Main Logo

Saturday, 24 September 2022

ඒ කන්දත් අපේ තමයි මේ කන්දත් අපේ තමයි අපේ රාජ්ජේ

 

ඒ කන්දත් අපේ තමයි මේ කන්දත් අපේ තමයි අපේ රාජ්ජේ

 

රනිල් තම රැජන ගැන පාර්ලිමේන්තුවෙදි කරපු කතාවෙන් ජාතික රූපවාහිනිය ප්‍රචාරය කළ කොටස අහගෙන හිටියට පස්සෙ මට හිතුනෙ ඇය තව කලක් රැජන හැටියට තියා ගත්ත නම් කොච්ර හොඳ ද කියල. ඇය ව්‍යවස්ථානුකූලව ලංකාවේ රැජන වෙලා ඉඳලා තියෙන්නෙ 1952 ඉඳන් 1972 වෙන තුරු විතරයි. හැත්තෑ දෙකෙන් පස්සෙ ලංකාව ජනරජයක් වුණා. අපරාදෙ. විජයගෙ හිටන් රජ කළ රජවරු  නැතිවුණා. මෙච්චර කල් අප ඉගෙන ගත්තෙ ලංකාවෙ අන්තිම රජු ශ්‍රී වික්‍රම රාජසිංහ කියල. ඊයෙන් පස්සෙ ඒක වෙනස් කරන්න වෙලා. අපේ අන්තිම රැජන දෙවැනි එලිසබෙත්.

Friday, 23 September 2022

ජනාධිපති හා එංගලන්තයේ රජු

 

ජනාධිපති හා එංගලන්තයේ රජු

 

ඉංගිරිසින් අප රටට පැමිණෙන විටත් අපට යම් අධ්‍යාපන ක්‍රමයක් තිබුණා. ඒ පන්සල් ඇසුරෙන්. එහෙත් අපේ පිරිවෙන් අභාවයට ගොස් තියෙන්න ඇති. කෝට්ටේ යුගයේ විජයබා පිරිවෙන, සුනේත්‍රා දේවී පිරිවෙන ගැන කියැවෙනවා. එහෙත් දහනවවැනි සියවසේ එවැනි ප්‍රසිද්ධ පිරිවෙන් තිබුණා ද යන්න ප්‍රශ්නයක්. පන්සල් ඇසුරෙන් ලැබූ අධ්‍යාපනය මා කුඩා කලත් පන්සල් පොත් කියවීම ලෙස පැවතුණා. මාත් පන්සල් පොත් කියවූ අයෙක්.

 

Thursday, 22 September 2022

ඉංගිරිසි ක්‍රිස්තියානි සංස්කෘතියෙ බෞද්ධ පාසල්

 ඉංගිරිසි ක්‍රිස්තියානි සංස්කෘතියෙ බෞද්ධ පාසල්

 

මා හිතන්නෙ අපේ අම්මලගෙ පරම්පරාව තමයි ඉංගිරිසි ක්‍රිස්තියානි සංස්කෘතියට හුරුවෙන්න පටන් ගත්තෙ කියල. මා කියන්නෙ ඉංගිරිසි සංස්කෘතියෙ ප්‍රභූ පාසල්වල ඉගෙන ගත් අය ගැනවත් ඉංගිරිසි ආර්ථිකයෙ පළ නෙලාගත් අය ගැනවත් නො වෙයි. ඔවුන් කලක සිට ඉංගිරිසි කතාව හුරු වෙච්ච අය. මා සඳහන් කරන්නෙ ඉංගිරිසි කතා නොකළ ඉංගිරිසි මාධ්‍යයෙන් උගන්වන පාසල්වල ඉගෙගන නොගත් අම්මලගෙ පරම්පරාව ගැන. 

යළි ඉපදීම

 යළි ඉපදීම

 

ක්‍රිකට් ලෝකයේ යළි උපන් භාණුක රාජපක්‍ෂ ගැන පාස්ටර් කියන කතාව පිළිබඳ ව පඬි නැට්ටන් ජඩමාධ්‍යවේදීන් ඇතුළු සකල ලෝකවාසී බුද්ධිමතුන් නිහඬ එය මිථ්‍යාවක් නොවන නිසා විය යුතුයි. බුද්ධිමතුන්ට යමක් වරදින්නේ නැහැ. අද දේශපාලනයෙහි සහ වෙනත් තැන්වල යළි උපන් අය බලය තහවුරු කර ගෙන. මා කියන්නේ භාණුක රාජපක්‍ෂ ගැන නො වෙයි.

Wednesday, 21 September 2022

මගේ ප්‍රශ්නය හා රටේ ප්‍රශ්නය

 

මගේ ප්‍රශ්නය හා රටේ ප්‍රශ්නය

 

මා ආගිය තොරතුරු ලියන්නේ මගේ ප්‍රශ්නය නිරවුල් කර ගැනීමටයි. පඬි නැට්ටන් නම් කියන්නේ තමන් නිරවුල් බැවින් නිරවුල් වීමට අවශ්‍ය නැති බවත් මා අවුල් නිසා නිරවුල් වීමට තැත් කරන බවත්. ඔවුන්ට නිරවුල් බව තබා ගැනීමට කියා ප්‍රාර්ථනා කිරීමට හැකි නමුත් එය රටට අහිතකරයි. මගේ ප්‍රශ්නය මට බටහිර විිද්‍යාඥයකු වීමට නොහැකි වූයේ ඇයි ද යන්නයි. මෙරට ජාතික විද්‍යා ශාස්ත්‍රීය සංගමයක් (National Academy of Sciences) තියෙනවා. එහි අධිසාමාජිකයන් (Fellows) එකසිය පනස් දෙනකු පමණ ඉන්නවා කියලයි මා හිතන්නෙ. මා ඔවුන් අතරවත් නැහැ. මා අවුරුදු විසිහයක් වීමට කලින් ආචාර්ය උපාධියක් ලබා ගත්තත් මහාචාර්යවරයකු වුණේ හැට පැන්නටත් පස්සෙ. මා දන්නා අනෙක් හැම මහාචාර්යවරයකු ම වගේ හැට පනින්න කලින් මහාචාර්යවරුන් වුණු අය. අවුරුදු තිහෙන් තිස්පහෙන් මහාචාර්යවරු වෙච්ච විද්වතුනුත් ඉන්නවා. ඔවුන් උගතුන් වෙන්න ඕන. ඒත් ඒ අය විිද්‍යාඥයන් නම් නොවන බව මා කියන්නේ ඊර්ෂ්‍යාවකින් නම් නො වෙයි.

Tuesday, 20 September 2022

අපේ නිවටකම

 

අපේ නිවටකම

 

මෙය කෙටි සටහනක්. එලිසබෙත් වින්ඩ්සර්ගේ කතාව දිගින් දිගට ඇදෙනවා. ඒ අපේ නිවටකම පෙන්වමින්.  මේ නිවටකම බොහෝ කලක සිට පැවත එන්නක් වෙන්න පුළුවන්. ඉංගිරිසින් ඒ බව තේරුම් ගත්තත් වෙන්න පුළුවන්.

Monday, 19 September 2022

දහතුන

 දහතුන පූර්ණ වශයෙන් දීමට ඉන්දියාව ලංකාවට බල කරන්නේ මෙරට අම්ම අප්පගෙ බූදලේ කියා හිතා ගෙන ද? තමිල්නාඩුව සැනසීමට අප බිලි දීමට ද?

අද ශෝක දිනයක්

 

අද ශෝක දිනයක්

 

මට රට වෙනුවෙන් කතාකරන්න බැහැ. ඒත් අද මට නම් ශෝක දිනයක්. අද එලිසබෙත් වින්ඩ්සර්ගේ අවමංගල්‍යය සිදු කෙරෙන දවස. දස ලක්‍ෂයකට වඩා ජනකායක් ලංඩනයට එකතු වේය කියා බලාපොරොත්තු වෙනවා. එය ගාලු මුවදොරට පරගලය වෙනුවෙන් පැමිණි පිරිසට වඩා බෙහෙවින් වැඩි වේවි. එංගලන්තයේ වෙසෙන ඇතැම් සිංහලයන් ද එයට විවිධ කාරණා නිසා එකතු වේවි. ඔවුන්ටත් ශෝකයක් ඇති වේද කියා මා දන්නේ නැහැ.

 

Sunday, 18 September 2022

කබාය ඉරිලා ඊට කමක් නැහැ

 

කබාය ඉරිලා ඊට කමක් නැහැ

 

අපේ දෙමවුපියන් අප හැදුවේ සිංහල බෞද්ධ සංස්කෘතියක. සංස්කෘතිය කියන්නෙ හැදියාව. අපේ හැදියාව ඉංගිරිසි ක්‍රිස්තියානි සංස්කෘතියක අයකුගේ  හැදියාවෙන් වෙනස්. අපේ පමණක් නොව පඬි නැට්ටන්ගේ හැදියාවත් එංගලන්තයේ හරි උතුරු අමෙරිකාවේ හරි ඉංගිරිසි ක්‍රිස්තියානි අයකුගෙන් වෙනස්. පඬි නැට්ටකු හා ඉංගිරිසිකාරයකු අතර වෙනස දකින්න පුළුවන්. ඒ හමෙන් පමණක් නොවෙයි.  සිංහල බෞද්ධ සංස්කෘතියේ අපට වියුක්ත ව හිතන එක අමාරුයි. අපට භෞතික විද්‍යාවෙන් නොබෙල් තැග්ගවත් ගණිතයෙන් ෆීල්ඩ්ස් පදක්කමවත් දිනන්න බැහැ. දැන් පඬි නැට්ටකු කියන්න බැරි නැහැ නලින් ද සිල්වාට නොබෙල් තෑග්ග ලොකු වුනාට අපට ලොකු නැහැ කියල. එහෙම උත්තර දෙන්නෙත් සිංහල බෞද්ධ සංස්කෘතියෙ.

