චන්න ජයසුමනගෙ සුදුසුකම

 චන්න ජයසුමනගෙ සුදුසුකම 

අපේ රටේ තරම් දේශීය දැනුමට ගරහන්න සූදානම් වෙච්ච ඊනියා උගත් පිරිසක් ලෝකෙ වෙන කිසිම රටක ඉන්නවා කියා හිතන්න බැහැ. ඒ මෙරට ලන්දේසීන් හඳුන්වා දී පසුව ඉංගිරිසින් දිවයින පුරා පැතිර වූ අධ්‍යාපන ක්‍රමයෙත් ප්‍රතිඵලයක්. එහෙත් එය බටහිර අධ්‍යාපනයට පමණක් ම සීමා කරන්නත් බැහැ. දේවනාගරි අක්‍ෂරවලින් තම මුහුණුපොතේ ගිණුමේ නම ලියන ආයුර්වේද වෙදමහතකු යැයි සැලකිය හැකි අයකුට අනුව අප පාරම්පරික ප්‍රතිකාර ගැන කියන්නේ එවැනි පාරම්පරික වෙදමහතුන් දැන් නැති බව දැන දැන ව්‍යාජ පාරම්පරික ප්‍රතිකාර පෙන්වා ඉන්පසු ඒ අසාර්ථක බව පෙන්වීමට. ඔහුට කේන්ති ගිහින් ඇත්තේ මා පාරම්පරික වෙදකම ගැන කියන දේට වෙන්න බැහැ. දේවනාගරී අක්‍ෂරවලින් නම ලියන පාරම්පරික වෙදමහතුන් ගැන මා දන්නේ නැහැ. බටහිර දැනුම ඉදිරියේ දණ්ඩ නමස්කාර කරන තාර්කික බෞද්ධයකු යැයි සිතිය හැකි පඬි නැට්ටකුට ද ඊයේ අර වෙද සංගමය ගැන කී දේ විස වෙලා. ඔහුට අනුව වෙද සංගමය නීති රීති වෙනස් කිරීම පාරේ වමෙන් යනව ද දකුණෙන් යනව ද කියන එක වෙනස් කරනව වගේ භයානක වැඩක්. තාර්කික බෞද්ධයන් කාළාම සූත්‍රය පළමුව හදාරනවා නම් හොඳයි. ඒත් කාලෝගේ ඊනියා විද්‍යාත්මක ක්‍රමයට නොවෙයි. 

කොවිඩ් පිරිමි කම හා රතු එළිය

 කොවිඩ් පිරිමි කම හා රතු එළිය

කොවිඩ් ගැන බොහෝ දේ ලියන්න තියෙනවා. මා කිසිම ආකාරයක වෙද මහතකුවත්, සමාජ විද්‍යාඥයකුවත්, මනෝ විශ්ලේෂකයකුවත්, දාර්ශනිකයකුවත් තබා කිසිම උගතකුවත් බුද්ධිමතකුවත් වියතකුවත් නො වෙයි. ඒත් මගේ හිතට අදහස් එනවා. මා ඒ ලියනවා. මා හිතන්නේ හිතට එන අදහස්වලින් සියයට එකක්වත් ලියැවෙන්නේ නැහැ කියලයි. බටහිර විද්‍යාවෙත් මගේ හිතට අදහස් එනවා. ඒ ඔවුන්ගේ සම්ප්‍රදායෙන් හා චින්තනයෙන් පිට බැවින් ලියල වැඩක් නැහැ. විශ්විද්‍යාලෙ වැඩ (නො)කරපු කාලෙ ශිෂ්‍ය ශිෂ්‍යාවන් කිහිප දෙනකු ලවා ඒ අදහස් උඩ උපාධි නිබන්ධන නම් ලියෙව්වා.

පොම්පියෝ හා ආණ්ඩුව

 

පොම්පියෝ හා ආණ්ඩුව

පොම්පියෝ ගැන මෙතරම් ලියන්න වේය කියා මා හිතුවේ නැහැ. යොන් මැරිල්ල, තර්කය හා කාළාම සූත්‍රය ගැන ඇතැමුන් නොදන්නා දේ, තම නොහැකියාව ප්‍රදර්ශනය කළ පේරාදෙණියේ ඉංගිරිසි අංශයේ පඬි පෝතිකාව ආදිය ගැන පමණක් නොව සිංහල බෞද්ධයන්ට විරුද්ධව ඇති සිංහල බෞද්ධ ජරාව වැනි නම්වලින් ම ඇති සකර්බර්ග් ගිණුම් ආදිය ගැනත් ලිවීම කල් යන එක පමණයි සිදු වන්නේ. අප රටේ බෞද්ධයන් නොමැති වීම ගැනත් ලියන්න ඕන. බෞද්ධයන් ඉන්නව නම් ඒකත් නොවෙයි ඒක නොවන්නත් නොවෙයි කිවුව ම වෙන මොකක් ද කියල අහවි යැයි. කාළාම සූත්‍රය ගැන බණ කියන හාමුදුරුවරු යමක් තර්කානුකූල වූ නිසා ම යමක් න්‍යායානුකූල වූ නිසා ම පමණක් පිළිගන්න එපා කියන්නෙ මොක ද කියල ඊනියා තාර්කික බෞද්ධයන්ට පැහැදිලි කරල දෙන්නෙ නැත්තෙ මොක ද? මධ්‍යම ප්‍රතිපදාවෙ අන්ත දෙක ඉවතලන්න කියන්නෙ මොක ද? අන්ත දෙකක් විතර ද තියෙන්නෙ.  මෙරට ඊනියා බෞද්ධයන් බුදුහාමුදුරුවන්ට වඩා ඇරිස්ටෝටල්ට සලකන බව පේනවා. යොන් මැරිල්ලෙ තවත් අර්ථ තියෙනවා ද? 

