Main Logo

Sunday, 17 November 2019

ජාතික දේශපාලනයකට යොමු වෙමු. ඡන්දයෙන් ද ජාතිවාද පරාජය කරමු



ජාතික දේශපාලනයකට යොමු වෙමු. ඡන්දයෙන් ද  ජාතිවාද පරාජය කරමු


ඡන්ද ප්‍රතිඵල තවමත් ලැබෙමින් පවතිනවා. මේ මොහොතේ දී (උදේ අටට පමණ) නම් ඉදිරියෙන් ඉන්නේ සජිත්. ඒත් අවසානයේ දී ගෝඨාභය දිනාවි. ඡන්ද ප්‍රතිඵල සියල්ල නිල වශයෙන් පිට වූ පසු විශේලේෂණයක් ඉදිරිපත් කරනවා.

Saturday, 16 November 2019

තුප්පහි උගත් නයි හා කැලණි නයි

  සිංහල ලිත් ඉලක්කම්


තුප්පහි උගත් නයි හා කැලණි නයි


  1. අද රටේ අනාගතය තීරණය කරන දවසක්. තීරණය කුමක් ද කියා අනාවැකි පළ කිරීමට නොනගත වෙලාවෙ දි මා උත්සාහ කරන්නේ නැහැ. මේ කාලය නිහඬ කාලය කියා තමයි මැතිවරණ කොමිසම කියන්නෙ. මෙය නිහඬ කාලයක් ම නො වෙයි. විවිධ පුද්ගලයන් විවිධ දේ කියනවා. මෙය නිහඬ කාලයක් නොව ප්‍රවර්ධන කටයුතු නොකරන කාලයක්. මා හිතන්නේ ඒ සඳහා සුදුසු ම වචනය නොනගත කාලය කියා. නොනගතය යන්න බටහිර සංකල්පයක් නො වෙයි. අප අපේ සංස්කෘතියෙන් වචන හොයනවා වෙනුවට කරන්නේ බටහිර සංකල්ප පරිවර්තනය කරන එක. 

Friday, 15 November 2019

මම දැන ගතිමි මම සැක කෙළෙමි

    සිංහල ලිත් ඉලක්කම් 


මම දැන ගතිමි මම සැක කෙළෙමි




බටහිර විද්‍යාවේ නිතර කියැවෙන දෙයක් තමයි යම්කිසි සංසිද්ධියක් නැවත නැවතත් පරීක්‍ෂණයට ලක් කිරීමට හැකි විය යුතු බව.  යම් කිසි පරීක්‍ෂණයක් අද කළත් හෙට කළත් ලන්ඩනයේ කළත් මොස්කව්හි කළත් එක ම ප්‍රතිඵලයක් ලබා දිය යුතු ය යන්නත් ඒ සමග කියැවෙනවා. මේ තමයි ඊනියා සාධාරණීත්වය නැත්නම් පොදු බව. ඒ සිද්ධිවල පොදු බව තේරුම් ගෙන ඒ සඳහා තමයි කතන්දර ගොතන්නෙ. එහෙමත් නැත්නම් ඊනියා ප්‍රවාද ගොඩ නගන්නෙ. ප්‍රවාදයක් කියන්නෙ කතන්දරයක්. 

Thursday, 14 November 2019

බොරු සහ පට්ටපල් බොරු

      සිංහල ලිත් ඉලක්කම් 


බොරු සහ පට්ටපල් බොරු 




දැන් නොනගත කාලයයි. දේශපාලනය ගැන ලියන එක හරි නැහැ. මැතිවරණ නීතිය පැහැදිලි නැති වුවත් අවශ්‍ය නම් නීතියේ කණෙන් රිංගලා යන්න පුළුවන් වුනත් ජනාධිපතිවරණය ගැන ලියන්න අවශ්‍ය යැයි කියල හිතෙන්නෙ නැහැ. ඊනියා උගත් බුද්ධිමත් තරුණ තරුණියන්ට සමහර විට තවමත් හිත හදාගන්න බැරි වෙලා ඇති. අද ජනමාධ්‍ය වැඩ කරන්නෙත් මේ තරුණ තරුණියන්ට බයෙන්. ඔවුන්ගෙ ඡන්දෙ දිනා ගන්න ඕන ය කියලා සමහර ජනමාධ්‍ය යම් යම් දේ ප්‍රචාරය කරන්නෙ නැහැ. තරුණ තරුණියන් මා ගැන දන්නෙ නැහැ. දන්න අය දන්නෙ මිථ්‍යා මතධාරියකු ලෙස. ඒ නිසාත් ජනමාධ්‍ය මට තැනක් දෙන්නෙ නැහැ. 

Wednesday, 13 November 2019

සජිත්ගේ හා ගෝලයන්ගේ වික්‍රමයක්

   සිංහල ලිත් ඉලක්කම්

සජිත්ගේ හා ගෝලයන්ගේ වික්‍රමයක්


සජිත් ප්‍රේමදාසගේ ප්‍රතිපත්ති ප්‍රකාශයේ සිංහලෙන් හා ඉංගිරිසියෙන් ඇත්තේ එක ම දෙයක් නො වේ. විශේෂයෙන් ම ඒකීය රාජ්‍යය පිළිබඳ ව කියා නොකියා ඇති දේ අපි සලකා බලමු. සිංහල ප්‍රකාශයේ තියෙන්නෙ මෙහෙමයි. අපි පළමු ව සිංහලෙන් ඇති දේ සලකා බලමු. එහි  මේ කොටස් තියෙනවා.  

Tuesday, 12 November 2019

ජනාධිපතිවරණ නොනගතය

  සිංහල ලිත් ඉලක්කම්


ජනාධිපතිවරණ නොනගතය


ජනාධිපතිවරණයෙහි දී අඩුවෙන් ම කතා වුනෙ ආධ්‍යාත්මික ගුණ වගාව. ආර්ථිකය, දේශපාලනය ගැන අවශ්‍ය ප්‍රමාණයටත් වඩා කතා වුනා. නමුත් සංස්කෘතික පැත්ත ගැන කතා කෙරුණෙ අඩුවෙන්. අවුරුදු දෙදහස් පන්සීයක ඉතිහාසය හා සංස්කෘතිය ගැන කියවුනත් ආධ්‍යාත්මික ගුණ වගාව ගැන කතා කෙරුණා නම් ඒ ඉතා අඩුවෙන්. 

Monday, 11 November 2019

අවසන් දින කිහිපය

   සිංහල ලිත් ඉලක්කම්


අවසන් දින කිහිපය



අප ජනාධිපතිවරණයේ අවසන් දින කිහිපයට ඇවිල්ලා. මේ ජනාධිතිවරණයෙන් මා හුඟක් දේ ඉගෙන ගත්තා. මගේ කාලය අවසන් වී හුඟක් කල් බව මා දැන ගත්තේ ජනාධිපතිවරණයෙන්. මා විශ්වවිද්‍යාලයෙන් නික්ම ගොස් (එය විශ්‍රාම යෑමක්වත් ඉල්ලා අස්වීමක්වත් වූයේ නැහැ) අවුරුදු අටක් වෙනවා. අවශ්‍ය නම් මට තවත් අවුරුද්දක් විශ්වවිද්‍යාලයේ රැඳී ඉන්න තිබුණා. එහෙත් ආසනික් පර්යේෂණ නිමවීමත් පීඨාධිපතිධුර කාලය අවසන් වීමත් සමග තවදුරටත් මට විශ්වවිද්‍යාලයේ කාර්යයක් නැති බව මා තේරුම් ගත්තා. මා විශ්වවිද්‍යාලයෙන් නික්ම ගියා. කිසිවකු මට බාහිර කථිකාචාර්යවරයකු ලෙස සේවය කරන්න කියා ඉල්ලා සිටියේත් නැහැ (ඉල්ලා සිටියත් මා කැමති වන්නෙත් නැහැ). විශ්වවිද්‍යාලයත් බලන් හිටියේ මා නික්ම යන තුරු. විශේෂයෙන් ම ආචාර්යවරු.

