තර්කය හා නිර්මාණය

                     සිංහල ලිත් ඉලක්කම්

තර්කය හා නිර්මාණය

මට ඊයේ පැරණි හිතවතකු හමු වුණා. ඔහු මොරටුව විශ්වවිද්‍යාලයේ ඉංජිනේරු පීඨයේ උගත් අයෙක්. දැන් පිටරටක ජීවත් වෙනවා. නමින් නම් ඔහු මුස්ලිම්. එහෙත් සංස්කෘතියෙන් සිංහල බෞද්ධ. ඔහුගේ ආගම මොකක් ද කියා මා ඇහුවේ නැහැ. ඔහු නිරාගමික පඬියකු නම් නො වෙයි. ඔහුට බොහෝ සිංහල බෞද්ධයනට වඩා මා කියන දේ ගැන වැටහීමක් තියෙනවා. ඔහුට මගේ ලිපි සියල්ල කියවන්න අවස්ථාව ලැබෙන්නේ නැහැ. එහෙත් මගේ ලිපිවල ආකෘතිය හා ශෛලිය ගැන මනා අවබෝධයක් තියෙනවා. 

කොරෝනා කෙරුණේ කෙසේ ද?

     සිංහල ලිත් ඉලක්කම්

කොරෝනා කෙරුණේ කෙසේ ද?

කොරෝනා වෛරසය ගැන කියන්න තරම් දෙයක් මා දන්නේ නැහැ. මා කරන්නේ රුපියල් අස්සේ අලුක්කාල් ගැසීමක්. ඒ අලුක්කාල මගේ පැත්තේ මට සාපේක්‍ෂ ව කීමයි මා කරන්නේ. වයිරසවේදය පිළිබඳ විශේෂඥ වෛද්‍යවරුන් ජනමාධ්‍යවේදීන් මෙරට ඉන්නවා. සාර්ස් වෛරසය හැඳිනගත් දැනට හොංකොංහි සේවය කරන මහාචාර්ය ජෝසෆ් ශ්‍රියාල් මලික් පීරිස් ලන්ඩන් රාජකීය සංගමයේ අධිසාමාජිකත්වයකින් පිදුම්ලත් ලංකිකයන් දෙදෙනාගෙන් එක් අයෙක්. අනෙක් තැනැත්තා ඉංජිනේරුවරයෙක්. දෙදෙනාම ශිල්පීන්. මෙරට දක්‍ෂ ශිල්පීන් ඉන්නවා. වෛරස බැක්ටීරියා විනාශ කරන බල්බයක් නිපදවූ මංජු ගුණවර්ධන එවැන්නෙක්. ලංකාවේ නැත්තේ ශාස්ත්‍රඥයන්. පඬියන් නම් ඕනැවටත් වඩා ඉන්නවා. තවමත් ලංකාවේ ඊනියා ශාස්ත්‍රඥයකුට ඔවුන්ට අනුව උසස් වූ රාජකීය සංගමයේ අධිසාමාජිකත්වය ලැබී නැහැ. මලික් පීරිස් කියන විධියට මේ කොරෝනා වෛරසය සාර්ස් වෛරසය තරම් දරුණු නැහැ. 

වීර පාණ්ඩ්‍ය රන්ජන් හා පශ්චාත්නූතනත්වය

      සිංහල ලිත් ඉලක්කම්

වීර පාණ්ඩ්‍ය රන්ජන් හා පශ්චාත්නූතනත්වය

රන්ජන් රාමනායක සිද්ධියෙන් තවත් වැදගත් දෙයක් පැහැදිලි වුණා. ඒ මේ රටේ ඇති දූෂිත ප්‍රජාතන්ත්‍රවාදය නො වෙයි. එයත් එක් දෙයක් තමයි. ඒත් මුළු ලෝකෙ ම ප්‍රජාතන්ත්‍රවාදය දූෂිතයි. වරක් වින්ස්ටන් චර්චිල් පවසා ඇත්තේ ප්‍රජාතන්ත්‍රවාදයේ කෙතරම් අඩුපාඩු තිබුණත් එය දැනට ඇති හොඳ ම ක්‍රමය කියා. මා නම් එය විශ්වාස කරන්නේ නැහැ. එයත් බටහිරයන් අපට දී ඇති එක දැනුමක් පමණයි. ඔවුන් කියන්නේ ඔවුන් දන්නා ක්‍රම අතරෙන් හොඳ ම ක්‍රමය ප්‍රජාතන්ත්‍රවාදය බවයි. එහෙත් ඔවුන් ඒ බව ඒ අයුරින් කියන්නෙ නැහැ. ඔවුන් කියන්නෙ ලෝකයේ ම තිබූ හා තියෙන ක්‍රමවලින් හොඳ ම ක්‍රමය ඔවුන්ගෙ ප්‍රජාතන්ත්‍රවාදය කියා. හරියට ඔවුන්ගෙ ලෝකය අප කාගෙත් ලෝකය වගේ. අධ්‍යාපනයෙන් (ආකෘතික මෙන් ම අනාකෘතික) කෙරෙන්නෙ මේ එක ම ලෝකයේ කතාව තහවුරු කරන එක. 