 

Saturday, 17 September 2022

දිරිය මවුවරු

 

            දිරිය මවුවරු

 

බොහෝ අම්මලා දිරිය මවුවරු. අම්මලාගේ ලෝකයේ පවුල ප්‍රධානයි. කලක් සමහර සංස්කෘතීන්වල තිබුණෙ මාතෘ මූලික සමාජ කියනවා. ඒත් දැන් නම් ලෝකයේ බොහෝ සංස්කෘතීන්වල ඇත්තෙ පීතෘ මූලික සමාජ. සිංහලයන් අතරත් එහෙමයි. එහෙත් තාත්තා ඊනියා ගෘහ මූලික වුවත් දරුවන් හදා වඩා ගැනීමේ කටයුත්තේ දී මූලික වන්නෙ අම්මා. දරුවන්ට පවතිනා ක්‍රමයෙ හොඳ තත්වයක් ලබා දීම අම්මලා තම ප්‍රධාන කාර්යය බවට පත් කරගෙන. මේ හොඳ කියන එක පිටුපස තියෙන්නෙ ප්‍රධාන වශයෙන් ම සමාජ ආරක්‍ෂාවක්. එහෙමත් නැත්නම් රක්‍ෂණයක්. අම්මලා බොහෝ විට පවතින ක්‍රමයට අනුගත වෙනවා.  අර විස්තෘත කියන පවුලෙන් පිට කටයුතුවලට මැදිහත් වෙන්නෙ අම්මලා ටික දෙනයි.

 

Friday, 16 September 2022

මා බාල කාලේ

 මා බාල කාලේ

 

මා පාණදුරේ වෑකඩ බෞද්ධාලෝක මිශ්‍ පාඨශාලාවට ඇතුළත් වුනේ 1949 ජනවාරි මාසයේ. එකල පාසල්වලට ඇතුළත් වීමට අවුරුදු හතරයි මාස හයක් සම්පූර්ණ විය යුතුව තිබුණා. එහෙත් මගේ වයස අවුරුදු හතරයි මාස දෙකක් පමණයි. එසේ වුවත් ගුරුවරුන් හා ක්‍රමය දන්නා අයගේ දරුවන්ට අවුරුදු හතරයි මාස හය පිරෙන්නට පෙර ඇතුළත් වීමට පුළුවන් වුණා. ඔවුන් පාසලට ඇතුළත් කළත්  දිනපතා පැමිණීමේ පොතේ නම ලිවුවේ නැහැ. පොතේ නම ඇතුළත් කෙළේ අවුරුදු හතරයි මාස හයක් සම්පූර්ණ වීමෙන් පසුවයි. පඬි නැට්ටකු කියන්න පුළුවන් හෝඩියේ ඉඳන් නලින් ද සිල්වා හොරට වැඩ කර තියෙන්නෙ කියා.

Thursday, 15 September 2022

ලංකා දේශපාලනය

 ලංකාවේ දේශපාලන තත්වය කුම්බලා මාළු කෑ බළලාගේ තත්වයයි

සතපහක ආධාරයක් දෙන්නෙ නැතුව බෙල්ල හිර කිරීම

 

සතපහක ආධාරයක් දෙන්නෙ නැතුව බෙල්ල හිර කිරීම  

 

ක්‍රිකට් වසන්තය තව දින කිහිපයකින් ඉවර වෙනවා. රනිල් එලිසබෙත් වින්ඩ්සර්ගෙ මළගෙදර ගිහින් ශෝක වෙලා ජාතියත් නිල වශයෙන් ශෝක කරල ආවට පස්සෙ ඒ කතාවත් ඉවරයි. ක්‍රිකට් කුසලාන අස්සෙ එක දෙයක් මගේ සිත් ගත්තා. වනිඳු හසරංග ආසියා කුසලානත් අරගෙන ගුවන් තොටුපොළේ ඉඳන් කොළඹට එන බසයේ මා  හිතන්නේ ගමන ආරම්භයේ දී සාදු සාදු කිවුවා. අපි ගමනක් අරඹන විට සාදු සාදු කියනවා. ඒ යහපතක් වේවා කියන හැඟීමෙන්. වනිඳුට ඒ සංස්කෘතික පුරුද්ද හිතට ආපු එක හොඳයි. වනිඳුටත් කණ්ඩායමටත් යහපතක් ම වේවා!

Wednesday, 14 September 2022

ක්‍රිකට් වසන්තයෙන් පසු

 


ක්රිකට් එලිසබෙත් අවසන් වූ පසුව නැවතත් ආර්ථිකය. ගෙවන්න මුදල් වෙන් නොකර ප්රමාද ගාස්තු ගෙවන්න සිදුවන රටක අනාගතය?

ක්‍රිකට් හා අපි

 

ක්‍රිකට් හා අපි

 

ක්‍රිකට් හා දැල් පන්දු ගැන අප කතා කළත් අපේ වැඩි උනන්දුව ක්‍රිකට් වෙතටයි. යම් අයුරකින් වෙනත් දවසක දැල් පන්දු ආසියානු ශූරතාව දිනා ඒ කණ්ඩායම පැමිණියා නම් අද මෙන් පිළිගැනීමක් ලැබෙන්නේ නැහැ. වොලිබෝල් ගැන එතරම් කතාවක් නැහැ. අප කුමක් කීවත් මෙරට ජාතික ක්‍රීඩාව බවට ක්‍රිකට් පත් වෙලා. මා හිතන්නේ අද බොහෝ පාසල්වල ක්‍රිකට් කණ්ඩායම් තියෙනවා. සමහර විට දෙවැනි කණ්ඩායම් ඒ කණ්ඩායම් අවුරුදු දහසයෙන් පහළ කණ්ඩායම් ආදී වශයෙන් ද කණ්ඩායම් තියෙනවා වෙන්න පුළුවන්.

Tuesday, 13 September 2022

රනිල්ගේ රැජන

 ව්යවස්ථාවෙන් මිස එලිසබෙත් වින්ඩ්සර් මෙරට රැජන නොවීය, රනිල් මෙරට ජනාධිපති නොවේ.

රැජන ඇයයි රනිල් රාජ්ජේ

ශ්‍රී වික්‍රම රාජසිංහ රජු දවස ඇරඹි රිච්මන්ඩ් විදුහල

 

ශ්‍රී වික්‍රම රාජසිංහ රජු දවස ඇරඹි රිච්මන්ඩ් විදුහල

 

මෙරට පැරණි පාසල් ලැයිස්තුව ගැන අවධානය යොමු කරන විට කාරණා කිහිපයක් පැහැදිලි වෙනවා. ඒ ලැයිස්තුවේ ඇත්තේ ඉංගිරිසි මාධ්‍යයෙන් ඉගැන් වූ පාසල් ලෙස ගත් විට අද අප මුහුණ පා සිටින ගැටළුව අවබෝධ කර ගැනීම පහසු වෙනවා. ඒ ලැයිස්තුවේ අති විශාල බහුතරය විවිධ ක්‍රිස්තියානි හා කතෝලික සභා විසින් පිහිටුවන ලද පාසල්. ඒ පාසල්වලිනුත් බහුතරය උතුරු හා නැගෙනහිර පළාත්වල පිහිටුවා ඇත්තේ. ඒ දිනවල අද පවතින පළාත් මායිම් නොතිබුණත් එහි යම් රටාවක් දකින්න පුළුවන්.

Monday, 12 September 2022

ජය පරාජේ

 ආර්ථිකයෙන් ආසියාවෙ බංකොළොත් අපි ආසියාවේ ක්රිකට් හා දැල්පන්දු ශූරයන් ශූරියන්. ඊනියා උගතුන් හා බුද්ධිමතුන් පරාද ද? අපි ඔක්කොම පරාද ද?

මෙරට අධ්‍යාපනයේ ක්‍රිස්තියානි බලපෑම (ඊනියා ලකුණ)

 

මෙරට අධ්‍යාපනයේ ක්‍රිස්තියානි බලපෑම (ඊනියා ලකුණ)

 

මා ඉගෙන ගත් ඊනියා පිළිගත් ආයතන හැටියට හතරක් නම් කරන්න පුළුවන්. ඒ දහම් පාසල් හා පන්සල් පොත් කියවූ පාණදුරේ වැකඩ ධර්මප්‍රාසාදය හැරෙන්න. ඒ ආයතන හතර වන්නේ පාණදුරේ වැකඩ බෞද්ධාලෝක මිශ්‍ර පාඨශාලාව (අද එය පාණදුරේ බෞද්ධාලෝක විද්‍යාලය ලෙස හැඳින්වෙනවා, කොළඹ තරස්ටන් පාරේ ආණ්ඩුවේ ජ්‍යෙෂ්ඨ පාඨශාලාව (අද එය තර්ස්ටන් විද්‍යාලය ලෙස නම් කෙරිලා), කොළඹ රාජකීය විද්‍යාලය හා එංගලන්තයේ සසෙක්ස් විශ්වවිද්‍යාලය. ලංකා විශ්වවිද්‍යාලයෙන් මා ඉගෙන ගත් දෙයක් නැහැ. මට උපාධියක් නම් ලැබුණා. ඒ උපාධිය මට ප්‍රයෝජනවත් නූණා නො වෙයි. සසෙක්ස් ගියේත් ඒ උපාධිය නිසා. රැකියා ලබා ගැනීමේදීත් එය ප්‍රයෝජනවත් වුණා.

Sunday, 11 September 2022

ලේක්හවුසියේ දරුවා

 

ලේක්හවුසියේ දරුවා

 

පරංගි පැමිණීමේ පන්සිය වසර සැමරීමට සූදානම් වූ රනිල් එලිසබෙත් වින්ඩ්සර්ගේ මරණය වෙනුවෙන් ජාතික කොඩිය අඩ කුඹ කිරීමට  තීරණය කිරීම ගැන පුදුම වෙන්න දෙයක් නැහැ. සිංහලයන්ගෙ ඉතිහාසය ගැන පොත් කියෙවුවත් සිංහල සංස්කෘතිය ගැන පොතපතින් දැන ගත්තත් ඔහුට සිංහල බෞද්ධ සංස්කෘතියට වඩා ඇංග්ලිකන් ක්‍රිස්තියානි සංස්කෘතිය සමීපයි. ඔහුගේ පියා එස්මන්ඩ් වික්‍රමසිංහ විවාහයට පෙර සමසමාජ පාක්‍ෂිකයකු බව බොහෝ දෙනා නොදන්නවා ඇති.  ඔහු විජේවර්ධන පවුලෙන් විවාහයක් කරගෙන ලේක්හවුසියේ ඉහළ තනතුරකට පත්වෙද්දී සමසමාජ සාමාජිකත්වය අත්හැරියා. එහෙත් ඔහු ක්‍රිස්තියානිය අත්හැරියෙ  නැහැ.

