නැති අවස්ථිති සමුද්දෙශ රාමු (2015 දෙසැම්බර් 30 විදුසර ලිපිය)

නැති අවස්ථිති සමුද්දෙශ රාමු

ඩී එස් සී උපාධිධාරි සේවාර්ජිත (සම්මානිත) මහාචාර්ය අශෝක අමරතුංග මහතාට පඹයන් ඉදිකිරීම සඳහා නැවතත් බෝධි ධනපාල නමැත්තා ඉදිරිපත් වී ඇත. ඔහුට අමරතුංග මහතාට තරමටවත් යමක් තේරුම් ගැනීමේ හැකියාව නැත. ඔහුට ලංකාවට පැමිණ මා සමග ප්‍රසිද්ධ වාදයකට එළඹෙන ලෙස කළ අභියෝගය ඔහු පළමුව පිළිගෙන පසුව මගහැර ගියේ ය. ඒ පිළිබඳ විස්තර මගේ 2015 දෙසැම්බර් 02 වැනි දා ලිපියෙහි සඳහන් වන බැවින් නැවතත් ඒ ගැන නො කියමි. ඒ මහතා මා සමග ප්‍රසිද්ධ විවාදයකට නොඑළඹෙන බැවින් ඒ මහතාගේ ගුරු ආචාර්ය චන්ද්‍රසිරි ධර්මවර්ධන මහතාට ලංකාවට පැමිණ මා සමග ප්‍රසිද්ධ වාදයකට එළඹෙන ලෙස අභියෝග කරමි. ඒ මහතාට ද නොහැකි නම් ලංකාවේ සිටින ෙසෙද්ධාන්තික භෞතික විද්‍යාවෙන් ආචාර්ය උපාධි ලත් කොළඹ විශ්වවිද්‍යාලයෙහි ද සේවය කළ මහාචාර්ය විමලසේන ඈපාසිංහ වැනි ඔහුගේ මිතුරකු වුව ද ඒ අභියෝගය ඔහු වෙනුවෙන් පිළිගන්නේ නම් මම සතුටු වෙමි.

ව්‍යවස්ථා විරෝධී ව්‍යවස්ථාදායක සභාව (2015 දෙසැම්බර් 30 රිවිර ලිපිය)

ව්‍යවස්ථා විරෝධී ව්‍යවස්ථාදායක සභාව 

පාර්ලිමේන්තුව ව්‍යවස්ථාදායක සභාවක් බවට පත්කර නව ව්‍යවස්ථාවක් සම්පාදනය කිරීමට ආණ්ඩුව උත්සාහ ගනිමින් සිටියි. මෙය සම්පූර්ණයෙන් ම පරාජය කළ යුතු ය. අප සෑමවිටමත් කියා ඇත්තේ ඉන්දියාව හා එංගලන්තය අවුල් ආණ්ඩුව පත්කරගත්තේ දෙමළ ජාතිවාදයට අවශ්‍ය දොළපිදේනි දීමට බව ය. එ ජා පක්‍ෂය හා ශී්‍ර ල නි ප වෙන ම සිටින විට එක් පක්‍ෂයක් ආණ්ඩු බලය ගෙන දෙමළ ජාතිවාදයට යමක් දීමට ගිය කළ අනෙක් පක්‍ෂය විරුද්ධ වන බව ඉන්දියාව දැනගෙන බොහෝ කල් ය. 2005 දී පමණ සමස්ත ලංකා කාන්තා බෞද්ධ සම්මේලනයේ පැවති රැස්වීමක දී අපවත් වී වදාළ මාදුළුවාවේ සෝභිත හිමියන් ප්‍රකාශ කර ඇත්තේ පක්‍ෂ දෙක එකතුකර ඊනියා දෙමළ ප්‍රශ්නයට (මේ ප්‍රශ්නය කුමක් දැයි තවමත් කිසිවකු කියා නැත) විසඳුමක් දිය යුතු බව ය. ඊනියා සාධාරණ සමාජයක් සඳහා ව්‍යාපාරය  උන්වහන්සේගේ ප්‍රධානත්වයෙන් පසුව ඇතිවිණි. 

ආණ්ඩුවේ පරාජය (2015 දෙසැම්බර් 27 රිවිර ලිපිය)

ආණ්ඩුවේ පරාජය

2016 වසර සඳහා වූ අයවැය තුනෙන් දෙකක ඡන්දයෙන් සම්මත වූ බව අපට පෙනෙන්නට ඇති කරුණ ය. එහෙත් එසේ සම්මත වූයේ මුදල් ඇමති රවි කරුණානායක ඉදිරිපත් කළ අයවැය නො වේ. ඒ අයවැය යෝජනා දියවන්නාවට විසි කෙරිණි. සම්මත වූයේ ඒකාබද්ධ විපක්‍ෂයේ විරුද්ධත්වය හේතුවෙන් රනිල් වික්‍රමසිංහ විසින් සංශෝධනය කෙරී ඉදිරිපත් කෙරුණු අයවැයකි. මුල් අයවැය මුළුමනින් ම මෙන් සංශෝධනය කිරීමට සිදුවීම රනිල් මෛත්‍රිපාල අවුල් ආණ්ඩුව ලත් පරාජයකි. අවුල් ආණ්ඩුවට මුල් අයවැය අකුළා ගැනීමට සිදුවිය. ආණ්ඩුව අයවැය පරාජය වූ බව පිළිගෙන ඉල්ලා අස්විය යුතුව තිබිණි. ඒකාබද්ධ විපක්‍ෂය ද ආණ්ඩුවට ඉල්ලා අස්වන ලෙස බලකර යුතුව තිබිණි. එහෙත් තවමත් මුූදල් ඇමති සංශෝධිත අයවැය නිසි පරිදි පාර්ලිමේන්තුවට ඉදිරිපත් කර නැත. ඒකාබද්ධ විපක්‍ෂය ඒ ඉදිරිපත් කරවීමට උද්ඝෝෂණය කළ යුතු ය. 

ගුරුත්වාකර්ෂණය පට්ටපල් බොරුවකි (2015 දෙසැම්බර් 23 විදුසර ලිපිය)

ගුරුත්වාකර්ෂණය පට්ටපල් බොරුවකි

ඩී එස් සී උපාධිධාරී සේවාර්ජිත මහාචාර්ය අශෝක අමරතුංග මහතා පසුගිය දෙසැම්බර් 16 වැනි දා ලිපියෙහි තමා කියවා ඇති පොත්පත්වලින් කරුණු උපුටා දක්වයි. ඒ මහතා එසේ කරන්නේ ජීවිතයේ අරුතක් හෝ අරමුණක් හෝ ගැන කීමට ද? මොන්ටිකාලෝ ක්‍රමය ගැන කීමෙන් ජීවිතයේ ඊනියා අරුත ගැන ලබාගත හැකි සාක්‍ෂි කවරේ ද? එය ප්‍රොටින නැමුම පිළිබඳ කතාකිරීමට ද? තම මතය තහවුරු කිරීමට නොහැකි අමරතුංග මහතා පොත්වලින් පරිවර්තනය කරන අදාළ නොවන කරුණු  කියමින් පත්තරයේ පිටු නාස්ති කරයි. ඒ මහතා ජීවිතයේ ඊනියා අරුත ගැන කියන්නේ එකි ලිපියෙහි ද කලින් ලිපි කිහිපයක ද සඳහන් පරිදි පහත දැක්වෙන දෙයයි. මෙය දෙසැම්බර් 16 වැනි දා ලිපියෙන් උපුටා ගත්තකි. 

අයවැය හා වරාය නගරය (2015 දෙසැම්බර් 20 රිවිර ලිපියෙහි මුල් පිටපත)

අයවැය හා වරාය නගරය

මේ ආණ්ඩුව විසිඑක්වැනි සියවසට ඔරොත්තු නොදෙන එකකි. එහි එ ජා ප නායකයෝ තවමත් රාජකීය විද්‍යාලය ආරම්භ කළ 1835 ජීවත් වෙති. මෛත්‍රිපාල සිරිසේන මහතා ජීවත්වන්නේ එයටත් වසර විස්සකට පමණ පෙර සුද්දන්ට ශ්‍රී වික්‍රම රාජසිංහ රජු පාවාදුන් වකවානුවෙහි ය. ඔහුට ඇත්තේ මහින්ද රාජපක්‍ෂ, බැසිල් රාජපක්‍ෂ ආදීන්ගෙන් පළිගැනීමේ චේතනාව පමණකි. ඔහුට අගමැති කම නොලැබුණු බැවින් ඔහු සියළු පාවාදීම් කරයි. ඔහු කිසි විටෙකත් බලය අත්නොහරිනු ඇත. ඔහු විධායක ජනාධිපති ධුරය අහෝසි කරනු ඇත්තේ අදාළ බලතල අගමැතිට පවරා ලබන මැතිවරණයේ දී අගමැති වීමේ බලාපොරොත්තු වෙනි. ඔහු නමින් පමණක් ශ්‍රී ල නි ප වෙයි. ඔහුට ඇති දේශපාලන පක්‍ෂයක් හෝ දර්ශනයක් හෝ නැත.

ප්‍රෝටීන හා ෆෝටෝන (2015 දෙසැම්බර් 16 විදුසර ලිපිය)

ප්‍රෝටීන හා ෆෝටෝන

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා තමා වෙනත් අයකුගෙන් ගත් මත, අදහස් ආදිය විස්තරාත්මක පිටු අංක සහිත ව කීමට මැළිවෙයි. ඔහු පිටු අංක තබා මූලාශ්‍රයවත් පැහැදිලිව නො කියයි. ඔහු දැනට ඉදිරිපත් කරන ඊනියා ජීවිතයේ අරුත ගැන අදහස් මා කලින් ද සඳහන් කර ඇති පරිිදි බටහිර ලෝකයෙහි සාකච්ඡා කෙරී ඇත. විකිපීඩියා කියවීමෙන් වුවත් යමකුට ඒ බව දැනගත හැකි ය. එවැනි අදහසක් ගත් තැන නොව ඉතා සුළු කරුණක් ගත් තැන පවා පාඨකයාගෙන් හැකිතාක් වසං කිරීමට අමරතුංග මහතා උත්සාහ දරයි. 

නුතනත්වය බටහිර විද්‍යාව හා සිංහල වෙදකම (2015 දෙසැම්බර් 13 රිවිර ලිපිය)

නුතනත්වය බටහිර විද්‍යාව හා සිංහල වෙදකම

මේ මාතෘකාව අනුව දීර්ඝ ලිපියක් ලිවිය යුතු නමුත් නැවතත් මගේ අසනීප තත්ත්වය අයහපත් වීම හේතුවෙන් එසේ කිරීමට නොහැකි ය. නුතනත්වය යන්නට විවිධ තේරුම් ඇත. ඒ මුලින් ම භාවිතයට පැමිණිaයේ කලාවෙහි හා සමාජ විද්‍යාවන්හි ය. එයින් මූලික වශයෙන් පහළොස්වැනි සියවසේ මැදභාගයෙන් පසු යුරෝපයේ ඉතිහාසය හැඳින්වෙයි. අද වන විට  ආලෝකනය, බුද්ධිවාදය ආදිය ද බටහිර විද්‍යාව ද ධනපති ක්‍රමය ද නූතනත්වය යටතට ගැනෙයි.  පහළොස්වැනි සියවසෙහි මැද භාගයෙනි ඉතාලියෙහි චින්තන විප්ලවයක් සිදු විය. එහෙත් එහි ප්‍රතිඵලය ලෙස නූතනත්වයක් ගැන කතාකිරීම කලින් තිබූ සමාජ අවතක්සේරු කිරීමකි. ඊනියා නූතනත්වයට පෙර ආසියාවේ අප්‍රිකාවේ,ඇමෙරිකාවේ පමණක් නොව යුරෝපයේ ද තිබුණේ පසුගාමී සමාජ ද? චින්තන විප්ලවයකට ඊනියා නූතනත්වය යැයි කීම ම අනෙක් සමාජ හෙළා දැමීමකි. යුරෝපියයෝ වචන පාවිච්චියෙන් ද ඔවුන්ගේ ඊනියා උසස් බව අපට කියා පාති. යුරෝපියයෝ හා අනෙක් බටහිරයෝ නූතනත්වයට හසුවෙති. ඔවුහු දියුණු වැසියෝ වෙති. අපි නොදියුණු පසුගාමී රටවල්වල  වාසය කරමු. අපේ පඬීයෝ නුතනත්වයේ තෝල්කයෝ ය. ඔවුන්ට අනුව අපි ලිං මැඩියෝ වෙමු.

නැති මම හා ඇති ලෝකය (2015 දෙසැම්බර් 09 විදුසර ලිපිය )

නැති මම හා ඇති ලෝකය

ඩී එස් සී උපාධිධාරී සේවාර්ජිත (සම්මානිත) මහචාර්ය අශෝක අමරතුංග මහතාගේ ලිපිවල ඇති පරස්පර හා අවුල් කතා ගැන ලිවීම මගේ ලිපිවල තේමාවට බාධාවක් නමුත් යම් ප්‍රමාණයකට වුවත් ඒ ගෙනහැර දැක්විය යුතු ය. එහි දී ඒ මහතාගේ ලිපිවලින් කොටස් උපුටා දැක්වීම අත්‍යවශ්‍ය වන්නේ අමරතුංග මහතාට කෙසේ වෙතත් පාඨකයාට ඒ කොටස් තමන්ට ම කියවා එහි ඇති දෝෂ දැනගැනීමට අවස්ථාව සැලසීමට ය. 2015 අගෝස්තු 15 ලිපියෙහි ඒ මහතා මෙසේ සඳහන් කරයි. “සැම දේ ම අනිත්යා බව බුදුන් දැන ගත්තේ අත්දැකීමෙනි. නැත හොත් ආනුභාවිත මාර්ගයෙනි. ආත්මය පිළිබඳ විශ්වාසයෙන් යුතු ව කතා කළ උපනිෂද් තුළින් ඉදිරිපත් වූයේ ආත්මය යථාර්ථය ය යන අදහස ය. ලොවෙහි ඇත්තේ ආත්මය පමණක්‌ නම් ලොවෙහි යථාර්ථය ආත්මය වන්නේ ය. බුදුන් පැවසුවේ ලොවෙහි සැම දෙයක්‌ ම අනිත්යණ නිසා එහි කිසිවක ආත්මයක්‌ තිබිය නොහැකි බව ය. ලොවේ සැම දෙයක්‌ ම අනිත්ය  බව ද අනාත්ම බව ද පැවසීම එහි යථාර්ථයක්‌ නැතැයි පැවසීම ද?” 

ආණ්ඩුවේ විජාතික චින්තනය හා සිංහලයෝ (2015 දෙසැම්බර් 06 රිවිර ලිපියෙහි මුල් පිටපත)

ආණ්ඩුවේ විජාතික චින්තනය හා සිංහලයෝ

පසුගිය නොවැම්බර් 29 වැනි ඉරිදා පළවූ ඉංගිරිසි පුවත්පතකට අනුව කුප්‍රසිද්ධ ඩේවිඩ් කැමරන් එංගලන්ත අගමැතිවරයා මෛත්‍රිපාල සිරිසේන මහතාට පවුම් හැටහය ලක්‍ෂයක් දීමට පොරොන්දු වී ඇත. එය අවුරුදු තුනක කාලයක දී ලබාදෙනු ඇත. එහි අරමුණු දෙකක් සඳහන් වෙයි. පළමුවෙන් යුද්ධයෙන් පීඩාවට පත් ප්‍රදේශවල උන්හිටි තැන් අහිමි වූ ජනයා නැවත පදිංචි කරවීම ය. එහි දී යාපනයෙන් එළවා දැමුනු සිංහලයන් ද නැවත පදිංචි කෙරෙන්නේ ද යන ප්‍රශ්නය ඇසීම මෝඩ කමක් වනුයේ ආණ්ඩුව එකහෙළාම එසේ කරන බව කියන බැවිනි. දෙවැනි අරමුණ ලංකාවේ යුද්ධ හමුදා ප්‍රතිසංස්කරණය කිරීමට ආධාර පිණිස එංගලන්ත (ඊනියා බිරිතානි) හමුදා පුහුණුව ලබාදීම ය. මේ මුදල් දීම සමග අනේවාසික ආරක්‍ෂක නිලධාරියකු ද පත්කෙරෙනු ඇත.

අමරතුංග මහතා වෙනුවෙන් පඹයන් ඉදිකිරීම (2015 දෙසැම්බර් 02 විදුසර ලිපිය)

අමරතුංග මහතා වෙනුවෙන් පඹයන් ඉදිකිරීම

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා ක්වොන්ටම් යාන්ත්‍රිකය ගැන ජනප්‍රිය පොතපතට එහා යන පොතක් කියවා නොමැති බව පැහැදිලි ය. ඒ බව උදාහරණ කිහිපයක් පමණක් රැගෙන මම පසුගිය සතියේ ද එයට පෙර සතියේ ද විදූසරෙන් පෙන්වා දුන්නෙමි. දැන් ඒ මහතා නිවැරදි යැයි කීමට කණිටු පාසල් සිසුවකු තරමටවත් වාද කිරීමට තබා යමක් තේරුම් ගැනීමටවත් හැකියාවක් නැති කැනඩාවේ කාර්මික පසලක බටහිර විද්‍යාව උගන්වන බෝධි ධනපාල මහතා මාස කිහිපයකට පසුව නැවතත් කරළියට පැමිණ ඇත. 

ගීත, විනෝද ගමන් හා අයවැය (2015 නොවැම්බර් 29 රිවිර ලිපිය)

ගීත, විනෝද ගමන් හා අයවැය 

ව්‍යාජ සංඛ්‍යාලේඛන හා බොරු පුරසාරම් සහිත අයවැය කතාව ගැන සිතමින් මම පසුගිය 21 වැනි සෙනසුරාදා ඩ්‍රීම්ස්ටාර් වැඩ සටහන නැරඹීමි. ඉඩක් ලැබෙතොත් මා ඒ වැඩසටහන අවසන් අදියරේ දී නරඹන්නේ විනිසුරුවන්ගේ, විශේෂයෙන් ම දේශපාලන ඉවක් ඇති නදීක ගුරුගේ මහතාගේ, ප්‍රතිචාරවලට ද සවන් දී සංගීතය ගැන යමක් ඉගෙනීමට හැකි බැවිනි. ගුරුගේ මහතා මට එක දවසක්  මුණ ගැසී ඇති අතර අනෙක් දෙදෙනා කිසි දවසක මුණ ගැසී නැත. (විද්වත්හු මා ඇසුරු නො කරති) එහෙත් ඒ සෙනසුරාදා මගේ සිත වෙනතකට යොමු වූයේ මා කළු ද සුදු ද නොදන්නා වසන්ත දුක්ගන්නාරාළ මහතාගේ වදන් කිහිපයකිනි. එක්තරා ගීතයකට ප්‍රතිචාර දක්වමින් ඒ මහතා  වත්මන් පරම්පරාවේ ගීත  විනෝද ගමනක් යෑමේ දී ගායනය කළ නොහැකි බව සඳහන් කෙළේ ඒ ගීතවල දොසක් දැකීමට නො වේ. ඔහුට අනුව අප තවමත් චාරිකාවලදී ගයන්නේ සිරිපාදේ සමනළ කන්ද පෙනේ වැනි ගීත ය. ඒ මහතා එවැනි ගීතවලට ද අබමල් රේණුවක දොසක් නොකී බව සඳහන් කළ යුතු ය. 

රූපික ලෝකය හා තරමක විද්‍යාව (2015 නොවැම්බර් 25 විදුසර ලිපිය)

රූපික ලෝකය හා තරමක විද්‍යාව

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා වැඩි වැඩියෙන් ලියන තරමට වැඩි වැඩියෙන් අසංගත (පරස්පර) කරුණු ප්‍රකාශ කරයි. එසේ ම ඔහු ජනප්‍රිය පොත් තමාට තේරෙන ආකාරයෙන් කියවා ඒවා විදුසර පාඨකයාට “තේරුම්” කර දෙයි, එමගින් පාඨකයා අවුල් කරයි. ඔහු ක්වොන්ටම් යාන්ත්‍රිකය ගැන කර ඇති එකම නොමග යැවීම ස්ක්‍රොඩිංජර් යනුවෙන් ලිවීම පමණක් නො වේ. ඒ නොමග යැවීම් ගැන ඉඩ ලැබෙන පරිදි කරුණු දක්වමි. දැනට පහත දැක්වෙන පරස්පරය පමණක් සාකච්ඡා කරමි. අමරතුංග මහතා 2015 නොවැම්බර් 11 වැනි දින ලිපියෙහි මෙසේ කියයි.

