වෛරසය ගැන තවත් කතාවක්

   සිංහල ලිත් ඉලක්කම්

වෛරසය ගැන තවත් කතාවක් 

අවුරුදු පන්සීයකට පමණ පසුව බටහිර ලෝකය කඩා වැටීමට පටන් අරන්. එය ඊනියා ධනවාදයේ කඩා වැටීමක් නො වෙයි. සමාජවාදය ඇති වීමක් ගැන මාක්ස්වාදීන් පශ්චාත් මාක්ස්වාදීන් ආදී කිසිවකු කියන්නේ නැහැ. බටහිර ලෝකයේ කඩා වැටීමට පිළිතුරක් දිය හැක්කේ ථෙරවාදයටයි. මා බටහිර ලෝකය කඩා වැටෙන බවත් ථෙරවාදී සංස්කෘතියකට එයට පිළිතුරක් බවත් කියන්නේ දශක කිහිපයක සිට. එහෙත් එය මෙතරම් ඉක්මනට සිදු වේවි කියා මා හිතුවේ නැහැ. 

ගිවිසුම් ලකුණු හා පක්‍ෂ දේශපාලනය

           සිංහල ලිත් ඉලක්කම්

ගිවිසුම් ලකුණු හා පක්‍ෂ දේශපාලනය

ජනාධිපතිවරණයට පොදු ජන පෙරමුණ, ශ්‍රී ල නි පක්‍ෂය හා තවත් පක්‍ෂ හා සංවිධාන පහළොවක් එකතු වී ගිවිසුමක් අත්සන් කළා. ඒ වගේ ම ශ්‍රී ල නි පක්‍ෂය තවත් ද්විපාක්‍ෂික ගිවිසුම් අත්සන් කළා. මේ ගිවිසුම් අත්සන් කෙරුණේ ගෝඨාභය රාජපක්‍ෂ ජාතියේ අපේක්‍ෂකයාගේ ප්‍රධානත්වයෙන්. ඒ ගිවිසුම් එදින ප්‍රසිද්ධ කෙරුණේ නැහැ. බොහෝ දෙනා දන්නේ ඉතා ටික දෙනකු ඒ ගිවිසුම්වල තියෙනවයි කියන කරුණු පමණයි. මා හිතන්නේ මේ ගිවිසුම් සියල්ල ප්‍රසිද්ධ කළ යුතු බවයි. ඊයේ ගිවිසුම් දෙකක් ප්‍රසිද්ධ කරලා. එකක් ශ්‍රී ල නි ප හා පොදුජන පෙරමුණ අතර ගිවිසුම. අනෙක ශ්‍රී ල නි ප ජාතික අපේක්‍ෂක ගෝඨාභය රාජපක්‍ෂ සමග ඇති කර ගත් ගිවිසුම. ගිවිසුම් ජනාධිපතිවරණයට පෙර අත්සන් කළත් ඒ වඩා බලපාන්නේ මහා මැතිවරණයට කියා මා හිතනවා. අනෙක් ගිවිසුම් ද ප්‍රසිද්ධ කරන්න ඕන. 

වැඩ ඇල්ලීම

වැඩ ඇල්ලීම

මේ දිනවල දේශපාලනයේ ඇත්තේ නොනගතයක්. එය සිංහල පැය තිස්දෙකක් නැත්නම් ඉංගිරිසි පැය (හෝරා) දොළහයි විනාඩි හතළිස්අටක් වෙන අවුරුදු නොනගතයට වඩා බෙහෙවින් වැඩියි. සමහරවිට සතියක් විතර යන්න පුළුවන්.  මෛත්‍රිපාල මොකක් ද ප්‍රකාශයක් කරන්න සූදානම්ලු. එක එක අය තමන් දකින ආකාරයට ඒ ප්‍රකාශය දැනටමත් දැකල. සජිත් අගමැති කරන්න යනව කියල කියනව. සජිත් අගමැති කරයි ද නැද්ද කියල නම් මා දන්නෙ නැහැ. හැබැයි සජිත් අගමැති කළොත් ඔහු 113 ලබා ගනීවි. 

ඊනියා ප්‍රජාතන්ත්‍රවාදයට හුළං

ඊනියා ප්‍රජාතන්ත්‍රවාදයට හුළං

ජ වි පෙ ප්‍රජාතන්ත්‍රවාදය වෙනුවෙන් පෙනී සිටින ප්‍රධාන ම පක්‍ෂය බවට පත්වෙලා. මොන තරම් දෙයක් ද? විධායක ජනාධිපති ක්‍රමය තරම් ප්‍රජාතන්ත්‍ර විරෝධී දෙයක් මෙරට ඇති වී නැත වගේ හැඟීමක් ජ වි පෙ නායක සහෝදරවරු කතා කරන කොට හිතෙනව. ජ වි පෙ විධායක ජනාධිපති ක්‍රමය අහෝසි කිරීමට දිවි හිමියෙන් කැප වී වැඩ කරනවා. ඔවුන් විසිවැනි ව්‍යවස්ථා සංශෝධනයක් කියල එකක් ගෙනාවෙ විධායක ජනාධිපති ක්‍රමය වෙනස් කිරීමටයි.

වියත්මගේ වියතේ වැඩ

වියත්මගේ වියතේ වැඩ

වියත්මගේ වාර්ෂික සම්මේලනය ෂ්‍රැංගිලා හෝටලයේ පවත්වලා. එය එකී හෝටලයේ පැවැත්වීමට විශේෂ හේතුවක් තියෙන්න ඇති. එයට 2000කට පමණ පිරිසකට  ආරාධනය කර තිබූ බවක් කියැවෙනවා. ඔවුන් අතර විද්වතුන් වෘත්තීයකයන් සිටි බව ද කියැවෙනවා. මෙයට විශාල මුදලක් යන්න ඇති. නැත්නම් හෝටලයෙන් වට්ටමක් ලැබෙන්න ඇති. ඒ කුමක් ද කියා අපට හරියට ම කියන්න බැහැ. එහෙත් ඒ කුමක් වුවත් අපට ඇත්ත දැනගන්න පුළුවන් කියලා හිතන්නෙ නැහැ.