මහින්ද කළ යුතු දේ
ඔබේ අවධානයට. මහින්ද කළ යුතු දේ. සබැඳිය මෙතැනින්
https://youtu.be/5vPq2AsabYQ
History
▼
Wednesday, 31 October 2018
අනාගත්තා ඇති
අනාගත්තා ඇති
මෛත්‍රිපාල විදේශීය තානාපතිවරුන් හා මහා කොමසාරිස්වරුන් ගෙන්වලා
අලුත් ආණ්ඩුච ගැන කරුණු කියලා වගෙයි. එහෙම කරන්න සිද්ධ වුණේ රනිල් ඇතැම් තානාපතීන්
හා මහා කොමසාරිස්වරුන් ගෙන්වලා තමන් තවමත් අගමැති බව කිවුව නිසා. රනිල්ගේ හමුවෙන් පස්සේ අපට විරුද්ධව සම්බාධක පමුණුවන
කතාවක් එක් මන්ත්‍රීවරයකු, මට මතක හැටියට රාජිතගෙ පුතා චතුර,
කිවුවා කියලා ජනමාධ්‍යයෙහි පළ වුණා. මේවා විලි
ලජ්ජ නැති වැඩ. පොඩි ළමයි රණ්ඩු වුණාම අම්මට ගිහින් කියනව වගේ වැඩක් මේක. රනිලුත්
මෛත්‍රිපාලත් වෙනත් අයත් විදේශීය රටවල් සමග ගණුදෙනු කරන විධිය මේකයි. රනිල් හදනවා
විදේශ මගින් අප බය කරන්න. මෛත්‍රිපාල තානාපතින්ට රනිල්ට විරුද්ධව කරුණු කියනවා.
විදේශ රටවල් අම්මා කෙනකු නොවන බව තවමත් අපට වැටහෙන්නෙ නැහැ. ඔවුන් අපේ
ස්වාමිවරුන්වත් නො වෙයි.
Tuesday, 30 October 2018
අගමැති ඇමති ගන්ධබ්බයෝ
අගමැති ඇමති ගන්ධබ්බයෝ
රනිල් අගමැති ධුරයෙන් ඉවත් කිරීමට යොදා ගත් අනුව්‍යවස්ථා පැහැදිලිව
ප්‍රකාශ කළ යුත්තේ එක් එක් අය විවිධ අනුව්‍යවස්ථා ගෙන හැර දක්වමින් ප්‍රශ්නය අවුල්
කරන නිසා. මෙහි දී බලපාන ප්‍රධාන අනුව්‍යවස්ථා වන්නේ 42(4) හා 43(3) යි. 42(4) අනුව ජනාධිපතිවරයාට තම මතය අනුව පාර්ලිමේන්තුවේ
විශ්වාසය උපරිම වශයේ ඇති මන්ත්‍රිවරයා අගමැති ලෙස පත් කළ හැකියි. එහි දී
පාර්ලිමේන්තුවේ මතය විමසීම අවශ්‍ය නැහැ. අගමැති පත් කෙරෙන්නේ ජනාධිපති විසින් මිස
පාර්ලිමේන්තුව විසින් නොවන බව 42(4)න්
පැහැදිලි වෙනවා. මෙහි දී වැදගත් වන්නේ ජනාධිපතිවරයාගේ මතය අනුව හා විශ්වාසය යන
වචනයි. මේ දහනවැනි ව්‍යවස්ථා සංශෝධනයට පෙර මෙන් ම පසවද ඇති තත්වයි. 2015 ජනවාරි 9 වැනි දා රනිල් අගමැති ලෙස පත්කෙරුණේ ද 2018 ඔක්තෝම්බර් 26 වැනි දින මහින්ද අගමැති ලෙස පත්කෙරුණේ
ද මේ ප්‍රතිපාදන යොදා ගනිමින්. එදා මෙන් ම අදත් ඒ පත්කිරීම් ව්‍යවස්ථාවට එකඟයි.
මෙහි දී සිටින අගමැති අස් කර පසුව වෙනත් අගමැතිවරයකු පත් කළ යුතු බවක් කියැවෙන්නේ නැහැ.
Monday, 29 October 2018
ජනාධිපති කතාවෙන් කියැවුණු දේ
ජනාධිපති කතාවෙන් කියැවුණු දේ
මෛත්‍රිපාල ජාතිය ඇමතුවෙ ජනාධිපති ලෙස. ඒ කතාවෙන් කියැවුණු කරුණක්
දෙකක් ගැන යමක් කියන්න ඕන. ඔහූ කියන්නෙ අද එ ජා ප එදා එ ජා ප නොවෙයි කියලා. ඒකෙ
ඇත්තක් තියෙනවා. ඒත් අද එ ජා ප හා එදා එ ජා ප අතර සම්බන්ධයකුත් තියෙනවා. එ ජා ප
එදත් අදත් ජාතික පක්‍ෂයක් නො වෙයි. එහෙත් ඩී එස්ලාට ඩඩ්ලිලාට බෝතලේ වලව්වෙන්
ලැබුණු යම් ජාතිකත්වයක් තියෙන්න ඇති. දැන් කසිකබල් මාක්ස්වාදීන් කලබල වෙලා එයට
සුළු ධනේශ්වර කතා ඈඳන්න පුළුවන්. අපි නොදන්න මාක්ස්වාදය. සමහරු වලව්වල තියෙන ජාතිකත්වය ගැන අසාවි. මේ
ජාතිකත්වය වසන්ත සේනානායක ළඟත් තියෙනව කියල සමහරු කියාවි.
Sunday, 28 October 2018
රනිල් ඉවත් කිරීමේ නීත්‍යානුකූල බව
රනිල් ඉවත් කිරීමේ නීත්‍යානුකූල බව
මා මේ ලිපිය ලියන්නේ කරුණු කිහිපයක් පැහැදිලි කිරීම සඳහායි. රනිල්
අගමැති ධුරයෙන් ඉවත් කළ යුතු යැයි අවුරුදු තුනකටත් පෙර මා කීවේ ඔහුගෙන් සිංහල
බෞද්ධ සංස්කෘතියට හා පොදුවේ සිංහලයන්ට වන අසාධාරණ වැළැක්වීමටයි. එ ජා පෙරමුණ හා
මෛත්‍රිපාලගේ එ ජ නි සංධානය එකිනෙකට වෙනස් ප්‍රතිපත්ති මත පදනම් වූ පක්‍ෂ. ඒ පක්‍ෂ
නව ලිබරල්වාදයේ පක්‍ෂ බව හා අවශ්‍ය වන්නේ ඊනියා ක්‍රමය වෙනස් කිරීම වැනි කිසි
දිනෙක වලංගු නොවූ කසිකබල් මාක්ස්වාදී බහුබූත කීමෙන් කිසි පලක් නැහැ. ඔය කියන ක්‍රමය
වෙනස් කිරීම හැමදාමත් කිය කිය ඉන්න පුළුවන් දෙයක් පමණයි. එයත් බාලගිරි දෝෂය වගෙයි.
