නව සංධානය ජාතිකත්ව සංධානයක් කරමු

   සිංහල ලිත් ඉලක්කම්

නව සංධානය ජාතිකත්ව සංධානයක් කරමු

සිරිජාතිකවාදියා ලෙස හංවඩු ගසා ලාදුරු රෝගියකු මෙන් බොහෝ ජාතිකවාදීන් විසින් කොන් කරනු ලැබ සිටි මට ඊයේ පෙරේදා සතුටුදායක ආරංචි දෙකක් ලැබුණා. එකක් ජෙනීවාහි 30/1 යෝජනාවට දැක් වූ අනුග්‍රහකත්වයෙන් ඉවත්වීමට ආණ්ඩුව තීරණය කිරීම. ඒ ගැන මා ඊයේ ලියා ඇති. අද (19) අරුණ පත්‍රයේත් ඒ ලිපිය පළවෙනවා.  

විජේදාස හා ජ වි පෙ

  සිංහල ලිත් ඉලක්කම්

විජේදාස හා ජ වි පෙ

විජේදාස රාජපක්‍ෂ ව්‍යවස්ථා සංශෝධන දෙකක් ඉදිරිපත් කරලා. මට ප්‍රශ්නයක් වන්නේ එහි අඩංගු කරුණු නො වෙයි. ජ වි පෙරමුණට නම් ඒ කරුණු ප්‍රශ්නයක් වෙලා. විජිත හේරත් කියනවා ඒ ගෝත්‍රවාදී කියා. අපි ඒ ගැන ටිකක් කතා කරන්න ඕන. විජේදාස රාජපක්‍ෂ වගේ ම යටත්විජිත හේරත්, නැහැ විජිත හේරත් ද පඬිවරු. ජ වි පෙරමුණට නම් සළු වීමට 12.5% නොවෙයි 5%ත් ලොකු ගාණක්. ඒක 2%ටවත් අඩු කරන්න පුළුවන් නම් ජ වි පෙරමුණට හොඳයි. එතකොට අර සුපිරි මාක්ස්වාදී පෙරටුගාමීන්ට යහපතක් වෙන්න නම් ඒක 0.02%ටවත් අඩු කරන්න වෙයි. ජ වි පෙ සම්භවයක් තියෙන අය අද මොන පක්‍ෂයෙ හිටියත් මොන සංවිධානයෙ හිටියත් ඕනෑම ප්‍රශ්නයක් ඉදිරිපත් කරන්නෙ අතිභයානක දේ හැටියට මුහුණු වෙනස් කරගෙන ඇස් උඩ තියාගෙන. මට හැම තිස්සෙ ම මතක් වෙන්නෙ අවුරුදු පනහකට පමණ ඉස්සර විජේවීර බේරුවල පැත්තෙ ගොඩනගමින් තිබූ හෝටලයක් ඇමරිකන් කඳවුරක් ලෙස හැඳින්වීම.

හාල් මිල පාලනය කරන්න බැරි ඇයි?

    සිංහල ලිත් ඉලක්කම්

හාල් මිල පාලනය කරන්න බැරි ඇයි?

අද හාල් ප්‍රශ්නය උග්‍ර වෙලා. මඩ සෝදා ගත් කල ගොවියා රජකමට සුදුසු යැයි කීවත් රජවරු මෝල් හිමියන් පමණයි. ජනාධිපති ගෝඨාභය රාජපක්‍ෂ ඒ මෝල් හිමියන් කවුදැයි නොදන්නවා වෙන්න බැහැ. එහෙත් ජනාධිපතිට එක් දුරකතන ඇමතුමකින් ප්‍රශ්නය විසඳන්න බැහැ. එයට හේතුව ප්‍රජාතන්ත්‍රවාදයයි. ප්‍රජාතන්ත්‍රවාදයට අනුව දහනවවැනි ව්‍යවස්ථා සංශෝධනය තියෙනවා. ඉන් ජනාධිපති බලතල එතරම් කැපී නැති වුවත් අද තිබෙන දේශපාලන පක්‍ෂ ක්‍රමය යටතේ අගමැතිට නෛතික බලයකට වඩා පාක්‍ෂික බලයක් තියෙනවා. ගෝඨාභය රාජපක්‍ෂ ජාතික ජනාධිපති වුවත් ඔහු බලයට පත් වුනේ පොහොට්ටුවක් නිසා නොවුනත් කොටි පරාජය කිරීමේ දී ස්ථිර අධිෂ්ඨානයකින් ක්‍රියා කෙළේ එකල ආරක්‍ෂක ලේකම් වුවත් ජනමතයක් ගොඩ නගා ඇත්තේ වෙනත් ආකාරයකට සිතවන ලෙසයි. අප සිතන්නේ නැහැ. අප සිතවනවා පමණයි. පස්වැනි සියවසෙන් පසු තත්වය ඒකයි.

