Main Logo

Sunday 28 February 2021

යහපාලනයෙ වැරදිවලට මේ ආණ්ඩුව දොස් අහන්නෙ ඇයි?

 

යහපාලන වැරදිවලට මේ ආණ්ඩුව දොස් අහන්නෙ ඇයි

 

පාස්කු ප්‍රහාරය පිළිබඳ කොමිසම් වාර්තාවේ ගන්න කිසිම දෙයක් නැද්ද? අද ඒ ගැන විවිධ දේශපාලනඥයන් කරන ප්‍රකාශවලින් නම් කියැවෙන්නේ එය කුණු කූඩයට දැමිය යුතු බවක්. ඒ වාර්තාව අසම්පූර්ණයි. මා හිතන්නෙ නැහැ කිසිම වාර්තාවක්, ලියවිල්ලක් සම්පූර්ණය කියා. ඕනෑම දැනුමක් ගැන යමක් එක්කෝ එකතු කරන්න පුළුවන් නැත්නම් එයින් යමක් අඩු කරන්න පුළුවන්. බුදුදහම ගැන පමණයි එසේ කිරීමට බැරි. ඒ එහි දැනුම නොදැනුම කරන නිසා. එයට එකතු කරන කොටස් අඩු කරන කොටස් අර වාද මේ වාද ඇති වන්නේ බුදුදහම දැනුමක් කර ගත් බ්‍රාහ්මණයන් හා ඔවුන් අනුගමනය කරන පුන නූල නැති චූල බ්‍රාහ්ණයන් නිසා.

Saturday 27 February 2021

පාස්කු වාර්තාව ගැන තවදුරටත්

 

පාස්කු වාර්තාව ගැන තවදුරටත්

 

පාස්කු කොමිසම් වාර්තාව ගැන මෙතෙක් කිසිම දේශපාලන පක්‍ෂයක් හොඳක් කියල නැහැ. හැමෝම වගේ කියන්නෙ වාර්තාව අසම්පූර්ණයි කියන එක. පාස්කු ප්‍රහාරයේ සැලසුම්කරුවන් ගැන කියා නැති එක අඩුපාඩුවක් කියල තමයි කියන්නෙ.  ඒ ගැන නම් මට ප්‍රශ්නයක් නැහැ. කොමිසමකට එවැන්නක් හොයා ගන්න පුළුවන් කියල මා හිතන්නෙ නැහැ. මෛත්‍රිපාල ජනාධිපති කොමිසම පත් කෙළෙ ඒ ගැන දැන ගැනීමට නම් ඒක ඔහුගෙ ප්‍රශ්නයක් මිස කොමිසමේ ප්‍රශ්නයක් නො වෙයි. ඔය ඉන්න හැම දෙයක් ම දන්න මාක්ස්වාදී යැයි කියා ගන්නා දේශපාලනඥයන් ටික දන්නෙ නැද්දෙ පාස්කු ප්‍රහාරය පිටුපස හරි ඉදිරියෙන් හරි ඉන්නෙ කවුද කියල.

Friday 26 February 2021

පාස්කු ප්‍රහාරයට වග කිව යුත්තෝ

 

පාස්කු ප්‍රහාරයට වග කිව යුත්තෝ

 

ශ්‍රී ල නි පක්‍ෂය පාස්කු ප්‍රහාර කොමිසමේ වාර්තාව ප්‍රතික්‍ෂෙප කිරීමට තීරණය කරලා.  ඒ පක්‍ෂයේ කිසිවකු හරි කිහිප දෙනකු එකතු වී හරි සම්පූර්ණ වාර්තාව කියවන්න ඇති. රනිල් නම් වාර්තාව ප්‍රතික්‍ෂෙප කරපු බවක් කියල නැහැ. අඩු තරමෙන් දැනට වාර්තා වෙන්නෙ නැහැ. වාර්තාවෙන් මෛත්‍රිපාලට විරුද්ධ ව නීතිය ක්‍රියාත්මක කරන්න කියල තියෙන නිසා ද ශ්‍රී ල නි පක්‍ෂය වාර්තාව ප්‍රතික්‍ෂෙප කරන්නෙ. නැහැ එහෙම නොවෙයි මෙහෙමයි කියල ශ්‍රී ල නි පක්‍ෂය උත්තර බැඳල.  කොහොමත් මේ කොමිසම පත් කරනු ලැබුවෙ මෛත්‍රිපාල විසින්. ශ්‍රී ල නි ප කියන්නෙ කොමිසම පත් කෙරුවෙ එකකට වාර්තාව තවත් එකකට කියල. යන්නෙ කොහෙද මල්ලෙ පොල් වාර්තාවක් කියලයි කියන්නෙ.

