පිදුරංගල ගියේ කවුද

අවසර ලත් අයට පමණක් මේ ලිපිය මුහුණු පොතේ පළ කරන්න පුළුවන්.

පිදුරංගල ගියේ කවුද

ඉන්දීය ප්‍රශ්නවලට පිළිතුරු පස්සෙ දෙන්නම්. ඒ කිසිවක් උභතෝකෝටික ප්‍රශ්න නො වෙයි. ඒ ප්‍රශ්නවලට මුල ඉන්දියාවට අප තම ග්‍රහණයට හසු කර ගැනීමට ඇති අවශ්‍යතාවයි. එය 1947 පමණ සිට එන්නක්. මෙහි ඉන්දියාවයි අප කළමනාකරණය කරන්නේ. අපේ සමහරුන් හිතනවා අප ඉන්දියාව කළමනාකරණය කරනවා කියා. ඉන්දියාව යනුවෙන් අද හැඳින්වෙන රටෙහි ඇතැම් පෙදෙස් කළමනාකරණය කළ රජවරු ඈත අතීතයේ සිටියා. ඒත් ඒ ඉන්දියාව නො වෙයි. ඉන්දියාව කියා රටක් සුද්දන් ඒමට පෙර තිබුණේ නැහැ. අප ඉන්දිය කළමනාකරණයෙන් අවුරුදු දහයකට පමණ පෙර අනූනමයෙන් බේරුණේ ජාතික ව්‍යාපාරය ශක්තිමත් ව තිබුණ නිසා. අද එහෙම දේශපාලනකරණීය නොවූ ශක්තිමත් ජාතික ව්‍යාපාරයක් නැහැ. භයානකකම ඇත්තේ එතැනයි.

ඉන්දීය ප්‍රශ්න

අවසර ලත් අයට පමණක් මේ ලිපිය මුහුණු පොතේ පළ කරන්න පුළුවන්.

ඉන්දීය ප්‍රශ්න

අපට එකිනෙකට සම්බන්ධ වූ ප්‍රශ්න කිහිපයක් තියෙනවා. ඒ ප්‍රශ්නවලට පිළිතුරුත් එකිනෙකට සම්බන්ධයි. එක එක ප්‍රශ්නෙට එක් එක්  පිළිතුරු (බොහෝ විට පරස්පර සහිත) දෙන එක ඇතැමුන්ගේ සිරිත වෙන්න පුළුවන්. ප්‍රශ්නවලට පිළිතුරු හොයන්න ඒ ඒ තැන්වල ඉන්න ඕන නැහැ. බෞද්ධ ක්‍රමයට අනුව සාපේක්‍ෂ දැනුම (ඊනියා වාස්තවික නිරපේක්‍ෂ දැනුමක් නැහැ) ලබාගන්නේ ප්‍රත්‍යක්‍ෂයෙන්. ඒ දැනුම නිවනට සම්බන්ධ දැනුම. එහෙත් වෙනත් දැනුම් අනුමානයෙන් ද ලබාගන්න වෙනවා. සෑම දෙයක් ම ප්‍රත්‍යක්‍ෂයෙන් පමණක් ලබාගන්න බැහැ. සිදුහත් කුමාරොත්පත්තිය, බුදුවීම, පිරිනිවන් පෑම ආදිය ද අප ප්‍රත්‍යක්‍ෂයෙන් ලබාගත් දැනුම් නො වෙයි. මෙහි අනුමානයෙන් යන්න යෙදෙන්නේ ඉංගිරිසියෙන් inference කියන එකට. ඉංගිරිසි වචනයෙහි තේරුම නිගමනය යන්නට වඩා කිට්ටුයි.