Main Logo

Monday 31 December 2018

පෙරමුණ ගැන තවදුරටත්


පෙරමුණ ගැන තවදුරටත්



මා හිතනවා ඊයේ පළ කළ අදහස් තවදුරටත් විස්තර කළ යුතු ය කියා. ඇතැමුන් ලිපියක වචනයක් හරි වාක්‍යයක් හරි අල්ල ගෙන ඒ ගැන කතා කරන්නේ වෙනත් අරමුණු සහිත ව. මා දැන් සාමූහික වැඩවල නිරත වන්නේ නැහැ. ජාතිකවාදීන් අතරත් ඒ ඒ අයට විවිධ න්‍යාය පත්‍ර තියෙනවා. ජාතිකවාදී කඳවුරෙන් මා පිටමං කිරීමට වෙහෙස දරන අයත් ඉන්නවා. මා ජාතිකවාදී මතවාදයක හිටියත් ඉන්නේ පිටස්තරයකු ලෙස. මා පිටස්තරයකු කෙළේ ජාතිකවාදීන් ම මිස වෙනත් අය නො වෙයි. මා ජනමාධ්‍යයෙන් ඉවත් කිරීමට මුල් වූයේත් ජාතිකවාදීන් හා ඊනියා ජනතාවාදීන්. 

Sunday 30 December 2018

රනිල්ගේ ම නොවන රනිල්ගෙ ආණ්ඩුව හෙවත් සුමන්තිරන්ගෙ ආණ්ඩුව


රනිල්ගේ ම නොවන රනිල්ගෙ ආණ්ඩුව හෙවත් සුමන්තිරන්ගෙ ආණ්ඩුව



රනිල් උපාසක මහත්තයා දළදා මාළිගාවට ගිහින්. ඔහු නිළමෙළාත් එක්ක පින්තුරෙකුත් අරගෙන. රනිල්ට ඕන කෙනකු එක්ක පින්තූර ගන්න පුළුවන්. ඒත් සාමාන්‍යයෙන් නිළමෙළා පිරිවරාගෙන පින්තූර ගන්නෙ රාජ්‍ය නායකයා. මට සුභ සහ යස සිහිවෙනවා. කවටකමට හරිි රජ්ජුරුවන්ට අඳින එක හොඳ වැඩක් නො වෙයි. රනිල් අනුරාධපුරෙත් ගිහින්. ශ්‍රී මහා බෝධීන් වහන්සේට සිවුරු පූජා කරලා. තම හිසින් බෝධීන් වහන්සේ ස්පර්ශ කරලා. රනිල් දැන් වයසට ගිහින් ද? වයසට යන විටත් පරලොව මතක් වන විටත් මිනිසුන් ඔහොම හැසිරෙනවා. ඒත් රනිල්ගෙ සංස්කෘතිය මොකක් ද? රනිල්ට අවශ්‍ය තමන් සිංහල බෞද්ධ සංස්කෘතියෙ ආරක්‍ෂකයා කියල පෙන්නන්න ද?

Saturday 29 December 2018

සිංහලේ එක්සේසත් කළේ කවුද


සිංහලේ එක්සේසත් කළේ කවුද



මේ රටේ ඉතිහාසය ඉගැන්වීමටත් ඉතිහාසයක් තියෙනවා. ඈත අතීතයේ ඉතිහාසය පදනම් වුණෙ ජනකතා (ජනප්‍රවාද, ඊනියා ජනශ්‍රැතිය) වංශකතා සෙල්ලිපි ආදිය මත. ඉතිහාසය ඉගෙනීමට සිදුවන්නේ වර්තමානයෙ. එහෙත් එදා වර්තමානය අද අතීතය වෙලා. බටහිර ගණිතයත් භෞතික විද්‍යාවත් සාපේක්‍ෂ වන විට ඉතිහාසය සාපේක්‍ෂ නොවී සිටින්නේ නැහැ. ඉතිහාසය කියන්නෙත් අනෙක් සියල්ල වගේ ම මිනිසුන්ගෙ නිර්මාණයක්. අද අප ඉතිහාසය නිර්මාණය කිරීමේ දී සමහරවිට පැරණි ඉතිහාස කතාවලට නව අර්ථකථන දෙනවා. ඉතිහාසයකට වඩා ඉතිහාස තියෙනවා කියල කිව්වොත් නිවැරදියි. 

Friday 28 December 2018

දහනවය කුමක් සඳහා ද? රාජ්‍ය ඇමතින් වලංගු නැහැ


දහනවය කුමක් සඳහා ද? රාජ්‍ය ඇමතින් වලංගු නැහැ



මා හිතන්නේ මේ වන විට රනිල් සුමන්තිරන් හා අනුර දාසනායක ප්‍රජාතන්ත්‍රවාදය යනුවෙන් හඳුන්වන්නේ කුමක් ද යන්න පැහැදිලියි. ඒ අන් කිසිවක් නොව සිංහල බෞද්ධ සංස්කෘතිය නැති කර දැමීමයි, නැති කරන්න බැරි නම් ඒ තව තවත් දුර්වල කිරීමයි. ඔවුන් පිටුපස සිටින්නේ බටහිර රටවල් හා ඉන්දියාවයි. රනිල් කල්ලිය පවතින්නේ ඒ රටවල ආධාරයෙන් හා අනුග්‍රහයෙන්. ඔවුන් වෙනුවෙන් ඊනියා මානව හිමිකම් අයිතිකරුවන් සිවල් සාමාජිකයන් හා තවත් අය කටයුතු කරනවා. ඔවුන්ගේ බයිලාව තමයි මෙරට සිංහල බෞද්ධ සංස්කෘතික ආධිපත්‍යයක් ඇති බවත් එය බිඳ දැමිය යුතු බවත්. ඒ බයිලාවත් ඔවුන්ගේ ම නිර්මාණයක් නො වෙයි. එයත් බටහිරයන් ම ඔවුන්ට ලබා දෙන්නක්. මේ සිවල් සාමාජිකයන් ආදීන්ට කිසිම නිර්මාණාත්මක හැකියාවක් නැහැ. ඔවුන් තුට්ටු දෙකේ අනුකාරකයන් පමණයි.

Thursday 27 December 2018

සුමන්තිරන්ගෙ මඩකලපු කතාව


සුමන්තිරන්ගෙ මඩකලපු කතාව



සුමන්තිරන් මඩකලපු ගිහිල්ල. හිටපු මන්ත්‍රි ජෝසෆ් පරරාජසිංහම් සිහිකරන්න. කතෝලිකයකු වූ පරරාජසිංහම් 2005 නත්තල් දිනයේ දී පල්ලියේ දී  ඝාතනය කරනු ලැබුයේ කවුරුන් විසින් දැයි 2015 පත් වූ බයිලා රනිල්ගේ ආණ්ඩුවත් දන්නෙ නැහැ. කරුණා ඝාතනය පිටුපස සිටින බව තමයි ඇතැමුන්  පතුරවා තියෙන මතය. 2015න් පසුව කිහිප දෙනකු ඝාතනය සම්බන්ධයෙන් අත්අඩංගුවට ගෙන තියෙනවා.  ඒ අතර පිල්ලෙයානුත් හිටියා.  කොටි ත්‍රස්තවාදීන් පරරාජසිංහම් මහාවීර් කෙනකු කළා. ඔහුගේ භාර්යාව පසුව කැනඩාවේ විසා ගත්තත් එහි සරණාගතයකු වීමට ඉල්ලුම් කළ අවස්ථාවේ පරීක්‍ෂණයකින් පසු ත්‍රස්තවාදිනියක ලෙස නම් කෙරි රටින් පිට කිරීමට නියෝග කෙරුණා. එහෙත් ඉන් පසුවත් ඇය කැනඩාවේ රැඳී සිටියා.  එහෙම වුණෙ කොහොමද කියලා සුමන්තිරන් කියනවා ද?

Wednesday 26 December 2018

උතුරේ ගංවතුර





මා දෙරණට ගියා. එහි දී උතුරේ ගංවතුර ගැන මා නැගූ කෙටි ප්‍රශ්න තුනක්. 





උතුරු පළාතෙ ගංවතුර සම්බන්ධ ප්‍රශ්න කිහිපයක්


උතුරු පළාතෙ ගංවතුර සම්බන්ධ ප්‍රශ්න කිහිපයක්



උතුරු පළාත ම වගේ ගංවතුරෙන් යටවෙලා. දසදහස් ගණනක් අනාථ වෙලා. ඔවුන් ඉන්නෙ කඳවුරුවල. හමුදාවේ රැකවරණය ඇතිව වුවත් හමුදා කඳවුරුවල නොවෙයි. මේ ජනයා මුළුමනින් ම මෙන් දෙමළ කතා කරන්නන්. ස්වාභාවික ආපදා කියන ඒව එන්නෙ කලින් දැනුම් දීල නො වෙයි. ආපදාවන්ට ගොදුරු වූ අයට අනෙක් අයගෙ උදවු උපකාර අවශ්‍යයයි. මා හිතන්නෙ සෑහෙන ප්‍රමාණයක් උදවු උපකාර කිරීමට කටයුතු කළා කියලයි. ගංවතුරු උවදුර පහව යන තෙක් ම ආපදාවන්ට ලක් වූවන් රැක බලා ගැනීම අපේ යුතුකමක්. 

Tuesday 25 December 2018

පේරාදෙණි ගුරුකුලය


පේරාදෙණි ගුරුකුලය



පේරාදෙණිය ගුරුකුලයේ උපත නැගීම හා බිඳවැටීම කියල පොතක් කියෙව්ව. පිටු හයසිය ගණනක් ඇති ඒ පොත ලියල තියෙන්නෙ සේන තෝරදෙනිය. පොතේ දත්ත රාශියක් තියෙනවා. මුලාශ්‍රත් දක්වල තියෙනවා. බොහොම මහන්සි වෙලා කරපු වැඩක්. පොතේ කියන විධියට කතුවරයා මට අවුරුදු දෙකකට කලින් පේරාදෙණියට ගිහින් තියෙන්නෙ. මා පේරාදෙණියෙ ඉගෙන ගත්තෙ එක වසරයි. ඒ කොළඹට එන්න වුණු නිසා. ඒ කාලෙ එක විශ්වවිද්‍යාලයයි තිබුණෙ. ඒ ලංකා විශ්වවිද්‍යාලය. පේරාදෙණියෙ විද්‍යා පීඨයට කිව්වෙ දෙවැනි විද්‍යා පීඨය කියලා. මා පසුව අවුරුදු අටක් පමණ එහි ඉගැන්නුවා. ඒ කාලෙ කොළඹ හා පේරාදෙණිය විශ්වවිද්‍යාල දෙකක් බවට පත් වුණා. දෙවැනි වතාවෙ පේරාදෙණියෙ මට පත්වීමක් දුන්නෙ නැහැ. ඒ වන විට විශ්වවිද්‍යාල මණ්ඩප වෙලා. දැන් අප ඉගෙන ගත් ලංකා විශ්වවිද්‍යාලය නැහැ. අප දැන් නැති විශ්වවිද්‍යාලයක උපාධිධාරීන්. මා උපාධි සහතිකය ගත්තෙත් නැහැ. මා හිතන්නෙ ලංකා විශ්වවිද්‍යාලෙ වාර්තා තියෙන්නෙ පේරාදෙණියෙ කියලයි. ඒත් කොළඹත් තම උරුමය අත් හරින්නෙ නැහැ. මා නම් මේ සියලු උරුම අත්හැරලා. ඒ අයත් මා අත්හැරලා. මට විශ්වවිද්‍යාලයෙන් ලැබුණෙ භාර්යාව විතරයි.  

