Main Logo

Tuesday 1 March 2011

ධනේශ්වරය හා සිංහල බෞද්ධ ආධිපත්‍යය – 3

බටහිර රටවලට ගොස් හෝ එලෙස ගිය අයගේ අනුගාමිකයන් බවට පත්වීමෙන් හෝ මාක්ස්වාදීන් බවට පත්වූවන්ගේ මුල් පිරිසට සිංහල බෞද්ධ ආධිපත්‍යය ගැන හැඟීමක් නො වී ය. එයට හේතුව ඔවුන්ට එවැනි සංකල්පයක් නො වීම ය. සංකල්පනය හා සංජානනය එකිනෙක සමග බැඳී ඇත. මාක්ස්වාදීන් ලෙස ඔවුන්ට ජාතිය යන සංකල්පය ද නො වී ය. ඔවුන්ට ද තිබුණේ ධනවාදී බුද්ධිමතුන්ගෙන් ලබාගත් ඊනියා ජාතික රාජ්‍යය පිළිබඳ සංකල්පය ඇසුරෙන් ලබාගත් අවුල් අදහස් කිහිපයක් පමණකි. ස්වයංනීර්ණ අයිතිය වැනි අදහස් බංකොලොත් මාක්ස්වාදය විසින් ධනවාදීන්ගෙන් ලබාගත් අදහස් පමණක් විය. එහෙත් ඒ අදහස් වුව ද ලංකාවෙි මුල් මාක්ස්වාදීන් විසින් යොදාගනු නො ලැබිණි. අධිරාජ්‍යවාදයෙන් නිදහස් වීම හා සමාජවාදය ඇතිකිරීම ඔවුන්ගේ ප්‍රධාන අරමුණ විය. එහෙත් ඒ පිළිබඳ ව ඔවුන් එකිනෙකා අතර තිබුණේ එකම අදහසක් නො වෙි. ඔවුන්ගෙන් වැඩි දෙනෙක් බටහිර පන්නයේ සමාජ ප්‍රජාතන්ත්‍රවාදීහු වූහ. තවත් කිහිප දෙනෙක් පොතේගුරු විප්ලවවාදීහු වූහ. කෙසේ වුවත් ඔවුහු ඊනියා කමිකරු පංති ආඥාදායකත්වයෙන් රජයක් පිහිටුවීමෙි අදහස වෙිදිකාවලින් ප්‍රකාශ කළහ.

මාක්ස්වාදීන් මැලේරියා මර්දන ව්‍යාපාරයට සහභාගි නොවන්නට හා මුල් නායකයන් ප්‍රභූන්ගෙන් පුතුන් නොවන්නට ඔවුන් මෙරට දේශපාලනයෙහි එතරමි කලක් රැඳී නොසිටින්නට ඉඩ තිබිණි. කැලණි ගඟ දෙපැත්තේ හතර කෝරළයේ හා හේවාගමි කෝරළයේ ඇන් ඇමි පෙරේරා හා පිලිප් ගුණවර්ධන යන මහතුන් දෙදෙනා ජනප්‍රිය වූයේ ඔවුන් කමිකරු පංතියේ නායකත්වයෙන් විප්ලවයක් කිරීමට තැත්කළ නිසා නො වෙි. ඇන් ඇමි පෙරේරා මහතා හතර කෝරළයේ පරිප්පු බෙදූ පරිප්පු මහත්තයා වූ අතර පිලිප් ගුණවර්ධන මහතා බොරලුගොඩ රාළහාමිගේ අධිරාජ්‍ය විරෝධී පුතා විය. ඇන් ඇමි පෙරේරා මහතා එංගලන්තයට නොයන්නට සමාජවාදියකු නොවීමට ඉඩ තිබිණි. එකල එංගලන්තයේ ඉගෙන ගත් බොහෝ තරුණයන්ට මෙන් ම ඒ මහතාට ද අධිරාජ්‍යවාදය ඇඟට දැනෙන්නට එංගලන්තයට යෑමට සිදුවිය. එසේ එංගලන්තයේ දී ඇඟට දැනුුණු එහෙත් ලංකාවෙි දී ඒ එතරමි නොදැනුණු මෙි තරුණයන්ට ඉන් ගොඩ ඒම සඳහා තිබූ “මාවත” වැටී තිබුණේ එංගලන්තයේ දී දැනගන්නට ලැබුණු මාක්ස්වාදය ඔස්සේ ය. පිලිප් ගුණවර්ධන මහතා එසේ නො වී ය. ඒ මහතා උසස් අධ්‍යාපනය සඳහා ඇමරිකාවට යෑමට පෙර ම අධිරාජ්‍ය විරෝධියෙක් විය. ඔහුට බොරලුගොඩ රාළහාමිගෙන් උරුම වූ ජාතිකත්වයක් විය. ඒ ජාතිකත්වය විසින් ජාතිකත්වයක් නැති මාක්ස්වාදයේ පතපොත පුස් කෑ පොත් ලෙස හඳුන්වනු ලැබීම මෙරට මාක්ස්වාදයේ වැටීම සනිටුහන් කෙළේ ය. පිලිප් ගුණවර්ධන මහතා මෙරටට මාක්ස්වාදය හඳුන්වා දුන්නා පමණක් නො වෙි. මාක්ස්වාදයේ මළගම ද සනිටුහන් කළේ ය. පිලිප් ගුණවර්ධන මහතාට මාක්ස්වාදයේ ඉරණම ගැන අවබෝධයක් ඇති වූයේ ඒ මහතා මෙරට බෙහෙතකටවත් සොයා ගැනීමට නොහැකි ඊනියා කමිකරු පංතියෙන් බැහැරව ජාතිකත්වයට යොමුවීමත් සමග ය.

