Main Logo

Saturday, 19 August 2017

නීල මහා යෝධයා




නීල මහා යෝධයා 


නීල මහා යෝධයා නමින් ද ලිපි ලියන  lankaweb හි සංස්කාරකවරයකු ලියා ඇති ලිපියක් මේ සමග පිළිවෙනවා. ඔහු එංගලන්තයේ ජීවත්වන වයස අවුරුදු හැත්තෑවට වැඩි බෞද්ධයෙක්. මා ඔහු විශ්වාස කරන  බුදුදහම හා  ඔහුගේ සංස්කෘතික බුද්ධාගම සමග එඟ නොවන බැවින් ඔහු මේ ලිපිය තම වෙබ් අඩවියේ පළ කර තිබෙනවා. ඉන් පසු ඔහු මගේ කිසිම ලිපියක් තම වෙබ් අඩවියේ පළ නොකිරීමට තරම් මෛත්‍රිය උපදවාගෙන. ඔහුට පිළිතුරු කාලයේ කොටස් වශයෙන් පළ වේවි.

Tuesday, 15 August 2017

ඕල්කට් බුද්ධාගම

ඕල්කට් බුද්ධාගම




දින කිහිපයකට මේ ලිිපිය පළවන්නේ නැහැ.  ලිපිය අගෝස්තු 19 වැනි දින සිට  නැවත පළ කිරීමට බලාපොරොත්තු වෙනවා.

ඕල්කට් බෞද්ධයන් ගැන මා ලියූ ලිපියට පිළිතුරු ලිපියක් නීල මහා යෝධයා නමින් තම වෙබ් අඩවියේ ම ලිපි ලියන එහි පරිපාලකයකු ලියා තිබෙනවා. එය පසුව පළ කිරීමට බලාපෙරොත්තු වෙනවා.


එතෙක් ඕල්කට් බෞද්ධයන් ගැන ලියු ලිපිය නැවතත් මෙසේ පළ කරනවා.


නලින් ද සිල්වා

2017 අගෝස්තු 15



Monday, 14 August 2017

අපේ දේශප්‍රේමය  


අපේ දේශප්‍රේමය



ලෝකයේ නොයෙකුත් සංස්කෘතීන් තියෙනවා. සංස්කෘතිය කියන වචනය නැති සංස්කෘතීන් ද තියෙනවා. සිංහල භාෂාවේත් සංස්කෘතිය කියන වචනය තිබුණේ නැහැ. එය කල්චර් කියන ඉංගිරිසි වචනෙට හදාගත්ත සිංහල වචනයක්. ඒත් අපට අපේ සංස්කෘතිය ගැන වැටහීමක් තිබුණා. කල්චර් කියන වචනෙ වැඩීම යන අර්ථය තියෙනවා. බටහිර විද්‍යාව අනුකරණය කරන මෙරට උගතුන් ද නොයෙකුත් කල්චර් කිරීම් කරනවා. කොහොමත් සංස්කෘතිය කියන වචනයේ ඉංගිරිසි වචනයෙන් කියැවෙන්නේ අප හැදිලා තියෙන විධිය.

Sunday, 13 August 2017

ජාත්‍යන්තර ආණ්ඩුවක්  


ජාත්‍යන්තර ආණ්ඩුවක්



මත්තල ගුවන් තොටුපොළ ඉන්දියාවට යම් යම් දේට බදු දීමට තීරණයක් ගන්න යනවා. ආණ්ඩුව කිව්වෙ බටහිරයන් තම ප්‍රතිපත්ති අනුමත කරන නිසා තමන්ට ආධාර ලැබෙන බවයි. එහෙත් එක් පැත්තකින් බටහිරයන්ට අපට ආධාර කිරීමට තරම් ශක්තියක් නැහැ. ඔවුන්ගේ රටවලත් ආර්ථිකය කඩා වැටෙන්නෙ කොයි මොහොතෙ ද කියලා කියන්න බැහැ. අනෙක් පැත්තෙන් රණවිරු දඩයම ගැන ආණ්ඩුව දැනට කර ඇති දේ බටහිරයන්ට අනුව සොච්චමක්. ඒ දඩයම තවදුරටත් වැඩි වැඩියෙන් කිරීම බටහිරයන්ගෙ බලාපොරොත්තුවයි. බටහිරයන්ට මුදල් නැහැ. එමෙන් ම ආණ්ඩුවේ රණවිරු දඩයම ගැන බටහිරයන් සෑහීමකට පත් වී නැහැ.

