නව ව්‍යවස්ථාවක් එපා, දහතුනත් එපා

නව ව්‍යවස්ථාවක් එපා, දහතුනත් එපා

දහතුනෙන් එහාට යෑමට දෙන්නේ නැහැ කියන එක අද ඇතැමුන්ගේ සටන් පාඨයක් වෙලා. නව ව්‍යවස්ථාවක් එපා යනුවෙන් මහානායක ස්වාමීන් වහන්සේ ප්‍රකාශ කර ඇත්තේ උන්වහන්සේ දහතුන්වැනි ව්‍යවස්ථා සංශෝධනය අනුමත කරන නිසා නො වෙයි. සිංහල බෞද්ධයන්ගෙන් අති විශාල පිරිසක් දහතුන අනුමත කරන්නේ නැහැ. ඉන්දු ලංකා ගිවිසුමට විරුද්ධ වූ බොහෝ දෙනා ද දහතුන ප්‍රතික්‍ෂෙප කරනවා. අද දහතුනට පක්‍ෂව කතාකරන්නන් සමහර දෙනකු තමන් ජාතික ව්‍යාපාරයෙහි ද ඉන්න බව පෙන්වීමට උත්සාහ දරනවා. දහතුනට පක්‍ෂ අය එදා ඉන්දු ලංකා ගිවිසුමටත් පක්‍ෂ වුණා. වර්ධරාජ පෙරුමාල්ගේ ආණ්ඩුවේ ඇමතිකම් දරා හෝ නොදරා හෝ රනිල් නිසා යහපාලනයේ තැනක් ගැනීමට බැරුව ජාතික ව්‍යාපරයෙහි පතාක යෝධයන් බවට පත් වී ඇති පිරිස් ද දහතුන වෙනුවෙන් කතා කරන බව පේනවා.  ජාතික ව්‍යාපාරයෙහි ඇතැමුනට මොවුන් පෙනෙන්නේ යෝධයන් ලෙසයි. තමන් අඟුටුමිට්ටන් වූ පමණින් ජාති ද්‍රෝහීන් ජාතික ව්‍යාපාරයෙහි යෝධයන් බවට පත් කිරීම හෙළා දැකිය යුතු වෙනවා. 

දහම ආගම හා සංස්කෘතිය 3

දහම ආගම හා සංස්කෘතිය 3

අප නිවන් අවබෝධ කර ගැනීමට උත්සාහ කරන්නේ ඇයි? නිවන යනු තවත් අදහසක් පමණ ද? එය ඊනියා වාස්තවික යථාර්ථය වැන්නක් ද? වාස්තවික යථාර්ථය යනු පවත්නා දෙයක් යැයි බොහෝ අය කියනවා. ඒ පවත්නා දෙය තේරුම් ගැනීමට දැනුම අවශ්‍ය බව කියනවා. ඒ වාක්‍යය එතරම් නිරවුල් නැහැ. දැනුම යනු කුමක් ද? ඊනියා දැනුම ඊනියා මිථ්‍යාවෙන් වෙනස් වන්නේ කෙසේ ද? ඊනියා වාස්තවික යථාර්ථයක් ඇත්නම් දැනුම යනු අන් කිසිවක් නොව ඒ වාස්තවික යථාර්ථය දැන ගැනීමයි. බටහිරයන්ට අනුව බටහිර විද්‍යාව මේ යථාර්ථය දැන ගැනීමට ඇති මගයි. බටහිර විද්‍යාව යථාර්ථය නොවූවත් යථාර්ථයට ළඟා වෙමින් පවතින්නේ යැයි ඔවුන්ගෙන් සමහරකු කියනවා.

මේ සරත් හා ඒ සරත්

මේ දිවයින ඉරිදා සංග්‍රහයෙහි 2009 දෙසැම්බර් මස මුල සතියෙහි පළ වූ ලිපියක්. එය මට ලබා දුන් අයට පින්. මේ ලිපිය ගැන අද පළ වූ   මේ සරත් රාජ්‍යාරක්‍ෂාවට තර්ජනයක් නම් ලිපියෙහි සඳහන් වෙනවා. 

මේ සරත් හා ඒ සරත්

                                                                                                     

ඒ සමත් සරත් ය. මේ අසමත් සරත් ය. ඒ වෘත්තීය සෙබළ සරත් ය. මේ අපරිණත දේශපාලනඥ සරත් ය. ඒ අතිශූර සෙන්පති සරත් ය. මේ වැඩබැරි දේශපාලනඥ සරත් ය. ඒ නොනැමුණු කොන්දක්‌ ඇති සරත් ය. මේ එජාපට දණ නැමූ සරත් ය. ඒ තම හෘදය සාක්‍ෂියට එකඟ ව ක්‍රියා කළ සරත් ය. මේ හෘදය සාක්‍ෂියක්‌ නැති සරත් ය. ඒ රට වෙනුවෙන් අණ දුන් සරත් ය. මේ රනිල්ගේ අණට කඩේ යන සරත් ය. ඒ ඉතිහාසයේ නමක්‌ තැබූ සරත් ය. මේ ඉතිහාසයේ කුණු කූඩයට යන සරත් ය. ඒ දෙමළ ත්‍රස්‌තවාදයට හා ජාතිවාදයට අභියෝග කළ සරත් ය. මේ දෙමළ ජාතිවාදයට යට වූ සරත් ය. ඒ මහින්ද රාජපක්‍ෂ මහතා යටතේ කොටි පරාජය කිරීමට සටන් මෙහෙය වූ සරත් ය. මේ රනිල් වික්‍රමසිංහ යටතේ දෙමළ ජාතිවාදයට රට විකිණීමට යන සරත් ය. ඒ දේශප්‍රේමී සරත් ය. මේ දේශෙද්‍රdaහී නඩයකට එකතු වූ සරත් ය.