බ්‍රයන්ට් කොරෝනා පැසිපන්දු පෙරුන්කායම්

 සිංහල ලිත් ඉලක්කම්

බ්‍රයන්ට් කොරෝනා පැසිපන්දු පෙරුන්කායම්

පැසිපන්දු ක්‍රීඩක කෝබ් බ්‍රයන්ට් හෙලිකොප්ටර් අනතුරකින් මිය ගිහින්. ඔහු සමග ඔහුගෙ බිරියත් දියණියත් මිය ගිය බවයි කියැවෙන්නේ. මගේ සාමාන්‍ය දැනීම අතිශයින් දුර්වලයි. මා පැසිපන්දු ක්‍රීඩාව ගැන උනන්දුවක් දක්වන්නේ නැහැ. ඒ නිසා මා ජීවත් වූ බ්‍රයන්ට් ගැන දැන සිටියේ නැහැ. එහෙත් මිය ගිය බ්‍රයන්ට් ගැන මා දන්නවා. ඒ ප්‍රවෘත්ති අහල දැකලා. 

ගෝඨාභය පොහොට්ටුවෙන් තරග නොකළා නම් පරදිනවා ද?

 සිංහල ලිත් ඉලක්කම්

ගෝඨාභය පොහොට්ටුවෙන් තරග නොකළා නම් පරදිනවා ද?

පොහොට්ටුවාදීන් පොහොට්ටුව ගැන කතා කරන්නේ නැතිව ම බැරි ලකුණක් ලෙස. හරියට ගෝඨාභය රාජපක්‍ෂ දිනුවෙ පොහාට්ටුව හින්ද වගේ. මට අහන්න තියෙන්නෙ පොඩි ප්‍රශ්නයක්. ගෝඨාභය වෙන ලකුණකින් ඉදිරිපත් වුණා නම් පරදිනවා ද? පරදන්න තිබුණ ද කියල අහමු. 

භික්‍ෂු දේශපාලනය

   සිංහල ලිත් ඉලක්කම්

භික්‍ෂු දේශපාලනය 

භික්‍ෂූන් වහන්සේලා පිරිසක් දේශපාලන පක්‍ෂවලින් ඉල්ලා තිබුණා සංඝයා වහන්සේ අපේක්‍ෂකයන් ලෙස ඉදිරිපත් නොකරන ලෙස. මා හිතන්නේ එය ඉතා හොඳ ඉල්ලීමක්. භික්‍ෂූන් වහන්සේ මැතිසබයේ අසුන් ගැනීම සිංහල බෞද්ධ සම්ප්‍රදායට විරුද්ධයි. බද්දේගම සමිත හාමුදුරුවන්ගෙන් පටන් ගෙන අතුරලියේ රතන හිමියන් දක්වා ඇති මේ සඟ පරපුරට තිත තියන්න කාලෙ ඇවිත්. 

තුනෙන් දෙක කුමකට ද? කෙසේ ද?

   සිංහල ලිත් ඉලක්කම්

තුනෙන් දෙක කුමකට ද? කෙසේ ද?

ආණ්ඩුවට වැඩ කරන්න තුනෙන් දෙකක් අවශ්‍ය කියන අය ඉන්නවා. අපට එය පිළිගන්න බැහැ. වත්මන් ආණ්ඩුව සුළුතර ආණ්ඩුවක්.  එ ජා ප අද පාර්ලිමේන්තුවේ තම බහුතර බලයේ හයිය පෙන්නනවා. මහින්දලා 2015න් පසු වැඩ කරපු ආකාරය වෙනස්. ඔවුන්ට බහුතර බලයක් තිබුණ නමුත් මෛත්‍රිපාල යහපාලනයට යෑම නිසා ශ්‍රී ල නි පක්‍ෂයේ බෙදීමක් තිබුණා. ඒ බෙදීම නිසා යහපාලනයට විරුද්ධ ව ඒකාබද්ධ විපක්‍ෂය කටයුතු කෙළේ නැහැ. පසුව ඔවුන් මහින්දගේ කීමට දහනවය සම්මත කර ගන්නත් ඡන්දය දුන්නා. බෙදීම තිබියදීත් මහින්ද එදා විරුද්ධ වුණා නම් දහනවය සම්මත කර ගන්න බැහැ. බෙදීම නිසා මහින්ද පක්‍ෂ වුණා කියනවා නම් එය පිළිගන්න බැහැ. මහින්ද ඒ වන විට ශක්තිමත්. ඔහු විරුද්ධ වුණා නම් දහනවය සඳහා තුනෙන් දෙකේ බහුතරය ලැබෙන්නේ නැහැ. මහින්දටත් දහනවය අවශ්‍ය වුණා.

