෙනවා. බටහිර දැනුම ඇති තැනැත්තා නැති අයට වඩා උසස් අයකු ලෙස සලෙකීමට අප පුරුදු කරවා තිබෙනවා. සමස්තයක් ලෙස යමකුට දෙවැන්නකුට තරමට බටහිර දැනුම නැත්නම් පළමු තැනැත්තා දෙවැන්නා නොදන්නා යම් දෙයක් අහුලාගෙන තමන් දෙවැන්නාට වඩා දන්නවා කීමටත් දෙවැන්නා දන්නා දෙයක් නැති බවත් දන්නේ තමන් ම පමණක් බවත් කීමට පුරුදු වී සිටිනවා.

ප්‍රධාන හීනමානය

 ප්‍රධාන හීනමානය

 

මාක්ස්වාදය කියන්නෙත් තවත් විජාතික දැනුම් පද්ධතියක් පමණයි. බටහිර විද්‍යාව අනුකරණය කරන්න යන ඊනියා සමාජයීය විද්‍යාවන්ගෙන් එකක් තමයි මාක්ස්වාදය. එහි දී ඉතිහාසයත් සමාජයීය විද්‍යාවක් බවට පත් කරන්න තැත් කළා. මොන විද්‍යාව වුණත් දැනුමක් වෙන්න නම් ඒකෙ හිතළු වැඩ කරන්න ඕන. වැඩ කළත් ඒ වැඩ කරන්නෙ සීමිත වපසරියක පමණයි. උදාහරණයක් වශයෙන් නිවුටන් ම ගන්න පුළුවන්. නිවුටන්ගේ ගුරුත්වාකර්ෂණ කතාව විශ්වීය නියමයක් කියා කිවුවට අඩු තරමෙන් සූර්ය ග්‍රහ මණ්ඩලයෙවත් වැඩ කරන්නෙ නැහැ. නිවුටන් කියන විධියට ග්‍රහවස්තු සූර්යයා වටා (සූර්යයාගේ හා ගහ්‍ර වස්තුවේ ස්කන්ධ කේන්ද්‍රය වටා) අචල ඉලිප්සයක ගමන් කරන්න ඕන. එහෙත් එක ග්‍රහ වස්තුවක්වත් එලෙස චලනය වෙන්නෙ නැහැ. අයින්ස්ටයින් වුණත් එහෙමයි. සාධාරණ ගුරුත්වාකර්ෂණය ඊනියා අඳුරු ද්‍රව්‍යය හා අඳුරු ශක්තිය සම්බන්ධයෙන් වැඩ කරන්නෙ නැහැ.

සිංහලයන් පැවත එන්නෙ සිංහයකුගෙන් ඉතින් මොකෝ

 සිංහලයන් පැවත එන්නෙ සිංහයකුගෙන් ඉතින් මොකෝ

 

සිංහලයන් පැවත එන්නෙ සිංහයකුගෙන්. මොකක් ද ප්‍රශ්නෙ. ඒක බටහිර විද්‍යාව එක්ක එකඟ වෙන්නෙ නැද්ද? බටහිර විිද්‍යාවෙ කතන්දර එක්ක එකඟ වෙන්නෙ නැද්ද? ඒක ද ප්‍රශ්නෙ. එතකොට මහා පිපිරුම ගැන මොකද කියන්නෙ. ඒක හරි ද? විශ්වයට ම ආරම්භයක් තියෙනවා කියනවා. සිංහලයන්ට ආරම්භයක් තියෙන්න බැරි ද? ජාතියකට ජනවර්ගයකට ආරම්භයක් තියෙන්න ඕන ද? ඒක ඇරිස්ටෝටල්ගෙ වගේ කිසිම හේතුවක් නැති ආරම්භයක් ද? විශ්වාසයක් ද?  සිංහලයන් පැවතෙන්නෙ සිංහයකුගෙන් කියන එක මට නම් ප්‍රශ්නයක් නො වෙයි.

