බටහිර නූතනත්වය කඩා වැටීමේ ආරම්භය
ලෝකයේ රටවල් විවිධ නිර්ණායක මත විවිධ කුලවලට බෙදන්න පුළුවන්. මේ
නිර්ණායක අපේ, එනම් මිනිසුන්ගේ නිර්ණායක. ඒ කියන්නෙ
මිනිසුන් නිර්මාණය කරන නිර්ණායක. ඒ ඒ මිනිසා නිර්ණායක නිර්මාණය කරන්නෙත් තමන්ගෙ
ඉන්ද්රිය පද්ධතියට සංස්කෘතියට මනසට සාපේක්ෂව. ඊනියා වාස්තවික නිර්ණායක නැහැ.
වාස්තවික කියන්නෙ කාටවත් සාපේක්ෂ නොවන කියන අර්ථයෙන්. වාස්තවික කියන්නෙ එක අතකින්
බැලුව ම දෙවියන් වහන්සේට සාපේක්ෂ කියන එකයි. දෙවියන් වහන්සේට සාපේක්ෂ කියන එක
තමයි බටහිර ක්රිස්තියානි නූතනත්වයෙ ඊනියා වාස්තවික වුණෙ.