කපුවෝ කපෝති (2015 නොවැම්බර් 22 ඉරිදා රිවිර ලිපියේ මුල් පිටපත)

කපුවෝ කපෝති

ලංකාණ්ඩුවේ ද අනුග්‍රහයෙන් ඉදිරිපත් කෙරුණු ජෙනීවා යෝජනාවෙන් කියැවෙන කරුණුවලින් ශ්‍රී ලංකාව නැවතත් යටත්විජිතයක් බවට පත් කෙරෙන අතර ත්‍රස්තවාදය වැළැක්වීමේ පණත අහෝසි කිරීමට යෝජනා කෙරෙයි.  තමන් බලයට පත්කිරීමට උපකාර කළ යටත්විජිතවාදීන්ගේ් අවශ්‍යතාව මත ආණ්ඩුව දෙමළ කොටි ත්‍රස්තවාදීන් 38 දෙනකු දැනටමත් ඇප මත නිදහස් කර ඇති අතර තවත් කණ්ඩායමක් ඊනියා පුනරුත්ථාපනයකට ලක්කර නිදහස් කිරීමට යයි. මේ එකක්වත් අධිකරණ තීන්දු යැයි සැලකිය හැකි ද? අධිකරණයෙන් ඇප දුන්නේ යැයි කිව හැකි වුව ද එසේ කෙරෙන්නේ බොහෝ විට නීතිපති දෙපාර්තමේන්තුවේ ස්ථාවරය ද පදනම් කර ගනිමිනි. ත්‍රස්තවාදීන් 31 දෙනකු ඇප මත නිදහස් කිරීමේ දී නීතිපති දෙපාර්තමේන්තුව උදේ එකක් කියා හවස සිරකරුවන්ගේ (හා තවත් අයගේ) උද්ඝෝෂණ මත ඔවුන්ට ඇප දීමට විරුද්ධ නො වී ය. මෙහි දී නීතිපති දෙපාර්තමේන්තුවට යම්කිසි ආකාරයක දේශපාලන මැදිහත්වීමක් සිදු නොවිණි යැයි පැවසිය හැකි ද? පුනරුත්ථාපනය කිරීම  කිසිම අධිකරණයක ගත් තීන්දුවක් ක්‍රියාත්මක කිරීමක් නො වේ. 

යථාර්ථයේ විශ්වාසය (2015 නොවැම්බර් 18 විදුසර ලිපිය)

යථාර්ථයේ විශ්වාසය

ඩී එස් සී උපාධිධාරි සේවාර්ජිත (සම්මානිත) මහාචාර්ය අශෝක අමරතුංග මහතා යුදෙවු ක්‍රිස්තියානි සංස්කෘතියෙහි පැන නගින ජීවිතයේ අරුත කුමක් ද යන ප්‍රශ්නයට පිළිතුරු දීමට ගොස් තමන් ජනප්‍රිය පොතපතින් පමණක් කියවා ඇති එහෙත් තමන්ට අවබෝධයක් නැති හැමිල්ටෝනිය යාන්ත්‍රිකය ෂ්රොඩිංගර් සමීකරණය ආදිය ගැන කියවමින් විදුසරෙහි පිටු නාස්ති කරයි. ඒ  මහතා ෂ්රොඩිංගර් යන්න ලියන්නේ ස්ක්‍රොඩිංජර් ලෙස ය. ඒ රෝම අකාරදීය යොදා ගනිමින් ෂ්රොඩිංගර් (ූSchrodinger)  යන්න ලියන ආකාරය සිංහලෙන් ප්‍රකාශ කරමින් ලබාගන්නකි. එසේ සිංහලෙන් ලිවීම (උච්චාරණය) පිළිබඳ ව මම ඒ මහතාට දොස් නො කියමි. එහෙත් ඒ මහතා ෂ්රොඩිංගර් සමීකරණය පිළිබඳ ව ගුරුවරයකුගෙන් අසා දැන නොගත් බවත් තමන් වැනි ම අය හෑර වෙනත් කිසිවකු සමග ඒ පිළිබඳ සාකච්ඡා කර නොමැති බවත් එයින් පැහැදිලි වෙයි. මෙරට විශ්වවිද්‍යාලවල විද්‍යා පීඨවල කිසිවකු ෂ්රොඩිංගර් යන්න ස්ක්‍රොඩිංජර් ලෙස උච්චාරණය කරනු මා අසා නැත. ඔවුහු ඇතැම්විට ෂ්රූඩිංගර් ලෙස නම් එය උච්චාරණය කරති.

නීතියට ස්වාධීන විය හැකි ද? (2015 නොවැම්බ ර් 15 ඉරිදා රිවිර ලිපියෙහි මුල් පිටපත)

නීතියට ස්වාධීන විය  හැකි ද?  

ජනවාරි 8 වැනි දා සිට දේශපාලනය කැළඹිලි සහිත වෙයි. ඒ ඇරඹුනේ ම නීත්‍යානුකූලව නො වේ. එක් අගමැතිවරයකු සිටිය දී ම ව්‍යවස්ථාවට පටහැණිව තවත් අගමැතිවරයකු පත් කෙරිණි. තිලක් මාරපන මහතා සහ විජ්යදාස රාජපක්‍ෂ මහතා එකල කොහේ සිටියේ දැයි අපි නො දනිමු. නීතිය බූරුවකු යැයි කියමනක් තිබේ. සමහර විට ඒ මහත්වරුන්ට වෙනත් මතයක් තිබෙන්නට ඇත. එහෙත් නායකයාට විරුද්ධව යෑමට ඔවුන් මැලිවන්නට ඇත. මේ ආණ්ඩුවට සිංහලයන්ගේ බහුතරය විරුද්ධ ය. ආණ්ඩුව පවතින්නේ විජාතික බලවේගවල හා දෙමළ ජාතිවාදයේ ආධාරයෙනි. ඒ නිසා ම ආණ්ඩුවට තැන්පත් වීමට නො හැකි ය. ආණ්ඩුව වරෙක නීතියේ පිහිට පතයි. තවත් විටෙක නීතියට පටහැණිව ක්‍රියාකරයි. ආණ්ඩුව යනු නීතිය ය.

බුදුන් වහන්සේ ආත්මවාදියකු කිරීම (2015 නොවැම්ර් 11 විදුසර ලිපිය)

බුදුන් වහන්සේ ආත්මවාදියකු කිරීම

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා අපෙන් තොරව වාස්තවික ලෝකයක්, යථාර්ථයක් ඇති බව පෙන්වීමට ගෙනෙන උදාහරණ කිහිපයක්් විමසා බලමු.  අගෝස්තු 12 වැනි දා ලිපියෙන් ඒ මහතා මෙසේ කියයි. “යථාර්ථය යනුවෙන් හැඳින්වන්නේ කුමක්‌ ද? එය සාර්වත්රත සංකල්පයක්‌ ද? එය සැමට පොදු ද? එය සැමට පොදු විය යුතු ද? නැත හොත් එය සංස්‌කෘති අනුව වෙනස්‌ වන්නේ ද? අප ගේ ඉන්ද්රිතය සංජානනයෙන් ස්‌වායත්ත වූ ලෝකයක්‌ පවතින්නේ ද? අප ගේ ඉන්ද්රි යයන් ගෙන් වෙන් වූ ලෝකයක්‌ ඇති ද? එවැනි ලෝකයක්‌ නැතැයි පැවසීම, අප බලන්නේ නැත්නම් ලෝකයක්‌ නැතැයි පැවසීම හා සමාන ය. අප ගේ ඉන්ද්රියය පද්ධතියෙන් ස්‌වායත්ත වූ ලෝකයක්‌ ඇත නමුත් එය තවමත් හරිහැටි දැනගන්නට බැරි වී ඇතැයි පැවසීම සත්යයට කිට්‌ටු ය.”

සෝභිත හාමුදුරුවෝ

සෝභිත හාමුදුරුවෝ

මේ ලිපිය කියවන බොහෝ දෙනකු මා සමග උරණ වීමට ඉඩ ඇත. මා කුහකයකු  යැයි ඇතැම් ජනමාධ්‍යවේදීන් කීමට ඉඩ ඇත. එසේත් නැත්නම් තවත් අය මා කෙළෙහි ගුණ නොදත් අයකු යැයි කියනු ඇත. අයකු මළවුන්ගේ අගුණ කීමෙන් මා සිංහල බෞද්ධ සංස්කෘතියට එරෙහිව ක්‍රියා කර ඇති බව ප්‍රකාශ වනු ඇත. මගේ වයස අනුව වුවත් දැන් මට අනෙක් අය මා ගැන කියන දේ ගැන කල්පනා කිරීම අවශ්‍ය නො වේ. ඒ නැතත් මට සමාජයට කීමට අවශ්‍ය යැයි මා සිතන දේ විපාකය නොතකා ප්‍රකාශ කරමි. මේ ලිපිය කාලය වෙබ් අඩවියේ පමණක් පළ කෙරෙන්නේ පුවත්පතක් එය පළ කරාවිද යන සැකය නිසා ය. 

පොලිස් ප්‍රහාර රණවිරුවෝ හා නෛතික මත(2015 - 11 - 08 රිවිර ලිපියෙහි මුල් පිටපත සුළු සංස්කරණයක් සමග )

පොලිස් ප්‍රහාර රණවිරුවෝ හා නෛතික මත

මේ ආණ්ඩුවේ ආයුකාලය අවසන් වෙමින් ඇත. තමා පළාත් පාලන මැතිවරණවල දී ශ්‍රී ල නි පක්‍ෂයට නායකත්වය දෙන බව මෛත්‍රිපාල සිරිසේන මහතා ප්‍රකාශ කර ඇත්තේ ඊනියා ජාතික ආණ්ඩුව හෙවත් එ ජා ප - මෛත්‍රිපාල ශ්‍රී ල නි පක්‍ෂයේ දීගය අවසන් වෙමින් පවතින බව සනිටුහන් කරමිනි. අප කියා ඇති පරිදි ඉන්දියාව, එංගලන්තය හා ඇමරිකාව විසින් මේ ආණ්ඩුව පිහිටුවන ලද්දේ ප්‍රධාන වශයෙන් ම දෙමළ ජාතිවාදයට දොළ පිදේනි දීමට මිස වෙනත් දෙයකට නො වේ. 

පොහොර හා වකුගඩු රෝගය (2015 - 11 - 05 රිවිර ලිපියෙහි මුල් පිටපත )

පොහොර හා වකුගඩු රෝගය

කෘෂිකාර්ම අමාත්‍යාංශයේ සහ කෘෂිකර්ම දෙපාර්තමේන්තුවේ මැදිහත්වීමෙන් සී අයි සී සමාගමේ පොහොර ගබඩාවකට මුද්‍රා තබා ඇත. එයට හේතුව වී ඇත්තේ එකී සමාගම විසින් ගෙන්වන ලද පොහොරවල කැඩ්මියම් ප්‍රතිශතය තිබිය යුතු කැඩිමියම් ප්‍රතිශත උපරිම මට්ටම මෙන් හතර ගුණයකට අධික වීම නිසා ය. මේ මුද්‍රා තැබීම සම්බන්ධයෙන් කෘෂිකර්ම ඇමතිවරයාට,  කෘෂිකර්ම අමාත්‍යංශයේ ලේකමවරයාට හා කෘෂිකර්ම දෙපාර්තමේන්තුවේ අධ්‍යක්‍ෂවරයාට අපේ ස්තුතිය පළ කළ යුතුව ඇත. 

හමුදාවට එරෙහි තවත් විභාග අනවශ්‍ය ය (ඉරිදා රිවිර ලිපියක මුල් පිටපත)

හමුදාවට එරෙහි තවත් විභාග අනවශ්‍ය ය

පරණගම කොමිසමේ වාර්තාව ප්‍රසිද්ධ කෙරී ඇත. පරණගම වාර්තාව කොමිසම් වාර්තාවකි. එය විනිශ්චය සභාවකින් ඉදිරිපත්වූ තීරණයක් නො වේ. පරණගම කොමිසම යනුවෙන් ජනතාව අතර ප්‍රචලිත මෙම කොමිසම පත්කරනු ලැබුයේ උගත් පාඩම් හා සංහිඳියා කොමිසමේ නිර්දේශයක් මත එකි වාර්තාවේ ඇතුළත් සමහර කරුණු ගැන ද විභාග කිරීමට ය. 

සාපේක්‍ෂතාාව වස්තුව හා යථාර්ථය (විදුසර ලිපියකි)

සාපේක්‍ෂතාව වස්තුව හා යථාර්ථය

ඩී එස් සී උපාධිධාරී සේවාර්ජිත (සම්මාන) මහාචාර්ය අශෝක අමරතුංග මහතා කෙතරම් උත්සාහ කළත් ඔහුට මනසින් තොර යථාර්ථයක් ඇති බව පෙන්විය නො හැකි ය. ඔහුට පමණක් නොව ලොව පෘථග්ජන කිසිම කෙනකුට ඒ බවක් පෙන්විය නො හැකිය.

ආණ්ඩුව ස්වෛරිභාවය පාවා දෙයි (ඉරිදා රිවිර ලිපියකි )

• ආණ්ඩුව ස්වෛරිභාවය පාවා දෙයි
• 
  

අද සිදුවෙමින් පවතින්නේ කුමක් දැයි තේරුම් ගත හැක්කේ මේ ආාණ්ඩුව බලයට පත්කිරීමට කටයුතු කෙළේ කවුදැයි දැනගැනීමෙනි. මහජනයා මැතිවරණයේ දී ඡන්දය දී ආණ්ඩු පිහිටුවන බව සැබෑ ය. එහෙත් මැතිවරණයට ඉදිරිපත්වන අපේක්‍ෂකයන් තෝරනු ලබන්නේ මහජනයා විසින් නො වේ. අඩුම තරමෙන්් ඒ ඒ පක්‍ෂවල සම්මේලන මගින්වත් නො වේ. ආණ්ඩුව බලයට පත්වූයේ මෛත්‍රිපාල සිරිසේන මහතාගේ කරණම උඩිනි. සිරිසේන මහතා ඒ තැනට පොළඹවා ගනු ලැබුයේ කවුරුන් විසින් ද?

හයිබ්‍රිඩ් යටත්විජිතවාදය (ඉරිදා රිවිර ලිපියකි )

හයිබ්‍රිඩ් යටත්විජිතවාදය

මේ ආණ්ඩුව ඇමරිකාව, එංගලන්තය හා ඉන්දියාව සමග එකතු වී  සිංහලයන්ට විරුද්ධව නඩු පැවරීමට යයි. එක්සත් ජාතීන්ගේ මානව අයිතිවාසිකම් සභාවට මේ සම්බන්ධයෙන් යෝජනාව ඉදිරිපත් වූයේ ප්‍රධාන වශයෙන් ඇමරිකාවෙනි. එයට එංගලන්තය ද හවුල් විය. මේ සියල්ල පිටුපස සිටින්නේ එංගලන්තය හා ඉන්දියාව ය. ඉන්දියාවේ නම සඳහන් නොවුණ ද ලංකාව සම්බන්ධ යෝජනා ඉන්දියාවේ අනුමැතියට යටත් ව ඉදිරිපත් කෙරෙයි. ඉන්දියාව ප්‍රසිද්ධියේ කිසිවක් නොකර සිටීමෙන් ම ඔවුන්ගේ හවුල්කාරී බව දැනගත හැකි ය. ලංකාව මේ යෝජනාවට අනුග්‍රහය දක්වා ඇත.

පෘථග්ජනයන්ගේ යථාර්ථයක් ඇතැයි බුදුන් වහන්සේ දේශනා කර ඇත්තේ කෙහේ ද? (විදුසර ලිපියකි)

පෘථග්ජනයන්ගේ යථාර්ථයක් ඇතැයි බුදුන් වහන්සේ දේශනා කර ඇත්තේ කෙහේ ද? 

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා තම අගොස්තු 12 වැනි දා ලිපියෙහි මෙසේ කියයි.  “පැවැත්ම (existence ) ගැන බුදුන් දැක්‌වූ අදහස්‌ කච්චායන-ගොත්ත සුත්රතයෙහි පහදා දී ඇත. එහි පැවසෙන්නේ සැම දෙයක්‌ ම පවතී යන්න එක්‌ අන්තවාදයක්‌ බව ය. එය අන්තවාදයක්‌ වන්නේ කෙසේ ද? සැම දෙයක්‌ ම නියත ව වෙනස්‌ නො වී සැම දා පවතී යන්න ඉන් අදහස්‌ වන්නේ නම් එය අන්තවාදයක්‌ වන්නේ ය. සැම දෙයක්‌ ම නො පවතී යන්න අනෙක්‌ අන්තවාදය බව පැවසීමෙන් බුදුහු තම අදහස පැහැදිලි කරති. මේ අන්තවාද දෙක එකල දාර්ශනිකයන් අතර පැවැති බව පෙන්වා දිය හැකි ය. උපනිෂද් පැවසුවේ නිත්යද වූ ආත්මයක්‌ පවතින බව ය. එය ශාශ්වතවාදය විය. කාර්වක (එකල පැවැති ධර්මයක්‌) මතය වූයේ කිසිවක්‌ නො පවතින බව ය. එය උච්ඡේදවාදය ලෙස හැඳින්වේ. මේ නයින් බලන කල යථාර්ථයක්‌ බුදුන් නො පිළිගත් බව කිව නොහැකි ය. මක්‌ නිසා ද සැම දෙයක්‌ ම නො පවතී යන්න අන්තවාදයක්‌ බව උන්වහන්සේ පැවසූ හෙයිනි. තව ද ලෝකයේ යථාර්ථයක්‌ නැතැයි බුදුන් පවසා නැත.”

ඉන්දියාව අපට සම්මුතිවාදයක් පටවයි (ඉරිදා රිවිර ලිපියක සංස්කරණයකි )

ඉන්දියාව අපට සම්මුතිවාදයක් පටවයි

මේ ලිච්ඡවි රජදරුවන්ගේ යුගය නො වේ. මේ මෝදි යුගය යි. මෝදි යුගය ලිච්ඡවින්ට අවුරුදු දෙදහස් හයසියයකට පමණ පසුව ඉංගිරිසි යුගයක් නේරු යුගයක් හා ගාන්ධි යුගයක් පසුකර පැමිණ ඇත්තකි. ඉංගිරිසින්ට පෙර තවත් යුග ගණනාවක් චෝල, චේර පාණ්ඩ්‍ය, මූගල් ආදී වශයෙන් ද අපි පසුකර ඇත්තෙමු. එයට අමතර ව ධර්මාශෝක යුගයක් ද අපි පසු කෙළෙමු. මෝදිට නැති සම්මුතිවාදයක් මෝදි අපට ලබාදෙන්නේ කෙසේ ද? ධර්මාශෝක රජු අපට ඊනියා යථාර්ථවාදී ථෙරවාදී සංස්කෘතියක් ලබා දුන්නේ ය. ඒ ඔහුට තිබිණු සංස්කෘතියකි. යථාර්ථයක සම්මුතිවාදයක් තිබිය හැකි යැයි නො සිතමි. එය අවසානයේ දී අවුරුදු දහස් ගණනක් අපේ වාසියට හේතු විය!

මගේ අසනීප හා අයින්ස්ටයින්ගේ අසනීපය (විදුසර ලිපියකි)

මගේ අසනීප හා අයින්ස්ටයින්ගේ අසනීපය

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා මා අසනීප ව සිටි කාලයෙහි වැදගත් ලිපියක් දෙකක් ලියා ඇත. ඒ ඊනියා යථාර්ථය සම්බන්ධයෙනි. මේ සාකච්ඡාවේ තේමාව වනුයේ ම ඊනියා යථාර්ථයක් නැතැයි යන්න ය. එබැවින් අමරතුංග මහතා යථාර්ථයක් ඇතැයි පෙන්වීම සඳහා ඉදිරිපත්වීම වැඩදායක ය. එහෙත් ඒ මහතා තවමත් සිටින්නේ ථෙරවාදයෙන් සකස්කරන ලද ඊනියා විද්‍යාත්මක මතවාදයක බැවින් මේ සාකච්ඡාවෙන් එතරම් වැඩක් අත්වේ දැයි කිව නො හැකි ය. 

