ජගත් ජයසූරිය සිද්ධිය

ජගත් ජයසූරිය සිද්ධිය

බ්‍රසීලයේ තානාපති ව සිටි ජෙනරල් ජගත් ජයසූරියට විරුද්ධව එරට හා කොලොම්බියාවේ නඩු පවරලා. තවත් දකුණු ඇමෙරිකානු රටවල නඩු පැවරීමට යනවා. ඒ දෙමළ කොටි ත්‍රස්තවාදීන්ට එරෙහිව කළ මෙහෙයුම්වල අවසාන කාලයේ දී ඊනියා මානව අයිතිවාසිකම් කැඩීමට විරුද්ධව. නඩු පැවරීමට දකුණු ඇමරිකානු රටවල් කිහිපයක් ම එකතු ව ඇතැයි වාර්තා වෙනවා. නඩු පිටුපස ඊනියා ජාත්‍යන්තර සත්‍ය හා යුක්ති ව්‍යාපෘතියේ විධායක අධ්‍යක්‍ෂ යැස්මින් සූකා ක්‍රියාත්මක වෙනවා. ඇය එක්සත් ජාතීන්ගේ සංවිධානයේ හිටපු නිලධරිනියක්. ඇගේ සිංහල බෞද්ධ විරෝධී දෙමළ ජාතිවාදී අදහස් ප්‍රසිද්ධයි.

නීල මහා යෝධයා හෙවත් ධර්මසිරි වීරසිංහ

නීල මහා යෝධයා හෙවත් ධර්මසිරි වීරසිංහ

ලංකාවෙබ් අඩවියේ නීල මහා යෝධයා හෙවත් ධර්මසිරි වීරසිංහ තමා බෞද්ධයකු බව කියනවා. ඔහු බෞද්ධයකු යැයි කියා ගත්තත් ඔහුට කිසිම වැටහීමක් නැති බවත් ඇත්තේ වෛරයක් පමණක් බවත් පහත සඳහන් උපුටා ගැනීම්වලින් මනාව පැහැදිලි වෙනවා. ඔහු ඉදිරිපත් කරන ආගම, සංස්කෘතිය, ඥානය, විඥානය, දැනුම ආදිය පිළිබඳ ව පිළිතුරු දීමට පෙර ඔහුගේ බෞද්ධකම හා තර්කඥානය (දැනුම නොව) මනාව පිළිබිඹු කරන කියුම් ගැන අවධානය යොමු කළ යුතු යැයි සිතනවා.

ක්‍රිකට් හා ජත්‍යන්තර මට්ටම්

ක්‍රිකට් හා ජත්‍යන්තර මට්ටම්

ජාත්‍යන්තර මට්ටමට යෑම ගැන අප නිතර කතා කරනවා. ජාත්‍යන්තර මට්ටමට ප්‍රවෘත්ති කියන්නත් අප කටයුතු කරලා. බටහිර රටවල අර ආයතනයේ මේ ආයතනයේ වැඩ කරන විද්වතුන් ගැන අප උදම් අනනවා. ඒ විද්වතුන් ලංකාවට නිවාඩුවකට ආවම ජනමාධ්‍යයේ ලොකු ප්‍රචාරයක් ලබා දෙනවා. ඒ අය අපට තම නිහතමානී බව ආඩම්බරයෙන් පෙන්නලා යනවා. අපට මොන තරම් සතුටක් ද? බටහිර විද්‍යාවේ ඉහළට ගිය අය ගැන ජනමාධ්‍යවල වාර්තා වෙනවා. ඒත් මේ එක් අයකුටවත් තවම නොබෙල් තෑග්ගවත් බටහිර ගණිතයෙ වයස අවුරුදු හතළිහට අඩු අයට  ලැබෙන ඉහළ ම සම්මානය වූ ෆීල්ඩ්ස් පදක්කමවත් දිනා ගැනීමට බැරි වෙලා. ඔවුන්ට අඩුම තරමෙන් ලන්ඩන් රාජකීය සංගමයේ අධිසාමාජිකත්වයක්වත් ලබා ගැනීම අපහසු කටයුත්තක් වෙලා. එහි අධිසාමාජිකත්වයක් ලබා ගෙන ඇත්තේ එකම එක සිංහලයකු පමණයි. එයත් සංකල්පයක් ප්‍රවාදයක් ඉදිරිපත් කිරීම සම්බන්ධයෙන් නො වෙයි. වයිරසයක් හඳුනාගැනීම සම්බන්ධයෙන්. සිනමාවේ නොයෙකුත් ජාත්‍යන්තර තෑගි දිනාගන්නන් ගැන ජනමාධ්‍යයේ කියැවෙනවා. ඒ බොහෝ විට සිංහලයන්ට, රණවිරුවන්ට විරුද්ධව චිත්‍රපටි නිපදවන්නන්ට. මේ කිසිවකුට ඔස්කාර් සම්මානයක් දිනා ගැනීමට බැරි වෙලා.