Monday 24 December 2018

ඇමති පෙරේතයෝ


ඇමති පෙරේතයෝ



ඊනියා ජාතික ආණ්ඩුවක් හදන්න බැරි නම් අඩුම තරමෙන් ඇමති ධුර දෙකක්වත් වැඩි කර ගන්න අද රනිල් හා පිරිස කටයුතු කරන බව පේනවා. ජනතාවට සේවය කිරීමට මෙතරම් උනන්දුවක් දක්වන පිරිසක් රටේ සිටීම අපේ ලොකු භාග්‍යයක් වෙන්න ඕන. දැන්වත් පැහැදිලි වෙන්න ඕන ඊනියා ජාතික ආණ්ඩු හදන්නෙ එංගලන්තෙ වගේ යුද්ධ කාලවල එකතු වෙලා රට රකින්න නොවෙයි ඇමතිකම් වැඩි කර ගන්න කියන එක.

Sunday 23 December 2018

අධිකරණය සහ ජාතික ආණ්ඩු, රාජ්‍ය ඇමතිවරු, මහින්ද

අධිකරණය සහ ජාතික ආණ්ඩු, රාජ්‍ය ඇමතිවරු, මහින්ද  


අද රනිල්ගේ ආණ්ඩුව ඉන්නෙ අර්බුදයක. ඔවුන්ට ඇමති මණ්ඩලය තිහකට සීමා කරන්න බැහැ. ජනතාවට සේවය කරන්න කියමින් ඇමති ධුර ඉල්ලන බොහෝ අය ඉන්නවා. රනිල් ඔවුන්ට ඇමතිකම් දෙන්න ඕන. එය කළ හැක්කේ ඊනියා ජාතික ආණ්ඩුවක් පිහිටුවීමෙන් පමණයි. ඊනියා ජාතික ආණ්ඩුවක් කියන්නෙ සභාග ආණ්ඩුවක්. ඒකට සභාග ආණ්ඩුවක් කියන්නෙ නැතිව ප්‍රෝඩාතන්ත්‍රවාදී දහනවවැනි සංශෝධනයෙන් ඊනියා ජාතික ආණ්ඩුවක් කිව්වෙ තමන් සාමාන්‍ය ආණ්ඩුවක නම් මන්ත්‍රී සංඛ්‍යාව තිහට සීමා කරන බව කීමටත් අනෙක් පැත්තෙන් ජනතාවගේ ඇස්වලට වැලි ගසා ඇමති සංඛ්‍යාව තිහට වැඩි කර ගැනීමටත්.

Saturday 22 December 2018

විජාතික සැලසුම් හා මහින්ද


විජාතික සැලසුම් හා මහින්ද



රටට විරුද්ධව රණවිරුවන්ට විරුද්ධව සිංහල බෞද්ධයනට විරුද්ධව බටහිරයන් සමග එක් වී ජෙනීවාහි දී යෝජනා සම්මත කර ගත් මංගල සමරවීර ඊයේ තෙල් මිල අඩු කරළා. ඒ ගැන ඔහුගේ ම වල්ලේ පොලක් වූ රනිල් පාර්ලිමේන්තුවේ කතාවකුත් කරලා. අද නැවතත් රට ආණ්ඩු කරන විජාතික, සිංහල බෞද්ධ නොවන සංස්කෘතියකට අයත් පිරිසකට වුවත් මිනිසුනට සහනයක් දෙන්න සිද්ධ වෙලා.

Friday 21 December 2018

ඇමති සංඛ්‍යාව ජාතික ආණ්ඩු හා බටහිර වෛද්‍යවරු


ඇමති සංඛ්‍යාව ජාතික ආණ්ඩු හා බටහිර වෛද්‍යවරු





වජිර අබේවර්ධන ඇමතිවරයකු කියලයි කියන්නෙ. එහෙත් ඔහු ආණ්ඩුක්‍රම ව්‍යවස්ථාව දන්නෙ නැති පාටයි. ඇමතිවරුන් මන්ත්‍රීවරුන් කී දෙනකු ආණ්ඩුක්‍රම ව්‍යවස්ථාව හා ස්ථාවර නියෝග  කියවා ඇත් ද යන්න ප්‍රශ්නයක්. අද එ ජා පෙරමුණට ඇමතිවරුන් සංඛ්‍යාව තිස් දෙනකුට වඩා වැඩි කරන්න අවශ්‍ය වෙලා. අද එ ජා පෙරමුණේ හා ඔවුන් වටා සිටින අයගේ ඒකායන බලාපෙරොත්තුව ඇමතිවරුන් තිස් දෙනකුට වඩා පත් කරන්න.

Thursday 20 December 2018

උත්සන්න වී ඇති මහින්ද විරෝධය


උත්සන්න වී ඇති මහින්ද විරෝධය





මහින්ද විරෝධය දැන් උමතු තත්වයකට පත් වෙලා. මා කිසිසේත් ම මහින්දවාදියකු නො වෙයි. පසුගිය කාලයේ මහින්දවාදීන් මට කීවේ සිරිජාතිකවාදියා කියා. සමහරවිට දැනුත් එසේ කියනවා ඇති. ඔවුන් සමහරකුට අනුව මා ඩොලර්වලට වැඩ කරන්නෙක්. මා ඩොලර් අරන් හොඳට හිටපු මහින්ද මහත්තය අමාරුවෙ දාලා. මහින්දට ජනාධිපතිකමත් අගමැතිකමත් දැන් විපක්‍ෂ නායකකමත් නැති කරන්නෙ මා යැයි ඔවුන් කීවොත් මා පුදුම වන්නේ නැහැ. එසේ වුවත් අද සිංහලයන්ට පැහැදිලි විය යුතුයි මහින්දට විරුද්ධව වැඩ කරන්නෙ කවුද කියන එක. මට අවශ්‍ය වූයේ මහින්දගේ ශක්තිය මෛත්‍රිපාලට ලබා දී රනිල් අගමැති ධුරයෙන් ඉවත් කිරීමයි. එය යම් ප්‍රමාණයකට සාර්ථක වුණා. රනිල් අද බෙලහීන අගමැති කෙනෙක්.

Wednesday 19 December 2018

අනේ කිරිඇල්ල අහෝ සුමන්තිරන්


අනේ කිරිඇල්ල අහෝ සුමන්තිරන්



මහින්ද රාජපක්‍ෂ විපක්‍ෂ නායක වීම සුමන්තිරන්ට කිරිඇල්ලට හා තවත් අයට හිසරදයක් වීම තේරුම් ගන්න පුළුවන්. මා ඊයේ සඳහන් කළ ව්‍යවස්ථා සභාවේ සංයුතිය වෙනස් වෙනවා. එවිට රනිල්ගේ ඒකාධිකාරය යම් දුරකට නමුත් කැඩෙනවා. ඊනියා ස්වාධීන කොමිෂන් සභාවලත් සංයුතිය රනිල්ට ඕන විධියට සකස් කර ගන්න බැරි වේවි. කිරිඇල්ල පාර්ලිමේන්තුවේ දී පඩි පෙළේ නීතිිඥයන් ගැන කතා කළා. ඔහු මොන නීතිඥයකු ද කියා දැන ගන්න විධියක් නැහැ. ඔහු දිනපු නඩු කීයක් තියෙනවා ද කියා දන්නේ නැහැ. ඔහු සාමාන්‍ය පෙළ සමත් වූයේ පාසලෙන් අස්වීමෙන් පසුව ද? මා මේ ප්‍රශ්න නගන්නේ ඔහු කවර අන්දමේ නීතිඥයකු ද කියා දැන ගැනීමට. ඔහු අර කට කැඩිච්ච කතා කියන්නේ නැත්නම් මා මේ ප්‍රශ්න නගන්නේ නැහැ.

Tuesday 18 December 2018

රනිල්ගේ බංකොළොත් වෑයම


රනිල්ගේ බංකොළොත් වෑයම



රනිල් ඊයේ ඊනියා යුක්තියේ ජයග්‍රහණ රැළියේ දී මෛත්‍රිපාලටත් මහින්දටත් පිළිතුරු දෙන්න හැදුවා. එහෙත් ඒ අසාර්ථක වුණා. රනිල් ළඟින් වාඩි කරව ගෙන මෛත්‍රිපාල කළ චෝදනා එකකටවත් රනිල්ට උත්තර දෙන්න බැරි වුණා. ඒකෙනුත් තේරෙන්නෙ රනිල්ගෙ මහත්මා ගුණය කියා ඔහුගෙ හෙංචයියන් හා හෙංචක්කලා කියාවි. රනිල් බැඳුම්කරය ගැන රණවිරු දඩයම ගැන භික්‍ෂූන් වහන්සේ සිරගත කිරීම ගැන සහ මෛත්‍රිපාල මතක් කළ තවත් බොහෝ දේ ගැන නිසි පිළිතුරක් දුන්නෙ නැහැ. ඔහු ටිකක්වත් කතා කෙළේ අධිකරණයේ සවාධීනත්වය පාර්ලිමේන්තුව විසුරුවා හැරීම පරමාධිපත්‍යය ගැනයි. ඔහුගේ කතාව සුපුරුදු පරිදි හිනා නොයන විහිළුවලින් සමන්විත වුණා. ඔහුගේ කතා ලියන්නේ කවුද කියල දැනගන්න එක වටිනවා.

Monday 17 December 2018

රට විකුණන රට බෙදන ප්‍රෝඩාතන්ත්‍රවාදියා ගෙදර ම යවමු


රට විකුණන රට බෙදන ප්‍රෝඩාතන්ත්‍රවාදියා ගෙදර  යවමු



රනිල් පස්වැනි වතාවටත් අගමැති වෙලා. ඒක ලෝක වාර්තාවක්ලු. අපට තවත් ලෝක වාර්තාවක් පිහිටුවන්න පුළුවන්. ඒ රනිල් පස්වැනි වතාවටත් අගමැති කමෙන් ඉවත් කරලා. ඒත් මේ ගමන ඉවත් කරන්නෙ හයවැනි වතාවකට අගමැති වෙන්න එහෙම නම් නො වෙයි.  රනිල් දිවුරුම් දුන්නට පස්සෙ හොඳ කතා දෙකක් කෙරිල. එකක් කොළඹ ජනාධිපති කාර්යාලයෙදි. අනෙක තංගල්ලෙදි. කොළඹ කතාවෙ දී ජනාධිපති සිරිසේන රනිල් ඉස්සරහින් තියාගෙන රනිල්ගෙ ප්‍රෝඩාතන්ත්‍රවාදය, රට බෙදීම හා රට විකිණීම ගැන කියලා. රනිල් මොනව කියන්න ද? ඒත් දෙරණෙ චතුර නම් කීවෙ රනිල් පරිණත ව හිතන්න ඇතිලු ඒ චෝදනා ජනාධිපති ම ගන්න කියලා. දෙරණ හිරු ආදී නාළිකා පළමුවෙන් බලන්නෙ රට ගැන නොවෙයි තමන්ගෙ පැවැත්ම ගැන.

Sunday 16 December 2018

රනිල්



රනිල් අගමැති ධුරයට පත් නොකළ යුතුයි. 

ඔහු ජනාධිපතිනියට/ජනාධිපතිට පාර්ලිමෙන්තුවට නොදන්වා රටට අහිතකර දේ කර ඇත්තෙක්.

විකල්ප ඉල්ලන පඬියන්ට මගේ කාලය ලිපිවල විකල්ප කියා ඇති.