බටහිර බොරුව තව දුරටත් ගෙන යා යුතු ද? (ඉරිදා දිවයින රිවිර ලිපිවල සංස් ක රණයකි )

බටහිර බොරුව තව දුරටත් ගෙන යා යුතු ද?

අප ජීවත්වන්නේ බොරු ලෝකවල ය. අපි එකිනෙකාගේ ලෝක නිර්මාණය කර ගනිමින් ඒවාහි ජීවත්වෙමු. එහෙත් අපට ඇත්තක් නිර්මාණය කර ගැනීමට නො හැකි ය. අප නිර්මාණය කරන්නේ ම බොරු ය. බොරු ප්‍රජාතන්ත්‍රවාදය ගැන අපි දනිමු. එපමණට ම නැතත් පට්ටපල් බොරු විද්‍යාව ගැන දනිමු. එහෙත් පට්ටපල් බොරු විිද්‍යාවෙන් වැඩ ගනිමු. බොරු ප්‍රජාතන්ත්‍රවාදයෙන් වැඩ ගත හැකි ද?

යමපාවාදීම ඇරඹෙයි

යමපාවාදීම ඇරඹෙයි 

අද කෙරීගෙන යන සියල්ල ම මෙන් අපි කල්තියා දුටුවෙමු. ඒ බව එකල ම කීවෙමු. ඊනියා මහින්ද මෛත්‍රී එකතුව විපතක් මිස ජයග්‍රහණයක් නොවන බව අප කියද්දී, වෙන ම තරග කිරීම සුදුසු ම ක්‍රියා මාර්ගය බව අප යෝජනා කරද්දී අපේ පිළේ පඬියෝ ම අපට සිනහසුණහ. අගොස්තු 17 වැනි දා පැවැත්වීමට නියමිත ව තිබූ මැතිවරණය මෙතෙක් ලංකාවේ පැවැත්වෙන දුෂිත ම මැතිවරණය බව අප කලකට පෙර ප්‍රකාශ කරද්දී යහපාලනයේ අනුශාසකයෝ පෝස්ටර් නැති වීම ගැන කතා කළහ. මැතිවරණයක් දුෂිත ද නැත් ද යන්න තීරණය කෙරෙන ප්‍රධාන නිර්ණායකය පෝස්ටර් ඇත් ද නැත් ද යන්න නොවන බව මැතිවරණ කොමසාරිස් නො දන්නේ ද? මෛත්‍රිපාලගේ නායකත්වයෙන් එ ජ නි සංධානයේ ජාතික ලැයිස්තුවට ඇතුළත්  කළ මගේ නම ඉල්ලා අස්කර ගත්විට බොහෝ දෙනා මට දොස් කීවෝ ය. මෛත්‍රිපාලගේ භූමිකාව මා දැනගත්තේ අද ඊයේ නො වේ. මම චම්පක මෙන් ම මෛත්‍රිපාල ද හඳුනමි. එමෙන් ම තවත් ඊනියා දේශහිතෛශීන් ද හඳුනමි.

අතේ පත්තු වූ මෛත්‍රිපාල ගේ පක්‍ෂ විරෝධී ව්‍යවස්ථා විරෝධී ලිපිය

අතේ පත්තු වූ මෛත්‍රිපාල ගේ පක්‍ෂ විරෝධී ව්‍යවස්ථා විරෝධී ලිපිය

මෛත්‍රිපාල සිරිසේන මැතිවරණය ඔන්න මෙන්න තියාගෙන මහින්ද රාජපක්‍ෂට ලිපියක් යවමින් තමා මහින්දට අගමැති කම නොදෙන බව ප්‍රකාශ කර ඇත. එයට හේතු ලෙස ඔහු දක්වා ඇත්තේ මහින්ද ශ්‍රී ල නි පක්‍ෂයට කර ඇතැයි කියන වැරදි ය. මේ ලිපිය සාධාරණ වශයෙන් ගත්කල සිංහලයන්ගේ තර්ක ඥානය විදහා දක්වන්නක් මිස අනෙකක් නො වේ. ව්‍යවස්ථාව අනුව ජනාධිපතිට තම මතය අනුව පාර්ලිමේ්න්තුවේ වැඩි බලයක් හිමි තැනැත්තා අගමැති ලෙස පත්කළ හැකි ය. මට නම් එහි අවුලක් නැත. මෙහි දී වැදගත් වනුයේ ජනාධිපතිට තම මතය අනුව යන වචන කිහිපය ය. එහෙත් ව්‍යවස්ථාවෙහි කිසිම තැනක යමකු පක්‍ෂයකට යම් වරදක් කර ඇතැයි යන චෝදනාව මත ජනාධිපතිට යමකු අගමැති පදවියට පත්කළ නොහැකි යැයි සඳහන් නො වේ. මෛත්‍රිපාල ව්‍යවස්ථාවට පටහැණි ව ක්‍රියා කරයි. එය ම ඔහුට විරුද්ධව දෝෂාභියෝගයක් ගෙන ඒමට නිමිත්තකි!

බැරිවීමකින් කොටි දිනුවා නම්

බැරිවීමකින් කොටි දිනුවා නම්

මේ ලිපිය, රනිල් හදන රට හා ටී එන ඒ මැතිවරණ ප්‍රකාශය වලංගු නැහැ යන ලිපි සමග කියවිය යුතු ය. ඒ ලිපිවලින් අප කියා සිටියේ 2009 මැයි 18/19 දිනට පසුව නැවතත් ස්වයංනිර්ණ අයිතිය, ෆෙඩරල් විසඳූම බලය විමධ්‍යගත කිරීම ආදියට  යා නොහැකි බව ය. ඒ සියල්ල ඊනියා සාම සාකච්ඡාවල දී ප්‍රතික්‍ෂෙප වී නන්දිකඩාල් කලපුවේ දී මුළුමනින්ම පරාජයට පත්විය. ඒ ඊනියා විසඳුම ප්‍රශ්නයකට දුන් විසඳුමක් නොව සිංහල බෞද්ධ සංස්කෘතිය නැති කිරීමට බැරිනම් දුර්වල කිරීමට ගෙනා යෝජනා විය.

රනිල් හදන රට

රනිල් හදන රට

අගෝස්තු 17 වැනි දාට පසු රනිල් අලුත් රටක් හදන බව පුන පුනා කියයි. ඔහු මෙතෙක් තිබූ ලංකාව, සිංහළය, කුඩා කර වෙනත් රටක් තැනීමට යන බව පැහැදිලි ය. ඔහු තනන රටට වත්මන් උතුරු හා නැගෙනහිර පළාත් අයත් නොවනු ඇත. ඔබට ඒ ඊනියා අලුත් රට අවශ්‍ය නම් කළ යුතුව ඇත්තේ අලියා ඉදිරියෙන් කතිරය ගැසීම ය. මේ රට මෙසේ ම පවත්වාගෙන යෑමට අවභ්‍ය නම් කළ යුත්තේ බුළත් කොළය ඉදිරියෙන් කතිරය ගසා මහින්ද සමග දිගින් දිගට ම සිටීවි යැයි බලාපොරොත්තුවන අපේක්‍ෂකයන්ට මනාප ලකුණු කිරීම ය.

ටී එන් ඒ මැතිවරණ ප්‍රකාශය වලංගු නැහැ

ටී එන් ඒ මැතිවරණ ප්‍රකාශය වලංගු නැහැ

අද බොහෝ දෙනා කතා කරන මාතෘකාවක් බවට පත් වී ඇත්තේ දෙමළ ජාතික සංධානයේ මැතිවරණ ප්‍රකාශය ය. එහි දෙමළ ජනයා වෙන ම ජාතියක් බව, ස්වයංනිර්ණ අයිතිය, නිජබිම, උතුරු හා නැගෙනහිර පළාත් එකතු කිරීම වැනි කරුණු අඩංගු වෙයි. මේ එකක්වත් අලුත් කරුණක් නො වේ. තිම්පු යෝජනා, වඩුකොඩෙයි සම්මේලන යෝජනා ආදියෙහි මෙන් ම එයට පෙර ෆෙඩරල් හෙවත් දෙමළ රාජ්‍ය පක්‍ෂයේ (තමිල් අරසු කච්චි) ප්‍රතිපත්ති ප්‍රකාශවල ද ඒ කරුණු යම් ආකාරයකින් දැක ගත හැකි ය. මේ සියල්ලෙහි මූලික අරමුණ වනුයේ මෙරට සිංහල බෞද්ධ සංස්කෘතිය හැකිනම් නැති කර දැමීම ය. නැත්නම් සිංහල බෞද්ධ සංස්කෘතිය දුර්වල කිරීම ය.  

මෛත්‍රිගේ ප්‍රෝඩාතන්ත්‍රවාදය (ඉරිදා දිවයින ලිපියකි)

මෛත්‍රිගේ ප්‍රෝඩාතන්ත්‍රවාදය

චම්පක රණවකට හා රනිල් වික්‍රමසිංහට අනුව මෛත්‍රිපාල සිරිසේන සියල්ල විසඳා ඇත. මැතිවරණයෙන් පසුව මහින්ද අගමැති නොවනු ඇත. ඒ බව කියා ඇත්තේ අන් කිසිවකු නොව මෛත්‍රිපාල සිරිසේන ය. රනිල් වික්‍රමසිංහට  හා ඔහුගේ ගෝලයා වූ චම්පක රණවකට අනුව දහනවවැනි සංශෝධනයෙන් පසුව ද අගමැති පත් කෙරෙන්නේ ජනාධිපති විසින් තම මතය පරිදි ය. ව්‍යවස්ථාවට අනුව ජනාධිපති තම මතය අනුව පාර්ලිමේන්තුවේ බහුතරයක් දිනාගත හැකි අයකු අගමැති ලෙස පත්කරයි. ජනාධිපති ඒ සම්බන්ධයෙන් පාර්ලිමේන්තුවේ ඡන්ද විමසීමක් කිරීමට බැඳී නැත. මෛත්‍රිපාල සිරිසේනගේ වචනවලින් ම කියන්නේ නම් මේ බම්බු ප්‍රජාතන්ත්‍රවාදයකි.

තණ්හා ආශා වහල් කතා (විදුසර ලිපියකි)

තණ්හා ආශා  වහල් කතා

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා පසුගිය ජූලි 22 වැනි දා ලිපියෙහි මෙසපොතේමියාව ගැන විශේෂයෙන් සඳහන් කරයි. එහෙත් එයට කලින් චීනයේ යිං යැන් දර්ශනය ගැන සුපුරුදු පරිදි තමන්ට නොතේරෙන දේ කියයි. අමරතුංග මහතාගේ ලිපියට ප්‍රතිචාර දැක්වීමට පෙර කැනඩාවේ වාසය කරන බෝධි ධනපාල මහතාගේ එදින ම ලිපිය මාතෘකා කරගෙන යමක් කිව යුතු ය.

රවිට ප්‍රශ්න කිහිපයක්

රවිට ප්‍රශ්න කිහිපයක්

රවි කරුණානායකගෙන් ප්‍රශ්න කිහිපයක් ඇසීමට බලාපොරොත්තු වෙමු.

අනුර දිසානායකගේ යටත්විජිතවාදය

අනුර දිසානායකගේ යටත්විජිතවාදය

ජ වි පෙරමුණේ නව නායක අනුර දිසානායක තරුණයකු නොවූවත් ජ වි පෙරමුණ එ ජා පක්‍ෂයේ තරුණ සංවිධානය වෙයි. ජ වි පෙ ග්‍රාමීය පක්‍ෂයකට වඩා අද දින නාගරික බාග හා කාල් උගතුන්ගේ පක්‍ෂයක් බවට පත් වී ඇත. එදා ජ වි පෙ කාල්   (1/4) මාක්ස්වාදී  පක්‍ෂයක් විය. අද එය මෙරට කාල් උගතුන්ගේ පක්‍ෂයක් බවට පත්වෙමින් ඇත. එ ජා ප විසින් මෙහෙයවෙන ජනමාධ්‍ය අනුර දිසානායකට නැති පඬිබවක් හා උපාසක බවක් ආරෝපණය කරයි. 

රනිල්ගේ පොරොන්දු

රනිල්ගේ පොරොන්දු

1980 දී රනිල්ගේ වයස අවුරුදු තිහක් පමණ වී යැයි සිතමි. එකල තිබුණේ ඔහුගේ මාමා වූ ජේ ආර් ජයවර්ධනගේ ආණ්ඩුවකි. 1977 දී බලයට පත්වූ ජේ ආර් ධර්මිෂ්ඨ සමාජයක් ඇති කිරීමට පොනේදු විය. මාමා පොරෙන්දු ඉටු කිරීමේ දක්‍ෂයෙක් විය. ඔහු අධර්මිෂ්ඨ භීෂණ රජයක් පිහිටුවී ය. අද යහපාලනය ගැන මැත දොඩන කුලියට කහින ධර්මසිරි බණ්ඩාරනායක එදා ජේ ආර්ට විරුද්ධව නාට්‍යයක් නිෂ්පාදනය කර ගැනීමට තරම් කොන්දක් නොමැතිව පරිවර්තන කෘතියක් ලෙස මකරාක්‍ෂයා නිෂ්පාදනය කෙළේ හොරණ විද්‍යාරත්නයෙන් ලැබුණු තුට්ටු දෙකේ මාක්ස්වාදී ආභාසයෙන් විය යුතු ය. පොතේගුරු කසිකබල් මාක්ස්වාදීන් වූ ඔවුහු කිසි දිනෙක ජාතිකත්වයක් සහිතව යටත්විජිත විරෝධී කලාකරුවෝ නොවූහ. ඔවුහු ද අවසාන විග්‍රහයේ දී බටහිර ගැත්තෝ වූහ. අද ඔවුන් රනිල් වැනි බටහිර ගැත්තකු සමග යම් ජාතිකත්වයක් ඇති මහින්ද රාජපක්‍ෂට විරුද්ධව දීිග කන්නේ ඔවුන්ගේ ජාතිකත්වයක් නැති කසිකබල් මාක්ස්වාදයේ හෙළුව ද ප්‍රදර්ශනය කරමිනි.

මැ කො දේශපාලනයට

මැ කො දේශපාලනයට

මැතිවරණ කොමසාරිස්වරයා දේශපාලනයට අවතීර්ණ වී ඇත. ඔහු එසේ කර ඇත්තේ අද ඊයේ නො වේ. පෞද්ගලික ව ජනමාධ්‍යවෙිදීන් සමග කරන සාකඡාවල දී ඔහු ඇතැම් ජනමාධ්‍යවෙිදීන්ට ජාතික මතවාදවලින් බැහැරවීමට උපදෙස් දී ඇත. ජාතික මතවාදවල ඇත්තේ ජනමාධ්‍යවේදීන්ගෙන් කිහිප දෙනකු පමණ ය. මැතිවරණ කොමසාරිස් තම බලය අයුතු ලෙස යොදා ජනමධ්‍යවේදීන්ට බලපෑම් කරන්නේ ඇයි? 

මෛත්‍රිපාලගේ සැලසුම් ජන බලයට යටයි

මෛත්‍රිපාලගේ සැලසුම් ජන බලයට යටයි

මෛත්‍රිපාල හැකි කමක් ඇත්නම් ජනවාරි 9 වැනි දා කළ දේ අගොස්තු 18/19 වැනි දා ද කරනු ඇත. ඔහු හැකිනම් රනිල් පික්පොකට් අගමැති කරනු ඇත. එසේ නොහැකි නම් ශ්‍රී ල නි පක්‍ෂයේ මහින්ද නොවන අයකු අගමැති කරනු ඇත. එහි දී මුදල් ලබාදීම්  ශ්‍රී ල නි පක්‍ෂයෙන්් මන්ත්‍රීන් බා ගැනීම්, ආදිය සැලසුම් කෙරෙන බව රහසක් විය නො හැකි ය. 

ටී එන් ඒ සන්නිය

ටී එන් ඒ සන්නිය

ටී එන් ඒ හෙවත් දෙමළ ජාතික සංධානය මූලික වශයෙන් මෙහෙයවනු ලබන්නේ එංගලන්තය හා ඉන්දියාව විසිනි. මුළු මහත් රට ම වෙළා ගන්නා සන්නියක් අද දෙමළ ජාතික සංධානයටත්, එදා එහි පූර්වගාමින් වූ පොන්නම්බලම් අරුණාශලම්ගේ හින්දු මහා සභාවේ සිට කොටි සංවිධානයටත් පැතිරවීමටත් හැකි වූයේ ඉංගිරිසින්ගේ දේශපාලන උපක්‍රම හා සිංහලයන්ට ප්‍රශ්නයක් තේරුම් ගැනීමට නොහැකි නිසාත් ය.  ටී එන් ඒ සන්නිය ඒ ඒ කළ විවිධ පුද්ගලයන් හරහා පැමිණ ඇති අතර අද වන විට අවුරුදු එකසිය අසූවකට වඩා පැරණි ය. අවුරුදු එකසිය අසූවකට පසුවත් සිංහලයන්ට සන්නිය තේරුම් ගැනීමට නොහැකි වී ඇත. 

මහින්ද රාජපක්‍ෂගේ ආරක්‍ෂාවට තර්ජන (ඉරිදා රිවිර ලිපියකි)

මහින්ද රාජපක්‍ෂගේ ආරක්‍ෂාවට තර්ජන 

සුදු වෑන් කතා අතනින් මෙතනින් ඇසෙයි. මහින්ද රාජපක්‍ෂ මහතා යෑමට නියමිත මාර්ගවල බෝම්බ තිබී හමුවේ. අකුරැස්සේ දී බීමත් ව සිටි යා යැයි කියන අයකු මහින්ද රාජපක්‍ෂ මහතාගේ අත මිරීකු බවට ප්‍රවෘත්ති හා ඡායාරූප පළවෙයි. එහි දී මහින්ද රාජපක්‍ෂ මහතා අදාළ පුද්ගලයාට පහර දුන් බව දේශදේශාන්තරවල පැතිර ගොස් ඇතැයි ආණ්ඩුවේ ජනමාධ්‍ය හෙළිදරවු කරයි. එය තවත් සිරිකොත හෙළිදරවුවක් බව පැහැදිලි ය. එහෙත් මේ හෙළිදරවුව සඳහා භික්‍ෂූන් වහන්සේ ද සහභාගි වෙති. මේ රටේ ඇතැම් භික්‍ෂූන්  වහන්සේ ගැමුණු රජුට ද විරුද්ධව ක්‍රියා  කර ඇති බැවින් මෙහි පුදුම වීමට දෙයක් නැත. මෙවැනි භික්‍ෂූන් වහන්සේගෙන් පන්සිල් සමාදන්වන ගිහියන්ට දෙවියන්ගේ ම පිහිට ය. 

මෛත්‍රිගේ බම්බු ප්‍රජාතන්ත්‍රවාදය

මෛත්‍රිගේ බම්බු ප්‍රජාතන්ත්‍රවාදය

චම්පක රණවකට හා රනිල් වික්‍රමසිංහට අනුව මෛත්‍රි සියල්ල විසඳා ඇත. මැතිවරණයෙන් පසුව මහින්ද අගමැති නොවනු ඇත. ඒ බව කියා ඇත්තේ අන් කිසිවකු නොව මෛත්‍රිපාල ය. රනිල්ට හා ඔහුගේ ගෝලයා වූ චම්පකට අනුව දහනවවැනි සංශෝධනයෙන් පසුව ද අගමැති පත් කෙරෙන්නේ ජනාධිපති විසින් තම මතය පරිදි ය. ව්‍යවස්ථාවට අනුව ජනාධිපති තම මතය අනුව පාර්ලිමේන්තුවේ බහුතරයක් දිනාගත හැකි අයකු අගමැති ලෙස පත්කරයි. ජනාධිපති ඒ සම්බන්ධයෙන් පාර්ලිමේන්තුවේ ඡන්ද විමසීමක් කිරීමට බැඳී නැත. මෛත්‍රිපාල සිරිසේනගේ වචනවලින් ම කියන්නේ නම් මේ බම්බු ප්‍රජාතන්ත්‍රවාදයකි.