Saturday, 27 October 2018
සිරිජාතිකවාදියා ලියා දන්වන වග නම්
සිරිජාතිකවාදියා ලියා දන්වන වග නම්
මට අද කියන්න වැඩි දෙයක් නැහැ. මා
කලින් ලියු ලිපි රාශියකින් දෙකක් පමණක් මෙයට අමුණනවා. අද සිට බොහෝ දෙනකු
සිරිජාතිකවාදීන් වෙනවා. රනිල් තමා අගමැති බව කියනවා. 2015 ජනවාරි 09 වැනි දා දි මු
ජයරත්න එසේ කීවේ නැහැ. රනිල්ගේ ප්‍රජාතන්ත්‍රවාදය ප්‍රෝඩාතන්ත්‍රවාදයක්. ජනාධිපති
තම මතය අනුව පාර්ලිමේන්තුවේ වැඩි බලය ඇති අය අගමැති ධුරයට පත් කර තිබෙනවා. එය 43
(3) වගන්තියට අනුව කර ඇත්තක්. රනිල්ට පුළුවන් නම් පාර්ලිමේන්තුවේ තමාට වැඩි බලයක්
ඇති බව පෙන්වන්න. එය පාර්ලිමේන්තුව රැස් වු විටක කරන්න. එහෙත් ඔහුට එදින අගමැති
පුටුවේ වාඩි වෙන්න බැහැ.
ව්‍යවස්ථා තත්වය පිළිබඳ ව මා 2018 පෙබරවාරි 17 වැනි දා සහ 2017
නොවැම්බර් 25 ලියූ ලිපි දෙකකින් කරුණු පැහැදිලි වේවිි. අගමැති ධුරයෙන් ඉවත් කර ඇති
රනිල් යන්න ඕන.
Friday, 26 October 2018
මහින්ද හා රෝ නාඩිය
මහින්ද හා රෝ නාඩිය
සති ගණනාවකට පස්සෙ නාලක ද සිල්වා අත්අඩංගුවට අරගෙන ඒ පොඩි දේකට
නොවෙයි. රටේ ජනාධිපති හා හිටපු ආරක්‍ෂක ලේකම් ඝාතනය කිරීමේ කතාවක් සම්බන්ධයෙන්. ඒ
චෝදනා කරන පුද්ගලයා නාමල් කුමාර කියල පොලිස් ඔත්තුකරුවකු බව පැවසෙනවා. ඔහු තාම අත්අඩංගුවට පත් වෙලා නැහැ.
ඔහු සරත් ෆොන්සේකා ගැනත් කියනවා. මෙහි ඇත්ත නැත්ත අප දන්නේ නැහැ. නාලක - නාමල් කටහඬ පට 123කින් 122ක් ද කොහෙද සැසඳෙනවා කියනවා. ඒ සංඛ්‍යා වැරදි වෙන්න පුළුවන්. එහෙත් ඒ
සංඛ්‍යා ප්‍රතිශතය එ ජා පක්‍ෂය වෙනුවෙන් ජ
වි පෙ ඉදිරිපත් කළ විසිවැනි සංශෝධනයේ ව්‍යවස්ථාවට එකඟ නොවන වගන්ති ප්‍රතිශතයටත් වඩා බෙහෙවින් ඉහළයි. ජ වි පෙරමුණට දැන් වෙනින්
වාර්තාවක් ගැන හිතන්න වේවි. පහුගිය දා පැවති ජන උද්ඝෝෂණයේ රතු කමිස ඇඳගත් පාක්‍ෂිකයන්ගේ
හා රතු කමිස ඇඳනොගත් පාක්‍ෂිකයන්ගේ එකතුවේ ප්‍රතිශතය කීයද දන්නෙ නැහැ.අනුර කුමාර
රතු කමිසයක් ඇඳ සිටියේ නැති නිසයි ඒ විධියට ප්‍රශ්න කරන්නෙ.
Thursday, 25 October 2018
විග්නේස්වරන්ගේ දේශපාලනය
විග්නේස්වරන්ගේ දේශපාලනය
සසෙක්ස් විශ්වවිද්‍යාලයෙ හැටේ දශකය අවසානයේ ආචාර්ය උපාධියකට ලියා පදිංචි වූ ලංකාවේ දෙමළ
කතාකරන අයකු සිටියා. ඔහුට ප්‍රථම උපාධියට ලැබී තිබුණේ දෙවැනි පන්තියේ පහළ ශ්‍රේණියේ
සාමාර්ථයක්. එබැවින් ඔහුට විශ්වවිද්‍යාලයේ ස්ථිර සහකාර කථිකාචාර්යවරයකු වීමට නො
හැකි වුණා. ඒ විශ්වවිද්‍යාලයීය නීති රීති අනුව. ඔහුට වඩා සුදුසුකම් තිබූ
අයදුම්කරුවන් සිටියා. එහි ප්‍රතිඵලයක් ලෙස ඔහුට පශ්චාත් උපාධියක් සඳහා එතෙර යෑමට
විශ්වවිද්‍යාලයෙන් වැටුප් සහිත නිවාඩු ලැබුණේ නැහැ. ඔහු තම වියදමින් පශ්චාත්
උපාධිය සඳහා එංගලන්තයට ගියා.
Wednesday, 24 October 2018
අපේ ම නොවන අපේ ගණිතය
අපේ ම නොවන අපේ ගණිතය
අප කලින් දවසක (!5 වැනි දා) කතා කළා ගණිතයේ සාපේක්‍ෂ බව
ගැන. ප්ලේටෝගේ සිට මෙයිසු ද කවු ද දක්වා බටහිර දාර්ශනිකයන් හිතන්නෙ ගණිතය අපෙන්
තොරව පවතින බවත් එය සත්‍ය බවත්. ප්ලේටෝ
විඥානවාදියකු ලෙස හංවඩු ගැසුණත් ඔහුත් ද්‍රව්‍යවාදියෙක්. ඔහුගේ අර සුප්‍රසිද්ධ
ගුහාවේ කතාවෙන් කියැවෙන්නේ ඊනියා යථාර්ථයක් පවතින බවත් අපට දැනගැනීමට හැකිවන්නේ
එහි හෙවනැල්ල පමණක් බවත්. මේ ඊනියා යථාර්ථය අපට දැනගැනීමට නොහැකි බව ඔහුගේ කතාවෙන්
කියැවෙනවා.
Tuesday, 23 October 2018
ජ වි පෙ රැවටිල්ල
ජ වි පෙ රැවටිල්ල
ජ වි පෙරමණේ විජිත හේරත් ප්‍රකාශයක් කරලා තිබුණු ත්‍රස්තවාදීන්ට
වන්දි ගෙවන එක යුක්තියුක්ත කරලා. එය ජ වි පෙරමුණේ ම ප්‍රකාශයක් වෙන්න ඕන. ඒ පක්‍ෂයේ කිසිවකුත් එයට විරුද්ධව කිසිවක් කියල
තිබුණෙ නැහැ. ජ වි පෙ කියන විධියට අදාළ පනත කොටි ත්‍රස්තවාදින්ට පමණක් බලපාන එකක්
ලෙස කතා කිරීම වැරදියි. ඔවුන් කියන්නේ සිවිල් යුද්ධයක දී අතුරුදහන් වූ සියළු දෙනා
වෙනුවෙන් වන්දි ගෙවීමට පනත අනුව පුළුවන් කියලා.