පොම්පියෝ ගියාපියෝ

 පොම්පියෝ ගියාපියෝ

පොම්පියෝට විරුද්ධතා ඇත්තේ මුහුණුපොතේ හා චීන තානාපති කාර්යාලෙ  පමණ ද? නලින් බණ්ඩාරල පොම්පියෝට විරුද්ධ නැහැ. ඔවුන්ගෙ ප්‍රශ්නය ආණ්ඩුවේ හිතවතුන් සාමාජිකයන් පොම්පියෝට විරුද්ධ නැත්තෙ ඇයි කියන එක පමණයි. ආණ්ඩුවේ ඇතැමුන් විරුද්ධ නැතුව නොවෙයි.  මා නම් පොම්පියෝ ආ ඒකටත් විරුද්ධයි. චීන විදේශ ඇමති ආ එකටත් විරුද්ධයි. මේ සීතල යුද්ධයට අපි පටලැවෙන්නෙ හොඳ නැහැ. 

පොම්පියෝ, සීතල යුද්ධය හා ලංකාව

 පොම්පියෝ, සීතල යුද්ධය හා ලංකාව 

අද එක්සත් රාජ්‍යවල රාජ්‍ය ලේකම් පොම්පියෝ ලංකාවට එනවා. ඔහු සිංහල කියවන්න දන්නවා නම් මුහුණුපොතෙන් දැන ගන්න පුළුවන් තමන් ලංකාවට යන්නෙ ඇයි කියල. මා හිතන්නෙ පොම්පියෝට වඩා ලංකාවෙ අය දන්නවා ඔහු ලංකාවට එන්නෙ මොකට ද කියල. මාත් ලංකාවෙ. ඒ නිසා මාත් දන්නවා ඔහු එන්නෙ මොකට ද කෙසේ වුණත් එන්නෙ ඇයි කියල. ඔහු එන්නෙ සීතල යුද්ධය සඳහා.

සිංහල බෞද්ධ ඡන්ද හා ජගත්

 

සිංහල බෞද්ධ ඡන්ද හා ජගත්

 

මහාචාර්ය ජගත් වැල්ලවත්ත කියන්නෙ උගතෙක්. අර ඇතැමුන් කියන විධියට ප්‍රාමාණික උගතෙක්. ඔහු කොළඹ විශ්වවිද්‍යාලයෙ සමාජවිිද්‍යා අධ්‍යනංශයේ මහාචාර්යවරයෙක් වෙන්න ඕන. ඔහු කාලයක් තිස්සේ තවත් මහාචාර්යවරු දෙන්නෙක් එක්ක සාමාන්‍යයෙන් එකට වැඩ කරනවා. ඒ මහාචාර්ය චරිත හේරත් හා මහාචාර්ය රංජිත් බණ්ඩාර. ඔවුනුත් ප්‍රාමාණික උගතුන් වෙන්න පුළුවන්. මා නම් ප්‍රාමාණික තබා උගතකුවත් නො වෙයි. ගණිතයේ, ප්‍රවාදාත්මක භෞතික විද්‍යාවේ දැනගත යුතු දෙයින් දාහෙන් එකක්වත් මා දන්නේ නැහැ. ඇතැමුන් මා ප්‍රාමාණික උගතකු යැයි කියන්නේ කෙසේ ද කියා මා දන්නේ නැහැ.

බැසිල්ගෙ මන්ත්‍රීතන්ත්‍රවාදය පනස්හයට හරස්වීම

 

බැසිල්ගෙ මන්ත්‍රීතන්ත්‍රවාදය පනස්හයට හරස්වීම

 

අප රටේ ඊනියා ප්‍රජාතන්ත්‍රවාදයක් නැති බව අප නොදන්නවා නො වේ. අප රටේ ක්‍රියාත්මකවන්නේ ප්‍රෝඩාතන්ත්‍රවාදයක් යැයි ඇතැමුන් කියනු ඇත. එහෙත් මා කියන්නේ මෙරට ක්‍රියාත්මක වන්නේ මන්ත්‍රීතන්ත්‍රවාදයක් බව ය. එය වඩාත් ම හොඳින් දන්නේ බැසිල් රාජපක්‍ෂ. ඔහුගේ ඊනියා දක්‍ෂතාව ඇත්තේ එය තේරුම් ගැනීමට හා කළමනාකරණය කිරීමට දක්වන සමත් කමෙහි ය. මන්ත්‍රීවරුන්ට සමීප වීම ඔවුන්ගේ දුරකතන පණිවුඩවලට පිළිතුරු දීම, මන්ත්‍රීවරුන්ගේ අවශ්‍යතා ඉටු කිරීම මන්ත්‍රීතන්ත්‍රවාදයේ අංග. විවිධ අය විවිධ දේ සම්බන්ධයෙන් දක්‍ෂතා දක්වනවා. අපි බැසිල්ගේ දක්‍ෂකම ගැන පසුව කතා කරමු. ඔහු රටට නැතිව ම බැරි වස්තුවක් ද?

කොවිඩ්, සාපේක්‍ෂතාව හා ඩීල්

කොවිඩ්, සාපේක්‍ෂතාව හා ඩීල්

මට හමු වී ඇති දක්‍ෂ ම ශිෂ්‍යයකු වන ශිරන්ත චාමරට කොවිඩ් ආසාදනය වෙලා. ඒ ගැන මා කණගාටු වන අතර ඔහුටත් පවුලේ සැමටත් ඔහු කියන අන්දමට ම සැනසිල්ල ලැබේවා කියා ප්‍රාර්ථනය කරනවා. ඔහුගේ පියා මාළු වෙළඳාම හා සම්බන්ධ වී සිටියත් පෑලියගොඩ යන එන බව දැන සිටියත් විපරම් කිරීමට බැරි වුණා. මේ ඔහුගේ මුහුණු පොතේ ගිනුමේ තිබූ සටනක්.