Thursday 25 February 2021

පාස්කු ප්‍රහාරය හා ඊනියා යහපාලනය

 

පාස්කු ප්‍රහාරය හා ඊනියා යහපාලනය

 

පාස්කු ප්‍රහාර පිළිබඳ ජනාධිපති කොමිසමේ වාර්තාව කතානායකට දීල. ඒක පාර්ලිමේන්තුවේ පුස්තකාලයේ තියෙනව කියනවා. සමහර මන්ත්‍රීල පුස්තකාලයට යන්න දන්නව ද දන්නෙ නැහැ. කොහොමත් ලංකාවෙ තවමත් තියෙන්නෙ කියවන සම්ප්‍රදායට වඩා අහන සම්ප්‍රදාය. කොහොම කොහොම හරි එක එක්කෙනා තමන්ට ඕන විධියට වාර්තාව කියවා ගනීවි, නැහැ අහගනීවි. 

Wednesday 24 February 2021

දැනුම ස්වෛරීභාවය හා තානාපතිවරු

 

දැනුම ස්වෛරීභාවය හා තානාපතිවරු

 

රටක ස්වෛරීභාවය කියන්නෙ මොකක් ද කියන එක හැට ගණන්වලින් පස්සෙ ලෝකයේ කතා කරන මාතෘකාවක් වෙලා. බටහිරයන් එයට තමන්ට සරිලන විවිධ අර්ථකථන දෙනවා. බටහිරයන් හතළිස් ගණන්වල ආසියාවටත් හැට ගණන්වල අප්‍රිකාවටත් යම් දේශපාලන නිදහසක් දුන්න. ඒත්  ආර්ථික නිදහසක් විශේෂයෙන් සංස්කෘතික නිදහසක් දුන්නෙ නැහැ. බටහිර ක්‍රිස්තියානි නූතනත්ව සංස්ථාපනය තම දැනුම් ආධිපත්‍යය මගින් ලොව ම පලනය කරනවා.

Tuesday 23 February 2021

හැටනවයක් කළ අපරාධය

 

හැටනවයක් කළ අපරාධය

 

ගෝඨාභය නන්දසේන රාජපක්‍ෂ ජනාධිපති කරල පහුගිය අගෝස්තුවේ මේ ආණ්ඩුව පත් කරපු අයට සාප කරන්න ඕන. ඔවුන්ට යහතින් ඉන්න ඉඩ නොදෙන්න කියල කතරගමට පයින් ගිහිල්ල බාරයක් වෙන්න ඕන. හැටනව ලක්‍ෂයක් ද කීයක් ද හින්ද අර රටක් වටින ආණ්ඩුවක් නැති කර ගත්තෙ අපේ ම කරුමෙට වෙන්න ඕන.

Monday 22 February 2021

එංගලන්තය සඟවන ගෑෂ් වාර්තාව

 එංගලන්තය සඟවන ගෑෂ් වාර්තාව


අද ජෙනීවා විගඩම පටන් ගන්නවා. මේ විගඩම මෙහෙයවන්නේ එංගලන්තයෙන්. ලංකාවට විරුද්ධ ව එක්සත් ජාතීන්ගේ ඊනියා මානව හිමිකම් මණ්ඩලයේ මධ්‍ය කණ්ඩායමේ රටවල්  මගින්   යෝජනාවක් ඉදිරිපත් කර තියෙනවා. මේ කණ්ඩායමට අයත් රටවල් වන්නේ එංගලන්තය, කැනඩාව, ජර්මනිය, උතුරු මැසිඩෝනියාව, මලාවි හා මොන්ටෙනිග්‍රෝ. මෙහි නායකයා වෙන කවුරුන්වත් නො වෙයි එංගලන්තය. 