මැලේරියා මර්දන ව්‍යාපාරයට සභභාගි නොවන්නට බොහෝ මාක්ස්වාදීන් ගැන මෙරට ජනතාව දැනගැනීමට ඉඩක් නො තිබිණි. ඔවුහු තමන් කියවූ මාක්ස්වාදය අනුව වරායේ බස් සමාගමිවල හා විදේශිකයන් සතුව තිබූ සමාගමිවල ඊනියා කමිකරු පංතිය දුටුවෝ ය. ඔවුන් කමිකරු පංතිය ලෙස දුටුවෙි ගමෙන් කොළඹට පැමිණ කමිකරුවන් වූ ගැමියන් පිරිසකි. ඒ කමිකරුවන් වූ ගැමියන් අතර ඊනියා කමිකරු පංති හැඟීමක් නො වී ය. ඔවුන්ගේ පංති හැඟීම වෘත්තීය සමිතියට සීමා විය. වැඩ ඇරී ගමට ගිය වහා ම මෙි කමිකරුවෝ සිංහල ගැමියෝ වූහ. ඔවුන්ගේ සිංහලකම තේරුමි ගැනීමට මාක්ස්වාදයේ පොතක් නො වී ය. විශේෂයෙන් ම ට්‍රොටිස්කිවාදයේ කිසිම ලියවිල්ලක් නො වී ය. එහි තිබුණේ ජාතිකත්වය යනු ව්‍යාජ විඤ්ඤාණයක් බව කියන බහුබූත ප්‍රකාශ කිහිපයක් පමණකි. ලෙනින් ස්ටැලින්වාදයත් එහි ප්‍රභේදයක් වූ මාඔිවාදයත් යමි ජාතිකත්වයක් සොයා ගිය මුත් මාක්ස් ට්‍රොටිස්කිවාදයට ජාතිකත්වය නයාට අඳුකොළ මෙන් විය. ලංකාවෙි ඇතැමි ට්‍රොටිස්කිවාදීන් හා ඉන් ආභාසය ලැබුවන් මෙරට සංස්කෘතියෙන් කෙතරමි ඉවත්ව ගියේ ද කිවහොත් ඔවුහු වතුකරයේ ඉන්දීය සමිභවයක් ඇති කමිකරුවන් ලංකාවෙි කමිකරු පංති විප්ලවයේ අපි කේන්ද්‍රය ලෙස දුටුවෝ ය. අපි කේන්ද්‍රය යන්න සිංහලයේ භාවිතාවන වචන නො වෙි. ඒ ඉංගිරිසියෙන් සිතූ මාක්ස් ට්‍රොටිස්කිවාදියාගේ එපි සෙන්ටර් යන යෙදුමෙි සිංහල නොවන සිංහල පරිවර්තනය වෙයි. තොන්ඩමාන් ඊනියා අපි කේන්ද්‍රය සංවිධානය කළ පසු එහි කමිකරු පංති විප්ලවයට තබා ඊනියා වාමාංශික වෘත්තීය සමිති ව්‍යාපාරයටවත් ඉඩක් නො ලැබිණි. දෙමළ කතාකරන ඊනියා අපි කේන්ද්‍රය ඔස්සේ මෙරට සිංහල බෞද්ධ බහුතරය විප්ලවයට කැඳවීමට සිහින බැලූ මාක්ස්වාදීන්ට අද අනෙක් පළාත්වල මෙන් ම අපි කේන්ද්‍රයේත් ඇපත් නැත.

