Main Logo

Friday, 24 May 2019

තේරුම් ගැනීම විස්තර කිරීම අනාවැකි කීම හා ඥානසාර හාමුදුරුවෝ


තේරුම් ගැනීම විස්තර කිරීම අනාවැකි කීම හා ඥානසාර හාමුදුරුවෝ



මා පසුගිය කාලයේ දිනපතා ම මෙන් කාලයට ලිව්වා. එයට එක් හේතුවක් වූයේ ජනමාධ්‍ය මගේ ලිපි පළ නොකිරීමයි. එමෙන් ම විද්‍යුත් මාධ්‍ය ද මා නොසලකා හැරීමයි. ඊනියා ජාතිකවාදී යැයි කියා ගන්නා ජනමාධ්‍යට ද මා නොවැදගත් අනම් මනම් කියවන්නකු පමණක් වුණා. මේ සති දෙකේ නම් මට දිනපතා ලියන්න ලැබෙන එකක් නැහැ. ඒ මා තැනින් තැන යන සංචාරක   ජීවිතයක් ගත කරන නිසා. 

Wednesday, 22 May 2019

සිංහල බෞද්ධ ජනාධිපති අපේක්‍ෂකයෙක්

සිංහල බෞද්ධ ජනාධිපති අපේක්‍ෂකයෙක්


මේ රට සිංහල බෞද්ධ යැයි කීමට දිව නොනැමෙන පිරිස් දෙකොටසක් ඉන්නවා. ඒ සිංහල බෞද්ධ දේශපාලනඥයන් හා සිංහල බෞද්ධ පවුල්වල උපත ලබා යම් යම් හේතූන් නිසා සිංහල බෞද්ධකමට වෛර කරන පඬියන් පඬි පෝතකයන් හා පඬි නැට්ටන්. දෙවැනි කොටස ගැන කරදර වෙන්න දෙයක් නැහැ. ඔවුන්ගේ කාලය දැන් අවසන්. ඔවුන් බටහිරයන්ගේ ඒජන්තයන්. ඔවුන් බටහිර මතවාද මෙරට ප්‍රචලිත කරන ඩ්‍රීම් ස්ටාර්ලා පමණයි. ඔවුන්ට ඇත්තේ හීනමානයක්. තමන් ඊනියා අඩු කුලයක ඉපදීම, දෙමව්පියන් ඉංගිරිසි නොදැනීම, තාත්තලා කලිසම නොඇඳීම ආදී කරුණු හේතු කොට ගෙන උපන් හීම මානයක් ඔවුන්ට තියෙනවා. ඔවුන්ගේ හීනමානය ඇති කර ඇත්තේත් බටහිරයන්. 

Tuesday, 21 May 2019

කෝ මේ දේශපාලන නායකත්වය

කෝ මේ දේශපාලන නායකත්වය

අද ආණ්ඩු පක්‍ෂය මෙන් ම විපක්‍ෂය ද කරන්නේ මාධ්‍ය සංදර්ශන පැවැත්වීම දැයි ප්‍රශ්න කරන්න වෙනවා. පාස්කු ප්‍රහාරය පිළිබඳ ආණ්ඩුව පරීක්‍ෂණ පවත්වන එක නවත්වල ද කියන ප්‍රශ්නය අහන්න සිද්ධ වෙනවා. අද වඩාත් කතාබහට ලක්වන්නේ මිනුවන්ගොඩ නැත්නම් වෙනත් තැන ප්‍රහාර. ඒ ගැනත් පරීක්‍ෂණ පවත්වන්න ඕන. එහෙත් එයත් නිසි පරීක්‍ෂණයකට ලක්වන බවක් පෙනෙන්න නැහැ. අද සිද්ධ  වන්නේ ඒ ප්‍රහාර පිළිබඳ ව විපක්‍ෂයට වරද පැටවීමට කරන උත්සාහයක් පමණයි. මේ ආණ්ඩුව තියෙනතාක් මේ එක පරීක්‍ෂණයක්වත් නිසි අයුරෙන් සිද්ධ වෙන එකක් නැහැ. පරීක්‍ෂණ නිසි අයුරෙන් කරන්නත් ආණ්ඩුව වෙනස් කරන්න ඕන. 