බොරු ප්‍රතික්‍ෂෙප කිරීම

බොරු ප්‍රතික්‍ෂෙප කිරීම

බටහිර විද්‍යාව පට්ටපල් බොරුවක් ය කියන එක බොහෝ දෙනා තේරුම් ගන්නේ නැහැ. ඇතැමුන් හිතන්නේ මා බටහිර විද්‍යාව ප්‍රතික්‍ෂෙප කරන බවයි. තවත් පඬියන් කියන්නේ බටහිර විද්‍යාව පට්ටපල් බොරු ය කිය කියා ඉන්නේ නැතිව අපේ විද්‍යාවක් ගොඩනැගිය යුතු බව. දරුවන්ට යමක් ලියන්නේ නැත්තේ මොකද කියලාත් අහන පඬියන් ඉන්නවා. ඕල්කට්තුමා කෙළේ බටහිර බුද්ධාගමක් ගොඩනැගීම. එතුමාට වෙන දෙයක් කිරීමේ හැකියාවක් හෝ අවශ්‍යතාවක් හෝ තිබුණේ නැහැ. එතුමාට පරම විඥානවාදී අදහස් තිබුණා. එතුමා බ්ලැවට්ස්කි මැතිණිය සමග සහයෝගයෙන් කටයුතු කළා. ඕල්කට්තුමා ලංකාවේ පිහිටෙව්වෙ ඇමරිකාවෙ පරම විඥානාර්ථවාදී සංගමයේ ශාඛාවක්. ථෙරවාදී රටේ ඇමෙරිකන් සංගමයක ශාඛාවක් පිහිටුවීමෙන් ම එතුමාගේ ආකල්ප තේරුම් ගන්න පුළුවන්.

දෙමළ ජාතිවාදයේ ඉතිහාසය උගනිමු

දෙමළ ජාතිවාදයේ ඉතිහාසය උගනිමු

අද රටේ ප්‍රධාන ම ප්‍රශ්නය දෙමළ ජාතිවාදයයි. නව ව්‍යවස්ථාවක් ගෙන එන්නේත් දෙමළ ජාතිවාදය වෙනුවෙන්. ව්‍යවස්ථාව පරාජය කිරීමෙහිලා අප දෙමළ ජාතිවාදය යනු කුමක් ද යන්න නිවැරදිව හා නිරවුල් ව දැන ගැනීම ප්‍රයෝජනවත්. එහෙත් මේ සම්බන්ධයෙන් ජාතිකවාදීන් අතර පොදු මතයක් නැහැ. සෑම දෙනාම හිතන්නේ තමන් දෙමළ ජාතිවාදය යනු කුමක් ද එහි ඉතිහාසය කුමක් ද ආදිය තමන් දන්නා බවයි. ඒ ගැන කෙටියෙන් නමුත් කතා කරනවාට බොහෝ දෙනා විරුද්ධයි. පසුගිය දා පැවති ජාතිකවාදීන්ගේ රැස්වීමක දී ද ඒ බව පැහැදිලි වුනා. එක් කථිකයකු නැගිට ප්‍රකාශ කෙළේ සියලු දෙනා ම ප්‍රශ්නය දන්නා බැවින් ඒ ගැන කතා කිරීම අනවශ්‍ය බව. එහෙත් සියලු දෙනා දන්නේ එකම කතාවක් නො වෙයි.

