අපි සීගිරි යමු
සීගිරිය ගැන ලියන්න හිතිලා ටිකක් කල්. ඒත් ඉඩක් හම්බ වුණෙ නැහැ. පාසලේ පනස්හයේ කණ්ඩායමේ සම්බන්ධිකාරක ලෙස කටයුතු කරන දැනට ඕස්ත්‍රේලියාවේ පදිංචි මිතුරකුගෙන් ඊයේ සීගිරිය ගැන රූහඬපටයක් ලැබුණා. එහි සබැඳිය ප්‍රතිචාරයක් ලෙස පළ කරනවා. බර්ගර් ජනවර්ගයට අයත් මිතුරා රට හැර ගොස් දැන් අවුරූදු හැටක් පමණ වෙනවා. එහෙත් ඔහු රට ගැන තවමත් උනන්දුවක් දක්වනවා. ඒ රූහඬපටය නැරඹීමෙන් පසු සීගිරිය ගැන ලිවීම තවත් කල්දැමීම නුසුදුසු යැයි හැඟුණා.
යැංකි
ඩිකී පරදවමින් ඉදිරියට
මෙරට ඇති චුණු ප්‍රභූතම ආණ්ඩුව රනිල්ගේ ආණ්ඩුවයි. රාජ්‍ය මන්ත්‍රණ යුගයේ අප පාලනය කෙරුණේ ඉංගිරිසින් විසින්. සර්වජන ඡන්දය ලැබී තිබුණ නමුත් කාරක සභා ක්‍රමයක් රාජ්‍ය මන්ත්‍රණ සභාවේ ක්‍රියාත්මක වූ නමුත් පාලනය කෙරුණේ ඉංගිරිසින් විසින්. ආණ්ඩුවේ ප්‍රධානියා වූයේ ඉංගිරිසි ජාතිකයෙක්. කාරක සභා හතේ සභාපතිවරූ ලාංකිකයන්. ඔවුන් ඇමතිවරුන් ලෙස සැලකුණා. 1931 සිට 1936 දක්වාත් ඉන්පසු 1936 සිට 1942 දක්චාත් ආණ්ඩුවේ උප ප්‍රධානියා වුණේ ඩී බී ජයතිලක. 1936 පත් වූ රාජ්‍ය මන්ත්‍රණ සභාව 1947 දක්වා ම පැවතුණා. 1942 සිට ආණ්ඩුවේ උප ප්‍රධානියා වුණේ ඩී එස් සේනානායක.
ණය වේ අප විද්‍යා
රනිල් හා ජාමූල ගැන තවත් ලිවීමට සිදුවීම ගැන කණගාටු වෙනවා. ඒත් කරන්න දෙයක් නැහැ. අද රංගෙ බණ්ඩාර වජිර අබේවර්ධන වැන්නන්ට රනිල් තරම් වැඩ්ඩෙක්, එහෙමත් නැත්නම් අප සිසුන් කාලෙ කිවුව විධියට නම් වැඩ කාරයෙක් වෙදෙක්, නැහැ. ඒ වෙදෙකුට ඕනෑම ලෙඩකට (ප්‍රශ්නයකට) බෙහෙත් (උත්තර) තිබුණා. වෙදා එකල නම් බ්‍රයිට් අද නම් ස්මාට් අයකුට වඩා වෙනස්. භාෂාවල විලාසිතා වචන ගැන කිසිවකු අධ්‍යයනයක් කර තියෙනවා ද කියා මා දන්නේ නැහැ. විලාසිතා වචන වැඩි කලක් පවතින්නේ නැහැ. අපේ කාලෙට වඩා අද තරුණයන් විලාසිතා වචන යොදා ගන්නවා. එයින් පැහැදිලි වන්නෙ පාවෙන ගතිය. රුපියලත් එක එක කාලවල පාවෙනවා. මෙවර නම් පාවෙන්නෙ හොඳකට නො වෙයි.
