හතර දෙනාගේ කල්ලිය

 

හතර දෙනාගේ කල්ලිය

 

එක්සත් ජාතින්ගේ සංවිධානයේ වාර්ෂික සැසිවාරය පවත්න අතර හතර දෙනාගේ කල්ලිය නැත්නම් චතුස්කය රැස්වෙලා. ඒ එක්සත් ජනපදවල ජනාධිපති බයිඩන්, ඕස්ත්‍රේලියාවේ අගමැති මොරිසන්, ජපානයේ අගමැති සුගා, ඉන්දියාවේ අගමැති මෝදි. හතර දෙනා ම සූරයෝ. මේ හතරදෙනාගේ කල්ලියට ඉංගිරිසියෙන් කියන්නෙ quad කියල. ඒ ගැන මා කලින් ලියා ඇති. ඒත් දි අයිලන්ඩ් පුවත්පතේ හැරෙන්න ලංකාවේ වෙනත් ජනමාධ්‍යයක ඒ හතර දෙනාගේ කල්ලිය ගැන ප්‍රචාරයක් දුන්නේ නැහැ. හැම දෙයක් ගැන ම මොකක් හරි ලියන සකර්බර්ග් පඬියන්ටත් ඒ ගැන නිච්චියක් තිබුණේ නැහැ. ඔවුන් භූ දේශපාල යථාර්ථය පිළිබඳ ගැඹුරු අධ්‍යයනයක නිරත වෙලා ඉන්න ඇති.

බටහිර විද්‍යාවෙන් දෙවියන් වහන්සේ ඉන්නා බව (හිටි බව) ඔප්පු වන්නේ ද?

 

බටහිර විද්‍යාවෙන් දෙවියන් වහන්සේ ඉන්නා බව (හිටි බව) ඔප්පු වන්නේ ද?

 

පහත පළවන ලිපි වලින් කියැවෙන්නේ  එසේ ඔප්පු වන බවයි.

 

 

බටහිර විද්‍යාව ඒක රේඛීයයි. එයට පටන් ගන්න තැනක් මොහොතක් අවශ්‍යයි.

 

ෆ්‍රෙඩ් හොයිල්ගේ සතත අවස්ථා විශ්වය (steady state universe) බටහිර වි්‍යාවේ පිළිගැනුණේ නැහැ. සාක්‍ෂි නැති බව එයට හේතුව ලෙස දක්වාවි. එහෙත් මහා පිපිරුමටත් සාක්‍ෂි නැහැ. ඊනියා උද්ධමනය (inflation) මහා පිපිරුමේ තේරුම් කරන්නේ නැහැ.

 

කෙසේ වෙතත් මේ ලිපි දෙක මෙසේ පළකරන්නේ විද්‍යාත්මක බෞද්ධයන්ගේ හා විද්‍යාත්මක අදේවවාදීන්ගේ දැනගැනීම පිනිසයි. මා ඔවුන්ගේ ප්‍රතිචාර බලාපොරොත්තු වන්නේ නැහැ. ලිපි දෙක තේරුම් ගැනීමට උත්සාහ කිරීම ප්‍රමාණවත්.

 

බටහිර විද්‍යාවේ කතන්දරත් යුදෙවු කතන්දරත් එකම වර්ගයේ.

 

චක්‍රීය චින්තනයක් ඇති බෞද්ධයන් රේඛීය චින්තනයේ වහලුන් වන්නේ දැනුම් ආධිපත්‍යයට යට වීමෙන්. ඒ බෞද්ධයන්ට දෙවි පිහිටයි.

අකුරු තුනේ රනිල් හා උගත්තු

 

අකුරු තුනේ  රනිල් හා උගත්තු

 

අද බොහෝ දෙනා අකුරු තුනේ කතා කියනවා. UNP අකුරු තුන ගැන මා හිතන්නෙ නැහැ රනිල්වත් කතා කරනවා කියා. ඒත් රනිල් IMF ගැන කියවනවා. කලකට පෙර වෙළෙඳ දැන්වීමක එක් වයසක අයෙක් ප්‍රීතියෙන් කෑගහනවා ඉංගිරිසි අකුරු තුනක් ගැන. ඒ KFC . කෙන්ටකි ෆ්‍රයිඩ් චිකන්. එක්සත් ජනපදවල කෙන්ටකි ප්‍රාන්තයේ තමයි මේ කුකුල්මස් වෙළෙඳසල්වල මධ්‍යස්ථානය තියෙන්නෙ. වෙළෙඳ දැන්වීමෙන් කරන්නෙ අපට ඔවුන්ගෙ විධියට කුකුල්මස් කවන්න හදන එක. ඔය අස්සෙ තන්ජොරි චිකනුත් තියෙනවා. සමහරු ඒවත් කනවා. අපට දැන් නිකන් ඉන්නත් චිකන් ඕන. චිකන් කන්නෙ නැති අය ගෝත්‍රික සමාජයට අයත් ද කියල තාම පඬි නැට්ටකු කියා නැහැ.