Sunday, 19 May 2019

නන්දිකඩාල් ජයග්‍රහණය

නන්දිකඩාල් ජයග්‍රහණය

නන්දිකඩාල් ජයග්‍රහණයට දසවසරක් පිරෙන දිනයේ ඒ නිසි ආකාරයෙන් සැමරීමට වාතාවරණයක් රටේ නොමැතිවීම කණාගාටුවට කරුණක්. ඒ හුදෙක් පාස්කු ප්‍රහාරය නිසා ම ඇති වූවක් නො වෙයි. මේ ආණ්ඩුව හා ඊනියා මානවවාදී උගතුන් රටට ඉදිරිපත් කරන මතවාදවලට ජනමාධ්‍යයෙහි හා සමාජයීය මාධ්‍යවල ද තැනක් දීමත් එයට හේතුවක්. එහෙත් ප්‍රධාන ම හේතුව නන්දිකඩාල් ජයග්‍රහණය යනු කුමක් දැයි තේරුම් ගැනීමට නොහැකිවීම.

නන්දිකඩාල් ජයග්‍රහණය හුදු ත්‍රස්තවාදී කණ්ඩායමක් පරාජය කිරීමක් පමණක් නො වෙයි. එය රටේ බහුතර ජනතාවගේ මතවාදය ජයග්‍රහණය කිරීමක්. ජාතිකත්වයේ ජයග්‍රහණයක්. ජාත්‍යන්තරවාදී නූතනත්ව මතවාදවල පරාජයක්. මෙරට සියළු දේශපාලන පක්‍ෂවල පරාජයක්. දෙමළ ජාතිවාදයේ පරාජයක්. සිංහල බෞද්ධයන් හා පොදුවේ මෙරට සියල්ලන් ලැබූ ජයග්‍රහණයක්. 

දෙමළ ජාතිවාදය ඇති වුණේ සිංහලයන්ගේ විශේ’ෂයෙන් ම සිංහල බෞද්ධයන්ගේ වරද නිසා බව බටහිරයන් හා ඔවුන්ගේ මෙරට නියෝජිතයන් සියල්ලන් ම කියද්දී බෞද්ධයන්ට යුද්ධ කිරීමට නොහැකි බවට මතයක් ගොඩ නගද්දී ප්‍රභාකරන් අනභිබවනීය යුද්ධ නායකයකු ලෙස ලොව පුරා මතයක් ඇති කරද්දී කොටි ත්‍රස්තවාදීන් පරාජය කිරීමට නොහැකි බවට යුද්ධ විශේෂඥයන් මෙන් ම වෙනත් විශේෂඥයන් ද කියද්දී ඊනියා දෙමළ ප්‍රශ්නයට එකම විසඳුම සාකච්ඡා පමණක් බව කියද්දී එක්සත් ජනතා නිදහස් සංධානය ද ඒ මතය දරද්දී ඒ සියල්ල පරාජය කරමින් නන්දිකඩාල් ජයග්‍රහණය ලබා ගත්තේ. 

නන්දිකඩාල් ජයග්‍රහණය මෙරට සාමාන්‍ය ජනතාවගේ ජයග්‍රහණයක්. එය ඊනියා ප්‍රභූන්ගේ ජයග්‍රහණයක් නොවන නිසාත් එය නිසි ආකාරයකින් සැමරෙන්නේ නැහැ. මහින්ද රාජපක්‍ෂ කෙළේ සාමාන්‍ය ජනතාවගේ මතයට අවසානයේ දී කන්දීමයි. එයට ගොාඨාභය රාජපක්‍ෂගේ සංවිධාන ශක්තිය ආධාර වුණා. ඔහුගේ සැලසුම් හා තීරණ ඇතැම් අවස්ථාවල දී මහින්ද රාජපක්‍ෂගේ තීරණවලටත් බලපෑවා. මහින්ද රාජපක්‍ෂ අවසානයේ දී නන්දිකඩාල් ජයග්‍රහණයේ දී ඊනියා යුද්ධ විශේෂඥයන්ගේ මතයට පටහැණි ව සාමාන්‍ය ජනතාව කී ආකාරයට හමුදාවන්ට දේශපාලන නායකත්වය ලබා දුන්නා. සරත් ෆොන්සේකා පසුව මොනවා කළත් දක්‍ෂ ලෙස හමුදාව මෙහෙයවුවා. ඒ වගේ ම වසන්ත කරන්නාගොඩ ආදීන් ද  නොමඳ සහායක් ලබා දුන්නා. ඒ සියල්ලන්ටමත් වඩා සාමාන්‍ය ජනතාව අතරින් පැමිණි රණවිරුවන් ජීවිත පරිත්‍යාගයෙන් නන්දිකඩාල් ජයග්‍රහණයට උර දුන්නා. අපේ ප්‍රණාමය ඒ සියල්ලන්ට.
      

Saturday, 18 May 2019

ලිපි

අද ලිපිය පළ නොවේ. සති දෙකක් පමණ යන තුරු ලිපි පළවන්නේ කඩින් කඩ බව කරුණවෙන් සලකන්න. 