කුල හීනමානය

 කුල හීනමානය

 

ඊයේ ලිපියෙහි ගෝඨාභය ඇමරිකා එක්සත් ජනපදය බලා පිටත් ව ගොස් ඇති බව සඳහන් වුණේ ලංකා සී නිවුස් හි හා ලංකා ලීඩ් නිවුස් හි ඒ බව ප්‍රකාශ කර තිබූ නිසා. මා ඒ ප්‍රවෘත්තිය විශ්වාස කළා. එහෙත් ලිපිය පළ වීමෙන් පසු මට මිතුරකු කියා එවුවේ ඒ ප්‍රවෘත්තිය වැරදි බවත්  ගෝඨාභය රාජපක්‍ෂ පවුල සමග ඩුබායි ගොස් ඇති නමුත් ඔහුගේ පුතා ලේලිය හා මිණිබිරිය පමණක් එතැන් සිට එක්සත් ජනපද බලා යන බවත් එහෙත් ගෝඨාභය රාජපක්‍ෂ සිය භාර්යාව සමග ආපසු ලංකාවට පැමිණෙන බවත්. ගෝඨාභයට තවමත් එක්සත් ජනපදයට යෑමට වීසා ලැබී නැති බවයි කියැවෙන්නේ.  

දෙකයි පනහ හා දීනකම

 

• දෙකයි පනහ හා දීනකම

• බටහිරයකු කියා ඇති දේ තමන්ට තේරෙන විධියට සිංහලෙන් කීම පමණක් දෙකයි පනහේ උගත්කමක්. බටහිරයන්ට ඕන විධියට සිංහල ජාතියට හා සිංහල බෞද්ධ සංස්කෘතියට අවමන් කිරීම තම හීනමානය වසා ගැනීමට දීනයන් කරන වැඩක්.

ගෝඨාභයගේ නික්ම යෑම

 ගෝඨාභයගේ නික්ම යෑම

 

ගෝඨාභය රාජපක්‍ෂ පවුල පිටින් ඇමරිකා එක්සත් ජනපද බලා පිටත් වූ බව වාර්තා වෙනවා. එය නිවැරදි කියා හිතන්න පුළුවන්. ඒ සමග බටහිරයන්ගේ සැලසුමේ එක් අවස්ථාවක් අවසන් වෙනවා. ඊළඟ අවස්ථාව ජ වි පෙ හා රනිල් මගින් ක්‍රියාත්මක කෙරේවි. එය සාර්ථක වුවහොත්  මෙරට සිංහල බෞද්ධ සංස්කෘතිය ඉවරට ම ඉවර වෙන්න ඉඩ තියෙනවා. රනිල් හා රනිල්දාස ඉන්නෙ එක ම පිළේ. මාක්ස්වාදයත් ලිබරල්වාදයත් අවසානයේ දී ජාතිකත්වයට විරුද්ධ පැත්තෙ එකට ඉන්නවා.

මට්ටම්

මට්ටම්

අදානි ලෝකයේ තුන්වැනි ධනපතියා කියනවා. අපේ ඉහළ ම ධනපතියා ලෝකයේ කී වැනි ධනපතියා ද? අපේ ඉහළ ම විද්වතා ලෝකයේ කී වැනි විද්වතා ද? අර සියයට දෙකේ විද්‍යඥයන් හා මෙටා පඬි නැට්ටන් අමතක කරන්න.

බැටි කියන්නෙ මැටි කම ද?

 බැටි කියන්නෙ මැටි කම ද?  

 

මට අවශ්‍ය වුණෙ බැටික්ලෝ යන වචනයේ සම්භවය දැනගැනීමටයි. එය පෘතුගීසි වචනයක් ද සිංහල වචනයකින් ද බිඳී ආවක් ද නැත්නම් වෙනත් වචනයක් ද යන්න කලක් සිට මගේ ප්‍රශ්නයක් ව තිබුණා. මා දන්නෙ නැහැ එය කී දෙනකුගේ අවධානයට ලක් වී තිබුණා ද කියා. ප්‍රතිචාරවලින් නම් පෙනී යන්නේ මා හැර අනෙක් සියල්ලන් ඒ දැන සිටි බවයි. මගේ මෝඩකමට ප්‍රශ්න අහනවා. මෝඩකමට ඒ ලිපිය ප්‍රතිචාරවලටත් විවෘත කළා. ඒ බැටික්ලෝ සම්බන්ධ වෙනත් අදහස් තිබේදැයි දැන ගැනීමට.

නත්තල් සිතුවිල්ලක්

 නත්තල් සිතුවිල්ලක්

     අද සිංහල බෞද්ධයන්ට ප්‍රධාන   ප්‍රශ්න දෙකක් තියෙනවා. එකක්   බුදුහාමුදුරුවන්ට වඩා දන්න පුනබ්භවයක් නැති පිරිසක් බිහි වීම.  අනෙක ධනපතියන් භංග වීම.