Saturday, 12 August 2017

විසිවැනි සංශෝධනය  

විසිවැනි සංශෝධනය

හර්තාලයට අදට අවුරුදු 64ක් වෙනවා. මා මෙය සඳහන් කරන්නේ හර්තාලය ගැන ලිවීමට නො වෙයි. සමසමාජ කොමියුනිස්ට් පාක්‍ෂිකයන්ට අද හර්තාල් දවස බව මතක් වේවි ද යන්න දැන ගන්නත් එක්ක. ඒ කාලෙ අප දැන ගෙන හිටියෙ පනස්හයත් හර්තාලයේ ප්‍රතිඵලයක් හැටියට. හර්තාල් කියන්නෙ මා දන්නා විධියට හින්දි නමක්. ඒකට සිංහල නමක් නැහැ. එක කාලයක මේලා වැනි හින්දි නම් රටේ ප්‍රචලිත වුණා. දැන් නම් කෙලින් ම ඉංගිරිසි නම් තමයි කියැවෙන්නෙ. අපේ ගෙදර පොඩි උත්සවයක් තියෙනවයි කිව්වම තරුණයන් මගෙන් අහන්නෙ ෆන්ක්ෂන් එකක් ගැන.ඒ මොනව වුණත් හර්තාලයෙන් වුණු වැඩේ ඩඩ්ලි සේනානානයක අගමැති කමෙන් ඉවත් වෙලා ජෝන් කොතලාවල ඒ තනතුරට පත් වෙච්ච එක. හර්තාලෙ ගැන දැනට ඊට වැඩිය කතා කරන්න ඕනෙ නැහැ.

Friday, 11 August 2017

අලවංගු සංස්කෘතිය


අලවංගු සංස්කෘතිය



අලවංගුවට ඇතැම් පළාත්වල යකඩය කියාත් කියනවා. තවත් නම් ඇති. නම කුමක් වුවත් අකුණු වදින වෙලාවට හෙණ ගහන විට එය ගෙයින් ඉවතට විසි කරනවා. ඒ හෙණය ගෙට පාත් වීම වැළැක්වීමට. රවිත් අලවංගුව වගේ. දැන් ඊනියා යහපාලනයට හෙණ වදින්නෙ නැහැ කියලා හිතනවා ඇති. ඒක එහෙම වෙන්නත් පුළුවන්. මේ බැඳුම්කර කෝළමේ එක් ජවනිකාවක් විතරක් නොවෙයි. ඒකෙ අවසානයත්. දැන් පොතේගුරාට (කතානායකට) හොද අත්වැලක් අල්ලන්න පුළුවන්.

Thursday, 10 August 2017

සාමාන්‍ය ජනයාට කතාවක්


සාමාන්‍ය ජනයාට කතාවක්



දේශපාලනයේ ජනතාව කියන්නන් අතර ප්‍රශ්න සාකච්ඡා වන්නේ දේශපාලනඥයන්, ඊනියා උගතුන්, සිවල් සාමාජිකයන්, රාජ්‍ය නොවන බැළයන් ආදීන් සාකච්ඡා කරන ආකාරයට නො වෙයි. සයිටම් ප්‍රශ්නය වැදගත් වුණේ පසුව සඳහන් වූ අයට පමණයි. ඇතැම් ජනමාධ්‍ය කෙතරම් උත්සාහ කළත් ඒ ප්‍රශ්නය ජනතාව යැයි කියන්නන් අතරට ගියේ නැහැ. ඒ ජනමාධ්‍ය කරන්නේ ආණ්ඩු විරෝධී රැල්ල මත පිහිනා තමන්ගේ ජනප්‍රියතාව වැඩි කරගෙන වෙළෙඳ දැන්වීම් ලබා ගෙන ආදායම වැඩි කර ගැනීමයි. හැකි නම් ආණ්ඩුව පෙරළා දැමීමට ද ඔවුන් උත්සාහ කරනවා. එහෙත් එයට තරමක් බයයි. තම බලපත්‍රය තහනම් කරාවි ද කියලා බයක් තියෙනවා. ඒ අතර ඔවුන්ගේ ලොක්කන් අගමැතිට වතුර අල්ලනවා.