Sunday 21 February 2021

ජී එල් සිය දිවි නසා ගැනීම

ජී එල් සිය දිවි නසා ගැනීම






 

පහුගිය දා ගාමිණී ලක්‍ෂමන් පීරිස් හෙවත් ජී එල් පීරිස් හොඳ කතාවක් කියා තිබුණා. ඔහු කියා තිබුණා දැන් තියෙන අධ්‍යාපන ක්‍රමය විභාග මූලික හරි විභාග කේන්ද්‍රීය හරි බවත් ඉන් කටපාඩම් කරන සිසුන් පිරිසක් බිහිවන බවත්. මේ අධ්‍යාපන ක්‍රමය වෙනස් කරන්න ඕන කියලත් ඔහු කියා තිබුණා. මෙය හොඳ කතාවක් වුණත් අප පළමුවරට අහන කතාවක් නො වෙයි. මට මතක හැටියට පහුගිය අවුරුදු පනහ හැටක කාලයක සමහර විට ඊටත් වඩා කාලයක අප මේ කතාව අහල ඇති. ඒත් අධ්‍යාපන ක්‍රමය වෙනස් වෙලා නැහැ.

Saturday 20 February 2021

ඩග්ලස් දේවානන්දගෙ උදාන වාක්‍යය

 

ඩග්ලස් දේවානන්දගෙ උදාන වාක්‍යය

 

පසුගිය දහහත්වැනි දා ඩග්ලස් දේවානන්ද තරමක අමුතු කතාවක් කියල. ඔහු දේශපාලනඥයෙක් නිසා මූලික ව ඔහු කියන දෙය ඒ හැටියෙන් ම විශ්වාස කරන්න බැහැ. අර කතාවක් තියෙන්නෙ තාර බර ඇරල ගන්න ඕන කියල. දේවානන්දගෙ ප්‍රකාශයෙ කොටස් දෙකක් තියෙනවා. මේ ගැන යම් ප්‍රකාශයක් ආණ්ඩුව කරන්න ඕන. දේවානන්ද කියන්නෙ ආණ්ඩුවේ ඇමතිවරයෙක්. ඇමතිවරුන් වන්නෙත් දේශපාලනඥයන් වුණත් ඇමතිවරුන්ගෙ ප්‍රකාශවලට වැඩි බරක් තියෙනවා.

Friday 19 February 2021

පැනිය එක ම ප්‍රතිකාරය නො වෙයි

 

පැනිය එක ම ප්‍රතිකාරය නො වෙයි

 

ධම්මික වෙද මහතාගේ පැණියට අමතර ව කොවිඩ් 19 සම්බන්ධයෙන් තවත් පාරම්පරික හා දේශීය ප්‍රතිකාර තියෙනවා. මට දැන ගන්නට ලැබී ඇති ආකාරයට ප්‍රතිකාර විසිපහක් පමණ තියෙනවා. මෙහි ප්‍රතිකාරයක් කියන්නෙ මොකක් ද කියන එක මා ඊයේ (පෙබරවාරි 18) ලිපියේ පැහැදිලි කරල ඇති.  මට මතක හැටියට දේශීය වෙදකම පිළිබඳ රාජ්‍ය ඇමති සිසිර ජයකොඩි ඒ ගැන ඒ දිනවල කතා කළා. ඔහු දැන් ඒ ගැන එතරම් උනන්දුවක් දක්වන්නේ නැත්තේ ඇයි ද කියා තේරෙන්නේ නැහැ. සමහර විට විවිධ එන්නත් ලැබෙන නිසා වෙන්න ඇති. ඒත් සිසිර ජයකොඩි හරි වෙනත් කවුරු හරි අපටත් ධම්මික වෙද මහතාගේ පැනිය හෝ වෙනත් ප්‍රතිකාර හෝ එවීමට කටයුතු කරන්නේ නම් කෘතඥ වෙනවා. කලින් විදේශ අමාත්‍යාංශය මගින් පැනිය ගෙන්වා ගැනීමට උත්සාහ කළත් රේගු රෙගුලාසි අනුව ඒ කර ගන්න බැරි වුණා. එහෙත් ඔය කියන රේගු රෙගුලාසි මොනවා ද කියා කිසිවකු කියන්නේ නැහැ.

