මහින්දගේ වැදගත් ම ප්‍රශ්නය

 සිංහල ලිත් ඉලක්කම්

මහින්දගේ වැදගත් ම ප්‍රශ්නය

දිර්ඝ වශයෙන් සාකච්ඡා කළ යුතු ප්‍රශ්නයකට මහින්ද රාජපක්‍ෂ එළඹිලා. සිංහල බෞද්ධයන් තරම් තම ආගමට පූජ්‍ය පක්‍ෂයට හරි පූජක පක්‍ෂයට හරි ගරහන පිරිසක්  ලෝකයේ තවත් නැත් ද? මහින්ද ඒ ප්‍රශ්නයක් ලෙස අසන්නේ නැහැ. ඔහු ප්‍රශ්නයට ඔව් යන පිළිතුර දී ඇති බවයි මට හැඟෙන්නේ. එය එතරම් වැදගත් නැහැ. ප්‍රශ්නය හරි පිළිතුර හරි ඉදිරිපත් කිරීම ගැන මහින්දට පිං දෙන්න ඕන.

ගෝඨාභය ගාමිණි අභය අබියස

  සිංහල ලිත් ඉලක්කම්

ගෝඨාභය ගාමිණි අභය අබියස

සිංහල බෞද්ධයන්ගෙන් බොහෝ දෙනකු මෙතෙක් ජීවත් වූයේ බියෙන්. ඔවුන් තමන් සිංහලයන් යැයි කීමට බිය වූවා. මංගල සමරවීර වැන්නන් මෙය සිංහල බෞද්ධ රටක් නො වේ යැයි ඊයේ පෙරේදාත් කිව්වා. නන්දා මාලිනී මේ සිංහල අපගෙ රටයි ගීය ගැයීම ප්‍රතික්‍ෂෙප කළා. අමරදේව මහසඟ ගණ මොක ද කළෙ කියල ඇහුව. සුනිල් ආරියරත්න දෙමළ බෞද්ධයන් ගැන කතා කළා. ඊනියා ලිබරල්/මාක්ස්වාදී මතධාරී පඬියන් සිංහල බෞද්ධ කී ගමන් ජාතිවාදී යැයි  කිව්වා. සිංහල බෞද්ධයන්ගේ ඊනියා දූපත් මානසිකත්වයක් ගැන කිව්වා. පඬියන් මොන ජාත්‍යන්තරයෙ ද? මෙරට මතවාදී ආධිපත්‍යය තිබුණේ බටහිරට දාසකම් කළ අනුකාරක අහිනකට. ඒ ඔවුන්ගේ බුද්ධිමය හැකියාවක් නිසා නො වෙයි. ඔවුන් පිටුපස බටහිර සංස්කෘතික ආධිපත්‍යය තිබුණ නිසා. ඒ සමග බටහිර දේශපාලන ආධිපත්‍යය හා ආර්ථික ආධිපත්‍යය ක්‍රියාත්මක වුනා. ඉන්දිය ආධිපත්‍යයකුත් තිබුණා. ලංකාවේ මහාරාජාලා අප පාලනය කෙළේ සංස්කෘතික ව හා දේශපාලනික ව. ඔවුන්ට ඕන කෙළේ රනිල් වෙනුවට සජිත්. 

ජාතික ජනාධිපති

  සිංහල ලිත් ඉලක්කම්

ජාතික ජනාධිපති

පළමුවෙන් ම හත්වැනි ජනාධිපති ලෙස තේරී පත්වී ජාතික ජනාධිපති ලෙස අද ජාතිකත්වයේ සංකේතය වූ රුවන්වැලි සෑ බිමේ තම රාජකාරි කටයුතු අරඹන නන්දසේන ගෝඨාභය රාජපක්‍ෂට මගේ සුබ පැතුම්. මෙවර ජනාධිපතිවරණය බොහෝ කරුණු අතින් වැදගත්. කලක් තිස්සේ අප කී බොහෝ දේ ජනාධිපතිවරණයේ දී යම් පමණකට නමුත් බල පා තියෙනවා.

යුද්ධය අයිති කාට ද?

      සිංහල ලිත් ඉලක්කම්

යුද්ධය අයිති කාට ද?

මැතිවරණ කොමිසමේ සභාපති කියලා යුද්ධය ගැන ජනාධිපතිවරණයේ දී කතා කරන්න එපා කියලා. යුද්ධය අයිති රජයට කියල.  මා දන්න තරමින් ඔහු මේ යුද්ධය  මොකක් ද කියල හඳුන්වල දීල නැහැ. ඒක රාම රාවණ යුද්ධය ද, නැත්නම් පසු කාලයක වෙච්ච ගැමුණු එළාර යුද්ධය ද. එහෙමත් නැත්නම් ඉංගිරිසින්ගෙ යටත්විජිතයක් හැටියට ලංකාව සහභාගි වුණු බටහිරයන්ගෙ පළමුවැනි හා දෙවැනි ලෝක යුද්ධ ද යන්න පැහැදිලි නැහැ. ප්‍රබුද්ධ සභාපතිතුමා රාම රාවණ යුද්ධය මිථ්‍යාවක් ලෙස ගත්තත් තමා කියන්නෙ අනෙක් යුද්ධවලින් එකක් ගැන ද නැත්නම් වෙනත් ම එකක් ගැන ද කිවුව නම් හොඳයි. 

මරණ දඬුවම හා තම්බයියාගේ අවජාතක දරුවෝ

මරණ දඬුවම හා තම්බයියාගේ අවජාතක දරුවෝ

රාජ්‍යය පැත්තෙන් බැලුව ම මා මරණ දඬුවමට කැමති නැහැ. ඒ වෙන කිසිම කාරණයක් හින්ද නොවෙයි  අධිකරණයටත් වරදින නිසා. අධිකරණය යම් හේතු නිසා නිවැරදිකරුවකු වරදකරුවකු කර මරණ දණ්ඩනයට යටත් කර එහි ප්‍රතිඵලයක් ලෙස ඔහු  මරා දමනු ලැබුවහොත් එය නිවැරදි කර ගැනීමේ අවස්ථාවක් ලැබෙන්නේ නැහැ. නිවැරදිකරුවකුට වෙනත් දඬුවමක් දීමත් වරදක්. එහෙත් එය නිවැරදි කිරීමේ අවස්ථාව තිබෙනවා. ඒ කියා ඔහුට සිදු වූ අසාධාරණය මැකී යන්නේ නැති නමුත් අඩුම තරමෙන් නිවැරදි කර ගැනීමේ අවස්ථාව තියෙනවා.