Wednesday, 9 August 2017

සිංහල බෞද්ධ දෙමළ හින්දු සබඳතා  


සිංහල බෞද්ධ දෙමළ හින්දු සබඳතා




අද ලිපිය ලෙස පළවන්නේ ඊයේ රිවිර පත්‍රයෙහි පළ වූ සාකච්ඡාවක්. එය පහත සඳහන් වෙබ් පිටුවෙන් ලබා ගන්න පුළුවන්. එහි ඇතැම් කරුණක්  පිළිබඳ පැහැදිලි කිරීමක් පහත පළවෙනවා.






මෙහි මා හඳුන්වා දී තිබෙන්නේ ජාතික ව්‍යාපාරයේ ප්‍රමුඛතම චින්තකයා ලෙස. නීල මහා යෝධයා නමින් තම වෙබ් අඩවියට ම ලියන එංගලන්තයේ පළ වන ලංකා වෙබ් අඩවියේ සංස්කාරක විශ්‍රාමික ඉංජිනේරුවරයා ඇතුළු ජාතික ව්‍යාපාරයේ බොහෝ දෙනකුට එය වහකදුරු මෙන් වන බව මා දන්නවා. සංස්කාරකවරයා මට විරුද්ධව ඔහුගේ වෙබ් අඩවියට ලිපියක් ලියා තිබෙනවා. එයට පිළිතුරක් ළඟදී ම පළවේවි. ඇතැමුන් රිවිර ලිපිය මගේ සෙල්ෆියක් (ඔවුන්ගේ අර්ථදැක්වීම අනුව මා ඉහළින් තබා ගෙන අනෙක් අය පහත් කිරීමක්) ලෙස සලකන්න පුළුවන්. මා මේ සාකච්ඡාව ලියා ඇති ලේඛකයා  දැක ඇත්තේ එක දිනක් පමණයි. ඔහු සමග කතා කර ඇත්තේ දුරකතනයෙන් ද ඇතුළුව අවස්ථා තුනක දී පමණයි. ඔහුගේ හැඳින්වීම ගැන මට කරන්න දෙයක් නැහැ. 

Tuesday, 8 August 2017

බටහිර විද්‍යාවේ ඌනිතවාදය


බටහිර විද්‍යාවේ ඌනිතවාදය





බටහිර විද්‍යාව පිළිබඳ ඇතැම් බටහිර දාර්ශනිකයන් හා බටහිර විද්‍යාවේ දාර්ශනිකයන් අතර ඇති එක් විවේචනයක් නම් එහි ඇතැයි කියන ඌනිතවාදයයි. මෙයට ඉංගිරිසියෙන් රිඩක්ෂනිසම් කියා කියනවා. මෙරට බොහෝ දෙනා ඌනිතවාදය ගැන අසා නැතිවා විය හැකියි. එහෙත් අවුරුදු තිහකට පමණ පෙර අප බටහිර විද්‍යාවෙන් කැඩීමේ දී අපත් ඇතැම් බටහිරයන් මෙන් ඌනිතවාදයට විරුද්ධ වුණා. මෙරට සිටින බටහිර විද්‍යාව පිළිබඳ දාර්ශනිකයකුට අනුව මෙවැනි බොහෝ දේ ලෝකයට පළමුවෙන් කියා ඇත්තේ ඔහු සිතන විධියට මෙරට පහළ වූ ඉහළ ම බුද්ධිමතෙක්. ඒ බුද්ධිමතාගේ පොතකට දාර්ශනිකයා ලියූ පෙරවදනක ඒ බව සඳහන් වෙනවා. අද ලංකාවේ විශ්වවිද්‍යාලවල බටහිර විද්‍යාවේ දර්ශනය ගැන පශ්චාත් උපාධියක් ඇති එකම තැනැත්තා ඒ දාර්ශනිකයා වුවත් ඔහු කියන දේ ගැන මට විශ්වාසයක් නැහැ. ලංකාවේ බටහිර විද්‍යාවේ දර්ශනය ගැන පශ්චාත් උපාධියක් ලත් අනෙක් එකම තැනැත්තා එහෙම දෙයක් කියා නැහැ. ඔහු සමහරවිට අර අද්වීතීය බුද්ධිමතා ගැන නොදන්නවා විය හැකියි. ඒ බුද්ධිමතා දැන් වැඩිපුර ඉන්නේ චීනයේ.

