විග්නේස්වරන්ගෙ ඉතිහාසය 1

විග්නේස්වරන්ගෙ ඉතිහාසය 1

කුමාරස්වාමි විසුවලිංගම් විග්නේස්වරන් ඉතිහාසය ගැන කියන්නේ පැරණි කතා. මේ කතා ප්‍රතික්‍ෂෙප වී බොහෝ කල් ගත වී ඇති නමුත් තවමත් සමහරු ඒ පුනරුච්චාරණය කරනු දකින්න පුළුවන්. මේ ඉතිහාසයට අනුව මෙරට මුල් පදිංචිකරුවන් දෙමළ. ඒ කියන්නේ අවුරුදු දෙදහස් පන්සියකටත් පෙර. ඊට පසු සිංහලයන් මෙරටට පැමිණ තියෙනවා. එහෙත් සිංහලයන් පැමිණෙන්න ඔවුන් වෙනත් රටක ඉන්න ඕන. එහෙම දෙයක් කිසිවකුටවත් පෙන්නන්න බැහැ. දෙමළ නම් අඩුම තරමෙන් තමිල්නාඩුවෙ ඉන්නවා. සිංහලයන් අඩුම තරමෙන් වංගයේවත් (බෙංගාලයේ) නැහැ. විග්නේස්වරන්ගේ සාකච්ඡාවෙ කියන්නෙත් සිංහලයන් ඉපදෙන්නටත් පෙර දෙමළ ජනයා හිටි බවයි. මෙහි ඉපදෙන්න කියලා කියන්නෙ ආරම්භය කියන එක බව පැහැදිලියි. විග්නේස්වරන්ට අනුව සිංහල ජාතියෙ ආරම්භය ක්‍රී ව හයවැනි සියවසේ පමණ. ඒ කියන්නෙ මහාවංසෙ ලිව්වටත් පස්සෙ!

පඬියන්ගේ අසංගත ඉතිහාසය

පඬියන්ගේ අසංගත ඉතිහාසය

මා ඊයේ ලිපියෙන් පෙන්වූයේ සිංහල බෞද්ධ විරෝධී පඬියන්ගේ අසංගත කතායි. ඒවාට බොරු තර්ක කියන්නත් බැහැ. ඒ කොහොමටවත් තර්ක නො වෙයි. දෙමළ ජාතිවාදය ඇති වීම පිළිබඳ සංගත නොවන කතාවක් පඬියා ගොතන්න හදනවා. පඬියන්ට නොතේරෙනවා වෙන්න පුළුවන් මා ඉතිහාසය ඉතිහාසයස සමග සංගත විය යුතුයි කියන්නේ ඇයි ද කියා. ඉතිහාසය යම් යුගයක කතාවක් ලෙස ගත්විට ඒ කතාව යුගයේ අනෙක් කතා සමග සංගත විය යුතුයි. ඒ ඉතිහාස කතාවේ අසංගත තැන් තිබෙනවා නම් ඉන් කියැවෙන්නේ කතාව පිළිගැනීමට නොහැකි බවයි.

යෝජිත නව ව්‍යවස්ථාව සහ මව්බිමේ අනාගතය

ආචාර්ය නලින් ද සිල්වා මහතා 2018-02-05 වැනි දින පේරාදෙණිය විශ්වවිද්‍යාලයේ දී පැවැත් වූ දේශනයේ සබැඳිය.

https://www.youtube.com/watch?v=bcmMPAHIjys

විග්නේස්වරන් නොකී කතාව - 2

විග්නේස්වරන් නොකී කතාව - 2

මල්වතු අස්ගිරි ප්‍රකාශයට රනිල් බයවෙලා. ඒ නිසා ම ඇංග්ලිකන් ක්‍රිස්තියානි සංස්කෘතියේ  ඔහු සංඝ භේදය ඇති කිරීමට උත්සාහ කරනවා. ඇංග්ලිකන් ක්‍රිස්තියානි සංස්කෘතියේ රනිල්ට මල්වතු මහානායක හිමියන් නිකම් ම නිකම් මල්වතු මහානායක. රනිල් අහනවා අදාළ උභය පාර්ශ්වීය කාරක සභා රැස්වීමට මල්වතු මා නාහිමියන් සහභාගි වුණා ද කියා. රනිල් පිටරට ගිය විට ඔහු නැතිව අමාත්‍ය මණ්ඩලය රැස්වෙන අවස්ථා තිබෙනවා. ඒ රැස්වීම් ගැනත් රනිල් ප්‍රශ්න කරනවා ද?  ලබන සතියේ ජනාධිපතිගේ සයිටම් ප්‍රකාශයත් සමග නැවතත් ව්‍යවස්ථාව අපට පෙනෙන්නට යට යවාවි. එහෙත් එය සම්මත කර ගැනීමට යටින් ක්‍රියා කරාවි. සයිටම් යොදා ගනිමින් මර්දනයක් දියත් වීමට ඉඩ තියෙනවා. ව්‍යවස්ථාව සම්මත කිරීමට කටයුතු කෙරෙන්නේ මර්දනය මගින්. රාමඤ්ඤ අමපුර නිකායේ ව්‍යවස්ථා විරෝධී ප්‍රකාශ ඉක්මන් වන්නේ නම් හොඳයි. එහෙත් අපට විග්නේස්වරන් අමතක කරන්න බැහැ.

විග්නේස්වරන් නොකී කතාව -1

විග්නේස්වරන් නොකී කතාව -1

විග්නේස්වරන්ගේ කතාවලට සිංහල දේශපාලනඥයන්වත් මාධ්‍යවේදීන්වත් පිළිතුරු දෙන්නේ නැහැ. විග්නේස්වරන් මහා බුද්ධිමතෙක් නො වෙයි. සයිටම් ගැන පඬි කතා කියමින් අවසානයේ දී ආණ්ඩුවට සිංහලයන් මර්දනය කිරීමට උදව් උපකාර කරන මාධ්‍ය ලොක්කන්ට හා ඔවුන්ගේ මාධ්‍ය සේවක නිවේදකයන්ටත් විග්නේස්වරන් කියන දේ වාර්තා කිරීම  හැර වෙන කියන්න දෙයක් නැහැ. සමහරවිට ඔවුන් සිතනවා ද දන්නේ නැහැ විග්නේස්වරන්ට පිළිතුරු දීම කාලය කා දැමීමක් කියා.