ලිච්ඡවිලාගේ රනිල්

ලිච්ඡවිලාගේ රනිල්

ධර්මිෂ්ඨලාගේ ජේ ආර්ට පසුව අපට ලිච්ඡවිලාගේ රනිල් පහළ වී ඇත. පහළ වී ඇතැයි කිව ද ඔහු ද අනෙක් මිනිසුන් මෙන් ම උත්පත්තිය ලත් තැනැත්තෙකි. ජේ ආර්ට උපදෙස් දුන්නේ කවුදැයි නො දනිමි. රනිල්ට රතන හිමියන් උපදෙස් දුන්නත් ඔහු එ භාරගනී යැයි සිතිය නො හැකි ය. ලිච්ඡවිලාගේ රනිල්ට උපදෙස් දෙන්නේ ලිච්ඡවිලාගේ උදවියවත් කෞටිල්‍යලාගේ උදවියවත් නොව ඔබාමාලාගේ හා කැමරන්ලාගේ උදවිය ය. කෞටිල්‍යලාගේ උදවිය රතන හිමියන්ට නම්,උපදෙස් දෙනවා විය හැකි ය. ඒ උපදෙස් ද කැමරන්ලාගේ උපදෙස් අතර එතරම් වෙනසක් ඇතැයි නො සිතමි. ඒ සියල්ලන්ට අවශ්‍ය මැදමුළණ මහින්ද අතුගා දැමීමට ය, වළලා දැමීමට ය. 

සිතට කෙළෙස් ගලා ඒම (විදුසර ලිපියකි)

සිතට කෙළෙස් ගලා ඒම

ඩී එස් සී උපාධිධාරී සේවාර්ජීිත (සම්මානීත) මහාචාර්ය අශෝක අමරතුංග මහතා විද්‍යාව යනු කුමක් දැයි තවමත් පැහැදිලි කර නැත. ඔහු ආනුභවිකය ගැන කතා කරයි. එහෙත් මේ ආනුභවිකය පංචෙන්ද්‍රියන් ඉක්මවා යන ආනුභවිකයක් ද යන්නට ඔහුගෙන් පිළිතුරක් නැත. බටහිර විද්‍යාවේ ආනුභවිකය පංචෙන්ද්‍රිය ඉක්මවා නො යයි. බටහිර විද්‍යාවේ මනස යනු මොළය ආශ්‍රීත ව පවත්නා දෙයකි. ඔවුන්ගේ මනස පිළිබඳ ඊනියා පර්යේෂණ පංචෙන්ද්‍රිය අත්දැකීම් ආශ්‍රිත ය. එහෙත් බුදුන් වහන්සේගේ ආරිය පර්යේෂණය මනස හා සම්බන්ධ විය. 

රනිල් ද මහින්ද ද

රනිල් ද මහින්ද ද

මේ ඔබට ලැබෙන අන්තිම අවස්ථාව කරගන්න එපා. අවුරුදු දෙදහස් පන්සීයක් පැවතුණු සිංහල රට හා අවුරුදු දෙදහස් තුන්සීයකට වැඩි කාලයක් පැවතුණු සිංහල බුද්ධාගම ඔබ අගෝස්තු 17 වැනි දා ගන්නා තීරණය මත සඳහට ම නැතිවන්න පුළුවන්. ඔබ එදාට රනිල් අගමැති කරන්න ඡන්දය දුන්නොත් ඔබේ දරුවන්ට හා මුණුබුරන්ට ජීවත්වන්න සිද්දවෙන්නෙ ඔබ ජීවත් වුණු රටේ නෙ වෙයි. 

මහින්ද රාජපක්‍ෂගේ ආරක්‍ෂාව

මහින්ද රාජපක්‍ෂගේ ආරක්‍ෂාව 

සුදු වෑන් කතා අතනින් මෙතනින් ඇසෙයි. මහින්ද රාජපක්‍ෂ යෑමට නියමිත මාර්ගවල බෝම්බ තිබී හමුවේ. අකුරැස්සේ දී බීමත් ව සිටි යා යැයි කියන අයකු මහින්ද රාජපක්‍ෂගේ අත මිරීකු බවට ප්‍රවෘත්ති හා ඡායාරූප පළවෙයි. එහි දී මහින්ද රාජපක්‍ෂ අදාළ පුද්ගලයාට පහර දුන් බව දේශදේශාන්තරවල පැතිර ගොස් ඇතැයි ආණ්ඩුවේ ජනමාධ්‍ය හෙළිදරවු කරයි. එය තවත් සිරිකොත හෙළිදරවුවක් බව පැහැදිලි ය. එහෙත් මේ හෙළිදරවුව සඳහා භික්‍ෂූන් වහන්සේ ද සහභාගි වෙති. මේ රටේ ඇතැම් භික්‍ෂූන්  වහන්සේ ගැමුණු රජුට ද විරුද්ධව ක්‍රියා  කර ඇති බැවින් මෙහි පුදුම වීමට දෙයක් නැත. මෙවැනි භික්‍ෂූන් වහන්සේගෙන් පන්සිල් සමාදන්වන ගිහියන්ට දෙවියන්ගේ ම පිහිට ය. 

අනුර කුමාර හා රනිල්

අනුර කුමාර හා රනිල්

ජ වි පෙ වත්මන් නායක අනුර කුමාරට එ ජා පක්‍ෂයෙන් විශාල මුදලක් ලැබුණු බව කියන්නේ ජ වි පෙ හිටපු නායක සෝමවංස අමරසිංහ ය. එය සත්‍ය ද නැද්ද යන්න ගැන මට කිසිවක් කිව නොහැකි ය. එහෙත් අනුර කුමාර හැසිරෙන ආකරයෙන් නම් හැඟී යන්නේ ඒ ප්‍රකාශය සත්‍යයක් බව ය. අනුර ජ වි පෙ නායකයා වීමට පෙර ද රවි කරුණානායක සමග සම්බන්ධකම් පවත්වන බවට කතා පැතිර ගියේ ය. ජ වි පෙ ඒ දිනවල සිට ම ක්‍රියා කළේ එ ජා පක්‍ෂයේ තරුණ සංවිධානය ලෙස ය. එහෙත් ජ වි පෙරමුණේ නායකයන් අතර තරුණයන් සොයා ගැනීම නම් තරමක් අපහසු කටයුත්තකි. 

මෛත්‍රිපාල බටහිරයන් වෙනුවෙන් රනිල් රකියි (ඉරිදා රිවිර ලිපියකි)

මෛත්‍රිපාල බටහිරයන් වෙනුවෙන් රනිල් රකියි

මෙරට පැවැත්වෙන තීරණාත්මක ම මැතිවරණය ආරම්භ වී ඇත. රටේ ස්වෛරිභාවය ඒකීයත්වය ආදිය අගොස්තු 17 වැනි දා තීරණය වනු ඇත.සියළු දේශීය හා විදේශීය විජාතික බලවේග මහින්ද රාජපක්‍ෂ මහතාට විරුද්ධ ව පෙළ ගැසී ඇත. බටහිර හා ඉන්දීය ඔත්තුසේවා නිලධාරීහු සිය අමන කාර්යයන්හි යෙදී සිටිති. චම්පක රණවක වැන්නන්ගේ රෙදි පිළි ගැළවී අහසේ පාවී යයි. රතන හිමියන්ගේ හා ඕමල්පේ හිමියන්ගේ බොරු කතාවලින් උන්වහන්සේලාගේ පාවාදීම වසාගත නො හැකි ය. එක්සත් ජනතා සංධානයේ ලැයිස්තුවල දේශප්‍රේමීන්ට අමතරව ද්‍රෝහියෝ ද සිටිති. එක්සත් ජනතා සංධානයේ ජාතික ලැයිස්තුව අච්චාරුවකි. එහි සිංහලයන් වූ  ඉන්දීය ඔත්තු සේවාවේ අය ද චන්ද්‍රිකාගේ නියෝජිතයෝ ද මෛත්‍රිපාලගේ නියෝජිතයෝ ද මහින්දගේ නියෝජිතයෝ ද වෙති. 

රට රැකි මහින්ද හා රට පාවාදෙන රනිල් (ඉරිදා දිවයින පළ නොකළ ලිපියකි)

රට රැකි මහින්ද හා රට පාවාදෙන රනිල්

සියළු විජාතික බලවේගවලට අවශ්‍ය මහින්ද රාජපක්‍ෂ පැරදවීම ය.  මහින්ද නැති ශ්‍රි ල නි පක්‍ෂයක් නැති බව දහස් වරක් පෙනී ගොස් ඇත. අද ඇත්තේ ශ්‍රී ල නි ප හෝ එ ජ නි ස හෝ මැතිවරණ ව්‍යාපාරයක් නොව මහින්ද මැතිවරණ ව්‍යාපාරයකි. බටහිරයන්ට අවශ්‍ය ඊනියා මහින්ද රෙජිමය පැරදවීම ය. ඒ ඔවුන්ගේ ලංකා වසන්තය ය. ඔවුන්ට මහින්ද රාජපක්‍ෂ මහතා පැරදවීමට අවශ්‍ය වී ඇත්තේ තම අභිමතය පරිදි ක්‍රියා නොකර ඔහු විසින් දෙමළ ත්‍රස්තවාදය පරාජය කරනු ලැබීම නිසා ය. බටහිරයන්ගේ සුවච කීකරු ගැත්තා වූ ද බටහිරයන්ට අවශ්‍ය ආකාරයට දෙමළ ජාතිවාදයට කප්පන් දී සිංහල ජාතිකත්වය හා රටේ ස්වෛරීභාවය නැති කිරීමට සැදී පැහැදී සිටින්නාවූ ද රනිල් කියන්නේ ජනතාවගේ අනාගතය වෙනුවෙන් මහින්දගේ අනාගතය නැති කළ යුතු ය. එහෙත් ඔහු සැබවින් ම කියන්නේ බටහිරයන් වෙනුවෙන් මහින්ද නැති කළ යුතු බව ය.  චම්පක වැන්නෝ මහින්ද ගෙදර යැවීමෙන් සෑහීමකට පත් නොවෙති. 

මහින්දට අගමැති වීමට නො හැකි ද?

මහින්දට අගමැති වීමට නො හැකි ද?

ඇතැමුනට අනුව මහින්ද රාජපක්‍ෂට අගමැති වීමට බාධාවක් වෙයි. 19 වැනි ව්‍යවස්ථා සංශෝධනයෙන් පසු මහින්ද රාජපක්‍ෂට තුන්වැනි වරට ජනාධිපති විය නො හැකි ය. අනෙක් අතට යම්කිසි ආකාරයකින් මෛත්‍රිපාල සිරිසේනගේ සේවා කාලය අවසන් වීමට පෙර ජනාධිපති තනතුරේ පුරප්පාඩුවක් ඇති වුවහොත් මසක් ඇතුළත පාර්ලිමේන්තුව විසින් එහි මන්ත්‍රීවරයකු ජනාධිපති ලෙස තෝරා පත් කර ගනු ලැබිය යුතු ය. එසේ තෝරා පත් කර ගන්නා තෙක් අගමැති ජනාධිපති තනතුරෙහි වැඩ බැලිය යුතු ය. මේ ප්‍රතිපාදන නිසා ඇතැමුන් මහින්දට අගමැති විය නොහැකිය යන තර්කයක් මතුකර ඇත.

ශ්‍රී ල නි ප යළි ඉපදෙයි

ශ්‍රී ල නි ප යළි ඉපදෙයි

විජාතික බලවේගවල මෙහෙයවීමෙන් පසුගිය ජනවාරි 8 වැනි දා මෛත්‍රිපාල සිරිසේන විසින් ශ්‍රී ල නි ප ඝාතනය කෙරිණි. ජූලි 17 වැනි දා ශ්‍රී ල නි ප අනුරාධපුරයේ දී යළි උපත ලබා ඇත. අගෝස්තු 17 වැනි දා මැතිවරණ ජයග්‍රහණයෙන් පසු ශ්‍රී ල නි පක්‍ෂය ප්‍රමුඛ සංධාන ආණ්ඩුවක් මෛත්‍රිපාල පල පල කියමින් ඔහු ඉදිරියේ දී ම දිවුරුම් දෙනු ඇත. ඇතැමුනට අනුව සංධානය මෑතිවරණයෙන් පරාජය වනු ඇත. ඒ ගොන් කතා ගැන ප්‍රසිද්ධ කිරිඇල්ල න්‍යායට අනුව ය. 

අශීලාචාරයෝ කවරහු ද?

අශීලාචාරයෝ කවරහු ද? 

අද දෙරණ වෙබ් අඩවියට අනුව මෛත්‍රිපාල සිරිසේන ලබන අගෝස්තු 17 වැනි දිනට පසු ගෙදර හරින බවට මා කළ ප්‍රකාශය අශිලාචාර එකක් යැයි කබීර් හෂීම් පවසා ඇත. මා කිසි දිනෙක ගේට්ටු කඩාගෙන විත් මෛත්‍රිපාල ගෙදර හරින බවක් කියා නැත. මා පැහැදිලිව කියා ඇත්තේ ව්‍යවස්ථානුකූලව දෝෂාභියෝගයක් මගින් මෛත්‍රිපාල ගෙදර හරින බව ය. ඒ අශීලාචාර නම් මෙරට ව්‍යවස්ථාව අශීලාචාර විය යුතු ය. එය ජේ ආර් ජයවර්ධනගේ අශිලාචාර කමක් යැයි කබීර් හෂීම් පවසන්නේ ද? 

මෛත්‍රිපාල සමග ඇයි හොඳයියක් අවශ්‍ය නැහැ (ඉරිදා දිවයින ලිපියකි)

මෙය මෛත්‍රිපාල  සිරිසේනගේ ජඩ ප්‍රකාශයට පෙර ලියන ලද්දකි

මෛත්‍රිපාල සමග ඇයි හොඳයියක් අවශ්‍ය නැහැ 

මම කිසිම දේශපාලන පක්‍ෂයක සාමාජිකයෙක් නො වෙමි. එහෙත් මට රනිල් මෛත්‍රිපාල පික්පොකට් ආණ්ඩුව මැතිවරණයේ දී පරාජය කිරීම අවශ්‍ය වෙයි. එයට හේතුව ඒ ආණඩුව බටහිර යටත්විජිත ගැති ඉන්දීිය පක්‍ෂපාති සිංහල විරෝධී එකක් වීම ය.  මේ දුස්සංධානය හා දෙමළ ජාතික සංධානය අද මෙරට බටහිර හා ඉන්දිය ගැති පක්‍ෂ අතර ප්‍රධාන වෙයි. ජ වි පෙ, ජාතික හෙළ උරුමය, මුස්ලිම් කොංග්‍රසය ආදී පක්‍ෂ ද එවැනි ම වූ පක්‍ෂ වෙයි. ශ්‍රී ල නි ප මෛත්‍රිපාල කණ්ඩායම ද එසේ ම ය. එබැවින් මහින්ද මෛත්‍රිපාල එකතුවක් නොතිබිය යුතු ය. එය අවසානයේ දී රටට විරුද්ධ වනු ඇත. 

චීන විද්‍යාවේ වෙනස (විදුසර ලිපියකි)

චීන විද්‍යාවේ වෙනස

ඩී එස් සී උපාධිධාරී සේවාර්ජිත (සම්මානිත) මහාචාර්ය අශෝක අමරතුංග මහතා ඉතාමත් පහත් මට්ටමකට වැටී ඇත. දැන් මා එසේ කත පමණින් ඒ පිළිගැනීමට පාඨකයන් බැඳී නැත. එබැවින් මට ඔහුගේ ලිපිවලින් ඇතැම් විට දිර්ඝ වශයෙන් උපුටා දැක්වීමට සිදුවෙයි. සාමාන්‍ය පාඨකයා විදුසර පෙර කලාප නැවතත් කියවීමට නො පෙළඹෙයි. එබැවින් පාඨකයාගේ පහසුව හා යහපත සඳහා ම මට අමරතුංග මහතාගේ ලිපිවලින්  පාඨ උපුටා දැක්වීමට සිදු වෙයි. එයට අමරතුංග මහතා අකමැති වීම පුදුමයක් නො වේ. ඒ මා ඔහුගේ වැරදි ඔහුගේ කටින් ම කීමට සලස්වන බැවිනි. 

මෛත්‍රිපාලගේ විශේෂ ප්‍රකාශය

මෛත්‍රිපාලගේ විශේෂ ප්‍රකාශය

මෛත්‍රිපාල සිරිසේන විසින් කරන ලද විශේෂ ප්‍රකාශයෙහි කරුණු කිහිපයක් අඩංගු විණි. ඔහු මහින්ද රාජපක්‍ෂට අගමැති කම නොදෙන බව කීවේ ය. තමා මහින්ද රාජපක්‍ෂට ජනවාරි 8 වැනි දාට පෙර තිබූ විරුද්ධත්වය එසේ ම පවතින බව ප්‍රකාශ කෙළේ ය. ශ්‍රී ල නි ප (සංධානය) ජයග්‍රහණය කළහොත් අගමැතිකම දීමට පක්‍ෂයේ ජ්‍යෙෂ්ටයන් සිටින බව කීවේ ය. තමා මහින්ද රාජපක්‍ෂට අගමැති අපේක්‍ෂකත්වයවත් කණ්ඩායමේ නායකත්වයවත් දී නැති බව එකහෙළා කියා සිටියේ ය. තමා ජනවාරි 8 වැනි දා ජයග්‍රහණය ඉදිරියට ගෙන යෑමට බැඳී සිටින බව කීවේ ය. මහින්ද රාජපක්‍ෂට සංධානයෙන් තරග කිරීමට ඉඩ දුන්නේ සංධාන නායකයන් සියයට සියයක් ම එසේ කරන ලෙස ඉල්ලා සිටි නිසාත්, ශ්‍රී ල නි පක්‍ෂයේ සියයට අනුනවයක් ම ඉල්ලා සිටි නිසාත් යැයි කීවේ ය. එහෙත් තමා මහින්දට විරුද්ධ බවත් ජනවාරි 8 වැනි දා මෙන් ම මැතිවරණයේ දී ද මහින්ද රාජපක්‍ෂ පරදින බවත් කීවේ ය. 

රට රැකි මහින්ද හා රට පාවාදෙන රනිල්

රට රැකි මහින්ද හා රට පාවාදෙන රනිල්

මෙරට පැවැත්වෙන තීරණාත්මක ම මැතිවරණය ආරම්භ වී ඇත. රටේ ස්වෛරිභාවය ඒකීයත්වය ආදිය අගොස්තු 17 වැනි දා තීරණය වනු ඇත.සියළු දේශීය හා විදේශීය විජාතික බලවේග මහින්දට විරුද්ධ ව පෙළ ගැසී ඇත. රාජ්‍ය නොවන ගැත්තෝ මහින්දට විරුද්ධ ව කුරුණෑගල ගෙන් ගෙට යති. බටහිර හා ඉන්දීය ඔත්තුසේවා නිලධාරීහු සිය අමන කාර්යයන්හි යෙදී සිටිති. චම්පක වැන්නන්ගේ රෙදි පිළි ගැළවී අහසේ පාවී යයි. රතන හිමියන්ගේ හා ඕමල්පේ හිමියන්ගේ බොරු කතාවලින් උන්වහන්සේලාගේ පාවාදීම වසාගත නො හැකි ය. එක්සත් ජනතා සංධානයේ ලැයිස්තුවල දේශප්‍රේමීන්ට අමතරව ද්‍රෝහියෝ ද සිටිති. එක්සත් ජනතා සංධානයේ ජාතික ලැයිස්තුව අච්චාරුවකි. එහි ඉන්දීය ඔත්තු සේවාවේ අය ද චන්ද්‍රිකාගේ නියෝජිතයෝ ද මෛත්‍රිපාලගේ නියෝජිතයෝ ද මහින්දගේ නියෝතජියෝ ද වෙති. ඝාතනය කෙරුණු ශ්‍රී ල නි පක්‍ෂයට පැහැදිලි නායකත්වයක් නැත. 

ශ්‍රී ල නි ප ඝාතනය (ඉරිදා රිවිර ලිපියකි)

ශ්‍රී ල නි ප ඝාතනය

2015 ජනවාරි 8 වැනි දා ඝාතනය කෙරුණු ශ්‍රී ල නි ප ජූලි 8 වැනි දා ආදාහනය කෙරිණි. මෙහි පහත පළවන්නේ ඒ ඝාතනය 1959 දී සිදු වූ බණ්ඩාරනායක ඝාතනය සමග සංසන්දනය කෙරෙමින් ලියූ ලිපියකි. 1959 දී බණ්ඩාරනායක මහතා ඝාතනය කෙරුණ ද ශ්‍රී ල නි ප ඝාතනය නො කෙරිණි. ඉන්පසුව ද ශ්‍රී ල නි ප ප්‍රමුඛ සංධාන බලයට පත්විණි. 1977 දී ජේ ආර් ජයවර්ධන බලයට පත් වී බණ්ඩාරනායක මැතිණියගේ ප්‍රජා අයිතිවාසිකම්  නැති කිරීමෙන් පසුව ද ශ්‍රී ල නි ප ඝාතනය ඝාතනය කිරීමට නො හැකි විණි. 

