Main Logo

Sunday 2 November 2014

මට මහලු වයසේ හැකිය වෙණ ගායනා පෙරසේ - 3


ආසනික් හා වකුගඩු රෝගය පිළිබඳ ප්‍රශ්නය අන් කිසිවක් නොව බටහිර දැනුම් ආධිපත්‍යය පිළිබඳ ප්‍රශ්නයකි. මේ සම්බන්ධයෙන් වඩාත් උරණ වී සිටින්නේ පිටරට හා මෙරට වසන බටහිර විද්‍යාව කටගාගත් පිරිසක් බව පැහැදිලි ය. ඔවුන් තමන් විද්‍යාඥයන් ලෙස පෙනී සිටිය ද ජීවිතයේ තරුණ කළ වුව වෙණ ගායනා කර නැත. ඔවුහු ලෝකයේ හරිහමන් බටහිර විද්‍යා සංගමයක අධිසාමාජිකයෝ නො වෙති. ඔවුන්ට මහළු ක ළ එවැනි සාමාජිකත්වයක් ලැබෙතැයි විභ්වාස කළ නො හැකි ය. කෘෂිරසායනික වකුගඩු රෝගයට හේතුව කුමක් ද යන්නට ඔවුන්ට එකඟ විය හැකි පිළිතුරක් නැත. ආවර්තිතා වගුවේ සියළු බැර ලෝහ එක් එක් අයගේ මතය අනුව රොාගයට හේතුව වෙයි. එක් මහළු පඬියකුට අනුව මහවැලිය හා අවට කෙරෙන කෘෂිරසායනික යෙදුම් එයට හේතුව වෙයි. 

මේ සෑම මතයක් ම ඊනියා පර්යේෂණ සඟරාවළ පළ වී ඇත. එහෙත් බොහෝ විට  මේ ඊනියා විද්‍යාඥයෝ එකිනෙක සමග එකඟ නො වෙති. මෙයින් ද පැහැදිලි වන්නේ බටහිර විද්‍යාව් ද අදාළ සඟරාවල ද බංකොළොත් කම ය. බටහිර විද්‍යාවේ දැනුම නොදැනුම බවට පත්්කෙරිය යුතුව ඇත. ඒ සම්බන්ධයෙන් මා විසින් විසිදුනු ප්‍රකාශකයන්ගේ පොත් දැක්ම වෙනුවෙන් කරන කතාවක් නොවැම්බර් 1 වැනි දා (සෙනසුරාදා) සවස 3.00ට කොළඹ මහජන පුස්තකාක ශ්‍රවණාගරයේ දී පැවැත්වෙයි. එහි මාතෘකාව දැනුම නොදැනුම බවට පත්කිරීම ය. එයට කැනඩාවේ සිටින අයට සහභාගි වීමට නොහැකි බව මම දනිමි. මොවුුහු බංකොළොත් විද්‍යාඥයෝ වෙති. ඔවුන් සමග වාදයකට ඔවුන් ලංකාවට එනතුරු බලා සිටීමට මා එකඟ යැිය පැවසූ විට ඔවුහු මට කැනඩාවට ඒමට කියති. එය කෙතරම් අතාර්කික ද යන්න විවාදයේ දීම තේරුම් කර දෙමි. මහවැලි කතාව සමග එකඟ වන බටහිර විද්‍යාඥයන් කී දෙනෙක් ලංකවේ සිටිත් ද?

මේ ඇතැම්හු මා දෙමළ ජාතිවාදය සම්බන්ධයෙන් කළ කී දේ ගැන එකඟ වෙති. එහෙත් ඔවුන් අමතක කරන හෝ නොදන්නා හෝ කරුණ නම් දෙමළ ජාතිවාදය පිළිබඳ අපේ ම වූ ප්‍රවාදයක් අප ගොඩ නැගූ බව ය. කැනඩාවේ ද සිටින ඊනියා දේශප්‍රේමීන් එක්සත් ජාතීන්ගේ සංවිධානයේ යෝජනා රෙගුලාසි ආදිය මත පදනම් වෙමින් කසිකබල් තර්ක ගොඩනගමින් අප තව තවත් එක්සත් ජාතින්ගේ යටත්විජිතවාදී දඬු අඬුවට හසු කරද්දී අපි දෙමළ ජාතිවාදයට ත්‍රස්තවාදයට විරුද්ධ ව අපේ ම වූ දැනුමක් ගොඩ නැගුවෙමු. සිංහල බෞද්ධයනට යුද්ධ කිරීම අකැප නොවන බව පැහැදිළි කෙළෙමු. දෙමළ ත්‍රස්තවාදය පරාජය කළ හැකි බව පෙන්වා දුන්නෙමු. 