Friday, 17 May 2019

ත්‍රස්තවාදීන් ආරක්‍ෂා කරන්නන් ආරක්‍ෂා කිරීම

ත්රස්තවාදීන් ආරක්ෂා කරන්නන් ආරක්ෂා කිරීම


අද මේ රට බහු සාංස්කෘතික කියල කියන අය මංගල සමරවීර පස්සෙ එල්ලෙන්න හදනව. ඒත් ඔවුන් බහු සාංස්කෘතික කතා කියන්නෙ නැහැ. වෙනුවට මංගල සමරවීර එවැනි කතා කිව්වට පරදින්නෙ නැති බව කියනවා. මංගල කියන්නෙ වන්ද්රිකාගෙ ආණඩුවෙත් මහින්දගෙ ආණ්ඩුවෙත් රනිල්ගෙ ආණ්ඩුවෙත් ඇමතිකම් දරපු, දරණ අයෙක්. ඔහු මහින්දගෙ හොඳ මිත්රයෙක්. මහින්දගෙ ආණ්ඩුවෙත් ටික කාලයක් ඔහු විදේශ ඇමති වෙලා හිටියා!

Thursday, 16 May 2019

චම්පක බද්‍යුද්දීන් මංගල හා එක්සත් ජාතීන්

චම්පක බද්යුද්දීන් මංගල හා එක්සත් ජාතීන්


බද්යුද්දීන්ට විරුද්ධ විශ්වාසභංග යෝජනාවක් ගෙන ඒමට තීරණය ගැනීම හොඳයි. යෝජනාව දිනනව පැරදෙනව කියන එක ප්රශ්නයක් නො වෙයි. පැරදුණොත් පැරදෙන්නෙ කවුරු හින්ද කියන එක ජනතාව දැන ගනියි.  වි පෙරමුණ දෙමළ ජාතික සංධානය ජා පෙරමුණ කියන එක දැන ගත්ත අයට විරුද්ධ විශාල ප්රචාරයක් ගෙනි යන්න ඕන.       නිකම් බොරු ඇයි හොඳයිකම් පෑමෙන් වැඩක් නැහැ. විශ්වාසභංග යෝජනාවට විරුද්ධ වන්නෙ පාස්කු ප්රහාරයත් සමග යම් සම්බන්ධයක් තියෙන අය. ඔවුන් බද්යුද්දීන් මෙන් පාස්කු ප්රහාරකයන් සෘජුව හරි වක් හරි ආරක්ෂා කරන්නන්.

Wednesday, 15 May 2019

ඊනියා සිංහල බෞද්ධ අන්තවාදය, අවස්ථාවාදීන් හා බේගල්ලා

ඊනියා සිංහල බෞද්ධ අන්තවාදය, අවස්ථාවාදීන් හා බේගල්ලා


සිංහලයන්ගේ සමගියක් ඇති කිරීමටත් ඒ වටා ජනවර්ග එකතු කිරීමටත් කටයුතු කරන සියල්ලන්ට අපි කෘතඥ වෙන්න ඕන. මෙය දේශපාලන ප්‍රශ්නයක් නොවෙයි ජාතික ප්‍රශ්නයක්. ඒත් එයිනුත් ප්‍රයෝජන ගන්න හදන උදවිය ඉන්නවා. තමන් කළ සියලු පව් වරක් කැලණිය වැඳීමෙන් නැති කර ගැනීමට උස්සාහ දරණ චම්පක වැන්නන්ගෙන් ප්‍රවේසම් වෙන්න ඕන. ඔහු ජාතිකත්වයට විරුද්ධ ව ඉඳල, ජාතිය කියන්නෙ මළකඳක් නලින් සිල්වා කිව්වට ඒක කර ගහ ගෙන යන්න බැහැ කියල, ඩී එස් සේනානායක විදුහලේ සිසුන් කොටුව දුම්රිය පෙළේ දි ඝාතනය කෙරුණට පස්සෙ ඔන්න දැන් ඉල්ලමක් පෑදිල කියල ජාතිකත්වයට මාරුවෙලා ඉන් පස්සෙ ජාතික ව්‍යාපාරය දේශපාලනයට ලක් කරල එය මරා දැමීමට කටයුතු කරල රනිල් බලයට පත් කිරීමේ පාප කර්මයට දායක වෙච්ච කෙනෙක්. 