Monday, 22 October 2018
නූතන හනුමන්තලා හා විභීෂණලා
නූතන හනුමන්තලා හා විභීෂණලා
මෝදි රාවණාට දුන්නෙන් විදින කොට රනිල් එතන හිටි බවක් වාර්තාවන්නෙ
නැහැ. රාවණා ලංකාවේ හිටිය කියලා බොහෝ අය කියනවා. ඒක ඒත්තු ගන්වන විධියෙ සාක්‍ෂි
තවම නැහැ. බටහිර පුරා විද්‍යාව අනුව කරන පර්යේෂණවලින් ඒ පිළිබඳ විස්තර ලබා
ගැනීමෙන් යමක් කියන්න පුළුවන් වේ ද කියා මට සැකයක් තියෙනවා. ඒත් ලංකාවෙ ඊනියා
උගතුන් දැන් බටහිර විද්‍යාව අදහන නිසා
බටහිර විද්‍යා සාක්‍ෂි තමයි ඉල්ලන්නෙ. මට නම් එහෙම රුදාවක් නැහැ. රාවණා ගැන ඔය
පාෂාණ යුගය, නව පාෂාණ යුගය ආදී බටහිරයන් කියන යුග
මගින් හදාරන්න බැහැ. බටහිරයන් ඔය යුග
හදාගෙන තියෙන්නෙ ඔවුන් විකාශය වූ අන්දම කියන්න. ලෝකෙ හැම තැනක ම ඒ විධියට ම
මිනිසුන් විකාශය වෙන්න ඕනෙ නැහැ.
Sunday, 21 October 2018
ඔබට පින්
ඔබට පින්
ඊයේ මගේ උපන් දිනයක්. හැත්තෑහතරවැනි උපන් දිනය කියා තමයි සාමාන්‍යයෙන්
කියැවෙන්නේ. ඒ එක්කම කියනවා මගේ වයස අවුරුදු හැත්තෑහතරයි කියා. මෙය තරමක ගැටළුවක්.
අපේ වැඩිහිටියන් අද ජීවත් ව සිටියා නම් කියනු ඇත්තේ කොලුවට හැත්තැපහ ලබල කියා.
ඉංගිරිසි විධියට අවුරුදු දහය වූ කල මට ගෙදර කිව්වෙ එකොළහට ලබල කියා. ඔය කතාව මට
කුඩා කලක් ප්‍රශ්නයක් වුණා. මේ ක්‍රම
දෙකක් බව අවබෝධ වෙන්න මට සෑහෙන කලක් ගත වුණා.
Saturday, 20 October 2018
කාන්ට්ගේ පශ්චාත්තාපය
කාන්ට්ගේ පශ්චාත්තාපය
මා ඊයේ මංගලගේ රෙද්ද පල්ලෙන් (MRP) වැටුණු මිල සූත්‍රය ගැන කී දේ බොහෝ
දෙනකුට තේරිලා නැහැ. මා ඇහුවෙ ඇතැම් තෙල් වර්ගයක මිල වෙනස් නොවන්න නම් බොර තෙල්
මිල වැඩි වෙන විට අනෙක් විචල්‍ය තුනෙන් එකක්වත් අඩුවෙන්න ඕන කියලා. ඒ අඩු වුණෙ
පිරිවැය ද බදු ද නැත්නම් වෙන මොකක්වත් ද? ඒකට උත්තරයක් නැහැ. පෙට්‍රල්වලට හැම
විචල්‍යයක් ම වැඩි වෙලා මිලත් වැඩි වෙලා. ඒක හරි. මගේ ප්‍රශ්නය මිල වැඩි නොවූ තෙල්
වර්ගවලට මිල සූත්‍රය යොදන්නෙ කොහොම ද කියන එකයි. තෙල් සූත්‍රය ගැන කී දේ තේරුණෙ
නැති විට ඉලෙක්ට්‍රෝන රවුන් ගහන එක තේරෙයි ද මන්ද. අපි කෝකටත් ඒකත් කියමු.
Friday, 19 October 2018
ඉන්දියාවේ සූත්තර හා වෙනත් සූත්තර
ඉන්දියාවේ සූත්තර හා
වෙනත්
සූත්තර
ඊයේ ලිපියේත් වෙනත් ලිපිවල වගේ ම වර්ධනය කර ගත හැකි තැන් කිහිපයක්
තිබුණා. පළමුවෙන් අර ගීතය මේ ආකාරයෙන් ලියන්න තිබුණා. RAW, RAW, row your boat,
Gently down the stream. If you see a crocodile, Don't forget to scream. මෙයින් කියැවෙන්නේ රෝ ඔත්තු සේවය තියෙනවා (ඉන්නවා),
ගඟ පහළට ඔබේ ඔරුව සන්සුන් ව පදින්න කියන එක.
මුල් වචන දෙක වෙනත් ආකාරයකට ලිවීමෙන් ඒ අර්ථය ලැබෙනවා. එහෙත් එවිට එය තවදුරත් ළමා
ගීයක් වන්නේ නැහැ. ළමයින් රෝ ඔත්තු සේවය ගැන දන්නේ නැහැ. දෙවනුව අර ඔරුව පෙරළන්න
මහින්දගේ ශක්තිය දෙන්න කීම ගැන. එය කිව යුතුව තිබුණේ ඔරුවෙන් රනිල් තල්ලු කරන්න
මහින්දගේ ශක්තිය දෙන්න කියා. මා මේ වර්ධන ගැන කීවේ අද ලිපියට එයත් යොදා ගැනීමට.
Thursday, 18 October 2018
රෝ රෝ රෝ යුවර් බෝට්
රෝ රෝ රෝ යුවර් බෝට්
Row, row, row your boat,
Gently down the stream. Merrily, merrily, merrily, merrily, Life is but a
dream. මේ ඉතා ජනප්‍රිය ඉංගිරිසි ළමා ගීයක්.
මෙහි තවත් ස්වරූප තියෙනවා. එහෙත් මුල් පද වෙනස් වෙන්නෙ නැහැ. ඉන් එකක් මෙසේයි. Row,
row, row your boat, Gently down the stream. If you see a crocodile, Don't
forget to scream. මෙහි රෝ කියන්නේ අප දැන් කතා කරන
ඉන්දීය රෝ (RAW) සංවිධානය නොවෙයි. පැදීමක්, ඔරු පැදීමක් ගැනයි කියැවෙන්නෙ. නැහැ මේ කසිකබල්
පඬියන් කියන කියවීම නො වෙයි. ඔවුන් දන්නෙ ඉංගිරිසි පොත්වල කෑලි හොයා ගෙන සිංහලෙන්
කියවන්න. මේ ළමා ගීයේ දෙවැනි ස්වරූපයෙන් කියැවෙන්නේ ගඟ පහළට ඔබේ ඔරුව සන්සුන් ව
පදින්න. කිඹුලකු දුටුවොත් මොර දෙන්න අමතක නොකරන්න. මේ කියන්නේ තළියෙහි කිඹුලන්
දැකීමක් නොව ගඟේ කිඹුලන් දැකීමක්.