ගෝඨාභයගේ ජනාධිපතිකම රැක ගනිමු

සිංහල ලිත් ඉලක්කම්

ගෝඨාභයගේ ජනාධිපතිකම රැක ගනිමු 

අප රටට නව ව්‍යවස්ථාවක් ඕන බව සැබෑව. 1978 දෙවැනි ජනරජ ව්‍යවස්ථාව හෙවත් ජේ ආර් ජයවර්ධන ඉදිරිපත් කර සම්මත කර ගත් ව්‍යවස්ථාව රටට අහිතකරයි. එසේ වන්නේ එය මෙරට ඉතිහාසයට සංස්කෘතියට එකඟ ව ඒ පදනම් කර ගත් ව්‍යවස්ථාවක් නොවන බැවින්. එය චෙල්වනායගම්ගේ බෑණනුවන් වූ ඒ ජේ විල්සන් ප්‍රමුඛ පිරිසකගේ මැදිහත් වීමෙන් සකස් කරන ලද්දක්. එය ප්‍රංශ හා එක්සත් රාජ්‍ය (ඇමරිකාව) ව්‍යවස්ථා අනුව ඒ අනුකරණයෙන් සකස් කරන ලද්දක්. අපේ රටට ආගන්තුක ව්‍යවස්ථාවක්. 

ජනාධිපති ක්‍රමය අහෝසි කරන්නේ ගෝඨාභය අවුරුද්දකින් යැවීමට ද ?

         සිංහල ලිත් ඉලක්කම්   

ජනාධිපති ක්‍රමය අහෝසි කරන්නේ ගෝඨාභය අවුරුද්දකින් යැවීමට ද ?

ගෝඨාභය රාජපක්‍ෂ ජනාධිපතිවරණයට ඉදිරිපත් කරනු ලැබුයේ ජාතියේ අපේක්‍ෂක ලෙස. එයට මුල් වූයේ ජාතික ව්‍යාපාරය බව මා කියන්නේ ඒ සම්බන්ධයෙන් කටයුතු කළ වෙනත් අයට අගෞරවයක් ලෙස නො වෙයි. එහෙත් එයින් කියන්නේ නැහැ ජාතික සංවිධාන සියල්ල ඒ මතයේ සිටි බව. ඒ කෙසේ වෙතත් අද ජාතික සංවිධාන සියල්ල පිළිගන්නවා ගෝඨාභය ජාතික අපේක්‍ෂක ලෙස. එය හොඳ ප්‍රවණතාවක්.

විධායක ජනාධිපති ක්‍රමය හා ගෝඨාභය

      සිංහල ලිත් ඉලක්කම් 

විධායක ජනාධිපති ක්‍රමය හා ගෝඨාභය

ඇල්පිටිය ජයග්‍රහණය දෙස අප බැලිය යුත්තේ ජනාධිපතිවරණය පැත්තෙන්. මෙහි දී කිවයුතු කරුණක් තියෙනවා. නොවැම්බරයේ දී පැවැත්වෙන්නේ ජනාධිපතිවරණයක් මිස ජනාධිපති මැතිවරණයක් නො වෙයි. මෙය අප පරිවර්තනයේ දී කරන වරදක්. ඉංගිරිසි ඉලෙක්ෂන් කියන එක පරිවර්තනය කරන්නේ මැතිවරණයක් කියල. ඉලෙක්ෂන් කියන්නේ තෝරා ගැනීම නැත්නම් වරණය. අපේ සාහිත්‍යයේ ස්වයංවරණ ගැන කියැවෙනවා. මැතිවරණයක් කියන්නේ මන්ත්‍රීන් තෝරා ගැනීමක්. ජනාධිපතිවරණයක් කියන්නේ ජනාධිපති තෝරා ගැනීමක්. ජනාධිපති මැතිවරණයක් කියන්නේ ජනාධිපති මන්ත්‍රී කෙනකු තෝරා ගැනීමක්. එහෙම අයකු නැහැ. ජනාධිපති පාර්ලිමේන්තු පළාත් සභා පළාත් පාල ආයතන මන්ත්‍රීවරයකු නො වෙයි. 