Saturday, 10 September 2022

මැකෝලිගේ දරුවෝ හා ධම්මපදයට අත තියා දිවුරුම් දීම

 

මැකෝලිගේ දරුවෝ හා ධම්මපදයට අත තියා දිවුරුම් දීම  

 

මැකෝලිට අවශ්‍ය වුණේ හමින් හා ලේවලින් ඉන්දීය එහෙත් ඉංගිරිසින් මෙන් රුචිකත්වයක්  අදහස් ආචාර ධර්ම බුද්ධිය ඇති පුද්ගලයන් පිරිසක් බිහි කිරීමට (a class of persons, Indian in blood and color, but English in taste, in opinions, in morals, and in intellect) මැකෝලි ඉන්දියාවේ යම් පමණකට සාර්ථක වුණා. නේරුලා හා රජයේ නිලධාරීන් උගතුන් විශාල ප්‍රමාණයක් මැකෝලිගේ බාග තුන්කාල් දරුවන් වුණා. එහෙත් ඔවුන්  මුළුමනින් ම මැකෝලිගේ දරුවන් වුණේ නැහැ. භාරතයේ තිබූ බමුණන්ගේ බුද්ධිමය සම්ප්‍රදාය විසින් ඔවුන් මෙල්ල කෙරුණා. බමුණු සම්ප්‍රදාය විසින් තමයි අවසාන වශයෙන් භාරතයෙන් බුදුදහම ඉවත් කෙරුණේ.

Friday, 9 September 2022

මැකෝලිගේ දරුවෝ

 එලිසබෙත් වින්ඩ්සර්ගේ අභාවය ගැන මැකෝලිගේ             දරුවන්ගේ ප්රතිචාරය. ජාතික කොඩිය අඩ කුඹු කරන්නේ කිනම් අවස්ථාවල ද?

චාල්ස් හා අපි

 

චාල්ස් හා අපි

 

සිිංහල බෞද්ධ කී ගමන් භූමිතෙල් වැදුණු ගැරඬින් සේ අවුරුදු දෙදහස් පන්සීයක රෙද්දක් ගැන කියවන පඬි නැට්ටන්ට එංගලන්තයේ ඇත්තේ මොන වගේ රාජ්‍යයක් ද කියා දැන ගැනීමට එලිසබෙත් වින්ඩ්සර්ගේ මරණය උපකාර විය යුතු නමුත් එසේ වන්නේ නැහැ. ධනපති ක්‍රමයේ සියලු අවැඩ සිංහල බෞද්ධ සංස්කෘතියට ලඝු කර වීරයන් වීමට දඟලන පුස්සන්ට පුහු වීරකම පවත්වා ගන්න පුළුවන් රෙද්ද ගැන කතා කිරීමෙන් පමණයි. බුද්ධිමය දරිද්‍රතාවෙන් පෙළෙන මොවුන්ට මාක්ස්ගේ පංතිය සංකල්පය කිසි දා වලංගු නොවූ බව වටහා ගන්න බැහැ. මා හිතන්නෙ නැහැ ඔවුන් චින්තනය හැරෙන්න වෙනත් සංකල්පයක් ඇති වූයේ කෙසේ ද යන ප්‍රශ්නය අසා ඇති ය කියා. අපි ඒ කතාව ආගිය තොරතුරු සමග කියමු.

ඇංග්ලිකන් ක්‍රිස්තියානි රාජ්‍යය - කාගෙ රෙද්ද ද ?

 ඇංග්ලිකන් ක්රිස්තියානි රාජ්යය - කාගෙ රෙද්ද ද ?

එලිසබෙත් වින්ඩ්සර් මිය ගිහින්. චාල්ස් අවුරුදු හැත්තෑතුනේ දී රජ වෙලා. උත්සව පසුවට. හැත්තැ දෙකේ ව්යවස්ථාව නොවන්න චාල්ස් අපෙත් රජු. කාටද ආඩම්බරේ. ඔහු බෞද්ධයකු නොව රෝමානු කතෝලිකයකු වූවා නම් රජ වෙන්නෙ බැහැ. එංගලන්තයේ රජු ඇංග්ලිකන් ක්රිස්තියානි වෙන්න ඕන. ඔහු ඒ ආගමේ ආරක්ෂකයා හා තවත් දේ. පඬි නැට්ටන්ගේ දැන ගැනීම සඳහා පහත සඳහන් උපුටා ගැනීම.

Thursday, 8 September 2022

බුද්ධිමය දරිද්‍රතාව

 මෙරට ප්රශ්නවලට ප්රධාන හේතුව තමන්ට නොතේරෙන නොමැති වාස්තවිකත්වයක්, යථාර්ථයක්, සත්යයක් ගැන කියවන ඊනියා උගතුන් වැඩිවීම හෙවත් බුද්ධිමය දරිද්රතාව.

මා තවමත් ගොඩයෙක්

 

මා තවමත් ගොඩයෙක්

 

රාජකීය විදුහල ගැන බොහෝ දේ ලියන්න තිබුණත් කරුණක් දෙකක් පමණක් සඳහන් කරනවා. එය ලංකාවේ ඉහළ ම අනුකාරක පාසල. ඒ පාසල 1835 දී අරඹා ඇත්තේ ඇංග්ලිකන් ක්‍රිස්තියානින් විසින් එංගලන්තයේ ඊට්න් පාසල අනුකරණය කරමින්. ඉංගිරිසින් යටතේ ම ටික කලකින් එය රජයේ පාසලක් බවට පත් වී තියෙනවා. එහි කලක් ඉගෙන ගත්තේ මෙරට ඉහළ ම කොළඹ ආශ්‍රිත ඉංගිරිසි අනුකාරකයන්ගේ දරුවන් පමණයි. පසු කලෙක 1851 දී ශාන්ත තෝමස් විදුහල අරඹා ඇත්තේ මා හිතන විධියට ප්‍රධාන වශයෙන් ම ප්‍රාදේශීය ඉංගිරිසි අනුකාරක ප්‍රභූන්ගේ දරුවන් සඳහා. ඒත් ඇංග්ලිකන් ක්‍රිස්තියානින් විසින්. ඇංග්ලිකන් ක්‍රිස්තියානින් විසින් ඇති කරන ලද අනෙක් ප්‍රධාන පිරිමි පාසල මහනුවර ත්‍රිත්ව විදුහල. අදත් රාජකීය ශාන්ත තෝමස් ත්‍රිත්ව යන විදුහල් ත්‍රිත්වය උසස් පාසල් ලෙස සැලකෙනවා. අනුරූප ගැහැණු පාසල කාන්තා විද්‍යාලය. මෙරට අනෙක් පාසල් කරන්නේ තමන්ට හැකි විධියට ඒ පාසල් අනුකරණය කිරීමයි. බොහෝ පාසල් දෙවැනි තුන්වැනි හතරවැනි nවැනි ගණවල අනුකාරක පාසල්.

Wednesday, 7 September 2022

ඉඳුරුවෙ ආචාරීන්

 ලංකාවට වෙලා තියෙන්නෙ ඉඳුරුවෙ ආචාරියාට වෙච්ච එක.  මෙරට ආචාරින් වැඩියි. ජාමුලෙ ගිහින් අමාරුවෙ වැටිල. ණය කල්දාගන්න කී ආචාරින් කෝ?

සමසමාජ මුල්

 

සමසමාජ මුල්

 

මගේ දේශපාලන ජීවිතය ඇරඹුණේ පාසල් වියේ දී. මා ඇසුරු කළවුන් අතර විවිධ දේශපාලන මත දැරූ අය සිටියා. විශේෂයෙන් ම සාහිත්‍ය සංගම් වැඩ නිසා. ඉන්දික ගුණවර්ධන කියන්නෙ දිනේෂ් ගුණවර්ධනගේ වැඩිමහල් සොහොයුරා. ඔහු තම පියා හා සොහොයුරන් මෙන් ම දේශපාලනඥයකු වුණා. බර්ටි ජයසේකර පසුව විශ්වවිද්‍යාලයේ සිංහල විශේෂ පාඨමාලාව හදාරා පරිපාලන සේවයට එකතු වුණා. ඔහු ග්‍රන්ථ කතෘවරයකු ද වුණා. පද්මල් වීරවර්ධන හෙවත් ඩබ් පී ද සිල්වා විශ්වවිද්‍යාලයේ දී සංස්කෘත විශේෂ උපාධිය ප්‍රථම පංතියේ සාමාර්ථයක් සහිත ව ලබාගෙන මනෝ විශේලේෂණය පැත්තට යොමු වුණා. කලක් පේරාදෙණියේ දර්ශන අධ්‍යනංශයේ සේවය කර පසුව ලංඩන් විශ්වවිිද්‍යාලයේ කථිකාචාර්යවරයකු බවට පත් වුණා.  අප සියලු දෙනා ම සමසමාජ අදහස් දැරූ අය. අවාසනාවකට ඒ තිදෙනාම දැන් මිය ගිහින්. පද්මල් හෙවත් ඩබ්ලිව් පී මට මතක හැටියට අටවැනි පංතියේ පමණ සිටිය දී උගුඩු විත්ති නමින් පොතක් පළ කළා. අප සමග දක්‍ෂිණාංශික අදහස් දැරූ අයත් සිටියා. රංජිත් සන්දනායක, හේමන්ත වර්ණකුලසූරිය ඒ අතර වුණා. රංජිත් පසුව ඇමරිකානු තානාපති කාර්යාලයේ පුස්තකාලයේ නිලධාරියකු ලෙස සේවය කළා. හේමන්ත ප්‍රසිද්ධ නීතිඥයකු වුණා. ඔහු නීිතිඥ සංගමයේ ලේකම් ලෙසත් කටයුතු කළා. ඒ දෙදෙනා ද නිලන් තිරුචෙල්වම් ද අද ජීවතුන් අතර නැහැ. එකල දේශපාලනයක් නොකළත් පසුව දේශපාලනයට පිවිසි ඩී එම් ස්වාමිනාදනුත් මා ත් තවම ඉන්නවා. අප ඉඳහිට පංති හමුවීම්වල දී මුණ ගැසෙනවා.