විජේදාසගෙන් පාඩමක්

විජේදාසගෙන් පාඩමක්

විජේදාස රාජපක්‍ෂට කුමක් වේ ද යන්න ජනමාධ්‍යවේදීන්ට නම් හොඳ කතාවක්. ඒකාබද්ධ විපක්‍ෂෙට යයි ද ස්වාධීන ව කටයුතු කරයි ද 2020 පොදු අපේක්‍ෂයා වෙයි ද ආදිය ඊනියා දේශපාලන විචාරකයන්ටත් තම පඬි බව ප්‍රකාශ කිරීමට හොඳ මාතෘකා. එහෙත් විජේදාසට විශේෂ අනාගතයක් නැහැ. මෛත්‍රිපාලට ඔහු ආරක්‍ෂා කර ගැනීමට බැරි වුණා. විජේදාස බැඳුම්කර කොමිසමේ කටයුතුවලට මැදිහත් නොවුණේ මෛත්‍රිපාලගේ අනුග්‍රහයෙන්. ඔහුට ඇමතිකම් අහෝසි වුණේ බැඳුම්කරයට රනිල් මලික් අර්ජුන් මහේන්ද්‍රන් බේරා ගැනීමට ඔහු කටයුතු නොකළ නිසා  මිස ඇතැම් දේශපාලන විචාරකයන් කියන පරිදි අමාත්‍ය මණ්ඩල සාමූහික වගකීම කඩ කිරීම නිසා නො වෙයි. සාමූහික වගකීම කඩ කළ ඇමතිවරුන් තවත් අමාත්‍ය මණ්ඩලයේ ඉන්නවා. ඔවුන් ආණ්ඩුවත් සමග ඡන්දය දෙනවා. ඔවුන්ට කිසිම ප්‍රශ්නයක් නැහැ. ඔවුන් රජයේ සේවකයන්ගේ මැතිවරණ අයිතිවාසිකම් අහෝසි කරනවා. එවැනි ක්‍රියාවල දී ජ වි පෙරමුණෙත් සහාය ආණ්ඩුවට ලැබෙනවා. ජ වි පෙ  තනතුරු අහෝසි වන්නේ නැහැ. පාර්ලිමේන්තුවෙන් පිට මැතිවරණ කොමිසමේ සභාපති සුපුරුදු බයිලා කියනවා.

නීල මහා යෝධයාගේ දිර්ඝ ලිපියක්

නීල මහා යෝධයාගේ දිර්ඝ ලිපියක්

නීල මහා යෝධයා දිර්ඝ ලිපියක් තම වෙබ් අඩවියෙහි ආරුඪ නාමයෙන් (ඔහුට අනුව අන්වර්ථ නාමයෙන්) පළ කර එයට ධර්මසිරි වීරසිංහ තම සැබෑ නමින් ප්‍රතිචාර දක්වනවා. ධර්මසිරි වීරසිංහ නීල මහා යෝධයාට මෙහි ස්තුති කරනවා. පළමු  නීල මහා යෝධයා ධර්මසිරි වීරසිංහට ස්තුති කළා. මෙය තමන් තමන්ට ම ස්තුති කිරීම සඳහා ගත් හොඳ ක්‍රමයක්.

මේ දිර්ඝ ලිපිය මා කාලය වෙබ් අඩවියෙහි පළ කරන්නේ ඔහුට පිළිතුරු දීමට පෙර ඔහු කියන්නේ කුමක් දැයි ඔබ දැනගත යුතු නිසා. එහෙත් ඔහු මගේ කිසිම ලිපියක් දැන් තම වෙබ් අඩවියෙහි පළ කරන්නේ නැහැ. ඔහු තනිවම තම ඊනියා පිළිතුරු ලිපි පළ කර ගන්නවා.  මේ ලිපිය සම්පූර්ණයෙන් කියවීම ඔබට වෙහෙස කර විය හැකි නමුත් මා ඇතැම් කොටස් පමණක් පළ කිරීම නුසුදුසු යැයි මා සිතනවා.