මේ මඩකලපුවේ අවසානය නො වේ

 මේ මඩකලපුවේ අවසානය නො වේ

 

ඊයේ මඩකලපුව ගැන ලිපිය පළ කිරීමෙන් පසු මට අදහසක් ආවා කලෝ කියන්න කෝරළය වෙන්න පුළුවන් ද කියා. කෝරළය කියන වචනය පෘතුගීසීන්ට උච්චාරණය කිරීමට තරමක් අමාරු වචනයක් වෙන්න ඇති. එබැවින් එය කලෝ කියා හරි කරාලෝ කියා හරි පෘතුගීසි උච්චාරණයට සකස්කර ගන්න පුළුවන්. සමහර විට බැතකරාලෝ පසුව බැතකලෝ වෙන්නත් පුළුවන්. එහෙත් මට ප්‍රශ්නයක් වුණෙ එකල එනම් පෘතුගීසීන් මෙරටට පැමිණෙන කාලයෙහි මෙරට කෝරළවලට බෙදීම තිබුණා ද යන්නයි.

පැරිස් පිරිස්

 පැරිස් පිරිස්

ප්‍රංශය දියුණු රටක්. පැරීසිය කලා නිකේතනයක්. දාර්ශනිකයන් ද ඉන්නවා. අදමිටු ජාතිවාදී ආගම්වාදී සිංහල බෞද්ධයන් නැහැ. නත්තල සුබ වූ නැති ජනයා පාරේ

බැටිකලෝ ද බැතකළේ ද බැතකැලේ ද

 බැටිකලෝ ද බැතකළේ ද බැතකැලේ ද

 

මඩකලපුවට ඉංගිරිසියෙන් කියන නම බැටිකලෝ. එය මඩ කලපුව යන්නෙහි ඉංගිරිසි පරිවර්තනයක් නො වෙයි. පෘතුගීසීන් ඒ නම යොදාගෙන ඇති නිසා එය ඔවුන් ව්‍යවහාර කළ නමක් කියන එක පැහැදිලියි. මඩකලපුවේ බර්ගර් ජනගහනයක් ද ඉන්නවා. ඔවුන් සිංහලයන් සමග මිශ්‍ර වී ඇති බවක් පේනවා. ඒ කොහොම වුණත් මඩකලපුව බැටිකලෝ වුණෙ කොහොමද කියන එක සොයා බැලිය යුත්තක්.

මඩකලපුව

 මඩකලපුව

මා මඩකලපුව පිළිබඳ ලියූ ලිපිය ගැන කණගාටුයි. එය හුදු තොරතුරක් පමණයි. කිසි වැදගත්කමක් නැහැ. මඩකලපුවේ සිංහලයන් ගැන මගේ අදහස් නිරවුල්වීමක් නම් වුණා.

බත් රාජධානිය හෙවත් මඩකලපුව

 බත් රාජධානිය හෙවත් මඩකලපුව 

 

මා තොරතුරු සොයන්නකුවත් තොරතුරු සෙවීමෙහි දක්‍ෂයකුවත් නොවෙයි. මා කිසිම දේක දක්‍ෂයකු නොවන බව පඬි නැට්ටන් දන්නවා. සමහරු මා කියන දේ විකෘත කර ලියනවා. ඒ මගේ හොඳට ද තක්කඩිකමට ද ලියන දේ තේරුම් ගැනීමට නොහැකිකමට ද කියා දන්නේ නැහැ. බටහිර වැඩියෙන් ම දාර්ශනිකයන් බිහි වෙන්නෙ (අධ්‍යහරයෙන් වර්තමානයේ) ජර්මනියෙන් යැයි කියන විට එය දාර්ශනිකයන් සැම දා මුළුමනින් ම බිහි වී ඇත්තේ ජර්මනියෙන් යැයි ලිවීම සමහර විට තක්කඩිකමක්වත් නොහැකියාවක්වත් නොව සමර්ථකමක් වෙන්නත් පුළුවන්. එක් පඬි නැට්ටකු ඔලොක්කුවට කියා තිබුණා තමන් ග්‍රීක තම සීයා ජර්මන් කියා. ඔය ඉංගිරිසි රජ පවුලේ නම් එහෙම සම්බන්ධකම් තියෙනවා. 