Tuesday, 6 September 2022

සසෙක්ස් විශ්වවිද්‍යාලයෙ ලේබර් ක්ලබ්

 

සසෙක්ස් විශ්වවිද්‍යාලයෙ ලේබර් ක්ලබ්

 

දැන් නම් වමක් නැහැ. ඒත් වමාල ඉන්නවා. ඔවුන්ගෙ දැන් රාජකාරිය තමන්ට වැරදුනෙ කොතන ද කියල හොයල බලන්න උනන්දු වෙන එකවත් නො වෙයි. උනන්දු වුණත් වැඩක් නැහැ. මාක්ස්වාදය කිසි දිනෙක වලංගු නොවූ පද්ධතියක් කියන එක ඔවුන්ට දරා ගන්න බැහැ. කොහොමටත් දැන් ඔවුන් කරන්නෙ අනෙක් අයට වැරදුන කියල තමන් හිතන එක කියන එක පමණයි.

 

Monday, 5 September 2022

ව්‍යාජ ගිණුම

 ගෝඨාභය ළඟින් ම සිට අවසානයේ දී ඔහුට ද්රෝහි වූ අයකු මගේ නමින් ව්යාජ ගිණුමක් පවත්වා ගෙන යනවා.            මා මහාචාර්යවරයකු නොවෙයි.

ඉංගිරිසිකම

 ඉන්දීය සම්භවයක් ඇති රිෂි සුනක්ට බිරිතානි අගමැති වීමට තරම් ඉංගිරිසිකම තවමත් මදි!

උත්තර නැති උත්තර සභාගය

 

උත්තර නැති උත්තර සභාගය

 

අදත් ආගිය තොරතුරු ලියන්නේ නැහැ. දැන් ගෝඨාභය රාජපක්‍ෂත් ඇවිත් ඉන්නවා. පරංගි පරගලය කිවුවෙ ඔහුට ගෙදර යන්න නේ. ඔහු දැන් රජයෙන් ලැබුණු ගෙදරක කොළඹ හතේ මලලසේකර මාවතේ පදිංචි වෙලා කියලයි ආරංචිය. ඔය පැත්ත රගර් ක්‍රීඩාවට ප්‍රසිද්ධයි. දැන් රගර් ක්‍රීඩාවටත් ප්‍රසිද්ධියක් ජාතික රූපවහිනියෙන් ලැබෙනවා . වැඩිකල් යන්න ඉස්සර රගර් ක්‍රීඩාව ජාතික ක්‍රීඩාවක් බවට පත්වේවි. ගෝඨාභයට කොහොමත් මිරිහානෙන් කොළඹට එන්න පරගලය නිසා ඉඩ ලැබිලා. ඒ අතර ලංකා වසන්තය බාගෙට උදාවෙලා රනිල් ජනාධිපතිවෙලා. කාට ද ආඩම්බරේ?

Sunday, 4 September 2022

උත්තර සංධානයට උත්තර නැහැ

                                         රතන හිමි දෙසන මෙච්චර උගතුන්ටත්

 උත්තර ලංකා සභාගයටත් උත්තර නැහැ.                                                    

 වමාලා හා ව්යාජ ජාතිකවාදීන් රඟන රැඟුම්.

ගොර්බචොෆ් හා දේශපාලන කතා

 ගොර්බචොෆ් හා දේශපාලන කතා

 

සසෙක්ස් විශ්වවිිද්‍යාලයේ සිටි ලාංකිකයන් අතරින් දේශපාලනය කතා කෙළේ ෆ්‍රැන්ක් ප්‍රනාන්දු හා මහේන්ද්‍රන් පමණයි. ෆ්‍රෑන්ක් දක්‍ෂිණාංශික මත දැරූ අයෙක්. ඔහු සෝවියට් දේශයටවත් ඊනියා සමාජවාදයටවත් කැමැත්තක් දැක්වූයේ නැහැ. ඔහුගේ කැමැත්ත තිබුණේ බටහිර ක්‍රමයට. ඔහු කිසි පරස්පරයක් නැතිව එහි ජීවත් වුණා. 1969-70 කාලයේ දී සෝවියට් සංගමය කඩා වැටෙන්න පටන් අරන්. 1953 ස්ටැලින්ගේ මරණයත් සමග තවදුරත් රාජ්‍ය ධනවාදය ක්‍රියාත්මක කිරීම අසීරු වුණා. ස්ටැලින්ගෙන් පසු බලයට පැමිණි කෘෂ්චොෆ් 1964 දී බලයෙන් පහවෙන විට නමින් සන්ධීය රාජ්‍යයක් වූ සෝවියට් සංගමය දෙදරා යෑම ආරම්භ වී තිබුණා. 1968 දී චෙකොස්ලොවේකියාවේ සිදු වූ ප්‍රතිසංස්කරණ සමග සෝවියට් සංගමය එරට ආක්‍රමණය කළා.

 

Saturday, 3 September 2022

වැඩවසම් රෙද්ද

 

වැඩවසම් රෙද්ද

 

සසෙක්ස් විශ්වවිද්‍යාලයට යන විට මා සමසමාජ පක්‍ෂයේ සාමාජිකයෙක්. එනම් මාක්ස් ට්‍රොට්ස්කිවාදියෙක්. ඒ විශ්වවිද්‍යාලය රැඩිකල් විශ්වවිද්‍යාලයක් ලෙස නමක් දරා තිබුණා. 1967 දී යුරෝපය පුරා පැතුරුණු ශිෂ්‍ය අරගලවල දී එහි සිසුන් ක්‍රියාකාරීව සහභාගි වී තිබුණා. මා සමග තාරකා විද්‍යා මධ්‍යස්ථානයේ ආචාර්ය උපාධි සඳහා වැඩ කළ සිසුන් එතරම් දේශපාලනයක් ගැන උනන්දුවක් දැක්වූයේ නැහැ. එහෙත් ඔවුන් වැඩි දෙනා ලේබර් පක්‍ෂයේ හිතවතුන් බව තේරුම් ගියා. එහි දී කැපී පෙනෙන සිසුන් දෙදෙනකු  හිටියා.

 

Friday, 2 September 2022

නොබෙල් තෑග්ග ඇඹිලිපිටියට

 පඬි කතා අනුව සියලු නොබෙල් සහ වෙනත් තෑගි ලංකාවට. ආර්ථික විිද්යා නොබෙල් තෑග්ගට දැඩි තරගයක්. ඇඹිලිපිටියේ හිමි නමක් පෙරමුණේ.

ගෝඨාභය සාදරයෙන් පිළිගනිමු

 

ගෝඨාභය සාදරයෙන් පිළිගනිමු

 

මගේ ආ ගිය තොරතුරු අද ලියන්නෙ නැහැ. හෙට පාන්දර ගෝඨාභය එනවා.  පරංගි පරගලය කෙළේ සිංහල බෞද්ධ සංස්කෘතියට මෙරට හිමි තැන අහිමි කිරීමට. පරංගි පටන් ගත් වැඩේ කෙළවරක් කරන්න. ඒත් ඒක හරි ගියේ නැහැ. පරගලයට සහභාගි වුණු හාමුදුරුවරුත් දැන් ටික ටික පරගලය තේරුම් ගන්න පටන් අරන්. අර වස් කැඩුණු හාමුදුරුවරුන්ට මොක ද දන්නෙ නැහැ වුණෙ.

Thursday, 1 September 2022

රනිල්ට බැහැ

                                    රනිල්ට බැහැ

ලිබරල්වාදයටත් බැහැ සමාජවාදයටත් බැහැ

නික්ම යෑම

 

නික්ම යෑම

 

මා දැන් ලියමින් සිටින්නේ 1979 ට පමණ පෙර කාලය ගැනයි. 1979 පමණ සිට 1985  පමණ දක්වා කාලය මගේ ජීවිතයේ සංක්‍රමණීය කාල පරිච්ඡෙදයක්. ඇතැමුන් 1979 ට පෙර කාලයෙහි සිදු වූ දේ අද සිදුවන දේ ලෙස සලකන බව පෙනී යනවා.

Wednesday, 31 August 2022

මගේ නොහැකියාව

මගේ නොහැකියාව

 

සසෙක්ස් විශ්වවිද්‍යාලයේ දී මහාචාර්ය මැක්‍රේ පළමු දවසේදීම මා කළ යුතු අධ්‍යයනය මට කිවුවා. එය ක්වේසාර (QUASARS – Quasi Stellar Objects)  හෙවත් මන්දාකිණි මෙන් ශක්තිය නිපදවන එහෙත් තාරකා වැනි වස්තු ගැන. එවැනි වස්තු එලෙස ශක්තියක් නිපදවන්නේ කෙසේ ද යන්නට පිළිගත හැකි සාර්ථක ආකෘතියක් නිර්මාණය කර තිබුණේ නැහැ. බානෝති යුවළ යෝජනා කර තිබුණා ක්වේසාර යනු අවකාශයේ මන්දාකිණි ගුරුත්වජ කාච (Gravitational Lenses) ලෙස ක්‍රියාත්මක වෙමින් නිර්මාණය කෙරෙන ප්‍රතිබිම්බ කියා.  

 

අයින්ස්ටයින්ගේ සාධාරණ සාපේක්‍ෂතාවාදය අනුව ආලෝකය අවකාශයේ විශාල වස්තුවක් අසළින් ගමන් කරන විට නැවෙනවා, වර්තනය වෙනවා. ඒ නිසා ඈත වස්තුවක සිට එන ආලෝකය විශාල වස්තුවක් අසළ දී වර්තනය වෙලා ප්‍රතිබිම්බයක් හැදෙනවා. ප්‍රතිබිම්බය අපට  දීප්තිමත්ව පේනවා. බානෝති යුවළ කියා තිබුණේ ක්වේසාර එලෙස ඇතිවෙන දිප්තිමත් ප්‍රතිබිම්බ කියා.

 

එය හොඳ අදහසක්. ඒත් මහාචාර්ය මැක්‍රේ කිවුවේ ඒ ගැන තවදුටත් හොයල බලන්න කියා. තාරකා විද්‍යාවේ පරීක්‍ෂණ නැහැ. අර බටහිර විද්‍යාව කියන්නෙ පරීක්‍ෂණ නිරීක්‍ෂණ නිගමන කියන ඊනියා විද්‍යාත්මක ක්‍රමය ක්‍රියාත්මක වෙන ක්‍ෂෙත්‍රය නම් තාරකා විද්‍යාව විද්‍යාවක් නො වෙයි. මා විද්‍යාඥයකු වීමට නොහැකි වූ බව කියන්නෙ පඬිනැට්ටන් තම විද්‍යාව පිළිබඳ නිර්වචනය අනුව තාරකා විද්‍යාව විද්‍යාවක් ලෙස ගණන් ගන්නෙ නැති නිසා නො වෙයි. ඒ කොහොම වෙතත් බානෝති යෝජනාව ගැන මා හොයන්න පටන් ගත්තා.