Wednesday, 17 October 2018
ඉන්දියාව එන්නේ මොකාට ද?
ඉන්දියාව එන්නේ මොකාට ද?
රනිල් ඉවත් කිරීමේ අවශ්‍යතාව අද ඒකාබද්ධ විපක්‍ෂයේ/පොදුජන පෙරමුණේ
බොහෝ දේශපාලනඥයන්ට වැටහිලා කියා මා හිතන්නේ නැහැ. අද බොහෝ දෙනා ඊනියා සභාග/භාරකාර
ආණ්ඩුවක් ගැන කතා කරනවා. දැන් තියෙන්නෙත් සභාග ආණ්ඩුවක් මිස තනි පක්‍ෂයක ආණ්ඩුවක්
නො වෙයි. භාරකාර ආණ්ඩුවක් හදන්න පාර්ලිමේන්තුව විසුරුවා හරින්න ඕන. දහනවවැනි
සංශෝධනයෙන් පස්සෙ ඒක කරන්න පුළුවන් පාර්ලිමේන්තුවේ තුනෙන් දෙකක ඡන්දයෙන්
පාර්ලිමේන්තුව විසුරුවා හැරිය යුතු බවට යෝජනාවක් සම්මත කර ගැනීමෙන් පමණයි.
ජනාධිපතිටවත් අද පාර්ලිමේන්තුව
විසුරුවා හරින්න බැහැ. ජ වි පෙරමුණේ හා ඒකාබද්ධ
විපක්‍ෂෙ/පොදු ජන පෙරමුණේ ඇතැමුන් පාර්ලිමේන්තුව විසුරුවා හරින්න කියන්නෙ හොඳ
සිහියෙන් ද? දහනවවැනි සංශෝධනයට පක්‍ෂව ඡන්දය දුන්
අයට පාර්ලිමේන්තුව විසුරුවා හරින්න 2020
ජනවාරි වෙනකන් බලා ඉන්න වෙයි.
Tuesday, 16 October 2018
දමිත් අසංකගේ මම
දමිත් අසංකගේ
මම
මේ දමිත් අසංක හා කැළුම් ශ්‍රීමාල්
ගැන ලියැවෙන ලිපියක්. එය ඉතා කෙටි කාරණයක්. ඒත් එයට කලින් මට තරමක දිග පෙරවදනක්
ලියන්න ඕන. මා දමිත් දන්නේ නැහැ. ඔහු සමග කළ මා නොවන මම වැඩ සටහනක් නැවත විකාශය
වුණා. මා එය නැරඹුවා. පසුව කසුන් කල්හාර සහභාගි වූ වැඩ සටහන ද නැරඹුවා. මේ ඒ වැඩ
සටහන් ඇසුරෙන් ලියැවෙන්නක්.
Monday, 15 October 2018
කොටින්ට වන්දි ගෙවනවා නම් එංගලන්තය ඒ කළ යුතුයි
කොටින්ට වන්දි ගෙවනවා නම් එංගලන්තය ඒ කළ යුතුයි
දෙමළ කතාකරන දේශපාලන සිරකරුවන් නිදහස් කරන්න කියල තරුණයන් ටිකක්
අනුරාධපුරයේ බන්ධනාගාරය අසල උද්ඝෝෂණය කරලා. එයට තවත් තරුණයන් පිරිසක් විරුද්ධ
වෙලා. දෙමළ කතාකරන සිරකරුවන් මෙන් ම ඔවුන් වෙනුවෙන් උද්ඝෝෂණය කළ තරුණයන් පිටුපස
විග්නේස්වරන්, සුමන්තිරන් සම්බන්ධන් ශිවාජිලිංගම්
ඇතුළු දෙමළ ජාතිවාදී දේශපාලනඥයන් ඉන්නවා. එහෙත් ඒ උද්ඝෝෂණයට විරුද්ධ වූවන් පිටුපස
සිංහලයන් යැයි කියන දේශපාලනඥයන් නැහැ. මේක තමයි සිංහල දේශපාලනයේත් දෙමළ
කතාකරන්නන්ගේ දේශපාලනයේත් වෙනස.
Sunday, 14 October 2018
ඊනියා සභාග/භාරකාර ආණ්ඩුව
ඊනියා සභාග/භාරකාර ආණ්ඩුව
අතුරුදහන් වූ කොටි ත්‍රස්තවාදීන්ට වන්දි මුදල් ගෙවන එක ගැන කතාකරන්න
තියෙනවා. ඒ ගැන ඉතා කෙටියෙන් කියන්න තියෙන්න රජයෙන් වන්දි ගෙවන්න ඕන එක්කෙ රජය
වෙනුවෙන් යමක් කරන්න ගිහින් ඒ රාජකාරියේ දී මිය යන අයට, එහෙම නැත්නම් රජයේ යම්කිසි ක්‍රියාවක් නිසා වැරුද්දක් නැතිව මියගිය
අයට. ඒ අවස්ථාවල මියගිය අයට පමණක් නොව ආබාධිත වූ අයට ද යම් වන්දියක් ගෙවන්න ඕන.
කොටි ත්‍රස්තවාදීන් අයත්වන්නේ මේ වර්ග දෙකෙන් කොයි එකට ද? කොටි ත්‍රස්තවාදීන් රජය වෙනුවෙන් කටයුතු කළා ද?
ඔවුන් මියගියේ වරදක් නැතිව ද? අපි එ ගැන තරමක් විස්තරාත්මක ව ඉඩක් ලැබුණු විගස කතා කරමු. මෙයට අමතර ව රජයෙන්
ආධාර කරන්නෙ ස්වාභාවික ආපදා නිසා විපතට පත් වූවනට. එ වන්දි නො වෙයි.
Saturday, 13 October 2018
වෙල්ගම මැතිඳු අද තනියම වෙල මැද්දේ
වෙල්ගම මැතිඳු අද තනියම වෙල මැද්දේ
පාර්ලිමේන්තු සභා ගැබේ ආණ්ඩු පක්‍ෂය හා විපක්‍ෂය වෙන් කරන මැද
කොටසටත් ඉංගිරිසියෙන් කියන්නෙ වෙල් කියලා. ඒකට සිංහලෙන් ලිඳ කියන්න බැහැ. ඕන ම නම්
වල කියන්න පුළුවන්. එහෙමත් නැත්නම් සභා ගැබ මැද කියන්න පුළුවන්. ඒ එකක්වත්
හරියන්නෙ නැත්තන් වෙල කියන්න පුළුවන්. වෙල් විදානෙත් ඉන්නෙ එකේ අපි වෙල කියලා
කියමු. ඒත් ඒක අපි දන්න වෙල් යායවල් සමග පටලවා ගන්න එපා. මේකෙ යායක් නැහැ. ගායක්
නම් තියෙනවා. මා කිව්වේ රථගාය ගැන පමණක් නොවෙයි.