Monday, 7 August 2017

බැඳුබැඳුම්කර කෝළම

බැඳුම්කර කෝළම

දැන් හැමෝම මහා බැංකු බැඳුම්කර ගැන කතා කරනවා. හොරකම් ගැන හැමෝම වගේ කතා කරන්නෙ තමන් කිසිදාක කිසිම හොරකමක් නොකළ අය වගේ. ළමයින් පාසල්වලට ඇතුළත් කිරීමේ දී කරන හොරකම් ද හොරකම් තමයි. කාර්යාලයේ දුරකථනයෙන් මුදල් නොගෙවා ඇමතීමත් හොරකම්. මේ බොහොමයක් හොරකම්වලිනුත් සතේකින් හරි පාඩු වෙන්නෙ රටට. ඒත් මේ හොරකම් බැඳුම්කර හොරකමත් එක්ක ගත්තම ඉතාමත් සුළුයි. ඒවා නොගිණිය හැකි තරම්. උසස් පෙළටවත් ගණිතය හදාරපු අය දන්නවා නොගිණිය හැකි කියන යෙදුමේ තේරුම. ඉන් කියැවෙන්නේ ඒ හොරකම් යුක්තියුක්ත කෙරීම නො වෙයි. ඒවත් හොරකම්. ඒත් වෙනත් සමහර හොරකම් එක්ක ගත්ත ම ඒවා ඉතාමත් සුළුයි.

Sunday, 6 August 2017

පරිසරය රැකීම


පරිසරය රැකීම





පරිසරය ගැන අද බොහෝ දෙනා කතා කරනවා. පරිසරය, ස්වභාව ධර්මය, තිරසාර සංවර්ධනය, ස්වාභාවික සම්පත්, ශක්ති ප්‍රභව ආදිය එකිනෙක සමග බැඳී පවතිනවා. පරිසරවේදය හදාරන්නන් එමටයි. පරිසරවේදීන්ට අද සමාජයේ වැදගත් තැනක් හිමි වෙලා. පරිසර ජනමාධ්‍යවේදීන් ද ඉන්නවා. මා හිතන අන්දමට ස්වභාව ධර්මයේ රක්‍ෂණය වෙනුවෙන් කැප වුණු සංවිධාන ද තිබෙනවා. එහෙත් ඒ අතර ස්වාභාවික සම්පත් හීන වෙනවා.

Saturday, 5 August 2017

ආවා කල්ලිය




ආවා කල්ලිය



ආවා කල්ලිය දැන් නිතර එනවා. ඔවුන් යාපනයේ නිතර දකින්න පුළුවන්. ආවා කල්ලිය කවුද කියලා ආණ්ඩුව දන්නෙ නැති පාටයි. ආණ්ඩුව බුද්ධි අංශය දුර්වල කරපු නිසා, ඔවුන් අධෛර්යමත් කරපු නිසා බුද්ධි අංශය දැන් නැති ගාණයි. බුද්ධි අංශයේ අය සිරගත කරමින් ත්‍රස්තවාදීන් නිදහස් කරමින් ආණ්ඩුව දෙමළ ජාතිවාදය පිනවනවා. ආවා කල්ලිය කවුරුන් වුවත් බුද්ධි අංශය දුර්වල කිරීම මොන මොන කල්ලිවල වුවත් වර්ධනයට හේතු වෙනවා.