 

පර්යේෂණ කරන්න මට කොහොමත් බැහැ. මට ඒ සම්බන්ධ හැකියාවක් නැහැ. භෞතික විද්‍යා පරයේෂණවල මා පරයේෂණ කර ප්‍රතිඵල ලබාගෙන ප්‍රස්තාර ඇන්දෙ නැහැ. මා ප්‍රවාදය අනුව ප්‍රස්තාරය ඇඳ ඉන්පසු ප්‍රස්තාරයෙන් ප්‍රතිඵල ලබා ගත්තා. රසායන විද්‍යාවෙ නම් මා දැන සිටියෙ මිශ්‍රණයක කොපර් සල්ෆේට් හඳුනාගැනීමට පමණයි. ඒ පාටින්. නිල් පැහැයෙන්. විෂ්ණු දෙවියන් හා කොපර් සල්ෆේට් අතර සම්බන්ධයක් තියෙනවා ද කියා මා දන්නෙ නැහැ. තාරකා විද්‍යාවෙ මා කිසි දා දුරේක්‍ෂයකින් වස්තු නිරීක්‍ෂණය කරලා නැහැ. පඬිනැට්ටන්ට අනුව නම් මා විද්‍යාවක් කර නැහැ.

 

මේ ලිපිය කියවන ශිෂ්‍යයන් මා අනුගමනය කළ යුතු නැහැ. ඔය තරුණයන් මා මැන්ටලයක් මෝඩයෙක් කියා කියන්නෙ. ඉතින් එවැන්නකු අනුගමනය කරන එක හොඳ නැහැ. ක්වේසාර ගැන මා කෙළේ එලෙස ප්‍රතිබිම්බ සෑදීමට තරම් පද්ධති විශ්වයේ තියෙනවා ද කියා ගණනය කිරීමයි. එය එතරම් අමාරු වැඩක් වුණෙ නැහැ. විද්‍යාව හදාරපු ඕනෑම අයකුට එය කරන්න පුළුවන්. එහෙත් ඒ අධ්‍යයනය මගේ හිතට ඇල්ලුවෙ නැහැ. පඬි නැට්ටන්ට මේ ඕනෑම අයකුට කරන්න පුළුවන් කියන එක තේරෙන එකක් නැහැ. ඔවුන්ට ඒ කිසිවක් ගැන හිතා ගන්නවත් බැහැ. කිරීම පැත්තකින් තියන්න.

 

ක්වේසාර ගැන අධ්‍යනය කරන අතර මා තවත් අධ්‍යයනයක් පටන් ගත්තා. ඒ භ්‍රමණය කියන්නෙ මොකක් ද කියල තේරුම් ගන්න. මා අද කියන විධියට නම් තේරුම් ගන්නවා කියන්නෙ සුදුසු කතන්දරයක් හැදීම. අපි හිතන් හිටියට අපට සරල රේඛාවක වේගය වෙනස් නොකර ගමන් කිරීම  (ත්වරණයක් රහිත චලනය) හා ත්වරණයක් සහිත ව ගමන් කිරීම හරි වක්‍රයක ගමන් කිරීම හරි අතර වෙනස තේරෙනවා කියල අපට ඒ ගැන සුදුසු කතන්දරයක් තවම නැහැ.

 

නිවුටන් කියල තියෙනවා බලයක් යෙදුවෙ නැත්නම් වස්තුවක් (අංශුවක්) සරල රේඛාවක ඒකාකාර ව ගමන් කරනවා කියල. ඒත් ඒ අර අවස්ථිති සමුද්දේශ රාමු කියන ඒවට සාපේක්‍ෂ ව. ඔය අවස්ථිති සමුද්දෙශ රාමු හොයා ගන්න එක තමයි ලොකු ම ප්‍රශ්නය.  ඒවා ඉන්ද්‍රිය ගෝචර නැහැ.  සුප්‍රසිද්ධ වියනා කතාවෙ හිටිය අර්නස්ට් මාක් කියල තියෙනවා ඉන්ද්‍රිය ගෝචර සංසිද්ධි තේරුම් කරන්න ඉන්ද්‍රිය ගෝචර නොවන සංකල්ප යොදා ගන්න එපා කියල. මාක් ගැන මගේ ලෝකයේත් ඇති. ඔහු බෞද්ධයකු ලෙස ජීවත්වන්න උත්සාහ කළ බවත් ගාල්ල පැත්තෙ හාමුදුරුනමක් සමග ලිපි හුවමාරු කළ බවත් කියනවා. කවුරු හරි ඒ ගැන විස්තර හොයනව නම් හොඳයි.                

 

මාක්ල යථානුභූතිවාදයෙ (positivism) පියවරු. ඔහුගෙ කතාව තරුණ අයින්ස්ටයින්ට බලපෑවා. අයින්ස්ටයින් තම සාධාරණ සාපේක්‍ෂතාවාදයෙන් බලාපොරොත්තු වුණෙ අර අවස්ථිති සමුද්දේශ රාමු ඉවත් කරන්න. ඊනියා ගුරුත්වාකර්ෂණ බලය තියෙන්නෙ අවස්ථිති සමුද්දේශ රාමුවලට සාපේක්‍ෂ ව. සමහරු හිතන් ඉන්නවා උස ගොඩනැගිල්ලක ජනේලකින් පැන්නොත් ගුරුත්වාකර්ෂණ බලය දැනෙනවා කියල. අයින්ස්ටයින්ට අනුව නම් එහෙම බලයක් දැනෙන්නෙ නැහැ.

 

අප දැන් පොළොව හිටගෙන ඉන්න කොට හරි ඇවිදින කොට හරි තමයි ඊනියා බලයක් දැනෙන්නෙ. මෙහි දී සිදුවන්නෙ පොළොව නිසා අප පහතට යෑම වැළකීම. එතනදි බලයක් යොදන්න ඕන. ඒ බලය යොදන්නෙ පොළොව. පොළොව නැත්නම් අප නිදැල්ලෙ වැටේවි. වැටේවි කියන සංකල්පය නිසා වැරදි හැඟීමක් ඇති වෙන්න පුළුවන්. ඒ කොහොම වෙතත් නිවුටන්ගෙ බලය නිසා ත්වරණ ඇතිවන්නෙ අවස්ථිති  සමුද්දේශ රාමුවල.

 

අපි මෝටර් රථයක ගමන් කරන විට කෙලින් පාරෙ එක ම වේගයෙන් රථය යනව නම් අපට බලයක් දැනෙන්නෙ නැහැ. ඒත් රියැදුරා තිරිංග තද කරලා වේගය වෙනස් කළොත් හරි වංගුවක් ගන්න කොට හරි අර වේගය (ප්‍රවේගය) වෙනස් වීම නිසා අපට බලයක් දැනෙනවා. ඒ අපි අර සමුද්දේශ රාමුව වෙනස් කිරීම නිසා සිදුවෙන දෙයක් ? අපි කලින් හිටියෙ අවස්ථිති සමුද්දේශ රාමුවක ද? අවස්ථිති සමුද්දේශ රාමුවක් කියන්නෙ මොකක් ද? ඒක නිර්ණය කෙරෙන්නෙ කොහොම ද?

 

මේ වගේ තවත් ප්‍රශ්න මට තිබුණා. තවමත් තියෙනවා. මා සසෙක්ස් ගියෙ එවැනි ප්‍රශ්නවලට උත්තර හොයන්න. ඒ නිසා මා මහාචාර්ය මැක්‍රේ දුන්න ගැටළුව අධ්‍යයන කරන අතර ම භ්‍රමණය පිළිබඳ ප්‍රශ්නයටත් අත ගැහුවා. ඒකට මට හරි උත්තරයක් දෙන්න බැරි බව තේරුණා. තාමත් බැහැ.  විද්‍යාඥයන් කියන්නෙ අර ක්වේසාර ප්‍රශ්නය  වගේ ප්‍රශ්නවලට උත්තර දෙන අය නොවෙයි.           

 

 

 



ණයට ගිතෙල් කෑ අපි

 අපි ණයට ගිතෙල් කන්නෙ නැහැ. ලංකාවට වෙච්ච දේ බංග්ලාදේශයට වෙන්නෙ නැහැ - 

බංග්ලාදේශ් අගමැතිණිය

Tuesday, 30 August 2022

රනිල්ගෙ පුංචි අයවැය

 

රනිල්ගෙ පුංචි අයවැය

 

රනිල් වික්‍රමසිංහ අතුරු අයවැයක් ඉදිරිපත් කරමින් කියා සිටියේ ආර්ථික අර්බුදයේ තරම ඇතැමුනට නොතේරෙන බවයි. ඒක ඇත්ත. ඒත් ප්‍රශ්නය එයට වඩා බරපතළයි. අපට වුවමනා මොකක් ද කියල අප වටහා ගෙන තිබෙන්නේ වැරදි දෙයක්. අපේ අය නිතර ම කතා කරන්නේ දියුණු රටවල්වල මෙහෙමයි, අරෙහෙමයි ආදී වශයෙන්. වයස අවුරුදු තිස්පහක් පමණ වන තෙක් මගේ ද මූලික කතාව වුණේ එයයි. අප උත්සාහ කෙළේ පුංචි දියුණු රටක් වෙන්න.

නිවටයන්ගේ පාරාදීස වූ විශ්වවිද්‍යාල

 

නිවටයන්ගේ පාරාදීස වූ විශ්වවිද්‍යාල

 

පේරාදෙණිය හා කොළඹ එක ම විශ්වවිද්‍යාලයක් ලෙස 1969 වන තුරූ පැවතුණා. ඒ අවුරුද්දේ කොළඹ වෙන ම විශ්වවිද්‍යාලයක් බවට පත් කෙරුණා කොළඹ විශ්වවිද්‍යාලය නමින්. පේරාදෙණිය ලංකා විශ්වවිද්‍යාලය ලෙස පැවතුණා. කොළඹ වෛද්‍ය පීඨයෙන් එයට දැඩි විරුද්ධතාවක් පැන නැගුණා. ඔවුන් කියා සිටියේ ජාත්‍යන්තර ව පිළිගත් උපාධිය ලංකා විශ්වවිද්‍යාලයේ උපාධිය බැවින් විශේෂයෙන් ම එංගලන්තයේ හා ස්කොට්ලන්තයේ වෛද්‍ය ආයතනවල (විද්‍යාලවල) පරීක්‍ෂණවලට පෙනී සිටීමේ දී ඔවුන්ට පාඩුවක් වන බවයි. ඔවුන්ද ලංකා විශ්වවිද්‍යාල නම ඉල්ලා සිටියා. පසුව කොළඹ විශ්වවිද්‍යාලයේ නම ලංකා විශ්වවිද්‍යාලය, කොළඹ ලෙස වෙනස් කෙරුණා.