ඊනියා අනාගමික රාජ්‍ය හා ඉන්දියාව

  සිංහල ලිත් ඉලක්කම් 

ඊනියා අනාගමික රාජ්‍ය  හා ඉන්දියාව

සිංහල බෞද්ධ රාජ්‍යය යන්නෙන් විවිධ පුද්ගලයන් විවිධ දේ අදහස් කරනවා. පැහැදිලිව ම එය ඊනියා අනාගමික රාජ්‍යයක් නො වෙයි. අනාගමික රාජ්‍යය යන්නෙන් බොහෝ විට කියැවෙන්නේ ආගමකින් ස්වාධීන වූ රාජ්‍යයක්. එහෙත් එවැනි රාජ්‍යයක් ලෝකයේ කොහේවත් නැහැ. ඇතැම් රාජ්‍ය ක්‍රිස්තියානි රාජ්‍ය, මුස්ලිම් රාජ්‍ය ආදී වශයෙන් ඒ ඒ රටවල ආණ්ඩුක්‍රම ව්‍යවස්ථාවල ම සඳහන් වෙනවා. සමහරවිට රාජ්‍යයක් ආණ්ඩුක්‍රම ව්‍යවස්ථාවෙහි අනාගමික රාජ්‍යයක් ලෙස හැඳින්වෙන්න පුළුවන්. එහෙත් එවැනි රාජ්‍යයක් වුවත් ආගමකින් ස්වාධීන ද?

අභයගිරිය පූජනීය දාගැබක් මිස පුරාවස්තුවක් නො වෙයි

         සිංහල ලිත් ඉලක්කම්

අභයගිරිය පූජනීය දාගැබක් මිස පුරාවස්තුවක් නො වෙයි  

අභයගිරිය ප්‍රතිසංස්කරණය කළ යුත්තේ කාට අවශ්‍ය විධියට ද? අපට අවශ්‍ය විධියට ද? නැත්නම් බටහිරයන්ට අවශ්‍ය විධියට ද? අප අභයගිරිය ප්‍රතිසංස්කරණය කරනවා ද? සංරක්‍ෂණය කරනවා ද? ලංකාවේ පුරාවිද්‍යාඥයන් ඉන්නවා ද? එක් පඬියකුට අනුව ගැමුණු සිල්වාත් පුරාවිද්‍යාඥයෙක්. ගැමුණු මගේ මිත්‍රයෙක්. ඔහු දක්‍ෂ ශිල්පියෙක් (ඊනියා ඉංජිනේරුවෙක්). පඬියන්ගේ පරික්‍ෂණ නිරීක්‍ෂණ නිගමන ඊනියා විද්‍යාත්මක ක්‍රමයට අනුව ගැමුණු පුරාවිද්‍යාඥයෙක් වෙලා. ඔහු අර මාළිගාවිල බුදුපිළිමය සම්බන්ධයෙන් කළ වැඩ, දළදා මාළිගාවෙ රන් වියන සවි කිරීම, මැතක දි රුවන්වැලි සෑයෙ කටයුතුවලට සම්බන්ධවීම ආදිය නිරීක්‍ෂණය කරන පඬියන් විද්‍යාත්මක ව නිගමනය කරනවා ඔහු පුරාවිද්‍යාඥයකු කියා. ආර් ප්‍රේමදාස ක්‍රීඩාංගනයෙ විදුලි එළි සවිකෙළෙත් ඔහුගෙ අධික්‍ෂණයෙන්. ප්‍රේමදාස ක්‍රීඩාංගනය පුරාවිද්‍යාත්මක වටිනාකමක් ඇති ස්ථානයක් කියල නිගමනය කරනවා ද? 

බීබීසිය වෙනුවෙන් අපි

                     සිංහල ලිත් ඉලක්කම්

බීබීසිය වෙනුවෙන් අපි

චන්දිම වීරක්කොඩි  කියලා තිබුණා බීබීසී ලංකා වාර්තාකරු එකී සේවයෙන් අස් කරන්න කියලා. ඒ බීබීසියේ අපක්‍ෂපාතිත්වය රැක ගැනීමට කියල කියන්නෙ. බීබීසි වාර්තාකරු රන්ජන් රාමනායක එක්ක සංවාදයක යෙදිලා සංවිධානාත්මක දේශපාලන ක්‍රියාවලියක යෙදිල තියෙනව කියන චෝදනාව තමයි තියෙන්නෙ. ඉතින් ඒකට වාර්තාකරු අස් කරල වැඩක් තියෙනවා ද? බීබීසිය ඉන් පසු අපක්‍ෂපාති වේවි ද?

අභයගිරිය, මෝනා ලීසා හා ජාත්‍යන්තරය

  සිංහල ලිත් ඉලක්කම්

අභයගිරිය මෝනා ලීසා  හා ජාත්‍යන්තරය

පඬියන් තවමත් සිතන්නේ අපේ වෑයම බරකරත්තයෙන් ආපසු අනුරාධපුරයට යෑමට කියා. ඔවුන් එහෙම හිතා ගත්තාවෙ. අනුරාධපුරය කියන්නෙ එකල ජාත්‍යන්තර මධ්‍යස්ථානයක්. විශේෂයෙන් ම අභයගිරිය. මා අද උදේ ගත කෙළේ අභයගිරියේ.  මේ ලිපිය ලිවීම පමා වූයේත් ඒ නිසා.