විධායක ජනාධිපති ක්‍රමය අහෝසි කිරීම

       සිංහල ලිත් ඉලක්කම් 

විධායක ජනාධිපති ක්‍රමය අහෝසි කිරීම  

ජාතික ව්‍යාපාරය විජාතික කිරීමට ඇතැමකු කටයුතු කරනවා. අද වන විට ජාතික ව්‍යාපාරය ශක්තිමත් නැහැ. ඒත් ජාතික ව්‍යාපාරය ගෝඨාභය සමග ඉන්න එක මේ අවස්ථාවේ දී විශේෂයෙන් ම සජිත් විජාතික බලවේගවල අපේක්‍ෂකයා ලෙස ඉදිරිපත් වී සිටින විට වැදගත් වෙනවා. සජිත් එක්තරා ආකාරයකට ජනතාවත් සමග ඉන්න පුද්ගලයකු ලෙස ඉස්මතු වෙනවා. රනිල් මෙන් නොව සජිත් ජනතාවට සමීපයි

මාධ්‍ය සාකච්ඡාවේ දී කළ කථාව

පසුගිය 24වෑනි දා පැවති මාධ්‍ය සාකච්ඡාවේ දී කළ කථාව මේ 

සබැඳියෙන්

https://youtu.be/XabfgVo25qA

උතුර දකුණ වැරැද්දූ මාලිමාව

       සිංහල ලිත් ඉලක්කම්

උතුර දකුණ වැරැද්දූ මාලිමාව 

මුලතිව් ගුරුකන්ද විහාරාධිපතින්වහන්සේගේ දේහය විහාරභූමියේ ආදාහනය කිරීමට දෙමළ ජාතිවාදීන් විරුද්ධ වෙලා. අධිකරණ තීන්දු දෙන්නේ ඉදිරිපත් කරණ කරුණු අනුව. පොලීසිය දෙමළ ජාතික සංධානයේ දෙමළ ජාතිවාදී දේශපාලනඥයන්ගේ අවශ්‍යතාවට අධිකරණයට කරුණු ඉදිරිපත් කර ඇති බව පේන්න තියෙනවා. උතුරු හා නැගෙනහිර පළාත්වල ඇත්තේ සිංහල බෞද්ධ අයිතියක්. අද බෞද්ධ සිද්ධස්ථාන  ක්‍රමයෙන් දෙමළ ජාතිවාදීන් අත්පත් කර ගනිමින් ඉන්නවා. ත්‍රිකුණාමලයේ ගෝකණ්න විහාරය දෙමළ ජාතිවාදීන් ලබාගත් ආකාරය  මෙයට හොඳ ම උදාහරණය. 

සජිත්ගේ ජයග්‍රහණය සිංහලයන්ගේ ජයග්‍රහණයක් නො වෙයි

             සිංහල ලිත් ඉලක්කම්

සජිත්ගේ ජයග්‍රහණය සිංහලයන්ගේ ජයග්‍රහණයක් නො වෙයි

ඊයේ රනිල් පැරදුණා. ඔහු මීට කලිනුත් පැරදිලා තියෙනවා. ඒ මැතිවරණවලින් වෙනත් පක්‍ෂ අතින්. ඊයේ පැරදුණේ පක්‍ෂය ඇතුළෙ. එක්සත් ජාතික පක්‍ෂයේ මෙන් ම එක්සත් ජාතික පෙරමුණෙත් ඔහු ඊයේ පැරදුණා. ඒත් ඒ අමාත්‍ය මණ්ඩලයේ. කෘත්‍යාධිකාරි මණ්ඩලයේ මොනවා වෙයි ද කියන්න බැහැ. කෘත්‍යාධිකාරි මණ්ඩලයත් මන්ත්‍රී කණ්ඩායමත් එකට පවත්වන රැස්වීමක දී රනිල් නැවතත් පරදින්න ඉඩ තියෙනවා.