Thursday 18 February 2021

ධම්මික වෙද මහතා හා පඬි නැට්ටන්

 

ධම්මික වෙද මහතා හා පඬි නැට්ටන්

 

ධම්මික වෙද මහතා මොන ක්‍රමයකින් හරි කොවිඩ් 19 සඳහා ප්‍රතිකාරයක් හඳුන්වා දුන්න. දැන් මෙතන ප්‍රශ්නයක් ඇති වෙයි ප්‍රතිකාරයක් කියන්නෙ මොකට ද කියන එක ගැන. ප්‍රතිකාරයක් දෙන්නෙ ලෙඩුන්ට. කොවිඩ් 19 රෝගය කියන්නෙ මොකක් ද? බටහිර වෙද කමේ කොවිඩ් 19 රෝගයට ප්‍රතිකාරයක් නැහැ. ප්‍රතිකාරයක් තබා රෝගය මොකක් ද කියන්නෙවත් නැහැ. ජනමාධ්‍යවේදීන් හැමදා ම කෑ ගහනවා මෙපමණ ආසාදිතයන් හමු වුණා කියල. මෙතරම් ආසාදිතයන් සංඛ්‍යාවක් ඉන්නවා කියල. ඒත් ඒ කියන්නෙ පීසීආර් ධන අය ගැන.

Wednesday 17 February 2021

මෝදිගෙ කරුණාව

 

මෝදිගෙ කරුණාව

 

ඉන්දියාවෙ අගමැති මෝදි පහුගිය දහහතරවැනි දා චෙන්නායි ගිහින් ලංකාවෙ තම සහෝදර දෙමළ ජනතාව ගැන කතා කරල. ඒ ගැන පහළොස්වැනි දා  හින්දු පත්තරේ සටහනක් තිබුණ. ඒකෙ පරිවර්තනයක් කියල හිතන්න පුළුවන් නිවේදනයක් ලංකාවෙ ඉන්දීය මහා කොමසාරිස් කාර්යාලයෙන් නිකුත් කරල තිබුණ. ඒ ප්‍රකාශය මෙහෙමයි. 

Tuesday 16 February 2021

රැප් කිරීම හා ජනාධිපති

 

රැප් කිරීම හා ජනාධිපති

 

ස්ටීවන් රැප් කියන්නෙ 2009 -2015 අවුරුදුවල එක්සත් රාජ්‍යයෙ යුද අපරාධ පිළිබඳ තානාපති හා ගෝලීය අපරාධ විනිසුරු ලෙස සේවය කළ අයෙක්. පසුගිය සිකුරාදා (12) ගෝලීය දෙමළ සංසදය විසින් විද්‍යුත් මාධ්‍ය උපයෝගී කරමින් පවත්වන ලද මඬුලු සාකච්ඡාවක දි රැප්, රැප් සංගීතයක යෙදිල. ඔහු එහි දී කියල 2009 කාලයෙ ආරක්‍ෂක ලේකම් ලෙස කටයුතු කළ ගෝඨාභය රාජපක්‍ෂ  අත්අඩංගුවට පත් වූ කොටි සාමාජිකයන් මරා දැමූ බව රැප්ට  කී බව. 