Friday, 4 August 2017

ඕල්කට් බුද්ධාගම


ඕල්කට් බුද්ධාගම



එංගලන්තයේ පළ කෙරෙන ලංකාවෙබ්  අඩවියට නීල මහා යෝධයා නමින් ලියන අයකු නැවතත් හදිසියේ නැගිටලා. ඔහු කුම්භකර්ණ මෙන් කාලයක් නිදා ගන්නවා ද කියා දන්නේ නැහැ. ඒත් ඒ කුම්භකර්ණ ගැන තියෙන එක් විවරණයකට අනුවයි. ඇතැමුන්ට අනුව කුම්භකර්ණ කියන්නේ කුඹුක්කන් ඔය ප්‍රදේශයට අධිපති වූ අයකු. ඔහු රාවණගේ සොහොයුරකු ලෙස ඒ ප්‍රදේශය රාවණ වෙනුවෙන් කරවූ අයකු ලෙස හැඳින්වෙනවා. බිම්තැන්න මහියංගණය වුණා සේ කුඹුක්කන් කුම්භකර්ණ බවට පත් වී තියෙනවා. ඉන්පසු එයට අර්ථකථන කෙරෙනවා . කුඹුක්කන් නිදා සිටි තැනැත්තකු ලෙස අර්ථදක්වන්න බැහැ. මේ ගැන දැනට තවදුරටත් කතා කරන්නේ නැහැ. මා මෙයින් තැත් කරන්නේ විවිධ අර්ථනිරූපණ, විවරණ ඇති බව පෙන්වීමට පමණයි. ඒ අර්ථනිරුපණ අනුව තව තවත් කතා ගෙතෙනවා. ලෝක විවිධයි. මගේ ලෝකය කියවූ අයකු ඒ ගැන දන්නවා.

Thursday, 3 August 2017

ජී එල්ගේ ප්‍රජාතන්ත්‍රවාදය  


ජී එල්ගේ ප්‍රජාතන්ත්‍රවාදය



අප රටේ ජනමතය හසුරුවන්නේ ටික දෙනයි. ජනමතය හැසිරවිය හැක්කේත් කිහිප දෙනකුගේ පමණයි. එහෙත් ඒ කිහිප දෙනා මැතිවරණයක දී වැදගත් වන්න පුළුවන්.   ජනමාධ්‍ය මගින් ජනමතය හැසිරවීමේ  හැකියාව ලබා ඇති කිහිප දෙනකු ඉන්නවා. ජනමතය හසුරුවන්නන් බොහෝ විට සිතන්නේ දේශපාලන පක්‍ෂවල සාමාජිකයන්, හිතවතුන් ලෙස. තමා ආධාර කරන දේශපාලන පක්‍ෂයේ නායකයන්ගේ කිසිම වරදක් දකින්න මේ අය කැමති නැහැ. ඔවුන්ගේ බැඳීම් පක්‍ෂයට (සාමාජිකයකු වුවත් නැතත්) මිස රටට නො වෙයි. මහින්දගේ කිසිම වරදක් නොදකින්නන් මෙන් ම රනිල්ගේ කිසිදු  වරදක් නොදකින්නන් ද  රටේ ඉන්නවා. 

Wednesday, 2 August 2017

කළු කුහර ද බෝසෝන තාරකා ද  


කළු කුහර ද බෝසෝන තාරකා ද



පසුගිය ජූලි 15 වැනි දා නිව් සයන්ටිස්ට් සඟරාවේ වැදගත් ලිපියක් පළ වී තිබෙනවා. මා එය දැක්කේ දැනට දින දෙක තුනකට කලින්. මට පෙර එය කියවූ අය මෙරට ඉන්න පුළුවන්. ඒ අයත් සමහර විට ඒ ගැන ලියාවි. නිව් සයන්ටිස්ට් කියන්නෙ ජනප්‍රිය සඟරාවක් මිස ඊනියා පර්යේෂණ සඟරාවක් නො වෙයි. මා මේ කියන කතාව එවැනි පර්යේෂණ සඟරාවක කියවූ අයත් ඉන්න පුළුවන්. ඒත් මා දන්න කාරණයක් තමයි බොහෝ දෙනා බටහිර විද්‍යාව ගැන දැනගන්නෙ ජනප්‍රිය සඟරා කියවීමෙන් බව. ෂ්රොඩිංගර් සමීකරණය ලියා ගන්න බැරි අය, ක්වොන්ටම් යාන්ත්‍රිකයට අදාළ හිල්බට් අවකාශය ගැන හාන්කවිසියක් නොදන්න අය ක්වොන්ටම් දුරස්ථප්‍රවාහනය (ටෙලිපොටේෂන්) ගැන ලියනවා. පසුගියදා මා දැක්කා පිටරට සිටින මෙරට සුප්‍රසිද්ධ හෘද රෝග වෛද්‍යවරයෙක් ඒ ගැන ලියා තිබුණා. බුදුහාමුදුරුවන් සෘද්ධි වීම ක්වොන්ටම් කතා සමග සංසන්දනය කිරීමේ උත්සාහයක් මේ අය දරනවා. ඔවුන් සිතන්නේ ක්වොන්ටම් යාන්ත්‍රිකය සත්‍ය කියා ද? එයත් බටහිර විද්‍යාවේ අනෙක් ප්‍රවාද මෙන් ම පට්ටපල් බොරු පමණයි. බුදුදහම බටහිර විද්‍යාව ඇසුරෙන් තේරුම් කරන්න ගිහින් බූදුදහමත් බටහිර විද්‍යාවත් දෙක ම මේ ඇතැමුන් විකෘති කරනවා.