අතුරු මිතුරු


අතුරු මිතුරු



මහින්ද රාජපක්‍ෂ ඊයේ අගමැති ධුරයෙන් අස්වීම නිසා බොහෝ දෙනකුට 2015 ජනවාරි 9 මතක් වුණා. බොහෝ දෙනකු මහින්ද අස්වීමේ ලිපිය අත්සන් කරනු බලා සිටියේ ජනවාරි 9 මතක් කරමින්. අස්වීමේ ලිපිය අත්සන් කිරීමට නැකතක් තිබුණා ද කියා මා දන්නේ නැහැ. නැකතක් තිබුණා නම් ඒ ආපසු ඒමේ ද නැකතක් වෙන්න ඕන. බටහිරයන්ට තම ඓතිහාසික ග්‍රීක  කතා අමතක වුවත් මහින්ද ගැන නොදන්නා දෙයක් කියන්න තියෙනවා. ඒ ඔහු ජනතාවගෙන් ශක්තිය ලබන්නකු බව. ඔහු ජනතාව වෙතට හෙළන්න. ඔහු හිටියාට වඩා ශක්තියකින් නැගී සිටිනවා. බටහිර හා ඉන්දීය විජාතික බලවේග 2015 ජනවාරියේ දී ඔහු මැදමූලනට දැමුවේ නැවත නොඒවිය කියා. එහෙත් මසක් ඇතුළත පෙබරවාරිය වන විට ඔහු හිටියාට වඩා ශක්තියකින් ආපසු ඇවිත්. මහින්දගේ ශක්තිය ඇත්තේ ජනතාව ළඟ. ඊයේ ඔහු ආපසු ජනතාව වෙත ගියා. ඔහුට අද ම ජනතාවගේ ශක්තිය හිටියාට වඩා ලැබෙනවා.

Saturday 15 December 2018

ජනාධිපතිට ඇති විකල්ප


ජනාධිපතිට ඇති විකල්ප



දින පනහකට පසුව මහින්ද අද අගමැති ධුරයෙන් ඉවත් වන බව කියනවා. එහෙත් එය එසේ සිදු  විය යුතුව තිබුණේ නැහැ. ඊයේ සිට මට විද්‍යුත් තැපැල් පණිවුඩ ලැබෙනවා තව මාස කිහිපයකින් බලයට එන්න හිටි මහින්ද මහත්තය ව අමාරුවෙ දැමීම පිළිබඳ කුණුහරුපයෙන් බැනලා. මගේ කුලය ගැනත් සඳහන් කරනවා. රනිල්ලා හා බටහිරයන් මට දුන් ඩොලර් ගැනත් ප්‍රශ්න කරනවා. ඒ කුණුහරුපවලින් මා සැලෙන්නේ නැහැ. ලංකාවේ උභයකුල පාරිශුද්ධ අය කී දෙනකු ඉන්නවා ද කියා මා දන්නේ නැහැ.

Friday 14 December 2018

ජාතික විජාතික ගැටුම


ජාතික විජාතික ගැටුම



බොහෝ දේ කියන්න තියෙනවා. එක වාක්‍යයකින් කියනවා නම් දැනට විජාතික බලවේග තාවකාලික ව  ජයග්‍රහණය කර තිබෙනවා. එහෙත් ජාතික බලවේග නැවතත් ජයග්‍රහණයක් අත්පත් කර ගනීවි. මෙරට අවුරුදු පන්දාහක ඉතිහාසය  මේ ජයග්‍රහණ හා පරාජ පිලිබඳ කතාව මිස ඊනියා පංති සටනක කතාවක් නො වෙයි. එය ජාතික බලවේගවල ජයග්‍රහණයකින් අවසන් කර ගැනීමේ කාර්යභාරය අප වෙත පැවරී තිබෙනවා.

Thursday 13 December 2018

ශ්‍රෙෂ්ඨාධිකරණ තීන්දුව හා මහින්ද



ශ්‍රෙෂ්ඨාධිකරණ තීන්දුව හා මහින්ද

ශ්‍රෙෂ්ඨාධිකරණ  තීන්දුව අනුව පාර්ලිමේන්තුව විසුරුවා හැරීම වැරදි යැයි තීරණය වුවත් එයින් මහින්දගේ අගමැති ධුරයට ප්‍රශ්නයක නැහැ. ඔහු තවදුරටත් අගමැති. එමෙන් ම ඇමති මණ්ඩලය ද තවදුරටත් ඇමතිවරු. එබැවින් මහින්ද හෝ ඇමතිවරුන් හෝ අස්වීම පිලිබඳ ප්‍රශ්නයක් මතුවන්නේ නැහැ. 

රනිල් පිටුපස විජාතික බලවේග


රනිල් පිටුපස විජාතික බලවේග



රනිල් අගමැති වීමට පක්‍ෂපාතීත්වය දක්වන යෝජනාවක් ඊයේ දියවන්නා කෝළමේ සම්මත වෙලා. යෝජනාව ගෙනාවේ සජිත් ප්‍රේමදාස. සජිත්ගෙ තාත්තට විරුද්ධ දෝෂාභියෝගෙ ගෙනාවෙ රනිල් ඇතුලු පිරිසක්. ඉතා පැහැදිලිව ඊයේ යෝජනාව සජිත් ලව්ව ගෙන්නවලා.  එ ජා පෙ  අර්බුදයක ඉන්න බව පැහැදිලියි. සජිත් මෙවරත් නායක සටනින් පරාදයි. රනිල් පක්‍ෂය දැතුළෙ බලවත් වෙලා. රනිල්ට ඕන නැවතත් අගමැති වෙන්න.

Wednesday 12 December 2018

සාමූහික ක්‍රියා



සාමූහික ක්‍රියා


මින් පසු සාමූහික ක්‍රියාවන්ගෙන් සමු ගන්නා බැවින් මුහුණු පොතේ ඇතැම් මිතුරන් නොමිතුරන් කළා. 

කිසිවකු මගේ මතවාද වෙනුවෙන් පෙනී සිටින්නේ, කැප වන්නේ නැහැ. එසේ කරන්නේ යැයි  පවසන්නේ ඒ මතවාද යම් අයුරකින් තමන්ගේ මතවාද බවට පත් කර ගත් අයයි. 

පරමාධිපත්‍යය ජනතාවට ද දෙවියන් වහන්සේට ද?


පරමාධිපත්‍යය ජනතාවට ද දෙවියන් වහන්සේට ද?



බටහිර ව්‍යවස්ථා අනුව සම්පාදනය කර ඇති අපේ ආණ්ඩුක්‍රම ව්‍යවස්ථාවේ වැදගත් ම ව්‍යවස්ථා (වගන්ති ) තුනක් වනුයේ පළමුවැනි දෙවැනි හා තුන්වැනි ව්‍යවස්ථායි. අපේ මතකය අලුත් කර ගැනීමට ඒ ව්‍යවස්ථා නැවතත් සඳහන් කරනවා.

1.ශ්‍රී ලංකාව නිදහස්, ස්වෛරී, ස්වාධීන, ප්‍රජාතාන්තික සමාජවාදී ජනරජයකි. ශ්‍රී ලංකාව, ශ්‍රී ලංකා ප්‍රජාතාන්තික සමාජවාදී ජනරජය යනුවෙන් හඳුන්වනු ලැබේ.

2.ශ්‍රී ලංකා ජනරජය ඒකීය රජයකි.

3.ශ්‍රී ලංකා ජනරජයේ පරමාධිපතය ජනතාව කෙරෙහි පිහිටා ඇත්තේ ය. පරමාධිපත්‍යය අත්හළ නොහැක්කේ ය. පරමාධිපත්‍යයට පාලන බලතල, මූලික අයිතිවාසිකම් සහ ඡන්ද බලය ද ඇතුළත් වන්නේ ය.

විශ්වකර්ම රූහඬ පටය



විශ්වකර්ම  රූහඬ පටය




විශ්වකර්ම දැනුම පිළිබඳ තුන්වැනි රූහඬ පටය සබැඳිය


https://youtu.be/U2Ay6ohRJIg

Tuesday 11 December 2018

වැඩ මැද උසාවි වැඩිි අමිල හාමුදුරුවො


වැඩ මැද උසාවි වැඩිි අමිල හාමුදුරුවො



මහින්ද අගමැති හැටියට පත් කරලා දවස් හතළිස්පහක් ගත වුණාට පස්සෙ දඹරාවෙ අමිල හාමුදුරුවො උසාවියට වැඩම කරලා පත්කිරීමට විරුද්ධ ව නඩුවක් දාන්න. උන්වහන්සේට සත්සතියක් ම ගත කරලා නඩුව දාන්න තිබුණා. ඒත් උසාවි නිවාඩුව කොහොම බලපාවි ද කියල හාමුදුරුවන්ට ප්‍රශ්නයක් වෙන්න ඇති. දැන් ඉස්සර වගේ නොවෙයි උසාවි නිවාඩු දවස් ගැනත් හැමෝම දන්නවා.

Monday 10 December 2018

එ ජා පෙරමුණේ පරාජය


එ ජා පෙරමුණේ පරාජය



එ ජා පෙරමුණට දෙමළ ජාතික සංධානයට හා  ඔවුන්ගේ අතවැසි ජ වි පෙරමුණට දැන් ඉතිරි ව ඇත්තේ බටහිරයන්ගේ පිහිට පමණයි. අද ඔවුන් ගඩාෆිට වුණු දේ ගැන කතා කරන්නෙ වෙනත් ක්‍රමයක් නැති නිසයි. අනුර කුමාර පාර්ලිමේන්තුවේ රනිල් මහින්ද හමුවක් ගැන කියන්නේ ලොකු දෙයක් සොයා ගත් ආකාරයටයි. මේ නිකම් පොඩි ළමයින්ගෙ කතා. අනුර හා රනිල් පාර්ලිමේන්තුවේ දි එකිනෙකා දැක්ක ම අහක බලන් යනවා ද? අරාබි වසන්තය ගැන අදහස නම් බටහිරයන්ට 2015 මුල් කාලෙත් තිබුණා. අද එ ජා පෙරමුණ පාරෙ මැරෙන්න සූදානම් වෙන්නෙ ඔවුන්ට වෙන කරන්න දෙයක් නැති නිසා.

Sunday 9 December 2018

පරමාධිපත්‍යය, රනිල් හා මහින්ද


පරමාධිපත්‍යය, රනිල් හා මහින්ද



ජනතාව යන්න වියුක්ත සංකල්පයක්. පරමාධිපත්‍යය ඇත්තේ ජනතාවටයි. නමුත් මේ ජනතාව කවුරුන් දැයි කිසිවකුටවත් පෙන්වන්න බැහැ.  අප සියල්ලන් ම ජනතාව. අපට පරමාධිපත්‍යය තියෙනවා. මතක තියාගන්න ජනාධිපතිටත් පාර්ලිමේන්තු මන්ත්‍රීවරුන්ටත් ඒ පරමාධිපත්‍යය තිබෙනවා. අගවිනිසුරු ඇතුළු විනිසුරුවන්ටත් ඒ පරමාධිපත්‍යය තියෙනවා. එහෙත් අප සියල්ලන්ට ම ඇත්තේ සාමූහික පරමාධිපත්‍යයක්. ඡන්ද බලය හිමි එක්කෝටි පනස් ලක්‍ෂයක් ඉන්නවා නම් එක් එක් අයට පරමාධිපත්‍යයෙන් එක්කෝටි පනස් ලක්‍ෂයෙන් එක් කොටස බැගින් හිමි වෙන්නේ නැහැ.

Saturday 8 December 2018

අපේ පරමාධිපත්‍යය අපට තියෙනවා ද


අපේ පරමාධිපත්‍යය අපට තියෙනවා ද



පරමාධිපත්‍යයත් ප්‍රජාතන්ත්‍රවාදය වගේ ම අපට බටහිරින් ලැබුූණු සංකල්පයක්. සඟ සසුනේ හැරෙන්න ලෝකයේ කිසිම කලක සෘජු ප්‍රජාතන්ත්‍රවාදයක් තිබී නැහැ. පැරණි ග්‍රීක පුර රාජ්‍යවල සෘජු ප්‍රජාතන්ත්‍රවාදය තිබුණා යැයි කීවත් එහි වහලුන්ට හා ස්ත්‍රීන්ට ඒ කියන සාකච්ඡාවලට සහභාගි වීමට අවස්ථාව ලැබී නැහැ. කාට හරි කියන්න පුළුවන් වහලුන් අද අර්ථයෙන් පුරවැසියන් නොවීය කියා. ප්‍රශ්නයත් ඇත්තේ එතැනමයි. පුරවැසියා කවුද කියා තීරණය කරන්නේ කවුද? රෝමයේ නායකයන් ජනතාව ඇමතුවේ රෝමවරුනි රටවැසියනි (Romans and Countrymen) කියා. රෝමය නගරයක්. මෙහි කන්ට්‍රි කිව්වෙ නගරයෙන් පිට වැනි අර්ථයකින්. ඉතාලිය රටක් වුණේ බොහෝ කලකට පස්සෙ ගැරිබෝල්ඩි යටතේ එක්සත් කරනු ලැබීමෙන් පසුව.