වැල් පාලමේ ගීතය: එක
හෙළකින් තව හෙළකට - දෑස පියන් බිම නොබලන්
ඊයේ මා සඳහන් කළා අපි එකවර අශ්වයන් දෙදෙනකුගේ පිටේ ගියා කියල. ධනවාදය හරි නව ලිබරල්වාදය හරි එක අශ්වයෙක්. අනෙක් අශ්වයා සමාජවාදය. සමාජවාදය කිවුවට ඊනියා සමාජවාදී අදහස්. මේ එක අශ්වයෙක්වත් අපේ නො වෙයි. ජාමූල කියන්නෙ ධනවාදය අශ්වයා පිටේ පමණක් යන්න කියා. මට තේරෙන විධියට රනිල්ටත් ඕන කරන්නෙ ඇමරිකාවෙ තියෙනව වගේ ධනවාදයක් ඇති කරන්න. ඒත් ඒ සඳහා අපට ධනවතුන් නැහැ.
රනිල් වැඩ්ඩෙක් ද?
රනිල් ඊයේ පාර්ලිමේන්තුවේ කළ කතාව අහගෙන හිටිය ම මට හිතුණෙ මේ මොන තරම් සැලසුමක් ඇතුව කරපු මෙහෙයුමක තවත් ජවනිකාවක් ය කියන එක. ඇතැමුනට රනිල් වැඩ්ඩෙක් වෙන්න පුළුවන්. ඇතැමුන් ඒ කතාවෙන් ආතලයක් ගන්න පුළුවන්. ඔය වැඩ්ඩා ආතල් වගේ වචන ඒ ඒ කාලවල ව්‍යවහාර වන විලාසිතා වචන පමණයි. විලාසිතා හැම තැන ම තියෙනවා. මා සසෙක්ස් විශ්වවිිද්‍යාලයේ සිටිය දී මගේ ගුරුතුමා මහාචාර්ය මැක්‍රේ මට කිවුවේ තාරකා විද්‍යාවේත් විලාසිතා ඇති බවත් ඒ කලින් ම හඳුනාගත යුතු බවත්.
පරගලයේ ජයග්‍රහණය
බටහිර දැනුමෙ උෂ්ණෙ හා අපේ පර්යේෂණ උෂ්ණෙ
ලංකාවේ විශ්වවිිද්‍යාල හා පර්යේෂණ ආයතනවලින් ලැබෙන ප්‍රතිලාභය කුමක් ද? අප විශාල මුදලක් ඒ ආයතනවල ඊනියා පර්යේෂණ සඳහා යොදනවා. එහෙත් ඉන් ලැබෙන්නේ කුමක් ද?
අපි අනුන්ගෙ
අද ජනාධිපති ජාතිය අමතනවා. මොන තරම් දෙයක් ද? අද ඔහු වෙන මොනව කිවුවත් ප්‍රධාම වශයෙන් ම කියන්න යන්නෙ ජා මු ලෙ ණය දෙන්න යන බව. ඒ නිසා අපට තව ණය ගන්නට ඊනියා ජාත්‍යන්තර සහතිකයක් ලැබෙන බව මිසක් අද සූර්යයා උත්තරාර්ධගෝලයට එන බව නො වෙයි. ඔහුට වසන්තය උදා වෙලා ටිකක් දවස්. දැන් ඔය සහතිකේ ලැබෙන්නෙ ඊයේ රෑ ඉඳන් නො වෙයි. අපි බංකොළොත් බව ඊනියා ආර්ථික විද්‍යා විශේෂඥයන්ගේ කීමට ප්‍රකාශ කරන තෙක් අපට එ සහතික ඔක්කොම තිබුණා. අර විශේෂඥයන්ගෙ කීමට බංකොළොත් කියා ප්‍රකාශ කළාට පස්සෙ තමයි සහතික ටික නැතුව ගියේ.
පුටින් රනිල් හා සකුරා මල්
ඊනියා ජාත්‍යන්තර අධිකරණය පුටින්ට වරෙන්තු නිකුත් කරලා. පුටින් සහ රුසියාව මානව අයිතිවාසිකම් කඩ කරල කියන එක තමයි චෝදනාව. ඒ යුක්‍රේන යුද්ධය සම්බන්ධයෙන්. යුක්‍රේන යුද්ධය ආරම්භ කෙළෙ පුටින් කියන එක තමයි කතාව. මේ යුද්ධය කාගෙ වුවමනාවට පටන් ගත්තත් අද බටහිර රටවල ආර්ථික අර්බුදයක් ඇති වෙලා. බැංකු කඩා වැටෙනවා. බඩු මිල ඉහල යනවා. ජා මු ලෙට යන පාටකුත් නැහැ. ජා මූ ලෙට කරන්න පුළුවන් ඉටි ගෙඩියකුත් නැහැ. ඔවුන්ට කරන්න පුළුවන් අප වැනි රටවල් ණය හරහා තව තවත් දුප්පත් කරන එක පමණයි.
