සිංහල ලිත් ඉලක්කම් ගෝඨාගමනය
අද අගෝස්තු දොළොස්වැනි දා. මගේ පරණ සමසමාජ සම්බන්ධකම් සමග මට පනස්තුනේ හර්තාලය මතක් වෙනවා. ඇතැමුන්ට අනුව හර්තාලයේ ප්‍රතිඵලයක් ලෙස ඩඩ්ලි සේනානායක අගමැති කමෙන් ඉවත් කෙරුණා. ඒ අය ඒ බව පවසන්නේ ජයග්‍රහණයක් ලෙසයි. එහෙත් එහි වෙනත් දෙයක් තිබුණා. හර්තාලය නිසා ජෝන් කොතලාවල හෙවත් සර් ජෝන් අගමැති කෙරුණා. බොහෝ දෙනාට ඒ පැත්ත නොපෙනෙන්නේ ඇයි ද යන ප්‍රශ්නය තියෙනවා. පනස්හය ඇති වුණෙත් හර්තාලය නිසා යැයි කියන්න සමහරු පෙළඹෙනවා. ඒත් පනස්හයෙන් පසුව වම පරිහාණියට පත් වූ වගත් ඔවුන්ට අමතක වෙනවා. අද මෙරට වමක් නැහැ. වමේ පරණ නායකයන් නම් ඉන්නවා.