Friday 7 December 2018

පරමාධිපත්‍යය එ ජා පෙ මන්තීවරුන්ට නොවේ


පරමාධිපත්‍යය එ ජා පෙ මන්තීවරුන්ට නොවේ



මා මෙහි මොනවා කිව්වත් ඉන් නඩුවලට වැඩක් නැති බව නොදන්නවා නො වෙයි. නඩුවල දී වැදගත් වන්නේ නීතිඥයන් ඉදිරිපත් කරන කරුණු. කොහොමටත් ශ්‍රේෂ්ඨාධිකරණය තීන්දුව දෙන එක හෙටට කල් දාලා. අපි එතෙක් බලා ඉමු. ඕනෑම තීන්දුවකට මුහුණ දීමට සූදානම් වෙමු. නඩු තීන්දුවේ ප්‍රතිඵලයක් ලෙස මැතිවරණයක් පවත්වන්නේ නම්  එක සංවිධානයකින් එක ලකුණක් යටතේ දිවයිනේ හැම දිස්ත්‍රික්කයකට ම තරග කරමු. ඇතැම් දිස්ත්‍රික්කයක වෙන වෙන ම තරග කිරීමෙන් වාසි අත්වන්නේ එ ජා පෙරමුණටයි. රනිල් අගමැති ධුරය දැරීම නතර කෙරුණේ මෛත්‍රිපාල මහින්ද එකතුවෙන්. මොන හේතුවකටවත් එය කඩන්න ඉඩ දෙන්න බැහැ. නූතන මොල්ලිගොඩලට 2018, 1818ක් කරන්න දෙන්න බැහැ.

Thursday 6 December 2018

ඕනෑම තීන්දුවකට ලැහැස්ති වෙමු.

ඕනෑම තීන්දුවකට ලැහැස්ති වෙමු.

සබැඳිය : 


https://youtu.be/dO4CmLlr6Xo


නඩු තීන්දු හා නොබෙල් තෑගි


නඩු තීන්දු හා නොබෙල් තෑගි



කරුණාරත්න ජයසූරියට නොබෙල් තෑග්ග දෙන්න යෝජනා වෙලා. ඒක නම් හොඳ අදහසක්. ඔහු ලෝක ඉතිහාසයේ නමක් තැබූ පුද්ගලයෙක්. ඕන ගොනකුට යුද්ධ කරන්න පුළුවන් යැයි කී ලක්‍ෂමන් බණ්ඩාර කිරිඇල්ල වෘත්තියෙන් නීිතිඥයෙක්. එහෙත් ඔහු නඩු කතා කරන බවට එතරම් ප්‍රසිද්ධියක් නැහැ. ඒ කොහොම වුණත් ඔහු ඊයේ පාර්ලිමේන්තුවේ කියා තිබෙනවා කරුණාරත්න ජයසූරිය අභියාචනාධිකරණය දුන් තීන්දුවක් කලින් ම දුන් පුද්ගලයෙකු ය කියා. මොන තරම් දෙයක් ද?

Wednesday 5 December 2018

රනිල්ගේ හතරවරන් දෙවියෝ


රනිල්ගේ හතරවරන් දෙවියෝ



බොහෝ කාලෙකට පෙර, අවුරුදු විසිපහකටත් ඉහත අප විසි දෙනකු පමණ නෝර්වේ තානාපති කාර්යාලය ඉදිරිපිට නෝර්වේ රාජ්‍යය සිංහලයන්ට විරුද්ධ ව දෙමළ ත්‍රස්තවාදීන්ට ආධාර කිරීමට එරෙහි ව උද්ඝෝෂණයක් පැවැත්තුව. එකල අද මුහුණු පොතේ සමහර වීරයන් ඉපදිලත් නැතිව ඇති. එකල කිසිම දේශපාලන පක්‍ෂයක් අපට ආධාර කරන්න හිතුවෙවත් නැහැ. දැනුත් නැහැ. මට මතකයි රාජ්‍ය නොවන සංවිධානයකින් ඇවිත් අපේ ඡයාරූප ගත්ත. ඒ අපට ඉන්නෙ ටික දෙනයි කියලා කියන්න. අද අපේ පැත්තෙ ඉන්න බොහෝ දෙනෙක් එදා අපට හිනහවුණා. ඔවුන්ට නිකමටවත් හිතා ගන්න  බැරි වුණා නොාර්වේ කොහොම ද කොටි ත්‍රස්තවාදීන්ට උදව් කරන්නෙ කියලා.

Tuesday 4 December 2018

A tale of two stay orders

A tale of two stay orders

The appeals court issued  a stay order on the 3rd of November preventing the Prime Minister Mahinda Rajapakse, the ministers, deputy ministers and state ministers  acting in their respective positions. The stay order will stay until the Appeals court delivers its judgment on the issue of a Quo Warranto writ. This does not mean that the Portfolios have been abolished as claimed by some former ministers of the UNF government. The appointment of the Prime Minister and the minsters is legal and has not been challenged and Mahinda Rajapakse remains the Prime Minister of the country.

පාර්ලිමේන්තුව විසුරවීම හා ඇමතිවරුන් විසිරීම

පාර්ලිමේන්තුව විසුරවීම හා ඇමතිවරුන් විසිරීම
                               
තවත් රැඳවීම් නියෝගයක් (stay order) දීල. ඒ ගමන අභියාචනාධිකරණයෙන්. මහින්දට හා අමාත්‍ය මණ්ඩලයේ සාමාජිකයන්ට අගමැති ධුරයේ හා ඇමති ධුරවල කටයුතු කිරීම තාවකාලික ව ඇණහිටුවලා. ඔවුන්ට දැන් අමාත්‍ය මණ්ඩලය ලෙස රැස්වන්න බැහැ. ඇමතිවරුන් ලෙස වැඩ කරන්නත් බැහැ. එහෙත් ජනාධිපතිට ලේකම්වරුන් මගින් ආණ්ඩුව පවත්වාගෙන යන්න පුළුවන්. රාජ්‍යයටත් කිසිම ප්‍රශ්නයක් නැහැ. අමාත්‍ය මණ්ඩලය, ආණ්ඩුව, රාජ්‍යය කියන්නේ එකක් නොව තුනක්. 

Monday 3 December 2018

පාර්ලිමේන්තුව ගොනාට ඇන්දවීම

පාර්ලිමේන්තුව ගොනාට ඇන්දවීම


සබැඳිය මෙතැනින් 

 https://youtu.be/lGRBMc2oPw8

විද්වත් කතා

විද්වත් කතා


අද සවස මරදානේ පැවැත්වෙන රැස්වීමකට සහභාගි වන ලෙස අද උදේ ගෙවිඳු කුමාරතුංගගෙන් ආරාධනයක් ලැබුණා. ඒ ඊනියා විද්වත් කතාවක් කිරීමට  නො වෙයි. සමහරවිට වේදිකාවේ අසුන් ගන්නලා ඊනියා විද්වත් කතාවලට සවන් දීමට සලස්වන්න වෙන්න පුළුවන්.

මුල අමතක නොකරමු


මුල අමතක නොකරමු



අද කෙරී ඇත්තේ මොකක් ද කියන එක දැන් බොහෝ දෙනාට අමතක වෙලා. හැමෝ ම වගේ කටින් සුපිරි ප්‍රජාතන්ත්‍රවාදීන් වෙලා. අපට සිහිවන්නේ කපුරුහාමිලා. අප කිසි විටෙකත් මුල අමතක කරන්න හොඳ නැහැ. මේ මුල කියන්නේ රේඛීය චින්තනයේ දැක්වෙන ඊනියා ආරම්භය නො වෙයි. අද ප්‍රශ්නයේ මුල ව්‍යවස්ථාවවත් ප්‍රජාතන්ත්‍රවාදයවත් නොවෙයි රනිල්ගෙන් රට ආරක්‍ෂා කිරීම. තව අවුරුදු එකහමාරක් හිටිය නම් මහින්දට තුනෙන් දෙකක බහුතරයක් ලැබුණත් වැඩක් නැහැ. ඒ වන විට රටෙන් කොටසක් විකුණලා, ඉතිරි කොටස දෙමළ ජාතිවාදීන්ට දීල. ඇතැම් වෙබ් අඩවි ව්‍යාජ ශීර්ෂ පාඨ යොදා පාඨකයන් මුළා කර මුදල් උපයනවා.

Sunday 2 December 2018

මඩකලපු පොලිස් ඝාතන


මඩකලපු පොලිස් ඝාතන



මඩකලපුවේ පොලිස් කොස්තාපල්වරුන් දෙදෙනකු මරලා. කවුද මැරුවෙ කියන එක තවම හරියට දන්නෙ නැහැ. ඒක පෞද්ගලික කෝන්තරයක් කියලා හිතන්න අමාරුයි. එක් කොස්තාපල්වරයකු සිංහල අනෙක් අය දෙමළ. සිංහල දෙමළ කතාවක් නැතිව දෙදෙනා ම පොලීසියත් රටත් වෙනුවෙන් සේවය කළ අය. පොලීසිය කියන්නෙ ධනපති රාජ්‍ය තන්ත්‍රයෙ උපකරණයක් කියල සමහරු කියයි. එහෙත් කිසිවකු තමන් කම්කරු පංතියෙ කියල බුද්ධියෙන් නොව හැඟීමෙන් හිතන්නෙ නැති කාලයක ඔය පංති කතා නිකම් හිතළු පමණයි. ඒවා පට්ටපල් බොරු.

Saturday 1 December 2018

පාර්ලිමේන්තු කෝලම

පාර්ලිමේන්තු කෝලම

මේ දිනවල පාර්ලිමේන්තු කෝලම දියවන්නාවේ නටනවා. මේ මොන කෝලමක් ද, කෝලන් නටන්න එන්න එපා ආදී ව්‍යවහාර සිංහල භාෂාවේ තියෙනවා. ජනතාවගේ පරමාධිපත්‍යයෙහි ව්‍යවස්ථාදායක බලය ක්‍රියාත්මක කරනුයේ පාර්ලිමේන්තුව මගින්. අද ඊනියා කතානායක  එ ජා පෙරමුණේ, දෙමළ ජාතික සංධානයේ  හා ජ වි පෙරමුණේ ආධාරයෙන් ජනතා පරමාධිපත්‍යය පැහැර ගෙන. ඒ මදිවට විධායක බලතලත් පැහැර ගන්න හදනවා. ඒ ජනාධිපති තීරණ නොපිළිගනිමින් රාජ්‍ය සේවකයන්ට අණ දෙමින් ආදී වශයෙන්. ඒ අතර ඊනියා කතානායක හා ගෝල බාලයන් ඇමතිවරුන්ගේ වියදම් ද කපා හරිනවා. හීතල දුරුත්තට තව මසක් පමණ තිබෙනවා. ඔවුන්ට හීන පේනවා.