විධායක ජනාධිපති ක්‍රමය

දහතුන්වැනි සංශෝධනය  අහෝසි නොකර විධායක 

ජනාධිපති ක්‍රමය අහෝසි නොකරනු   

රනිල්ගේ අභිප්‍රාය පරදවමු

          සිංහල ලිත් ඉලක්කම්

රනිල්ගේ අභිප්‍රාය පරදවමු

එ ජා පක්‍ෂයට හිතවත් එක්සත් විශ්වවිද්‍යාලයීය ආචාර්ය සංගමය නමින් හැඳින්වෙන විශ්වවිද්‍යාලයීය ආචාර්යවරුන්ගේ සමිතියක් මගින් කරන ලද සමීක්‍ෂණයකින් කරුණාරත්න ජයසූරිය සජිත් ප්‍රේමදාසට වඩා ප්‍රබල අපේක්‍ෂකයකු බව හෙළිවෙලා. මේ ආචාර්යවරුන් යැයි කියන පිරිස අතර හිටපු ආචාර්යවරුන් ද සිටින බව පැහැදිලියි. ඒ ඒසේ වුවත් ඔවුන් තමන් දන්නා සමීක්‍ෂණයක් කරලා. සමීක්‍ෂණ කවුරු කළත් සමීක්‍ෂණ ම තමයි. අනෙක මෙරට මිනිසුන් සමීක්‍ෂණයට පැමිණෙන තැනැත්තාට අවශ්‍ය අන්දමට පිළිතුරු දෙන්නත් දන්නවා. මේ සමහර හිටපු මහාචාර්යවරු ඉගෙන ගන්න කාලයෙ සමසමාජ පක්‍ෂෙ. ඔවුන් අද එ ජා පක්‍ෂයෙ. වික්‍රමබාහුත් එ ජා පක්‍ෂෙට කත් අදින විට මේ හිටපු මහාචාර්යවරු රනිල් හා කරු වෙනුවෙන් කඩේ යන එක පුදුමයට කාරණයක් නො වෙයි. 

දාසනායකගෙ උප්පරවැට්ටි ද සුවිශේෂ බුද්ධිය ද?

දාසනායකගෙ උප්පරවැට්ටි ද සුවිශේෂ බුද්ධිය ද?

නවසීලන්තයේ සිදු වූ මුස්ලිම් පල්ලි දෙකක් එල්ල කර ගත් ඝාතන එරට වසන සිංහල බෞද්ධයන්ගේ වැඩක් වෙන්න බැරි නැහැ. එහෙම නැත්නම් මියන්මාර් බෞද්ධයන්ගෙ වැඩක් වෙන්න ඕන. මුස්ලිම් විරෝධයක් තියෙන්නෙ ඒ රටවල විතරයි. මුස්ලිම් - ක්‍රිස්තියානි විරෝධයක් තියෙන්න බැහැ. දෙගොල්ලන් ම අදහන්නෙ එක ම දෙවියන් වහන්සෙ.  ඒත් දැන් ආරංචි වෙන විධියට නවසීලන්තයෙත් අන්තවාදීන් ඉන්නවා. මා මෙච්චර කල් හිතන් හිටියෙ සිංහල බෞද්ධයන් විතරයි අන්තවාදී කියලා.