Monday, 29 August 2022

ගණිත විශේෂ පාඨමාලාව

 

ගණිත විශේෂ පාඨමාලාව

 

මේ ලිපි කියවන ඇතැමුන් සිතන්නේ මා පොරක් බව පෙන්වීමට බොරු ලියන බවයි. මට කිසිවකුට මා පොරක් බව පෙන්වීමට අවශ්‍ය නැහැ. එමෙන් ම මට කිසිවකුවත් සතුටු කිරීමට වුවමනාවකුත් නැහැ. මේ ලිපි පෙළින් කියන්න අදහස් කරන්නේ මට ලංකාවේ දී බටහිර මට්ටමෙන් දක්‍ෂතා තිබුණ ද බටහිර දී බටහිර මට්ටමින් ඇතැම් දක්‍ෂතා නොතිබුණු බවයි. ඒ දක්‍ෂතා අදක්‍ෂතා ලිපි පෙළෙන් හෙළි වේවි. යමකුට මේ ලියන දේ සම්මත අර්ථයෙන් ඇත්ත ද බොරු ද කියා මා සමග පාසලේ දී හරි විශ්වවිද්‍යාලයේ දී හරි ඉගෙන ගත් අයගෙන් දැනගන්න පුළුවන්. මෙහි නම් සඳහන් ගුරු මහත්ම මහත්මීන් නම් මේ වන විට මිය ගිහින්.

Sunday, 28 August 2022

විද්‍යාඥයකු වීමට පිය නැගීම

 විද්‍යාඥයකු වීමට පිය නැගීම


ක්‍රිස්ටි ගුණසේකර මහතා අපෙන් අර්ථදැක්වීම තේරුම් කරන්න, තේරුම් කිරීම අර්ථදක්වන්න කියපු එක අවුරුදු දහහතරෙ සිටි මට යම් කිසි අලුත් වැදගත් කතාවක් වුවත් අපේ පන්තියේ හිටි අය ඒ ගැන එතරම් තැකීමක් කෙළේ නැති බව මට අවුරුදු ගණනාවකට පස්සේ තේරුම් ගියා. ඔවුන්ට ඒ කතාව ගැන මතකයක් තිබුණෙ නැහැ. එහෙත් ඒ කතාව මගේ හිතේ රැඳුනා. එය මට තේරුම් ගියේ ඊට අවුරුදු විසිපහකට පමණ පස්සෙ. මා හිතන්නෙ නැහැ ක්‍රිස්ටි ගුණසේකර මහතා ඒ කතාව මා තේරුම් ගත් ආකාරයෙන් කියන්න ඇති කියා. ඔහු ඒ කියන්න ඇත්තේ අපට තේරුම් ගැනීම අර්ථදැක්වීම ආදිය ගැන කීමට වෙන්න පුළුවන්. මා කර ඇත්තේ එයට වෙන ම අර්ථකථනයක් දීමයි. ඒ කුමක් වුවත් ඒ කතාව මට මතක හිිටියේ එහි කුමක් හරි වදගත්කමක් ඇති බව වැටහුණු නිසා වෙන්න ඕන.

Saturday, 27 August 2022

පොරක් නොවූ පොරක්

 

පොරක් නොවූ පොරක්

 

මා සසෙක්ස් විශ්වවිද්‍යාලයේ සිටි කාලයේ ලන්ඩන් ගිය විට නැවතුණේ මා මිත්‍ර බන්දුල රාජරත්න නැවතී සිටි ගෙදර. එහි සිටියේ පකිස්ථාන සැමියකු හා ඉන්දීය භාර්යාවක්. සැමියා මුස්ලිම් භාර්යාව හින්දු. ඔවුන්ට කුඩා දියණියන් දෙදෙනකු හිටියා. ලන්ඩනයේ තවත් මිතුරන් කිහිප දෙනකු හිටියා. බර්ටි ප්‍රනාන්දු, මුදුන්කොටුව. නලින්ද සල්පදෝරු එවකට හිටියේ මැන්චෙස්ටර් කිට්ටුව සොල්ෆර්ඩ් විශ්වවිද්‍යාලයේ. අප ඔහු හමුවීමට දිනක් එහි ගියා. එයට අමතර ව තවත් අය හිටියා. බන්දුල අද ජීවතුන් අතර නැහැ. මගේ ඥාතීන් කිහිප දෙනකුත් හිටියා. එහෙත් මා එකල ඩග්ලස් වික්‍රමරත්න දැනගෙන හිටියේ නැහැ. එකල මා ජාතිකවාදියකු නොවෙයි. කෙසේ වෙතත් මසකට වරක් ලන්ඩන් යෑම මා බලා හිටි ගමනක්.

Friday, 26 August 2022

ඝරසර්ප හා බීබීසී සමග අත්දැකීමක්

ඝරසර්ප හා බීබීසී සමග අත්දැකීමක්

 

සසෙක්ස් විශ්වවිද්‍යාලය එකල අලුත් විශ්වවිද්‍යාලයක්. තාරකා විද්‍යා මධ්‍යස්ථානය අලුත් ම සංකල්පයක්. එය අයත් වුණේ ගණිතමය හා භෞතීය විද්‍යා පාසලටයි (School of Mathematical and Physical Sciences). ඔවුන් පීඨ සංකල්පයෙන් මිදී වඩා ස්වාධීනත්වයක් ඇති පාඨශාලා  ක්‍රමය හඳුන්වා දී තිබුණා. මහාචාර්ය මැක්‍රේට අවශ්‍ය වෙලා  තියෙන්නෙ බිරිතානියට ම පොදු තාරකා විද්‍යා මධ්‍යස්ථානයක් ඇති කරන්න.  අදාළ රජයේ මණ්ඩලවලින් එයට අනුග්‍රහයක් ලැබී නැහැ. එහෙත් සසෙක්ස් විශ්වවිද්‍යාලය ඒ අදහස පිළිගෙන.

Thursday, 25 August 2022

ගෝඨාභය හා සිංහල බෞද්ධ විරෝධී කඳවුර

 

ගෝඨාභය හා සිංහල බෞද්ධ විරෝධී කඳවුර

 

පරගලයේ අරමුණ වූයේ සිංහල බෞද්ධ සංස්කෘතියට හිමි තැන නැති කිරීමයි. එය එංගලන්තය ප්‍රමුඛ බටහිරයන්ගේ අරමුණයි. නන්දිකඩාල් පරාජය ආපසු හැරවීමට ඔවුන්ට අවශ්‍ය වුණා. එයට සහයෝගය දුන් විවිධ පඬියන් පඬි පෝතකයන් පඬි නැට්ටන් ට තිබුණෙත් ඒ අරමුණයි. ඔවුන්ගේ බියක් තිබුණා සිංහල ඡන්දවලින් පමණක් බලයට පත් ගෝඨාභය සිංහල බෞද්ධ රාජ්‍යයක් ඇති කරාවිය කියාත් එය දැඩි ඒකාධිපතිත්වයකින් සඵල කර ගනීවිය කියාත්. ගෝඨාභයට රටින් පිට වී යෑමට සිදු වී ඒ අරමුණ කෙළවර වූ බවත් ඔවුන් සිතනවා. සමහර විට ඔවුන්ට ඒ ගැන සතුටකුත් ඇති. ගෝඨාභයගෙන් සිංහල බෞද්ධ රාජ්‍යයක් බලාපොරොත්තු නොවූ පිරිස නම් පරගලය කිසි දිනෙක අරගලයක් ලෙස දැක්කේ නැහැ.

 

පහත පළවන්නේ අමීර් අලි නමැත්තකු ලියා ඇති ලිපියක කොටසක්.

 

ඔහුගේ අදහස නම් ගෝඨාභය සිංහල බෞද්ධ රාජ්‍යය ඇති කිරීමට ගොස් රට බංකොළොත් කළ බවයි. රට බංකොළොත් වූයේ අවුරුදු හැත්තෑවක අධිපරිභෝජනය බොරු ෂෝක් බොරු උගත්කම් ආදිය නිසා. එමෙන් ම ඇඟලුම් කර්මාන්තයේ නිරතවූවන් වැන්නන් රටට අපනයන මුදල් හරිහැටි නොගෙනාපු නිසාත්.  

 

 

The former President Gotabaya Rajapaksa’s (GR) authoritarian route to transform Sri Lanka into a Sinhala Buddhist paradise of “prosperity and splendour” ended in disaster. His policies to translate that dream to reality bankrupted the treasury, pauperised the economy, angered international community, led to social and political unrest, and left no alternative but for him to vacate the presidency and run away from the country. 

   



සසෙක්ස් හා මහාචාර්ය මැක්‍රේ

 

සසෙක්ස් හා මහාචාර්ය මැක්‍රේ

 

මා එංගලන්තයට යෑම හා ඒම ලිපිය බොහෝ දෙනෙකු අතරට ගිහින්. මා එය බලාපොරොත්තු වූවක් නො වෙයි. මා ඒ ලිපිය ලිවුවේ මගේ මතකය අලුත් කර ගැනීමටත් මා ඇතුළු සිංහලයන්ට පොරවල් වීමට නොහැකි ඇයි දැයි කීමටත්. සමහර පඬි නැට්ටන් සුපුරුදු පරිදි එය වරදවා වටහාගෙන. එක් පඬි නැට්ටකු කියා තිබුණා එය ආත්ම වර්ණනාවක් බව. මා නාසිසිවාදියකු බව. තවත් පඬි නැට්ටකුට අනුව අපේ රට මා ගැන ලජ්ජා වෙනවා. ඒ මක්කටැයි කියා ඔහු කියා තිබුණේ නැහැ.

 

Wednesday, 24 August 2022

පොර වීම

 පඬි නැට්ටන් ඇතුළු සිංහලයන්ට විශේෂයෙන් බෞද්ධ පවුල්වල ඉපදුනවුනට බටහිර ශාස්ත්රීය දැනුමේ පොරවල් වෙන්න බැහැ. චින්තනය හරහට.

