සිංහල බෞද්ධ රාජ්‍යයකට විරුද්ධ ජාතිවාදියෝ
ජාතිවාදය යන්න සිංහලයන් අතර තිබූ සංකල්පයක් නො වෙයි. එය සුද්දන්ගේ රේසිසම් (racism) කියන වචනයට සිංහලෙන් දෙන ලද පරිවර්තනය. රේස් යන්නට ජාතිය කියන එකත් පස්සෙ හදාගත්ත දෙයක්. නේෂන් කියන එකටත් අද ජාතිය කියල කියනවා. රේසිසම් කියන එකට විවිධ අර්ථකථන තියෙනවා. අන්තර්ජාලයෙන් හොයා ගන්න පුළුවන්. ඕන නම් බටහිර දේශපාලන විද්‍යා පඩංගුත් කියවන්න. සිංහලයන්ට ජාතිවාදය කියන සංකල්පය නොතිබීම මගින් කියන්නේ සිංහලයන් ජාතිවාදී නොවන බවයි. ඇතැම් පඬියන් රේස් කියන එකට වර්ගය කියා කියනවා. ඒ අනුව ඔවුන් වර්ගවාදය කියා වචනයකුත් හදා ගෙන.