විස්ස සීල් තිබ්බෙ ඩීල්වලින් නොවෙයි

 විස්ස සීල් තිබ්බෙ ඩීල්වලින් නොවෙයි 

විස්සෙන්  ආණ්ඩුව දිනලා. ඒ ඩීල් හින්ද නිසා නොවෙයි. මෛත්‍රිපාල නැවතත් ආණ්ඩුවට ද්‍රෝහි වෙලා. ඔහු විස්සට ඡන්දය දෙන්න ඇවිත් නැහැ. ඔහු අර කොමිසමේ සාක්කි දුන් බවට සාක්කියක් නැහැ. මා වැරදි වෙන්න පුළුවන්. මෛත්‍රිපාලට මොකද කරන්නෙ. ඔහු සජිත් ළඟට යවමු ද? හකීම්ගෙ පක්‍ෂයෙ මුස්ලිම් මන්ත්‍රීවරුන් හතරදෙනකුත් බද්‍යුද්දීන්ගෙ පක්‍ෂෙ මුස්ලිම් මන්ත්‍රීවරයකුත් සජිත්ගෙ මුස්ලිම් මන්ත්‍රීවරයකුත් කඳුරට ජනතා පෙරමුණේ දෙමළ මන්ත්‍රීවරයකුත් සජිත්ගෙ පක්‍ෂෙ ලේකම්වරියත්  ආණ්ඩුවේ සහායට ඇවිල්ල. ඒ කිසිම ඩීල් එකකින් නොවෙයි. ස්වඡන්දයෙන්  කැමැත්තට විස්සේ ගුණ දැකල ආණ්ඩුවට පක්‍ෂව ඡන්දෙ දීල. මට පොඩි බයක් ඇති වුණා. සජිත්ගෙ පක්‍ෂෙ ලේකම්වරිය ආණ්ඩුවට ඡන්දෙ දුන්නෙ නැති සජිත්ල පක්‍ෂෙන් නෙරපයි ද කියලා? එහෙම කළොත් සජිත් කොහෙ යන්න ද? ආපහු සිරිකොතට ද? 

ජාතික ව්‍යාපාරයට තීරණාත්මක දවසක්

 ජාතික ව්‍යාපාරයට තීරණාත්මක දවසක්

අද රටේ තීරණාත්මක ම දවසක්. කාට හරි කියන්න පුළුවන් හැම දවසක් ම තීරණාත්මකයි කියල. එහෙම නොවෙයි. අද විස්සට ඡන්දය විමසන දවස. කිසිවකු නොසිතූ ආකාරයට ද්විත්ව රටවැසියන්ට පාර්ලිමේන්තුවට ඒමට ඇති බාධාව තවත් පළල් කර වෙනත් තනතුරු සඳහා ද එය බලපාන අන්දමට විස්ස සකස් කළ යුතු බවට රටේ පමණක් නොව පිටරට සිටින සිංහලයන් අතර ද මතයක් ඇති වෙලා තියෙනවා.

ද්විත්ව රටවැසි ප්‍රශ්නයට විකල්පයක්.

 

ද්විත්ව රටවැසි ප්‍රශ්නයට විකල්පයක්. 

 

ඊයේ මගේ හැත්තෑහය වැනි උපන් දිනය. බොහෝ දෙනකු මට සුබ පතා තිබුණා. ඇතැමුන් සුපුරුදු පරිදි මට බැණ වැදී තිබුණා. ඒ අතර ජාතික කඳවුරේ අයත් සිටියා. ඒ අය ගැන කතා කරන්න දෙයක් නැහැ. නිර්මාල් දේවසිරි, වංගීස සුමනසේකර වැනි මතවාදී වශයෙන් විරුද්ධවාදීන් ද සුබ පතා තිබුණා. චතුර අල්විස් ප්‍රධාන ජනමාධ්‍යයක් ඔස්සේ මට සුබ පතා තිබුණා.  ඒ සියල්ලන්ට ම බැන්න අයටත් ඇතුළුව මා පින් දෙනවා. ඒත් ඒ සියල්ලට වඩා මට වටින්නේ මගේ චූටි මුණුබුරා මගෙන් ඇසූ ප්‍රශ්න. සීය කිරිබත් කෑව ද සීනි සම්බෝල  තිබුණ ද ලුනුමිරිස් තිබුණ ද? 

 

විස්ස බලතල හා යොන් මැරිල්ල 

විස්ස, විසි එක හා විසි දෙක දිනවල පාර්ලිමේන්තුවේ විවාද කෙරෙනවා. ආණ්ඩු පක්‍ෂයෙ නම් ඒ තුනෙන් දෙකකින් සම්මත කිරීම සඳහා මන්ත්‍රීවරුන් එකිසිය පනස් දෙනකු නැහැ. එහෙත් විස්ස මේ කඩිමුඩියේ ගේන්න ඇත්තේ ඒ බව නොදැන වෙන්න බැහැ. විසි දෙවැනිදා රාත්‍රියෙහි අපට සියල්ල දැන ගන්න පුළුවන් වේවි. ලිහන්න තියෙන මල්ල ඔබල බලන්න මට ඕන නැහැ. 

 ප්‍රියන්තා සේනානායකගේ අභාවය 

නාථ දේව මණ්ඩලය සමග සන්නිවේදනය කිරීමේ හැකියාව තිබූ ප්‍රියන්තා සේනානායක මහත්මිය මිය ගිහින්. ඇය කැලණිය විශ්වවිද්‍යාලයේ ගණිත අංශයේ කිත්සිරි සේනානායකගේ බිරිඳ. කිත්සිරි තමයි මට කියා තිබුණේ ප්‍රියන්තාට නාථ දේව මණ්ඩලය සමග සම්බන්ධවීමට හැකි බව. ඇය රෝගවලට කළ පිළියම් සාර්ථක වෙලා තිබුණා. ඒ නිසා තමයි චන්න ජයසුමන මා සමග රජරට වකුගඩු රෝගය ගැන කී විට මා ඔහු ප්‍රියන්තා වෙතට යොමු කෙළේ. ඈ අපට කීවේ රජරට වකුගඩු රෝගයට ප්‍රධාන හේතුව කෘමිනාෂක බවත් ඒ කෘමිනාෂකවල ආසනික් තිබෙන බවත්. 