පුටින් හා රාජපක්‍ෂලා
ඇතැමුන්ට සුසුමක් අබිං වූ මාක්ස්වාදය
එක් අතකින් බලන විට විවිධ සිංහල බෞද්ධ විරෝධීන් බටහිර රටවල සුවසේ නිදන්නේ කාගේ පිහිටෙන් ද යන ප්‍රශ්නය ඇසීම වැරදියි. ඔවුන් ලංකාවේ දී ද සුවසේ නිදා ගන්න පුළුවන්කම තිබූ අය. ඔවුන්ට ප්‍රශ්නය වෙලා තිබුණෙ ඔවුන් කියන සිංහල බෞද්ධ ආධිපත්‍යය ඔවුන්ට නිදාගන්න දුන්නෙ නැති එක වෙන්න ඇති.
පඬි නැට්ටන්ට බටහිර රටවල ඔහේ නින්ද යෑම
මා ඇසූ “ලංකාවේ සිංහල බෞ ආධිපත්‍යයක් ගැන කියවන දෙමළ මුස්ලිම් ඇතුළු සිංහල බෞද්ධ විරෝධීන්ට බටහිර ක්‍රිස්තියානි අධිපතිවාදී රටවල සුවසේ නින්ද යන්නේ කාගේ පිහිටෙන් ද?” යන ප්‍රශ්නය තේරුම් ගැනීමට බැරි වු පඬි නැට්ටන් ඒ ඒ අය නිදන්නේ කෙසේ දැයි ප්‍රශ්න කරන්න වුණා. ඒ අය අතර ලංකාවේ ඉහළ බුද්ධිමතුන් ලෙස සැලකෙන අය ද සිටියා. අවුරුදු හැටක් ඊනියා බුද්ධිමතුන් ඇසුරු කර ඇති මා ඒ ගැන පුදුම වුණේ නැහැ.
පඬි නැට්ටන්ට නින්ද යෑම
බටහිර සමත්කම්
ගෝඨාභය අසමත් වීමට හේතුව හරි හේතු හරි හොයන අය හරින් ප්‍රනාන්දු සනාථ කරන්න හදන අය ලෙසයි මට පේන්නෙ. හරින් ප්‍රනාන්දු තමයි සර් ෆේල් ව්‍යාපාරයේ ආරම්භකයා. ඔහු එය පටන් ගත්තෙ ගෝඨාභය ජනාධිපති වෙලා මාස තුන හතරකින්. රනිල් ඒ නොදැන හිටියා කියන්න බැහැ. එය මිනිසුන් අතරට යවන්න ඒ ව්‍යාපාරයේ සිටි අය සමත් වුණා. කොවිඩ් වසංගතය මනාව කළමනාකරණය කරද්දිත් මිනිසුන් එ කතාව පිළිගත්තා.
සිංහල බෞද්ධ ආධිපත්‍යය
දුගී මගී රෝගී අයට කරදර කරන රනිල් හා වර්ජකයන්
අප රටේ ක්‍රම වෙනසක් ඕන ය කියා ඇතැමුන් පරගලයක නිරත වුණා. එහෙත් එය ලොකු උද්ඝෝෂණයක් පමණයි. එය මෙහෙයවනු ලැබුයේ බටහිරින් හා ඉන්දියාවෙන්. ඔවුන් නම් මෙරට ක්‍රම වෙනසක් ඇති කරමින් සිටිනවා. අප එක් පැත්තකින් ඉන්දියාවෙනුත් අනෙක් පැත්තෙන් බටහිරිනුත් පාලනය කෙරෙනවා. අද වන විට අපේ ආර්ථිකය මුළුමනින් ම මෙන් බටහිරින් හා ඉන්දියාවෙන් හැසිරවෙනවා.
ගෝඨාභය අසමත් ද?