ජ වි පෙරමුණට හුළං

ජ වි පෙරමුණට හුළං

රනිල්ලාගේ අනුර දාසනායක කියලා ජනතා විරෝධී පෙරමුණ විපක්‍ෂ නායක සමග කළ සාකච්ඡා සාර්ථකයි කියලා. එතෙක් මෙතෙක් ලංකාවේ පහළ වූ අසාර්ථක ම දේශපාලනඥයා වූ දාසනායක වෙන මොනවා කියන්න ද? ඔහු අද ජනතා විරෝධි පෙරමුණේ නායකයා. විධායක ජනාධිපති ක්‍රමය අහෝසි නොකෙළොත් ජනතා විරෝධී පෙරමුණෙන් ජනාධිපතිවරණයට අපේක්‍ෂකයකු ඉදිරිපත් කරනවා කියලත් ඔවුන් පොඩි තර්ජනයක් දමලයි තිබුණෙ. මට පේන විධියට ඒ තර්ජන කිසිවක් වැඩක් වෙලා නැහැ. ඒ අතර ටිල්වින් හෙවත් දිනන තුරු සහෝදරයා සමාජවාදයෙන් රට දියුණු කරන යල් පැනපු නොව කිසි දා වලංගු නොවූ කතා කියනවා.

ඊනියා ප්‍රජාතන්ත්‍රවාදයට හුළං

ඊනියා ප්‍රජාතන්ත්‍රවාදයට හුළං

ජ වි පෙ ප්‍රජාතන්ත්‍රවාදය වෙනුවෙන් පෙනී සිටින ප්‍රධාන ම පක්‍ෂය බවට පත්වෙලා. මොන තරම් දෙයක් ද? විධායක ජනාධිපති ක්‍රමය තරම් ප්‍රජාතන්ත්‍ර විරෝධී දෙයක් මෙරට ඇති වී නැත වගේ හැඟීමක් ජ වි පෙ නායක සහෝදරවරු කතා කරන කොට හිතෙනව. ජ වි පෙ විධායක ජනාධිපති ක්‍රමය අහෝසි කිරීමට දිවි හිමියෙන් කැප වී වැඩ කරනවා. ඔවුන් විසිවැනි ව්‍යවස්ථා සංශෝධනයක් කියල එකක් ගෙනාවෙ විධායක ජනාධිපති ක්‍රමය වෙනස් කිරීමටයි.

නැත අන් සරණා මෑණිය සරණා

නැත අන් සරණා මෑණිය සරණා

විධායක ජනාධිපති ධුරය අහෝසි කිරීමට මහින්දටත් රනිල්ටත් අවශ්‍යයි. වෙල්ගම කියන බහුබූත මහින්ද ගණන් නොගන්නා බව පැහැදිලියි. මහින්ද ජනාධිපතිවරණයකට නාම යෝජනා පත්‍රයක් ඉදිරිපත් කළහොත් කිසියම් අවස්ථාවක දී නමුත් එය ප්‍රතික්‍ෂෙප වෙනවා. මැතිවරණ කොමසමේ සභාපති එය පිළිගත්තත්, එයට විරුද්ධ ව පෙත්සම් ඉදිරිපත් වේවි. ඒ පෙත්සම් ප්‍රතික්‍ෂෙප වුණත් මහින්ද ජනාධිපති වුණත් අධිකරණයෙන් ඔහුගේ පත්වීම අවලංගු කරාවි. වෙල්ගම මහින්දට ඉදිරිපත් විය හැකිය යන කතාව කියන්නේ ඔහුට ගෝඨාභය ඉදිරිපත් නොකිරීමට  යම් හේතුවක් කිව යුතු නිසා පමණයි. වෙල්ගමට පෙනෙන දේ වෙනත් කිසිවකුට නොපෙනෙන්නේ ඔහු කුශාග්‍ර බුද්ධිමතකු නිසා ද?

විධායකය අහෝසි කර තමන් රැකීම

විධායකය අහෝසි කර තමන් රැකීම

                       

ලෝකයේ මමත්වය වැඩි ම පුද්ගලයන් සිංහල බෞද්ධයන් ද කියල බොහෝ වෙලාවට හිතෙනවා. වරක් සිංහල කතෝලිකයකු මගෙන් ඇහුවෙ පන්සල්වල හැම තැනක ම අහවල් ආසනය පූජා කෙළෙ අහවලා, අහවල් පිඟාන, කෝප්පය පූජා කෙළේ අහවලා ආදී වශයෙන් ලියා ඇත්තේ ඇයි ද කියා. එය පාඨලීපුත්‍රයේ අශෝක රජුගේ ටැම් ලිපි හා වෙනත් ලිපිවලින් ලැබුණු දෙයක් වෙන්න පුළුවන්. අප සිතනවාට වඩා වෙනත් ආකාරයක බලපෑමක් අශෝක බුද්ධාගමෙන් වෙලා තියෙනවා. 

