අපි පරණ විධියට අලුතෙන් හිතමු

       සිංහල ලිත් ඉලක්කම් 

අපි පරණ විධියට අලුතෙන් හිතමු 

අපට හිතන්න කාලයක් ඇවිල්ල. මෙහි අප කියන්නෙ ලෝකයට ම. ඒත් මට ඒක එක්සත් ජාතීන්ගෙ සංවිධානයෙ හරි වෙනත් තැනක හරි  ගිහින් කියන්න බැහැ. කිව්වත් ගණන් ගන්නෙ නැහැ. මිනිසුන් නිකම් ම හිතන්නෙ නැහැ. ප්‍රශ්නයක් ආව ම තමයි හිතන්නෙ. අද ලොකු ම ලොකු ප්‍රශ්නයක් ඇවිල්ල. අපට හිතන්න වෙලා. මා හිතන්නෙ සාමාන්‍යයෙන් හිතන විධියට නොවෙයි. ඒකටත් හේතුවක් තියෙනවා. හැමෝට ම ඒ හේතුව දැනී නැහැ. 

පරිසරය අනුකාරකයන්ගේ පාරාදිසයක් නොවිය යුතුයි

 සිංහල ලිත් ඉලක්කම් 

පරිසරය අනුකාරකයන්ගේ පාරාදිසයක් නොවිය යුතුයි

පරිසරය රැකීම කියන්නේ බටහිර සංකල්පයක්. පරිසරය රකින්න අවශ්‍ය වන්නේ පරිසරය විනාශ කරන අයටයි. පරිසරය විනාශ කරනු ලැබුයේ බටහිරයන් විසින්. ඒ ඔවුන්ගේ ඊනියා දියුණුව වෙනුවෙන්. බටහිර සංවර්ධන ආකෘතිය පෙරදිග ආකෘතියෙන් වෙනස්. බටහිරයන් සියල්ල බැලුවේ මිනිසාට සාපේක්‍ෂ ව. එයින් කියන්නේ ඔවුන් නිර්මාණාත්මක සාපේක්‍ෂතාවාදය අනුමත කළා ය යන්න නො වේ. මුළු ලොව ම මිනිසා වෙනුවෙන් මැවී ඇත යන්න ඔවුන්ගේ ආකල්පය වුණා.

ප්‍රංශ මුස්ලිම් ස්ත්‍රී හුටපටේ

ප්‍රංශ මුස්ලිම් ස්ත්‍රී හුටපටේ  

පේරාදෙණියේ සිංහලෙන් ඉතිහාසය උගන්නන්න පටන් ගත්ත කාලයෙ එක් ඉතිහාස කථිකාචාර්යවරයකු ප්‍රංශ  විප්ලවයට ප්‍රංශ  හුටපටේ  කිව්වළු. ඒ ඔහුගෙ සිංහල දැනුමෙ අඩුපාඩුවක් නිසා වූ බවයි එකල ශිෂ්‍යයන් කිව්වෙ. ඒත් මා නම් හිතුවෙ හුටපටේ කියල කියන්න හොඳ සිංහල දැනුමක් අවශ්‍ය බවයි. ප්‍රංශ විප්ලවය කියන්නෙ පහළොස්වැනි සියවසේ ඇරඹුණු බටහිර ක්‍රිස්තියානි නූතනත්වයෙ පසුව ඇති වූ වැදගත් මං සලකුණක්. බටහිර ක්‍රිස්තියානි නූතනත්වයට අවශ්‍ය බොහෝ සංකල්ප බිහි කෙරුණෙ ප්‍රංශ  මහා විප්ලවයෙන්.

එකම කතාව

එකම කතාව

ගුණදාස අමරසේකර කලකට පෙර  එකම කතාව කියල කෙටි කතාවක් ලිව්ව. කෙටි කතාවක් වුණට ඒක ටිකක් දිග කතාවක්. පහළොස්වැනි සියවසේ අග සිට සමස්තයක් ලෙස ගත්තම ලෝකයෙ තියෙන්නෙ එකම කතාවක්. ඒ කතෝලික චින්තනයෙන් මිදී නව ලෝක රටාවක්, චින්තනයක් ප්‍රචලිත කිරීම හා තහවුරු කිරීම පිළිබඳ කතාව. එහි ආධිපත්‍යය ලොවෙහි පිහිටුවීම පිළිබඳ කතාව. ඒක බොහෝ ම දිග කතාවක්. බටහිර විද්‍යාව, ප්‍රජාතන්ත්‍රවාදය, ධනවාදය, ඉංගිරිසි පාර්ලිමේන්තුව, ප්‍රංශ විප්ලවය, ඇමරිකන් විප්ලවය, බටහිර දර්ශනය, යටත්විජිතවාදය ආදී මේ ඔක්කොම එකම කතාවක කොටස්. ඒව වෙන වෙන පරිච්ඡෙදත් නො වෙයි. 

ඝරසර්ප 2 (යක්‍ෂයා පළවා හැරීම)

ඝරසර්ප 2

(යක්‍ෂයා පළවා හැරීම)

බටහිර මනෝ චිකිත්සාවේ "ආවේෂ" හා කතෝලික චින්තනයේ ආවේෂ යනු එකක් නොව දෙකක්. ඒ එකක් දෙවිධියකට හැඳින්වීමකුත් නො වෙයි. ඒ දෙක දැනුම් පද්ධති දෙකක වූ දැනුම්  දෙකක්. අප බොහෝ විට දැනුම් පද්ධති දෙකක ඇත්තේ වචනවල වෙනසක් පමණක් යැයි සිතනවා. වචන පරිවර්තනයෙන් ඒ එකක් ම ලෙස සැලකිය හැකිය කියා හිතනවා. චින්තනය හඳුන්වා දුන් මුල් කාලයෙ දී ම අප තේරුම් කළා සිංහල බෞද්ධ සංස්කෘතියේ අම්මා යනු බටහිර මදර යන්නෙහි  පරිවර්තනයක් ලෙස පෙනූන ද එ එසේ නොවන බව. සිංහල සංස්කෘතියේ අම්මලා තම දරුවන්ටත් මගෙ අම්මා කියා කියනවා.