Friday 30 November 2018

ඇතැම් රාජපක්‍ෂලා හා රාජසභාව


ඇතැම් රාජපක්‍ෂලා හා රාජසභාව



මා මේ සමාජයේ ජීවත්වන්නේ පිටස්තරයකු ලෙස. තමන් රට ජාතිය ආගම ගැන කල්පනා කරමින් කරන උදාර සේවයෙහි දී මගේ නමත් ඉඳහිට කීම නිසා මට ඊනියා කීර්තියක් ලැබී ඇතැයි අයකු කියනවා. මට කිසිම කීර්තියක් අවශ්‍ය නැහැ. මා මළ පසු දුක් ගීයක් ලිවීමට සොහොන් කොතක්වත් ඉදිකිරීමට අවශ්‍ය නැහැ. අවසන් හුස්මත් සමග මා නොවන මා පිට වී යනවා. එහෙත් මා හුස්ම ගන්නාතාක් මගේ අදහස් ප්‍රකාශ කරනවා. ජනමාධ්‍යවේදීන් ඒ ප්‍රතික්‍ෂෙප කිරීම ගැන මට ප්‍රශ්නයක් නැහැ. මා ඔවුන් ද ප්‍රතික්‍ෂෙප කරනවා.

Thursday 29 November 2018

වසන්තගේ පැනිලි


වසන්තගේ පැනිලි



විවිධ ජාතිකවාදීන් ඉන්නවා. සමහරුන්ට මාක්ස්වාදයත් ගෑවිලා. සමහරු මාක්ස්වාදයෙ ගිලිලා. බොහෝ දෙනා බටහිර ක්‍රිස්තියානි නූතනත්වයෙ ජාතිකවාදීන්. මේ අය විවිධ මාත්‍රවල ජාතිකවාදීන්. මාර්ටින් වික්‍රමසිංහ, එදිරිවීර සරච්චන්ද්‍ර, ගුණදාස අමරසේකර, ඩී එස් සේනානායක, බණ්ඩාරනායක ආදීන් ද ජාතිකවාදීන්. එහෙත් එක් එක් අයගේ ජාතිකත්වය වෙනස්. මේ සියල්ලන් ම බටහිර ක්‍රිස්තියානි නූතනත්වයේ ද ජීවත් වූවා. එය ප්‍රශ්නයක් නොවෙයි. ප්‍රශ්නය ඔවුන් බටහිර ක්‍රිස්තියානි නූතනත්ව ආධිපත්‍යයට ද යට වීමයි. මේ වත්මන් දේශපාලන අලකලංචිය ඉවර වුණු විටක මේ ගැන තව විස්තර ඇතිව ලියන්න ඕන. එතෙක් පඬියන්ට ඉහත ඡෙදය සම්බන්ධ තම පඬිවදන් මුහුණු පොතට එක් කරන්න පුළුවන්.

Wednesday 28 November 2018

පාර්ලිමේන්තු වැඩ කිඩ


පාර්ලිමේන්තු වැඩ කිඩ



ඊයේ ඊනියා කතානායක න්‍යාය පත්‍රයක් නැතිව පාර්ලිමේන්තුව කැඳවලා. ඔහු වැඩ කරන්නේ රනිල්ගේ හා සුමන්තිරන්ගේ අවශ්‍යතාවට බව නැවත නැවතත් කියන්න අවශ්‍ය නැහැ. රනිල්ටත් එතරම් දක්‍ෂ නීතිිඥයන් නැති බව පැහැදිලියි. ඔවුන්ට දැන් චොක්සි කෙනෙක් නැහැ. අද එ ජා පක්‍ෂය අමාරු තත්වයක ඉන්නෙ. ඔවුන්ගෙ මුහුණුවලින් ද ඒ බව ප්‍රකාශ වෙනවා. මේ තත්වයෙන් ගොඩ ඒමට ඔවුන් රනිල් වෙනුවට සජිත් හරි නවින් හරි රවි කරුණානායක හරි අගමැති කිරීමේ වෑයමක යෙදී ඉන්නවා.

Tuesday 27 November 2018

කුමන්ත්‍රණ හා අශිෂ්ටකම්


කුමන්ත්‍රණ හා අශිෂ්ටකම්



බොහෝ දෙනකුට ඊයේ පළ වූ ලිපියේ කාශ්‍යප රජු සහ සකර්බර්ග් සසඳමින් ලියූ දේ එක්කෝ තේරී නැහැ. එහෙමත් නැත්නම් එහි ඇගයීමට තරම් දෙයක් නැහැ. කැටපත් පවුර ඉදි කළ කාශ්‍යාප රජුට කොහොමටත් සකර්බර්ග්ට ලැබෙන පිළිගැනීම ලැබෙන්නේ නැහැ. කැටපත් පවුර ගැන කතා කරන අයට wall කියන්නෙත් පවුරක් බව වැටහෙන්නේ නැහැ. ඔවුන් තම wall එක ගැන ආඩම්බරයෙන් කියනවා. එහෙත් ඒ wall  සියල්ල අවසානයේ දී එක් පවුරක් බවට පත් වනු ඔවුන් දකිනනේ නැහැ. ඔවුන් මූහුණු පොතේ පවුරේ කුණුහරුප ලියනවා. මා ලියුවේ කුමක් ද කියාවත් ඊනියා ප්‍රබුද්ධ ජනමාධ්‍යවේදීන් ද තේරුම් ගෙන නැහැ.

Monday 26 November 2018

රාවණ කුවේර දොන් ජුවන් කසුබ් හා සකර්බර්ග්

Kashyapaවෙනවා. මේ මහින්ද රාජපක්‍ෂ අග්‍රාමාත්‍යවරයාටත් මෛත්‍රිපාල සිරිසේන ජනාධිපතිවරයාටත් විරුද්ධව කෙරෙන ප්‍රකාශ. මේ සියල්ලට ම මුල 2009 මැයි මාසෙ නන්දිකඩාල් කලපුවේ දී කොටි ත්‍රස්තවාදයත් ඒ සමග ඉංගිරිසින්ගෙ සහායෙන් අවුරුදු එකසිය හැත්තෑපහක් පමණ තිබූ දෙමළ ජාතිවාදයත් පරාජය කිරීම. ඊයේ මහින්ද රාජපක්‍ෂ කළ විශේෂ ප්‍රකාශයෙන් කියැවුණේ කොටි පැරදවීමට එ ජා පක්‍ෂයත් ජාත්‍යන්තර මූල්‍ය අරමුදලත් විරුද්ධ ව කටයුතු කළ ආකාරය. ඒ අතර මෛත්‍රිපාල සිරිසේන කියා තිබුණා කිනම් හේතුවක් මතවත් රනිල්ට අගමැතිකම නොදෙන බව. ඒක දොන් ජුවන් ධර්මපාලට නැවත රජකම නොදෙනව වගේ වැඩක්. සුද්දන් ඒකට විරුද්ධයි. කොහොමටත් රනිල්ට මහින්දට තරම් මන්ත්‍රීන් සංඛ්‍යාවක් නැහැ. අජිත් පෙරේරාට සංකල්ප තේරෙන්නෙ නැහැ.

Sunday 25 November 2018

රනිල්ගේ බෝධි පූජා හා සුමන්තිරන් පූජා


රනිල්ගේ බෝධි පූජා හා සුමන්තිරන් පූජා



රනිල් බෝධි පූජා තියන්න කියලා. ඔහු රවටන්නෙ හදන්නෙ කාව ද? දෙවියන් ද? ජනතාව ද? නැත්නම් ජනතාව හා දෙවියන් ද? රනිල්ට ඇති සිංහල බෞද්ධ සංස්කෘතියක් නැහැ. ඔහු මෙතෝදිස්ත සුමන්තිරන් එක්ක එකතුවෙලා ජයම්පති ලව්ව ව්‍යවස්ථා හදවල රනිල්ලාගේ අනුර කුමාර දිසානායක ලව්ව විස්ස පාර්ලිමේන්තුවට ඉදිරිපත් කරල කරන්න හැදුවෙ සිංහල බෞද්ධ සංස්කෘතිය නංවාලීම නො වෙයි.

Saturday 24 November 2018

පාර්ලිමේන්තුවේ සිදුවන්නේ කුමක් ද?


පාර්ලිමේන්තුවේ සිදුවන්නේ කුමක් ද?     


සබැඳිය  මෙතැනින්

https://youtu.be/JJArp07R93A

රන්ජන් හා කරුණාරත්න


රන්ජන් හා කරුණාරත්න



රන්ජන් රාමනායක කියන දේ ගැන සඳහන්  කිරීම වැඩකට ඇති දෙයක් නොවුණත් කරුණාරත්න ජයසූරියගේ ප්‍රකාශ ගැන සඳහන් කරන්නේ නම් රන්ජන්ට තැනක් නොදීම නුසුදුසු යැයි සිතනවා. මා සඳහන් කරන්නේ රන්ජන් වාද පිටියේ කරන ලදැයි කියන ප්‍රකාශයක් ගැනයි. ඔහු පස් දෙනකුගෙන් යුත් විනිසුරු මඬුල්ලක් දිය හැකි තීන්දුවක් ගැන කියන බවයි පෙනී යන්නේ. ඔහුට අනුව තුන්දෙනකු තමන්ට පක්‍ෂව දෙන බවයි හැඟෙන්නේ. මට හැඟී යන්නේ රන්ජන් රාමනායක දැනටමත් දී ඇති අතුරු තහනම් නියෝගය තමන්ට පක්‍ෂපාතීව දුන් එකක් බව විශ්වාස කරන බවයි. ඔහු ඒ අනුව ඉදිරි විනිශ්චයක් ගැන කියනවා වෙන්න පුළුවන්.

Friday 23 November 2018

අනුරගේ විනෝද සමය


අනුරගේ විනෝද සමය



මේ ලිපිය කාලය වෙබ් (බ්ලොග්) අඩවිය සඳහා ලියන්නක්. එහෙත් එය තිස්දෙනකුට පමණ විද්‍යුත් තැපෑලෙන් ද යැවෙනවා. ඔවුන් අතර ජනමාධ්‍යවේදීන් ද කිහිප දෙනකු ඉන්නවා. ඒ ජනමාධ්‍යවේදීන්ට මේ ලිපිය වැදගත් නොවන බව පැහැදිලියි. එබැවින් මින් පසු මගෙන් කරුණු විමසන අයකු දෙදෙනකු හැරෙන්න වෙනත් කිසිම ජනමාධ්‍යවේදියකුට මේ ලිපිය යැවෙන්නේ නැහැ. මේ ඔවුන්ට යැවෙන අවසාන ලිපියයි. මෙරට ජනමාධ්‍යවේදීන් ගැන මගේ කිසිම ප්‍රසාදයක් නැහැ. ඔවුන්ටත් මා ගැන ප්‍රසාදයක් නැති බව මා දන්නවා. මගේ ලිපියක් අදහසක් මතයක් ප්‍රචාරය වීම වැළැක්වීමට කටයුතු කරන ජනමාධ්‍යවේදීන් පිරිසක් ද ඉන්නවා. ඔවුන් සමග ඇතැම් ජාතිකවාදීන් ද ඉන්න බව මා දන්නවා.

Thursday 22 November 2018

කිරිඇල්ල හා ජයසූරිය


කිරිඇල්ල හා ජයසූරිය



ඕන ගොනකුට යුද්ධ කරන්න පුළුවන් කී ලක්‍ෂමන් බණ්ඩාර කිරිඇල්ල ඊයෙ පෙරේදා හොඳ කතාවක් කියල තිබුණ. ඒක ඕන ගොනකුට කරන්න පුළුවන් ප්‍රකාශයක් ද කියල කිරිඇල්ල කියල නැහැ. ඔහු කියල තියෙන්නෙ පාර්ලිමේන්තු බලතල හා වරප්‍රසාද පනතෙ යම් දෙයක් නිශ්චිත ව කියැවෙන්නෙ නැත්නම් එවිට අප බ්‍රිතාන්‍ය සම්ප්‍රදාය (අලිඛිත ව්‍යවස්ථාව) අනුව ක්‍රියා කළ යුතු ය කියා  තියෙන බව. කිරිඇල්ලට කියන්න පුළුවන් ද එහෙම තියෙන්නෙ කොතැනක ද කියලා. එකී පනතෙ හත්වැනි වගන්තිය මෙසේයි.