මෛත්‍රිගේ හා චන්ද්‍රිකාගේ බලපෑම් පරාජය කරමු

මෛත්‍රිගේ හා චන්ද්‍රිකාගේ බලපෑම් පරාජය කරමු

එක්සත්  ජනතා නිදහස් සංධානයේ කොළඹ දිස්ත්‍රික්කයේ හා ගම්පහ දිස්ත්‍රික්කයේ නාමයෝජනා ලැයිස්තු තවමත් සම්පූර්ණ නැත. මහින්ද රාජපක්‍ෂ වෙනුවෙන් මුල සිට ම කටයුතු කළ කිහිප දෙනකුට ම නාමයෝජනා අහිමි වන ලකුණු පහළ වී ඇත. එයට ප්‍රධාන හේතු වන්නේ චන්ද්‍රිකාගේ හා මෛත්‍රිපාලගේ බලපෑම් යැයි වාර්තා වෙයි.

මෛත්‍රිට රටේ බලයක් නැහැ

මෛත්‍රිට රටේ බලයක් නැහැ

රනිල් පසුගිය දා පවත්වන ලද එ ජා ප සම්මේලනයේ දී විජිතපුර සටන ගැන සඳහන් කර ඇත. එය තවත් පස්දුන් කතාවකි. පස්දුන් කෝරළයෙන් පස්දීම ගැන රනිල් කළ කතාව බොහෝ දෙනාට මතක ඇතැයි සිතමි. රනිල්ට අනුව මෛත්‍රිපාල එ ජා පක්‍ෂයට විජිතපුර සටන දිනා දී ඇත. ඔහු මෙතෙක් ඒ බවක් කීවේ නැත. රනිල් කීවේ ඊනියා ජාතික ආණ්ඩු කතාවකි. එහෙත් දැන් ඔහු ප්‍රසිද්ධියේ කියන්නේ මෛත්‍රිපාල තමන්ට පික්පොකට් ආණ්ඩුවක් ලබාදීමට කටයුතු කළ බව ය. 

චම්පක හා වෙල් විදානෙ නියම තැන

චම්පක හා වෙල් විදානෙ නියම තැන

ජනවාරි 8 වැනි දා සිදු වූයේ විප්ලවයක් යැයි රනිල් බෙරිහන් දෙයි. රාජ්‍ය නොවන පඬියෝ ද එයම කියති. මේ පඬියන්ගෙන් ඇතැමෙක් මාක්ස්වාදීහු වෙති. මාක්ස්වාදයෙහි ද සමාජ විප්ලව ගැන කියැවෙයි. රනිල් කියන්නේ මොන විප්ලවයක් ගැන දැයි පඬියෝ අපට කියා දෙත් ද? ඒ කුමක් වුවත් ජනවාරි 8 වැනි දා සිදු වී ඇත්තේ ප්‍රතිවිප්ලවයකි. අගොස්තු 17 වැනි දා ජනතාව මේ ප්‍රතිවිප්ලවය පරදවනු ඇත. ජනවාරි 8 වැනි දා සිදුවූයේ ප්‍රතිවිප්ලවයක් යැයි අප කියන්නේ එදින මෙරට සමාජ ප්‍රගතිය තාවකාලික ව වුවත් ආපසු හැරවුනු නිසා ය.

මෛත්‍රිපාලගේ ගැටළුව

මෛත්‍රිපාලගේ ගැටළුව

මෛත්‍රිපාල සිරිසේන යනු බටහිරයන් හා ඉන්දියයන් අතෙහි මෙහෙයවෙන රෑකඩයක් පමණි. තමාට ලැබී තිබෙන කොන්ත්‍රාත්තුවෙන් විශාල කොටසක් ඔහු ඉටු කර ඇත. ඔහුට තවත් ඉතිරිව ඇත්තේ අගොස්තු 19 වැනි දාට පසුව, මනාප ගණන් කර අවසන් වී තවදුරටත් රනිල් පික්පොකට් අගමැති ලෙස රඳවා ගැනීම පමණ ය. ඉන්පසු රට පාලනය කරනු ඇත්තේ බටහිරයන්ගේ අවශ්‍යතාව පරිදි රනිල් ය. අද ඉන්දීය නියෝජිතයන් ලෙස කටයුතු කරන මලිත් ජයතිලක වැන්නන්ට ද සුළු කාර්යභාරයක් හිමි වනු ඇත.

දහනායක කවු ද?

දහනායක කවු ද?

කීමට බොහෝ දේ ඇත. එහෙත් මැතිවරණයක් අභිමුඛයේ ඇතැම් දේ කීමට නො හැකි ය. අපි අගෝස්තු 19 වැනි දාට පසුව, මනාප ගණන් කර අවසානයේ, අලුත් ගමනක් යෑමට බලාපොරොත්තු වෙමු. මට ජීවත් වීමට එතරම් වයසක් ඉතිරි වී නැතත් වෙනත් කවුරුන් වුවත් ඒ ගමන යා යුතු ය. ශ්‍රී ල නි ප ඝාතනය කෙරී ඇත. 

අමරතුංග මහතාට අනුව ද චීන දර්ශනය වෙනස් ය (විදුසර ලිපියකි)

අමරතුංග මහතාට අනුව ද චීන දර්ශනය වෙනස් ය

ඩී එස් සී උපාධිධාරි සේවාර්ජීිත (සම්මානිත) මහාචාර්ය අශෝක අමරතුංග මහතා බොහෝ විට විශේෂයෙන් ම වෙනත් වෙබ් අඩවිවල සහ විද්‍යුත් ලිපි සංසදවල ප්‍රකාශ කරන කරුණක් නම් මා ඔහුට අපහාස කරන බව ය. ඔහු ඉන් අදහස් කරන්නේ තමා එලෙස අපහාස නොකරන බව ය. එහෙත් මගේ සේවය දිගු කිරීම පිළිබඳ සඳහන් කරමින් ඔහු කීවේ මා සියල්ල කරන්නේ මගේ පෞද්ගලික යහපත වෙනුවෙන් බව ය. ඒ ෞද්ගලික දිගුවක් නොව ආසනික් පර්යේෂණ කරගෙන යෑම සඳහා නාථ දෙවියන් යනුවෙන් හැඳින්වෙන ප්‍රාණියා මැදිහත් වීමෙන් කරන ලද දිගුවකි. ඒ පිළිබඳ මම වැඩිදුර කතා නො කරමි.

ශ්‍රී ල නි ප ඝාතනය

ශ්‍රී ල නි ප ඝාතනය

2015 ජනවාරි 8 වැනි දා ඝාතනය කෙරුණු ශ්‍රී ල නි ප ජූලි 8 වැනි දා ආදාහනය කෙරිණි. 1959 දී බණ්ඩාරනායක මහතා ඝාතනය කෙරුණ ද ශ්‍රී ල නි ප ඝාතනය නො කෙරිණි. ඉන්පසුව ද ශ්‍රී ල නි ප ප්‍රමුඛ සංධාන බලයට පත්විණි. 1977 දී ජේ ආර් ජයවර්ධන බලයට පත් වී බණ්ඩාරනායක මැතිණියගේ ප්‍රජා අයිතිවාසිකම්  නැති කිරීමෙන් පසුව ද ශ්‍රී ල නි ප ඝාතනය ඝාතනය කිරීමට නො හැකි විණි. 

ගමනක අවසානය

ගමනක අවසානය

1959 සැප්තැම්බර් 26 වැනි දා බණ්ඩාරනායක මහතා ඝාතනය කිරීමෙන් පසු ගමනක අවසානය නමින් කෙටි වාර්තා චිත්‍රපටියක් නිර්මාණය කෙරිණි. මට ඒ චිත්‍රපටියේ නම මතක් වූයේ එතුමා ආරම්භ කළ ශ්‍රී ල නි ප 2015 ජනවාරි 8 වැනි දා ඝාතනය කෙරී ඉන් හයමසකට පසු අද දින (2015 ජූලි 08) ආදාහනය කෙරෙන බැවිනි. ජනවාරි 8 වැනි දා බණ්ඩාරනායක මහතාගේ උපන් දිනය වීමෙන් කණගාටුව තවත් තීව්‍ර වෙයි. බණ්ඩාරනායක ඝාතනයට කැලණිය පන්සල සම්බන්ධ විය. බුද්ධරක්ඛිත හා විමලා විජේවර්ධන කැලණිය පන්සලේ කෙළිකරුවෝ වූහ.  ශ්‍රී ල නි ප ඝාතනය සැලසුම් කෙරුණේ කැලණිය පන්සලේ ප්‍රධාන දායකයකු වූ රනිල් වික්‍රමසිංහ අතිනි. මේ සිද්ධිවලින් පන්සලට අගෞරවයක් අත් නොවනු ඇත. එහෙත් දෛවයේ සරදම එබඳු ය. 

මෛත්‍රිපාල අත්හරිමු

මෛත්‍රිපාල අත්හරිමු 

    

අගමැති ධුරයට කෑදරකමින් ශ්‍රී ල නි පක්‍ෂය ද එ ජ නි සංධානය ද කඩාගෙන ගියේ මෛත්‍රිපාල සිරිසේන ය. ඔහු මොකක්දෝ පක්‍ෂයකින් හංසයා ලකුණෙන් විජාතික බලවේගවල ආධාරයෙන් ගියවර ජනාධිපතිවරණය සුළු ප්‍රතිශතයකින් ජය ගත්තේ ය. ඒ දෙමළ හා මුස්ලිම් ඡන්ද ද ජ වි පෙරමුණේ ඡන්ද ද ඔහුට තොගපිටින් වැටෙද්දී ය. ජ වි පෙරමුණට ඇති ඡන්ද තුන්ලක්‍ෂයක ප්‍රමාණය අවසානයේ දී තීරණාත්මක විය. මෛත්‍රිපාල බලයට පත් කිරීමේ පාප කර්මයෙන් එ ජා පක්‍ෂයට, දෙමළ ජාතික සංධානයට විවිධ මුස්ලිම් පක්‍ෂවලට මෙන් ම ජ වි පෙරමුණට හා ජාතික හෙළ උරුමයට ද මිදිය නො හැකි ය. 

මහින්දගේ පුනරාගමනය හා රටේ වටිනාකම (ඉරිදා දිවයින ලිපියකි)

මහින්දගේ පුනරාගමනය හා රටේ වටිනාකම

පසුගිය ජූලි පළමුවෙනිදා අධි ඇසළ පොහොය විය. බෞද්ධ සාහිත්‍යයේ අධි පොහොයවල සිදු වූ විශේෂ සිද්ධි නොමැත. මම ද එදින මැදමූලන ගියෙමි. පොළොන්නරුවේ සිට වැඩම කර එදින මැදමූලන ධර්මදේශනය පැවැත්වූ භික්‍ෂූන් වහන්සේ ප්‍රකාශ කළ පරිදි මෙවර අධි ඇසළ පොහොය මහින්ද රාජපක්‍ෂට ජනතාව අණකළ පොහොය විය. මැදමූලනට දිවයිනේ දසතින් වැඩම කළ භික්‍ෂූන් වහන්සේ හා ගිහි ජනතාව මහින්ද රාජපක්‍ෂ මහතාට අණ කළේ මැතිවරණයට ඉදිරිපත් වන ලෙස ය. මහින්ද රාජපක්‍ෂ මහතා ඒ අණ පිළිගත්තේ ය. එපමණක් නොව ආණ්ඩුවක් පිහිටුවන බව ද ප්‍රකාශ කෙළේ ය. 

මෛත්‍රීපාල ගිවිසුම (ඉරිදා රිවිර ලිපියකි)

මෛත්‍රීපාල ගිවිසුම

මේ ලිපිය දින කිහිපයකට පෙර ලියැවිණි. 

මහින්ද රාජපක්‍ෂ මහතා රැ වැටුණු වළේ දවල් වැටෙන්නට ගොස් බේරී ඇත. වාර්තාවන අන්දමට මහින්ද රාජපක්‍ෂ මහතාට මැතිවරණයේ දී ශ්‍රී ල නි පක්‍ෂයෙන් තරගකිරීමට ඉඩදීමට මෛත්‍රිපාල සිරිසේන මහතා කැමති වී ඇත. එහෙත් අගමැතිකම දීම ප්‍රතික්‍ෂෙප කර ඇත.  ශ්‍රී ල නි පක්‍ෂයේ ඇතැමකු එයට කැමැත්ත පළ කර ඇතැයි ද වාර්තා විය. මෙය ඉතාමත් භයානක තත්ත්වයක් විය. ඔවුන් කියා සිටියේ පාර්ලිමේන්තුවට තේරී පත්වූවාට පසු මහින්ද රාජපක්‍ෂ මහතාට අගමැතිකම ලබා ගත හැකි ය යන්න ය. 

මෛත්‍රිපාලට බලපෑම්

මෛත්‍රිපාලට බලපෑම්

මෛත්‍රිපාල සිරිසේනට විජාතික බලවේගවලින් බලපෑම් එල්ල වන බව රහසක් නො වේ. චන්ද්‍රිකාගේ සිට එංගලන්ත මහා කොමසාරිස් දක්වා මහින්දට එක්සත් ජනතා නිදහස් සංධානයෙන් තරග කිරීමට ඉඩ දීම පිළිබඳ ව මෛත්‍රිපාලට දොස් කියා ඒ ඉල්ලා අස්කර ගැනීමට බලකරනු නිසැක ය. පික්පොකට් අගමැති ද තම තනතුර බේරා ගැනීම සඳහා විවිධ උපක්‍රම යොදා ගනු ඇත. අජිත් පෙරේරා පමණක් නොව අර්ජුන රණතුංග ද තම නියෝජ්‍ය ඇමතිකම්, ඇමතිකම් බේරා ගැනීමට කටයුතු කරති.

මහින්ද රෑ වැටුණු වළේ දවල් වැටීම

මහින්ද රෑ වැටුණු වළේ දවල් වැටීම

මෛත්‍රිපාල සිරිසේන මහින්ද රාජපක්‍ෂට එක්සත් ජනතා සංධානයෙන් තරග කිරීමට ඉඩ දී ඇත. මහින්ද පිළේ බොහෝ අය එය ජයග්‍රහණයක් ලෙස සලකනු ඇත. එහෙත් එය මහින්දගේ අයිතියකි.

අමරතුංග මහතාගේ බොරු කතා (විදුසර පුවත්පතෙහි පළවූ ලිපියකි)

අමරතුංග මහතාගේ බොරු කතා

මේ ලිපිය ධනපාල මහතා තමා විවාදයට සහභාගි නොවන බව සඳහන් කිරීමට පෙර ලියැවිණි.

ඩී එස් සී උපාධිධාරී සේවාරජිිත (සම්මානිත) මහාචාර්ය අශෝක අමරතුංග මහතාට තම සහායට පැමිණි බෝධි ධනපාල මහතාගෙන් අලුත් පණක් ලැබී ඇත. බටහිර විද්‍යාව පට්ටපල් බොරු ය යන විවාදය විදුසරට අමතර විද්‍යුත් ලිපි සංසදයක ද  කෙරෙයි. ඒ විවාදය විද්‍යුත් ලිපි මගින් නොව ලංකාවේ දී ප්‍රසිද්ධ විවාදයක් ලෙස පැවැත්විය යුතු ය යනුවෙන් මා කරන ලද යෝජනාව බෝධි ධනපාල මහතා පිළිගෙන ඇත. ඒ අනුව මගේ ආරාධනය පරිදි ලංකාවට පැමිණීමට ධනපාල මහතා එකඟ වී ඇත. ඒ ප්‍රසිද්ධ විවාදයට සහභාගි වන ලෙස  මා අශෝක අමරතුංග මහතාට ද ආරාධනය කළ මුත් ඒ මහතා සුපුරුදු පරිදි විවාදයෙන් පැන යයි.

මහින්දට සංධානයෙන් බැහැ

මහින්දට සංධානයෙන් බැහැ

අද (2015 ජූලි 02) සවස මෛත්‍රිපාල සිරිසේන හමු වූ සංධාන නායකයනට ඔහු පවසා ඇත්තේ මහින්ද රාජපක්‍ෂට එක්සත් ජනතා නිදහස් සංධානයෙන් මැතිවරණ අපේක්‍ෂකත්වය ද නොලැබෙන බව ය. ඊයේ සවස මෛත්‍රිපාල හමු වූ එංගලන්ත හා ඉන්දීය මහකොමසාරිස්වරුන් ද ඇමරිකන් තානාතිවරයා ද මහින්ද රාජපක්‍ෂට සංධානයෙන් මැතිවරණය තරග කිරීමට ඉඩ දීම පිළිබඳ තම විරුද්ධත්වය පළ කර ඇත. ඔවුන්ට අමතරව චන්ද්‍රිකා කුමාරතුංග ද ප්රාජිත ද චම්පක ද තම විරුද්ධත්වය පළ කර ඇත.

මිහිඳු හිමි හා මහින්ද (ඉරිදා දිවයින ලිපියකි)

මිහිඳු හිමි හා මහින්ද

මහින්ද රාජපක්‍ෂ මහතා පන්සල් යෑම බොහෝ දෙනකුගේ කතාබහට ලක් වී ඇත. අතුරලියේ රතන හිමියන්ට ද එය ප්‍රශ්නයක් වී ඇති බව පෙනෙයි. එහෙත් එය මෙරට ඉතිහාසයට හා සංස්කෘතියට එකඟ ය. රනිල් වික්‍රමසිංහ මහතා නම් එය ප්‍රශ්නයක් විය හැකි වුවත් අද ඔහු වඩාත් කල්පනා කරනු ඇත්තේ පාර්ලිමේන්තුව විසුරුවා හැරීම පිලිබඳ ව ය.  තමන් විසින් බලයට පත් කෙරුණු මෛත්‍රිපාල සිරිසේන මහතා මේ කරන්නේ කුමක් දැයි ඔහු කල්පනා කරනු නිසැක ය.

මහින්දගේ පුනරාගමනය

මහින්දගේ පුනරාගමනය

අද ජූලි පළමුවෙනිදා අධි ඇසළ පොහොය විය. බෞද්ධ සාහිත්‍යයේ අධි පොහොයවල සිදු වූ විශේෂ සිද්ධි නොමැත. මැදමූලන අද ධර්මදේශනය පැවැත්වූ භික්‍ෂූන් වහන්සේ ප්‍රකාශ කළ පරිදි මෙවර අධි ඇසළ පොහොය මහින්ද රාජපක්‍ෂට ජනතාව අණකළ පොහොය විය. මැදමූලනට දිවයිනේ දසතින් වැඩම ළ භික්‍ෂූන් වහන්සේ හා ගිහි ජනතාව මහින්දට අණ කළේ මැතිවරණයට ඉදිරිපත් වන ලෙස ය. මහින්ද ඒ අණ පිළිගත්තේ ය. එපමණක් නොව ආණ්ඩුවක් පිහිටුවන බව ද ප්‍රකාශ කෙළේ ය. 

මෛත්‍රීට නො රුවටෙනු

මෛත්‍රීට නො රුවටෙනු

මහින්ද රාජපක්‍ෂ රැ වැටුණු වළේ දවල් වැටෙන්නට යන බව පැහැදිලි ය. වාර්තාවන අන්දමට මහින්දට මැතිවරණයේ දී ශ්‍රී ල නි පක්‍ෂයෙන් තරගකිරීමට ඉඩදීමට මෛත්‍රිපාල කැමති වී ඇත. එහෙත් අගමැතිකම දීම ප්‍රතික්‍ෂෙප කර ඇත.  ශ්‍රී ල නි පක්‍ෂයේ ඇතැමකු එයට කැමැත්ත පළ කර ඇතැයි ද වාර්තා වෙයි. මෙය ඉතාමත් භයානක තත්ත්වයකි. ඔවුන් කියන්නේ පාර්ලිමේන්තුවට තේරී පත්වූවාට පසු මහින්දට අගමැතිකම ලබා ගත හැකි ය යන්න ය. 