මේ සරත් රාජ්‍යාරක්‍ෂාවට තර්ජනයක්

මේ සරත් රාජ්‍යාරක්‍ෂාවට තර්ජනයක්

සරත් ෆොන්සේකා ගැන මා බොහෝ දේ කියා තිබෙනවා. 2010 ජනාධිපතිවරණ සමයේ දී ඔහු සිරභාරයට ගත යුතු යැයි මා යෝජනා කළා. පළමුවෙන් ම එසේ කෙළේ කුරුණෑගල දී මහින්දට පක්‍ෂව පැවැත් වූ රැස්වීමක දී. ඒ ජනාධිපතිවරණයේ දී ම එක් රුපවාහිනී සාකච්ඡාවක දී මා කියා සිටියා සරත් ෆොන්සේකාට එරෙහි ව එක්සත් රාජ්‍යයෙහි ප්‍රාන්තයක යුද අපරාධ පිළිබඳ නඩුවක් පවරා තිබූ බවත් එය ඒ වන විට අස්කර ගෙන ඇති බවත්. නඩුව අස්කර ගැනීම හා ඊනියා පොදු අපේක්‍ෂකයා වීම අතර සම්බන්ධයක් නැතැයි නොසිතිය යුතු බවත් මා ඒ සාකච්ඡාවේ දී පවසා සිටියා. 

ව්‍යවස්ථා විරෝධී ව්‍යාපාරය

ව්‍යවස්ථා විරෝධී ව්‍යාපාරය

නව ව්‍යවස්ථාවට විරුද්ධත්වය පෑම යනු කුමක් ද? නව ව්‍යවස්ථාවක් සම්පාදනය කිරීම පරාජය කිරීම එහි එක් අංගයක් පමණකි. එහෙත් එය පමණක් ප්‍රමාණවත් නො වේ. දැනට අප ජීවත් වන්නේ සන්ධීය හෙවත් ෆෙඩරල් රාජ්‍යයක බව පැහැදිලියි.  දහතුන් වැනි ව්‍යවස්ථා සංශෝධනයෙන් කෙරුණේ සන්ධීය රාජ්‍යයක් ඇති කිරීමයි. ඒ පිළිබඳ ව ශ්‍රෙෂ්ඨාධිකරණයෙහි විනිසුරුවන් හතර දෙනකු එක හෙළා ප්‍රකාශ කෙළේ එකී සංශෝධනයෙන් සන්ධීය රාජ්‍යයක් බිහිවන බවයි. විනිසුරුවන් හතර දෙනකු තීරණය කෙළේ එයින් සන්ධීය රාජ්‍යයක් බිහි නොවන බවයි. එක් විනිසුරුවකු පාරින්ද රණසිංහ ප්‍රකාශ කෙළේ 154 G(2) (b), 154 G(3) (b) ව්‍යවස්ථා ආණ්ඩුක්‍රම   ව්‍යවස්ථාවට පටහැණි බවයි. ඉන් ජනතා පරමාධිපත්‍යය දිය වී යන බවයි.

විස්සට මුහුණ දීම

විස්සට මුහුණ දීම

ඊයේ පළ වූ ලිපිය මා සිතූ පරිදි ම වැඩි දෙනකුගේ අවධානයට යොමු වී නැහැ. සමහර විට එය ඊනියා නැගලා යන මාතෘකාවක් නොවන්න පුළුවන්. ඒ වුනත් මා පොරොන්දු වූ පරිදි එහි ඉතිරි කොටස මෙහි පළ කරනවා. මේ කතාවත් බොහෝ දෙනාට ප්‍රියජනක නොවිය හැකියි. විශේෂයෙන් ම සෙංකෝලය උස්සන් දුවන දේශපාලනඥයන්ට හා ඒ අය අගය කරන්නන්ට මෙහි දැක්වෙන අදහස් කාලීන නොවන්න පුළුවන්. විස්ස මගින් ආණ්ඩුව පෙරලන්නට උත්සාහ කරන අයට ද මේ ප්‍රතිගාමී අදහස් විය හැකියි.

විසි පැන හෙවත් විස්සේ ප්‍රශ්නය

විසි පැන හෙවත් විස්සේ ප්‍රශ්නය

විසිවැනි සංශෝධනය පළාත් සභා දෙකක දී සම්මත වුණේ නැහැ. අදාළ සංශෝධනය ඒ පළාත් සභා දෙකට ආපසු යැවීමට ආණ්ඩුව තීරණය කරලා. විසිවැනි සංශෝධනයෙන් පළාත් සභා මැතිවරණ කල් දැමීමට කටයුතු කෙරෙනවා. එය ඊනියා ප්‍රජාතන්ත්‍රවාදයට විරුද්ධයි.  එහෙත් මෙහි එයට වඩා ප්‍රශ්නයක් තියෙනවා. දහතුන්වැනි ව්‍යවස්ථා සංශෝධනයට අනුව පළාත් සභාවලට ව්‍යවස්ථා සම්පාදනයේ දී මැදිහත් වෙන්න පුළුවන්. වත්මන් ව්‍යවස්ථාව ඒකීය නොවේ යැයි අප කියන්නේ එබැවිනුයි. අද විස්ස ගැන මතු වී ඇත්තේ මේ ඒකීය නොවන බව. පළාත් සභා එකක් හරි විස්සට විරුද්ධ වුවොත් පාර්ලිමේන්තුවට තුනෙන් දෙකකින් මිස එය සම්මත කරගන්න බැහැ. විස්ස ආපසු පළාත් සභා දෙකකට යවන්නේ එබැවිනුයි.