Wednesday 21 November 2018

2015, 2018 හා නව ව්‍යවස්ථාව


2015, 2018 හා නව ව්‍යවස්ථාව



රනිල් අගමැති ධූරය දැරීම නවත්තල මහින්ද අගමැති කිරීම ගැන කිසිවකුවත් අධිකරණය ඉදිරියට ගියේ නැහැ. එ ජා පක්‍ෂයේ නීතිඥයන් තම සේවාදායකයන් අධිකරණයට යෑමට උනන්දු කෙළේ නැද්ද? එගෙමත් නැත්නම් ඔවුන් එවැන්නකට විරුද්ධ වුණා ද? අන්තිමේ දී එ ජා පෙ කීවේ එය පාර්ලිමේන්තුවේ දී විසඳාගන්නවා කියා. එහෙත් පාර්ලිමේන්තුවට එහි දී කරන්න දෙයක් නැහැ. ඒ බව තමයි අද එ ජා පෙරමුණට අකමැත්තෙන් හරි මුහුණ දෙන්න වෙලා තියෙන්නෙ.

Tuesday 20 November 2018

එකසිය දහතුන ප්‍රශ්නයක් නොවෙයි


එකසිය දහතුන ප්‍රශ්නයක් නොවෙයි



ඊනියා කතානායක ඊයේ පාර්ලිමේන්තුවට ඇවිත් නැහැ. සමහරවිට මුහුණ  දෙන්න බැරුව වෙන්න ඇති. ඒ කොහොම වෙතත් ඊයේ සද්ද තිබුණෙ නැහැ. ගාල ගෝට්ටි නැහැ. නියෝජ්‍ය කතානායක තම කාර්යය ඉටු කළා. ඔහු ස්ථාවර නියෝග අත්හිටුවන්න සුමන්තිරන් හෙවුවෙ නැහැ. ස්ථාවර නියෝග අනුව වැඩ කළා. ඒත් මංගල කොහේදෝ ඉඳන් කෑ ගැහුවා ආණ්ඩුවක් නැහැ කියලා. ව්‍යවස්ථාවෙ 48(2) අනුව්‍යවස්ථාව යටතේ අමාත්‍ය මණ්ඩලය විසිරිලා කිවුවා.

Monday 19 November 2018

පාර්ලිමේන්තුව කැඳවීම ම වැරදියි


පාර්ලිමේන්තුව කැඳවීම ම වැරදියි

                                     



එතරම් උගත් කමක් නැති අයකු ප්‍රශ්නයක් නැගුවා. ඔහු තාප්පයක් බැඳගෙන යන විට යම් කිසිවකු එයට විරුද්ධව උසාවියට යනවා. උසාවිය අතුරු තහනම් නියෝගයක් දෙනවා. එවිට ඔහු කළ යුත්තේ කුමක් ද? මේ අතුරු තහනම් නියෝගය යන්නට ඉංගිරිසියෙන් කියන්නේ stay order කියායි. එහි තේරුම නැවතී සිටීම, රැඳී සිටීම ආදිය මිස අවලංගු කිරීම නොවෙයි.

කරු රනිල් අනුර සුමන්තිරන් හා නව ව්‍යවස්ථාව


කරු රනිල් අනුර සුමන්තිරන් හා නව ව්‍යවස්ථාව



ඊනියා කතානායක කරු හා හිටපු අගමැති රනිල් බටහිර අවශ්‍යතා වෙනුවෙන් රට අවුලෙන් අවුලට පත් කරනවා. ඔවුන් ජනාධිපති තීරණය අනුව මහින්ද අගමැති ලෙස පිළිගැනීම දිගින් දිගට ම ප්‍රතික්‍ෂෙප කරනවා. එමගින් ඔවුන් ව්‍යවස්ථාව උල්ලංඝනය කරනවා. අපි නැවතත් මුලට යමු. ජනාධිපති අගමැති පත් කෙළේ ව්‍යවස්ථාවේ 42(4) අනුව්‍යවස්ථාවට අනුව. අපි එය නැවතත් උපුටා දක්වමු. 42(4): ජනාධිපතිවරයාගේ මතය අනුව පාර්ලිමේන්තුවේ විශ්වාසය උපරිම වශයෙන් ඇති පාර්ලිමේන්තු මන්ත්‍රීවරයා ජනාධිපතිවරයා විසින් අග්‍රාමාත්‍යවරයා ලෙස පත් කරනු ලැබිය යුත්තේ ය.

Sunday 18 November 2018

කරුවක් නොවී මරුවකු වූ කරු


කරුවක් නොවී මරුවකු වූ කරු



ඊනියා කතානායකගේ මේසය උඩ බයිබලයක් තිබුණු බව කියැවෙනවා. එහි ඇත්ත නැත්ත මා දන්නේ නැහැ. එහෙම තිබුණ නම් මට දැන ගන්න ඕන රාමඤ්ඤ මහා නිකායෙ ගිහි සභාවෙ සභාපති කරු ජයසූරියගේ මේසය උඩ ධම්මපදය තිබුණෙ නැද්ද කියලා. බයිබලය තිබී ධම්මපදය තිබුණෙ නැත්නම් මට තවත් ප්‍රශ්න අහන්න තියෙනවා. මේ කතාව හරියට ම දැනගන්නකන් අපි ඒ ප්‍රශ්න පසුවට කල් දාමු.

Saturday 17 November 2018

දේශපාලන පාංශුකූලයක්


දේශපාලන පාංශුකූලයක්



අද රටේ ඇති වී තිබෙන තත්වය ගැන විවිධ අය විවිධ දේ කියනවා. මැතිවරණයක් තියන්න කියනවා. ජනාධිපතිවරණයක් තියන්න කියනවා. ඊනියා කතානායක ඉවත් කරන්න කියනවා. කවුරුන්වත් සියල්ලට ම හේතුව ව්‍යවස්ථාව කියලා එය වෙනස් කරන්න කතා කරල නැහැ. සියල්ලට ම හේතුව අතුරු තහනම් නියෝගය කියලා අගවිනිසුරු ඉවත් කරන්න කතා කරලත් නැහැ. ඕනම අයකුට ඕනම දෙයක් කියන්න පුළුවන්. ඒත් ඒව හරි ද වැරදි ද කරන්න පුළුවන් ද කියලා කියන්නෙ නැහැ.

Friday 16 November 2018

තවත් මගඩි විශ්වාසභංගයක් (නොවැම්බර් 16 දෙවැනි ලිපිය)


තවත් මගඩි විශ්වාසභංගයක්



හෙට විස්තරාත්මක ව ලිපිය ලියන තෙක් අද (නොවැම්බර් 16) සවස පාර්ලිමේන්තුවේ  සිදු වූ දේ පිළිබඳ කෙරෙන කෙටි සටහනකි.

කරු ජයසූරිය පාර්ලිමේන්තුව යථා තත්වයට පත් කරනවා ද? (නොවැම්බර් 16 පළමුවැනි ලිපිය)




කරු ජයසූරිය පාර්ලිමේන්තුව යථා තත්වයට පත් කරනවා ද



එක්සත් ජාතික පෙරමුණේ දෙමළ ජාතික සංධානයේ නායකයන් පිරිසක් ඊනියා කතානායක සමග ජනාධිපති හමුවෙලා. කරු ජයසූරිය ඇතැම් පක්‍ෂ නායකයන් පමණක් පිරිවරාගෙන ජනාධිපති හමුවන්නේ කෙසේ ද? ඔහු පක්‍ෂ නායකයෙක් ද? කරු ජයසූරිය තම පක්‍ෂපාතිත්වය ඉතා පැහැදිලිව ප්‍රකාශ කර තිබෙනවා. එතැන ජ වි පෙරමුණ නියෝජනය වී නැත්තේ හුදෙක් තම අනුගාමිකයන් රැවටීමට පමණයි. ඔවුන්ට සෙසු ජනතාව නම් රවටන්න බැහැ. ව්‍යවස්ථාවවත් පාර්ලිමේන්තු ස්ථාවර නියෝගවත් නොදත් ජ වි පෙ නායකයන්ට පුළුවන් එ ජා පක්‍ෂය කියන ආකාරයට කටයුතු කිරීම පමණයි. ඒ නිසා ඔවුන් ගියයි නොගියයි කියලා වෙනසක් නැහැ.

Thursday 15 November 2018

ඊනියා විශ්වාසභංගයෙන් පසු කළ යුතු දේ


ඊනියා විශ්වාසභංගයෙන් පසු කළ යුතු දේ





ජනාධිපති පසුගිය නවවැනිදා පාර්ලිමේන්තුව විසුරුවා හැරීමෙන් පසු විවිධ පාර්ශ්ව දොළොස්වැනි සඳුදා එයට විරුද්ධව ශ්‍රෙෂ්ඨාධිකරණයට ගියා. ශ්‍රෙෂ්ඨාධිකරණය පසුදා අතුරු තහනම් නියෝගයක් නිකුත් කරමින් පාර්ලිමේන්තුව විසුරුවා හැරීම අත්හිටෙවුවා.  ඒ සමග මැතිවරණ කොමිසමට ද තහනම් නියෝගයක් නිකුත් කළා.

Wednesday 14 November 2018

අද සිදු වූයේ කුමක් ද? (නොවැම්බර් 14 දෙවැනි ලිපිය)


අද සිදු වූයේ කුමක් ද?





අද පාර්ලිමේන්තුවේ සිදු වූ සියල්ල ස්ථාවර නියෝගවලට පටහැණි ය. මෙහි පහත පළවන්නේ අදාළ ස්ථාවර නියෝග ය.



ස්ථාවර නියෝග 135 යටතේ ස්ථාවර නියෝග අත්හිටුවිය හැක්කේ ඇමතිවරයකු නොවන අයකු ගෙනෙ යෝජනාවකට ඡන්ද විමසීමකින් පසු සම්මුතිය ලැබීමෙනි. එවැනි යෝජනාවක් ගෙන ආ හැක්කේ විශේෂ කාර්යයක් සඳහා ය. ඒ කාර්යය කුමක් දැයි සුමන්තිරන් සඳහන් කළේ ද? විශ්වාසභංගයක් විශේෂ කාර්යයක් නො වේ. එය යෝජනාවක් ලෙස ගෙන ආ යුත්තකි.

තීන්දුවක් නොවන අතුරු නියෝගය (නොවැම්බර් 14 පළමුවැනි ලිපිය)


තීන්දුවක් නොවන අතුරු නියෝගය



ජනාධිපති ගැසට් නිවේදනයකින් පාර්ලිමේන්තුව විසුරුවා හැරීමෙන් මූලික අයිතිවාසිකම් කඩවී යැයි පවසා ඉදිරිපත් කර තිබූ පෙත්සම් සලකා බැලීමෙන් පසු ශ්‍රෙෂ්ඨාධිකරණය අතුරු නියෝගයක් දීලා. එය නඩුු තීන්දුව නොවන බව පළමුවෙන් ම පැහැදිලි කර ගත යුතුයි. නඩුව දෙසැම්බර් 4, 5, 6 දිනවල අසා 7 වැනි දා තීන්දුව දේවි. දැනට සිදු වී ඇත්තේ පාර්ලිමේන්තුව විසුරුවා හැරීම අත්හිටුවීමත් තීන්දුව දෙන තුරු මැතිවරණ කොමිසමට මැතිවරණය පැවැත්වීමට පියවර නොගැනීමටත් නියෝග කිරීම පමණයි.