යොන් මැරිල්ල

 යොන් මැරිල්ල 

යොන් මැරිල්ල කියල සෙල්ලමක් තියෙනවා. සමහරු හිතන්නෙ මෙතන යොන් කියන්නෙ මුස්ලිමුන්ට කියල. ඒ ගැන වෙන ම කතාවක් තියෙන්නෙ. අපි ඉස්සර යෝන යොන් කියල කිවුවෙ ග්‍රීකයන්ට. ග්‍රීක කියල කිව්වත් පැරණි ග්‍රීසියේ වර්ග හතරෙන් එකකට (Ionians) . යෝන යවන කියල අප ඔවුන් හැඳින්නුවා. මේ යෝනයන් අතර ඇතැන්ස්හි විසූ අය නැත්නම් ඇතීනියන්වරුන් ද හිටියා. මේ යෝනයන් පණ්ඩුකාභය කාලයේත් ලංකාවෙ හිටි බව මහාවංසයෙත් සඳහන් වෙනවා. පණ්ඩුකාභය රජු යෝනයන්ට අනුරාධපුරේ එක් ප්‍රදේශයක් වෙන් කරල දීල තියෙනවා. 

ආසියාවේ සීතල යුද්ධය, පාස්කු ප්‍රහාරය හා ජාතිකත්වය

 ආසියාවේ සීතල යුද්ධය, පාස්කු ප්‍රහාරය හා ජාතිකත්වය

ඒ කාලෙ සෝවියට් දේශය හා බටහිර අතර සීතල යුද්ධයක් තිබුණා. ඒක ඉවර වුණෙ 1989 නොවැම්බර් මාසෙ බර්ලින් තාප්පෙ බිඳ වැටුණට පස්සෙ. ඉන් පසු විවිධ පොත්පත් ලියැවුණා. ෆ්‍රැන්සිස් ෆුකුයාමගෙ 1992 දි පළවුණු ඉතිහාසයේ අවසානය (The End of History and the Last Man) සහ සැමුලේ හන්ටින්ග්ටන්ටන් ෆුකුයාමාට දුන් පිළිතුරක් ලෙස ද සලකන්න පුළුවන් 1993 දි පළ වූ සභ්‍යත්ව ගැටුම (Clash of Civilizations) පොත. ෆුකුයාමා කිව්වෙ බටහිර ලිබරල් ප්‍රජාතන්ත්‍රවාද හා ධනවාදී වෙළෙඳපොළ ආර්ථිකය මිනිස් විකාශයේ අවසාන ප්‍රතිඵලය බවයි. හන්ටින්ග්ටන් කියා සිටියෙ ඒක එහෙම නොවෙයි මින් පස්සෙ ඇතිවන්නෙ සභ්‍යත්ව ගැටුම් කියා. ඔහු කිවුවෙ මුස්ලිම් සභ්‍යත්වය බටහිර සභ්‍යත්වයට තර්ජනයක් වෙනව කියල. 1995 දි ෆ්‍රුකුයාමා ට්‍රස්ට් (Trust: Social Virtues and Creation of Prosperity (1995)) නමින් පොතක් ලියල තමාගේ 1992 ස්ථාවරය තරමක් වෙනස් කරල සංස්කෘතිය ආර්ථිකයෙන් පැහැදිලි ව වෙන් කරන්න බැහැ කියල කිවුව.

ලෝ වටා ගිය චීනුන් හා දැනුම

 ලෝ වටා ගිය චීනුන් හා දැනුම 

වැලිසර නාවික හමුදා කඳවුරේ පොකුර ඒ නමින් හඳුන්නපු සූර වීර ධීර ජනමාධ්‍යවේදීන් බ්‍රැන්ඩික්ස් පොකුර ඒ නමින් හඳුන්වන්නේ නැහැ. මේ ජනමාධ්‍යවේදීන් උදාර දේශප්‍රේමීන්. බ්‍රැන්ඩික්ස් ආයතනය රටට ගෙනා විදේශ විනිමය සලකලා ඔවුන් ඒ පොකුර මිනුවන්ගොඩ පොකුර ලෙස නගරයේ නමින් හඳුන්වනවා වෙන්න පුළුවන්. මොන තරම් දේශප්‍රේමයක් ද? මොන තරම් නිර්භීතභාවයක් ද? මට නම් ඒ දේශප්‍රේමය ගෑවිලාවත් නැහැ. 

විස්ස කල් දාල කොවිඩ් පරාද කරමු

විස්ස කල් දාල කොවිඩ් පරාද කරමු

මා  ඊයේ ලියූ ලිපිය ඇසුරෙන් සුපුරුදු පරිදි ඒ ඒ අය තමන් කැමති දේ සංස්කරණය කරගෙන. එය නවත්තන්න කිසිවකුටවත් බැහැ. ඊනියා ජාත්‍යන්තරවාදී පඬියන්ට පඬි පෝතකයන්ට පඬි නැට්ටන්ට අනුව ඒ විකාරයක්. ඔවුන් කියන්නේ නැහැ එය විකාරයක් වන්නේ කෙසේ ද කියා. මා ඒ සියල්ලන්ගෙන් ඉල්ලා සිටියා ප්‍රශ්න කිහිපයකට පිළිතුරු දෙන ලෙස. එය එක් පුද්ගලයකුගෙන් කළ ඉල්ලීමක් නො වෙයි. ඒ ප්‍රශ්නවලට ඔවුන්ට කිසි දා උත්තර දෙන්න බැහැ. 