මහින්ද විරෝධී කණ්ඩායම

මහින්ද විරෝධී කණ්ඩායම

අද හෙට වන විට මහින්ද විරෝධී ඊනියා ජාතිකත්ව කණ්ඩායම කාහටත් පෙනෙන පරිදි වෙන් වනු ඇත. ජනවාරි 8 වැනි දා මහින්දට විරුද්ධව ශ්‍රී ල නි පක්‍ෂයේ ද ජාතික හෙළ උරුමයේ ද වෙල් විදානේගේ පක්‍ෂයේ ද සැලකිය යුතු කොටසක් විය. මෛත්‍රිපාල සිරිසේන ඔවුන්ට නායකත්වය දුන්නේ ය. ජනවාරි 8 වැනි දාට පසු පිහිටුවන ලද පික්පොකට් ආණ්ඩුවේ ඇමතිකම්, නියෝජ්‍ය ඇමතිකම්, රාජ්‍ය ඇමතිකම් ලබාගත්තෝ ඔවුන් අතර වූහ. ඉන්පසුව ද සමහරු සිංගප්පූරු ගොස් මහින්ද විරෝධී කණ්ඩායමට එකතු වූහ. මහින්ද විරෝධී කණ්ඩායම මුළුමනින් ම මෙහෙයවන ලද්දේ බටහිරයන් හා ඉන්දීයයන් විසිනි. මහින්ද විරෝධී ඊනියා ජාතිකත්ව කණ්ඩායම ක්‍රියාත්මක වූයේ පාර්ලිමේන්තුවේ පමණක් නො වේ. ඉන් පිටත ද විශේෂයෙන් ම ඉන්දීය ඒජන්තයෝ වූහ.

ජනතාව කෝප් වාර්තාව දැන ගත යුතුයි

ජනතාව කෝප් වාර්තාව දැන ගත යුතුයි

කෝප් වාර්තාව පාර්ලිමේන්තුවට ඉදිරිපත් කෙරිණි. එය අනුකමිටුවක වාරාතාවක් ය, අනුකමිටුවකට පාර්ලිමේන්තුවට වාර්තාවක් ඉදිරිපත් කිරීමට නොහැකි ය ආදී වශයෙන් විවිධ කතා පැතිරී යමින් පවතියි. එහෙත් ඒ සියළු කතා බයිලා පමණ ය. එ ජා ප භාරකාර ඇමතිවරුන්ගේ, නියෝජ්‍ය ඇමතිවරුන්ගේ බයිලා වලින් අපට වැඩක් නැත. පාර්ලිමේන්තුව අදාළ වාර්තාව සලකා බැලීම සඳහා පිළිගෙන ඇත. ජූලි 07 වැනි දා හෝ ඒ ආසන්නයේ හෝ වාර්තාව ගැන යම් සකච්ඡාවක් කිරීමට ද පාර්ලිමේන්තුවේ එකඟතාවක් තිබී ඇත. එසේ තිබිය දී වාරාතාවේ නිල තත්ත්වය පිළිබඳ ඇතැම් භාරකාර නියෝජ්‍ය ඇමතිවරුන් බයිලා කීම කණගාටුදායක ය. 

සියලු විජාතික ගැත්තන් පරාජය කරමු (ඉරිදා රිවිර ලිපියක සුළු සංස්කරණයකි)

සියලු විජාතික ගැත්තන් පරාජය කරමු

මුස්ලිම් කොංග්‍රසයේ නායක හකීම් මහතා පාර්ලිමේන්තුවේ දී කුස්සි කැබිනට්ටුවක් ගැන සඳහන් කර ඇත. ඒ මහතාට අනුව මහින්ද රාජපක්‍ෂ මහතා ඉවත් කිරීමට ගොස් තමන් මහත් අවුලකට පත් වී ඇත. ඒ මහතාගේ කතාවේ හරය අනාගතයේ දී ජනාධිපති වීමට දඟලන පුද්ගලයකු විසින් වත්මන් ජනාධිපති මෙහෙයවෙන බව ය. මේ පුද්ගලයා කවුදැයි අමුතුවෙන් කිවයුතු නො වේ. ඔහු දේශපාලනඥයන් අතර ද සිටින අවස්ථාවාදියා වෙයි. භික්‍ෂූන් වහන්සේ හිසින් පාර්ලිමේන්තුවට ගිය ඔහු අද නැවතත් හැකිනම් මහින්ද රාජපක්‍ෂ මහතා කරා ඒමට උත්සාහ කරයි. මහින්දට දේශපාලනය අහිමි කරන බවට වහසි බස් දෙඩූ මොහු සංධානයක හතර මායිමට වද්දා නොගත යුතු පුද්ගලයෙකි. රට අවුල් කරන මෛත්‍රිපාල සිරිසේන මහතා බලයට පත්කර ගැනීමට ඔහු උනන්දුවක් දැක්වූයේ ම තම ජනාධිපති ඉලක්කය කරා යෑමට ය. 

කෝප් වාර්තාව යටගැහීම

කෝප් වාර්තාව යටගැහීම

අර්ජුන් මහේන්ද්‍රන් ආපසු සිංගප්පූරුවට ගොස් ඇතැයි වාර්තා වෙයි. එය සත්‍යයක් දැයි නිසැකව ම කිව නො හැකි ය. ඒ එසේ වුවත් නැතත් ඔහු කෝප් විමර්ෂණයෙහි දී කීවේ කුමක් දැයි දැනගැනීමේ අයිතිය ජනතාව වන අපට තිිබිය යුතු ය. ඊනියා තොරතුරු දැනගැනීමට ඇති අයිතිය පාර්ලිමේන්තුවේ සම්මත නොවූ බව වෙනත් කරුණකි. කෝප් වාර්තාව දැනගැනීමේ අයිතිය පාර්ලිමේන්තුව විසුරුවා හැරීමෙන්  ජනතාවට නැති කිරීමට ඉඩ දිය යුතු ද? 

රනිල් තිස්වැනි වතාවටත් සැරසෙයි

රනිල් තිස්වැනි වතාවටත් සැරසෙයි

රනිල් වීක්‍රමසිංහ මහින්ද රාජපක්‍ෂට අභියෝගයක් කර ඇත. හැකි නම් අගමැති ධුරයට ඉදිරිපත් වී ජයගන්නා ලෙස ඔහු මහින්දට කියයි. ඔහු නැවතත් රාජපක්‍ෂ රෙජිමය පිළිබඳ කතාව ඇද ගනියි. රාජපක්‍ෂලා ගෙදර යවන බවට ඔහු බෙරිහන් දෙයි. ඔහුට රාජපක්‍ෂලා ගැන ඇත්තේ වෛරයකි. එය පෞද්ගලික වෛරයක් නො වේ. ඔහුට එවැනි වෛරයක් චන්ද්‍රිකා සමග නැත. ඔහු මහින්ද ගෙදර යැවීමට චන්ද්‍රිකා සමග ද එකතු වෙයි. ඔහු ඇගේ වෛරය ගැන නොදන්නවා නො වේ. අද දවසේ ඇගේ වෛරය මෙන් ම ඔහුගේ වෛරය ද මහින්ද රාජපක්‍ෂ කෙරෙහි යොමු වෙයි.

මහින්ද ශ්‍රී ල නි ප නායකත්වයට

මහින්ද ශ්‍රී ල නි ප නායකත්වයට 

ජනවාරි 8 වැනි දා මහින්ද රාජපක්‍ෂ ශ්‍රී ල නි ප සභාපතිත්වය අත්හැරියේ ය. එයට හේතු ගණනාවක් තිබිණි. ශ්‍රී ල නි ප උඩින් දෙකඩ වී තිබිණි. පක්‍ෂයේ මන්ත්‍රීවරුන් ගණනාවක් එ ජා ප සමග සන්ධානයකට සූදානම් වූහ. මෛත්‍රිපාල සිරිසේන පක්‍ෂ ලේකම් ධුරය අත්හැර වෙනත් පක්‍ෂයකින් තරග කර ජනාධිපතිවරණයේ දී ශ්‍රී ල නි ප ප්‍රධාන සංධානයේ අපේක්‍ෂකයා පරදවා තිබිණි. ශ්‍රී ල න ි ප පාර්ලිමේන්තු කණ්ඩායමේ මහින්දට වඩා මෛත්‍රිපාලට කැමැත්තක් විය. වෙනත් වචනවලින් කිවහොත් පාර්ලිමේන්තුවේ මෛත්‍රිපාල කණ්ඩායම මහින්ද කණ්ඩායමට වඩා බලවත් විය.

විස්සත් නැහැ විස්සාසභංගෙත් නැහැ වාර්තාවත් නැහැ

විස්සත් නැහැ විස්සාසභංගෙත් නැහැ වාර්තාවත් නැහැ

මාසයකට පමණ පෙර විස්සත් නැහැ විස්සාසභංගෙත් නැහැ යනුවෙන් ලිපියක් කාලය වෙබ් අඩවියේ පළ කෙළෙමි. අවාසනාවකට ඒ අනාවැකිය ඵලදරා ඇත. එ ජා පක්‍ෂයට මන්ත්‍රින් සිටියේ  සුළුතරයක් වුව ද වැඩ කටයුතු තමන්ට අවශ්‍ය ආකාරයට කිරීමට රනිල් සමත් විය. මෛත්‍රිපාල ජනාධිපති බවට පත්කර ගත්තේ ම රනිල්ලාට අවශ්‍ය අන්දමට කටයුතු කිරීමට මිස චම්පකලාට ප්රාජිතලාට අවශ්‍ය පරිදි ක්‍රියා කිරීමට නො වේ.

යමපාලනය අවසන් කරමු

යමපාලනය අවසන් කරමු

අවසානයේ දී අද මධ්‍යම රාත්‍රියෙහි දී පාර්ලිමේන්තුව විසුරුවා හැරෙනු ඇත. එක් එක් අයට එක් එක් න්‍යාය පත්‍ර තිබුූ නමුත් ඒ න්‍යාය පත්‍ර ක්‍රියාත්මක කිරීමට නොහැකි විණි. පික්පොකට් ආණ්ඩුවේ කඹ ඇදීම්, හැළ හැප්පිලි ආදිය හේතුකොට ගෙන තවදුරටත් ආණ්ඩුව පවත්වාගෙන යෑමේ දුෂ්කරතා තිබිණි. මෛත්‍රිපාලට, ප්රාජිතට හා චම්පකට ලබන අප්‍රේල් වන තුරු ආණ්ඩුව පවත්වාගෙන යෑමේ අවශ්‍යතාවක් තිබූ නමුත් ඒ කරගත නො හැකි විය. 

රනිල් මෛත්‍රිපාල හවුල් අවුල්

රනිල් මෛත්‍රිපාල හවුල් අවුල්

රනිල් මෛත්‍රිපාල දේශපාලන හවුල ද කඩා වැටී ඇත. මෙය අනිත්‍ය සඳහා තවත් උදාහරණයක් නො වේ. අනිත්‍ය යනු මෙවැනි වෙනස්වීම් හෝ කඩා වැටීම් හෝ නො වේ. දැන් මෛත්‍රිපාලට මහින්ද සමග එකතු වීම හැරෙන්නට වෙනත් විකල්පයක් නැත. එකතු නොවීම යනු දේශපාලන වශයෙන් මීය යෑම ය. මෛත්‍රිපාලට පමණක් නොව සමස්ත මෛත්‍රිපාල කණ්ඩායමටත් ජාතික හෙළ උරුමයටත් ඒ වලංගු වෙයි.

පාර්ලිමේන්තුව විසුරුවා හැරීම

පාර්ලිමේන්තුව විසුරුවා හැරීම

පාර්ලිමේන්තුව විසුරුවා හැරීම අද නො වේ හෙට යන පාඨයෙන් හැඟෙන බාලගිරි දෝෂයට හසු වී ඇත. පාර්ලිමේන්තුවේ සිටින බොහෝ දෙනා වයසින් කෙසේ වෙතත් බාලයන් වන බැවින් බාලගිරි දෝෂයට ලක් වී ඇතැයි කීම පුදුමයක් නො වේ පාර්ලිමේන්තුව විසුරුවා නොහරින්නේ මහින්ද නිසා බව පැහැදිලි ය. එහෙත් පාර්ලිමේන්තුව විසුරුවා නොහැරීමෙන් සිදුවන්නේ මහින්ද තවත් බලවත් වීම ය.

ධනපාල මහතාගේ බුද්ධිමය වංචනිකබව හා අමරතුංග මහතාගේ ආත්මවාදය (විදුසර ලිපියක සංස්කරණයකි)

ධනපාල මහතාගේ බුද්ධිමය වංචනිකබව
හා අමරතුංග මහතාගේ ආත්මවාදය

ධනපාල මහතා ගැන වැඩිදුරටත් කතා කිරීම අවශ්‍ය නැත. ඔහු නුදුරු කාලයක ලංකාවට පැමිණ මේ ප්‍රශ්න ගැන මා සමග වාදයකට එළඹීමට කැමතේත පළ කර ඇත. ඒ සම්බන්ධයෙන් ඔහුට ස්තුති කරන අතර අමරතුංග මහතාට ද ධනපාල මහතා අනුව යමින් මා සමග විවාදයකට එළඹෙන මෙන් ආරාධනය කරමි. 

පික්පොකට් ආණ්ඩුවට පිළිතුරු නොදීම

පික්පොකට් ආණ්ඩුවට පිළිතුරු නොදීම

පික්පොකට් ආණ්ඩුව තම බටහිර ගැති විදේශ ප්‍රතිපත්තිය ගැන පුරසාරම් දොඩවයි.  මංගල සමරවීර ද, අජිත් පෙරේරා ද, පික්පොකට් අගමැති ද, ඕනෑම ගොනකු ගැන දන්නා කිරිඇල්ල ද, කබීර් හෂිම් ද පුරසරම් කප්පිත්තෝ වෙති. ඔවුන් කියන්නේ පික්පොකට් ආණ්ඩුවේ ඊනියා නොබැඳි විදේශ ප්‍රතිපත්තිය හේතුවෙන් දැන් ලංකාව ලෝකයේ ගෞරවයට පාත්‍ර වී ඇති බවත් බටහිර රටවල් දැන් ලංකාව සමග මිත්‍රත්වයෙන් කටයුතු කරන බවත් ය. 

භික්‍ෂූන් වහන්සේ හා පාලකයෝ

භික්‍ෂූන් වහන්සේ හා පාලකයෝ

මිහිඳු මහ රහතන් වහන්සේ ලංකාවට වැඩම කරන කාලයේදීත් මෙරට බුදුදහම ප්‍රචලිත වී තිබිණි. එකල මෙහි හෙළ බෞද්ධ සංස්කෘතියක් විය. ඒ බව වරිගපූර්ණිකාවෙන් ද මෑත දී ලැබුණු පුරා විද්‍යාත්මක සාධකවලින් ද හෙළි වෙයි. එසේ නම් මිහිඳු මහ රහතන් වහන්සේ කෙළේ කුමක් ද? උන්වහන්සේ මෙරටට බෞද්ධ දේශපාලනයක් හඳුන්වා දුන්හ. ඉන්පසු මෙරට සිංහල බෞද්ධ සංස්කෘතියක් ඇතිවීම ආරම්භ විණි. එය අශෝක බුද්ධාගම විය. එහි පදනම වූයේ තුන්වැනි සංගායනාව ය. මිහිඳු හිමියන් විසින් කරන ලද ප්‍රධාන කාර්යය වූයේ මෙරට තිබූ හෙළ බෞද්ධ සංස්කෘතිය වෙනුවට අශෝක රාජ්‍ය තන්ත්‍ර සහිත ව ථෙරවාද බෞද්ධ සංස්කෘතියක් බිහි කිරීමට පළමු පියවර ගැනීම ය. 

ඩයස්පෝරණුව (ඉරිදා දිවයින ලිපියකි)

ඩයස්පෝරණුව

එකල ලංකාවේ ඇතැම් නගරවල ඩයස් බේකරි තිබිණි. එහි පෝරණු ද තිබෙන්නට ඇත. එහෙත් අප සඳහන් කරන්නේ ඒ පෝරණු ගැන නො වේ. මේ ඩයස්පෝරණුව ඇත්තේ ලංඩනයේ ය. එහි බක්කරෙ කැමරන් ය.

ශ්‍රී ල නි ප සමගිය හා විස්ස (ඉරිදා රිවිර ලිපියක සුලු සංස්කරණයකි)

ශ්‍රී ල නි ප සමගිය හා විස්ස

ශ්‍රී ල නි පක්‍ෂයේ මහින්ද පිළ හා මෛත්‍රිපාල පිළ එකතු කිරීම ගැන සාකච්ඡා කිරීමට ශ්‍රී ල නි ප මන්ත්‍රීවරුන් හයදෙනකුගෙන් සමන්විත කමිටුවක් පත් කෙරී ඇත. කුමක් ප්‍රසිද්ධියේ කීව ද කමිටුවෙන් බලාපොරොත්තු වනුයේ දෙපිළ එකතු කිරීම ය. අප සති කිහිපයකට පෙර කී පරිදි බල තුලනයේ වෙනසක් සිදු වී ඇත. සති කිහිපයකට පෙර ශ්‍රී ල නි පක්‍ෂයේ මහින්ද පිළ බලවත් විය. මාතර දී ඒ තහවුරු විය. අද ඒ රැල්ල නැවැත්වීමට කිසිම ජගතකුට විජාතික ඔත්තු සේවයකට නො හැකි ය. ඔත්තු සේවාවන්ට ද තම ක්‍රමෝපායන් වෙනස් කිරීමට සිදු වී ඇත. අප ඒ පිළිබඳ ව සිහි කල්පනාවෙන් සිටිය යුතු ය. ශ්‍රී ල නි පක්‍ෂයේ බලය මහින්ද කණ්ඩායම අතට පත්වීමත් සමග පාර්ලිමේන්තුවේ ද රටේ ද එ ජා පක්‍ෂය දුර්වල වී ඇත. 

දහනවය හා විස්ස

දහනවය හා විස්ස

ඊනියා සාධාරණ සමාජ උද්ඝෝෂකයෝ ද දහනවවැනි ව්‍යවස්ථා සංශෝධනයට දැක්වූ උනන්දුච විසිවැනි ව්‍යවස්ථා සංශෝධනයට නො දක්වති. දහනවය හා විස්ස අතර ඇති ප්‍රධාන වෙනස දහනවයෙන් විධායක ජනාධිපති බලතල කපා දැමීමට උත්සාහ කිරීමත් විස්සෙන් මනාප ක්‍රමය නැති කිරීමට කටයුතු කිරීමත් ය. විධායක ජනාධිපති බලතල කපා දැමීම සිංහල ජනතාවගේ ඉල්ලීමක් නො වී ය. දෙමළ ත්‍රස්තවාදය පරාජය කිරීමට හැකි වූයේ විධායක බලතල සහිත ජනාධිපති කෙනකු සිටි බැවිනි. දෙමළ ත්‍රස්තවාදය පරාජය කෙරිණි ද තවමත් දෙමළ ජාතිවාදය පවතියි. එය ජනවාරි 8 වැනි දා තෙක් පැවතුණේ බටහිර රටවල හා ඉන්දියාවේ ය. එහෙත් ජනවාරි 8 වැනි දාට පසුව දෙමළ ජාතිවාදය නැවතත් ලංකාවේ ද ක්‍රියාත්මක වෙයි.

ශ්‍රී ල නි ප කැඩීම

ශ්‍රී ල නි ප කැඩීම

දවල්ට මෛත්‍රිපාල රෑට සිරිසේන මේ දිනවල සිටින්නේ දිවා රාත්‍රී මාරු කරගෙන දැයි සමහර විට කෙනකුට සිතෙනු ඇත. ඔහුට විශාල බලපෑම්වලට මුහුණ දීමට සිදුව ඇත. අලි මදිවට හරක් කීවාක් මෙන් එ ජා පක්‍ෂයේ රනිල්ලා මදිවාට ශ්‍රී ල නි පක්‍ෂයේ යැයි කියන ප්රාජිතලා ද සිටිති. දැන් ශ්‍රී ල නි පක්‍ෂයෙන් පත් කෙරුණු හය පුද්ගල කමිටුවක් සමග මහින්ද ගැන සාකච්ඡා කිරීමට සිදු වී ඇත. එබැවින් ඔහු උදේ කී දේ දවල්ට නැහැ යි කියයි. සවසට වෙනත් කතාවක් කියයි. රෑට ඔහු කියන්නේ ඒ එකක්වත් නොකී බව ය. 