Sunday, 10 November 2019

නොනවතින පිමි

       සිංහල ලිත් ඉලක්කම් 


නොනවතින පිමි




බොහොම කාලෙකට ඉස්සර මා මාක්ස්වාදියකු ව ඉන්න කාලෙ ආසාවෙන් කියෙව්ව පොතක් වුණෙ ට්‍රොට්ස්කිගෙ නොනවතින විප්ලවය (Permanent Revolution). ජ වි පෙ ට්‍රොට්ස්කිවාදී පක්‍ෂයක් වෙලා නැහැ. ඒ පක්‍ෂය බිහිවුණෙ මාම්වාදී තිඹිරි ගෙයක. ඒ මොකක් වුණත් ජ වි පෙ විප්ලවවාදී පක්‍ෂයක් හැටියට තමයි හැඳින්වෙන්නෙ. ජ වි පෙ පහුගිය අවුරුදු පනහක කාලයක දෙවතාවක් ම විප්ලවය කරන්න හදපු පක්‍ෂයක්.  පොලීසිවලට ගහල විප්ලවය කරන්න පුළුවන් කියල හිතපු නායකයකුගෙ පක්‍ෂයක්. තරුණයන් දසදහස් ගණනක් විප්ලවය වෙනුවෙන් බිලි දුන් පක්‍ෂයක්. හෙට අනිද්දා ඔවුන් ඒ තරුණයන් සමරාවි. පළමුව මරාවි දෙවනුව සමරාවි.

Saturday, 9 November 2019

ශ්‍රී ල නි ප සම්බන්ධ බැසිල් ප්‍රකාශය





ශ්‍රී ල නි ප සම්බන්ධ බැසිල් ප්‍රකාශය



සිරිසේන වෛරයෙන් පෙළෙන, බැසිල්ටත් වඩා බැසිල්වාදී මයිලෝ හා වෙනත් පඬියන්ට බැසිල් ශ්‍රී ල නි ප සම්බන්ධ ප්‍රකාශය කෙළේ කොහේද යන ප්‍රශ්නය ඇති වෙලා. ඔවුන්ගේ දැන ගැනීම පිණිස දෙරණ ප්‍රවෘත්ති කොටස මේ සබැඳියෙන් ලබා ගන්න පුළුවන්. 




https://l.facebook.com/l.php?u=https%3A%2F%2Fwww.youtube.com%2Fwatch%3Fv%3DKdFC6A_iJjI%26fbclid%3DIwAR2UFWm2IXNdpcOJvPdalpBOco2qcYYFJJ5K4JwKou6g8Q4RzweSb6NnJso&h=AT2ZR2OgpEiqHXNWmp2kPa3HBUHDnsd_9Hs9nG4V8aysijiGrmbB2YPAFUckjsQsn-3q0EX_qeQNv3O4UnTdq7kARzi1kjCmg7HQ7Mb7KPRmSaZMCWUyvj3M_kuWKjnASlHXEw


බැසිල්ට අනුව එකතුවේ වැදගත්කම

   සිංහල ලිත් ඉලක්කම්


බැසිල්ට අනුව එකතුවේ වැදගත්කම



බැසිල් රාජපක්‍ෂ ඉතා හොඳ ප්‍රකාශයක් කරල තිබුණා. ගෝඨාභයගෙ ජනාධිපතිවරණ රැස්වීමක දි ඔහු කියා තිබුණ ජනාධිපතිවරණ ජයග්‍රහණයට වැඩියෙන් ම බලපාන්නෙ ශ්‍රී ල නි පක්‍ෂය කියලා. පොහොට්ටුවෙ අය ඒකට එතරම් කැමති වෙන එකක් නැති වුනත් ඒක කියන්න ඕන කියලත් බැසිල් කියා තිබුණ. ඒ වගේ ම ඔහු කියල තිබුණ එකතු නූණ නම් දෙගොල්ල ම පරදින්න තිබුණ කියලා.

Friday, 8 November 2019

ඉන්දියානු විසදුම

        සිංහල ලිත් ඉලක්කම්



ඉන්දියානු විස දුම 



ඉන්දියාවෙන් ලංකාවට විෂ ධූමයක් හෙවත් විස දුමක් ඇවිල්ලා. ඒකෙන් කිහිප දෙනකු ලෙඩ වේවි. දින කිහිපයකින් පසු එය නැති වේවි. එහෙත් ඊට වඩා විස දුමක් (ඊනියා විසඳුමක්) දින කිහිපයකට කලින් ලංකාවට ආවා. ඒ විස දුම හරිගියොත් ලංකාව ම ලෙඩ වී මරණයට පත් වේවි. ඉන්දියාවෙන් විස දුම් එන්නෙ විසඳුම් හැටියට. විශේෂයෙන් ම රෝ සංවිධානයෙන්. රෝ නැති වුවත්  ඒක අද ඊයේ නොවෙයි අවුරුදු දහස් ගණනක් තිස්සෙ එන එකක්. අප එම්සීසී ගිවිසුම ගැන කතා කරනවා. එයට විරුද්ධ වෙනවා. එයත් මූලික වශයෙන් රට බෙදීමක් සඳහා ගන්නා තැතක් බව මා කියා ඇති. එම්සීසී ගිිවිසුම අත්සන් කිරීම තාවකාලික ව වුවත් නතර කර ගැනීම දේශප්‍රේමීන් ලැබූ ජයග්‍රහණයක් වගේ ම පරාජයක්. අර උපවාසය නතර කළ ආකාරය ගැන මගේ පැහැදීමක් නැහැ. ආණ්ඩුව හාමුදුරුවන්ගෙ උපවාසය අවසානයේ දී ඩැහැ ගත්තා. මා එසේ කීම ගැන බොහෝ දෙනා අසතුටු වන්න පුළුවන්. ඒකට මට කරන්න දෙයක් නැහැ. 

Thursday, 7 November 2019

උපවාසයට පෙර හා පසු

         සිංහල ලිත් ඉලක්කම්

උපවාසයට පෙර හා පසු


සිංහලයා  මෝඩයා කැවුන් කන්න යෝධයා කියල කතාවකුත් තියෙනවා. ඒ කතාව කවුරු හදපු එකක් ද කියන එක පැහැදිලි නැහැ. ඒත් සිංහලයන් ඉතා ඉක්මණින් රවටන්න පුළුවන් කියන එක නම් පැහැදිලියි. මා ගිවිසුම් ගැන කියල තියෙනවා. ගිවිසුම්වලින් සිංහලයන් පැරදිලා තියෙන්නෙ. ඒක ඉතිහාසයට යන කතාවක්. මට හිතෙන්නෙ පෘතුගීසීන් එන්න ඉස්සර ඉඳල ම සිංහලයන් රැවටිලා තියෙනවා කියලා. සිංහල කියන වර්ගයට මා යක්‍ෂ දේව නාග රාක්‍ෂස කියන හෙළයනුත් ඇතුල් කරනවා. හෙළයන් කියන්නෙ සූූර්යයා සමග සම්බන්ධ කියන එක මිසක් හෙල්වල ජීවත් වූ අය නො වෙයි. කඳුවල ජීවත් වූ අය කවු ද? සමහර විට අපට හෙළයන් කිව්වෙ ග්‍රීකයන් වෙන්න පුළුවන්. එහෙමත් නැත්නම් අපත් හෙලියොස් නමින් හැඳින්වුණු සූර්යයා පෞද්ගලිකකරණයට ලක් කළ ග්‍රීක නිකායක් සමග සම්බන්ධ වී ඉන්න ඇති. ඒ ග්‍රීකයන්ට අනුව සූර්යයා අශ්වයකු ඇද ගෙන යන කරත්තයක නැගී අහසේ යනවා. ඒ චිත්‍රය අවුරුදු දවස්වල අපත් අඳිනවා. හීලියම් කියන මූල ද්‍රව්‍යයට ඒ නම ලැබෙන්නේ පළමුව හීලියම් නිරීක්‍ෂණය කෙළේ සූර්යයාගේ වීම නිසයි.  