මා එංගලන්තයට යෑම හා ඒම

 

මා එංගලන්තයට යෑම හා ඒම

 

මා පළමුවෙන් පිටරටකට ගියේ 1968 දෙසැම්බර් 29 වැනි දා. ඒ එංගලන්තයට, විද්‍යාඥයකු, ප්‍රවාදාත්මක භෞතික විද්‍යාඥයකු විශේෂයෙන් විශ්වවේදියකු වීමේ අභිලාෂයෙන්. එදා කටුනායකින් මා පිටත් කර ඇරීමට ඥාතීන් මෙන් ම පාසල් හා විශ්වවිද්‍යාල මිතුරන් රාශියක් පැමිණ සිටියා. අද මෙන් නොව එදා ගුවන් ගමනක් යන්නේ සාම්ප්‍රදායික ව හොඳ ඇඳුමකින් සැරසී. මා ද කළු කබායකින් හා ටයි පටියකින් සැරසී සිටියා. එකල මගේ වයස අවුරුදු විසිහතරක් පමණයි. අද එදා මෙන් තුන් ගුණයකට වඩා වයසයි. එදා තනිකඩයෙක්. අද සීයා කෙනෙක්. පඬිනැට්ටන් කියන විධියට මැන්ටලයක්, නාකියෙක්. මෝඩයෙක්. කාලකන්නියෙක්.

Tuesday, 23 August 2022

පරගලයේ ජය පරාජය

 පරගලය තවම පරාද නැහැ. බටහිරයන් සැලසුම පරිදි නන්දිකඩාල් පලිය ගත්තා. පරාද වුණේ පඬිනැට්ටන්, විවිධ වමාලා. පරගලයට පරාජය ඉදිරියේ.

වසන්ත හා ලංකා වසන්තය

 

වසන්ත හා ලංකා වසන්තය

 

පරංගි පරගලකරුවන් හීනෙන්වත් හිතන්න නැතුව ඇති තමන් අත්අඩංගුවට පත්වීමට ඉඩක් තියේ ය කියලා. ඒ දවස්වල මොන තරමේ ජන අරගලයක් ද තිබුණෙ. මා හිතන විධියට කිවුවත් මට මතක තියෙන විධියට පරගලයට ජන අරගලය කියන නම පටබැඳුණෙ දෙරණින්. ගෝඨාභය කවද හරි ලංකාවට ඒවි. එදාට දෙරණ ප්‍රධානීන් ගිහින් ගෝඨාභය පිළිගන්නවා ද?

Monday, 22 August 2022

ජාතිකත්වය ගසා කෑම

 ජාතිකත්වය ගසා කෑමට ඉදිරිපත් වූ පළමුවැන්නාවත් අන්තිමයාවත් රනිල් නොවෙයි. ඔහුගේ උපදේශකයා කවුද?

ගෝඨාභය දරුවන් සන්දා දැඩි සිත සින්දා

 

ගෝඨාභය දරුවන් සන්දා දැඩි සිත සින්දා

 

හිටපු ඇමති එස් එම්   චන්ද්‍රසේන අනුරාධපුරයේ දී රනිල්ගේ පිට කසන්න ගිහින් මහින්ද හා ගෝඨාභය බිිංදුවට ඇද දමලා. මන්ත්‍රීවරු ඔය වගේ රැස්වීම්වල කියන දේ එතරම් ගණන් ගත යුතු නැති වුණත් මෙය තරමක බරපතල කීමක්. චන්ද්‍රසේන කියා තිබුණේ පරංගි පරගලය පරාජය කිරීම කොටි පරාජය කිරීමට සමාන බවයි.  කොටි පරාජය කිරීම සමග පරගලය පරාජය කිරීම සමාන කළ හැක්කේ එක ම එක අර්ථයකින් පමණයි. මා හිතන්නේ නැහැ චන්ද්‍රසේන එය කල්පනාවට ගන්න ඇතැයි කියා. කොටි ත්‍රස්තවාදීන්ට ආධාර කෙළේත් එංගලන්තය ප්‍රමුඛ බටහිරයන් හා ඉන්දියාව. පරගලයට ආධාර කෙළේත්  ඒ අයමයි. පරගලය ඇති කෙළේ ආර්ථික අර්බුදයක් නිසා නො වෙයි. පරගලය ඇති කෙළේ ම කොටි ත්‍රස්තවාදය පරාජය කළ මහින්ද හා ගෝඨාභය ගෙදර ඇරීමට.

 

Sunday, 21 August 2022

මෙන්න සමානත්වය

 මෙන්න සමානත්වය


යුරෝපයේ ක්රිස්තියානි රටවල් විසිහයෙන් විසිහතරක් හින්දු ආගම පිළිගෙන නැහැ. ඔවුන් බුදුදහමට සලකන්නේ කෙසේද? අපට බයිලා කියන පඬියන්ගේ ස්වාමිවරුන්ගේ සමානත්වය.

සබැඳිය බලන්න

https://youtu.be/5U6jxWsLEFw

ඊනියා ඩයස්පෝරා ඩොලර් අපට ඕන ද?

 

ඊනියා ඩයස්පෝරා ඩොලර් අපට ඕන ද?

 

රනිල්දාස නුගේගොඩ දී කියලා ජනතා නැගිටීමක් සිදුවුණු නමුත් ලබාගත හැකි වූයේ අර්ධ ජයග්‍රහණයක් බවත් එයට හේතු වූයේ හොඳ සටන්කාමී ව්‍යාපාරයකට එයට නායකත්වය දීමට නොහැකි වීම බවත්. ඔය වගේ කතා මාක්ස්වාදීන්ගෙන් විශේෂයෙන් ම ට්‍රොට්ස්කිවාදීන්ගෙන්  දශක ගණනාවක් තිස්සේ අහන්න ලැබිල තියෙනවා. මෙහි දී කිව යුතු කරුණක් නම් ලියොන් ට්‍රොට්ස්කි මෙක්සිකෝවේ දී ජෝසෆ් ස්ටැලින්ගේ ඒජන්තයකු විසින් අයිස් පොරොවකින් පහර දෙනු ලැබ ඝාතනය වී අදට අවුරුදු අසූදෙකක් වන බව. ඔහු ලෙනින් මෙන් නොව මාක්ස්වාදියකු වූවා. ඔහුගේ අසාර්ථක භාවයට මූලික හේතුව එයයි. එහෙත් ඔහු විශිෂ්ට ගණයේ බුද්ධිමතෙක්. අදත් එදත් රුසියාවේවත් චීනයේවත් මාක්ස්වාදී සමාජවාදී රාජ්‍ය තිබුණෙවත් ඇත්තේවත් නැහැ.

Saturday, 20 August 2022

ප්‍රශ්න නොකිරීම

කොටින්ටත් පරගලයටත් මුදල් සැපයූ බව කී නිමලන් විශ්වනාදන්ගෙන් අපරාධ පරීක්ෂණ දෙපාර්තමේන්තුව ප්රශ්න නොකරන්නේ ඇයි? 

හරමානිස්ලා හා කුල්ටෝ

 

හරමානිස්ලා හා කුල්ටෝ

 

මා වාග් විද්‍යාඥයකු නම් නො වෙයි. ඒත් මට නොයෙකුත් දේ හිතෙනවා. ඒ වගේ ම මා හිතනවා. මා භාෂාව ගැනත් හිතනවා. බොහෝ විට හිතන්නෙ භාෂාවෙන් නොවැ.  අප යොදා ගන්නා ඇතැම් වචන වෙනත් භාෂාවලින් ලබාගත් ඒවා. ඒ වැකියේ ම එවැනි වදන් තියෙනවා. මා වැකිය වදන් යනුවෙන් යොදා ගත්තත් ඒ වාක්‍යය හා වචන යන්නෙන් ලබා ගත්තා ද කියන්න මට දැනුමක් නැහැ. අපට ඔවදන කියා වදනක් තියෙනවා. මේ සම්බන්ධයෙන් හදාරන්න කිසිවකු ඉදිරිපත් වේද කියා හිතාගන්න බැහැ.

Friday, 19 August 2022

ගෝඨාභයට විරුද්ධ කවුද?

 ගෝඨාභය ලංකාවට එනවට විරුද්ධ කවුද? එංගලන්තය ද? ඊනියා ඩයස්පෝරාව ද? රනිල් ද? පරංගි පරගලයේ මෙරට නියෝජිතයන් ද? ඒ ඔක්කොම ද?

ඊනියා ශ්‍රී ලාංකික ඩයස්පෝරාව

 

ඊනියා ශ්‍රී ලාංකික ඩයස්පෝරාව

 

දේශපාලනයෙදි තනි තනි සිද්ධි ලෙස බලා තීරණ ගැනීම සුදුසු ක්‍රියාවක් නො වෙයි. එය එක් සිද්ධි දාමයක් ද නො වෙයි. සිද්ධි දාම රාශියක් දේශපාලනයෙහි වෙයි. එහි අවසානයක් කියා දෙයක් නැහැ. විශ්වය විකාශයෙහිත් සිංහල බෞද්ධයනට නම් ආරම්භයක්වත් අවසානයක්වත් නැහැ. ආරම්භ අවසාන ඇත්තේ ආගම් අදහන්නන්ට. ඒ ආගම් අදහන්නන්ට බටහිර විද්‍යාව, ඇරිස්ටෝටල් න්‍යාය අනුගමනය කරන්නන් ද අයත්වෙනවා. ආගම්වල ආරම්භය තේරුම් ගැනෙන්නේ නැහැ. ආරම්භය හැම විට ම උපකල්පනයක් පමණයි. රේඛීය චින්තනවල ආරම්භ තියෙනවා. 

ඇමතිවරු තද නින්දේ

 





එංගලන්තය ඊනියා ඩයස්පෝරාව මගින් එවන ඩොලර් සොච්චමකට රට පාවාදීම ඇරඹිලා. ගෝඨාභය එළවා ගත්තේ ඒ සඳහා. ඇමතිවරු තද නින්දේ.