Tuesday, 14 May 2019

එකම කතාව

එකම කතාව


ගුණදාස අමරසේකර කලකට පෙර  එකම කතාව කියල කෙටි කතාවක් ලිව්ව. කෙටි කතාවක් වුණට ඒක ටිකක් දිග කතාවක්. පහළොස්වැනි සියවසේ අග සිට සමස්තයක් ලෙස ගත්තම ලෝකයෙ තියෙන්නෙ එකම කතාවක්. ඒ කතෝලික චින්තනයෙන් මිදී නව ලෝක රටාවක්, චින්තනයක් ප්‍රචලිත කිරීම හා තහවුරු කිරීම පිළිබඳ කතාව. එහි ආධිපත්‍යය ලොවෙහි පිහිටුවීම පිළිබඳ කතාව. ඒක බොහෝ ම දිග කතාවක්. බටහිර විද්‍යාව, ප්‍රජාතන්ත්‍රවාදය, ධනවාදය, ඉංගිරිසි පාර්ලිමේන්තුව, ප්‍රංශ විප්ලවය, ඇමරිකන් විප්ලවය, බටහිර දර්ශනය, යටත්විජිතවාදය ආදී මේ ඔක්කොම එකම කතාවක කොටස්. ඒව වෙන වෙන පරිච්ඡෙදත් නො වෙයි. 

Monday, 13 May 2019

ඛෙමගෙ කොලුවගෙ සිංහල බෞද්ධ නොවන රට

ඛෙමගෙ කොලුවගෙ සිංහල බෞද්ධ නොවන රට


මංගල සමරවීර කියල මේ රට සිංහල බෞද්ධ රටක් නෙවෙයි කියල ඔහු කියාවි ද එංගලන්තය ඉංගිරිසි ක්‍රිස්තියානි රටක් නොවෙයි කියල. එහෙම කියද්දි ඔහු තවදුරටත් කිව්වොත් රටේ බහුතරය ඉංගිරිසි ක්‍රිස්තියානි වුණත් තවත් ජනවර්ග ඉන්නවයි කියල කිසිවකු මොකුත් කියන එකක් නැහැ. ඒ මොකද එහි කිසිවකු, ලංකාවෙන් එහි ගිය කිහිප දෙනකු හැරෙන්න, මංගල සමරවීර දන්නෙ නැති නිසා, කිසිවකු ඔහු පැන්සයකට ගණන් ගන්නෙ නැති නිසා. මා හිතන්නෙ නැහැ ඇඳුම් විලාසිතා ගැන කටයුතු කරන අයවත් ඔහු පැන්සයකට ගණන් ගන්නවා කියල. එංගලන්තෙ ජනමාධ්‍යයට මංගල කියන්නෙ මොකක්ද කියන එක දැන ගන්න වුවමනාවක් නැහැ. අර බීීබීසියෙ සංදේශය නම් සමහරවිට ඔහු සමග සාකච්ඡාවක් පවත්වාවි. බීබීසි සංදේශය පාස්කු ප්‍රහාරයටත් සිංහල බෞද්ධයන් වරදකරුවන් කියල කිව්වෙ. එංගලන්තෙ දි මංගලගෙ වටිනාකම එහෙමයි. 

Sunday, 12 May 2019

ඩීල් දේශපාලනය හා පාස්කු ප්‍රහාරය


ඩීල් දේශපාලනය හා  පාස්කු ප්‍රහාරය



ඊයේ ලිපිය ගැන තවදුරටත් කියන්න ඕන. පාස්කු ප්‍රහාරය හුදු මුස්ලිම් අන්තවාදයේ වැඩක් නො වෙයි. බටහිර නූතනත්ව සංස්ථාපනය එහි පිටුපස ඉන්නවා. බොහෝ දෙනා මා සමග එකඟ වන එකක් නැහැ. අල් ක්වයිඩා මෙන් ම අයිසිස් ද බටහිර ක්‍රිස්තියානි නූතනත්වය මගින් යොදවා ගන්නා ආකාරය පිළිබඳ අවශ්‍ය තරම් ලේඛන තියෙනවා. අසාන්ජ් ද ඒ බවට සාක්‍ෂි ඉදිරිපත් කර තියෙනවා. ඒ සියල්ල පිළිබඳ මූලාශ්‍ර දෙන්න මට හැකියාවක් නැහැ. මා බොහෝ වෙලාවට කියා ඇති ආකාරයට මා දත්ත එකතු කරන්නෙක් නො වෙයි. හැකියාවක් තිබුණත් දෙන්නෙත් නැහැ. කතන්දරය කියවා ගෙන යන්න.

Saturday, 11 May 2019

ඡන්ද දේශපාලනයෙන් ඔබ්බට

ඡන්ද දේශපාලනයෙන් ඔබ්බට

දේශපාලනඥයන්ට  පමණක් පාස්කු ප්‍රහාරය පිළිබඳ ප්‍රශ්නය විසඳන්න පුළුවන් ද කියන එක ප්‍රශ්නයක් වේගෙන යනවා. ඔවුන් කල්පනා කරන්නේ ඡන්ද පැත්තෙන් පමණයි. මේ ප්‍රශ්නය දෙමළ ජාතිවාදී ප්‍රශ්නයට වඩා සංකීර්ණයි. මෙහි දී ජාත්‍යන්තර බලවේග සෘජුව ම මැදිහත් වෙනවා. දෙමළ ජාතිවාදී ප්‍රශ්නයේ දී ඔවුන් සිටියේ පිටුපසින්. අද මේ වන විටත් බටහිර බලවතුන් ලංකාවට ඇවිල්ලා. ඒ වගේ ම මෙරට ඉන්න බටහිර තානාපතිවරු විපක්‍ෂ නායක මහින්ද ද හමුවෙනවා. ඕ බ්ලේක් ලොකු අවවාදයකුත් කරලා.