Wednesday, 6 November 2019

ජනාධිපතිවරණය කුමක් සඳහා ද?

      සිංහල ලිත් ඉලක්කම්



ජනාධිපතිවරණය කුමක් සඳහා ද?



ජනාධිපතිවරණය කුමක් සඳහා ද? මේ ප්‍රශ්නයට විවිධ පුද්ගලයන් විවිධ පිළිතුරු දෙනු ඇත. ඒ ඒ අය දරණ දේශපාලන ආර්ථික සංස්කෘතික මතිමතාන්තර අනුව ඒ පිළිතුරු වෙනස් වනු ඇත. මගේ පිළිතුරත් මා දරණ මත අනුව සකස් වන බව අමුතුවෙන් කිව යුතු නො වෙයි.

Tuesday, 5 November 2019

සුමන්තිරන්ලා සජිත්ට සහාය දෙන්නේ ඇයි

       සිංහල ලිත් ඉලක්කම් 


සුමන්තිරන්ලා සජිත්ට සහාය දෙන්නේ ඇයි?

මේ රටේ රාජ්‍ය භාෂාව සිංහල. දෙමළත් රාජ්‍ය භාෂාවක්. ඉංගිරිසිය තමයි ඊනියා සම්බන්ධීකරණ භාෂාව. ඒ මොනවා ව්‍යවස්ථාවේ සඳහන් වුනත් නීති කෙටුම්පත් කරන්නේ ඉංගිිරිසියෙන්. ඉහළ උසාවිවල වැඩ කරන්නේ ඉංගිරිසියෙන්. එ ජා පක්‍ෂයේ භාෂාව ඉංගිරිසි. ඒ කියන්නේ සාමාන්‍ය මන්ත්‍රීවරුන් ඉංගිරිසියෙන් කතා කරන එකවත් හිතන එකවත් නො වෙයි. රනිල් හා අනෙක් නායකයන් හිතන්නෙ ඉංගිරිසියෙන් වැඩ කරන්නෙ ඉංගිරිසියෙන්. 

Monday, 4 November 2019

ගිවිසුම හා වෙල්ලාල නායකයන් පරාද කරමු

    සිංහල ලිත් ඉලක්කම්


ගිවිසුම හා වෙල්ලාල නායකයන් පරාද කරමු



බලාපොරොත්තු වූ පරිදි ම ඉලංකෙයි තමිල් අරසු කච්චි හෙවත් ලංකා දෙමළ රාජ්‍ය පක්‍ෂය සජිත්ට ආධාර කිරීමට තීරණය කරලා. එහෙත් දෙමළ ජාතික සංධානය තවමත් එවැනි තීරණයක් අරගෙන නැහැ. ඒ සංධානයේ තවත් පක්‍ෂ හතරක් තියෙනවා. එයට අමතර ව විග්නේෂ්වරන්ගේ පක්‍ෂය තියෙනවා. ශිවාජිලිංගම් දැන් ටෙලෝ සංවිධානයෙනුත් අස් වී වෙන ම ජනාධිපතිධුරාපේක්‍ෂකයකු වෙලා. 

Sunday, 3 November 2019

හූ කීම, පොහොට්ටුව හා දෙ ජා සංධානය

      සිංහල ලිත් ඉලක්කම්

හූ කීම, පොහොට්ටුව හා දෙ ජා සංධානය



ගෝඨාභයගේ ජනාධිපතිවරණ වේදිකාවට එන ශ්‍රී ල නි පාක්‍ෂිකයන්ට හූ කීම දිගින් දිගට ම කෙරෙනවා. ගෝඨාභයත් මහින්දත් එසේ නොකරන ලෙස කියා තිබුණත් එය නවතින පාටක් නැහැ. හූ කියන්නන්ට යම් පිරිසක් අනුබල දෙන බව පේන්න තියෙනවා. හූ කීමෙන් පොහොට්ටුවට වෙන වාසියක් නැහැ. හූ කීම පොහොට්ටුවේ අවසානය කරා යන ගමන විය හැකියි. 

Saturday, 2 November 2019

ජනමාධ්‍ය, ගිවිසුම් හා භාරකාර ආණ්ඩුව

      සිංහල ලිත් ඉලක්කම් 

ජනමාධ්‍ය, ගිවිසුම් හා භාරකාර ආණ්ඩුව  




මේ ආණ්ඩුව තරම් තක්කඩි විජාතික ආණ්ඩුවක් තවත් තිබිලා නැහැ. ලෝක පුදුමයකින් සජිත් ජනාධිපති වුණත් තක්කඩිකම නැති වෙන්නෙ නැහැ. ඔහුගෙ අගමැති වෙන්න ඉඩක් තියෙන්නෙ මංගලට. ඔහුට පනවා ඇති කොන්දේසි අනුව නම් රනිල් අගමැති වෙන්න ඕන. කවුරු අගමැති වුනත්   තක්කඩිකම ඉවර වෙන්නෙ නැහැ. මංගලලා චම්පකලා රාජිතලා රවිලා ඉන්න ආණ්ඩුවක් තක්කඩි ආණ්ඩුවක් මිස වෙන එකක් නො වෙයි. සජිත්ගෙ ආණ්ඩුවකින් මිලේනියම් චැලේන්ජ් කෝපරේෂන් ගිවිසුම අත්සන් කරන බවට රාජිත චම්පක මංගල වැනි අය සහතික වේවි. ජ වි පෙ මේ ගිවිසුම ගැන දක්වන නිහැඬියාව කන් බිහිරි කරවන තරම්.

Friday, 1 November 2019

සිරිජාතිකවාදී මා

    සිංහල ලිත් ඉලක්කම්


සිරිජාතිකවාදී මා 




ඊයේ (ඔක්තෝම්බර් 31) මෙරට වැදගත් දිනයක්. පක්‍ෂ හා සංවිධාන දහහතක් එකතු වී ශ්‍රී ලංකා නිදහස් පොදුජන සංධානය ගොඩ නැගුවා. එහි ඇතැම් පක්‍ෂ හා සංවිධාන මැතිවරණ කොමිසමේ ලියා පදිංචි නැහැ. එය එතරම් වැදගත් නැහැ. ඇතැමුනට මේ නව සංධානය මීළඟ මැතිවරණයට ඉදිරිපත් වීම සඳහා වූ වාහකයක් පමණයි. එයත් ඇතැමුන් තම පාක්‍ෂිකයන් ඉදිරිපත් කිරීම සඳහා උපක්‍රමයක් ලෙස යොදා ගන්නවා. පොදුජන පෙරමුණට හා ශ්‍රී ල නි පක්‍ෂයට හැරුණු විට අනෙක් පක්‍ෂ හා සංවිධාන සියල්ලට ම ලැබෙන්නේ අපේක්‍ෂකයන්ගෙන් 18%ක් පමණයි. එය පක්‍ෂ හා සංවිධාන පහළොවක් අතර බෙදී යන්න ඕන. ඒ පක්‍ෂකයට සාමාන්‍යයෙන් අපේක්‍ෂකයන් තුන්දෙනකු පමණ ලැබෙන්න පුළුවන්. ඇතැම් පක්‍ෂයකට එයට වැඩි වෙන්නත් අඩු වෙන්නත් පුළුවන්. ඊයේ සිට මහා මැතිවරණයට අපේක්‍ෂකයන් තේරීම නිල වශයෙන් ආරම්භ වුණා.

Thursday, 31 October 2019

විජාතික තක්කඩි ආණ්ඩුව

     සිංහල ලිත් ඉලක්කම්



විජාතික තක්කඩි ආණ්ඩුව



මේ ආණ්ඩුව (රනිල්ගෙ ආණ්ඩුව) තරම් විජාතික තක්කඩි ආණ්ඩුවක් තිබී නැහැ. ජේ ආර්ගෙ ආණ්ඩුවත් මේ තරම් විජාතිකයන් වෙනුවෙන් තක්කඩිකම් කෙළේ නැහැ. රනිල් ප්‍රජාතන්ත්‍රවාදය කියන වචනය මතුරමින් තක්කඩි වැඩ කරනවා. බටහිර ප්‍රජාතන්ත්‍රවාදය කියන්නෙත් තක්කඩි ක්‍රමයක්. ඒ අතින් බැලුව ම රනිල් ප්‍රජාතන්ත්‍රවාදය සුපිරි ආකාරයකින් යොදා ගන්නවා.