ජූලි 15 වැනි දා ලිපිය කළු කුහර ගැනයි. මේවා ඉංගිරිසියෙන් හඳුන්වන්නේ බ්ලැක් හෝල්ස් කියා. අයින්ස්ටයින්ගේ සාධාරණ සාපේක්‍ෂතාවාදයෙන් මේ ගැන කියැවෙනවා. බොහෝ දෙනා හිතන්නේ සාධාරණ සාපේක්‍ෂතාවාදයෙන් ගුරුත්වාකර්ෂණය තේරුම් කරනවා කියා. ඉහත කී ලිපියෙහිත් එවැනි අදහසක් කියැවෙනවා. නිව්ටන්ගෙ ගුරුත්වාකර්ෂණ ප්‍රවාදය හා සාධාරණ සාපේක්‍ෂතාවාදය කියන්නෙ දෙකක්. එකක් අනෙකේ පැහැදිලි කිරීමක් නො වෙයි. ඒත් බටහිරත් බොහෝ දෙනා සිතන්නේ සාධාරණ සාපේක්‍ෂතාවාදයෙන් ගුරුත්වය පැහැදිලි කෙරෙනවා කියා. ඒ දෙක ම පෙළොවට පොල් (ඇපල්) වැටෙන්නේ මොකද කියා කීමට ගෙතූ පට්ටපල් බොරු කතා පමණයි. අර හෘද රෝග විශේෂඥයා නම් නිව්ටන්ගෙ ඔළුවට ඇපල් ගෙඩියක් කඩා වැටුණු කතාවත් විශ්වාස කරන බවක් පේනවා. එවැන්නන් බටහිර විද්‍යාවේ කතන්දර විශ්වාස කරන එක පුදුමයක් නො වෙයි.



කළු කුහර ගැන සාධාරණ සාපේක්‍ෂතාවාදයෙන් කියැවුණත් ඒ මොනවා ද කියා කිසිවකු දන්නේ නැහැ. කළු කුහර ඇතුළෙ තියෙන්න මොනව ද කියලා ඇහුවෙත් කාටවත් පිළිතුරක් නැහැ. දන්න දේ තමයි කළු කුහරවලට ඇදගන්නා ද්‍රව්‍ය හා විකිරණවලට ආපහු ඒමක් නැති බව. අර ජාතක කතාවක, විජයගෙ කතාවෙ තියෙනවා වගේ. මෙරට පඬියකු ඒ ජලාශ තුළ කළු කුහරයක් තිබුණු බව හරි එකල මිනිසුන් කළු කුහර හැඳින්වීමට අධිපති යක්‍ෂයකු යොදා ගත් බව හරි කිව්වොත් මා පුදුම වෙන්නෙ නැහැ. කළු කුහරවලට ඇද වැටෙන වස්තුවලින් විකිරණ එන බව ස්ටීවන් හෝකින් අවුරුදු ගණනකට පෙර කියා තිබුණා. ඒ ක්වොන්ටම් යාන්ත්‍රිකය ඇසුරෙන් කෙරෙන්නක්. එය තරමක සංකීර්ණ කතාවක්. ඒ පිළිබඳවත් මතභේද තිබෙනවා. බටහිර විද්‍යාව ගැන බොරු දොඩවන්නන් ඊනියා නිරීක්‍ෂණ, ආනුභවිකත්වය ගැන මොනවා කිව්වත් මේ කළු කුහර නිරීක්‍ෂණය කරන්න බැහැ. මේ ගැන ඇත්තේ වක්‍ර නිරීක්‍ෂණ. 