දූෂිත ප්‍රජාතන්ත්‍රවාදය වෙනුවට

    සිංහල ලිත් ඉලක්කම්

දූෂිත ප්‍රජාතන්ත්‍රවාදය වෙනුවට

ඊනියා ප්‍රජාතන්ත්‍රවාදය අන්ත දූෂිත බව රන්ජන් රාමනායක හෙළිදරවු කරලා. අර අපක්‍ෂපාත බීබීසි වාර්තාකරු රන්ජන්ගෙ හොඳ මිත්‍රයකු පමණක් නොවෙයි. ඔවුන් දෙදෙනා එකට දේශපාලනය සැලසුම් කරලා. එය වත්මන් බීබීසි වාර්තාකරුගෙ ප්‍රශ්නයක් පමණක් නො වෙයි. එල්මෝගෙ කාලෙත් එහෙම තමයි. ඔහු කා සමග සම්බන්ධකම් පැවැත්වුවා ද කියා දන්නේ නැහැ. එහෙත් ඔහු සිංහල බෞද්ධ විරෝධී වුණා. ඔහුගෙ තිබුණු ඊනියා අපක්‍ෂපාතිත්වයක් නැහැ. 

බීබීසියෙ ඊනියා අපක්‍ෂපාතීත්වය

  සිංහල ලිත් ඉලක්කම්

බීබීසියෙ ඊනියා අපක්‍ෂපාතීත්වය

මෙරට වැසියන්ට, විශේෂයෙන් ම සිංහලයන්ට වියුක්ත කතන්දර ගොතන්න බැහැ. සංයුක්ත කතන්දර ගෙතීමට නම් ඔවුන් උපන් ගෙයි හපනුන්. ලිඳ ලඟ කතා සියල්ල ම සංයුක්ත කතන්දර. මුහුණු පොතේ පඬියන් කියන්නෙත් සංයුක්ත කතන්දර. තොරතුරු රැස්කිරීමට දක්‍ෂ අය අප අතර හිටියත් වියුක්ත කතන්දර හදන්න පුළුවන් අය නැහැ. බටහිරයන් ද කිසි දිනෙක අප වියුක්ත කතන්දර ගෙතීමට උනන්දු කෙළේ නැහැ. ඔවුන් කෙළේ තම වියුක්ත කතන්දර අප ලවා පුනරුච්චාරණය කර ගැනීමට හැකි පඬියන් පඬි පෝතකයන් පඬි නැට්ටන් ටික දෙනකු බිහි කිරීම පමණයි. 

සඟ ගණ, ඊනියා ප්‍රජාතන්ත්‍රවාදය හා පඬියෝ

 සිංහල ලිත් ඉලක්කම්

සඟ ගණ, ඊනියා ප්‍රජාතන්ත්‍රවාදය හා පඬියෝ

අප සඟ ගණ යනුවෙන් ඇතැම් විට කියනවා. ඇතැම් ජාතිකවාදීන් යැයි කියන්නන් කිසිම ශ්‍රද්ධාවක් නැතිව ගණගෙඩියා යනුවෙන් කිවුවත් අප සඟ ගණ යන්න යොදා ගන්නේ ගෞරවයෙන්. මේ වචන දෙකෙන් ම කියැවෙන්නේ එකතුවක්, සංගමයක්, සමූහයක් ආදියයි. භික්‍ෂූන් වහන්සේ, සඟ ගණ ලෙස හැඳින්වෙන්නේ බුදුහාමුදුරුවන්ගෙ ධර්මය ලෝකයට ගෙන යන පිරිසක්. උන්වහන්සේලා බුද්ධ පුත්‍රයන් ලෙසත් හැඳින්වෙනවා. සඟ ගණ යන්න එක ම අර්ථය දෙණ වචන යුගලයක්. අප එය යුගලයක් වශයෙන් ව්‍යව හාර කරන්නේත් ගෞරවයට. එහෙත් සඟ ගණ යන්නෙහි තවත් අර්ථ තිබෙනවා.

පඬි කතා හා ලාල්කාන්තගෙ කාන්තිමත් කතා

   සිංහල ලිත් ඉලක්කම්

  පඬි  කතා  හා ලාල්කාන්තගෙ කාන්තිමත් කතා

ලාල්කාන්ත තිස්ස අත්තනායකගේ කතාව නැවත කියලා. ලාල්කාන්ත නිර්ධන පංති ආඥාදායකත්වය පිහිටුවීමට පෙනී සිටින විප්ලවවාදියෙක්. එය සිංහල බෞද්ධ රාජ්‍යය නැවත පිහිටුවීම වගේ වැඩක් නො වෙයි. සිංහල බෞද්ධ රාජ්‍යයක් කියන්නෙ මොකක් ද කියල මාක්ස් හරි වෙනත් බටහිරයකු හරි කියල නැහැ. ඒ නිසා එහෙම රාජ්‍යයක් තියෙන්න පුළුවන් කියලවත් පඬියන් පඬි පෝතකයන් හා පඬි නැට්ටන් හිතන්නෙ නැහැ. බටහිරයකු කියල නැති දෙයක් ලෝකයේ තියෙන්න පුළුවන් ද? 

