බටහිර වෙදමහතුන්ට ප්‍රශ්නයක්

෦ ෧ ෨ ෩ ෪ ෫ ෬ ෭ ෮ ෯

                                                   සිංහල ලිත් ඉලක්කම්

0  1   2    3    4   5  6  7  8  9

බටහිර වෙදමහතුන්ට ප්‍රශ්නයක්

ඊයේ එක් නිවේදකයකු පූර්ව පශ්චාත් කොවිඩ් හරි කොරෝනා හරි යුගයක් ගැන කතා කරනවා ඇහුණා. ඒ සමග ම මෙන් සෞඛ්‍ය අධ්‍යක්‍ෂ ජෙනරාල් ජාසිංහත් ඒ කතාව කියනවා ඇසුණා. මා දන්නේ නැහැ මේ ප්‍රකාශයේ නිර්මාතෘවරයා කවුද කියා. ඔහු පශ්චාත්නූතනවාදියකු ද පශ්චාත්තාපවාදියකු ද වෙනත් පශ්චාත්වාදියකු ද කියා දන්නේ නැහැ. මේ රටේ විවිධ පශ්චාත්වාදීන් ඉන්නවා. ඒ කොහොම වුණත් අර නිවේදකයාට හා සෞඛ්‍ය ජෙනරාල්ට (ජෙනරාල්ලා හමුදාවෙන් පිටත් ඕන තරම් ඉන්නවා) කියන්න ඕන වුණේ කොරෝනාව (කොවිඩ්) ඉවර බවත් එසේ ඉවර වීමෙන් පසු අප එහි පළමු අදියරේ ඉන්න බවත් වෙන්න පුළුවන්. 

කොවිඩ් පැරදවීම

෦ ෧ ෨ ෩ ෪ ෫ ෬ ෭ ෮ ෯

                                                       සිංහල ලිත් ඉලක්කම්

0  1   2    3    4   5  6  7  8  9 

කොවිඩ් පැරදවීම

කොවිඩ් 19 පැරදවීම සඳහා සියල්ලන් එකතු විය යුතු යැයි කීම කිසිම තේරුමක් නැති කතාවක්. කොටි පැරදවීමට එකතු වූයේ කවුද? ඇතැමුන් කියනවා එදා ජ වි පෙ කොටි පරාද කළ යුතු යැයි කී බව. එය එසේ නොවන බව මා හොඳාකාරව ම දන්නවා. අනූවේ දශකයේ මුල අප ලක්මිණ පුවත්පත ඇරඹු යුගයේ එහි ජ වි පෙරමුණේ හෝ ජ වි පෙරමුණට පක්‍ෂව සිටි හෝ අය අප හමුදා මෙහෙයුම්වලින් කොටි පරාජය කළ යුතු යැයි කී විට එයට විරුද්ධ වුණා. ඔවුන් විරුද්ධ වූවා පමණක් නොව ලක්මිණ ප්‍රධානියා ව සිටි තිලක් කරුණාරත්න ලවා මා ලක්මිණෙන් නෙරපන තැනට කටයුතු කළා. එදා චම්පකත් ඒ පත්‍රයට ලිවුවා. විමල් වීරවංශත් (එකල ජ වි පෙ)  ඩලස් අලහප්පෙරුමත් සුනිල් මාධවත් ලිවුවා. ජනරංජන කාටූන් ඇන්දා. ඔවුන් හමුදා මෙහෙයුම්වලින් කොටි පරාජය කළ යුතු බවක් කිවුවේ නැහැ. චම්පකලා ඊනියා යුද්ධයට විරුද්ධ ව පෝස්ටර ඇලෙවුවා. රාජ්‍ය නොවන ගැත්තන් හා සිවල් සාමාජිකයන් ගැන කියන්න අවශ්‍ය නැහැ.