මාක්ස්වාදය යනු බොහෝ කරුණු අතින් ෆැසිස්ටිවාදයේ නිවුන් සොහොයුරා බව කීම බොහෝ මාක්ස්වාදීන්ට රුස්සන්නක් විය නො හැකි ය. ෆැසිස්ටිවාදයේ මිලේචිඡභාවයත් මාක්ස්වාදයේ මානුෂිකත්වයත් ගැන ඔවුන් පුස් කෑ පොත්වලින් කරුණු ඉදිරිපත් කරමින් කියනු ඇත. එහෙත් මාක්ස්වාදයේ කියැවෙන විප්ලවයේ නාමයෙන් මරණ ලද සාර් රජ පවුලේ කුඩා දරුවාගේ සිට චීනයේ නැගෙනහිර යුරෝපයේ මිනිස් ඝාතන ගැන ඔවුන් නිහඬ වනු ඇත. එසේත් නැත්නමි ට්‍රොටිස්කිවාදීන් කියනු ඇත්තේ ඒ ස්ටැලින්වාදීන්ගේ හා මාඔිවාදීන්ගේ ක්‍රියා මිස ඔවුන්ගේ ක්‍රියා නොවන බව ය. එහෙත් මෙි ට්‍රොටිස්කිවාදීන් සිරභාරයේ සිටි සාර් රජපවුල මරාදැමීම යුක්තියුක්ත කරන ට්‍රොටිස්කිගේ ලියකියවිලි කියවා නොමැති විය හැකි ය. අද ඊනියා සිංහල හමුදාවට එරෙහිව යුද්ධාපරාධ චෝදනා ගෙන ඒමට සූදානමි ට්‍රොටිස්කිවාදීන්ට ඒ ලිපි කියවීමෙන් මානසික අසහනයක් වෙි යැයි සිතන්නේ නමි ඒවා තවදුරටත් නොකියවා සිටිය හැකි ය. එසේත් නැත්නමි ග්‍රැමිස්කිගේ හෙජමනිය ගැන නැවත කියවීමෙන් ඊනියා සිංහල බෞද්ධ ආධිපත්‍යයට උඩින් බටහිර ක්‍රිස්තියානි නූතනත්වය ක්‍රියාත්මක වන්නේ කෙසේ ද පිළිබඳ ඊනියා වෙනත් කියවීමක් ලබාගැනීමට උත්සාහයක් දැරිය හැකි ය. ෆැසිස්ටිවාදය මාක්ස්වාදයේ නිවුන් සොහොයුරා බව පෙනී යන්නේ මතුපිට ලක්‍ෂණවලට වඩා ගැඹුරින් ඒවා ගැන හැදෑරීමෙනි. මෙි වාද දෙකම ජර්මනියෙහි ඇති වීම පුදුමයට කරුණක් නො වෙි. බටහිර යුදෙවි ක්‍රිස්තියානි චින්තනය විසින් පරාජය කෙරුණ ද කතෝලික චින්තනය ජර්මනියේ විසිවැනි සියවසේ දීත් යමි පමණකින් තිබිණි. අයින්ස්ටයින් විද්වතා මිලිටරි සංස්කෘතියක් ලෙස දුටුවෙි මෙි කතෝලික චින්තනය හා බැඳුණු සංස්කෘතිය ය. බටහිර ක්‍රිස්තියානි නූතනත්වයේ කොටස්වලටවත් අභියෝගයක් එල්ල කිරීමට සමත් වූ බටහිර යුරෝපීය රට ජර්මනිය විය. කතෝලික චින්තනය මත පදනමි වූ ජර්මනියෙන් බිහි වූ මාක්ස්වාදයත් ෆැසිස්ටිවාදයත් බටහිර ක්‍රිස්තියානි නූතනත්වයේ යමි යමි අංගවලට පමණක් අභියෝග කළේ ය. ධනවාදය යනු බටහිර ක්‍රිස්තියානි නූතනත්වයේ එක් අංගයක් පමණකි. බටහිර ග්‍රී්‍රක යුදෙවි ක්‍රිස්තියානි චින්තනයෙහි පරිසමාප්ත නිර්මාණය වූ ඇල්බටි අයින්ස්ටයින් විද්වතා ජර්මනිය දුුටුවෙි දැඩි මිලිටරි සංස්කෘතියකට යට වූ රටක් ලෙස ය. ඔහු තරමි බටහිර යුදෙවි ක්‍රිස්තියානි සංස්කෘතිය නියෝජනය කළ වෙනත් අයකු ගැන සිතීමට නො හැකි ය. ඔහුට ජර්මනිය හා එහි සංස්කෘතිය ගැන පමණක් නොව බටහිර ග්‍රීක යුදෙවි ක්‍රිස්තියානි චින්තනයට විරුද්ධව යන ක්වොන්ටමි භෞතික විද්‍යාව ගැනත් ප්‍රසාදයක් නො වී ය. ඔහු ද එම චින්තනයෙහි පොල්මඃකාර උරුමක්කාර වෙනත් බටහිර භෞතික විද්‍යාඥයෝ ද ක්වොන්ටමි භෞතික විද්‍යාව අසමිපුර්ණ දැනුමි පද්ධතියක් ලෙස සලකති. ඒ බව මෙරට විද්‍යාඥයන් නොදන්නේ නමි එයට හේතුව ඔවුන් විද්‍යාඥයන් නො වීම ය. නියැදි එකතු කිරීම, ඊනියා විධි ක්‍රමයක් අනුගමනය කිරීම හා තාක්‍ෂණික ශිල්පීන් කරන කටයුතු කිරීම හැරෙන්නට ඉඳහිට සංඛ්‍යානාත්මක විශ්ලේෂණයක යෙදෙන මොවුන් වි්‍යාඥයන් ලෙස පෙනී සිටින්නේ ඔවුන්ට වඩා හොඳ බටහිර ක්‍රිස්තියානි නූතනත්වයේ නියෝජිතයන් මෙරට නොමැති බැවිනි. ග්‍රීක යුදෙවි ක්‍රිස්තියානි චින්තනය යනු කුමක් දැයි ඔවුහු නො දනිති. එයට හේතුව චින්තනය යනුවෙන් සංකල්පයක් තබා සුසමාදර්ශය යනුවෙන්වත් සංකල්පයක් තිබෙි දැයි ඔවුන් නො දැනීම ය. සුසමාදර්ශය ගැන බොහෝ දෑ කියැවෙන තොමස් කූන්ගේ ස්ට්‍රක්චර් ඔෆ් සයන්ටිෆික් රෙවල්‍යුෂන් නමි පොත කියවූ මෙරට විද්‍යාඥයන්ගේ ප්‍රතිශතය එකට අඩු විය යුතු ය.