Wednesday, 30 October 2019

ගෝඨාභය උතුරට ගිහින්

       සිංහල ලිත් ඉලක්කම්




ගෝඨාභය උතුරට ගිහින්



උතුරු පළාතේ ජීවත්වන දෙමළ කතා කරන ජනයා නැගෙනහිර පළාතේ ජීවත්වන දෙමළ කතා කරන ජනයා හා කඳුකරයේ ජීවත්වන දෙමළ කතා කරන ජනයා යනුවෙන් මුස්ලිම් නොවන දෙමළ කතා කරන්නන් කොටස් තුනකට බෙදන්න පුළුවන්. ඒ ඒ ජන කොටස් අතර බැඳීමක් නැහැ. ඔවුන් ජීවත් වන්නේ ජන කොටස් තුනක් ලෙසයි. ඔවුන්ට පොදු ඉල්ලීමක් අරමුණක් නැහැ. මෙයට අමතර ව කොළඹ හා තදාසන්න පෙදෙස්වල ජීවත්වන දෙමළ කතා කරන ජනයා ද වෙනවා. ඔවුන් බොහෝ විට තමන් සම්භවය වූ ප්‍රදේශ සමග සම්බන්ධයක් පවත්වා ගෙන යනවා.

Tuesday, 29 October 2019

ලකුණු දමා ගැනීම් හා සුජිත් විල්සන්

        සිංහල ලිත් ඉලක්කම්


ලකුණු දමා ගැනීම් හා සුජිත් විල්සන්

ඊයේ ලිපියෙන් මා කියා සිටියේ ජාතික ව්‍යාපාරය තම පෞද්ගලික අවශ්‍යතා වෙනුවෙන් යොදා ගැනීමට උත්සාහ කරන අය පිළිබඳ කතාවක්. මට නෙළුම් පොකුණේ ඉදිරි පෙළේ අසුනක් හිමි නොවීම වැදගත් දෙයක් නො වෙයි. ප්‍රශ්නය එසේ අසුන් ගත් අයට ඒ සඳහා තිබුණු සුදුසුකම් මොනවාද කියන එක. එලෙස අසුන් වෙන් කෙළේ  කවු ද ආදී කරුණු දැන ගන්න පුළුවන් වේවි කියා මා හිතන්නේ නැහැ. මට ලකුණු දමා ගැනීමේ අවශ්‍යතාවක් නැහැ. මා සාමාන්‍යයෙන් වැඩ කරන්නේ තනියම. මට අවශ්‍ය සිංහලයන්ට බටහිරයන්ගෙන් ස්වායත්ත වූ ශක්තිමත් මතවාදයක් සැපයීම හා සිංහලයන් කතන්දර හදන්න පුරුදු කිරීම. අවාසනාවකට ඒ දෙවැනි කරුණ ඉටු වන්නේ නැහැ. සිංහලයන් පුරුදු වී සිටින්නේ තොරතුරු හොයන්න මිස කතන්දර හදන්න නො වෙයි. 

Monday, 28 October 2019

කුඩේ රට හා ජාතික ව්‍යාපාරය

     සිංහල ලිත් ඉලක්කම්


කුඩේ රට හා ජාතික ව්‍යාපාරය 




පසුගිය දා නෙළුම් පොකුණේ ජාතික අපේක්‍ෂක ගෝඨාභයගේ ප්‍රතිපත්ති ප්‍රකාශය ජාතියට පිළිගැන්වීමෙන් පසු දින මා මාතලේ ආවා. ඊයේ (ඔක්තෝම්බර් 27 වැනි දා) මාත් බිරියත් ඇගේ සොහොයුරියකුත්  සොහොයුරියගේ සැමියාත් ගෝඨාභයගේ මාතලේ රැස්වීමට ගියා. අප එහි යන විට පිටියෙහි පුටු සියල්ලෙහි ම මෙන් පැමිණ සිටි අය අසුන් ගෙන සිටියා. මගේ වාසනාවකට තරමක් ඈත කිසිවකු වාඩි වී නොසිටි පුටුවක් තිබුණා. එය අනෙක් අය අසුන් ගෙන සිටි පෙදෙසට ගෙනාවා. මා එහි අසුන් ගත්තා. දැන් අහන්න එපා භාර්යාවට අසුන නොදී මා වාඩි වූයේ ඇයි කියා. මා නරක මිනිහකු බව කලින් ලිපිවල කියා ඇති. 

Sunday, 27 October 2019

රනිල්දාස රනිල් වෙනුවෙන්

   සිංහල ලිත් ඉලක්කම්

රනිල්දාස රනිල් වෙනුවෙන් 



ජනාධිපතිවරණයට ඉදිරිපත් වී ඇති අපේක්‍ෂකයන් තිස්පස් දෙනා අතරින් තරගයක් තිබේ නම් ඒ දෙදෙනකු අතර පමණයි. ඒත් අනුර රනිල්දාසටත් විශාල ප්‍රචාරයක් ජනමාධ්‍යයෙන් ලබා දෙනවා. ඔහුට උපරිම වශයෙන් හැකි තුන්වැන්නා වීමටයි. ඔහු තමා වැඩකාරයකු බව පෙන්වීමට උත්සාහ කරනවා. විවිධ පොරොන්දු දෙනවා. ඔහුට අවශ්‍ය ක්‍රමය වෙනස් කිරීම  කියන එකත් වැරදියි. ඔහු සමාජවාදයක් ඇති කරන්න පොරොන්දු වෙන්නේ නැහැ. ඔහු අද පත් වී ඇත්තේ සජිත්ගේ ඇතැම් ප්‍රකාශ කියවන පුද්ගලයකුගේ තත්වයටයි. ඒ අතර හැමදා වගේ ම ඔහු රනිල් වෙනුවෙන් පෙනී ඉන්නවා.

Saturday, 26 October 2019

ජාතික චින්තනය හා චින්තනයේ ජාතිකත්වය

   සිංහල ලිත් ඉලක්කම්


ජාතික චින්තනය හා චින්තනයේ ජාතිකත්වය




මෙරට මැද පන්තියේ බොහෝ දෙනකුට, බහුතරයකට, ජාතික චින්තනයක් තියෙනවා. එහෙත් ඔවුන් චින්තනයේ ජාතිකත්වය කියන්නෙ මොකක් ද කියන එක දන්නෙ නැහැ. ඔවුන්ට ඒ දැනගැනීමට වුමනාවකුත් නැහැ. ගුණදාස අමරසේකර කියන්නෙ ජාතික චින්තනයක් ගැන. මා කතා කරන්නේ චින්තනයේ ජාතිකත්වය ගැන. මේ රටේ මැද පන්තියේ නොවන අයට චින්තනයේ ජාතිකත්වයක් තියෙනවා. එහෙත් ඔවුන්ට ඒ ප්‍රකාශ කර ගන්න තේරෙන්නෙ නැහැ. ඔවුන්ට තේරෙන්නෙ නැත්තෙ සංකල්පය පමණක් නො වෙයි. සංකල්පය නම් මැද පන්තියේ අයටත් තේරෙන්නෙ නැහැ. අප මේ කරුණු ගැන හිත යොමු කළ යුතුයි. මේ ලිපිය තරමක් වියුක්ත ලිපියක්. මෙය සංයුක්තව මා මේ දිනවල අත්දකිනවා. 