සිංහල බහුතරයේ අවශ්‍යතාව ඉටු කරමු

 සිංහල ලිත් ඉලක්කම්

සිංහල බහුතරයේ අවශ්‍යතාව ඉටු කරමු

තව මාස එකහමාරකින් පමණ පාර්ලිමේන්තුව විසුරුවා හැරීමට නියමිතයි. ගෝඨාභය රාජපක්‍ෂට ශක්තිමත් ආණ්ඩුවක් ලබා දීම අවශ්‍යයි. එමෙන් ම රටට නව දේශපාලනයක් අවශ්‍යයි. ජනාධිපතිවරණයෙන් පසු මාස දෙකක් ගෙවී ගිහින්. ඉතා හොඳ පියවර කිහිපයක් එ කාලයෙහි අරගෙන තියෙනවා. එහි ගෞරවය ජනාධිපතිට හිමි වෙන්න ඕන. ඒත් පහුගිය මාස දෙකේ කළ වැඩ සියල්ල අනුමත කරන්න බැහැ. ඇතැම් පත්වීම් ගැන හොඳක් කියන්න බැහැ.

රන්ජන් හඬපට මැදින් අවසන් ගමන් යන මනෝරත්න

             සිංහල ලිත් ඉලක්කම්

රන්ජන් හඬපට මැදින් අවසන් ගමන් යන මනෝරත්න

රන්ජන් රාමනායකගේ හඬපට ඇහෙද්දී ජයලත් මනෝරත්න අවසන් ගමන් යනවා. දෙදෙනා ම රංගන ශිල්පීන්. රන්ජන්ට ඇති ජාතිකත්වයක් නැහැ. මනෝරත්නට යම් ජාතිකත්වයක් තිබුණා. එහෙත් ඒ බටහිර සංස්කෘතික ආධිපත්‍යයට යට වූ ජාතිකත්වයක්. මනෝරත්නගේ ඇතැම් නිර්මාණවලින් ජාතිකත්වයක් නිරූපණය වන්න ඇති. මා නරඹා නැති හෝ ගාන පොකුණේ නම් සිංහල බුද්ධාගම විකෘති කෙරුණු බව ඇතැමුන්ගේ මතයයි. මනෝරත්න රංගනයෙන් දායක වුණු තරුවන් සරණයි නිහොන් සැප ලැබේවා වැනි නාට්‍යවලින් බෞද්ධ සංස්කෘතියට අපහාසයක් වූ බවත් සමහරුන් කියනවා. කෙසේ වුණත් මනෝරත්න ජාතිකත්වය වෙනුවෙන් ප්‍රසිද්ධියේ පෙනී සිටියේ නැහැ.

කොඩි එසවීම හා රන්ජන් බැස්සීම

 සිංහල ලිත් ඉලක්කම්

කොඩි එසවීම හා රන්ජන් බැස්සීම

විපක්‍ෂ නායක කාර්යාලය වටා බෞද්ධ කොඩි හිටවලා කියලා ප්‍රවෘත්තියක් පළ  වුණා. ඒ විශේෂ උත්සවයක් සඳහා නො වෙයි. ඉන් පැහැදිලි වන්නේ විපක්‍ෂ නායක කාර්යාලය පන්සලක් කියන එක ද?  පන්සල්වල නම් බෞද්ධ කොඩි ලෙළ දීමට සලස්සනවා. එහෙත් සාමාන්‍යයෙන් සිංහල බෞද්ධ ගිහියන් එහෙම බෞද්ධ කොඩි ඔසවන්නේ නැහැ. සමහර විට සජිත් අලුත් සම්ප්‍රදායක් අරඹනවා ද දන්නේ නැහැ.

අර්ජුන පරාක්‍රම හා වෙනත් අය

 සිංහල ලිත් ඉලක්කම්

අර්ජුන පරාක්‍රම හා වෙනත් අය

අර්ජුන පරාක්‍රම කියන්නෙ මගේ මිත්‍රයෙක්. ඔහුට හීනමානයක් නැහැ. ඔහු මගේ අදහස්වලට විරුද්ධයි. එහෙත් ඔහු මට වෛර කරන්නේවත් මා ගැන ද්වේෂයෙන් කතා කරන්නේවත් නැති බව මට විශ්වාසයි. මා ඔහු හඳුනාගත්තේ කොළඹ විශ්වවිද්‍යාලයේ සිටි සමයේ. මා හිතන්නේ ඔහු ආචාර්ය උපාධියක් ලැබ කොළඹ ඉංගිරිසි අධ්‍යනංශයට පැමිණීමෙන් පසු. මා දිනක් කලාගාරයේ රැස්විමක කතා කරමින් සිටින විට ඔහු එහි පැමිණියා. මට මතක හැටියට ඔහු ප්‍රශ්නයක් හරි දෙකක් හරි ඇහුවා. එහෙත් ඒ පොරක් වීමට නොව තම මතයේ සිට මා ප්‍රශ්න කරන්න බවයි මට වැටහුණේ. එදා සිට අද දක්වා ඔහු මගේ මිතුරෙක්.