Monday 15 February 2021

පැනි පරීක්‍ෂාවෙ ප්‍රතිඵල කෝ

 පැනි පරීක්‍ෂාවෙ ප්‍රතිඵල කෝ


අර බටහිර වෙද මහත්තුරුන්ගෙ පැනි පරීක්‍ෂාවට මොකද වුණෙ. මහා ඝෝෂාවක් කරල ආයුර්වේද සූත්‍ර කමිටුවෙන් ඖෂධයක් ලෙස අනුමත කරල බටහිර රසායන විද්‍යා මහාචාර්යවරියක වූ ප්‍රියානි පරණගම ප්‍රධාන කමිටුවෙන් පැනිය වසක් විසක් නැති බවට සහතික කර ගෙන රජරට විශ්වවිිද්‍යාලයේ බටහිර වෛද්‍ය පීඨයේ ආචාර ධර්ම කමිටුවෙන් ද අනුමත කෙරිල අනුරාධපුරයෙ හමුදාව මගින් පවත්වාගෙන යන ආයතනයක පැනිය සායනික නැහැසුම් සඳහා යොමු කෙරුණා. ඉන් පස්සෙ ඒකට වෙච්ච දෙයක් ගැන දැන ගන්න නැහැ. පැනිය මල්වතු ඔයට දැම්ම ද?

Sunday 14 February 2021

ඉන්දියාවේ හා ලංකාවේ මැකෝලිගේ දරුවෝ්



 
ඉන්දියාවේ හා ලංකාවේ මැකෝලිගේ දරුවෝ් 


තොමස් බැබින්ටන් මැකෝලි ඉපදිල තියෙන්නෙ 1800 ඔක්තෝම්බර් 25 වැනි දින එංගලන්තයේ ලෙස්ටර්ෂයර් කියන කෝරලයේ. එහෙත් ඔහුගේ පියා ස්කොට් ජාතික සම්භවයක් ඇත්තෙක්. මැකෝලි ඉංගිරිසි ලිබරල්වාදියකු ලෙසයි කියැවෙන්නෙ. ඔහු එකල තිබු විග් පක්‍ෂයේ සාමාජිකයෙක්. ටෝරි පක්‍ෂයට විරුද්ධයි. ටෝරි පක්‍ෂය පසු කලෙක කොන්සර්වෙටිව් පක්‍ෂය බවට පරිවර්තනය වුණා. විග් පක්‍ෂය ලිබරල් පක්‍ෂය වී කම්කරු පක්‍ෂය ඇති වීමෙන් පසු දුර්වල වුණා. 

Saturday 13 February 2021

අලි සබ්‍රි නොදන්නා මෙරට නීතිය

 

අලි සබ්‍රි නොදන්නා මෙරට නීතිය

 


එක රටක් එක නීතියක් කියන එක ආකර්ෂණීය සටන්පාඨයක්. ඒත් මෙහි දී ප්‍රශ්නයක් පැන නගිනවා. මේ එක නීතිය කුමක් ද? අද ලංකාවේ භාවිතා වන්නේ රෝම ලන්දේසි නීතිය හා ඒ මත ආරෝපණය වූ ඉංගිරිසි නීතිය. එයට අමතර ව තවත් නීති ගණනාවක් තියෙනවා. මුස්ලිම් විවාහ නීතිය තේසවලාමේ නීතිය ආදී වශයෙන්. මුස්ලිම් කාති උසාවිත් තියෙනවා. තේසවලාමේ උසාවි කියල වර්ගයක් නැහැ.

Friday 12 February 2021

ගෝඨාභය රාජපක්‍ෂ නායකත්වය

 

ගෝඨාභය රාජපක්‍ෂ නායකත්වය

 

ලිපි පළ කෙරෙන්නේ මා විසින් නොවන බව මේ වන විට පැහැදිලි යැයි හිතනවා. මුහුණු පොතට මට යෑමට අපහසුතා ඇති බැවින් මා ලියන ලිපිය වෙනත් අය විසින් පළ කෙරෙනවා. මුහුණු පොත මගින් මට එවන පණිවුඩ ලැබෙන්නේ නැති බවත් කරුණාවෙන් සලකන්න.

 

මේ ආණ්ඩුව, ඒ කියන්නේ ජනාධිපතිතුමා හා පාර්ලිමේන්තුවේ ආණ්ඩු පක්‍ෂය, පිහිටුවනු ලැබුයේ අර පුද්ගලයා මේ පුද්ගලයා විසින් නොව ප්‍රධාන වශයෙන් ම සිංහල ජනතාව විසින් බව ඊයේ ලිපියෙන් පැවසුවා. 2015 පරාජයෙන් පසු ජනතාව මැදමූලනට (හා තංගල්ලට) නොයන්නට බොහෝ දේ වෙනත් ක්‍රමයකට සිදුවන්න තිබුණා. විමල්වත් බැසිල්වත් මෙහි වීරයන් නොවෙයි. ඒ ඒ අයගේ හිතවතුන් ඒ ඒ අය වීරයන් කිරීමට දරණ උත්සාහය දෙස අප උපේක්‍ෂාවෙන් බලා ඉන්නවා.