Friday, 25 October 2019

මැකොස හා සම්ප්‍රදාය

    සිංහල ලිත් ඉලක්කම් 


මැකොස හා සම්ප්‍රදාය




මැතිවරණ කොමිසම ස්වාධීන කොමිසමක් කියල කියනවා. ඒක එහෙමයි කියමුකො. ඒත් අපි ස්වාධීන නොයෙකුත් දේ දැකලා තියෙනවා. ඒ කාලෙ කොළඹ විශ්වවිද්‍යාලෙ තිබුණ සුවාදීන කණ්ඩායමක්. ඒක කාලයක් විජය කුමාරතුංග එක්ක. තවත් කාලයක් රාජිත සේනාරත්නත් එක්ක. සමහරු ප්‍රා සංවිධානයෙත් හිටියා. ඒ කණ්ඩායම දැනුත් ක්‍රියාත්මක ද කියල දන්නෙ නැහැ. 

Thursday, 24 October 2019

පාස්කු වාර්තාවට මොකක් ද කරන්නෙ

    සිංහල ලිත් ඉලක්කම්

පාස්කු වාර්තාවට මොකක් ද කරන්නෙ


පාස්කු ප්‍රහාරය සම්බන්ධයෙන් පත් කරන ලද පාර්ලිමේන්තු කාරක සභාව (තේරීම් කමිටුව නොවෙයි) සිය වාර්තාව පාර්ලිමේන්තුවට ඉදිරිපත් කළා. ඒ අනුව ජනාධිපති, අගමැති, බුද්ධි අංශය, පොලිස්පති, ආරක්‍ෂක ලේකම් ආදීන් ඒක්කෝ තම වගකීම් පැහැර හැරලා, එහෙමත් නැත්නම් වගකීම් ගැන සැලකිලිමත් වෙලා නැහැ. මේ බරපතළ චෝදනාවක්. ජනාධිපතිත් අගමැතිත් ඉල්ලා අස්වෙන්න ඕන. කතානායක සති කිහිපයකටවත්¬ වැඩ බලන ජනාධිපති වෙන්න ඕන. 

Wednesday, 23 October 2019

නන්දිකඩාල් පලයව්


    සිංහල ලිත් ඉලක්කම්


නන්දිකඩාල් පලයව්



යාපනය විශ්වවිද්‍යාලයේ ශිෂ්‍යයන්ගේ මැදිහත් වීමෙන් දෙමළ  පක්‍ෂ පහක් ජනාධිපතිවරණ අපේක්‍ෂකයන්ට ඉදිරිපත් කර ඇති ඉල්ලීම් දහතුන පිළිබඳ ව තවම කිසිම අපේක්‍ෂකයකු ප්‍රතිචාර දැක්වූ බවක් වාර්තා වී නැහැ. ඒ ඉල්ලීම් අපේක්‍ෂකයන් තිස්පස් දෙනාට ම යවා ඇත් ද යන්න පැහැදිලි නැහැ. ඒ කෙසේ වෙතත් අද තරගයක් ඇත්නම් ඒ ගෝඨාභය රාජපක්‍ෂ හා සජිත් ප්‍රේමදාස අතරයි. අනෙක් අය ඉදිරිපත් වී ඇත්තේ එක්කෝ ඡන්ද කඩන්න, නැත්නම් ඡන්ද පොළවලට හා ඡන්ද ගණන් කිරීමේ මධ්‍යස්ථානවලට වෙනත් අපේක්‍ෂකයන් වෙනුවෙන් නියෝජිතයන් පත් කිරීමට, එහෙමත් නැත්නම් මාක්ස්ගේ වැඩ නොකළ හිතළුවක් වූ ඊනියා කම්කරු පංති විප්ලවයේ පණිවුඩය ජනතාවට ගෙන ඒමට. සමහරවිට එකකට වැඩි වෙන්නත් පුළුවන්. ශිවාජිලිංගම්, හිස්බුල්ලා, අනුර කුමාර දිසානායක ප්‍රධාන වශයෙන් අයත්වන්නේ පළමු ගණයට. ජනතාව සිහිනෙන්වත් ඔවුන් ජනාධිපති ලෙස දකින්නේ නැහැ. අර සිහිනෙන්වත් ඔබ නොදකින කුමරා වගේ.

Tuesday, 22 October 2019

යුද්ධය අයිති කාට ද?

      සිංහල ලිත් ඉලක්කම්

යුද්ධය අයිති කාට ද?

මැතිවරණ කොමිසමේ සභාපති කියලා යුද්ධය ගැන ජනාධිපතිවරණයේ දී කතා කරන්න එපා කියලා. යුද්ධය අයිති රජයට කියල.  මා දන්න තරමින් ඔහු මේ යුද්ධය  මොකක් ද කියල හඳුන්වල දීල නැහැ. ඒක රාම රාවණ යුද්ධය ද, නැත්නම් පසු කාලයක වෙච්ච ගැමුණු එළාර යුද්ධය ද. එහෙමත් නැත්නම් ඉංගිරිසින්ගෙ යටත්විජිතයක් හැටියට ලංකාව සහභාගි වුණු බටහිරයන්ගෙ පළමුවැනි හා දෙවැනි ලෝක යුද්ධ ද යන්න පැහැදිලි නැහැ. ප්‍රබුද්ධ සභාපතිතුමා රාම රාවණ යුද්ධය මිථ්‍යාවක් ලෙස ගත්තත් තමා කියන්නෙ අනෙක් යුද්ධවලින් එකක් ගැන ද නැත්නම් වෙනත් ම එකක් ගැන ද කිවුව නම් හොඳයි. 

Monday, 21 October 2019

හකීම්, පලාලි කා වෙනුවෙන් ද?

      සිංහල ලිත් 


හකීම්, පලාලි කා වෙනුවෙන් ද?




හකීම් සහාරාන් දැනන් හිටලා නැහැ. ඒත් ඔහු ළඟ ම රැස්වීමක වාඩි වෙලා. හකීම් සහාරාන්ගෙ නම දැනන් හිටියෙ නැද්ද කරන වැඩ ගැන දැන හිටියෙ නැද්ද ආදී වශයෙන් දැන හිටිය කියන එක වෙනස් වෙනවා. මා හකීම් දන්නවා යම් ආකාරයකට, එත් මුණ ගැහිලා කතා කරලා නැහැ. අපි සමහරුන් එක්ක කතා කරල තියෙනවා. ඒත් නමවත් දන්නෙ නැහැ. හකීම්ට අද කොහොමටවත් කියන්න බැහැ තමා සහාරාන් දැන හිටිය කියලා. ඒත් ඔහු සහාරාන් වෙනුවෙන් කතා කළා. ඔය මුස්ලිම් ඇමතිවරු ඉල්ලා අස්වුණෙ අතන මෙතන රතන හිමියන්ගෙ උපවාසය නිසා නො වෙයි. අතන මෙතන රතන හිමි සිද්ධියෙන් සිද්ධියට පනිනවා නැහැ වැඩම කරනවා. දේශපාලනඥයකු හැටියට උන්වහන්සේට ඕන කරන්නෙ ප්‍රසිද්ධිය හා මන්ත්‍රීකම. පුළුවන් නම් ඇමතිකමක්. මුස්ලිම් ඇමතිවරු අස්වුණෙ සහාරාන් ආරක්‍ෂා කරන්න. මුස්ලිම් ත්‍රස්තවාදයෙ සහාරාන් වෙනුවෙන් පෙනී හිටීමට. 

