මුතුකුඩ හා ඊනියා තුන්වැනි ලෝකයේ මළකඳන්
බොහෝ දේ ලිවීමට තිබුණත් මේ ලිපිය ප්රමාද කිරීමට බැහැ. මුතුකුඩ නාට්ය
ගැන අදහස් කිහිපයක් යනුවෙන් පළ වූ ලිපියට ප්රතිචාර දැක් වූ පඬි පෝතකයකු මේ
මුතුකුඩ ගැන දැයි අසා තිබුණා. පඬියන් හා පඬි පෝතකයන් මගේ ශෛලිය තවමත් දන්නේ
නැත්නම් එයින් කියැවෙන්නේ ඔවුන්ගේ අල්තාර ශෛලියයි. මගේ ශෛලිය හාමුදුරුවරුන්ගේ බණ
ශෛලිය මිස අල්තාර ශෛලිය නො වෙයි. හාමුදුරුවන් ධර්ම දේශනා කරන්නේ ඇතැම් විට යම්
සූත්ර පාඨයක් ගෙන හැර දක්වමින්. එහෙත් උන්වහන්සේලා ඒ වටා තවත් බොහෝ කතා දේශනා
කරනවා. කාට හරි හිතෙන්න පුළුවන් ඒ කතා සූත්ර පාඨයට අදාළ නැහැ කියලා. එහි අදාළත්වය
තේරුම් ගන්නට අල්තාර ශෛලියෙන් බැහැර වෙන්න ඕන. මේ ශෛලි අතර වෙනසත් රේඛීය හා චක්රීය
චින්තන අතර තවත් වෙනසක්.