Friday, 10 May 2019

සිංහලයන්ගේ විශ්වාසය දිනා ගත යුතුයි

සිංහලයන්ගේ විශ්වාසය දිනා ගත යුතුයි

සොයා ගන්නා ආයුධ  ගැන මාධ්‍යයෙන් ප්‍රචාරය නොකරන ලෙස ආණ්ඩුව ගෙන ඇති තීරණය නිසා යහපතකට වඩා අයහපතක් වෙනවා. මේ අවස්ථාවේ දී මුස්ලිම් ජනයාගේ හිත් රිදවන එක හොඳ නැහැ. ඒ වගේ ම සිංහලයන්ගේ අවිශ්වාසය නැති කරන්නත් කටයුතු කරන්න ඕන. සිංහලයන් ආණ්ඩුවේ පරීක්‍ෂණ කටයුතු ගැන නම් සෑහීමකට පත් වෙන්නෙ නැහැ. පහුගිය දා පාසලකට බුර්කාව ඇඳ පැමිණි ගුරවරියන් කිහිප දෙනකුට පාසලට පැමිණීම තහනම් කළ අවස්ථාවේ ඔවුන් කෙලින් ම ගොස් ඇත්තේ අසාද් සාලි හමුවන්න. අසාද් සාලි ඔවුන් වෙනත් පාසල්වලට මාරු කරලා. ආණ්ඩුකාරකුට පාසල් ගුරුවර ගුරුවරියන් මාරු කිරීමට පුළුවන් ද යන්න ප්‍රශ්නයක්. ඒ කුමක් වුවත් අසාද් සාලි ඒ ගුරුවරියනට බුර්කාව නැතිව පාසලට යෑමට අවවාද නොකෙළේ ඇයි ද යන්න ප්‍රශ්නයක්. ඒ ගුරුවරියන්ට තම අලුත් පාසල්වලටත් ඒම තහනම් කළොත් අසාද් සාලි කරන්නේ මොකක් ද

Thursday, 9 May 2019

ඕ බ්ලේක්ගේ සංහිඳියාව වෙනුවට සහජීවනය

 ඕ බ්ලේක්ගේ සංහිඳියාව වෙනුවට සහජීවනය


ඊයේ ලිපියේ බිංදුව ගැන මා ලියූ කොටසට ඉංගිරිසි මාධ්‍යයෙන් වැඩ කරසිංහල ජනමාධ්‍යවේදියකු මට ලියා එවා තිබුණා  Amir D Aczel  නමැති යුදෙව් ගණිතඥයකු බිංදුව බෞද්ධයන්ගේ නිර්මාණයක් විය හැකි බවට තම පොතක පළ කර තිබුණා කියා. ඒ ගණිතඥයාට අනුව ශුන්‍ය (.) සංකේතවත් වන පැරණි ම වාර්තාගත සටහනක් ඇත්තේ (ථෙරවාදී)  කාම්බෝජයේ ක්හමර් යුගයේ ශිලා ලේඛනයක. මා ඒ පොත කියවා නැහැ. මා ගණිතයේ ඉතිහාසය පිළිබඳ ඇති සියලු පොත් කියවා නැහැ. ඒ පොත කියවන්න බලාපොරොත්තු වෙනවා. මා ගණිතඥයෙක් නොවෙයි. එහෙත් මා කියා ඇති දේ සනාථ කිරීමට කරුණු තියෙන බව පැහැදිලියි. ඒ ජනමාධ්‍යවේදියාට මා පින් දෙනවා ඒ තොරතුරු මට ලබා දීම පිළිබඳ ව. 

