ආණ්ඩුව පරාජය කිරීමට මග

ආණ්ඩුව පරාජය කිරීමට මග

දිනේෂ් ගුණවර්ධන මල්වතු මහානාහිමි බැහැ දැකීමට ගිය අවස්ථාවේ උන්වහන්සේ ප්‍රකාශ කෙළේ මෙහෙයුම් කමිටුවේ අතුරු වාර්තාව පිළියෙළ කිරීමේ දී එතුමන් ද සහභාගි වූ බවයි. පසුව කිරිඇල්ල ද පවසා ඇත්තේ අතුරු වාර්තාව ඉදිරිපත් කර ඇත්තේ සියලු පක්‍ෂවල එකඟතාව මත බවයි. මෙය දිනේෂ් ගුණවර්ධනගේ ප්‍රශ්නයක් නොව ඒකාබද්ධ විපක්‍ෂයේ ප්‍රශ්නයක්. ඒකාබද්ධ විපක්‍ෂය ඊනියා ව්‍යවස්ථා මණ්ඩලයේ සිටිනතාක් මේ කතා අහන්න සිද්ධ වෙනවා.

නව ව්‍යවස්ථාව මුළුමනින් ප්‍රතික්‍ෂෙප කරමු

නව ව්‍යවස්ථාව මුළුමනින් ප්‍රතික්‍ෂෙප කරමු

නව ව්‍යවස්ථාව සම්බන්ධයෙන් අපට විසඳා ගත යුතු ප්‍රශ්න කිහිපයක් තියෙනවා. මල්වතු මහානායක හාමුදුරුවන් මේ ප්‍රශ්නවලට කුමන පිළිතුරු දේවි දැයි හිතා ගන්න පුළුවන්. උන්වහන්සේ දැන් ඉන්නේ වික්‍රමබාහුලා දරණ මතයේමයි. අපට එය ප්‍රශ්නයක් නො වෙයි. අපට වික්‍රමබාහුලා වියන්ගොඩලා ජනරංජලා පන්සල් ගියත් එකයි, නැතත් එකයි. ඔවුන්ට මේ රටේ ඡන්ද දහදාහක් ගන්න බැහැ. ජනමාධ්‍ය නොවන්නට ඔවුන් ජීවත්වන බවවත් ඔවුන්ගේ නෑ හිතමිතුරන් හැරෙන්න වෙන කවුරුන්වත් දන්නේ නැහැ. ජනමාධ්‍ය අපට ඉඩක් නොදුන්නත් වික්‍රමබාහුලාට වියන්ගොඩලාට කාලය (විද්‍යුත් මාධ්‍ය) හා අවකාශය (මුද්‍රිත මාධ්‍ය) ලබා දෙනවා. මේ ආණ්ඩුව පිහිටුවීමට ජීවිත පරිත්‍යාගෙන් වැඩ කළාය කියන ජනරංජන තවමත් ජීවත් වෙනවා! 

දයාන්ගේ මැද තැන

දයාන්ගේ මැද තැන

දයාන් ජයතිලක තමා දේශපාලන විද්‍යාඥයකු ලෙස හඳුන්වා ගන්නවා. ඩලස් අලහප්පෙරුම දයාන්ගේ දේශපාලන විචාර ඉතා ඉහළින් පිළිගන්නවා. පසුගිය දා ඒකාබද්ධ විපක්‍ෂයේ මන්ත්‍රීවරුන්ගේ යම් රැස්වීමක දේශනයක් සඳහා දයාන්ට ආරාධනය කර තිබෙනවා. ඔහුට එසේ ආරාධනය කෙළේ කවුද යන්නවත් කුමකට ද යන්නවත් මා දන්නේ නැහැ. වර්ධරාජ  පෙරුමාල් ප්‍රේමදාස ආදීන් සමග වූ කීර්තිමත් ඉතිහාසයක් ඔහුට තිබෙනවා. එකල ප්‍රේමදාස හිතවාදියකු වූ මහින්දපාලගේ කතෘත්වයෙන් පළ වූ ඔබ්සර්වර් පත්‍රයෙහි ඔහු අනුරුද්ධ තිලකසිරි නමින් ජාතික චින්තනයට විරුද්ධව ලිපි පෙළක් පළ කළා. ඒ ලිපි සිංහලට පරිවර්තනය කෙරී සිළුමිණ පත්‍රයෙහි පළවූවා.

ගුරුත්වාකර්ෂණ බලය

ගුරුත්වාකර්ෂණ බලය

සමහරු හිතන්නෙ ගුරුත්වාකර්ෂණය කියල දෙයක් තියෙනවා කියලා. එය ඇත්තක් කියලත් කියනවා. ඇත්ත සත්‍යය ආදිය සත්බව නැත්නම් ඇති බව සමග බැඳිලා. අප ඇත්ත කියලා කියන දෙය තියෙන්න ඕන. ඒත් මේ තියෙනවා කියලා කියන්නෙ මොකක් ද? තියෙන දේ තියෙන බව අප දැනගන්න ඕන. එහෙම දැනගන්නෙ කොහොම ද? මේ ප්‍රශ්නයට දෙන පිළිතුර මොකක් ද? ගුරුත්වාකර්ෂණය තියෙනව ද?

