සිංහල ලිත් ඉලක්කම්
ඉංගිරිසියෙන් ඉගෙනීම හා ඉංගිරසි ඉගෙනීම
මා ඊයේ ලියූ "ලිපිය" කිහිප දෙනකුට තේරිලා නැහැ. එය පුදුමයක් නො වෙයි. සමහර දෙනකු ලිපි කියවන්නේ මා ගැන ඇති කර ගත් පූර්ව නිගමන සමගයි. මේ අය හිතන් ඉන්නේ මා ඉංගිරිසි ඉගෙනීමට විරුද්ධය කියා. එහෙම හිතන එක මට තේරෙනවා. මා කොළඹ විශ්වවිද්යාලයේ උගන්වන කාලයේ ජාතික චින්තනයට විරුද්ධ අය, ඔබ්සර්වර් සිළුමිණ පුවත්පත් ද ඇතුළුව, කියා සිටියේ මා ඉංගිරිසි ඉගෙනීමට විරුද්ධය කියා. මා සමග කොළඹ විශ්වවිද්යාලයෙහි සිටියේ යැයි කියන පුද්ගලයකු නැවතත් ඒ කතාව කියනවා. මා කොළඹ විශ්වවිද්යාලයෙහි එකල සිටි සියල්ලන් දන්නේ නැහැ. සමහරුන් හිතනවා ඇති මා ඔවුන් දැන සිටියා කියා. එහෙත් එහෙම නොවෙයි. මා බොහෝ දෙනකු දැන සිටියත් සියල්ලන් දැන සිටියේ නැහැ.