Wednesday, 8 May 2019

බෞද්ධයනට බිංදුවවත් නැහැ

බෞද්ධයනට බිංදුවවත් නැහැ

එංගලන්තෙ විදේශ ඇමති මෛත්‍රිපාලට කියල පාස්කු ප්‍රහාරය ජාත්‍යන්තර ත්‍රස්තවාදයක් කියල. අමුතුවෙන් කියන්න දෙයක් නැහැ. අපට දැනගන්න ඕන එංගලන්තෙ ඒකට සම්බන්ධ ද කියන එක විතරයි. ඒක ඉතින් එංගලන්තෙන් දැනට දැනගන්න හම්බවෙන එකක් නැහැ. අසාන්ජ් කෙනෙක් කාලෙකට එන එකක් නැහැ. කොහොමත් ඒක ජාත්‍යන්තර ත්‍රස්තවාදයක් කියල දන්නෙ නැති පිරිසක් ඉන්නවා. ඒ පඬියො, පඬි පෝතකයො හා පඬි නැට්ටො. ඔවුන් ඒ තරම් පිරිසක් නැහැ. ඒත් ඔවුන් ගැන  ලියල ටිකක් විනෝද වුණාට කමක් නැහැ. පාස්කු ප්‍රහාරයට සිංහල බෞද්ධයන් වග කිව යුතු බව කියා ගන්න බැරි පඬියන් ඇටි කෙහෙල් ගිලපු උගුඩුවන්ගෙ තත්වයට පත්වෙලා. කාට හරී ඒකට මූලාශ්‍ර ඕන ද?

What is Science (Pasttapal Boru)

This is an essay written in early 2018 and has been published in Kalaya. I thought it will interest those philosophers  who believe in "Mathematics is Ontology" and those scientists who believe in "A Scientific Method".

Those who cannot follow reasoning  or give  their own reasoning or consider this as gossip may add references.



What Is Science (Pattapal Boru)



Is there a specific method of acquiring knowledge, which is peculiar to Western Science? Starting with Francis Bacon up to Thomas Kuhn, perhaps the Philosophers of Science had thought so, though the methods that they had identified were not the same. They agreed that Science differs from other subjects and systems of knowledge mainly because there was a “scientific method” in acquiring knowledge. Paul Feyerabend on the other hand was of the opinion that there was no scientific method as such.

Tuesday, 7 May 2019

නූතනත්වය සසෙක්ස් බබා පාස්කුව හා සෞදි අරාබිය

නූතනත්වය සසෙක්ස් බබා පාස්කුව හා සෞදි අරාබිය


මගේ ලෝකය පළ වූ කාලයේ මට පශ්චාත්නූතනවාදී අදහස් ඇති බව හා ඒ් බෞද්ධ විරෝධී යැයි සිතූ නිසයි ඇතැමුන්ට ඒ දවස්වල මා සමග සම්බන්ධකම් පැවැත්වීමට අවශ්‍ය වූයේ. එහෙත් මට ඔවුන් සමග සම්බන්ධකම් පැවැත්වීමට අවශ්‍යතාවක් තිබුණේ නැහැ. ඒ අයට පසුව තේරුම් ගියා මා බෞද්ධ විරෝධියකු නොවන බව. ඉන්පසු ඔවුන් ඉවත් වූවා. ඉවත් වූවා පමණක් නො වෙයි මට වෛර කරන්න ද පටන් ගත්තා. ඒ බව ඔවුන්ගේ ලිපි ලේඛනවලින් පැහැදිලි වෙනවා. ඔවුන් අද මා සලකන්නේ තම සිංහල බෞද්ධ විරෝධී ව්‍යාපාරයට විරුද්ධ ව සිටින ප්‍රධාන ම තැනැත්තා ලෙසයි. ජාතික චින්තනය යන අදහස මුලින් ම සිංහලෙන් කී ගුණදාස අමරසේකරට ඔවුන්ගේ විරුද්ධත්වයක් දකින්න නැහැ. ජාතික චින්තනය සමග මගේ නම කියැවුණු බව පිළිගන්නවා.

Monday, 6 May 2019

බුර්කාව නූතනත්වය හා පශ්චාත්නූතනත්වය


බුර්කාව නූතනත්වය හා පශ්චාත්නූතනත්වය


ටික කාලෙකට ඉස්සර, මට හරියට ම මතක නැහැ නිච්චියට ම කියන්න, කිහිප දෙනෙක් අපේ ගෙදර ආවා. ඒ ආවා ගියා නම් නො වෙයි. එක එක දිනක් පමණක් ආවා. ඔවුන් හිතන් හිටියෙ මා සිංහල බෞද්ධ විරෝධී දේ කියනවා කියා. අඩුම තරමෙන් ථෙරවාදයට විරුද්ධ දේ කියනවා කියා. ඔවුන් හිතුවෙ මා ඊනියා පශ්චාත්නූතනවාදියෙක් කියලා. එක් අයකු එක්සත් රාජ්‍යවලට ගොස් මෙරට පුවත්පතකට ලිපියක් ලියා කියා සිටියේ ඔහු එහි ඉගෙන ගත් දේ මුලින් ම දැන ගත්තේ කොළඹ විශ්වවිද්‍යාලයෙදි  මගෙන් කියා. ඒ දවස්වල කාලය සඟරාවට ලිපි සැපයුවන් අතර සිංහල බෞද්ධ විරොධීන් ද සිටියා. මගේ ඇතැම් පොත්වලට පිටකවර ඇන්දේත් කාලය සඟරාවට චිත්‍ර ඇන්දේත් පසුව ලක්මිණ පුවත්පතට චිත්‍ර ඇන්දේත් වත්මන් පුවත්පත් කතුවරයෙක්. එදා ලක්මිණට ලිපි ලියුවන් අතර පසුව මන්ත්‍රීවරුන් ඇමතිවරුන් බවට පත් වූවන් සිටියා. එහෙත් ඔවුන් කල් යන විට තේරුම් ගත්තා මා කියන්නේ ඔවුන්ට අවශ්‍ය දේ නොවන බව.