පොදු ජන පෙරමුණ බණ්ඩාරනායක අත්හැරීම

 

පොදු ජන පෙරමුණ බණ්ඩාරනායක අත්හැරීම

 

සකර්බර්ග්ගේ මුහුුණක් නැති මුහුණු පොත අද දෝරේ යන එදා මාටින් ලූතර් පූජකතුමාගෙන් ඇරඹි බටහිර ක්‍රිස්තියානි නූතනත්ව ප්‍රජාතන්ත්‍රවාදයේ තවත් මුහුණුවරක් පමණයි. අද ඊනියා ප්‍රජාතන්ත්‍රවාදයට ප්‍රජාතන්ත්‍රවාදය පාලනය කරන්න බැහැ. මුහුණු පොතේ යමක් පළ කරන්න අවශ්‍ය වන්නේ අකුරු කෙටීමට දැන ගැනීම පමණයි. කරුණු හොයා බලා විචාරශීලීව යමක් ලියන්න විවේකයක් බොහෝ අයට නැහැ. ඒ අය කාර්යබහුල පුද්ගලයන්.

බණ්ඩාරනායක ඝාතනයට අවුරුදු හැට දෙකයි

 

බණ්ඩාරනායක ඝාතනයට අවුරුදු හැට දෙකයි

 

බණ්ඩාරනායක මහතා ඝාතනය කරනු ලැබ අදට අවුරුදු හැටදෙකක් වෙනවා. එහෙත් බණ්ඩාරනායක මැතිණිය  පවසා තිබුණේ එන් එම්ලා ඇගේ සැමියා නොමරා මැරූ බව. ඒ වැඩ වර්ජන සංවිධානය කිරීමෙන්. අපි ඒ කතාවට පස්සෙ එමු. මේ කියන්න යන කතාව මා යම් ප්‍රමාණයකට කලින් කියා ඇති. 1989 භීෂණ සමයේ ශ්‍රී ල නි ප අඳුරෙන් එළියට ඒමට තැත් කරමින් හිටියේ. පක්‍ෂය කිසිදා කවන්ධයක් වුණේ නැහැ. සාහිත්‍ය කතාවලින් දේශපාලන විශ්ලේෂණ කරන්න බැහැ. ශ්‍රී ල නි පක්‍ෂයට තිබුණේ යම් ප්‍රමාණයක හරි ජාතිකත්ව හිසක්.

වෙනස් වෙන විදේශ ප්‍රතිපත්තිය

 

වෙනස් වෙන විදේශ ප්‍රතිපත්තිය

 

ලංකාවේ විදේශ ප්‍රතිපත්තිය වෙනස් වෙමින් පවතින බව පේනවා. එයට වගකිවයුත්තන් කවුරුන්දැයි හරියට කියන්න බැහැ. එහෙත් අප රට භයානක පැත්තකට යොමු වෙමින් පවතින බව කියන්න පුළුවන්. මා දැන් හිටපු තානාපති කෙනෙක්. මට මගේ අදහස් ප්‍රකාශ කිරීමට බාධාවක් නැහැ. තානාපති ව කටයුතු කළත් මේ ටික කියන්න වෙනවා.

බටහිර විද්‍යා වහල්ලු

 

බටහිර විද්‍යා වහල්ලු

 

මෙරට තරම් බටහිර විද්‍යා වහල්ලු වෙනත් රටක, බටහිර රටවල් ද ඇතුළු ව, ඉන්නවා කියා මා හිතන්නේ නැහැ. මේ විද්‍යාත්මක ක්‍රමයට අමාත්‍ය මණ්ඩල  හදන රටක්. මා හිතන්නෙ මිනිසුන් චන්දෙ දෙන්නෙත් විද්‍යාත්මක ක්‍රමයට කියා. උසස් පෙළට බටහිර විද්‍යා විෂය ඉගෙන ගන්නා සිසුන් විද්‍යාත්මක ක්‍රමය හදාරනවා ද කියා මා දන්නේ නැහැ. එහෙත් උසස් පෙළ ශාස්ත්‍ර මානව ශාස්ත්‍ර ධාරාවල නම් කර්ක ශාස්ත්‍රය හා විද්‍යාත්මක ක්‍රමය හදාරනවා. ඒ අය විද්‍යාව දන්නේ නැහැ. ඒත් විද්‍යාත්මක ක්‍රමය දන්නවා!