අවුරුදු දෙදහස් පන්සීයක රෙද්ද

    සිංහල ලිත් ඉලක්කම් 

අවුරුදු දෙදහස් පන්සීයක රෙද්ද

යුදෙවුවන් තම යෙහෝවා දෙවියන් වහන්සේ විශ්වාස කරනවා. කිසිම අයකුට කිසිම විශ්වාසයකින් තොරව වැඩ කරන්න බැහැ. ආගමික විශ්වාස මෙන් ම ඊනියා අනාගමික විශ්වාසත් තියෙනවා. බටහිර විද්‍යාව  දැන් ආගමක් ලෙසයි කටයුතු කෙරෙන්නේ. මෙරට හරිහමන් විද්‍යාඥයකු බිහි වී නැහැ. නව සංකල්පයක් ප්‍රවාදයක් ගොඩ නගන්න, එනම් නිර්මාණය කරන්න පුළුවන් ඊනියා ශාස්ත්‍රවන්තයන් ද නැහැ. මෙරට උගතුන් දන්නේ වනපොත් කිරීමට පමණයි. විශේෂයෙන් ම පඬියන් පඬි පෝතකයන් හා පඬි නැට්ටන් දැන්නේ තේරුමක් නැතිව වචන වැමෑරීම පමණයි.

දේශපාලනික ව පත්වීම් දීම හා නොදීම

  සිංහල ලිත් ඉලක්කම්

දේශපාලනික ව පත්වීම් දීම හා නොදීම

රන්ජන් රාමනායක කියන්නේ මෙරට දේශපාලනයේ නීතියේ රාජ්‍ය සේවයේ පමණක් නොව ඊනියා ප්‍රභූ ගණිකාවන්ගේත් තත්වය කාටත් තේරෙන පරිදි රටට හෙළි කිරීමෙන් යම් සේවයක් කළ අයෙක්. එහෙත් ඔහුගේ හඬපට තව තවත් නිකුත් වීමත් සමග ඔහු සුපුරුදු පරිදි නිදහස් වේය කියා මට හිතෙනවා. ඔහුගේ හඬපට සමාජයේ බලතල දරණ පුද්ගලයන්ට ප්‍රශ්නයක් වන විට වෙනත් ජවනිකාවක් ඉදිරියට ඇවිත් රන්ජන්ගේ හඬපට නොඇසී යනු ඇති. කොහොමත් කිසිම චිත්‍රපටයක්, එහි රන්ජන් රාමනායක රඟපෑවත් වැඩි කලක් ප්‍රදර්ශනය කරන්න බැහැ. 

බුදුසසුනට ගැරහීම

    සිංහල ලිත් ඉලක්කම්

බුදුසසුනට ගැරහීම

ක්‍රිස්තියානි/කතෝලික රටවල ඒ ආගම් ඇදහූ අයගේ දරුවන් ඉන්නවා ඒ ආගම් විශ්වාස නොකරන. ඒ හුදෙක් තර්කය හා ඉන්ද්‍රිය ගෝචර සංසිද්ධි (අද්දැකීම්) මත පදනම් වෙලා. එහි දී ඔවුන්ට බලපාන්නෙ බටහිර විද්‍යාව. බටහිර විද්‍යාවට අර්නස්ට් මාක් කරපු බලපෑමෙන් ඔවුන් තවමත් එක්තරා ප්‍රමාණයකට බැඳිලා. එහෙත් බටහිර විද්‍යාව දැන් මාක්ගෙන් බොහෝ ඈතට ගොස් ඇති බව ඔවුන් නොදන්නවා පාටයි. 

ජාතික ගීය දෙමළෙන් - ඊළම කියන්නෙ සිංහල දේශය

  සිංහල ලිත් ඉලක්කම්

ජාතික ගීය දෙමළෙන් - ඊළම කියන්නෙ සිංහල දේශය

රන්ජන් ගැන කතා කරන එක වැදගත්. ඒත් මට ප්‍රශ්න රාශියක් තියෙනවා. විනිසුරුවන්ට කතා කෙළේ ඔහු පමණ ද? පොලීසියට කතා කෙළේ ඔහු පමණ ද? නීතිපති දෙපාර්තමේන්තුවට ඔහු හරි වෙනත් අය හරි කතා කරන්නේ නැද්ද? ඔහු වෙනත් අය වෙනුවෙනුත් කතා කෙළේ ද? ඔහුගෙ අනෙක් හඬපට කාට විරුද්ධව ද? ඒ අය තමන්ගේ ගැලවීම සඳහා රන්ජන්ගේ සියලු හඬපට ඉවත දමාවි ද? විනිසුරුවන් නීතිපති දෙපාර්තමේන්තුව ආදිය දූෂිත ද? දූෂිත නම් එය 2015න් පසු සිිදු වූවක් ද?    කතෝලිකයන් අතරත් කුල ක්‍රමයක් තියෙනවා ද? කතෝලික වීමේ කොලිටිය කුමක් ද? ප්‍රජාතන්ත්‍රවාදය අනාගමික ද? ලෝකයේ ඇති සංස්කෘතික ගැටුම ඉරානයේ පිළිබිඹූ වන්නේ ද?