ඇතුළෙත් ගැට පිටත් ගැට

ඇතුළෙත් ගැට පිටත් ගැට

දැන් ඒ ගමන බොහෝ දෙනකු ව්‍යවස්ථා සභාවෙ ඉතිහාසය ගැන කියන්න පටන් අරගෙන. ව්‍යවස්ථා සභාව පටන් ගත්තෙ දහහත්වැනි සංශෝධනයෙන් බව මතක් වෙලා. දහහත්වැනි සංශෝධනයට අනුව බහුතරයක් පාර්ලිමේන්තුවට පිටින් ව්‍යවස්ථා සභාවට පත් කරන්න හිටියත් දිනේෂ් හා වාසු මැදිහත් වෙලා වැඩි නියෝජනත්වය පාර්ලිමේන්තුවට ගත්ත කියන එක චෝදනාවක් ලෙස ඉදිරිපත් කෙරෙනවා. පිටින් යෝජනා කරන අය අපක්‍ෂපාත වෙන්න පුළුවන් කියන එක ද මේ අය කියන්නෙ. පිටින් ගන්න අය වග කියන්නෙ කාට ද? ඔවුන්ගෙ නම් යෝජනා කරපු අයට ද?

මෛත්‍රිපාලගෙ හා මහින්දගෙ අවජාතක දරුවා

මෛත්‍රිපාලගෙ හා මහින්දගෙ අවජාතක දරුවා

බැසිල් රාජපක්‍ෂගේ උද්ධච්චකම් හා රට අරාජිකත්වයට තල්ලු කිරීම් ගැන කීමට සිටියත් මෛත්‍රිපාල සිරිසේන ඊයේ පාර්ලිමේන්තුවේ දී කළ කතාව හා පැවති විවාදය ගැන යමක් ඉක්මණින් කිව යුතුයි. ඊයේ පැවති විවාදය තවත් පාර්ලිමේන්තු විවාදයක් පමණක් වුණා. මෛත්‍රිපාල තකහනියක් ම පාර්ලිමේන්තුවට ඇවිල්ල කතාවක් කරල යන්න ගියා. ව්‍යවස්ථා සභාව එහෙම ම තියෙනවා. ජයන්ත ධනපාලලා සෙල්වකුමාරන්ලා ඉල්ලා අස්වෙන පාටක් නැහැ. 

අනේ කිරිඇල්ල අහෝ සුමන්තිරන්

අනේ කිරිඇල්ල අහෝ සුමන්තිරන්

මහින්ද රාජපක්‍ෂ විපක්‍ෂ නායක වීම සුමන්තිරන්ට කිරිඇල්ලට හා තවත් අයට හිසරදයක් වීම තේරුම් ගන්න පුළුවන්. මා ඊයේ සඳහන් කළ ව්‍යවස්ථා සභාවේ සංයුතිය වෙනස් වෙනවා. එවිට රනිල්ගේ ඒකාධිකාරය යම් දුරකට නමුත් කැඩෙනවා. ඊනියා ස්වාධීන කොමිෂන් සභාවලත් සංයුතිය රනිල්ට ඕන විධියට සකස් කර ගන්න බැරි වේවි. කිරිඇල්ල පාර්ලිමේන්තුවේ දී පඩි පෙළේ නීතිිඥයන් ගැන කතා කළා. ඔහු මොන නීතිඥයකු ද කියා දැන ගන්න විධියක් නැහැ. ඔහු දිනපු නඩු කීයක් තියෙනවා ද කියා දන්නේ නැහැ. ඔහු සාමාන්‍ය පෙළ සමත් වූයේ පාසලෙන් අස්වීමෙන් පසුව ද? මා මේ ප්‍රශ්න නගන්නේ ඔහු කවර අන්දමේ නීතිඥයකු ද කියා දැන ගැනීමට. ඔහු අර කට කැඩිච්ච කතා කියන්නේ නැත්නම් මා මේ ප්‍රශ්න නගන්නේ නැහැ.