හැටගණන්වලත් කළු කුහර පිළිබඳ ප්‍රශ්න තිබුණා. 1964 දී මේ වක්‍ර නිරීක්‍ෂණ අනුව සිග්නස් රාශියේ එක්ස් කිරණ නිකුත්වීමක් දැක්කා. එය කළු කුහරයකට ද්‍රව්‍ය වැටීමේ දී නිකුත් කෙරෙන කිරණ ලෙස හැඳින්වුවා. එහෙත් එය හැඳින්වීමක් පමණයි. එය කළු කුහර සොයමින් සිටි තාරකා විද්‍යාඥයන්ට යමක් ලැබීමක්. කෙසේ වෙතත් මේ කළු කුහරයක් ලෙස හඳුනාගත් විද්‍යාඥයන් එය Cyg X-1  ලෙස නම් කළා. 1970 පමණ වන විට විද්‍යාඥයන් එය කළු කුහරයක් බව විශ්වාසයෙන් යුක්ත ව ප්‍රකාශ කළා. ඉන් පසු තව තවත් කළු කුහර එලෙස වක්‍ර ව නිරීක්‍ෂණය කෙරුණු අතර විශ්වය ආරම්භයේ දී ඇති වී යැයි කියන කළු කුහර ගැනත් කියැවුණා.



මතක තබා ගත යුත්තක් නම් මේ නිරීක්‍ෂණ සෘජු නිරීක්‍ෂණ නොවන බවයි. කිසිවකු කළු කුහර සෘජු ව නිරීක්‍ෂණය කර නැහැ. ප්‍රවාදවලින් (කතන්දරවලින්) ද්‍රව්‍ය කළු කුහරයකට වැටීමේ දී ඝර්ෂණය වැනි ක්‍රියා හේතුවෙන් නිකුත් විය හැකි කිරණ ගැන අදහස් විද්‍යාඥයන්ට තිබුණා. කළු කුහර ලෙස හැඳින්වුණේ එවැනි කිරණ නිකුත් කෙරෙන වස්තු බව අමතක නොකළ යුතුයි. පසුගිය වසරේ නිරීක්‍ෂණය කෙරුණු ඊනියා ගුරුත්වජ තරංග සමග කළු කුහර සම්බන්ධයෙන් තවත් වක්‍ර නිරීක්‍ෂණ එකතු වුණා. 2015 දී  නිරීක්‍ෂණය කෙරුණු සංඥා කළු කුහර දෙකක් එකිනෙකට ආකර්ෂණය වීමේ දී නිකුත් කෙරෙන කිරණ ලෙස හඳුන්වනු ලැබුවා.



යමකුට හිතෙන්න පුළුවන් දැන් කළු කුහර තිබෙන බවට ඕනෑ තරම් සාක්‍ෂි තිබෙන බව. එහෙත් මෑතක ඉදිරිපත් වී ඇති මතයකට අනුව කළු කුහර දෙකක් එකිනෙක ආකර්ෂණය කිරීමේ දී නිකුත් කෙරෙන්නේ යැයි කියන කිරණ තවත් ආකාරයකට, තවත් කතන්දරයකට අනුව තේරුම් කර දෙන්න පුළුවන්. බෝසෝන තාරකා නමින් හැඳින්වෙන තාරකා දෙකක් එකිනෙක ආකර්ෂණය කිරීමේදීත් එවැනි කිරණ නිකුත් වන බව කියනවා. සමහරවිට තවත් කතන්දර තියෙන්න පුළුවන්.   