ලංකාව යනු බටහිර යුදෙවි ක්‍රිස්තියානි නූතනත්වයට මුළුමනින් ම මෙල්ල කළ නොහැකි වූ තවත් රටක් බව මා සඳහන් කරන්නේ මහත් අභිමානයෙනි. එයට ප්‍රධාන වශයෙන් ම පාදක වී ඇත්තේ ගැමුණු කුමරු මෙරට ප්‍රතිස්ථාපනය කළ සංස්කෘතිය හා චින්තනය ය. අපි අද එය සිංහල බෞද්ධ සංස්කෘතිය හා සිංහල බෞද්ධ චින්තනය ලෙස හඳුන්වමු. අද බටහිර ක්‍රිස්තියානි නූතනත්වයේ විවිධ පඬියන්ගේ ඇස්වල ඇනෙන කටුවක් බවට පත් වී ඇත්තේ මෙි සිංහල බෞද්ධ චින්තනය හා සංස්කෘතිය ය. ඔවුන් එය සිංහල බෞද්ධ ආධිපත්‍යය ලෙස හඳුන්වන්නේ ඔවුන්ගේ ආධිපත්‍යයට ඉන් ඇතිවෙන අභියෝගය මැඩීම සඳහා පසුබිම සකස්කර ගැනීමට ය. අපි අද ඒ සංස්කෘතිය හා චින්තනය නැවතත් වඩා ස්ථාවර ව තහවුරු කිරීමට කටයුතු කරන්නෙමු. ඒ සඳහා නැවතත් ගැමුණු කුමරුගේ ආධ්‍යාත්මික ශක්තිය අපි බලාපොරොත්තු වෙමු. අද බටහිර රටවල් මුස්ලිමි ලෝකයෙහි ඊනියා ජනතා විරෝධතා ඇතිකරමින් විවිධ බලපෑමි කරනු දැකිය හැකි ය. බටහිරයන් රාජ්‍ය නොවන සංවිධාන හා රනිල් මොන සිහින මැවිවත් ලංකාවෙි ඊනියා සිංහල බෞද්ධ ආධිපත්‍යයකට එරෙහිව එවැනි ජනතා බලපෑමි ඇතිකළ නො හැකි ය.