Friday, 12 October 2018
පොලිස් වික්‍රම
පොලිස් වික්‍රම
දුමින්ද සිල්වාට දුන් මරණීය දණ්ඩනය තහවුරු වෙලා. බොහෝ දෙනා සිතා
සිටියේ ශ්‍රෙෂ්ඨාධිකරණයෙන් ඔහු නිදහස් වේ ය කියා. සමහරු ඩීල් ගැනත් කතා කළා. නීතිපති දෙපාර්තමේන්තුව නඩුව අත්හැරිය වගේ
හැඟීමක් සමහරුනට ආවා. එහෙත් ශ්‍රෙෂ්ඨාධිකරණය දුමින්දගේ අභියානය ප්‍රතික්‍ෂෙප කළා.
ඒ කියන්නෙ අධිකරණයට ඒත්තු ගියේ දුමින්ද වරදකරුවකු බවයි. අධිකරණය තීන්දු ගන්නේ
තමන්ට ඉදිරිපත් වෙන කරුණු සලකා බැලීමෙන් පමණයි. ජනමාධ්‍යයෙ පළවන පුවත් අධිකරණයට
වැදගත් නැහැ. නීතිපති දෙපාර්තමේන්තුව හා පොලීසිය කලින් අධිකරණයට ඒත්තු ගන්වල
තිබුණෙ දුමින්ද වරදකරුවා බව. විත්තියට එය බිඳින්න බැරි වුණා.
Thursday, 11 October 2018
සූත්‍ර හා සූත්තර
සූත්‍ර හා සූත්තර
තෙල් මිල සූත්‍රය මංගලට තේරෙන්නෙ නැති බව කියනවා. මා ඒ ගැන පුදුම
වෙන්නෙ නැහැ. මංගලට සූත්තර නම් තේරෙන බවක් පේනවා. ඔය තෙල් මිල සූත්‍රය ප්‍රසිද්ධ
කරන්නෙ නැත්තෙ ඇයි? එහෙම සූත්‍රයක් නැද්ද? තෙල් මිල සූත්‍රය ගැන පඬියන්ගේ ඊනියා කියවීම
මොකක් ද? බටහිරයන්ගේ ඕනෑම විකාරයක් හිස්
මුදුණින් පිළිගන්නා පඬියන් දැන් චිත්‍රපටි ද නාට්‍ය ද කවි ද කියවනවා. හැබැයි ඔවුන්
කරන්නෙ කියවන එක විතරයි.
තෙල් මිල සූත්‍රය කියන්නෙ බුද්ධිමතුන්ට පමණක් පේන එකක් ද? ඒක මංගලට පේන්නෙ නැත් ද? පෙනිලා කියවන්න බැරි ද? තෙල් මිල සූත්‍රය සූත්තරයක් පමණක් ද? එය සූත්‍රය ගැන කියමින් මාසෙ දහවැනි දාට තෙල්
මිල වැඩි කරන සූත්තරයක් ද? සූත්‍රයක් කියන්නෙ සමීකරණයක් නො වෙයි.
සමහරු සූත්‍ර හා සමීකරණ පටලවා ගන්නවා. මංගල එහෙම කරණ එකක් නැහැ. ඔහු ඒ දෙක ම දන්නෙ
නැහැ. ඔහුට සූත්‍රය තේරෙන්නෙත් නැහැ. හතේ
අටේ වීජ ගණිතය කරපු සිසුන්ට තේරෙයි ද? ඒත්
ඇත්තේ සූත්තරයක් මිස සූත්‍රයක් නො වේ නම් ඒ කාටවත් තේරෙන එකක් නැහැ.
ජනමාධ්‍යවේදීන් කියන අය වැඩ කරන්නෙත් අමුතු විධියකට. ඔවුන් මංගලගෙන්
සූත්‍රය ලබා ගන්න උත්සාහ කරන පාටක් නැහැ. ඔවුන් ප්‍රශ්නයක් දෙකක් අහල පසුබහිනවා.
මංගල මුදල් ඇමති. තෙල් ඇමති හරි මුදල් ඇමති හරි අගමැති හරි සූත්‍රය පාර්ලිමේන්තුවේ
සභාගත කරන්න ඕන. එහෙම කරන්නෙත් නැහැ. හැබැයි පාර්ලිමේන්තුව උත්තරීතර කියල කියනවා.
තෙල් මිල සූත්‍රය ඊටත් වඩා උත්තරීතර වෙනවා ඇති.
නවවැනි දා පැවති ඒකාබද්ධ විපක්‍ෂෙ/පොදු ජන පෙරමුණේ රැස්වීමෙන් පස්සෙ
ජනමාධ්‍යවේදීන් වෙනත් සූත්‍රයක් දැන ගන්න දැඩි වෙහෙසක් ගත්ත. ඒ රැස්වීමෙ දි භාරකාර
සම ආණ්ඩුවක් හදන්න තීරණයක් ගෙන ඇති බවක් පේනවා. ඒත් වෙල්ගම කියන විධියට නම් එහෙම
නො වෙයි. වැඩි දෙනෙක් ඒකට විරුද්ධ බවයි කියැවෙන්නෙ. සමහරුනට වැදගත් 2020ත් මන්ත්‍රී වෙලා ඇමතිවරයකු වෙන එක මිස රනිල් ඉවත්
කරන එක නොවයි. ඒ අය හිතන්නෙ රනිල් 2020 වන
තුරු හිටියොත් තමන්ට පහසුවෙන් ම මන්ත්‍රී වෙන්න පුළුවන් කියා.
භාරකාර ආණඩුවක් හදන්න තීරණය කළා නම් ඒ කරන්නෙ කොහොම ද කියන එක ඒ
රැස්වීමෙ දි සාකච්ඡා වුණා ද නැද්ද කියන්න මා දන්නෙ නැහැ. සාකච්ඡා නූණ නම් හොඳය
කියා හිතෙනවා. ඒ ක්‍රමයත් එක්තරා ආකාරයක සූත්තරයක් වෙන්න ඕන. එවැනි සූත්තරයක් දැන
ගන්න ඕන ටික දෙනකු පමණයි. ඒකාබද්ධ විපක්‍ෂෙ ඔක්කොම ඒක දැන ගන්න ඕන නැහැ. ඒකාබද්ධ
විපක්‍ෂෙ/පොදු ජන පෙරමුණේ රැස්වීමෙ දි කරන්න තියෙන්නෙ ප්‍රතිපත්තිමය තීරණයක් ගන්න
එක විතරයි. ඒ ප්‍රතිපත්තිය ක්‍රියාත්මක
කරන්න ඕන කිහිප දෙනකු මිසක් සියළු දෙනා නො වෙයි. ජනමාධ්‍යවේදීන් හිතන්න පුළුවන් ඒ ප්‍රතිපත්තිය
ක්‍රියාත්මක කරන විධියත් ජනතාව දැන ගන්න ඕන කියලා. ජනතාව ඒක දැන ගන්නවා කියන්නෙ ඒක
නොකෙරෙන එක.