Sunday, 20 October 2019

නික්ම යෑමට පෙර

 සිංහල ලිත් ඉලක්කම්

නික්ම යෑමට පෙර


අදින් අවුරුදු හැත්තෑපහකට කලින් නරක මිනිහෙක් උපන්නා. ඒ මම. බොහෝ දෙනා මගේ නරක ගතිගුණ දන්නවා. ඒත් ඔවුන් දන්නේ ටිකයි. මගේ නරක ගතිගුණවලට දෙම්ව්පියන් වග කිවයුතු නැහැ. ඔවුන් අප හදා වඩා ගන්න බොහෝම දුක් වින්දා. සිංහල ගුරුවරුන් වූ ඔවුන්ට ලොකු වැටුපක් ලැබුණේ නැහැ. දරුවන් අට දෙනකු ලොකු මහත් කරන එක ලෙහෙසි පහසු වැඩක් නොවෙයි. මගේ දෙමව්පියන්ට අවශ්‍ය වුණේ මා විශේෂඥ වෛද්‍යවරයකු කරන්න. මා එයට අකමැති වූ විට ඔවුන්ට මා ඉංජිනේරුවකු කිරීමට අවශ්‍ය වුණා. මා එයටත් කැමති වුණේ නැහැ. එවිට ඔවුන් මා පරිපාලන සේවයට (එකල සිවිල් සේවය) බැඳේවි යැයි සිතුවා. එහෙත් මට එයත් අවශ්‍ය වුණේ නැහැ. මට අවශ්‍ය වුණේ විශ්වවිද්‍යාලයේ කථිකාචාර්යවරයකු හා විද්‍යාඥයකු වීමට. ඒ අවුරුදු පහළොවේ සිට මගේ කැමැත්ත. එහෙත් එය ඉටු කර ගන්න මට බෑරි වුණා. කථිකාචාර්යවරයකු නම් වුණා. ඒත් එක් වතාවක අවුරුදු දෙකකුත් දෙවැනි වතාවේ අවුරුදු දහයකුත් මට ඒ රැකියාව අහිමි වුණා. විද්‍යාඥයකු වීමට මට බැරි බව තේරුම් ගත්තා. ඒක ලොකු දෙයක්.

Saturday, 19 October 2019

නන්දිකඩාල් පාවා දී ගෝඨාභය මනමේ කුමරු කිරීම

    සිංහල ලිත් ඉලක්කම්

නන්දිකඩාල් පාවා දී ගෝඨාභය මනමේ කුමරු කිරීම 


මෙවර ජනාධිපතිවරණයේ ප්‍රධාන මාතෘකා බවට පත් වී ඇත්තේ ජාතිවාදී ආගමිකවාදී ව්‍යාපාර පරාජය කිරීම, මෙරට නැවත ඒකීය රාජ්‍යයක් බවට පත් කිරීම (ඒකීය රාජ්‍යය ආරක්‍ෂා කිරීම යනු ව්‍යාජයක්. දහතුන්වැනි සංශෝධනයෙන් මෙරට සන්ධීය රාජ්‍යයක් වුණා), විධායක ජනාධිපති ක්‍රමය අහෝසි නොකිරීම ආදියයි. ඒ අතර විවිධ සහන ගැනත් කතා කරනවා. මෙහි පළමු මාතෘකා දෙක එකිනෙකට සම්බන්ධයි. 

Friday, 18 October 2019

මැකොස යුද්ධ, ජාතික සංවිධාන සම්මේලනයේ ස්ථාවරය හා භූමිකාව

    සිංහල ලිත් ඉලක්කම්

මැකොස යුද්ධ, ජාතික සංවිධාන සම්මේලනයේ ස්ථාවරය හා භූමිකාව



ජාතික සංවිධාන සම්මේලනයේ ස්ථාවරය හා භූමිකාව ඒ සම්මේලනයේ රැස්විමක දී සම්මත කර ගත් නමුත් එය පසුගිය දා පදනම් ආයතනයේ දී පැවති රැස්වීමේ දී ජනතාවට ඉදිරිපත් කෙරුණේ නැහැ. එහෙත් එදින ගුණදාස අමරසේකරගේ  අත්සන යැයි කිව නොහැකි අත්සනක් සහිත ව මුද්‍රණය වූ ප්‍රකාශ දෙකක් නම් වෙනත් සංවිධානයක නමින් බෙදා හරිනු ලැබුවා. ඒ පත්‍රිකා අමරසේකරට ලැබුණා ද නැද්ද කියන්න මා දන්නේ නැහැ. ජාතික සංවිධාන තම දේශපාලනය සඳහා යොදා ගැනීමට මාන බලන පිරිසක් ජාතික ව්‍යාපාරයේ ක්‍රියාත්මක වනවා. 

Thursday, 17 October 2019

ගෝඨාභයගේ ජනාධිපතිකම රැක ගනිමු

සිංහල ලිත් ඉලක්කම්




ගෝඨාභයගේ ජනාධිපතිකම රැක ගනිමු 


අප රටට නව ව්‍යවස්ථාවක් ඕන බව සැබෑව. 1978 දෙවැනි ජනරජ ව්‍යවස්ථාව හෙවත් ජේ ආර් ජයවර්ධන ඉදිරිපත් කර සම්මත කර ගත් ව්‍යවස්ථාව රටට අහිතකරයි. එසේ වන්නේ එය මෙරට ඉතිහාසයට සංස්කෘතියට එකඟ ව ඒ පදනම් කර ගත් ව්‍යවස්ථාවක් නොවන බැවින්. එය චෙල්වනායගම්ගේ බෑණනුවන් වූ ඒ ජේ විල්සන් ප්‍රමුඛ පිරිසකගේ මැදිහත් වීමෙන් සකස් කරන ලද්දක්. එය ප්‍රංශ හා එක්සත් රාජ්‍ය (ඇමරිකාව) ව්‍යවස්ථා අනුව ඒ අනුකරණයෙන් සකස් කරන ලද්දක්. අපේ රටට ආගන්තුක ව්‍යවස්ථාවක්. 

Wednesday, 16 October 2019

ජාතික සංවිධාන සම්මේලනය

ජාතික සංවිධාන  සම්මේලනය අමතා සිදු කළ කතාව


https://youtu.be/d8Hmv_7dE5U

Inbox
x



ජනාධිපති ක්‍රමය අහෝසි කරන්නේ ගෝඨාභය අවුරුද්දකින් යැවීමට ද ?

         සිංහල ලිත් ඉලක්කම්   




ජනාධිපති ක්‍රමය අහෝසි කරන්නේ ගෝඨාභය අවුරුද්දකින් යැවීමට ද ?





ගෝඨාභය රාජපක්‍ෂ ජනාධිපතිවරණයට ඉදිරිපත් කරනු ලැබුයේ ජාතියේ අපේක්‍ෂක ලෙස. එයට මුල් වූයේ ජාතික ව්‍යාපාරය බව මා කියන්නේ ඒ සම්බන්ධයෙන් කටයුතු කළ වෙනත් අයට අගෞරවයක් ලෙස නො වෙයි. එහෙත් එයින් කියන්නේ නැහැ ජාතික සංවිධාන සියල්ල ඒ මතයේ සිටි බව. ඒ කෙසේ වෙතත් අද ජාතික සංවිධාන සියල්ල පිළිගන්නවා ගෝඨාභය ජාතික අපේක්‍ෂක ලෙස. එය හොඳ ප්‍රවණතාවක්.

Tuesday, 15 October 2019

බැසිල් එන්නේ මොකාට ද?

         සිංහල ලිත් ඉලක්කම්


බැසිල් එන්නේ මොකාට ද? 



බැසිල් රාජපක්‍ෂ ඉන්දියාවේ පුවත්පතකට ප්‍රකාශයක් කරලා. සුපුරුදු විධියට ඔහු තමාට ජාතිකත්වයක් නැති බව කියලා. ඔහු කියා ඇත්තේ උපරිම ලෙස බලය බෙදනවා කියා. උපරිම ලෙස බලය බෙදන්න පොදුජන පෙරමුණක් අවශ්‍ය නැහැ. එ ජා පක්‍ෂය හරි චන්ද්‍රිකා හරි ඉඩක් දුන්නොත් ඒ කරාවි. බැසිල් හදන්නේ ගෝඨාභයගේ ඡන්ද කඩන්න ද?

Monday, 14 October 2019

පොහොට්ටුවට අවශ්‍ය ගෝඨාභය පැරදවීම ද?

                    සිංහල ලිත් ඉලක්කම්



පොහොට්ටුවට  අවශ්‍ය ගෝඨාභය පැරදවීම ද?