Tuesday 13 November 2018

ජාතිකත්වය අධිකරණය හා නව සංධානය


ජාතිකත්වය අධිකරණය හා නව සංධානය



ඊයේ අධිකරණ භූමියේ දී දළ වශයෙන් මෙරට ජාතික හා විජාතික කණ්ඩායම් දැක ගන්නට ලැබුණා. එහි නියෝජනය වුණෙ ඒ කණ්ඩායම්වල රටේ ඉන්න පිරිසගෙන් සුළු කොටසක් පමණයි. එහෙත් අද ඇත්තේ ජාතික හා විජාතික බලවේග අතර සටනක්. මෙය අන්තිම සටන කියා මා කියන්නේ නැහැ. එහෙත් මෙය ඉතා වැදගත් සටනක්. සටන අද අධිකරණය ඉදිරියට පැමිණිලා. මේ නඩු ගැන ව්‍යවස්ථාව ගැන මා බොහෝ දේ ලියා තිබෙනවා. නඩුව අධිකරණයට පැමිණි පසු තවදුරටත් ඒ ගැන කතා කරන්න බලාපොරොත්තුවක් නැහැ. නඩු තීන්දුව දුන්නට පස්සෙ බලමු.

Monday 12 November 2018

ආණ්ඩුවේ අමේෂා සංසිද්ධියක්


ආණ්ඩුවේ අමේෂා සංසිද්ධියක්



දෙරණ නාලිකාවේ දෙවෙනි ඉනිම නාට්‍යයේ ඉන්නවා අමේෂා කියා චරිතයක්. ඇගේ යෙහෙළියක් වූ නිලූ හා නිලූගේ සැමියා මේනක තරුණ අනුහස් හා අවන්ත අසමගි කිරීම සඳහා අමේෂා යොදා ගන්න සැලසුම් කරනවා. අමේෂා කියන්නෙ අවන්තගෙ අම්මා. අනුහස්ගේ අම්මා අමේෂා නොවූවත් පියා අවන්තගේත් පියා. අමේෂා ව්‍යාපෘතිය සාර්ථක වේ දැයි සමහරවිට ලබන සතියේ දී දැනගන්න පුළුවන් වේවි. දැන් පඬිපෝතකයකු කියන්න බැරි නැහැ මා බලන්නේ දෙවෙනි ඉනිම වැනි ජනප්‍රිය නාට්‍ය මිසක් ඊනියා සම්භාව්‍ය නාට්‍ය නොවෙයි කියා. ඒකට කමක් නැහැ. මා සම්භාව්‍යත් නැහැ ජනප්‍රියත් නැහැ.

Sunday 11 November 2018

33(2)(ඇ) අනවශ්‍යයි


33(2)(ඇ) අනවශ්‍යයි



දැන් හැමෝම වගේ කැරොල් කරත්තයට නැගලා. සුපුරුදු පරිදි මා කරත්තයෙන් බස්සලා. මා අවුරුදු තුනක් කරත්තයේ තනියම යද්දී මට හූ කියපු, අඩෝ බැහැපන් කියපු අය අද කරත්තයේ යනවා.  කොහොම හරි රනිල් අගමැති ධුරයෙන් ඉවත් කෙරිලා. ඒ සඳහා මහින්ද මෛත්‍රිපාලට ශක්තිය දුන්න. ශක්තිය මයිලෝ ද කියලා අහපු අය විතරක් නොවෙයි ඕව වෙන වැඩ ද කියලා අහපු අයත් හිටියා. රනිල් අගමැති ධුරය දැරීම නතර කෙරී මහින්ද අගමැති පදවියට පත් කෙරුණේ 42(4) හා 43(3) අනුව්‍යවස්ථා යටතේ ව්‍යවස්ථානුකූල ව. එහි දී නීති විශාරදයන්   කී ඊනියා ජාතික ආණ්ඩුව කඩා වැටීම, රනිල් අස් කිරීම ආදිය බලපෑවේ නැහැ. අදත් එලෙස ම 33 (2) (ඇ) බලපාන්නේ නැහැ.

Friday 9 November 2018

කතානායක අක්‍රීය කර ඇති පාර්ලිමේන්තුව විසුරුවා හැරිය යුතුයි (නොවැම්බර් 9 වැනි දින පළ වූ නොවැම්බර් 10 වැනි දිනට නියමිත ලිපිය)


කතානායක අක්‍රීය කර ඇති පාර්ලිමේන්තුව විසුරුවා හැරිය යුතුයි.



පාර්ලිමේන්තුව විසුරුවා හැර මැතිවරණයක් කැඳවීමේ බලය ඇත්තේ ජනාධිපතිටයි. එය විවිධ අනූව්‍යවස්ථා මගින් ක්‍රියාත්මක කෙරෙන බව ඊයේ නීතියේ පරස්පර මැයෙන් ලියූ ලිපියේ සඳහන් ව ඇති. එහි මා තවදුරටත් සඳහන් කළා පාර්ලිමේන්තුව විසුරුවා හැරීමට වෙනත් ක්‍රම නැත්තේ නැති බව.

නීතියේ පරස්පර


නීතියේ පරස්පර



මහා නීති විශාරදයන් සටනට බැහැලා. නීතිය පිළිබඳ කිසිම උගත්කමක් නැති මා කියන දේට වඩා නීති විශාරදයන් කියන දේ ජනතාව හා දේශපාලනඥයන් පිළිගන්නවා. මාධ්‍යවේදීන් අතිවිශාල බහුතරය නම් මා කියන දේ තුට්ටුවකවත් ගණන් ගන්නේ නැහැ. රුපියල් අස්සෙ අලුක්කාල් ගහන්නෙ මොනවට ද කියලා අප කුඩා කාලයේ කතාවක් තිබුණා. දැන් රුපියලත් අලුක්කාලක් වෙලා. නීති විශාරදයන් ද අලුක්කාල් වෙලා. ඒ නිසා නීති විශාරදයන් කියන දේ ගැන අපටත් කතා කරන්න පුළුවන් අලුක්කාල හා රුපියල අතර ඒ තරම් වෙනසක් නැති නිසා.

Thursday 8 November 2018

ජනමත විචාරණය හා මන්ත්‍රී විචාරණය


ජනමත විචාරණය හා මන්ත්‍රී විචාරණය



පාර්ලිමේන්තුව විසුරුවා හැරීමට ජනමත විචාරණයක් පවත්වන්න කියන එකේ තේරුම එසේ විසුරුවා හැරීම ගැන පරමාධිපත්‍යය තියෙනව කියන මිනිසුන්ගෙ කැමැත්ත අකමැත්ත දැන ගැනීම. එය කරන්නෙ කොහොමද  කියන එක ප්‍රශ්නයක්. මා හිතන විධියට නම් එය ආණ්ඩුක්‍රම ව්‍යවස්ථාවෙ 86 වැනි ව්‍යවස්ථාව යටතේ කරන්න පුළුවන්. එහෙත් එය කළ යුත්තේ 85 වැනි ව්‍යවස්ථාවේ ප්‍රතිපාදනවලට යටත් ව. නීතියේ ඇති මේ තත්වයන් නොදැන නීතිය ගැන කතා කරන්න යෑම තරමක් ප්‍රශ්නයක්.

Wednesday 7 November 2018

පාර්ලිමේන්තුව විසුරුවා හැරීමට ජනමත විචාරණයක්


පාර්ලිමේන්තුව විසුරුවා හැරීමට ජනමත විචාරණයක්





පාර්ලිමේන්තුව විසුරුවා හැරීම අද ප්‍රශ්නයක් වෙලා. අද තියෙන්නේ ව්‍යවස්ථා අර්බුදයක් නොවෙයි.  ව්‍යවස්ථාවක අර්බුදයක්. ව්‍යවස්ථාවක පටලැවිල්ලක්. ජේ ආර් ගේ 78 ව්‍යවස්ථාව හා රනිල්ගේ 19 වැනි ව්‍යවස්ථා සංශෝධනය නිසා ඇති වූ අර්බුදයක්. මේ අර්බුදය කොහොමටවත් රනිල් වික්‍රමසිංහ කියන විධියේ එකක් නො වෙයි. එය ඔහු කියන විධියට ඔහු හා මෛත්‍රිපාල අතර වූ පෞද්ගලික ප්‍රශ්නයක් නිසා ඇති වූ එකක්. මෙය ජාතිකත්වය හා විජාතිකත්වය අතර ප්‍රශ්නයක්. ඊනියා ජාතික ආණ්ඩු කාලයේ ප්‍රශ්නය මතු වූයේ රනිල්ගේ ආණ්ඩුව හා මෛත්‍රිපාලගේ ආණ්ඩුව අතර ප්‍රශ්නයක් ලෙසයි.

Tuesday 6 November 2018

කතානායක යනු රනිල්ගේ ස්පීකරයක් නො වේ


කතානායක යනු රනිල්ගේ ස්පීකරයක් නො වේ



ඊයේ පැවති ජනමහිමය රැළියේ දී ජනාධිපති කළ කතාවෙන් පැහැදිලි වුණා අද රටේ ඇත්තේ දේශීයත්වය හා විදේශීයත්වය, දේශීය සංස්කෘතිය හා විදේශීය සංස්කෘතිය, මෙරට ස්වෛරිභාවය හා යටත්විජිතවාදය, ජාතිකත්වය විජාතිකත්වය, දේශීය සම්පත් රැක ගැනීම හා විකිණීම  සහ තවත් එවැනි දේ අතර ඇති සටනක් බව. අප හැමදාමත් කී පරිදි රනිල් වික්‍රමසිංහ මෙරට බටහිර ක්‍රිස්තියානි සංස්කෘතිය. ඔහු මෙරට බටහිර ක්‍රිස්තියානි සංස්කෘතියේ නියෝජිතයා නො වෙයි. ඔහු මෙරට ජීවත් වන්නේ බටහිර ක්‍රිස්තියානි සංස්කෘතියේ. ඔහු මෙරට ඉතිහාසය බටහිර ඇසකින් හදාරා ඇති. ඒ මෙරට විශ්වවිද්‍යාල ඉතිහාසකාරයන් අතිමහත් බහුතරය හදාරා ඇති ආකාරයට. ඔහු 1505 පෘතුගීසීන් මෙරටට පැමිණීමේ පන්සිය වසර සැමරීමට උත්සාහ ගත් තැනැත්තා.

Monday 5 November 2018

පාර්ලිමේන්තුව විසුරුවා හැරීම


පාර්ලිමේන්තුව විසුරුවා හැරීම



මෛත්‍රිපාල - මහින්ද එකතුව ගැන අද බොහෝ දෙනා කතා කරනවා. එහෙත් පසුගිය විසිහයවැනි දාට පෙර එවැන්නක්  ගැන කතා කෙළේ සිරිජාතිකවාදීන් කිහිප දෙනකු පමණයි. අද නම් බොහෝ දෙනකු සිරිජාතිකවාදීන්. එහෙත් ඇතැම් සුපිරි මහින්දවාදීන් බලා ඉන්නේ මේ ආණ්ඩුව කඩා වැටෙන තෙක්.  ආණ්ඩුව එහෙම කඩා වැටෙන්නේ නැහැ. අද ආණ්ඩුවට අවශ්‍ය මන්ත්‍රී සංඛ්‍යාව තියෙනවා. එය 113ක් විය යුතු ම නැහැ. අනෙක් අතට පාර්ලිමේන්තු විසුරුවා හැරීමේ ප්‍රශ්න තිබෙනවා. එයට හේතුව රටට ම ශාපයක් වූ දහනවවැනි සංශෝධනය. අද එකී සංශෝධනය එ ජා පෙරමුණට ම පාරාවළල්ලක් බවට පත් වී තිබෙනවා.