බෝසෝන තාරකා ගැන විද්‍යාඥයන් එතරම් උනන්දුවක් දක්වා නැහැ. එහෙත් වසර කිහිපයකට ඉහත දී හිග්ස් බෝසෝනය නමැති බෝසෝනය  නිරීක්‍ෂණය කිරීමෙන් පසු විද්‍යාඥයන් බෝසෝන තාරකා ගැන උනන්දුවෙන් අධ්‍යයනය කර තිබෙනවා. බෝසෝනයක් තවත් එවැනි ම බෝසෝනයක් සමග එකට පවතින්න පුළුවන්. ෆෝටෝන නමින් හැඳින්වෙන ආලෝක අංශු ද බෝසෝන වර්ගයක්. ෆෝටෝන, ග්ලූටෝන හා ග්‍රැවිටෝන කියන බෝසෝන වර්ග තුනට නිසල ස්කන්ධයක් නැහැ. එහෙත් ඒවාට ශක්තිය තිබෙනවා. අවශ්‍ය නම් ඒ බෝසෝනවලට ස්කන්ධයක් නියම කරන්න පුළුවන්.



1955 දී පමණ ජෝන් වීලර් නම් භෞතික විද්‍යාඥයා තාරකා සෑදී ඇත්තේ ෆෝටෝනවලින් යැයි මතයක් ඉදිරිපත් කළා. එහෙත් විවිධ හේතූන් නිසා ඒ මතය ප්‍රතික්‍ෂෙප වුණා. එසේ වුවත් විවිධ ආකාරයේ තාරකා තියෙන්න පුළුවන්. අද විද්‍යාඥයන් බෝසෝන තාරකා ගැන කතා කරනවා. එහෙමත් නැත්නම් කතන්දර හදනවා. මේ කතන්දර වියුක්ත කතන්දර. අද ඇතැම් විද්‍යාඥයන් කියන්නේ කළු කුහර නමින් නිරීක්‍ෂණය වී ඇති සමහර වස්තු බෝසෝන තාරකා කියායි.



කළු කුහර නමින් හැඳින්වෙන වස්තු හා බෝසෝන තාරකා වස්තු දෙවර්ගයක් ලෙස දැනට විද්‍යාඥයන් සිතනවා. එහෙත් ඒ එකම වස්තු විය හැකි ද? කළු කුහර නමින් හැඳින්වෙන්නේ බෝසෝන තාරකා ද? බෝසෝන තාරකාවල ඇත්තේ ග්‍රැවිටෝන ද? ද්‍රව්‍ය කළු කුහරයක් තුළට යෑමේ දී ග්‍රැවිටෝන බවට පත් වන්නේ ද? මේ ගැන විද්‍යාඥයන් පසුව කතන්දර ගොතාවි. එහෙත් මේ සියල්ල කතන්දර පමණක් බව අමතක නො කරමු. 





මේ ලිපිිය ද තවත් ලිපි ද කාලය වෙබ් අඩවියෙන් කියවිය හැකි ය.

http://www1.kalaya.org

නලින් ද සිල්වා

2017 අගෝස්තු 02






Tuesday, 1 August 2017

ජනාධිපති බලතල


ජනාධිපති බලතල



මෛත්‍රිපාල ඊයෙ පෙරේදා හොඳ කතාවක් කියලා තිබුණා. ඒක ඒකාබද්ධ විපක්‍ෂයට තමන් ඉන්නෙ කොහෙද කියන එක තේරුම් ගැනීමට උපකාරී වේවි.  මෛත්‍රිපාල කියලා තිබුණෙ මන්ත්‍රීවරුන් 113 දෙනකු එකතු කර ගත්තත් ආණ්ඩුවක් පිහිටුවන්න තමන් ළඟට එන්න ඕන කියලා. ඒක තමයි ව්‍යවස්ථානුකුල තත්වය. පාර්ලිමේන්තුවට එකතු වෙලා අගමැතිවරයකු තෝරා ගෙන ඔහු අගමැති ලෙස පත් කරන්න කියලා ජනාධිපතිගෙන් ඉල්ලන්න බැහැ. ජනාධිපති පාර්ලිමේන්තුවෙ වැඩි පුර මන්ත්‍රි සංඛ්‍යාවක් ඉන්න පක්‍ෂයෙ නායකයා අගමැති ලෙස පත් කළ යුතු යැයි ව්‍යවස්ථාවෙ සඳහන් වෙන්නෙත් නැහැ.