Thursday 11 February 2021

ජාතිකත්ව විරෝධී උත්සාහය පරාජය කරමු

 

ජාතිකත්ව විරෝධී උත්සාහය පරාජය කරමු

 

මේ ආණ්ඩුව බලයට පත්කෙළේ කවුද? මට නම් හිතෙන්නෙ ඒක සාකච්ඡා කරන්නවත් ඕන ප්‍රශ්නයක් නෙවෙයි කියල. ආණ්ඩුව බලයට පත් කෙළෙ මෙරට මිනිසුන්, සිංහල මිනිසුන්. දෙමළ මිනිසුන් යම් ප්‍රමාණයක් හවුල් වෙන්න ඇති. ඒත් මූලික වශයෙන් ම සිංහලයන්. සිංහලයන්ට තවමත් හරියට ම සිංහලයන් හැටියට හිතන්න බැරි වුණත් ඔවුන් ඒ විධියට හිතන්න පටන් අරන්. ඒ ප්‍රවණතාව වැඩි කරන්න ඕන.

උලෙළ උළෙල හා මිය(න්මා)

 

උලෙළ උළෙල හා මිය(න්මා)

 

බටහිර භෞතික විද්‍යාඥයකු වීමට නොහැකි වූ මා බටහිර වාග් විද්‍යාඥයකු නොවන බව අමුතුවෙන් කියන්න ඕන නැහැ. මා බටහිර වාග් විද්‍යාවේ මළපොතේ අකුරක්වත් දන්නෙ නැහැ. මෙහි කියන දේ බටහිර වාග්විිද්‍යාවට එකඟ ද නැද්ද කියල දැනගන්නත් මට වුවමනාවක් නැහැ.  ඒත් මා හිතුවා මට හිතෙන විධියට උලෙළ ගැන වචනයක් දෙකක් කියන්න.  නිදහස් දින රාජ්‍ය උත්සවයෙ උලෙළ කියන එක උළෙල කියල ලියැවිලා තියෙනවා කියනවා. ඇත්ත වෙන්න ඇති. ඒත් මීට ඉස්සර අවරුදුවලත් එහෙම ලියැවිලා තියෙනවා. මා කියන්න හදන්නේ කලින් වැරැද්දක් කරල තියෙනව නම් මෙවරත් ඒ කරන්න පුළුවන් කියන එක නො වෙයි. කලින් වතාවල ඒ ගැන කතා නොකෙරුවෙ මොකද කියන එකයි මා අහන්නෙ.

Tuesday 9 February 2021

දෙමළ ජාතිවාදය පසුපස

 

දෙමළ ජාතිවාදය පසුපස

 

දෙමළ ජාතිවාදීන් පොතුවිල් සිට යාපනය දක්වා පෙළපාලි ගිහින්. සිංහල බෞද්ධ විරෝධීන්ට ඉහේ මලක් පිපුණ වගේ. ඒ අතර වවුනියාවෙ දෙමළ ජාතිවාදීන්ට විරුද්ධ ව උද්ඝෝෂණ කරල. දෙමළ ජාතිවාදීන්ට අවශ්‍ය පුළුවන් නම් තවත් වඩුකොඩෙයි යෝජනා සම්මත කර ගන්න. 1976 දි චෙල්වනායගම්ගෙ ප්‍රධානත්වයෙන් සියලු දෙමළ ජනකොටස් හා මුස්ලිමුන් එකතු කරල වඩුකොඩෙයි සම්මේලනයක් පවත්තල රට බෙදන යෝජනා සම්මත කර ගත්තා. ඒකෙ ප්‍රතිඵලය ප්‍රභාකරන් ඉදිරියට ඇවිල්ල අන්තිමේ දී නන්දිකඩාල් කලපුවේ පරාජය වීම.