Thursday, 18 August 2022

රනිල්ට හා ඊනියා ඩයස්පෝරාවට යටවුණු ඇමතිවරු

 

රනිල්ට හා ඊනියා ඩයස්පෝරාවට යටවුණු ඇමතිවරු

 

පරගලය දෙමළ ජාතිවාදය හා රනිල් මැයෙන් පහත පළ වී ඇති ලිපියේ සාකච්ඡාවෙන් කියැවුණු කරුණු ඇත්ත වුවත් නැතත් අද රට යන්නේ කිනම් දිශාවකට ද යන්න ගැන අටුවා ටීකා අවශ්‍ය වෙන්නෙ නැහැ. ගැසට් නිවේදනවල ඇති දේ අමාත්‍ය මණ්ඩල තීරණ  ආදිය අපට පිළිගන්න වෙනවා. ඊනියා ඩයස්පෝරාවේ ඉල්ලීම මත වුණත් නැතත් දෙමළ ජාතිවාදී සංවිධාන හයක තහනම ඉවත් කෙරී තියෙනවා. කිහිප දෙනකු නිදහස් කර තියෙනවා. ඊනියා ඩයස්පෝරාවේ කාර්යාලයක් කොළඹ විවෘත කිරීමට යනවා. උතුරු නැගෙනහිර පළාත්වල ඉඩම් ඒවාහි අයිතිකරුවන්ට පවරා දෙනවා කියමින් ඊනියා ඩයස්පෝරාවට සංවර්ධනය සඳහා සැපයීමට යනවා.

පරගලය දෙමළ ජාතිවාදය හා රනිල්

 

පරගලය දෙමළ ජාතිවාදය හා රනිල්


මේ සබැඳියේ කතාවට විචාර බුද්ධියෙන් සවන් දෙන්න. රනිල් හා මොවුන් අතර සම්බන්ධයක් තියෙනවා ද? විජයදාස රාජපක්ෂ යම් කටයුත්තක් කළා ද? පරගලයට මුදල් ලැබුණේ කොහෙන් ද? මුස්ලිම් රටවලිනුත් ලැබුණා ද? කේ පි ගේ ධනයට මොක ද වුණේ? දෙමළ ජාතිවාදීන් මෙතරම් දක්ෂ ද?අවුරුදු තිහක් දෙමළ මිනිසුන් යුද්ධ කළා ය කියන්නෙ මුදල් නැතුවද? ඔවුන් ඔය මුදල් රැස් කළේ කෙසේ ද? සිංහලයන් එතරම් දක්ෂ නැත් ද? එංගලන්තය මුකුත් ම කෙළේ නැද්ද? ඉන්දියාව සහභාගි වෙලා ම නැද්ද? මෙය ඇත්ත වුණත් නැති වුණත් අමාත්ය මණ්ඩලය නිදි ද? සිංහලයන් ඊනියා ඩයස්පෝරාවෙන් ඉල්ලන් කන්න බලන් ඉන්නවා ද?

 

 

https://youtu.be/0_-foIuZ4tk




 

Wednesday, 17 August 2022

රනිල් ඉවත් කරමු

 


සිංහලයන් කන්න ඉන්නේ ඊනියා ඩයස්පෝරා මුදලින් ද? ජාතික ගීය වැදි භාෂාවෙන් නැත්තේ ඇයි? රනිල් ඉවත් කිරීමට කටයුතු කරමු.

සිංහලයන්ට රනිල්ගෙන් කෑමක්

 

සිංහලයන්ට රනිල්ගෙන් කෑමක්

 

හරිණි අමරසූරිය බුද්ධිමත් කාන්තාවක්. ඇය ජ්‍යෙෂ්ඨ කථිකාචාර්යවරියක්. සමහර විට මහාචාර්යවරියක් වෙන්නත් පුළුවන්. ඇය රනිල්දාසගෙ පක්‍ෂයෙන් පත් කෙරෙණු මන්ත්‍රීවරියක්. පාර්ලිමේන්තුවේ උගතුන් බුද්ධිමතුන් නැතැයි කිවුවට ජී එල්ගෙන් පටන් ගත්ත ම විශ්වවිද්‍යාලයීය මහාචාර්යවරු කථිකාචාර්යවරු කී දෙනෙක් ඉන්නවා ද? ඔවුන් වැඩිය කැමති සුවාදීන වෙන්න. විශ්වවිද්‍යාලත් සුවාදීන ආයතන නොවැ. ඒත් හරිණි එහෙම නැහැ. ඇය සුවාදීන නැහැ.

 

ගෝඨාභය එළවා ප්‍රභාකරන් වැළඳ ගැනීම

 




සිංහලයෝ ගෝඨාභය එළවා ප්රභාකරන් වැළඳ ගනිති. ඊනියා ඩයස්පෝරාවට රට විවෘත කරති. ව්යාජ ජාතිකවාදීන් වග කිව යුතුයි.

Tuesday, 16 August 2022

ත්‍රිරෝදයෙන් කුඹුරට

 

ත්‍රිරෝදයෙන් කුඹුරට

 

මහා බැංකු  අධිපති නන්දලාල් වීරසිංහ කියා තිබුණා අප ණය මත පදනම් නොවී නිෂ්පාදන ආර්ථිකයකට යන්න ඕන කියලා. ඔහු කියා ඇති සියල්ල ම පාහේ ආර්ථික වි‍ද්‍යාඥයකු තබා භෞතික විද්‍යාඥයකුවත් උගතකුවත් බුද්ධිමතකුවත් නූණත් අපට අලුත් දේ නො වෙයි ඒ සියල්ල වගේ මේ ලිපි පෙළේ ඇති. ඔහු කියා තිබුණා දේශපාලනඥයන් වැඩිම වුණොත් ණයෙන් 10%ක් ගසා කන්න ඇති ඉතිරි 90% ම අපේ පරිභෝජනය සඳහා යෙදෙවූ බව. ඒ කරුණු කීම සම්බන්ධයෙන් ඔහුට ස්තුතිවන්ත වෙන්න ඕන. 

ජාතික ආර්ථිකයක්

 ණය පසු පස යෑම නවතා යැපුම් ආර්ථිකයෙන් මිදී ජාතික නිෂ්පාදන ආර්ථිකයකට යොමු වෙමු

Monday, 15 August 2022

රනිල් දෙමළ සංවිධාන හා එංගලන්තය

 

රනිල් දෙමළ සංවිධාන හා එංගලන්තය

 

ප්‍රතිචාරවලින් පෙනී යන්නේ බොහෝ දෙනා රට ගැන දැන ගැනීමට වඩා විශ්වය ගැන දැන ගැනීමට කැමති බවයි. එහෙත් ඔවුන් අතිවිශාල බහුතරය සාපේක්‍ෂ දැනුම ගැන නොව සාපේක්‍ෂ ප්‍රවේගය ගැනවත් දන්නෙ නැහැ. ඒ වෙනුවෙන් පන්ති පැවැත්වීමට මට මෙටාව යොදා ගන්න අවශ්‍ය නැහෑ. මන්දාකිණි අපෙන් ඉවතට ගියාට ඉන්දියාව හා එංගලන්තය ඉවතට යන්නේ නැහැ.

Sunday, 14 August 2022

විශ්වයේ ප්‍රසාරණය හා කල්ප කතාව

 

විශ්වයේ ප්‍රසාරණය හා කල්ප කතාව

 

දැනට අවුරුදු පනහකට විතර කලින් මා විශ්වවේදයෙන් උපාධියක් ලබා ගැනීමට කටයුතු කරන කාලෙ විශ්වවේදීුන් සිතා සිටියේ විශ්වය ප්‍රසාරණය වන බවයි. ඉතා මෑතක් වන තුරුත් ඔවුන් සිතා සිටියේ ඒ බව. එපමණක් නොවෙයි 1997  තරම පර්ල්මටර් ඇතුළු අය විශ්වය ත්වරණයක් සහිත ව ප්‍රසාරණය බව කිවුවා. පර්ල්මටර්ට ඒ පිළිබඳ ව නොබෙල් තෑග්ග ලැබුණා.  ඒ අතර කලක සිට අඳුරු ශක්තිය හා අඳුරු ද්‍රව්‍යය ගැන ඔවුන් කතා කරනවා. තවමත් ඒ අඳුරු කතා ගැන විශ්වවේදීන් ඉන්නෙ අඳුරෙ.

 

චීන නැව

 චීන නැවට එන්න අවසර. රුසියාවෙන් බොර තෙල් ගන්න තීරණයක්. විදේශ ප්රතිපත්තිය නොබැඳි නොව රටට බැඳි එකක් කිරීමට බල කෙරිලා

Saturday, 13 August 2022

බොරුවෙන් උපන් දරුවෝ හා රාජ්‍යාධිකාරය

බොරුවෙන් උපන් දරුවෝ හා රාජ්‍යාධිකාරය

 

ඊයේ අගෝස්තු 12 වැනි දා. හර්තාලයට අවුරුදු 69යි. ඒ ගැන වමාලටත් අමතක වෙලා. කමක් නැහැ ලබන අවුරුද්දෙ හර්තාලයෙ හැත්තෑවැනි සංවත්සරයත් අරගලයේ පළමුවැනි සංවත්සරයත් එකට ආතල්ගම භූමියේ දී ම සමරන්න පුළුවන්. අර සරසවිය තිබුණු තැන විද්වත් මඬුල්ලක් කැඳවල දේශන පවත්වන්න පුළුවන්. මාක්ස්වාදීන්ට පශ්චාත් මාක්ස්වාදීන්ට පශ්චාත් නූතනවාදීන්ට විශේෂ සැලකිල්ලක් දක්වන්නත් පුළුවන්.

Friday, 12 August 2022

ඈරෙන වෑරෙන කල්ප හා විශ්වය

 

ඈරෙන වෑරෙන කල්ප හා විශ්වය

 

විශ්වයේ හතර මායිම හා බුදුදහම ලිපිය කියවු කිහිප දෙනකු ඒ ගැන යම් යම් ප්‍රශ්න අසා තිබුණා. විශ්වය ගැන ඉගෙනීමට මටත් කලක් උනන්දුවක් තිබුණා. දැනුත් නැතුවා ම නොවෙයි. එහෙත් එහි කතන්දර සංස්කරණය කිරීමට (ගෙතීමට) තරම් මට හැකියාවක් නැති බව අවුරුදු පනහකට පමණ පෙර අවබෝධ වුණා. ඒ මා එතරම් දුරකට බටහිර ක්‍රිස්තියානි නූතනත්ව චින්තනයේ කිඳා බැස නොතිබූ බෑවින්. එමෙන් ම  වියුක්ත චින්තනයත් අවශ්‍ය ප්‍රමාණයට මට නැහැ.