ඒකාබද්ධ විපක්‍ෂෙ/පොදු ජන පෙරමුණෙ රැස්වීමෙ දි භාරකාර සම ආණ්ඩුවක්
හරි වෙනත් ආණ්ඩුවක් හරි හදන්න ප්‍රතිපත්තිමය තීරණයක් ගත්ත නම් හොඳයි. බොහෝ කාලෙක
ඉඳන්, අවුරුදු තුනක පමණ කාලෙක ඉඳන් මා යම්කිසි ක්‍රමයක්
යෝජනා කරලා තියෙනවා. ඒ ක්‍රමය ම ක්‍රියාත්මක කළ යුතු ය කියා මා කියන්නේ නැහැ.
භාරකාර ආණ්ඩුවක් හදන්න තීරණය කරත් මොන ක්‍රමයක් ක්‍රියාත්මක කළත් ඒකාබද්ධ විපක්‍ෂය/පොදු
ජන පෙරමුණ එය දැන් ම ජනතාවට කියන්න ඕන නැහැ.
ජනමාධ්‍යවේදීන් වඩා උනන්දු වෙන්න ඕන තෙල් මිල සූත්‍රය දැන ගන්න මිසක්
ඒකාබද්ධ විපක්‍ෂෙ/පොදුජන පෙරමුණ ක්‍රියාත්මක කරන්න යන ක්‍රමය දැන ගන්න නො වෙයි.
ජනතාවට රනිල් අගමැති කමෙන් ඉවත් කරන්න වුවමනාවක් තියෙනවා. ඒ අතර තෙල් මිල වැඩි වෙන
එක ගැනත් ප්‍රශ්නයක් තියෙනවා. ජනතාවට ඕන මොන සූත්තරේ දැන ගැනීමට ද? සූත්තරෙ දැන හෝ නොදැන හෝ රනිල් ඉවත් කිරීම ද?
ජනමාධ්‍ය ගැන කතා කරන විට මට සූත්තර කියන එක සංකර අකුරින් ලියන්නෙ
කොහොම ද කියල හිතුන ඒක sූu කියල u අකුරට උඩින් ඉරක් ඇඳල ද පටන් ගන්න ඕන.
ඉංගිරිසි අකුරට සිංහල පාපිල්ල දැම්මම කියැවෙන්නෙ කොහොම ද? සූ කියල ද? එහෙම නම් ඉංගිරිසි u අකුර
ලියල ඊට උඩින් ඉරක් අඳින්නෙ අහවල් දේකට ද? ඒ ඌ කියල ලියන්න ද? එතකොට
sූu (u ඉරක් සහිත ව) කියැවෙන්නෙ සූඌ කියල ද? මේවට හූ කියනව ද? නැත්නම් hූu (u ඉරක් සහිත ව) කියනව ද?
මේ ප්‍රශ්නවලට රූපවාහිනියේ ඉන්න Ru (පාපිලි ඉරි සහිත ව) සංකරයන් උත්තර දෙනව
නම් අපට සූත්තර කියල සංකර අකුරෙන් ලියන්නෙ කොහොම ද කියල ඉගෙන ගන්න පුළුවන්. ඒ අතර සූකරයන් කියල ලියන හැටිත් කියනවා ද?
Wednesday, 10 October 2018
විස්ස කුණු කූඩයට විසි කරමු
විස්ස කුණු කූඩයට විසි කරමු
විස්ස ගැන ශ්‍රෙෂ්ඨාධිකරණය දුන් තීන්දුව ප්‍රකාශ වෙලා. එහි වගන්ති
හයක් හැරෙන්න අනෙක් වගන්ති සියල්ල ආණ්ඩුක්‍රම ව්‍යවස්ථාවට පටහැණි කියල තීන්දුවෙ
තියන බවට ආරංචියි. මා තවම තීන්දුව කියෙව්වෙ නැහැ. ඒත් ඒ කතාව විශ්වාස කරන්න
පුළුවන්. විස්ස කියවන කොට එහි බොහෝ වගන්ති ආණ්ඩුක්‍රම ව්‍යවස්ථාවට පටහැණි බව මටත්
තේරුණා.
Tuesday, 9 October 2018
Universal truth contested
Universal truth contested
මේ
පසුගිය සැප්තැම්බර් 29 නිව්
සයන්ටිස්ට් සඟරාවේ සංස්කාරක සටහනයි. බටහිර
විද්‍යාව ගැන ඔවුන් කියන දේ වැදගත්. එහෙත් එහි කියන්නේ විද්‍යාවේ ප්‍රවාදයක් යනු
සත්‍යය ගැන අපට ඇති හොඳ ම අනුමානය (guess) කියා. මා ඒ සමග එකඟ වන්නේ නැහැ.
බටහිර විද්‍යාවේ කෙරෙන්නේ වැඩ කරන හිතළු ඉදිරිපත් කිරීමයි. සත්‍යය යනු කුමක් ද?
දැනුම යනු
අවිද්‍යාව නිසා සකසා ගන්නා බොරු පමණයි.
ගණිතය ගැන ප්ලේටෝගේ කාලයේ පවතින්නේ
සදාකාලික සත්‍යය යන හැඟීමක්. එය එසේ නො වේ. ගණිත ප්‍රමේයත් මිනිසුන්ගේ නිර්මාණ. ඒ
ප්‍රමේය සාධනය නොකරන ලද යම් ස්වසිද්ධි මතත් උද්ගමනයෙන් ලබාගත් අනුමාන (inference)
නීති මතත්
පදනම් වෙනවා. ඒ කෙසේ වෙතත් මෙහි ගණිත ප්‍රමේයවල සාධන ගැන කියන දේ වැදගත්. ඔවුන්
කතා කරන්නේ සාධනයක නිවැරදි බව දැන ගන්නේ කෙසේ ද යන්න ගැනයි.
අද වහීවි ද?
අද වහීවි ද?
මේ දිනවල වහිනවා. ඒත් අද වහීවි ද?
අද රටේ
දේශපාලනයේ වැදගත් දවසක් වෙන්න පුළුවන්. සමහරුනට නම් මේකත් රංගනයක කොටසක්. දැන්
තියෙන්නෙ රනිල් මෛත්‍රිපාල රංගනයත් ඉක්මවා ගිය රනිල් මෛත්‍රිපාල මහින්ද රංගනයක් බව
ඔවුන් කියාවි. ඒ කුමක් වුවත් අද ඒකාබද්ධ විපක්‍ෂෙ/ පොහොට්ටුවෙ අය ජී එල් පීරිස්ගෙ
ගෙදර භාරකාර ආණ්ඩුවක් ගැන තීරණය කරන්න රැස්වෙන බවට ආරංචි තියෙනවා. මේ රටේ සම්ප්‍රදාය
අනුව රැස්වීමේ දී කිසිම තීරණයකට නොඑළඹෙන්නත් පුළුවන්. එහෙමත් නැත්නම් නැවත දිනයක
හමුවන්න පමණක් තීරණය වන්නත් පුළුවන්.