Sunday, 5 May 2019

දෙරණෙ රොහාන්ගෙ වික්‍රමය

දෙරණෙ රොහාන්ගෙ වික්‍රමය



දෙරණ ඊනියා යුද, ත්‍රස්තවාද විශේෂඥයකු වූ රොහාන් ගුණරත්නට සාකච්ඡාවක් ලබා දීලා. දෙරණ දැන් කටයුතු කරන්නේ රනිල් වෙනුවෙන් ද කියා මා අහන්නේ නැහැ. එහෙත් දෙරණට සම්බන්ධ ආයතනයක් රනිල් වෙනුවෙන් මැතිවරණ දැන්වීම් පළ කළ බව නම් ප්‍රසිද්ධ කරුණක්. එය හුදු ව්‍යාපාරික කටයුත්තක් කියා පිළිතුරක් දෙන්න පුළුවන්. එහෙත් මහින්ද නම් එවැනි පිළිතුරක් පිළිගන්නෙ නැති බව පැහැදිලියි.

Saturday, 4 May 2019

පළිගැනීම පිළිගැනීම හා ජනාධිපති කිරීම නොකිරීම

පළිගැනීම  පිළිගැනීම හා ජනාධිපති කිරීම නොකිරීම



බටහිර නූතනත්ව සංස්ථාපනය විවිධ සංවිධාන අටවා ගැනීම ඇති වී තිබෙන සංවිධාන තම අවශ්‍යතා සඳහා යොදා ගැනීම නොදන්නා කෙනකු ඉන්නවා නම් ඒ පඬියකු ම වෙන්න ඕන. පාස්කු ප්‍රහාරය කෙළෙ ජාතික තව්හීඩ් ජමාද් සංවිධානය බව දැන් තහවුරු වෙලා. නඩු   විභාගයක් නැතිව ඒක දැන ගත්තෙ කොහොමද වගේ පඬි කතා අහන්න පුළුවන්. අපටත් අවශ්‍ය කාලයෙන් පස්සට බලපාන නීති සම්මත කරල ඉක්මනට නඩුව විභාග කරල මුස්ලිම් ත්‍රස්තවාදය ලංකාවෙදි මුලිනුපුටා දාන්න. ඒත් රනිල්ගෙ ආණ්ඩුව තියෙනකන් ඒක වෙයි කියල විශ්වාස කරන්න අමාරුයි. රනිල් බොරු කතා කිය කිය හිටියෙ ඊනියා විදේශීය සංවිධානවල සාමාජිකයන් අත්අඩංගුවට ගන්න නීති නැහැයි කියල. දැන් ඒ අමන කතාව කියන්න බැහැ. 

Friday, 3 May 2019

කැරකෙන කුහරේ


Spinning Jets in Black Holes



BY
• MARK SERRELS
APRIL 29, 2019

The black hole spitting out jet beams like a weird spinning top
Scientists have observed a strange phenomenon from the black hole V404 Cygni: jet light beams that wobble like a spinning top.

The year 2019 has been a big one for black holes. To begin with, we saw one for the first time. We also discovered 83 of them at the edge of our universe. No big deal.
Now recent research is uncovering more about the insanely dense, spacetime bending bad boys of the universe. Get this: while most black holes are thought to "spin" (thanks to the space dust and gas in orbital motion around the black hole) scientists have discovered a black hole that does things a little differently.

පාස්කුවෙන් සිංහල බෞද්ධ සංස්කෘතිය දුර්වල වීම

පාස්කුවෙන් සිංහල බෞද්ධ සංස්කෘතිය දුර්වල වීම



පාස්කු ප්‍රහාරයෙන් පසු කාදිනල්තුමා ඉදිරියට පැමිණියා. එය එක්තරා ආකාරයකට මළවුන්ගෙන් නැගිටීමක් බඳුයි.  ඒ වගේ ම සිංහල බෞද්ධ විරෝධී පඬියන් කුරුසියේ ඇන ගසනු ලැබුවා. භික්‍ෂූන් වහන්සේත් සිංහල බෞද්ධයනුත් අතරමං වෙලා. භික්‍ෂූන් වහන්සේ තරමක් පස්සට ගිහින්. දේශපාලනඥයන් නම් කිසි දිනෙක අතරමං වන්නේ නැහැ. ඔවුන් ජනතාව අතරමං කරනවා පමණයි. 