Monday 8 February 2021

කොවිඩ් රෝග විනිශ්චය

 කොවිඩ් රෝග විනිශ්චය


ධන යෝග තිබූ පමණින් ධනවත් වන්නේ නැහැ. රාජ යෝග තිබූ පමණින් රජ වන්නේත් නැහැ. වයිරස ඇඟේ තිබුණු පමණින් ලෙඩ වන්නේත් නැහැ. ඒක තමයි අපේ අත්දැකීම. ඒක වැඩ කරනවා. වෙන ඊනියා ඇත්තක් ඒ කතාවෙ නැහැ. ජ්‍යොතිෂයෙ කියන්නෙ වෙන්න පුළුවන් දේ පමණයි. ලෝකයේ ග්‍රහ බලපෑම් (ග්‍රහ වස්තුවල බලපෑම් නොවෙයි) හැර වෙන මොකුත් නැත්නම් ජ්‍යොතිෂය වෙනත් ආකාරයකට ලියන්න එහෙම නැත්නම් සූත්‍රගත කරන්න තිබුණය කියා මට හිතෙනවා. ඒ කියන්නෙ අහවල් අහවල් දේ වෙන්න සම්භාවිතාවක් තියෙනව කියන අර්ථයෙන් නොව අහවල් දේ නිශ්චිත ව සිද්ධ වෙන්න පුළුවන් කියන ආකාරයෙන්. 

Sunday 7 February 2021

කළු කුහර තේරුම් ගැනීම

 

කළු කුහර තේරුම් ගැනීම

 

කළු කුහර මට තේරෙන්නෙ නැත, තේරෙන කෙනෙක් ඉන්නව නම් කියල දෙන්න කිවුව වෙලේ එක් පඬි නැට්ටකු කියා තිබුණා නලින් සිල්වාට තේරෙන්නෙ නැත්තන් කියල දීල වැඩක් නැහැ ඒක නිසා කියල දෙන්න ඕන නැහැ කියල. බැලූ බැල්මට නම් ඒක හොඳ කතාවක්. ඒත් පොඩ්ඩක් විශ්ලේෂණය කරල බලමු.

 අන්තර්ජාල පහසුකම් නොමැති බැවින් ලිපිය පළ නොවෙයි.

Friday 5 February 2021

මතවාදයේ ජයග්‍රහණය

 මතවාදයේ ජයග්‍රහණය 


මංගල සමරවීරට අනුව ගෝඨාභය රාජපක්‍ෂ ජනාධිපති කිරීම පසු පස සිටි මතවාදය අසමත් වෙලා. ඔහු අනුව යන පඬියන් පඬි නැට්ටන් ආදීන් මාතොට කාලයේ සිට ම හිටියා. විවිධ කාලවල දී ඔවුන් අතර වෙනස්කම් තියෙන්න ඇති. ඒත් පොදුවේ ගත්තම ඔවුන් සියල්ලන්ට ම තියෙන්නෙ ජාතිකත්ව විරුද්ධ මතවාදයක්. ඒක තමයි මහා පොදු සාධකය. එය සිංහල බෞද්ධ විරෝධී මතවාදයක්. ඔවුන්ට විඳ දරාගන්න බැරි දේ තමයි ජාතිකත්ව මතවාදය රටේ තහවුරු වීම. 