රන්ජන්ගේ සේවය

           සිංහල ලිත් ඉලක්කම්

රන්ජන්ගේ සේවය

රන්ජන් රාමනායක තරම් මෙරට දේශපාලනයට සේවයක් කළ අයකු සමහර විට ඉඳලා නැතිව ඇති. මෙරට දේශපාලනයේ නීතියේ පොලීසියේ රාජ්‍ය සේවයේ සහ තවත් තැන්වල අමන ජරාජීර්ණ අවලම් භාවය කාටත් පේන විධියට හෙළිදරවු කෙළෙ රන්ජන් රාමනායක. මෙරට ඡන්දදායකයන්ට ඒ කිසිවක් වැඩක් වේවි ද කියලත් ප්‍රශ්නයක් තියෙනවා. ඔවුන් මීළඟ මැතිවරණයේ දී කොහොම ඡන්දය දේවි ද කියන එක ප්‍රශ්නයක්. හොරු තක්කඩි නීති කඩන්නන් නීති නවන්නන් දූෂිතයන් දෙපැත්තෙ ම ඉන්නවා. මීළඟ පාර්ලිමේන්තුවට ජාතිකත්වයක් ඇති නවක පිරිසක් ඉදිරිපත් කරන්න  ගෝඨාභය රාජපක්‍ෂ කටයුතු කරනවා නම් හොඳයි. 

මහින්දගේ වැදගත් ම ප්‍රශ්නය

 සිංහල ලිත් ඉලක්කම්

මහින්දගේ වැදගත් ම ප්‍රශ්නය

දිර්ඝ වශයෙන් සාකච්ඡා කළ යුතු ප්‍රශ්නයකට මහින්ද රාජපක්‍ෂ එළඹිලා. සිංහල බෞද්ධයන් තරම් තම ආගමට පූජ්‍ය පක්‍ෂයට හරි පූජක පක්‍ෂයට හරි ගරහන පිරිසක්  ලෝකයේ තවත් නැත් ද? මහින්ද ඒ ප්‍රශ්නයක් ලෙස අසන්නේ නැහැ. ඔහු ප්‍රශ්නයට ඔව් යන පිළිතුර දී ඇති බවයි මට හැඟෙන්නේ. එය එතරම් වැදගත් නැහැ. ප්‍රශ්නය හරි පිළිතුර හරි ඉදිරිපත් කිරීම ගැන මහින්දට පිං දෙන්න ඕන.

ජාතිකත්වය හා ජාත්‍යන්තර සම්බන්ධකම්

  සිංහල ලිත් ඉලක්කම්

ජාතිකත්වය හා ජාත්‍යන්තර සම්බන්ධකම්

ජාතිකත්වය හා ජාත්‍යන්තර සම්බන්ධකම් අතර ප්‍රශ්නය අද ඊයේ එකක් නොවෙයි. රාම රාවණ කතාව එහෙමත් නැත්නම් මූලික වශයෙන් රාමායණය විතරක් නොවෙයි ඔඩිසි ඉලියඩ් කෘතිවලිනුත් පෙන්නුම් කරන්නේ මේ ප්‍රශ්නයයි. පඬියන්  පඬි පෝතකයන් හා පඬි නැට්ටන් හිතන්නෙ ජාතිකත්වය හා ජාත්‍යන්තර සම්බන්ධකම් අලුත් ප්‍රශ්නයක් කියලා. කසිකබල් මාක්ස්වාදී පඬියන්ට ජාතිකත්වය හා ජාත්‍යන්තර සම්බන්ධකම් අතර ඊනියා අපෝහක සම්බන්ධය ගැන සති ගණන් කතා කරන්න පුළුවන්. එහෙත් අපෝහකය කියන්නෙ මොකක් ද කියල ඇහුවොත් කියන්න බැහැ. එංගල්ස්ගෙ ඩයලෙක්ටික්ස් ඔෆ් නේචර් කියවන්න කියල මාරුවෙයි. ඒ පොතේ ඇති අපෝහකයක් නැහැ. ඊනියා නීති තුනක් නම් තියෙනවා. 

පොලිස් කෝලම හා තවත් කෝලම්

  සිංහල ලිත් ඉලක්කම්

පොලිස් කෝලම හා තවත් කෝලම්

රන්ජන් රාමනායක අත්අඩංගුවට අරගෙන. ටික දවසකින් ඇප මත එන්න පුළුවන්. රාජිතට නම් තවම අසනීප වෙන්න ඕන. රන්ජන්ට පේන්න නම් අසනීපයක් නැහැ. චම්පක සුපුරුදු විධියට රාජපක්‍ෂ විරෝධී දේශපාලනයක යෙදෙනවා. ඔහුගේ දේශපාලනය අද හැකිනම් ජනාධිපති වීමටත්, රාජපක්‍ෂලාට දඬුවම් දීමටත් සීමා වෙලා. අනෙක් කතා සියල්ල ඒ වෙනුවෙන්. තව අත්අඩංගුවට අරගෙන ඇප දෙන්න ඉන්නෙ කවුද? වොයිස්කට් දේශපාලනය වගේ ම අර මාංචු දැම්මට පස්සෙ අත් ඔසවන එකත් බලල එපාවෙලා. 