Monday, 8 October 2018
ත්‍රිකෝණයක කෝණවල එකතුව
ත්‍රිකෝණයක කෝණවල එකතුව
ද්‍රව්‍යවාදීන් අලුතෙන් කියල ගේන තර්ක දෙකක් තියෙනවා. එකක් අර
මිනිසුන් ඇති වන්නට පෙර ලෝකය (විශ්වය) තිබුණා ය කියන කතාව. මා එය අර දෘශ්‍ය ශ්‍රව්‍ය පටයේ සාකච්ඡා කරනවා. මා
ඒ පටය ගැන කලින් ලියා තියෙනවා. අවශ්‍ය නම් ඒ ලිපි හොයා ගෙන කියවන්න. භාරකාර සම ආණ්ඩුව
කියන එක ගැනත් මා ලියා තියෙනවා කියල කිව්ව
ම කරන්න තියෙන්නෙ ඒ ලිපි හොයා ගෙන කියවන එක. එහෙත් ඇතැම් පඬි පෝතකයන් කරන්නෙ
භාරකාර සම ආණ්ඩුව ගැන තමන් අහල නැහැ, එය
මොකක් ද කියලා අහන එක. මට කාටවත් නැවත නැවත උගන්වන්න ඕන නැහැ. ඕන කෙනකුට කාලයේ
ලිපි කියව ගන්න පුළුවන්.
Sunday, 7 October 2018
භාරකාර සම ආණ්ඩුවක්
භාරකාර සම ආණ්ඩුවක්
බැසිලිකාවේ පූජකයකුට අනුව කොටින්ට විරුද්ධව හමුදා මෙහෙයුම් කළ යුතු ය
කියා සමහරු කියලා. සමහරු එහෙම නැහැ කියලා. තවත් සමහරු කොටි පරදවන්න පුළුවන් කියලා.
මා දන්න කරුණ නම් පඬියන් සියල්ල කොටි පරදවන්න බැහැ කියද්දි, විදේශ බලවේග ප්‍රභාකරන් අනභිබවනීය කියද්දි මෙරට
සාමාන්‍ය සිංහල ජනතාව කොටි පරදවන්න පුළුවන් කියා කිව්ව බවයි. චන්ද්‍රිකා විතරක්
නොවෙයි මහින්දත් පඬියන් හා විදේශ බලවේග කියන විධියටයි වැඩ කෙළෙ. බැසිල් කෙනෙකු
මොනව කරාද කියල ඒ දවස්වල කවුරුන්වත් දැන හිටිය ද දන්නෙ නැහැ. බැසිලිකාවෙ පූජකයන් ඒ
දවස්වල කොහෙද හිටියෙ කියලා බැසිල් දන්නෙවත් නැතිව ඇති.
Saturday, 6 October 2018
Antimatter seen in two places
මෙය 2018 සැප්තැම්බර් 15 නිව්සයන්ටිස්ට් සඟරාවේ පළ වූ ලිපියක්.
ද්ඬිකෝටිකය ඇතැම් අවස්ථාවල ප්‍රමාණවත් නොවන බව මේ නිරීක්‍ෂණයෙන් ද පැහැදිළි වෙනවා.
මා මෙහි දී යොදා ගන්නේ නිරීක්‍ෂණයක් මිස ප්‍රවාදයක් නොවෙයි.
තා නොවන තෝ
තා නොවන තෝ
තමන් මහා පඬියන් යැයි සිතාගෙන සිටින බොහෝ අයට මූලික තර්ක ඥානයවත්
නැති බව මා අත් දැකීමෙන් දන්නා දෙයක්. ඔවුන් සුරංගනා ලෝකවල ඉන්නෙ. මෙරට පුහු
වීරයන් වෙන්න තියෙන හොඳ ම විධිය තමයි සුරංගනා කතා කියන එක. බුදුහාමුදුරුවො සුරංගනා
කතා කිව්වෙ නැහැ. මේ ලෝකයේ ඇති නැති පරතරය නැති කිරීම වගේ පුහු කතා උන්වහන්සේගේ
දේශනාවල ඇතුළත් වුනේ නැහැ. ඇති නැති පරතරය ලෝකයේ හැමදාමත් තියේවි. මා දන්නා අන්දමට
බොහෝ දෙනා ඊනියා සමාජවාදයක් ගැන කතා කරල තියෙනවා. ඒ සමාජවාද මනෝරාජික සමාජවාද
ලෙසයි මාක්ස්වාදීන් සැලකුවේ. ඒවා හොඳ සුරංගනා කතා හැටියටයි සැලකුණෙ.
Friday, 5 October 2018
මා නොවන මම
මා නොවන මම
මේ කැළුම් ශ්‍රීමාලගේ වැඩ සටහන ගැන නො වෙයි. මා ඔහු හමු වී ඇතත් ඔහු
කිසි වටෙක තම වැඩ සටහනට මා සහභාගි කරව ගන්න එකක් නැහැ. මට ගයන්න බැහැ. ඒත් ගී
ගයන්න උගන්නන්න පුළුවන්. අර ඉංගිරිසි කියමනක් තියෙනවා Those who can do,
those who can’t teach. මා එයට තවත් කොටසක් එකතු කළා Those who can’t
teach instruct teachers කියලා. මෙහි සරල සිංහල තේරුම තමයි. පුළුවන් එකා
කරනවා, බැරි එකා උගන්නවා. උගන්නන්න බැරි එකා
ගුරුවරුන්ට උපදෙස් දෙනවා කියලා. කැළුම් මා ඉන් එකකටවත් ගන්න එකක් නැහැ. ඊනියා
ශාස්ත්‍රීය ලෝකයේ වැඩිය ඉන්නෙ දෙවැනි තුන්වැනි ගණයෙ අය.
මේ කරුණ මා ගිය ඉරිදා සති අග අරුණ පත්තරේ නිකුත් කළ දවසෙ එහි මහින්ද ඉලේපෙරුමට කිව්වා. මහින්දලා පුළුවන්
නිසා ජනමාධ්‍ය කරනවා. බැරි අය ජනමාධ්‍යවේදය උගන්වනවා. ඒ ඉගෙන ගත් අයට නැවතත් අර
වෙළෙඳ දැන්වීමක තියනවා වගේ කරලා ම පුරුදු
වෙන්න වෙනවා. මා ඒ පත්තරේ නිකුත් කළ දින එහි ගිය බව දැක්වෙන ඡායාරූප මුහුණු පොතේ
සංසරණය වෙනවා. මා එහි ගියේ දිලිත් ජයවීරගේ ආරාධනයකින්. දිලිත් මා කොළඹ විශ්වවිද්‍යාලෙ
උගන්වන කාලෙ එහි නීති පීඨ ශිෂ්‍යයෙක්. මාධව එහි විද්‍යා පීඨයේ ශිෂ්‍යයෙක්. අද ඔහොම
හිටියට ඒ දවස්වල ශිෂ්‍ය ක්‍රියාකාරීන්. හැබැයි අර තකතීරු ජ වි පෙ අන්තරේටවත්
සුවාදීන ශිෂ්‍ය සංගමයටවත් සම්බන්ධ නැහැ. විජිත් හිටියෙත් විද්‍යා පීඨයෙ. එදා ඒ
තුන්දෙනා එක්ක ගත්ත ඡායාරූපයකුත් සංසරණය වෙනවා. ඒ එක්ක දිලිත් මට පත්තර පිළිගන්නපු
ඡායාරූපයක් සහ තවත් ඡායාරූප සංසරණය වෙනවා. මුහුණු පොතේ පඬි පෝතකයන් මේ ඡායාරූප ප්‍රචාරය
කරන්නෙ මට ඇති සෙනෙහසකට නො වෙයි. එක් අයකු
කියා තිබුණා දෙකේ කොළේට වැටිල ඉන්න නාකියාට පොඩි ජොලියක් ගිහිල්ල කියලා. ඒකෙන් ම
තේරෙනවා සිංහල බෞද්ධ විරෝධීන්ට මා කෙරෙහි ඇති වෛරය. සිංහල බෞද්ධ විරෝධී පඬියන්ට මා
හිසරදයක්. ඔවුන් කැමතියි සමාජයට මගෙන් ඇති බලපෑම නවත්වන්න. ඔවුන් හිතනවා ඒ නැවතිලා
කියා. එහෙත් අරුණෙන් ලැබුණු ආරාධනයෙන් ඔවුන්ට තම හිතළුව වැරදි බව තේරිලා. ඔවුන්ට
කේන්ති ගිහින්. ඒ පඬි පෝතකයා කවදාවත් නාකි වෙන්නෙ නැතිව ඇති. මා නිතර ම වගේ ඉන්නෙ
ජොලියෙන්. පඬි පෝතකයන් මගේ ඉන්ද්‍රිය පථයට ආව ම නම් කේන්ති යනවා.