ආශ්‍රිතයන් නිරෝධායනය කරන්න එපා

 ආශ්‍රිතයන් නිරෝධායනය කරන්න එපා

විස්ස ගැන බද්‍යුද්දීන් දෙබෑයන් ගැන පාස්කු ප්‍රහාරය ගැන ජාත්‍යන්තර බලපෑම් ගැන මුස්ලිම් මන්ත්‍රීවරුන් හා ඔවුන් ත්‍රස්තවාදීන් සමග පැවැත් වූ සම්බන්ධකම් ගැන බොහෝ දේ කියන්න තිබුණත් අද වඩා වැදගත් වන්නේ කොවිඩ්. එහෙත් අමරපුර රාමඤ්ඤ නිකාය නමින් නිකුත් වූ නිවේදනය ගැනත් ජාත්‍යන්තර විප්ලවය ගැනත් වචනයක් දෙකක් නොකියා බැහැ. විස්ස ගැන මගේත් ප්‍රශ්න තියෙනවා. මා ඒ ලියා ඇති. එහෙත් අත්තංගනේ හාමුදුරුවන් වැනි හාමුදුරුවරුන් නිකාය නමින් ඒ සම්බන්ධයෙන් නිවේදන නිකුත් කිරීම නිවැරදියි කියා හිතන්න බැහැ. අත්තංගනේ හාමුදුරුවන් යම් දේශපාලන පක්‍ෂයකට හිතවත් බව අප දන්නවා. උන්වහන්සේගේ මතය නිකාය සම්බන්ධ කර ගන්නෙ නැතිව ප්‍රකාශ කළා නම් යහපත්. ඊයේ මහානායක හිමිවරු ඒ ප්‍රකාශය තමන්වහන්සේගේ අනුදැනුමෙන් තොරව කළ එකක් බව නිවේදනය කිරීමත් සමග ප්‍රකාශය හෑල්ලු වුණා. 

අනාථ නාථ

 

කොවිඩ් 19 තියෙනවා ද? ලෙඩ්ඩු ඉන්නවා ද? ඉරිදා දිවයින තියෙනවා ද?

 කොවිඩ් 19 තියෙනවා ද? ලෙඩ්ඩු ඉන්නවා ද? ඉරිදා දිවයින තියෙනවා ද?

බටහිර වෙදකම හැරෙන්න තවත් වෙදකම් තියෙනවා. ඒ ඔක්කොම කවුරු කවුරු හරි මිනිසුන් සකස්කරපු ඒවා. ඒවයේ ඇති ඊනියා සත්‍යයක් නැහැ. සත්‍යය කියන්නෙ ඇති දේට. සත්බව කියන්නෙ ඇති කියන එක. ලෝකය ම අපි සංස්කරණය  කර ගත් දෙයක්. නැත්නම් අප එකිනෙකාගේ ලෝක කියන්නෙ අප සංස්කරණය කර ගත් දේ. එහෙම කියන එකත් හරි නැහැ. දේ කියන්න යමක් තියෙන්න ඕන. අපේ භාෂා මා දන්න තරමින් හදාගෙන තියෙන්නෙ මේ ඇතිබව නැත්නම් සත්බව මුල් කර ගෙන. අපට ඒ සත්බව නැතිව කතා කරන්න ලියන්න හිතන්න සන්නිවේදනය කරන්න බැහැ. ඒක හරි අවුලක්. අවුලක් කිවුවට අවුලත් අපේ ම සංස්කරණයක්. 

බ්‍රැන්ඩික්ස්, කාන්තාව හා කොවිඩ්

 බ්‍රැන්ඩික්ස්, කාන්තාව හා කොවිඩ් 

කොවිඩ් පැරදවීම සඳහා රට ම එක්විය යුතු ය කියා මා කියන්නේ නැහැ. එසේ නොකියන්නේ එය කිසි දා සිදු නොවන නිසා. පහුගිය දා ලක්‍ෂමන් කිරිඇල්ල පාර්ලිමේන්තුවේ කතා කෙළේ එහෙම එක්වන්න නම් නොවෙයි. සජිත්, හරීන්,  ආදීන්ගෙන්වත් අනුර රනිල්දාස (දැන් සජිත්දාස), යටත්විජිත හේරත් ආදීන්ගෙන්වත් එකතුවක් බලාපොරොත්තු වන්න බැහැ. දෙඩුම් ශිල්පී (කවුරු සකස්කළත් අවශ්‍ය පරිදි අපි යොදා ගන්නවා) වමාරන වමාලගෙන් කිසිවක් බලාපොරොත්තු වන්න බැරි ඔවුන්ට දෙඩීම හැර වෙන කිසිවක් කිරීමට බැරි නිසා. මේ සියල්ලන්ට ම අවශ්‍ය පුළුවන් හරි බැරි හරි ආණ්ඩුව පරද්දන්න මිසක් කොවිඩ් පරද්දන්න නොවෙයි. කොවිඩ්ට ආණ්ඩුව පරද්දන්න පුළුවන් නම් ඔවුන් වඩාත් කැමති වෙයි. ආණ්ඩුව පරද්දන්න බැරි නම් වමාලා සිංහල බෞද්ධයන්ට විරුද්ධ ව ආණ්ඩුවේ කොටසක් එක්ක හරි එකතු වේවි. ඒත් වැමෑරීම හැර ඔවුන්ට කරන්න පුළුවන් ඉටිගෙඩියක් නැහැ. 