ක්‍ෂත්‍රියයන්ගේ පැමිණීම හා මහාවංසය

 ක්‍ෂත්‍රියයන්ගේ පැමිණීම හා මහාවංසය

 

මෙරට ඉතිහාසයේ වැදගත් සන්ධිස්ථාන කිහිපයක් තියෙනවා. අපොයි නැහැ පරගලය ඉන් එකක් නො වෙයි. පරගලය කියන්නෙ බටහිරයන්ගෙ හා ඉන්දියාවෙ වුවමනාවට මෙරට ජාතිකත්වය නැති කිරීමේ ක්‍රියාවලියේ එක් අවස්ථාවක් පමණයි. එය දැනටමත් අසාර්ථක වෙලා. පරගලයෙ ඊනියා නායකයො එකිනෙකා සමග ඇණකොටා ගන්නවා. වමක් නැති වමාලා තමන්ගෙ වැඩක් හැටියට පෙන්නපු පරගලය ගැන දැන් ඇටි කෙහෙල් ගිලපු උගුඩුවො වගේ ඉන්නවා. විප්ලවයවත් ක්‍රමය වෙනස්වීමක්වත් සිද්ධ වුණෙ නැහැ. රනිල් 2024 වෙනකම් ඉන්නෙ කොහොමද කියල හිත හිතා ඉන්නවා. රනිල් පුංචි ඡන්දෙට එන්නෙ නැහැ වගේ. පොහොට්ටුවට තනියම එන්න වෙයි වගේ. ජාතිකත්වය නැති කර ගත් පොහොට්ටුවට විරුද්ධ ව යම් ජාතිකත්ව බලවේගයක් ගොඩ නැගෙන්න ඕන.

අභිසංස්කරණය හා දෙකාර්තේ

 අභිසංස්කරණය හා දෙකාර්තේ

 

සංස්කෘතියක් වෙනස් වෙන ක්‍රම හතරක් තියෙනවා. දැනුම කියන්නෙත් සංස්කෘතියක ම අංග. දැනුමත් ලබා ගන්නෙ නැත්නම් වෙනස් වෙන්නෙත් ඒ ක්‍රම හතරට. ඒ තමයි අනුකරණය, ආරෝපණය, අවශෝෂණය හා සංස්කරණය. සංස්කරණය කෙරෙන්නෙ ඒ අදාළ සංස්කෘතියෙමයි. මගේ මිතුරකු මට පවසා සිටියා සංස්කරණය යන්න අභිසංස්කරණය ලෙස හඳුන්වන්න කියා. මා එයට කැමතියි.  එවිට ක්‍රම හතර ම අ (ආ) යන්නෙන් පටන් ගෙන එක ලෙස අවසන් වෙනවා.

දෙදහස් පන්සීය ඉවරයි කියන්නෙ

දෙදහස් පන්සීය ඉවරයි කියන්නෙ

 

මෙතරම් තාර්කික ව විද්‍යාත්මක ව හිතන්න පුළුවන් තරුණ පරපුරක් ඉන්න රටක් මෙවන් තත්වයකට පත් වී ඇත්තේ තරුණ පරපුර හින්දම ද? මේ තරුණ පරපුර වැනි පරපුරක් අවුරුදු දෙදහස් පන්සීයේ ම ඉඳලා නැහැ. මා හිතන්නෙ නැහැ ඒ අවුරුදු දෙදහස් පන්සීයෙ හරි ඊටත් වැඩි කාලෙක හරි තරුණ පරපුරක් රජ කෙනකු හරි වෙනත් පාලකයකු හරි පන්නල දැම්ම කියල මේ තරුණ පරපුර මිසක්. මේ තරුණ පරපුරට එවැනි ශක්තියක් ලැබුණෙ කොහොම ද? අධ්‍යාපනයෙන් රුපවාහිනි නාළිකාවලින් හා සකර්බර්ග්ගෙන් වෙන්න ඇති.

අයින්ස්ටයින් කළ වැරදි කිහිපයක්

 අයින්ස්ටයින් කළ වැරදි කිහිපයක්

මා පහත සඳහන් උපුටනය පළ කරන්නේ අයින්ස්ටයිනුත් වැරදි කළා කියන්න නො වෙයි. මුගලන් මහා රහතන් වහන්සේත් විශ්වයේ කෙළවර සොයන්න ගියා. අයින්ස්ටයින් තමයි විශ්වවේදය භෞතික විද්‍යාවට හඳුන්වා දුන්නේ. විශ්වවේදී නියතය (cosmological constant) ඉදිරිපත් කිරීම තමා කළ ලොකුම වැරැද්ද බව ඔහු වරක් ප්‍රකාශ කළා. එයත් වැරදි බව අද භෞතික විද්‍යාඥයන් කියනවා.

අපට මගක් තියෙනවා ද?

 අපට මගක් තියෙනවා ද?