විවිධ අත්දැකීම් හා දැනුම් (විදුසර ලිපියක සංස්කරණයකි)

විවිධ අත්දැකීම් හා දැනුම් 

ඩී එස් සි උපාධිධාරි සේවාර්ජිත (සම්මානිත) මහාචාර්ය අශෝක අමරතුංග මහතාට පිළිතුරු දීමට අද එතරම් ඉඩක් වැය නො කරමි. ඔහු ශක්තිය යනුවෙන් අදහස් කරන්නේ කුමක් දැයි තවමත් පැහැදිලි ව කියා නැත. බටහිර විද්‍යාවේ ශක්තිය හා බුදුදහමෙහි ශක්තිය යනු එකක් ම ද දෙකක් ද යන්න අමරතුංග මහතා පහසු විටෙක තේරුම් කරන්නේ නම් මැනවි.  අපි අද ඒ් මහතා මාර්ටින් වික්‍රමසිංහ මහතා ගැන කියන එක් කරුණක් පමණක් සලකා බලමු.  

ග්ලයිෆොසේට් තහනම -– 3

ග්ලයිෆොසේට් තහනම -– 3

ග්ලයිෆොසේට් මෙරටට ගෙන්වීම තහනම් කරමින් ගැසට් නිවේදනයක් නිකුත් කෙරුණේ 2015 ජූනි මස 11 වැනි දා ය. එහෙත් එයට පෙර මෛත්‍රිපාල සිරිසේන ජනාධිපති ලෙස ග්ලයිෆොසේට් ගෙන්වීම තහනම් බව ප්‍රකාශ කර තිබිණි. නීත්‍යානුකූලව ඒ ප්‍රකාශයෙහි වලංගු භාවයක් නැති වුවත් ඒ රජයේ ප්‍රතිපත්තියට අනුකූල ව බව පෙනී ගියේ ය. 

කුඩා පක්‍ෂ හා මතවාද

කුඩා පක්‍ෂ හා මතවාද

විසිවැනි ව්‍යවස්ථා සංශෝධනය මුවාවෙන් පාර්ලිමේන්තුවේ කාලය දිර්ඝ කර ගැනීමට මෛත්‍රිපාල කණ්ඩායම මෙන් ම ජාතික හෙළ උරුමය ද කුඩා පක්‍ෂ ද පමණක් නොව එ ජා පක්‍ෂය ද උත්සාහ කරයි. එ ජා පක්‍ෂය කුමක් ප්‍රසිද්ධියේ කීව ද ඔවුන්ට ද අවශ්‍ය පාර්ලිමේන්තුව දිගට පවත්වාගෙන යෑම ය. විස්ස සම්මත කර ගැනීමට බාධා පමුණුවන වගන්ති එ ජා පක්‍ෂයෙන් ද අනෙක් පක්‍ෂවලින් ද ඉදිරිපත් වෙයි. මනාප ක්‍රමය ජනතාවට අවශ්‍ය නැති වුව ද දේශපාලනඥයන්ට අවශ්‍ය වෙයි. තම මැතිවරණ කොට්ඨාශයෙන් පරාජය වූ කි දෙනෙක් අද මනාප ක්‍රමය නිස්ා පාර්ලිමේන්තු මන්ත්‍රීවරු වෙත් ද? 

ජ වි පෙරමුණට පැන යන්න බැහැ

ජ වි පෙරමුණට පැන යන්න බැහැ

පසුගිය ජනාධිපතිවරණයේ දී ජ වි පෙ ආධාර කෙළේ මෛත්‍රිපාල සිරිසේනට ය. ඔවුන් ජාතික හෙළ උරුමය මෙන් සෘජුව වැඩ නොකළ බව ඇත්තකි. එහෙත් ජ වි පෙ වක්‍රව මෛත්‍රිපාලට ආධාර කෙළේ ය. ඒ එ ජා පක්‍ෂයට අනුර දිසානායකගේ හා තවත් අයගේ වූ හිතවත් කම නිසා ය. ජ වි පෙරමුණට අවශ්‍ය වූයේ ඊනියා මහින්ද රෙජිමය ගෙදර යැවීම ය. සෝමවංශ අමරසිංහ මෙන් අපි ජ වි පෙ එ ජා පක්‍ෂයෙන් මුදල් ගත්තේ යැයි නො කියමු. එසේ කීමට සෝමවංශට සාක්‍ෂි ඇතැයි සිතමු. ඒ කෙසේ වෙතත් ජ වි පෙ මෛත්‍රිපාලගේ ජයග්‍රහණය වෙනුවෙන් වැඩ කෙළේ ය.

චමල් අගමැති කමට

චමල් අගමැති කමට

පසුගිය දා පැවති ජනමාධ්‍ය සංදර්ශනයක දී (ජනමාධ්‍ය සාකච්ඡාවක දී) මෙරට පැරණි ම දේශපාලන පක්‍ෂය වූ ලංකා සමසමාජ පක්‍ෂයේ නායක තිස්ස විතාරණ අපූරු කතා දෙකක් කියා ඇත. තිස්ස විතාරණ මහාචාර්යවරයකු වූයේ වයස කීයේ ද යන්නවත් ඔහු දැනටත් මහාචාර්යවරයකු (ඊනියා සේවාර්ජිත) ද යන්නවත් එතරම් වැදගත් මාතෘකා නොවන්නේ මෙරට බොහෝ මහාචාර්යවරුන්ගේ කතා පිළිබඳ අපට අවබෝධයක් ඇති බැවිනි. එහෙත් ජනමාධ්‍යවේදීන්ට තිස්ස වැන්නන්ගේ කියුම් කෙරුම් වැදගත් ය. මෙරට ජනමාධවෛ්දීන් බොහෝ දෙනෙක් දේශපාලනඥයන්ට ම ගැලපෙන්නෝ වෙති. අපට ගැලපෙන්නෝ නො වෙති. ඔවුන්ට අප ගැලපෙන්නේ ද නැත. 

මෛත්‍රිපාල පක්‍ෂයෙන් ඉවත් කළ යුතුය

මෛත්‍රිපාල පක්‍ෂයෙන් ඉවත් කළ යුතුය

පසුගිය 16 වැනි දා පදනම් ආයතනයේ දී පැවති ශ්‍රී ල නි ප මන්ත්‍රීවරුන්ගේ රැස්වීමෙන් පසු පිටතට පැමිණි ප්රාජිත ජනමාධ්‍යවේදීන්ට ද බැණ වැදී ඇත. එයට හේතුව රැස්වීමේ සිටි අති විශාල බහුතරය මහින්ද රාජපක්‍ෂ අගමැති ධුරාපේක්‍ෂක ලෙස නම් කළ යුතු යැයි ඉල්ලා සිටීම බව පැහැදිලි ය. එහි දී මහින්ද මැතිවරණයට ගෙන එන්නේ කෙසේ දැයි වාර්තා කිරීමට සය පුද්ගල කමිටුවක් ද පත් කෙරී ඇත. එහෙත් පසු දිනම කමිටුවේ වැඩ කටයුතු අවසන් වී ඇත.

විසිවැනි සංශෝධනය

විසිවැනි සංශෝධනය

විසිවැනි ව්‍යවස්ථා සංශෝධනය ගැසට් නිවේදනයක් ලෙස නිකුත් කෙරී ඇත. දහනවවැනි සංශෝධනයට කලින් විසිවැනි සංශෝධනය ගත යුතු යැයි අපි එකල ම කීවෙමු. එහෙත් එ ජා පක්‍ෂයට විස්ස අවශ්‍ය වී නො තිබිණි. ඔවුන් ප්‍රමුඛතාව දුන්නේ ජනාධිපති සතු විධායක බලතලවලින් යම් කොටසක් අගමැතිට ලබා ගැනීමට ය. එහෙත් ඒ සාර්ථක නො විණි. සෝභිත හිමියන්ගේ රොටිය කොත්තු රොටියක් පමණක් විය. එහි තිබුණේ ඝෝෂාව පමණ ය. උන්වහන්සේ විස්ස ගැන ද දෙසූහ. විස්සට සම්මත කරගත් දහනවයට තරම්වත් වැදගත්කමක්  නො ලැබෙනු ඇත. ඒ සම්මත වීමට ඇති ඉඩකඩ ද අඩු ය. එයට කොත්තු රොටියේ ඝෝෂාවවත් නැත. නැටූ තොවිලෙකුත් නැත. බෙරේ පලුවකුවත් නැත. 

මහින්ද මෛත්‍රිපාල එකතුව

මහින්ද මෛත්‍රිපාල එකතුව

අපි පසුගිය අප්‍රේල් 12 වැනි දා කාලය වෙබ් අඩවියෙහි මෙසේ පැවසීමු. “ අද මෛත්‍රිපාල  සිරිසේන ද සිංහල ජාතිකත්වයට විරුද්ධ ය. ඔහුට පසුගිය දා ඉන්දියාවේ දී හා එංගලන්තයේ දීත් ඊට පෙර අමෙරිකාවේ දීත්  උගන්වා ඇත්තේ සිංහල විරෝධී වීමට ය. ඔහු ඉඳහිට කියන්නේ කල්පනාකාරීව වැඩ නොකළහොත් අපට භයානක අනතුරකට ඉදිරියේ දී මුහුණ පෑමට සිදුවන බව ය. ඔහු මේ නොකියා කියන්නේ අප දෙමළ ජාතිවාදීන්ගේ ඉල්ලීම් ඉටු නොකළහොත් රට භයානක අනතුරකට මුහුණ දෙනු ඇති බව ය. ඔහු අද සිංහල ජාතිකත්වයට කන්දීමට සූදානම් නැත. ඔහු අද  මතවාදී වශයෙන් ද  යැපෙන්නේ බටහිරයන්ගෙන් හා ඉන්දියානුවන්ගෙනි. ඔහු අද චන්ද්‍රිකා මෙන් ම ශ්‍රී ල නි පක්‍ෂයේ මූලික ජාතිකවාදී ප්‍රතිපත්තිවලට  විරුද්ධ ය.

ශ්‍රී ල නි ප සමගිය

ශ්‍රී ල නි ප සමගිය

ශ්‍රී ල නි පක්‍ෂයේ මහින්ද පිළ හා මෛත්‍රිපාල පිළ එකතු කිරීම ගැන සාකච්ඡා කිරීමට අද  (ජූනි 16) ශ්‍රී ල නි ප මන්ත්‍රීවරුන් හයදෙනකුගෙන් සමන්විත කමිටුවක් පත් කෙරී ඇත. කුමක් ප්‍රසිද්ධියේ කීව ද කමිටුවේ ප්‍රධාන කාර්යය වනු ඇත්තේ දෙපිළ එකතු කිරීම ය. මහින්ද රාජපක්‍ෂට අවශ්‍ය නම් ශ්‍රී ල නි පක්‍ෂය ප්‍රධාන සංධානයකින් තරග කිරීමට අවස්ථාව ලැබෙනු ඇත. අගමැති අපේක්‍ෂක ලෙස ඉදිරිපත් වීමට හැකි ද යන්න පසුව තීරණය කෙරෙනු ඇත. සමහර විට ඔහු ජාතික ලැයිස්තුවෙන් පාර්ලිමේන්තුවට පත්කෙරීමට ද ඉඩ ඇත.

අපට වෙච්ච දේ - 2 (ඉතිරි කොටස) (ඉරිදා දිවයින ලිපියක සුළු `සංස්කරණයකි)

අපට වෙච්ච දේ - 2 (ඉතිරි කොටස)

මාර්ටින් වික්‍රමසිංහ මහතාට තම මත (ඔහුගේ මත නොව, බටහිරයන්ගේ මත) ප්‍රචාරය කිරීමට අරගලයක් කිරීමට සිදු නො වී ය. පියදාස සිරිසේන මහතා බටහිර ආකෘතියේ උගතුන්ට ආකර්ෂණයක් නො වී ය. මාර්ටින් වික්‍රමසිංහ මහතා බටහිර ආකෘතියේ සිංහල උගතුන් අතර ප්‍රසාදයට පත්විය. ඒ සමාජය බලා සිටියේ වික්‍රමසිංහ කෙනකු එන තුරු ය. ඔහුගේ නවකතාවලට විශ්වවිද්‍යාලයේ අනුග්‍රහය ලැබිණි. ගම්පෙරළිය නිකුත් වූයේ ලංකා විශ්වවිද්‍යාලය ආරම්භ කර අවුරුදු දෙකකින් ය. ව්‍යාජ සමාජ විකාශයක් තේමාව කරමින් ලියූ ඒ නවකතාව බටහිර ආකෘතියේ උගතුන්ගේ සම්භාවනාවට පාත්‍ර විය. වික්‍රමසිංහ මහතා මිථ්‍යා යනුවෙන් ගෙන පහර දුන්නේ සිංහල බෞද්ධ සංස්කෘතියට ය. දෙවියන් භූතයන් පංචෙන්ද්‍රිය ගෝචර නොවන වස්තූන් නැති සිංහල බුද්ධාගමක් නැත.  අපට වෙච්ච දේට ඒ පහර දීම ද යම් ආකාරයකට බලපා ඇත.

විස්සට යෝජනා වැස්සක්

විස්සට යෝජනා වැස්සක් 

විස්ස ගැන එකඟතාවක් නැත. ඊනියා කුඩා පක්‍ෂ එකතු වී යෝජනා තුනක් ඉදිරිපත් කර ඇත. මේ දිනවල බේතකටවත මනාප ක්‍රමයට පක්‍ෂ අයකු සොයා ගැනීමට නැත. කුඩා පක්‍ෂ ද මනාප ක්‍රමයට එකඟ නැත. එහෙත් ඔවුන් හෙඳින් ම දන්නා කරුණක් නම් හුදු කේවල ක්‍රමය යටතේ මුස්ලිම් ජාතිවාදී පක්‍ෂයකට හැරෙන්නට අනෙක් කුඩා පක්‍ෂවලට එක් ආසනයක්වත් දිනා ගැනීමට නොහැකි බව ය. බොරුවට කෑ ගැහුවත් යම් ආකාරයක මනාප ක්‍රමයක් ඔවුන්ට අවශ්‍ය වෙයි.

පාර්ලිමේන්තුව විසුරුවා හරිනු (ඉරිදා රිවිර ලිපියක සුලු සංස්කරණයකි )

පාර්ලිමේන්තුව විසුරුවා හරිනු

ඊනියා ප්‍රජාතන්ත්‍රවාදී දේශපාලනය මූලික වශයෙන් බොරුව වටා කරකැවෙයි. එහි දී කෙරෙන්නේ හැකිතාක් දෙනා හැකිතාක් දුරට රැවටීම ය. එහෙත් ලංකාවේ අද කෙරෙන ආකාරයේ බොරුවක් ලොවේ කිසි තැනෙක මින් පෙර ප්‍රජාතන්ත්‍රවාදී යැයි කියන පාර්ලිමේන්තු දේශපාලනයෙහි සිදු වී ඇතැයි කිව නො හැකි ය. අද රනිල් වික්‍රමසිංහ මහතා කියන ලොකු ම බොරුව ජනතාව විසින් ඔහු අගමැති තනතුරට පත් කෙරුණු බව ය. ජනතාව ජනවාරි 8 වැනි දා කෙළේ ජනාධිපති මාරු කිරීම මිස පාර්ලිමේන්තුව හා අගමැති වෙනස් කිරීම නො වේ. එහෙත් සංධානයේ මන්ත්‍රීන් මේ කතාව ජනතාවට අවධාරණය කරන්නේ යැයි කිව නො හැකි ය.

ග්ලයිෆොසේට් තහනම - 2

ග්ලයිෆොසේට් තහනම - 2

මේ පික්පොකට් ආණ්ඩුව රට ගැන කල්පනා කර ගෙන ඇති එකම යහපත් තීරණය ග්ලයිෆොසේට් තහනම විය යුතු ය. පසුගිය ජූනි 11 වැනි දා ඒ පිළිබඳ ගැසට් නිවේදනය නිකුත් කෙරී ඇත. ඒ පිළිබඳ අපේ ප්‍රසාදය කැබිනට්ටුවට හිමි වෙයි. ඒ තහනම දිගට ම පවත්වාහෙන යෑමට මෛත්‍රිපාල සිරිසේනට අවශ්‍ය ශක්තිය සංධානය ලබා දිය යුතු ය. මෙරට සිටින බොහෝ ඊනියා විදා්‍යඥයන්, ඔවුන්ගේ සමිති සමාගම්, රසායනික ද්‍රව්‍ය මෙරටට ආනයනය කරන්නවුන් සහ තවත් අය මේ තීරණය වෙනස් කරවීමට කටයුතු කරනු ඇත.  ඔවුන්ට ඊනියා විද්‍යාඥයන් නොවන එහෙත් පඬියන් වූ ඇතැමුන්ගෙන් ද සහාය ලැබෙනු ඇත. එයට අමතරව ඔවුන්ගේ පිටරට සිටින ලාංකික සගයන්ගේ සහාය ද විද්‍යුත් ලිපි මගින් ද පෙත්සම් මගින් ද ලැබෙනු ඇත.

සිංහලය හා දෙමළ ජනයා

සිංහලය හා දෙමළ ජනයා

මෙරට අයිති සිංහල බෞද්ධ සංස්කෘතිය ගොඩ නැගූ අයට ය යන්න අනේ නෝනේ ලිපියෙහි මම සඳහන් කෙළෙමි. අප රටට පමණක් නොව මෙය ඕනෑම රටකට වලංගු වූවකි. ඒ ඒ රටවල සංස්කෘතිය ගොඩ නැගුවෝ ඒ ඒ රටවල් අයිතිකරගෙන සිටිති. ඒ අදාළ සංස්කෘතිය ගොඩනැගීමේ දී ඔවුන් වෙනත් සංස්කෘතීන්ගෙන් අවශෝෂණය කරන්නට ඇත. ඊනියා නිර්මල සංස්කෘතීන් ලෝකයේ  කොහේවත් නැත. එහෙත් අනන්‍ය වූ සංස්කෘතින් ලෝකයේ ඇත. 

අනේ නෝනේ

අනේ නෝනේ

චන්ද්‍රිකා නොමැතිව මොන දේශපාලනයක් ද? ඇය පසුගිය දා කියා තිබුණේ මේ රට අයිති කාහට දැයි තමන් නොදන්නා බව ය. හොරගොල්ල අයිති කාහට දැයි ඇය නිසැකයෙන් ම දන්නවා විය යුතු ය. එබැවින් ම අනුර සමග එහි අයිතිය පිළිබඳ ප්‍රශ්නයක් ද වූ බව මගේ මතකය වෙයි. මා වැරදි විය හැකි ය. කෙසේ වෙතත් හොරගොල්ල විමුක්තිට හා යශෝදරාට මිස පාක්කියසෝති සරවනමුත්තුට නො වේ. අවශ්‍යතාවක් වුවහොත් චන්ද්‍රිකා හොරගොල්ල වෙනුවෙන් සටන් වදින බව අපි දනිමු.

විස්ස මේ මැතිවරණයට ම

විස්ස මේ මැතිවරණයට ම

විසිවැනි ව්‍යවස්ථා සංශෝධනය කැබිනට්ටුව විසින් අනුමත කෙරී ඇත. එහෙත් එහි කේවල ක්‍රමයට පත්කෙරෙන මන්ත්‍රී සංඛ්‍යාව දැනට ඇති ඡන්ද කොට්ඨාශ (බල ප්‍රදේශ) සංඛ්‍යාවෙන් වෙනස් වෙයි. එසේ වෙනස් කිරීමට ඇති වුවමනාව කුමක් ද? ඡන්ද කොට්ඨාශ සංඛ්‍යාව නිත්‍ය ව පැවතිය යුතු නො වේ. සියල්ල වෙනස්වන ලෝකයක (මේ අනිත්‍යය නොවන බව අවධාරණය කළ යුතු ය) ඡන්ද කොට්ඨාශ සංඛ්‍යාව වෙනස් නොවී පැවතිය යුතු නො වේ. එහෙත් මේ මොහොතේ ඡන්ද කොට්ඨාශ සංඛ්‍යාව වෙනස් කළ යුත්තේ ඇයි? 