පොදුජන පෙරමුණ සූදානම් වන්නේ ගෝඨාභය ජනාධිපතිවරණයෙන් පරාජය කරන්න ද? ඇල්පිටියේ ජයග්‍රහණයෙන් පසු එවැනි ප්‍රශ්නයක් ඇසීමට සිදු වීම පවා කණගාටුවට කරුණක්. එහෙත් පොදුජන පෙරමුණේ ඇතැමුන්ගේ උද්ධච්ඡ මානසිකත්වය, ජාතික හා වාම කේන්ද්‍රීය කඳවුරේ අනෙක් පක්‍ෂවලට කුඩම්මාගේ නොව ඊටත් පහළ සැලකිල්ලක් ලබා දීම ආදිය හේතු කොටගෙන ගෝඨාභයට පරාජය අත් කර දීමට ඔවුන් උත්සාහ කරන්නේ දැයි ඇසීමට සිදුව තියෙනවා.

Sunday, 13 October 2019

විධායක ජනාධිපති ක්‍රමය හා ගෝඨාභය

      සිංහල ලිත් ඉලක්කම් 

විධායක ජනාධිපති ක්‍රමය හා ගෝඨාභය

ඇල්පිටිය ජයග්‍රහණය දෙස අප බැලිය යුත්තේ ජනාධිපතිවරණය පැත්තෙන්. මෙහි දී කිවයුතු කරුණක් තියෙනවා. නොවැම්බරයේ දී පැවැත්වෙන්නේ ජනාධිපතිවරණයක් මිස ජනාධිපති මැතිවරණයක් නො වෙයි. මෙය අප පරිවර්තනයේ දී කරන වරදක්. ඉංගිරිසි ඉලෙක්ෂන් කියන එක පරිවර්තනය කරන්නේ මැතිවරණයක් කියල. ඉලෙක්ෂන් කියන්නේ තෝරා ගැනීම නැත්නම් වරණය. අපේ සාහිත්‍යයේ ස්වයංවරණ ගැන කියැවෙනවා. මැතිවරණයක් කියන්නේ මන්ත්‍රීන් තෝරා ගැනීමක්. ජනාධිපතිවරණයක් කියන්නේ ජනාධිපති තෝරා ගැනීමක්. ජනාධිපති මැතිවරණයක් කියන්නේ ජනාධිපති මන්ත්‍රී කෙනකු තෝරා ගැනීමක්. එහෙම අයකු නැහැ. ජනාධිපති පාර්ලිමේන්තු පළාත් සභා පළාත් පාල ආයතන මන්ත්‍රීවරයකු නො වෙයි. 

Saturday, 12 October 2019

With Category Theory, Mathematics Escapes From Equality

   සිංහල ලිත් ඉලක්කම්




With Category Theory, Mathematics Escapes From Equality



October 10, 2019
Two monumental works have led many mathematicians to avoid the equal sign. Their goal: Rebuild the foundations of the discipline upon the looser relationship of “equivalence.” The process has not always gone smoothly.

ඇල්පිටිය මග පෙන්වයි

    සිංහල ලිත් ඉලක්කම්



ඇල්පිටිය මග පෙන්වයි



ඇල්පිටිය ඡන්ද ප්‍රතිඵලය පොදුජන පෙරමුණෙත් ශ්‍රී ල නි පක්‍ෂයේත් ඇස් අරවන්නක් විය යුතුයි. ඇල්පිටිය සිංහල ජනතාව බහුතරයක් වූ ප්‍රාදේශීය සභාවක්. ඇල්පිටියේ දී පොහොට්ටුව ඡන්ද 56.3%ක් ලබා ගෙන තියෙනවා. ශ්‍රී ල නි පක්‍ෂය ඡන්ද 12.7%ක් ලබා ගෙන තියෙනවා. පක්‍ෂ දෙකට ම ඡන්ද 69.0%ක් ලැබී තිබෙනවා. සිංහල ඡන්දවලින් 69%ක් කියන්නෙ තීරණාත්මක ඡන්දයක්. ජනාධිපතිවරණයේ දී මෙය මෙයට වඩා ස්වල්පයකින්වත් වැඩි වේවි. එ ජා පක්‍ෂය ලබා ගෙන ඇත්තේ ඡන්ද 24.3%යි. ජ වි පෙ ඡන්ද 5.8%යි.

Friday, 11 October 2019

හම්බන්තොට අරවින්දතොට කරමු ද?

           සිංහල ලිත් ඉලක්කම්


හම්බන්තොට අරවින්දතොට කරමු ද? 


අද පඬියන් කියන කතාවක් තමයි මෙරට සියළු දෙනා ම සමානය කියන එක. පඬියන් කට ඇරියොත් එක දිගට කියා ගෙන යනවා සිංහල දෙමළ මුස්ලිම් මැලේ බර්ගර් කතාව. සමහරු කියන්නේ ඒ ජාතීන් ගැන. තවත් සමහරු ජනවර්ග කියා කියනවා. ඒ කොහොම කිව්වත් ඉන් කියැවෙන්නෙ සිංහල දෙමළ මුස්ලිම් බර්ගර් සමානය කියලා. මා දන්නෙ නැහැ අලි සබ්‍රි කියන්නෙත් ඒකම ද කියලා. ඒත් පඬියන් කොහොම කිව්වත් මෙරට සියළු සංස්කෘතීන් සමාන වෙන්නෙ නැහැ. 

Thursday, 10 October 2019

ජාතිකත්ව දේශපාලනයකට එකතු වෙමු

     සිංහල ලිත් ඉලක්කම්

 
ජාතිකත්ව දේශපාලනයකට එකතු වෙමු 



ඊයේ ලිපිය ලියන විට මා දැන සිටියා එදින ශ්‍රී ල නි පක්‍ෂය ගෝඨාභයට සහාය දෙන බව ප්‍රකාශ කිරීමට සිටි බව. ඒත් මා ඒ ගැන කිසිවක් සඳහන් නො කෙළේ අනුරාධපුර රැස්වීමෙන් පසුව ම යමක් කීම යෝග්‍ය බව හැඟුණ නිසා. මේ වන විට පොහොට්ටුවේ නායකයන්ගේ සිට අනුගාමිකයන් දක්වා සියළු දෙනා ම මෙන් ශ්‍රී ල නි පක්‍ෂය වෙල්කම් කරනවා. සාදරයෙන් පිළිගන්නවා. මා වෙල්කම් කරන්නෙත් නැහැ බැල මෙහෙකම් කරන්නෙත් නැහැ. 

Wednesday, 9 October 2019

ගෝඨාභය හා සිංහල ඡන්ද

      සිංහල ලිත් ඉලක්කම්


ගෝඨාභය හා සිංහල ඡන්ද



මෙරට ජනගහන ප්‍රතිශත 2012 සංගණනයට අනුව මෙසේ ය. සිංහල 74.9, වතුකර නොවන දෙමළ 11.2, මුවර් මුස්ලිම් 9.2, වතුකර දෙමළ 4.2,  අනෙක් 0.5. බෞද්ධ 70.2, හින්දු 12.6, මුස්ලිම් 9.7, කතෝලික 6.1, ක්‍රිස්තියානි 1.3, අනෙක් 0.05. 

Tuesday, 8 October 2019

ශ්‍රි ල නි ප චන්ද්‍රිකා හැව ඇරිය යුතුයි

       සිංහල ලිත් ඉලක්කම්


ශ්‍රි ල නි ප චන්ද්‍රිකා හැව ඇරිය යුතුයි

ශ්‍රී ල නි පක්‍ෂය තවමත් පොහොට්ටුව සමග එක්වීමේ තීරණය ප්‍රකාශ කරල නැහැ. පක්‍ෂය ඒ ගැන තීරණයක් අරගෙන ඇති. ඒත් එය ප්‍රකාශ කිරීමට යම් යම් බාධා තිබෙන බව පැහැදිලියි. ශ්‍රී ල නි පක්‍ෂයේ එක් කණ්ඩායමක් තීරණයට විරුද්ධ ව විවිධ උපක්‍රම මගින් තීරණය ප්‍රකාශ කිරීම කල් දමා ගන්නා බවත් පැහැදිලියි. ඒ කණ්ඩායම චන්ද්‍රිකා විසින් මෙහෙයවෙනව කියා හිතන්න පුළුවන්. ඇල්පිටිය ඡන්දය තීරණය ප්‍රකාශ කිරීම කල් දැමීමට ගත් නිදහසට කරුණක්. චන්ද්‍රිකාට අවශ්‍ය ශ්‍රී ල නි පක්‍ෂය රැක ගන්න නොව ආදාහන කරන්න. 

