සිංහල ලිත් ඉලක්කම්
මැකොස හාමුදුරුවරු හා සම්ප්‍රදාය
මැතිවරණ කොමිසමේ සභාපති (මැකොස) නීතිය අකුරට ම ක්‍රියාත්මක කරන්න යනවා. ඒ ආගමික සිද්ධස්ථානවල දේශපාලනය කිරීම සම්බන්ධයෙන්. ඔහු මල්වත්තට හා අස්ගිරියට ගිහින් නීතිය පහදලා. මහානායක අනුනායක ලේඛකාධිකාරි හාමුුදුරුවරු මැකොස කියන දේ පිළිගෙන ඇති බවයි වැටහෙන්නෙ. එසේ නම් එය භයානක තත්වයක්. මා මහානායක හාමුදුරුවරුන්ට සිංහල බුද්ධාගම කියා දෙන්න උත්සාහ කරන්නේ නැහැ. මට එය කරන්නත් බැහැ. මා සාමාන්‍ය ගිහියකු පමණයි. අනෙක මට මේවා ලියන්න අයිතියකුත් නැහැ. මට වඩා දෙසට සසුනට වැඩ කළ අය ඉන්දැද්දි මා ඒ ගැන කතා කිරීම වරදක් වෙන්නත් පුළුවන්. ඔවුන්ට තැන දී පැත්තකට වීම තමයි මා කළ යුත්තේ.