Thursday, 4 October 2018
දැනුමේ සාපේක්‍ෂත්වය
දැනුමේ සාපේක්‍ෂත්වය
ද්‍රව්‍යවාදීීන්ට හෙවත් භෞතිකවාදීන්ට තියෙන ලොකු ප්‍රශ්නයක් තමයි
නිරීක්‍ෂකයන්ගෙන් (අසන්නන් බලන්නන් ආදීන්) තොරව ලෝකයක් පවතිනව කියලා පෙන්නන එක. අප
දැන් කියන්නේ කිසිවක් පෙන්නන්න බැහැ කියලා. අපට, ඒ කියන්නෙ මිනිසුන්ට කරන්න පුළුවන් එකම දේ ඒ ඒ අය ඒ ඒ ප්‍රමාණවලට ඒත්තු
ගන්නන එක පමණයි. මේ ඒත්තු ගැන්වීමේ විවිධ මට්ටම් තිබෙන නිසා තමයි වාදපිටිය වගේ වැඩ
සටහන්වලට වගේ ම මුහුණු පොතටත් පැවැත්මක් තියෙන්නෙ. මිනිසුන් විවිධ මත දරන්නෙ. ලෝකයේ ද්‍රව්‍යවාදය
විඥානවාදය කියලා දළ වශයෙන් දාර්ශනික මත දෙකක් තියෙන්නෙ. අප කියනවා සිංහල බෞද්ධයන්
ද්‍රව්‍යවාදීවත් විඥානවාදීවත් නො වේය කියා. මාත් සිංහල බෞද්ධයෙක්.
Wednesday, 3 October 2018
මහින්ද අගමැති කරනවට විරුද්ධ කවුද?
මහින්ද අගමැති කරනවට විරුද්ධ කවුද?
ඊයෙ මහා බැංකුවේ අධිපති ඉන්ද්‍රජිත් කුමාරස්වාමි කිව්ව රුපියල අවප්‍රමාණය
වීම නිසා ආර්ථිකය කඩා වැටිලා නැහැ, ජීවන
වියදම නම් ඉහළ යාවි කියලා. ඔහු කියන එකෙත් ඇත්තක් තියෙනවා. රුපියල මේ විධියට අවප්‍රමාණය
වෙන්න කලින් ආර්ථිකය කඩා වැටිලා තිබුණෙ. බන්දුල ගුණවර්ධන අර ආර්ථික පර්යේෂණේ ද
මොකක් ද එකේ ඉඳන් හැමදාම වගේ ප්‍රවෘත්ති සාකච්ඡා පවත්වනවා. ජනමාධ්‍යයත් ඒවට ප්‍රචාරය
දෙනවා. ඔය සංඛ්‍යානය ගැන මට නම් ඒතරම් විශ්වාසයක් නැහැ. ඉංගිරිසි කියමනක් සිංහලට
හැරෙව්ව ම කියවෙනවා බොරු, පට්ටපල් බොරු සහ සංඛ්‍යාන කියා.
Tuesday, 2 October 2018
ට්‍රම්ප් ගොඩ නගන ලෝකය
ට්‍රම්ප් ගොඩ නගන ලෝකය
මෙවර එක්සත් ජාතීන්ගේ සංවිධානය අමතා එක්සත් රාජ්‍යයන්හි ජනාධිපති
ඩොනල්ඩ් ට්‍රම්ප් කළ කතාව අලුත් ලෝකයකට දේශපාලන වශයෙන් මුල පුරන කතාවක්. ට්‍රම්ප් 2016 දී ජනාධිපතිවරණයට ඉදිරිපත් වල කාලයේ දී ම ඔහු
අලුත් මගක් ගන්නා බව පෙනී ගියා. ඒ මග ජාතිකත්වයේ මග. මා ඒ බව ඒ දිනවල ම සඳහන් කළා.
ට්‍රම්ප් එක්සත් ජාතීන්ගේ සංවිධානය අමතා කළ දෙවැනි කතාවෙන් තම ප්‍රතිපත්තිය ලොවට ම
ඇහෙන්න කිව්වා.
Monday, 1 October 2018
ගෝඨාභය, ඉන්දියාව බටහිර හා කිඹුලි
අවසර ලත් අයට පමණක් මේ ලිපිය මුහුණු පොතේ පළ කරන්න පුළුවන්.
ගෝඨාභය,
ඉන්දියාව බටහිර හා කිඹුලි
කොටි පරාද කිරීමේ දී ස්ථිර අධිෂ්ඨානයකින් යුක්ත ව එයට දායක වූයේ
ගෝඨාභය රාජපක්‍ෂයි. මහින්දට පවා තීරණයක් ගැනීමට අපහසු වූ අවස්ථාවල ගෝඨාභය
මහින්දටත් ශක්තිය සපයා දී තිබෙනවා. දැන් අහන්න එපා ශක්තිය සැපයීම කියන්නෙ මොකක් ද
කියලා. ගෝඨාභය ශක්තිය සැපයූ ආකාරය දැනගැනීම සඳහා විවිධ අය ලියා ඇති දේ කියවන්න.
විශේෂයෙන් අපට විරුද්ධ අය කියා ඇති දේ කියවන්න. මා එතනින් එහාට ඒ ගැන කියන්නේ
නැහැ. එහෙත් මට ප්‍රශ්නයක් ව තියෙනවා ගෝඨාභය ජනාධිපති අපේක්‍ෂක ලෙස නම් කරන්න
පොහොට්ටුව මෙතරම් ප්‍රමාද වන්නේ ඇයි කියා. මට ඒ ගැන සැකයක් තියෙනවා. ඒ ඇමරිකානු
රටවැසිකම නිසා හටගත් ප්‍රශ්නයක් ද? වෙනත්
එකක් ද?