ගෝඨාභය හා සිංහල බෞද්ධ රාජ්‍යය

     සිංහල ලිත් ඉලක්කම්

ගෝඨාභය හා සිංහල බෞද්ධ රාජ්‍යය

ඊයේ පාර්ලිමේන්තුවේ ජනාධිපති දේශනය පැවැත්වුණා. ඒ සඳහා පැවතියේ ඉතා චාම් උත්සවයක්. ඒ විය යුතු විධියයි. ඉංගිරිසින්ගෙන් උරුම වූ උත්තමාචාර වෙඩි මුර ආදිය නැතිව ජයමංගල ගී සහ සාමාන්‍ය ආචාර සමාචාර පමණක් තිබුණා. එහි දී රාජපක්‍ෂ වෛරය ප්‍රකාශ කළ දෙදෙනකු සිටියා. එක් අයෙක් චම්පක අනෙකා සරත් ෆොන්සේකා. චම්පක ජනාධිපතිට ආයුබෝවන් කීවේ නැහැ. සමහර විට ඔහු ජනාධිපතිට දිර්ඝායු නොපතනවා වෙන්න පුළුවන්. 

විජේදාස හා ජ වි පෙ

  සිංහල ලිත් ඉලක්කම්

විජේදාස හා ජ වි පෙ

විජේදාස රාජපක්‍ෂ ව්‍යවස්ථා සංශෝධන දෙකක් ඉදිරිපත් කරලා. මට ප්‍රශ්නයක් වන්නේ එහි අඩංගු කරුණු නො වෙයි. ජ වි පෙරමුණට නම් ඒ කරුණු ප්‍රශ්නයක් වෙලා. විජිත හේරත් කියනවා ඒ ගෝත්‍රවාදී කියා. අපි ඒ ගැන ටිකක් කතා කරන්න ඕන. විජේදාස රාජපක්‍ෂ වගේ ම යටත්විජිත හේරත්, නැහැ විජිත හේරත් ද පඬිවරු. ජ වි පෙරමුණට නම් සළු වීමට 12.5% නොවෙයි 5%ත් ලොකු ගාණක්. ඒක 2%ටවත් අඩු කරන්න පුළුවන් නම් ජ වි පෙරමුණට හොඳයි. එතකොට අර සුපිරි මාක්ස්වාදී පෙරටුගාමීන්ට යහපතක් වෙන්න නම් ඒක 0.02%ටවත් අඩු කරන්න වෙයි. ජ වි පෙ සම්භවයක් තියෙන අය අද මොන පක්‍ෂයෙ හිටියත් මොන සංවිධානයෙ හිටියත් ඕනෑම ප්‍රශ්නයක් ඉදිරිපත් කරන්නෙ අතිභයානක දේ හැටියට මුහුණු වෙනස් කරගෙන ඇස් උඩ තියාගෙන. මට හැම තිස්සෙ ම මතක් වෙන්නෙ අවුරුදු පනහකට පමණ ඉස්සර විජේවීර බේරුවල පැත්තෙ ගොඩනගමින් තිබූ හෝටලයක් ඇමරිකන් කඳවුරක් ලෙස හැඳින්වීම.

ගණුදෙනුව නැති කිරීමට ගෝඨාභයට ඉඩ නොදීම

    සිංහල ලිත් ඉලක්කම් 

ගණුදෙනුව නැති කිරීමට ගෝඨාභයට ඉඩ නොදීම 

ගණුදෙනු හෙවත් ඩීල් දේශපාලනය මෙවර නැවැත්වීමට බැරි වුණොත් නැවත නවත්වන්න මහා කාලයක් ගත වේවි. මෙරට ඩීල්දේශය (ඩීල්ලන්තය) කියා අප විසින් නම් කෙරුණේ කලකට ඉහත දී. එය දේශපාලනයට පමණක් සීමා වූ දෙයක් නො වෙයි. රාජ්‍ය සේවයත් අද පවතින්නේ බොහෝ විට ගණුදෙනුව මත. සාමන්‍ය මිනිහකුට වැඩක් කර ගැනීමට අතමිට මොළවන්න ඕන. එහෙත් එය පැරණි ව්‍යවහාරයක්. අද මිට මොළවල දෙන මුදලකින් වැඩක් කර ගන්න බැහැ. අතමාරුවක් කියන එක කොහොමටවත් හරියන්නෙ නැහැ. ඇතැම් ගණුදෙනුවලට බැංකුවක් ම හොලවන්න වෙනවා.

තිස්ස අත්තනායකගේ තර්කය

     සිංහල ලිත් ඉලක්කම්

• තිස්ස අත්තනායකගේ තර්කය

තිස්ස අත්තනායක කියන්නෙ කෘතහස්ත දේශපාලනඥයෙක්. ඔහුට තම පක්‍ෂයෙ යම් යම් ප්‍රශ්න තිබුණු බව බොහෝ දෙනා දැන සිටියා. කෘතහස්ත අත්තනායක දේශපාලනයෙ වැඩිය දකින්න හිටියෙ නැහැ. ඒත් සජිතාගමනයත් එක්ක අත්තනායකත් වැඩට බැස්සා. සජිතාගමනය අවගමනයක් වුණා. ඒත් කෘතහස්ත අත්තනායක තර්කයක් ඉදිරිපත් කරලා.