ජනතාව රවටන දේශපාලනඥයෝ හා ජඩමාධ්ය
ඊනියා සංහිඳියාව කියන එක අද නැත්තට ම නැති වෙලා. මෛත්රිපාල හා රනිල් අතරත් සංහිඳියාවක් නැහැ. ඒ නැති වෙලා දැන් අවුරුදු තුනකට වැඩියි. එදා සිට ඇත්තේ ආණ්ඩු දෙකක්. ඒ බව තේරුම් ගැනීමට ඒකාබද්ධ විපක්ෂයට බැරි වුණා. රනිල් ඉවත් කිරීම ප්රධාන කටයුත්ත බවට පත් වී තිබිය දී ඒකාබද්ධ විපක්ෂයේ ඇතැමුන් රනිල් රැක්කා. අවසානයේ දී බැරි ම තැන මහින්ද අගමැති කිරීමට සිදු වුණා. එහෙත් ඒ ඔක්තෝම්බර් විසිහය ආණ්ඩුව රැක ගැනීමට එකී ඒකාබද්ධ විපක්ෂයේ ම ඇතැමුන් උත්සාහ ගත්තේ නැහැ. ඔවුන්ට වඩා අවශ්ය වූයේ රිෂාඩ් බද්යුද්දීන්ගේ පක්ෂය රැක ගැනීම.