නොබෙල් සාම තෑග්ග දිනනු පිණිස මාස්ක් නැතිව මාක්ස් සමග

 නොබෙල් සාම තෑග්ග දිනනු පිණිස මාස්ක් නැතිව මාක්ස් සමග

මා එතරම්  බලාපොරොත්තුවක් තියාගෙන හිටියෙ නැහැ 2020 සාම නොබෙල් ත්‍යාගය උකුස්සන් විසින් රැක බලා ගැනෙන හා මෙහෙයවෙන, පණුවන් කන සාම පරෙවියන්ට ලැබේවි කියල. මෙවර එය ලැබිල තියෙන්නෙ එක්සත් ජාතීන්ගේ සංවිධානයෙ ආයතනයක් වන ලෝක ආහාර වැඩසටහනට. ලෝකයේ ආහාර නැති අයට ආහාර දීම ආහාර නැති කම නිසා හිංසාවට පෙළඹෙන ජනතාවට සාමය ගෙන යෑම ආදී කරුණු හේතු පාඨයේ තියෙනවා. ඒවා ඇත්ත ද කියල අහන්න එපා.  පසුගිය වසරවල ප්‍රදානය කෙරුණු සාම නොබෙල් තෑගිවලින් 20%කට වඩා එක්සත් ජාතින්ගේ සංවිධානයේ ආයතනවලට ලැබුණු බව කියනවා. එය හරි ද වැරදි ද කියන්න මා දන්නේ නැහැ. එහෙත් මා දන්න දේ නම් ඔය තැගි දෙන්නෙත් උකුස්සන් ම කියන එක. උකුස්සන් තමන්ගෙ සංවිධානවලට තෑගි දෙන්නෙ නැතිව කාට දෙන්න ද?

නිරෝධායනය, වම හා චීන දූත පිරිස.

 නිරෝධායනය, වම හා චීන දූත පිරිස. 

චීන දූත පිරිසක් ලංකාවට ඇවිල්ල. චීන කොමියුනිස්ට් පක්‍ෂයේ ප්‍රධානියකු වූ හිටපු විදේශ ඇමතිවරයකු ඒ දූත පිරිසේ නායකත්වය දරණ බවයි ආරංචිය. ඉස්සර නම් ලංකාවෙත් චීන කොමියුනිස්ට් පක්‍ෂයක් තිබුණා. ඒකෙ ප්‍රධානියා වුණෙ ශන්මුගදාසන් සහෝදරයා. ඒ දවස්වල බොහෝ විප්ලවවාදීන් හිටියෙ චීන කොමියුනිස්ට් පක්‍ෂෙ. මං කිවුවෙ ලංකාවෙ චීන කොමියුනිස්ට් පක්‍ෂෙ. ඔය අතර විප්ලවය ගැන කතා කරපු අප වගේ කිහිප දෙනෙක් ට්‍රොට්ස්කිවාදී පක්‍ෂවල හිටිය. ඒ ට්‍රොට්ස්කිවාදී පක්‍ෂවල අඩිපාරෙ තමයි අද ඉන්න වමාලා ගිහින් තියෙන්නෙ. අඩිපාරෙ කියන එකෙන් අදහස් කරන්නෙ වැඩක් කෙරුව කියන එක නොවෙයි. කතා කර කර හිටියා කියන එක. ඒකට කතාපාර කිවුවොත් හරි ද? අද වමාලට කියන දෙඩුම් ශිල්පීන් යෙදුම ඉස්සර හිටපු විප්ලවවාදී ට්‍රොට්ස්කිවාදීන්ටත් යොදන්න පුළුවන්. අද ඉන්න දෙඩුම් ශිල්පීන් ට්‍රොට්ස්කිවාදීන් නොවෙන්න පුළුවන්. ඔවුන් ලකාන්, අල්තූසර්, ජිජැක් ආදී එකී නොකී අයගේත් ෆූකෝ ඩෙරීඩා බදියු ආදී මෙකී නොකී අයගේත් මත වමාරන අය වෙන්න පුළුවන්. අද ඉන්න දෙඩුම් ශිල්පීන් දන්නෙ වමාරන්න විතරයි. සමහර විට ඔවුන්ට වමාලා කියන්නෙ වමාරන හින්ද වෙන්න ඇති. 

බ්‍රැන්ඩික්ස් පොකුර හා දුම් හට්ටිය

 

බ්‍රැන්ඩික්ස් පොකුර හා දුම් හට්ටිය

 

ආණ්ඩුව රජයේ වෛද්‍ය නිලධාරීන්ගේ සංගමය කියන විධියට වැඩ කළා නම් බ්‍රැන්ඩික්ස් පොකුර නවත්ත ගන්න තිබුණා කියල කියනවා. මා ඒකට ඇඟලුම් පොකුර වගේ නමක් කියන්න යන්නෙ නැහැ. බ්‍රැන්ඩික්ස් මෙයට වග කිවයුතු වුණත් නැතත් පොකුරේ මුල එතැන වෙන්න ඕන. මා ඒකෙන් කියන්නෙ පළමු වැනි රෝගියා හමුවුණේ එතැනින් කියන එක නොවෙයි. පොකුරේ ව්‍යාප්තිය බ්‍රැන්ඩික්ස් හරහා සිදු වී ඇති බව පැහැදිලියි.