Sunday 4 November 2018

රනිල් ඉවත් කිරීම ගැන වචනයක්


රනිල් ඉවත් කිරීම ගැන වචනයක්



කිහිප දෙනකු ව්‍යවස්ථාවේ ඇති වගන්ති කිහිපයක් පිළිබඳ ප්‍රශ්න කර තිබෙනවා. ඒ ගැන උනන්දුවක් දැක්වීම හොඳයි. කිසිම දෙයක් විශේෂඥයන්ට පමණක් භාර දී පැත්තකට විය යුතු නැහැ. යුද්ධය ජෙනරාල්ලාට පමණක් භාර නොදිය යුතු යැයි බටහිර කතාවක් තියෙනවා.  නීතියත් එසේමයි. එය නීතිඥයන්ට පමණක් භාර දෙන්න හොඳ නැහැ. පැරණි සිංහලයන් බොහෝ දේ දැනගෙන හිටියා. අපේ සමාජය වෙනත් බොහෝ සමාජවලට වඩා සමජාතීයයි. එහි ඕනෑම ක්‍ෂෙත්‍රයක ඉහළ ම අය හා පහළ ම අය අතර විශාල පරතරයක් නැහැ. යටත්විජිත සමයෙහි විශාල පරතරයක් ඇති කරන්න උත්සාහයක් ගත්තා. අද එය ක්‍රමයෙන් කැඩී යනවා.

Saturday 3 November 2018

නටපු තොවිළෙකුත් නැහැ බෙරේ පලුවකුත් නැහැ

නටපු තොවිළෙකුත් නැහැ බෙරේ පලුවකුත් නැහැ

සිකුරාදා ඊනියා ජාතික ආණ්ඩුවක් පිහිටුවන බවට පාරම් බෑ රාජිත චම්පක ආදීන් කතානායක සමග රැස්වීමක් තියලා මහින්ද පත් කරගත් විධිය වැරදියි කියලා. අදාළ යෝජනාවට ජ වි පෙ හා දෙමළ ජාතික සංධානයෙ ආපු නාපු සියල්ලන් එකතු කර ගත් විට 118ක් ලැබෙනවා. එහෙත් එයිනුත් දෙමළ ජාතික සංධානයෙ වියලේන්දිරන් නියෝජ්‍ය ඇමති ධුරයක් ලබා ගෙන. දැන් එතකොට තියෙන්නෙ 117යි. ඔය 117 දෙනාත් ආණ්ඩුවක් පිහිටුවන්න එකඟ වෙලා නැහැ. එකඟ වුණත් මරණාධාර සමිති පිහිටුවනවා වගේ ආණ්ඩු පිහිටුවන්න බැහැ. ආණ්ඩු පිහිටුවන එක ජනාධිපතිගෙ වැඩක් මිස කතානායකගෙවත් වෙනත් කාගෙවක්වත් වැඩක් නො වෙයි. චම්පකගෙයි රාජිතගෙයි අනෙක් අයගෙයි ඊනියා ජාතික ආණ්ඩුව පුස්සක් වෙලා.

Friday 2 November 2018

රනිල්ගේ ගමන් මග අවසන් ද?

රනිල්ගේ ගමන් මග අවසන් ද?

මා කලකට පෙර කියා සිටියා අයවැයෙන් රනිල්ගේ ආණ්ඩුව පරාද කරන එක අමාරුයි කියා. එයට හේතුව බලයේ ඉන්න ආණ්ඩුවකට විරුද්ධ ව මන්ත්‍රීවරුන් ඡන්දය දීමට මැළි නිසා. ඒ නිසා ම තමයි මා කියා සිටියේ ජනාධිපති ලවා ම රනිල් ඉවත් කළ යුතු ය කියා. එසේ කර හදන ආණ්ඩුවකට මන්ත්‍රීවරුන් එකතු වේ ය කියාත් මා කිවුවා.

Thursday 1 November 2018

අරාබි වසන්තයක්


අරාබි වසන්තයක්



එංගලන්ත (අවශ්‍ය ම නම් එක්සත් රාජ්‍යය) පාර්ලිමේන්තුවෙ කියල තියෙනවා ලංකාවෙ අගමැති හැටියට පිළිගන්නෙ රනිල් වික්‍රමසිංහ කියලා. ඒක භයානක කතාවක්. එංගලන්තෙට අපේ අගමැති කවුද කියා තීරණය කරන්න බැරි බව දන්නවා. ඒත් මේ කියන්නෙ එන පොට හොඳ නැති බවයි. මේ වැඩේ පටන් ගත්තෙ රනිල් තමන්ට කැමති තානාපතිලා හා මහා කොමසාර්ස්ලා ගෙන්නලා තමන්ගෙ දුක් ගැනවිල්ල කිවුවට පස්සෙ. ඔහු සෘජුව හෝ වක්‍රව හෝ ඒ රටවලට කියා ඇත්තේ තමා ප්‍රජාතන්ත්‍රවාදී ව පත් කළ අගමැති බැවින්  අගමැති තනතුරේ කටයුතු කිරීමට අවස්ථාව සලසන්න කියා. අද ඔහුට පාර්ලිමෙන්තුවේ බහුතරයක් නැහැ. එ  ගැන අපි පස්සෙ කතා කරමු. පාර්ලිමේන්තුවේ බහුතර බලයක් නැති නිසා රනිල් බටහිරයන් එක්ක අර බැරිවෙච්ච අරාබි වසන්තය ඇති කරන්න හදනවා.

Wednesday 31 October 2018

මහින්ද කළ යුතු දේ


මහින්ද කළ යුතු දේ

ඔබේ අවධානයට. මහින්ද කළ යුතු දේ. සබැඳිය මෙතැනින්


https://youtu.be/5vPq2AsabYQ



අනාගත්තා ඇති


අනාගත්තා ඇති



මෛත්‍රිපාල විදේශීය තානාපතිවරුන් හා මහා කොමසාරිස්වරුන් ගෙන්වලා අලුත් ආණ්ඩුච ගැන කරුණු කියලා වගෙයි. එහෙම කරන්න සිද්ධ වුණේ රනිල් ඇතැම් තානාපතීන් හා මහා කොමසාරිස්වරුන් ගෙන්වලා තමන් තවමත් අගමැති බව කිවුව නිසා. රනිල්ගේ  හමුවෙන් පස්සේ අපට විරුද්ධව සම්බාධක පමුණුවන කතාවක් එක් මන්ත්‍රීවරයකු, මට මතක හැටියට රාජිතගෙ පුතා චතුර, කිවුවා කියලා ජනමාධ්‍යයෙහි පළ වුණා. මේවා විලි ලජ්ජ නැති වැඩ. පොඩි ළමයි රණ්ඩු වුණාම අම්මට ගිහින් කියනව වගේ වැඩක් මේක. රනිලුත් මෛත්‍රිපාලත් වෙනත් අයත් විදේශීය රටවල් සමග ගණුදෙනු කරන විධිය මේකයි. රනිල් හදනවා විදේශ මගින් අප බය කරන්න. මෛත්‍රිපාල තානාපතින්ට රනිල්ට විරුද්ධව කරුණු කියනවා. විදේශ රටවල් අම්මා කෙනකු නොවන බව තවමත් අපට වැටහෙන්නෙ නැහැ. ඔවුන් අපේ ස්වාමිවරුන්වත් නො වෙයි.

Tuesday 30 October 2018

අගමැති ඇමති ගන්ධබ්බයෝ

අගමැති ඇමති ගන්ධබ්බයෝ


රනිල් අගමැති ධුරයෙන් ඉවත් කිරීමට යොදා ගත් අනුව්‍යවස්ථා පැහැදිලිව ප්‍රකාශ කළ යුත්තේ එක් එක් අය විවිධ අනුව්‍යවස්ථා ගෙන හැර දක්වමින් ප්‍රශ්නය අවුල් කරන නිසා. මෙහි දී බලපාන ප්‍රධාන අනුව්‍යවස්ථා වන්නේ 42(4) හා 43(3) යි. 42(4) අනුව ජනාධිපතිවරයාට තම මතය අනුව පාර්ලිමේන්තුවේ විශ්වාසය උපරිම වශයේ ඇති මන්ත්‍රිවරයා අගමැති ලෙස පත් කළ හැකියි. එහි දී පාර්ලිමේන්තුවේ මතය විමසීම අවශ්‍ය නැහැ. අගමැති පත් කෙරෙන්නේ ජනාධිපති විසින් මිස පාර්ලිමේන්තුව විසින් නොවන බව 42(4)න් පැහැදිලි වෙනවා. මෙහි දී වැදගත් වන්නේ ජනාධිපතිවරයාගේ මතය අනුව හා විශ්වාසය යන වචනයි. මේ දහනවැනි ව්‍යවස්ථා සංශෝධනයට පෙර මෙන් ම පසවද ඇති තත්වයි. 2015 ජනවාරි 9 වැනි දා රනිල් අගමැති ලෙස පත්කෙරුණේ ද 2018 ඔක්තෝම්බර් 26 වැනි දින මහින්ද අගමැති ලෙස පත්කෙරුණේ ද මේ ප්‍රතිපාදන යොදා ගනිමින්. එදා මෙන් ම අදත් ඒ පත්කිරීම් ව්‍යවස්ථාවට එකඟයි. මෙහි දී සිටින අගමැති අස් කර පසුව වෙනත් අගමැතිවරයකු පත් කළ  යුතු බවක් කියැවෙන්නේ නැහැ.

Monday 29 October 2018

ජනාධිපති කතාවෙන් කියැවුණු දේ


ජනාධිපති කතාවෙන් කියැවුණු දේ



මෛත්‍රිපාල ජාතිය ඇමතුවෙ ජනාධිපති ලෙස. ඒ කතාවෙන් කියැවුණු කරුණක් දෙකක් ගැන යමක් කියන්න ඕන. ඔහූ කියන්නෙ අද එ ජා ප එදා එ ජා ප නොවෙයි කියලා. ඒකෙ ඇත්තක් තියෙනවා. ඒත් අද එ ජා ප හා එදා එ ජා ප අතර සම්බන්ධයකුත් තියෙනවා. එ ජා ප එදත් අදත් ජාතික පක්‍ෂයක් නො වෙයි. එහෙත් ඩී එස්ලාට ඩඩ්ලිලාට බෝතලේ වලව්වෙන් ලැබුණු යම් ජාතිකත්වයක් තියෙන්න ඇති. දැන් කසිකබල් මාක්ස්වාදීන් කලබල වෙලා එයට සුළු ධනේශ්වර කතා ඈඳන්න පුළුවන්. අපි නොදන්න මාක්ස්වාදය.  සමහරු වලව්වල තියෙන ජාතිකත්වය ගැන අසාවි. මේ ජාතිකත්වය වසන්ත සේනානායක ළඟත් තියෙනව කියල සමහරු කියාවි.

Sunday 28 October 2018

රනිල් ඉවත් කිරීමේ නීත්‍යානුකූල බව


රනිල් ඉවත් කිරීමේ නීත්‍යානුකූල බව

                                        



මා මේ ලිපිය ලියන්නේ කරුණු කිහිපයක් පැහැදිලි කිරීම සඳහායි. රනිල් අගමැති ධුරයෙන් ඉවත් කළ යුතු යැයි අවුරුදු තුනකටත් පෙර මා කීවේ ඔහුගෙන් සිංහල බෞද්ධ සංස්කෘතියට හා පොදුවේ සිංහලයන්ට වන අසාධාරණ වැළැක්වීමටයි. එ ජා පෙරමුණ හා මෛත්‍රිපාලගේ එ ජ නි සංධානය එකිනෙකට වෙනස් ප්‍රතිපත්ති මත පදනම් වූ පක්‍ෂ. ඒ පක්‍ෂ නව ලිබරල්වාදයේ පක්‍ෂ බව හා අවශ්‍ය වන්නේ ඊනියා ක්‍රමය වෙනස් කිරීම වැනි කිසි දිනෙක වලංගු නොවූ කසිකබල් මාක්ස්වාදී බහුබූත කීමෙන් කිසි පලක් නැහැ. ඔය කියන ක්‍රමය වෙනස් කිරීම හැමදාමත් කිය කිය ඉන්න පුළුවන් දෙයක් පමණයි. එයත් බාලගිරි දෝෂය වගෙයි.