Monday, 7 October 2019

සජිත් හා රනිල් දෙදෙනා ම පරදවමු

         සිංහල ලිත් ඉලක්කම්

සජිත් හා රනිල් දෙදෙනා ම පරදවමු



මෙවර ජනාධිපතිවරණයට අද නාම යෝජනා භාර දුන්නා. අපේක්‍ෂකයන් තිස්පස් දෙනකු ඉන්නවා.  ඒ කොහොම වුණත් තරගය ඇත්තේ ගෝඨාභය හා සජිත් අතරයි. ප්‍රශ්නය පරදින්නේ කවුද යන්නයි. නොවැම්බර් 17 වැනි දා හෝ ආසන්න දිනයක හෝ ජනාධිපති ලෙස දිවුරුම් දෙනු ඇත්තේ පරදින අපේක්‍ෂකයා නොව අනෙක් තැනැත්තායි. 

Sunday, 6 October 2019

සජිත් මුඛවික්‍රම


         සිංහල ලිත් ඉලක්කම් 



සජිත් මුඛවික්‍රම 

සජිත් ප්‍රේමදාස සංස්කෘතිය අපේ උරුමය රකින බව කියනවා. ඒ එක්කම කියනවා ඒ කතාව පිට වෙන්නෙ තම ශ්‍රී මුඛයෙන් කියලා. එයින් පැහැදිලි වෙන කාරණය සජිත් ප්‍රේමදාස සිංහල බෞද්ධ සංස්කෘතිය ගැන කිසිම දෙයක් දන්නෙ නැහැ කියන එක. සිංහල බෞද්ධයන් ශ්‍රී මුඛය ගැන සඳහන් කරන්නෙ බුදු හාමුදුරුවන් ගැන කියන විට මිසක දේශපාලනඥයන් ගැන කියන විට නො වෙයි. සජිත් කලක් ඉගෙන ගත්තෙ එංගලන්තෙ නිසා මේවා දන්නෙ නැතිව ඇති. ඒ කොහොම වුණත් ඔහු සිංහල බෞද්ධ සංස්කෘතිය ගැන නොදන්න බව පැහැදිලියි.

Saturday, 5 October 2019

නඩු තීන්දුව

        සිංහල ලිත් ඉලක්කම් 


නඩු තීන්දුව

ගෝඨාභයගේ රටවැසි භාවය නීත්‍යානුකුල බව අධිකරණයෙන් කියලා. මා ඒ ගැන සතුටු වෙනවා. මා ඊයේ කී පරිදි විනිසුරුවන් තමන්ට ඉදිරිපත් වූ කරුණුවලින් වඩාත් ම සංගත කරුණු මත පදනම් වෙලා තීන්දුව දෙන්න ඇති. ඒත් අධිකරණයේ ඉදිරිපත් වී ඇති තර්ක පිළිබඳ ව නම් මට ප්‍රශ්න තියෙනවා. ඒ හුදු තාර්කිකයකු ලෙස. මගේ ප්‍රශ්න ඉදිරිපත් නොවූ තර්ක පිළිබඳ ව මිස ඉදිරිපත්  වූ කරුණු හා තර්ක මත පදනම් ව දුන් තීන්දුව ගැන නොවෙයි. මා නම් හිතා ගෙන හිටියේ (බලපොරොත්තුව නොවේ) අධිකරණය වෙනත් තීන්දුවක් දේවිය කියා. ඒ ගැන මගේ බයකුත් තිබුණා. 

Friday, 4 October 2019

ගිරවා දමන සභ්‍යත්ව කුණුහරුප

      සිංහල ලිත් ඉලක්කම් 


ගිරවා දමන සභ්‍යත්ව කුණුහරුප




අද රට ම ඇත්තෙ මහා අවුලක. එයට ප්‍රධාන ම හේතු ව සිංහලයන්. එහෙම කියන එක ප්‍රශ්නයක් වෙන්න පුළුවන්. නමුත් සිංහලයන්ගෙ කොන්ද බිඳලා තියෙන්නෙ. ඒ ඉංගිරිසින් විසින්. ඔවුන්ගෙ අධ්‍යාපනයෙන්. ජාතික ව්‍යාපාරයෙන් ඈත් කරනු ලැබ සිටි මා පසුගිය දින කිහිපයක සිට නැවතත් එහි ක්‍රියා කරන්න පටන් ගත්තා. ඒ බෙංගමුවෙ නාලක අනුනායක හිමියන්ගෙ ආරාධනයෙන්. උන්වහන්සේ තමන් වහන්සේගෙ නිකාය පාර්ශ්වයෙහි අනුනායක හිමි නමක් බවත් මා දැන ගත්තෙ පසුගිය දා.  

Thursday, 3 October 2019

පරාද අපේක්‍ෂාව

   සිංහල ලිත් ඉලක්කම්


පරා අපේක්‍ෂාව 

මෙවර ජනාධිපතිවරණය ජයග්‍රහණයට වඩා පරාජය අපේක්‍ෂාවෙන් කෙරෙන්නක් බව පැහැදිලි ය. ඒ තම පරාජය නොවන අනුන්ගේ පරාජය සඳහා ය. අපේක්‍ෂාවේ අපේක්‍ෂකයා ඉදිරිපත් වුවහොත් ඒ ඔහුගේ ජයග්‍රහණයක් අපේක්‍ෂාවෙන් නොව සජිත්ගේ පරාජය අපේක්‍ෂාවෙනි. රනිල්දාසට ජයග්‍රහණයක් සඳහා කිසිම අපේක්‍ෂාවක් තිබිය නො හැකියි. ඔහුගේ ඒකායන අපේක්‍ෂාව සජීත් පරාජය කිරීම ය. 

Wednesday, 2 October 2019

පාණදුරේ වෑකඩ බෞද්ධාලෝක විද්‍යාලය හා ශූන්‍යය

මේ ලිපිය අරුණ පුවත්පතේ   පළ නොකිරීමට එහි සංස්කාරක තීරණය කළේ මෙහි මගේ පුද්ගලික කරුණක් දෙකක් ඇති නිසා විය හැකි ය. ඔහුට ශූන්‍යය ශූන්‍යයක් ම වී ඇත. 
ඔහු කිසිවකුගේ පුද්ගලික තොරතුරු පළ නොකරන්නේ දැයි නො දනිමි.


        සිංහල  ලිත් ඉලක්කම්


 පාණදුරේ වෑකඩ බෞද්ධාලෝක විද්‍යාලය හා ශූන්‍යය


මේ ලිපිය මගේ පළමු පාසලට පසුගිය සැප්තැම්බර් 30 වැනි දා අවුරුදු 130ක් පිරීම නිමිත්තෙනි. මෙය පාසලේ ඉතිහාසය පිළිබඳ ව නො වේ. පාසල හා මා අතර සම්බන්ධයත් පාසලෙන් මට ලැබුණු දායාද සිංහලයන්ගේ විශිෂ්ට නිර්මාණයක් තේරුම් ගැනීමට උපකාරී වූ ආකාරයත් මෙයින් කියැවෙයි.  පළමුවෙන් ම පාසල බෞද්ධ පරමවිඥානාර්ථ සමාගම විසින් පාලනය කෙරෙන අවධියෙහි එක් යුගයක එහි කළමනාකරු වූ රිචඩ් සල්ගාදු මහතා ද එහි සේවය කළ ගුරු මහත්ම මහත්මීන් ද සිහිපත් කළ යුතු ය.