කොවිඩ් හා කළු කුහර

 

කොවිඩ් හා කළු කුහර

 

ඊයේ මගේ එක් බලාපොරෙත්තුවක් බිඳ වැටුණු දවසක්. ඒ බටහිර වෙදකම/භෞතවේදය පිළිබඳ නොබෙල් තෑග්ග රජයේ වෛද්‍ය නිලධාරී සංගමයට නොලැබීම නිසා. මා බටහිර වෙදමහත්තුරු ගැන කී දේට සමහර බටහිර වෙදමහත්තුරුන්ට හා වෙදහාමිනේලාට කේන්ති ගිහින්. එහෙම වෙන එක පුදුමයකුත් නො වෙයි. ඒ ගැන පස්සෙ කතා කරමු. අද මා හීනෙන්වත් නොසිදූ හොඳක් සිද්ධ වෙලා. ඔක්ස්ෆර්ඩ් විශ්වවිිද්‍යාලයෙ රොජර් පෙන්රෝස්ට 2020 භෞතික විද්‍යාව පිළිබඳ නොබෙල් තෑග්ගෙන් බාගයක් හිමිවෙලා. මෙවර භෞතික විද්‍යාව පිළිබඳ නොබෙල තෑග්ග තුන්දෙනකුට හිමිවෙලා. ඒ කළු කුහර ගැන ඔවුන්ගේ අධ්‍යයනවලට. පෙන්රෝස්ට හිමිවෙලා තියෙන්නෙ කළු කුහර සම්බන්ධයෙන් ඔහුගේ ප්‍රවාදාත්මක අධ්‍යයනයකට. අනෙක් දෙදෙනාට තෑග්ගෙ ඉතුරු භාගය හිමිවෙලා තියෙන්නෙ කළු කුහර පිළිබඳ කරන ලද නිරීක්‍ෂණ සම්බන්ධයෙන්. පඬි නැට්ටකු කියන්න පුළුවන් මා නොබෙල් තෑගි අගය කරනවා කියා. නැහැ මා ලෝකයේ සිදුවන අගය කිරීම් ගැන කියනවා පමණයි

බිඳ වැටුණු බලාපොරොත්තුව

 

බිඳ වැටුණු බලාපොරොත්තුව 

අද උදේ මගේ එක් බලාපොරොත්තුවක් බිඳ වැටුණා. මා හිතාගෙන හිටියේ 2020 බටහිර වෙදකම/භෞතවේදය පිළිබඳ නොබෙල් ත්‍යාගය කොවිඩ් 19 පැතිරීම ගැන එදා සිට අද දක්වා ආණ්ඩුවට උපදෙස් දෙන රජයේ වෛද්‍ය නිලධාරි සංගමයට ලැබේවි කියා. ඔවුන් ඒ සම්බන්ධයෙන් කර ඇති කාර්යය අති උදාරයි. ජනමාධ්‍ය ඔවුන්ට ලබාදෙන ප්‍රචාරය නොවන්නට ඔවුන්ට ඒ කාර්යය ඉටු කිරීමට නොහැකි වීමට තිබුණා. ඔවුන් එකල පීසීආර් පරීක්‍ෂණ වෙනුවට වෙනත් පරීක්‍ෂණ කරන්න කිවුවා. දැන් කියනවා පීසිආර් පරීක්‍ෂණ ප්‍රමාණය මදිය කියා. මොන තරම් දෙයක් ද? 2020 අදාළ නොබෙල් ත්‍යාගය හෙපටයිටිස් සී වයිරසය හොයා ගත්තා යැයි කියන තුන්දෙනකුට හිමි වෙලා. ඔය හොයාගැනීම් ගැන මා කියන්නේ නැහැ. අර ඉලෙක්ට්‍රෝනය හොයා ගත්තෙ කවු ද? දැන් කියන්නෙ ඉලෙක්ට්‍රෝන තියා මොන අංශුවක් වත් නැහැ කියල. දැන් තියෙන්නෙ ක්‍ෂෙත්‍ර! ඔය ජනප්‍රිය විද්‍යා කතන්දර පොතක ක්වොන්ටම් ක්‍ෂෙත්‍ර ප්‍රවාදය (Quantum Field Theory) ගැන කියැවෙන්නෙ නැද්ද? 

ඒත් මගේ තවත් බලාපොරොත්තුවක් තියෙනවා. ඒ 2020 සාම නොබෙල් ත්‍යාගය අර පණුවන් කන සාම පරෙවියන්ට ලැබේවි කියා. එය දැනුම් දෙනකන් මා නොඉවසිල්ලෙන් බලා ඉන්නවා. සාම පරෙවියන් සිංහල බෞද්ධ සංස්කෘතියට විරුද්ධයි. ඔවුන්ට අවශ්‍ය සිංහල බෞද්ධ හරපද්ධතිය විනාශ කරන්න. ඒ අර උකුස්සන් වෙනුවෙන්. පරෙවියන්ට තමන්ගෙ අවශ්‍යතාව   කෙලින් කියන්න හයියක් නැහැ. ඒ නිසා සමහර තැන්වල සිංහල බෞද්ධ මූලධර්මවාදයක් ගැන අන්තවාදයක් ගැන කියනවා. මූලධර්මවාදය හරි අන්තවාදය හරි කියන්නෙ මොකක් ද කියල පැහැදිලි කළා නම් හොඳයි. මෙරට බොහෝ සිංහල බෞද්ධයන් නම් මා යක්‍ෂයන් මනස ආදිය ගැන කියන දේ සමග එකඟ වන්නේ නැහැ. ඒ මා මූලධර්මවාදියකු නිසා නම් නො වෙයි. ඒකට කමක් නැහැ අද වමක් නැහැ. නව වමාල බිහිවුණෙ අසුවෙ දශකයෙ. වම නැතිවුණාට පස්සෙ. අර මුලදි X කණ්ඩායම හැදුවෙ. ඒකට සිංහල බෞද්ධ හර පද්ධතිය විනාශ කරන්න උත්සාහ කරන මංගල ආධාර කෙළෙ.  අපි ඒ ගැන පස්සෙ කතා කරමු. 

වමාලා ගැන කතාවක්

වමාලා ගැන කතාවක්

ජනාධිපති ගෝඨාභය රාජපක්‍ෂ නිවේදනයක් නිකුත් කරල තිබුණ තමා බද්‍යුද්දීන් සමග ඩීල් දේශපාලනයක නොයෙදෙන බව කියා. එය ඉතා වැදගත්. ඒ ගැන අප එතුමාට කෘතඥ වනවා පමණක් නොවෙයි. ඒ නිවේදනයෙන් කියැවෙන්න මුසාවක් නොවන බවත් අප දන්නවා.