හේතුව හා ඵලය (විදුසර ලිපියක සංස්කරණයකි)

හේතුව හා ඵලය

අපි පළමුවෙන් ධනපාල මහතා වෙත යොමු වෙමු. බෝධි ධනපාල මහතාගේ ප්‍රශ්නය ඔහුට තමා කියවා ඇති දේ දිරවා ගැනීමට නොහැකි වීම බව අපි කිහිප අවස්ථාවක ම කියා ඇත්තෙමු. ඒ හේතුවෙන්  ඔහු බොහෝ විට වැරදි අර්ථකථන දෙයි. ඇතැම් අර්ථකථන ඔහු වුවමනාවෙන් ම විකෘති කරයි. එමෙන් ම ඔහුට දෙන පිළිතුරු ගැන ඔහු සැලකිලිමත් නොවී ඔහු එක ම වරද නැවත නැවත කරයි. අපි උදාහරණ කිහිපයක් ගනිමු. 

තැටිය හා රොටිය

තැටිය හා රොටිය

මේ දිනවල බොහෝ දේශහිතෛශීන් කලබලයට පත් වී ඇත. විග්නේස්වරන් උතුරේ කඳවුරු ඉවත්කර ගැනීම පිළිබඳ ව උද්ඝෝෂණ කරයි. එක්සත් ජාතින්ගේ සංවිධානය උතුරු පළාත් සභාව උතුරු පළාත් ආණ්ඩුව ලෙස හඳුන්වයි. මංගල සමරවිර  ලංඩනයේ දී ලෝක දෙමළ සංසදයේ එම්මානුවෙල් පූජක ඇතුළු දෙමළ විසුරුණු ජනයාගේ සංවිධානවල නියෝජිතයන් හමුවෙයි. මංගල ඒ සාකච්ඡාවලට සහභාගි වන්නේ කුරුඳු පොළු හමුදාවේ නියෝජිතයකු ලෙස නොව ලංකාවේ විදේශ ඇමති ලෙස ය. ඒ සාකච්ඡාවලට සම්බන්ධන් හා සුමන්තිරන් ද සහභාගි වෙති. එපමණක් නොව සොල්හයිම් ද එහි වෙයි. ලංකාවේ දී විසිරුණු දෙමළ ජනයාගේ සම්මන්ත්‍රණයක් පැවැත්වීමට කටයුතු කෙරෙයි. ඒ අතර කාදිනල්වරයා පාසල් රජයට පවරා ගැනීමේ වැරද්ද කියයි. ඔහුට අනුව රජයට පවරාගැනීමෙන් පසුව පාසල්වලට දේශපාලනය රිංගා ඇත. ඒ අතර විග්නේස්වරන්ට අනුව 2009න් පසු උතුරේ මත්ද්‍රව්‍ය භාවිතය පැතිර යයි. ඔහු ව්‍යංගයෙන් කියන්නේ හමුදාව මත්ද්‍රව්‍ය බෙදාහරින බව ය. 

පාර්ලිමේන්තුව විසුරුවා හැරීම ඉන් පිටතට

පාර්ලිමේන්තුව විසුරුවා හැරීම ඉන් පිටතට

අද ලංකාවේ පාර්ලිමේන්තුව පාර්ලිමේන්තු ක්‍රමයේ අර්බුදයට හොඳ ම උදාහරණයකි. අඩු තරමෙන් අපට ඒ ගැන ආඩම්බර විය හැකි ය. අප පාර්ලිමේන්තු ක්‍රමය පිළිබඳ ව ලෝකයට ම යමක් එකතු කර ඇත. අපට එවැනි අර්බුදයක නිර්මාතෘවරුන් වීමට හැකි යැයි ජේ ආර් ජයවර්ධනවත් කල්පනා නොකරන්නට ඇත.  අද පාර්ලිමේන්තුව එක තැන පල්වෙයි. පාර්ලිමේන්තුවට වැදගත් තීරණයක් ගැනීමට නො හැකි ය.

රනිල්ගේ බොරු තර්ක

රනිල්ගේ බොරු තර්ක

රනිල් කියන ආකාරයට 2010 දී ජනතාව වර්තමාන පාර්ලිමේන්තුව පත් කෙළේ මහින්ද රාජපක්‍ෂ  ජනාධිපති ලෙස පත්කර ගැනීමෙන් පසු ඔහුට සහාය දීමට ය. එහෙත් පසුගිය ජනවාරි 8 වැනි දා ජනතාව මෛත්‍රිපාල සිරිසේන ජනාධිපති ලෙස පත්කර ගැනීමෙන් පසු පාර්ලිමේන්තුවට දුන් ඒ වරම අහෝසි විය. එබැවින් මේ පාර්ලිමේන්තුවට තවදුරටත් පැවතීමට අයිතියක් නැත. රනිල් වික්‍රමසිංහ කියන ආකාරයට මේ පාර්ලිමේන්තුව මෛත්‍රිපාල සිරිසේනට සහාය දී යුතු ය. එසේ නැත්නම් වෙනත් පාර්ලිමේන්තුවක් පත්කර ගත යුතු ය. 

බොරු එපා විසුරුවා හරිනු

බොරු එපා විසුරුවා හරිනු

ඊනියා ප්‍රජාතන්ත්‍රවාදී දේශපාලනය මූලික වශයෙන් බොරුව වටා කරකැවෙයි. එහි දී කෙරෙන්නේ හැකිතාක් දෙනා හැකිතාක් දුරට රැවටීම ය. එහෙත් ලංකාවේ අද කෙරෙන ආකාරයේ බොරුවක් ලොවේ කිසි තැනෙක මින් පෙර ප්‍රජාතන්ත්‍රවාදී යැයි කියන පාර්ලිමේන්තු දේශපාලනයෙහි සිදු වී ඇතැයි කිව නො හැකි ය. අද රනිල් කියන ලොකු ම බොරුව ජනතාව විසින් ඔහු අගමැති තනතුරට පත් කෙරුණු බව ය. ජනතාව ජනවාරි 8 වැනි දා කෙළේ ජනාධිපති මාරු කිරීම මිස පාර්ලිමේන්තුව හා අගමැති වෙනස් කිරීම නො වේ. එහෙත් සංධානයේ මන්ත්‍රීන් මේ කතාව ජනතාවට අවධාරණය කරන්නේ යැයි කිව නො හැකි ය.

මෛත්‍රිපාලගේ අසික්කිත දේශපාලනය

මෛත්‍රිපාලගේ අසික්කිත දේශපාලනය

මේ ලියන ලිපිවලින් සතපහක වැඩක් නොවන බව මම දනිමි. මේ ලිපි කියවන්නේ ඉතා ටික දෙනකු පමණ ය. මා දන්නා කිසිම දේශපාලනඥයෙක් මා පුවත්පතකට ලියන ලිපියක්වත් නො කියවයි. ජාතික ව්‍යාපාරයේ ඇත්තෝ ද මේ ලිපිවත් ඒ පුවත්පත්වල ලිපිවත් නො කියවති.  ඡන්දදායකයන්ගෙන් පනස්දාහකට එක් අයකුවත් මේ ලිපි කියවන්නේ නැති බව පැහැදිලි ය. එපමණක් නොව ඒ කියවන අයගෙන් ද බොහෝ දෙනකු සිතන්නේ මා සංගත ව නොලියන බවත් ලිපිවල පරස්පර ඇති බවත් මට එල්ලයක් නොමැති බවත් ය. ඔවුන්ට අනුව ලිපිවල ඇත්තේ විසුරුණු ස්වභාවයකි, මගේ ලිපිවල අන්තර්ගතය මාතෘකාව සමග බැඳී නැත. 

විස්ස හා පාර්ලිමේන්තුව

විස්ස හා පාර්ලිමේන්තුව

මෛත්‍රිපාල තම කාර්යය ඉටුකර ඇත. විස්ස කැබීනට්ටුව විසින් සම්මත කෙරී ඇත. මෛත්‍රිපාල ජූනි 8 වැනි දා විහාර මහා දේවී උද්‍යානයේ දී පැවසුවේ තම කාර්යය විස්ස කැබිනෙට්ටුවේ සම්මත කර දීම බවත් පාර්ලිමේන්තුවේ දී සම්මත කිරීම මන්ත්‍රීවරුන්ගේ කාර්යය බවත් ය. දැන් ඉතිරි වී ඇත්තේ මන්ත්‍රීවරුන්ගේ කාර්ය ය. එය අමාරු කාර්යයක් බවට පත්වන ලකුණු පහළ වී ඇත.

අපට වෙච්ච දේ - 2 (ඉරිදා දිවයින ලිපියකි)

අපට වෙච්ච දේ - 2

ආකල්ප වශයෙන් බමුණු කුලය බිඳ වැටෙනු වෙනුවට පසුගිය අවුරුදු තිහ හතළිහක පමණ කාලයෙහි ප්‍රසාරණය වී ඇත. අද මෙරට මධ්‍යම පංතිය ප්‍රමාණාත්මක ව වැඩි වී ඇත. අප මුහුණ පා ඇති ප්‍රශ්න රාශියකට ම හේතුව මධ්‍යම පංතියෙහි ප්‍රසාරණය ය. 

මෙහෙමත් දේශපාලනයක්

මෙහෙමත් දේශපාලනයක්

තමා අගමැති වූයේ පස්සා දොරෙන් නොවන බවත් තමාට අගමැති වීම සඳහා ජනවරමක් ඇති බවත් රනිල් වික්‍රමසිංහ ප්‍රකාශ කර ඇත. ජනවාරි 9 වැනි දා ඔහු දිවුරුම් දුන් විගස ඔහුට එවැනි ජනවරමක් නැති බවත් ඔහු පික්පොකට් අගමැති බවත් අපි සඳහන් කෙළෙමු. ඒ සම්බන්ධ ලිපි ගණනාවක් ම ලිවුවෙමු. සම්මන්ත්‍රණ පැවැත්වීමු. පුවත්පත් සාකච්ඡා පැවැත්වීමු. අවාසනාවකට විද්‍යුත් මාධ්‍යයෙන් ඒ කිසිවකටත් නිසි ප්‍රචාරයක් නො ලැබිණි.

පාර්ලිමේන්තුව විසුරුවා නොහරින්නේ ඇයි? (රිවිර මේ ලිපිය පළකෙළේ සංස්කරණයකට ලක්කිරීමෙනි )

පාර්ලිමේන්තුව විසුරුවා නොහරින්නේ ඇයි?

පාර්ලිමේන්තුව විසුරුවා හැරීමට තිබුණේ අප්‍රේල් 23 වැනි දින ය. ඒ ජනාධිපතිවරණයේ දී දුන් ඡන්ද පොරොන්දුවකට අනුව ය. මෛත්‍රිපාල සිරිසේන මහතා යනු වෙස්සන්තර කෙනකු හෝ සිරිසඟබෝ කෙනකු හෝ නො වේ. ඔහු අගමැති කම නො ලැබුණු බැවින් රාජපක්‍ෂලාගෙන් පමණක් නොව පක්‍ෂයෙන් ද, රටෙන් ද, ජාතියෙන් ද පළිගැනීමට සූදානම් ය.

සංධානය විස්සට විරුද්ධ ද

සංධානය විස්සට විරුද්ධ ද

සංධානය විස්සට විරුද්ධය යන මතය ඇති කිරීමට රනිල් ප්‍රමුඛ එ ජා පක්‍ෂයත් මෛත්‍රිපාල චම්පක කණ්ඩායමත් කටයුතු කරනු පෙනෙයි. හෙට (8 වැනි සඳුදා) මෛත්‍රිපාල සිරිසේනගේ නායකත්වයෙන් විස්සට පක්‍ෂව රැස්වීමක් විහාර මහා දේවී උද්‍යානයේ දී සංවිධානය කෙරී ඇත. ඒ කුමක් සඳහා වුවත්, අවාසනාවකට සංධානයේ ඇතැමුන් කරන ප්‍රකාශවලින් ඔවුන් විස්සට විරුද්ධය යන්න තහවුරු විය හැකි ය. අද ජනතාවගෙන් අති විශාල බහුතරයකට විස්ස අවශ්‍ය ය. ඔවුන්ට මනාප ක්‍රමය එපා වී බොහෝ කල් ය. සංධානය අද අනුගමනය කරන ප්‍රතිපත්තිය නිසා ජනතාවට ඔවුන් පිළිබඳ වැරදි මතයක් ඇති කිරීමට රනිල්ට, මෛත්‍රිපාලට හා ඔවුන්ගේ හෙංචයියන්ට හැකි වුවහොත් මම පුදුම නො වෙමි. 

සංධානයේ සිහිනය

සංධානයේ සිහිනය

පසුගිය දා සංධානයේ නායකයන් කිහිප දෙනකු පුවත්පත් සාකච්ඡාක් හෙවත් මාධ්‍ය සංදර්ෂනයක් පවත්වා කියා ඇත්තේ රනිල් වික්‍රමසිංහට එරෙහිව ගෙනැවිත් ඇති විශ්වාසභංග යෝජනාව සම්මත වීමෙන් පසු මෛත්‍රිපාල සිරිසේන පාර්ලිමේන්තුව විසුරුවා නොහැර සංධානයේ ආණ්ඩුවක් පිහිටුවිය යුතු බව ය. ජීවිතයේ කිසි දිනෙක නඩුවකට කතාකර නැති නීතිය පිළිබඳ මහාචාර්යවරයකු වූ ජී එල් පීරිස් සුපුරුදු පරිදි හිස් වාග් චාතුර්යයක් ප්‍රදර්ශනය කරමින් කියා ඇත්තේ විසුරුවා හැරීම ප්‍රථම නොව අවසාන විකල්පය බව ය. 

ගොවිකම හා වෙදකම

ගොවිකම හා වෙදකම

විස්ස හා පාර්ලිමේන්තුව විසුරුවා හැරීම අද අපේ අවධානයට යොමු වී ඇතත් අපේ ප්‍රශ්නවලට විසඳුම් ඇත්තේ ඒ බටහිර සංකල්ප හා ආයතන ඔස්සේ නොව ගොවිකම හා වෙදකම මගිනි. ඒ පිළිබඳ දිර්ඝ විස්තරයක් කළ යුතු නමුත් මේ ඒ සඳහා අවස්ථාව නො වේ. මෙහි දී ගොවිකම හා වෙදකම යනුවෙන් හැඳින්වෙන්නේ විශ්වවිද්‍යාලවල බටහිර වෛද්‍ය හා බටහිර කෘෂිකර්ම පීඨවල ඉගැන්වෙන බටහිර ඇලොපති වෙදකම හා බටහිර ග්ලයිෆොසේට් කෘෂිකර්මය නො වේ. 

විස්සට කොන්දේසියක්

විස්සට කොන්දේසියක්

විස්ස සම්මත කරගෙන විශ්වාසභංගය ඉවත දමා පාර්ලිමේන්තුව විසුරුවා හැරීමට බොහෝ දුරට ඉඩකඩ ඇත. සෝභිත හිමියන් විස්ස සම්මත කර ගැනීමට ජනමතය සකස් කර දීමට පොරොන්දු වී ඇත. සෝභිත හාමුදුරුවන් මෙරට සකස් කරන ජනමතයක් නැති බවත් උන්වහන්සේට ජනමතයක් සකස් කිරීමට නොහැකි බවත් අපි දනිමු. ජනමතය සකස් කරන්නේ යැයි කියන බොහෝ දෙනාට කළ හැක්කේ් කොහොමටත් ඇති ජනමතය ජනමාධ්‍ය මගින් ප්‍රසිද්ධ කිරීම පමණකි. සෝභිත හිමියන්ට අමද්‍යප ව්‍යාපාරය මගින් මතට විරුද්ධව ජනමතයක් සකස් කළ හැකි ද? 

විශ්වාසභංගයට කුමක් සිදුවේ ද?

විශ්වාසභංගයට කුමක් සිදුවේ ද?

විර්ැද්ධ පක්‍ෂය රනිල් වික්‍රමසිංහට විරුද්ධව විශ්වාසභංග යෝජනාවක් පාර්ලිමේන්තු ලේකම්වරයාට භර දී ඇත. එසේ භාරදීමට කලින් විපක්‍ෂ මන්ත්‍රීවරුන් කිහිප දෙනකු මැදමූලනට ගොස් කතානායක හමුවී ඇති බව ද වාර්තා වෙයි. විරුද්ධ පක්‍ෂය කියන ආකාරයට මන්ත්‍රීන් 112 දෙනකු විශ්වාසභංග යෝජනාවට අත්සන් තබා ඇත. ස්වාධීන රූපවාහිනියට අනුව මන්ත්‍රීවරුන් 112 දෙනකු අත්සන් තබා නැත. ඒ 108 වුවත් 20ට වැඩි බව රූපවාහිනියේ සභාපති මහාචාරායවරයා වුව ද පිළිගනු ඇතැයි සිතමි. ස්වාධීන රූපවාහිනිය අද වැටී තිබෙන තත්ත්වය එයින් පැහැදිලි වෙයි. ඔවුන් අදහස් කෙළේ විශ්වාසභංග යෝජනාව නීත්‍යානුකූල නොවන බවට ජනතාව තුළ සැකයක්් ඇති කිරීමට ද?

කර හැර යෑම

කර හැර යෑම

අද රට අවුලක වෙයි. කවුදෝ කීවාක් මෙන් ආණ්ඩුවක් ඇත්තේ සියඹලාණ්ඩුවේ පමණකි. මෛත්‍රිපාල සිරිසේන අද රතන හිමියන්, චම්පක, ප්රාජිත, නිමල් සිරිපාල, එස් බී දිසානායක වටකර ගෙන රනිල්ට හා මහින්දට බියෙන් ජීවත් වෙයි. එහෙත් ඔහු සියල්ලන්ට වඩා බටහිරට බය වෙයි. ඔහු බටහිරයන් ක්‍රියා කරන ආකාරය, ඔවුන් තමන්ට අවශ්‍ය රාජ්‍ය නායකයන් පත්කරන ආකාරය, තම ප්‍රතිපත්ති ක්‍රියාත්මක නොකරන විට ඒ රාජ්‍ය නායකයන් ම හොඳින් හෝ නරකින් හෝ ඉවත්කරන ආකාරය දනියි. 

ජීවිතයේ අරුත හා පට්ටපල් බොරු (විදුසර ලිපියක සංස්කරණයකි)

ජීවිතයේ අරුත හා පට්ටපල් බොරු

මා විදුසර හා දිවයින පුවත්පත් සමග සම්බන්ධ වූයේ එහි ආරම්භයේ සිට ම ය. ඒ පුවත්පත් යම් ජාතික මතවාදයක පිහිටා කටයුතු කෙළේ ය. ජාතික මතවාදයක් රටේ ප්‍රචලිත කිරීමට ඒ පුවත්පත්වලින් සිදු වී ඇති සේවය අති මහත් ය. මේ පුවත්පත්වලට මුල සිට ම එල්ලවූ තර්ජන බොහෝ ය. එහෙත් පුවත්පත් ඉදිරියට ම ගියේ ය. දෙමළ ජාතිවාදයට, බෙදුම්වාදයට හා ත්‍රස්තවාදයට එරෙහිව කරගෙන ගිය අරගලය නන්දිකඩාල් කලපුවේ දී යම් ප්‍රමාණයකට ජයග්‍රහණය කෙළේ ය. එහෙත් සටන කෙළවර වී නැත. දෙමළ ජාතිවාදය පරාජය කළ යුතුව ඇත.

රට අවුල් කරන මෛත්‍රිපාල

රට අවුල් කරන මෛත්‍රිපාල

අද මෙරට අරාජික ය. පාර්ලිමේන්තුව විසුරුවා හැර නව පාර්ලිමේන්තුවක් පත්කර ගැනීම තවත් පමා කිරීමට නො හැකි ය. ජනවාරි 8 වැනි දා පැවති ජනාධිපතිවරණයෙන් පසු එසේ කළ යුතුව තිබිණි යැයි මම නො කියමි. එදිනට පසුදින කළ යුතුව තිබුණේ දි මු ජයරත්න අගමැති ලෙසත් අනෙක් ඇමතිවරුන් ඒ ඒ තනතුරුවලත් කටයුතු කරද්දී මෛත්‍රිපාල සිරිසේනගේ නායකත්වයෙන් කැබිනට් මණ්ඩලය පවත්වාගෙන යෑම ය. අවශ්‍ය නම් ඇමති මණ්ඩලය වෙනස් කර සංධානයේ තවත් මන්ත්‍රීන් එකතුකර හෝ අඩුකර හෝ ආණ්ඩුව පවත්වාගෙන යා යුතුව තිබිණි.