හොරණෑව පිඹීමට තවත් අවශ්‍ය නැති වුණත් ඊයේ ලිපියට ප්‍රතිචාර දැක් වූ සැමට පින් දෙන්න ඕන. කුණුහරුප ලියන්නෙ නැතුව අපහාස කරන්නෙ නැතුව ප්‍රතිචාර දැක්වීම ගැන සතුටුයි.  මට පෞද්ගලික ව ප්‍රතිචාර දැක් වූ අයත් සිටියා. ප්‍රතිචාරවලින් මා බොහෝ දේ ඉගෙන ගත්තා. බොහෝ ආසියාතික රටවල සොර්ණාවත් දවුලත් ව්‍යප්ත වී ඇති බවත් ඒ හැම තැනක ම වගේ ඒ විවිධ ස්වරූප ගෙන ඇති බවත් දැන ගන්නට ලැබුණා. එමෙන් ම නම ද යම් ප්‍රමාණයකට වෙනස් කෙරී ඇති බවත් කියැවුණා. ලංකාවේ දවුල කියන නම ඒ ලෙසමත් සොර්ණා කියන්න ඉතා සම්ප ව හොරණෑව වී ඇති බවත් පැහැදිලියි. 

හොරණෑවේ වැරදි දෙකක්

 හොරණෑවේ වැරදි දෙකක්

 

ඊයේ ලිපියේ මා වැරදි දෙකක් කර තිබුණා. එකක් අර සැක්සෆෝන් වාදකයාගේ නම සම්බන්ධයෙන්. ඔහුගේ නම කෙනී ජී (Kenny G) ඒ ඔහුගේ වේදිකා නම. ඔහුගේ නියම නම කෙනත් ගොර්ලික්. ඔහු යුදෙවු ජනවර්ගයට අයත් කෙනෙක්. මගේ මිතුරාට අනුව ඔහු සැක්සෆෝන් වාදනයෙහි ගිනස් වාර්තාවක් තැබූ පුද්ගලයෙක්. ඒ එක දිගට විනාඩි හතළිස් පහක් එක ම ස්වරය වාදනය කිරීමෙන්. ඒ සඳහා ඔහු යොදා ගෙන ඇත්තේ එකට හුස්ම ගැනීමේ හා පිඹීමේ ක්‍රමය. එය හොරණෑව වාදනයේත් යෙදෙන දික් ඕසෙ ක්‍රමය බවත් කෙනී ජී ඒ ඉගෙන ඇත්තේ ලංකාවේ දී බවත් මගේ මිතුරා කියනවා. ඒ සම්බන්ධ වැඩි තොරතුරු දන්නේ නම් ඒ ලබා දෙන මෙන් ඉල්ලනවා.

අපේ හොරණෑවෙ සම්භවය හා යක්කු

 අපේ හොරණෑවෙ සම්භවය හා යක්කු

 

සිංහල ජාතිකවාදීන් යම් පිරිසක් යක්‍ෂයන් ගැන කතා කිරීමට අකමැති බව මා දන්නවා. ඒ ඔවුන් යක්‍ෂයන් ගැන කතා කිරීම මගින් මෙරට සිංහල ඉතිහාසයට හානියක් වේද යන සැකය නිසා. ඉතිහාසය කියන්නෙ භෞතික විද්‍යාවට වඩා අමාරු විෂයයක්. එය ඊනියා සමාජයීය විිද්‍යාවක් නො වෙයි. මාක්ස් ඓතිහාසික භෞතිකවාදය කියන පට්ට ම පල් බොරුව මගින් ඉතිහාසය විද්‍යාවක් කරන්න ගියත් එය අතේ පත්තු වුණා. ඉතිහාසය කියන්නෙත් තවත් මානව ශාස්ත්‍රයක්. විශ්වවිද්‍යාලවල නම් ඉතිහාසය අයිති වෙන්න ඕන මානව ශාස්ත්‍ර පීඨයට මිසක් කිසිම වැඩකට නැති සමාජයීය විද්‍යා පීඨයට නො වෙයි. මා දැක්කා හිටපු සමාජයීය විද්‍යා පීඨාධිපතිතුමකු කියා තියෙනවා ආර්ථික අර්බුදයට සමාජයීය විිද්‍යාවන් මගින් පිළිතුරු සොයන්න ඕන කියා. අපේ තාත්තා ඒ දවස්වල කියනවා වගේ කොරල තියෙයි. ඉතිහාසය සංයුක්තයි. භෞතික විද්‍යාව වියුක්තයි. සංයුක්ත නිසා මතක තියාගන්න කරුණු බොහොමයක් තියෙනවා. අමාරු ඒකයි.