ඇමරිකාව බබාලන්තයක්ද ?



මේ ලිපිය තේෂාන් ප්‍රියදර්ශනගෙනි



ඇමරිකාව බබාලන්තයක්ද ?
========================
මෙහි කියැවෙන අදහස සියල්ලන් විසින් පිළිගතයුතු නොවන බව පළමුව කිව යුත්තේ මූණු පොත යනු පඳුරකට පයින් ඇන්න විට පඬියන් හැට හැත්තෑවක් විසිවන ස්ථානයක් බැවිනි...තිබෙන තොරතුරු අනුව ගොඩනැගිය හැකි එක් වඩාත් සංගත අදහසකි මෙහි කියැවෙන්නේ...වියුක්තව මෙම කතාව කිවහැකි වුවත් බොහෝ දෙනා තේරුම්ගනුයේ සංයුක්ත කතාවලින් බැවින්, මෙහි සංයුක්ත නිදසුන් ද සඳහන් වෙයි. දැනට තිබෙන තොරතුරු සමඟ පමණක් මෙම කතාව තේරුම්ගැනීමට උත්සාහ නොකොට, ඉදිරියේදී ලැබෙන තොරතුරු ඒ සමඟ සංගත වන්නේදැයි මේ පිළිබඳ උනන්දු වන යමෙකුට සොයා බැලිය හැකි ය.

Thursday, 2 May 2019

වෙච්ච දේ වෙන දේ

වෙච්ච දේ වෙන දේ


පසුගිය පාස්කු ඉරිදා සිදුවූයේ එක ගලින් කුරුල්ලන් කිහිප නෙකු මැරීමයි. ලංකාව ඇතුළත කරන මෙහෙයුම් තවදුරටත් වඩාත් ශක්තිමත් ව කරගෙන යන්න ඕන බව අමුතුවෙන් කියන්න ඕන නැහැ. හමුදාව හා පොලීසිය දැනට කර ඇති මෙහෙයුම් ගැන අපට සෑහීමකට පත් වෙන්න පුළුවන්. ඒත් මා හිතන්නේ අපට ඇති නීති ප්‍රමාණවත් නොවන බවයි. මේ මෙහෙයුම් තව තවත් ඉදිරියට ගෙන යෑම සඳහා කාලයෙන් පස්සට බලපාන නීති අවශ්‍යයි. අත්අඩංගුවට ගත් හා ගැනීමට සිටින සැකකරුවන්ගෙන් ප්‍රශ්න කිරීමටත් නීති අවශ්‍යයි. 

Wednesday, 1 May 2019

සුමන්තිරන්, බටහිරයන්, අයිසිස් හා රිෂාඩ්

සුමන්තිරන්, බටහිරයන්, අයිසිස් හා රිෂාඩ්

බොර දියේ මාළු බෑම කාටත් පොදු ලක්‍ෂණයක්. පඬියන් කියා එහි වෙනසක් නැහැ. කොහොමත් අර්බුදකාරි අවස්ථාවල අප විවිධ හිතළු ඔස්සේ වැඩ කරනවා. ඒ ඒ අය විවිධ දේශපාලන වාසි ලබා ගන්න උත්සාහ කරනවා. මා දැක්කා ඒබ්‍රහම් සුමන්තිරන් කියා තිබෙනවා ආණ්ඩුව ඊනියා සුළු ජාතීන්ගේ පැවැත්ම ගැන නොසිතන එක ප්‍රශ්නයක් කියා. ආණ්ඩුව නව ව්‍යවස්ථාවක් නොගෙනීම ඔහුට ප්‍රශ්නයක් වෙලා. ඔහු ඊනියා සමාජයීය ගිවිසුමක් (social contract) ගැන කතා කරනවා. දැනට පවතින ව්‍යවස්ථාව ඊනියා සුළු ජාතීන්ගේ කැමැත්ත ඇතිව සම්මත කර ගත් එකක් නොවන බවයි ඔහු කියන්නේ. ඔහුට දැන් අවශ්‍ය වෙලා තියෙන්නෙ මේ කලබල අස්සේ ඔහුගේ, රනිල්ගේ, ජයම්පතිගේ හා ලාල් විජේනායකගේ ව්‍යවස්ථාව සම්මත කර ගන්න.