බෞද්ධයනට උපදෙස්

බෞද්ධයනට උපදෙස්

නව ව්‍යවස්ථාවක් ඕන කරන්නේ බටහිරයන්ට ඉන්දියානුවන්ට ඔවුන්ගේ ඔත්තු සේවාවන්ට ඔවුන්ගෙන් යැපෙන දෙමළ ජාතිවාදීන්ට හා පඬියන්ට බව අප ඊයේත් සඳහන් කළා. මේ ව්‍යවස්ථාව හදිසියේ ගෙන එන්නක් නො වෙයි. බටහිරයන් හා ඉන්දියාව මේ ආණ්ඩුව පත් කර  ගත්තේ ම ව්‍යවස්ථාව සම්පාදනය කිරීමට. නව ව්‍යවස්ථාව දහතුන රැකීමට හා දහතුන තවත් ඉදිරියට ගෙන යෑමට. ඒකාබද්ධ විපක්‍ෂයට උපදෙස් දෙන ඇතැම් පඬියන් කියනවා තමන් දහතුනෙන් එහාට දශමයක්වත් යෑමට ඉඩ නො දෙන බව. එය හුදු වාගාඩම්බරයක් පමණයි. අප රැවටීමක් පමණයි. ආණ්ඩුවත් කියන්න ඉඩ තියෙනවා තමන් දහතුන නියමාකාරයෙන් ක්‍රියාත්මක කිරීම හැර වෙනත් දෙයක් කරන්නෙ නැහැ කියලා.

මේ කාට ඕන නව ව්‍යවස්ථාවක් ද?

මේ කාට ඕන නව ව්‍යවස්ථාවක් ද?

මේ අවස්ථාවේ නව ව්‍යවස්ථාවක් සම්පාදනය කිරීමට ඇති අවශ්‍යතාව කුමක් ද? ව්‍යවස්ථාවක් සම්පාදනය කිරීමට පෙර ඇසිය යුතු පළමු ප්‍රශ්නය එයයි. පසුගිය ජනාධිපතිවරණයට ඉදිරිපත් වූ ප්‍රධාන අපේක්‍ෂකයන්ගෙන් එක් අයකු වූ මහින්ද රාජපක්‍ෂට ව්‍යවස්ථාවක් සම්පාදනය කිරීමේ අවශ්‍යතාවක තිබුණේ නැහැ. අනෙක් අපේක්‍ෂකයා වූ මෛත්‍රිපාල ජනමත විචාරණයකට තුඩු නොදෙන ආකාරයකට ව්‍යවස්ථාව සංශෝධනය කිරීමට පොරොන්දු වුණා. එයින් කියැවෙන්නේ ජනාධිපතිවරණයේ  දී නව ව්‍යවස්ථාවක් සම්පාදනය කිරීමට මෙරට ජනතාව වරමක් දී නොමැති බවයි.

විද්‍යා ඝාතනය

විද්‍යා ඝාතනය

මේ සිවලෝගනාදන් විද්‍යා ඝාතනය මිස බටහිර විද්‍යා ඝාතනය නො වේ. බටහිර විද්‍යාවට පැවැත්මක් ඇත්තේ බටහිර තාක්‍ෂණය නිසා. බටහිර විද්‍යාවේ ඇත්තේ වියුක්ත හිතළු පමණයි. ඒ හිතළු ඇතැම් විට හරි යනවා. එහි ඊනියා සත්‍යයක් හෝ සත්‍යය කරා ළඟා වීමක් නැහැ. බටහිර විද්‍යාව සත්‍යය යැයි කිව හැක්කේ සත්‍යය යනු කුමක් දැයි දන්නේ නම් පමණයි. සත්‍යය යනු කුමක් දැයි නොදැන බටහිර විද්‍යාව සත්‍යය යැයි හෝ සත්‍යයට ළඟා වන්නේ යැයි හෝ කියන්නේ කෙසේ ද? මෙය සයන්ස් යන්න විද්‍යාව ලෙස පරිවර්තනය වීම නිසා සිදු වී ඇත්තක් නො වේ. ලොවේ අන් රටවල, විශේෂයෙන් ම බටහිර රටවල, සයන්ස් සත්‍යය හෝ සත්‍යයට ළඟා වන්නක් ලෙස සැලකෙනවා. පඬියන් වීමට උත්සාහ කරන ඇතැමුන් මේ බවක් දන්නේ නැහැ.  බටහිර විද්‍යාව පවත්වාගෙන යනු ලබන්නේ පට්ටපල් බොරුවලින්. එහි ඝාතනය කිරීමට දෙයක් නැහැ.