මෙරට සිටින බුද්ධිමතුන් උගතුන් පිළිතුරු දෙන්න හදන්නේ ගෝඨාභය අසමත් වුණේ ඇයි ද යන ප්‍රශ්නයට. ඒ කියන්නේ ඔවුන්ගේ නිරීක්‍ෂණය තමයි ගෝඨාභය අසමත් වුණා යන්න. දෙවියන්ගෙ පිහිටෙන්, අවශ්‍ය ම නම් නාථ දෙවියන්ගෙ පිහිටෙන් කිවුවත් කමක් නැහැ, මා බුද්ධිමතකුවත් උගතකුවත් නො වෙයි. ඒ නිසා මට ගෝඨාභය අසමත් වී ඇති බවක් පේන්නෙ නැහැ. මට පේන්නෙ ගෝඨාභය ඉවත් කරපු බවක්.
පරගලයෙන් පරමාධිපත්‍ය දෙකක්
කොවිඩ් සහ ගෝඨාභය
ගෝඨාභය ජනාධිපතිවෙලා මාස හතරක් ගත වෙන්න කලින් කොවිඩ් වසංගතය පැමිණියා. ඒ සමග තමයි කලින් කී ආකාරයට සංචාරක ව්‍යාපාරය කඩාවැටීමත් විදේශවල සේවය කරන්නන්ගේ ප්‍රේෂණ අඩු වීමත් සිද්ධ වුණෙ. කොවිඩ් සඳහා අවශ්‍ය ඖෂධ හා වෙනත් දේ ලබා ගැනීම සඳහාත් ඩොලර් විශාල ප්‍රමාණයක් යොදා ගන්න සිද්ධ වුණා. ඒ සියල්ල ගෝඨාභය ඉවත් කිරීමට යොදා ගැනීමට සිංහල බෞද්ධ විරෝධීන්ට හැකි වුණා.
ගෝඨාභයගේ ජයග්‍රහණය
2019 ජනාධිපතිවරණය එළඹෙත් ම ජාතිකවාදීන් අපේක්‍ෂකයකු ගැන හිතන්න වුණා. ජාතික සංවිධාන රාශියක් තිබුණත් ඒවාහි ප්‍රකාශකයන් ලෙස කටයුතු කරන්නන් ඒ තරමට ම සිටියත් ඒ සංවිධානවල සුදුසු අපේක්‍ෂකයකු සිටියේ නැහැ. අවසානයේ දී සිහියට නැගුණේ ගෝඨාභය රාජපක්‍ෂයි. මගේ මතය අනුව නම් රාජපක්‍ෂ පවුලේ වඩාත් ම ජාතිකත්වයක් ඇත්තේ ගෝඨාභයට. ඔහු ජාතික ඇඳුමවත් කපටි කිට නමින් හැඳින්වෙන ඇඳුමවත් අඳින්නෙ නැහැ. සාටකය පළඳින්නෙත් නැහැ. එහෙත් ඔහුට අනෙක් රාජපක්‍ෂලාට වඩා ජාතිකත්වයක් තිබුණා, තියෙනවා.
මෛත්‍රිපාල දඩයම
මෛත්‍රිපාලට තමා ලේකම් පදවිය දැරූ ශ්‍රී ල නි පක්‍ෂය අත්හැර යෑමට සිදු වූයේ ඇතැම් රාජපක්‍ෂලාගේ උද්ධච්ඡකම නිසා බව පැහැදිලියි. එස් බී දිසානායක වරක් ඒ සම්බන්ධයෙන් කර ඇති ප්‍රකාශයකින් ද එය තහවුරු වෙනවා. මට මතක හැටියට එස් බී මෛත්‍රිපාලගෙන් අසා තියෙනවා පක්‍ෂය හැර දා යන්නේ බැසිල් නිසා නම් බැසිල් සමග ඒ ගැන කතා කරමු කියා. එහෙත් මෛත්‍රිපාල එයට එකඟ වෙලා නැහැ. බැසිල් කිසිම ජාතිකත්වයක් ඇති අයකු නො වෙයි. බැසිල් නාමල් හා අනෙක් මහේන්ද්‍ර පුත්‍රයන් ජාතිකත්වයට කර ඇති හානිය කියා නිම කරන්න බැහැ.