Thursday 4 February 2021

නිදහස ගැන වචනයක්

 නිදහස ගැන වචනයක්


අද අපේ නිදහස් දවස. එ වුනාට තාමත් මේ රටේ තියෙන්නෙ බටහිර අධ්‍යාපනය, බටහිර නීතිය, බටහිර ජනමාධ්‍ය හා තවත් එවැනි දේ. අලි මදිවට හරක් කීව වගේ ඊනියා රාජ්‍ය නොවන ආයතනත් තියෙනවා. සමහරු කියනවා පෙබරවාරි 4 වැනිදා කියන්නෙ අයිවෝර් ජෙනිංග්ස්ගෙ භාර්යාවගෙ උපන් දිනය කියල. මට ඒක නිච්චියට ම හොයා ගන්න බැරි වුණා. කොහොමටත් ජෙනිංග්ස් ඉංගිරිසින් වෙනුවෙන් මහා සේවයක් කළ අයෙක්. ඔහු පසු කලෙක කේම්බ්‍රිජ් විශ්වවිද්‍යාලයෙහි ත්‍රිත්ව විිද්‍යාලයෙහි අධිපති ලෙසත් කේම්බ්‍රිජ් විශ්වවිද්‍යාලයේ උපකුලපති ලෙසත් සේවය කර තියෙනවා. ඉංගිරිසි රජු ඔහු තමන්ට කළ සේවය වෙනුවෙන් නයිට් පදවියකින් පුදල තියෙනවා. 

Wednesday 3 February 2021

සිංහල සංස්කෘතිකාංග ඉවත් කර බෝන් අගේන් කිරීම

 

සිංහල සංස්කෘතිකාංග ඉවත් කර බෝන් අගේන් කිරීම

 

අද සමාජයේ බෝන් අගේන් ගැන යම් සංවාදයක් ඇතැම් ජාතිකවාදීන් අතර තියෙනවා. විශේෂයෙන් ම වික්ටර් රත්නායකට කටහඬ නැවත ලබාදීම හා ක්‍රිකට් කණ්ඩායමේ බෝන් අගේන් අතිරික්තය මෙයට හේතු වී තිබෙනවා. මේ දෙක දෙකක් වගේ පෙණුනත් එකම දෙයක්, එහෙත් දෙවිධියකට ක්‍රියාත්මක වන දෙයක් කියලයි පේන්න තියෙන්නෙ. බෝන් අගේන් කියන්නෙ එක්සත් රාජ්‍යවල බිහි වුණු ආගමික නිකායක්. එය ක්‍රිස්තියානි නිකායක්. එහි ඇත්තේ යළි ඉපදීමක්. ක්‍රිසතුස් වහන්සේ නැත්නම් දෙවියන් වහන්සේ තුළින් යළි ඉපදීමක්. එය අර්ථකථනයක්. මෙහි දී නොකියාම බැරි යළි උපන්නෙමිත් ගණිකාවකගෙන් යළි ඉපදීමක්.

Tuesday 2 February 2021

මියන්මාරය, ප්‍රජාතන්ත්‍රවාදය හා වාර්තාකරුවෝ

 මියන්මාරය, ප්‍රජාතන්ත්‍රවාදය හා වාර්තාකරුවෝ  


මා ඊයේ පළ කළ මියන්මාර පෙරළිය ලිපියට ඇතැමුන් දක්වා තිබූ ප්‍රතිචාර කියවීමෙන් පසු මට ප්‍රශ්න දෙකක් ඇති වුණා. පළමුව මහාචාර්යවරයකු හා වාර්තාකරුවකු අතර ඇති වෙනස කුමක් ද යන්න. දෙවැනුව ප්‍රජාතන්ත්‍රවාදය යනු කුමක් ද යන්න. මේවා දැවෙන ප්‍රශ්න නොවන්න පුළුවන්. ඒත් ඉතින් ප්‍රශ්න. 

Monday 1 February 2021

මියන්මාර පෙරළිය

 

මියන්මාර පෙරළිය

 

ඊයේ රාත්‍රියේ මියන්මාරයේ හමුදාව බලය අතට ගත්තා. මියන්මාර ජනාධිපති, රාජ්‍ය උපදේශිකා (අගමැතිණිය වැනි) සු චී මැතිණිය හා තවත් කිහිප දෙනකු අත්අඩංගුවට ගෙන තිබෙනවා. බලය ජෙනරාල් මින් අවුන් ලේන්ට පවරා දී ඇති අතර හිටපු උපජනාධිපති මින් ස්වේ මහතා තාවකාලික ජනාධිපති ලෙස කටයුතු කරනවා. ඒ අතර සෞඛ්‍ය ඇමතිවරයා ඉල්ලා අස් වී ඇති බව වාර්තා වෙනවා.