ඒ සියල්ල කළේ බටහිර දැනුම් ආධිපත්‍යයට යට වීමෙන් නොව යඑට විරුද්ධ ව ගොසිනි. ඊනියා ජාති හිතෛෂීන් අපට විරුද්ධ නොවූයේ ඔවුන්ට බටහිර දැනුම පිළිගෙන රට නිදහස් කර ගැනීමට නොහැකි වූ බැවින් යැයි ඔවුන්ට අත දීමක් ලෙස උපකල්පනය කරමු. එහෙත් ආසනික් හා නාථ දෙවියන් පිළිබඳ කරණෙහි දී ඔවුන්ට ඇත්තේ ඔවුන්ගේ රැකියාව, වෘත්තිය ආදිය පිලිබඳ ප්‍රශ්න ය. එය රටේ හා ජනතාවගේ ස්වෛරීභාවයට වඩා ඔවුන්ට වැදගත් ය. බටහිර දැනුම, විශේෂයෙන් ම විද්‍යාව නොවන්නට ඔවුන්ට පැවැත්මක් නැත. එබැවින් ඔවුහු බටහිර විද්‍යාව හා දැනුම වෙනුවෙන් අවි අමෝරා ගෙන සටන් වදිති

බටහිර විද්‍යාවේ ඇත්තේ හුදු කතන්දර පමණකි. ඒවා පට්ටපල් බොරු ය. එය තේරුම් ගැනීම බටහිර විද්‍යාඥයකු නොවන අයකුට නම් අපහසුවක් නැත. පළුවෙනි දා කොළඹ මහජන පුස්තකාලයට පැමිණෙන අයට නිවුටන්ගේ ගුරුත්වාකර්ෂණය පට්ටපල් බොරුවක් බව දැනගත හැකි වනු ඇත. පංචෙන්ද්‍රිය ගෝචර සංසිද්ධි තේරුම් කිරීමට යැයි කියමින් බටහිරයන් පංචෙන්ද්‍රිය ගෝචර නොවන පට්ටපල් බොරු ගොතන්නේ ඔවුන්ට ආධ්‍යාත්මික ව ඒ දැකීමට නොහැකි බැවිනි. තමන්ගේ නොහැකියාව වසා ගැනීමට බොරු ගොතන බටහිරයන්ට අප ම,ූළා වී නම් එක්සත් ජාතීන්ගෙ සංවිධානයේ  යෝජනා මත රඳා සිටිමින් ප්‍රභාකරන්ට රට පාවාදීමට ඊනියා දේශප්‍රේමීන්ට හැකි වනු ඇත. 

ප්‍රභාකරන්ට විරුද්ධ සටන හා නිවුටන්ට විරද්ධ සටන යනු දෙකක් නො වේ. ඒ එක ම සටනකි. ඒ රටේ ස්වාධීනත්වය වෙනුවෙන් කරන සටනකි. ඒ බටහිර දැනුම් ආධිපත්‍යයට එරෙහි ව කරන සටනකි. එක් සටනක් කෙරුණේ ඊනියා සමාජ විද්‍යාවන් හි ය. අනෙක් සටන කෙරෙන්නේ ඊනියා ස්වාභාවික විද්‍යාවන් හි ය. එසේ බෙදීම ද බටහිර බකෛාළොත් බව පෙන්නුම් කරයි. 

මගේ වෙණ ගායනය මා මිය යන තුරු නොනවතිනු ඇත. එහෙත් කැනඩාවේ වෙසෙන මහල්ලන්ට කිසි දිනෙක වෙණ ගායනයක් තිබත නැත. ඔවුන්ට තිබී ඇත්තේ වෙන ගායන ය. (මතු සම්බනධයි)   


නලින් ද සිල්වා

2014-11-02