ඩීල් දේශපාලනය කරළියට ඇවිත්

 ඩීල් දේශපාලනය කරළියට ඇවිත්

උකුස්සන් විසින් ඇති කෙරී රැක බලාගැනෙන, පණුවන් කන සාම පරෙවියන් තමන් බව තේරුම් ගැනීමට ශක්තියක් නැති ඇතැම් වමාලා ජිජැක් මගින් ජාතිකවාදය තේරුම් ගන්න උත්සාහ ගන්නවා. සිංහලෙන් ලියන දේ තේරුම් ගැනීමට නොහැකි පඬි නැට්ටන්ගේ ඉංගිරිසි දැනුම විශ්මය ජනකයි. ඒ කුමක් වුවත් ජිජැක්ටත් වමාලාටත් මොනව හරි ලියනව කියනව හැරෙන්නෙ වෙන කරන්න දෙයක් නැහැ. දැන් වමක් ඇත්තෙත් නැහැ. නැති වමකට සම්ම ජාතියේ නොවෙයි සාරාසංඛ්‍ය කල්ප ලක්‍ෂයකටවත් බලයට එන්නත් බැහැ. වමාලා ජාතික කඳවුර ගැන කරදර නොවී වම නැති වුණේ මොකද කියල හොයල බලනව නම් හොඳයි. අර තමන්ගෙ ඇහේ තියෙන පොල් පරාලෙ පේන්නෙ නැතිව අනෙකුකගේ ඇහේ තියෙන පොල් කෙන්ද ගැන කතා කිරීම තමයි වමාලා කරන්නෙ. 

මැනලයි ක්‍ෂීර කිරි දෙන්නේ මා ඔබට

 මැනලයි ක්‍ෂීර කිරි දෙන්නේ මා ඔබට  

මා මැනල ද පුතේ කිරි (පොල්) දුන්නේ මා උඹට ලිපිය ලියල අත ගන්නත් කලින් ජ වි පෙරමුණේ (මොන බලය වුණත්, වමාලා ටිකක් සහාය දුන්නත් ඒක ජ වි පෙ) මන්ත්‍රිණී හරිනි කියල කාන්තාවන්ට ගෙදර දොර වැඩ කරනවාට වැටුපක් ගෙවන්න ඕන කියල. ඒකට තරමක දිග උත්තරයක් දෙන්න ඕන. මේක ආරම්භයක් පමණයි. මා කලක සිට කියන දෙයක් තමයි කාන්තාවන් රැකියාවකට නොගොස් ගෙදර ඉන්දවීම සඳහා දීමනාවක් ලබා දිය යුතු බව. එයට වැටුපක් ද නැද්ද කියන එක වෙන ම කතාවක්. අප ජීවත් වන්නේ බටහිර නූතනත්ව ක්‍රිස්තියානි සමාජයක නිසා වැටුප කීවත් දීමනාව කීවත් කමක් නැහැ.

පොපර් මාක්ස්වාදය දැක්ක හැටි

 පොපර් මාක්ස්වාදය දැක්ක හැටි   

වමාලා මගේ දැනුම ගැන මට කරන්න පුළුවන් දේ ගැන කරදර වෙනවා. මා කියල තියෙනව මම විද්‍යාඥයකු වෙන්න ගිහින් බැරුව ආපු අයෙකු කියල. ඒ වගේම මා උගතකුවත් බුද්ධිමතකුවත් වියතකුවත් නො වෙයි කියල. මා විශ්වවිද්‍යාලයක ආචාර්ය කමකට  සුදුසු නැති නිසා වෙන්න ඕන දෙවැනි වර මා පේරාදෙණියට නොගත්තෙ. ජේ ආර් ජයවර්ධනට පින් සිද්ද වෙන්න පසුව කොළඹ විශ්වවිද්‍යාලෙ රස්සාවක් හම්බ වුණා. පසුව ජී එල්, ලක්‍ෂමන්, ඈපාසිංහ, සමරනායක දැන ගත්තා මා සුදුසු නැහැ කියල. ඊට පස්සෙ නඩු කීයල නීතිය ආධාර කරගෙන කැලණියේ රස්සාවක් ගත්තා. ඒකෙන් අස් කරන්න ඔන්න මෙන්න තියෙද්දි විශ්‍රාම ගියා. මට වෙන රස්සාවක් කරන්නත් බැහැ. ඒ නිසා රස්සාවක් නැතිව ගෙදර ඉන්න එක ඇරෙන්න මට කරන්න දෙයක් තිබුණෙත් නැහැ.

චීනය ඉන්දියාව හා ක්‍ෂමා ආයතනය

 චීනය ඉන්දියාව හා ක්‍ෂමා ආයතනය

පසුගිය දා අක්තපත්‍ර ප්‍රදානය කිරීමට පැමිණි තානාපතිවරුන් හතර දෙනාට ජනාධිපති ගෝඨාභය රාජපක්‍ෂ හොඳ ප්‍රකාශයක් කර තිබුණා. එය  ඇතැම් වෙබ් අඩවියක වාර්තා වූයේ මෙසේයි. “ත්‍රස්තවාදය නිසා ආර්ථිකය පරිහානියට ගියා. ඉක්මන් සංවර්ධනයක් සඳහා අපට විදේශ ආධාර අවශ්‍ය වුණා. මෙරට සංවර්ධන ව්‍යාපෘතිවල ආයෝජනය කිරීමට චීනය ඉදිරියට පැමිණියා. අප දෙරට අතර සිදු වූයේ ගනුදෙණුවක්. එහෙත් ඇතැම් පිරිස් මේ සබඳතාව විග්‍රහ කළේ චීනයට පක්ෂපාතී වීමක් ලෙස. ශ්‍රී ලංකාව හැම රටක් සමගම මිතුරුයි”